Shqipëria do të pranojë të burgosur të tjerë nga Burgu i Guantanamos

[Hyllien]

Kinezet muslimane, 20 vende refuzojne kinezet, Washingtoni zgjedh Tiranen. Mustafai, shtyn viziten zyrtare ne Kine
Nga E. Canga/D.Bonollari


TIRANE (10 Maj)

Muslimanet kineze, Pekini anulon vizitat me Tiranen

Ora 12:40-Mosekstradimi i 5 shtetasve kineze qe ndodhen ne Shqiperi, shkakton embargon e pare ne mardhenien diplomatike mes dy vendeve. Sipas informacioneve me te fundit te siguruara nga News 24 behet e ditur se Pekini zyrtar ka anulluar te gjitha vizitat e perfaqesuesve te qeverise kineze ne Shqiperi. Njoftimi ben te ditur se nje nga zevendesministrat e Kines do te mberrinte neser ne Tirane per te zhvilluar takime me drejtues te larte te shtetit, por pas ngjarjeve te fundit, zyrtari i larte ka marre urdher te anulloje kete vizite te paralajmeruar.

Por, konflikti i krijuar mes shtetit shqiptar dhe Kines shkon edhe me tej. Qeveria e Pekinit ka ndaluar cdo perfaqesues te vendit tone te zhvilloje takime ne Kine. Aktualisht mesohet se zevendesministri i energjitikes Eno Bozdo dhe drejtori i pergjithshem i doganave ndodhen ne Kine per te zhvilluar takime me autoritetet e ketij vendi. Por duke filluar qe sot, keto takime nuk do te realizohen dhe funksionaret e shtetit shqiptar nuk do te jene te mirepritur. Konflikti mes dy shteteve filloi pak dite me pare, kur Kina perseriti kerkesen qe 5 shtetasit e saj qe ndodhen ne Shqiperi te ekstradohen pasi dyshohen se kane lidhje me terrorizmin. Por qeveria shqiptare duke marre edhe sugjerimin e Shteteve te Bashkuara te Amerikes ka marre persiper te siguroje azil per shtetasit aziatike, duke krijuar nje hendek te thelle ne mardheniet me Kinen.

Kinezet muslimane, 20 vende refuzojne kinezet, Washingtoni zgjedh Tiranen. Mustafai, shtyn viziten zyrtare ne Kine

Ora 07:10-U eshte refuzuar strehimi nga 20 shtete. Nder ta, edhe vende te Evropes Perendimore, te njohur si aleate historike te Shteteve te Bashkuara. Kerkesa amerikane per strehimin e pese shtetasve kineze me kombesi ujgure ka marre nje “jo, faleminderit” diplomatike nga autoritetet e ketyre vendeve, perpara se te sigurohej “po”-ja shqiptare. “Jo”, i kishte thene dhe Uashingtoni zyrtar mundesise se strehimit ne SHBA te kinezeve. Por ne fund, ne aventuren e ish-te burgosurve te Guantanamos ne Kube, te cilet kerkohen te ekstradohen ne Kine, ‘nderhyri’ Tirana zyrtare. Ajo pranoi ardhjen e pese kinezeve te sherrit, te cilet tashme jane shnderruar ne nje gur sherri qe duket se po peshon ne marredheniet e Shqiperise me vendin e madh aziatik, partneri i katert ne shkembimet ekonomike te vendit.

Dje, media amerikane ka zbuluar nje liste me emrat e plot 20 shteteve, kryesisht te Evropes Perendimore, me te cilet eshte negociuar per te zgjidhur problemin e kinezeve ujgure, qe i perkasin fese muslimane. Ne kete liste ndodhen dhe vende si Turqia, me maxhorance absolute te popullsise muslimane apo dhe si Gjermania, qe ka nje berthame te tille, te krijuar kryesisht nga emigracioni turk ne kete vend. Ne liste bien ne sy dhe vendet nordike, Suedia dhe Finlanda, por dhe Zvicra e te tjere. E perbashketa e te gjithe ketyre vendeve eshte se ata kane marre fillimisht nje oferte zyrtare nga Shtetet e Bashkuara qe te beheshin pale pritese, por dhe zgjidhje per problemin e kinezeve ujgure.

Te pestet e kishin te pamundur jo vetem qendrimin e metejshem ne Guantanamo – ata kishin fituar pafajesine e tyre nga drejtesia amerikane – por kishin njekohesisht te pamundur dhe largimin prej burgut, pa u gjetur me pare nje vend strehues. Refuzimi i 20 vendeve te demokracive Perendimore, beri qe t’I vije rradha Shqiperise. Edhe per Tiranen zyrtare pati nje oferte nga Uashingtoni per t’u bere mikpritesi i pese kinezeve, ujgure etnike. Nuk dihen shume hollesi per natyren apo kohen kur kane filluar negociatat, por Tirana e tha “po”-ne e saj. Miratimi i kerkeses amerikane u pasua me udhetimin drejt aeroportit te Rinasit te te pesteve, qe tashme kane nisur dhe procedurat per te kerkuar azil politik ne Shqiperi, si nje perpjekje e bazuar ne te drejten nderkombetare dhe qe do te pengonte kthimin e tyre ne Kine. Ne fakt, Pekini zyrtar, nepermjet ambasadorit kinez ne Tirane, kerkoi dy dite me pare dorezimin e te pesteve, nen pretendimin se ata jane terroriste dhe anetare te organizates terroriste “Turkistani Lindor”. Tirana zyrtare ka konfirmuar se pergjigja e saj do te zbatoje te gjitha konventat nderkombetare te parashikuara ne raste te ngjashme.
Ende eshte e veshtire te parashikohet se si do te mberrihet ne fundin e kesaj historie; nje nga te paktat gjera te sigurta per momentin eshte qe Tirana ka tre muaj kohe qe te shqyrtoje kerkesen e kinezeve ujgure etnike per strehim politik, qe t’I thone “po ose jo” Pekinit zyrtar per ekstradimin e tyre.

Mustafai, shtyrje misterioze e vizites zyrtare ne Kine

Tashme qe kriza e refugjateve kineze te sjelle baza e Gunatanamos ndodhet ne pikun e saj, dalin te tjera detaje diplomatike ne siperfaqe, te cilat hedhin dyshime te metejshme mbi stadin aktual te marredhenieve mes Shqiperise dhe Kines. Burime diplomatike prane Ministrise se Puneve te Jashtme i thane dje Gazeta Shqiptare se ministri i jashtem Mustafai ka shtyre para disa javesh viziten zyrtare qe duhej te kryente ne Republiken Popullore te Kines. Burimet thane se vete zoti Mustafai i komunikoi ne mesin e muajit prill ambasades kineze ne Tirane, vendimin per ta shtyre “ne vjeshte” viziten e tij ne Pekin.
Skenari qe shpaloset pas ketij zbulimi te fundit eshte mjaft i dyshimte. A ka lidhje vendimi i mesiperm me ardhjen e grupit te kinezeve-talebane ne Shqiperi? A e dinte zoti Mustafai ne momentin qe vendosi shtyrjen, ate qe do te ndodhte pak kohe me vone me grupin ne fjale?
E veshtire te pohohet me siguri, por te gjitha gjasat duken se diplomacia shqiptare ka pasur dijeni prej kohesh per kete gjest delikat te kerkuar nga autoritetet amerikane. Megjithese MPJ mbron deri tani tezen e cuditshme se pese shtetasit kineze u paraqiten spontanisht ne piken kufitare te Rinasit, dihet se ky ka qene nje operacion i koordinuar. Ndoshta duke perfshire edhe detajin deri tani te panjohur: shtyrjen e vizites se ministrit te jashtem shqiptar ne Kine.

Pekini: Shqiperia dhe SHBA po shkelin konventat e OKB

Shqiperia dhe SHBA duhet te kthejne sa me shpejt ne Kine pese ujguret, qe vijne nga Turkistani lindor e qe dyshohen per terrorizem”. Pekini zyrtar kerkoi dje me ngulm riatdhesimin e pese ujgureve qe mberriten fundjaven e kaluar ne Shqiperi nga burgu famekeq i Guantanamos. Zedhenesi i Ministrise se Jashtme kineze, Liu Jianchao tha se “pese ujguret qe u strehuan ne Shqiperi jane te dyshuar per terrorizem dhe se Kina kerkon qe ata te kthehen sa me shpejt ne vendin e tyre”. Pekini nuk i ka bere te ditur dje emrat e shtetasve te tij, qe i konsideron si terroriste, por Uashingtoni njoftoi dje se ata jane Abu Bakker Qassim, Adel Abdu Al Hakim, Ahtar Qassim, Ayup Haji Ahmet dhe Ahmet Doe. “Pese kinezet qe u pranuan nga pala shqiptare nuk jane refugjate, por te dyshuar per terrorizem qe vijne nga Turkistani Lindor”, tha zedhenesi ne nje konference per shtyp ne Pekin. “Une mendoj se ata duhet te kthehen ne Kine”, tha Liu, duke shtuar se “veprimet e pales amerikane dhe asaj shqiptare jane shkelje e rende e ligjeve nderkombetare dhe rezolutave te OKB-se”. “Ne jemi kunder kesaj shkeljeje. U kemi paraqitur qendrimet tona ketyre paleve dhe u kemi bere thirrje te kthejne pese te dyshuarit per terrorizem sa me shpejt”, shtoi ai. Ky eshte reagimi i dyte i Pekinit, brenda dy ditesh, pasi pese kinezet ujgure qe ishin mbajtur ne burgun e Guantanamos per pese vjet u strehuan ne Shqiperi.
Akuzat e Kines
Pese kinezet jane anetare te Levizjes Islamike te Turkistanit Lindor, me qender ne provincen Xinjiang te Kines, ku ujguret “luftojne” per nje shtet te pavarur nga qeveria qendrore. Sipas Uashingtonit, kjo nuk ishte, megjithate, nje arsye, per t’i mbajtur pese ujguret ne burgun e Guantanamos. Por Kina i akuzon separatistet ne Xinjiang, perfshi ketu edhe kete levizje, per me shume se 200 sulme terroriste mes viteve 1990-2001. Autoritetet kineze thone se ky grup, ne te cilin bejne pjese edhe pese azilantet, ka sulmuar autobuse dhe institucione qeveritare, kane vrare zyrtare lokale, lidere myslimane dhe civile si dhe kane shkaterruar biznese duke sjelle per pasoje 160 te vdekur dhe 440 te plagosur. Dje zedhenesi i Ministrise se Jashtme kineze deklaroi se organizata ka lidhje te ngushta me Al-Kaeden dhe talebanet. Liu deklaroi se “forcimi i bashkepunimit nderkombetar kunder terrorizmit i pergjigjet interesave te Kines dhe vendeve te tjera”. “Palet e perfshira ne kete ceshtje duhet te shtojne bashkepunimin dhe jo ta reduktojne ate”, deklaroi ai.

Ujguret, kriza mund te preke 150 milione dollare shkembime

Ashtu si pothuaj ne te gjithe cepat e globit, edhe ne Shqiperi, mallrat kineze kane nisur te zene pjesen e luanit ne importe. Sipas te dhenave te Qendres Shqiptare per Tregtine Nderkombetare, ACIT, ne vitin 2005, vendi i madh aziatik ka zene vendin e katert per marredhenie tregtare me Shqiperine, duke u renditur pas Italise, Greqise dhe Turqise. Por me e rendesishme behet kjo marredhenie tregtare, po te shihet rritja e shpejte e saj. Ne vitin 2002, Kina zinte vendin e 20-te, ne vitin 2003 vendin e tete dhe ne 2004 vendin e peste. Kjo rritje e shpejte i dedikohet kryesisht cmimeve te lira te mallrave kineze dhe zhvillimit ekonomik qe po njeh Kina vitet e fundit. Nje pjese e mire e tregtareve shqiptare kane siguruar lidhje me fabrikat prodhuese ne Kine duke siguruar mallra te leverdisshem dhe cilesore per tregun shqiptar. Gjithnje sipas ACIT, ne vitin 2005 nga Kina jane eksportuar 3.2 milione dollare mallra, nderkohe qe importi ze nje shume prej 150 milion dollaresh. Nder produktet me te importuara nga gjigandi aziatik ne Shqiperi, vendin kryesor e zene makinerite elektronike me nje shume prej rreth 52 milione dollaresh dhe me pas tekstilet dhe nenproduktet e tyre me rreth 17.8 milione USD. Fale lehtesirave hyrese, Shqiperia eshte kthyer prej disa vitesh edhe ne nje vend mikprites per punetoret kineze. Krahet e lire te punes kineze, perdoren kryesisht ne industrine e ndertimit te pallateve, sektorit me te zhvilluar ne vendin tone.

Akuza dhe mbrojtja per grupin ujgur

Keshilli per Marredheni et e Jashtme ne SHBA, nje organizate e pavarur qe merret me shqyrtimin, analizimin dhe diskutimin e ceshtjeve globale dhe ngjarjeve nderkombetare ka organizuar keto shtate pyetje-pergjigje per te njohur me mire organizaten e pese ujgureve.
1. Cfare eshte Levizja Islamike e Turkistanit Lindor?
Nje grup i vogel separatistesh myslimane me qender ne provincen Xinjiang te Kines, nje rajon me popullsi jo shume te madhe ne kufi me disa vende si Afganistani dhe Pakistani. Levizja Islamike e Turkistanit Lindor (ETIM)eshte nje nga grupet me ekstremiste te themeluara nga ujguret, nje popullsi turqishtfolese qe kerkon nje shtet te pavarur me emrin Turkistani Lindor. Regjimi komunist ne Kine qe i frikesohet ndarjes se mundshme te vendit ne rast se levizjet separatiste fitojne terren, e ka quajtur kete levizje si grup terrorist; pas 11 shtatorit Pekini njoftoi se levizja kishte lidhje me Al-Kaeden. Ne gusht te vitit 2002, pas disa muajsh presion nga Pekini, administrata Bush pranoi te ngrinte llogarite amerikane te grupit. Por, ekspertet thone se informacionet per kete grup eshte veshtire te gjenden dhe se ata vete nuk jane dakord me konsiderimin e ketij grupi si organizate terroriste.
2. A ka lidhje ETIM me Al-Kaeden?
Zyrtaret amerikane dhe kineze thone se ka, por disa eksperte jane me pak te sigurt. Departamenti i Shtetit ka njoftuar se ETIM ka nje lidhje te ngushte financiare me rrjetin terrorist te Osama Bin Ladenit. Zyrtaret amerikane thone se kane mbledhur informacion per militantet ujgure te lidhur me Al-Kaeden, nga nje grup ujguresh te arrestuar ne Afganistan dhe qe tani mbahen te burgosur ne Guantanamo te Kube. Ne janar te vitit 2000, nje studim i qeverise kineze tregoi se ETIM-i kishte perfituar para, arme dhe mbeshtetje nga Al-Kaeda. Sipas raportit, anetaret e levizjes ishin trajnuar nga Al-Kaeda ne Afganistan, kishin hyre ne provincen Xinjiang dhe kishin ngritur atje baza terroriste. Ndersa ekspertet pranojne se qindra ujgure jane larguar nga Kina per te hyre ne radhet e Al-Kaedes dhe talebaneve ne Afganistan, disa specialiste kineze kane dyshime per lidhjet e levizjes me Al-Kaeden. Pekinit ka nje histori te gjate te falsifikimit te datave, - thone ata, - dhe qe pas 11 shtatorit, kinezet jane perpjekur ta perforcojne fushaten kunder ujgureve, duke e lidhur ate me luften e SHBA-se kunder terrorizmit dhe ne kete menyre te bejne qe SHBA-ja te heqe dore nga protestat kunder Kines lidhur me fushaten e shtypjes ne Xinjiang. Lideri i levizjes, Hahsan Mahsum ka hedhur poshte cdo lidhje me Al-Kaeden.
3. A i ka kjo levizje ne shenjester amerikanet?
Departamenti i Shtetit thote se po. Ne maj te vitit 2002, dy anetare te levizjes u debuan Kirgistani ne Kine, pasi dyshohej se ata po pergatisnin nje atentat kunder Ambasades Amerikane ne Bishkek si dhe interesave amerikane jashte shtetit.
4. Cfare atentatesh ka bere grupi?
Ne nuk kemi dijeni per atentatet specifike te kryera nga ETIM-i, por Kina akuzon separatistet ne Xinjiang, perfshi ketu edhe kete levizje, per me shume se 200 sulme terroriste mes viteve 1990-2001. Autoritetet kineze thone se terroristet kane sulmuar autobuse, tregje dhe institucione qeveritare, kane vrare zyrtare lokale, lidere myslimane dhe civile si dhe kane shkaterruar biznese duke sjelle per pasoje 160 te vdekur dhe 440 te plagosur.
5. Pse SHBA e vendosi kete levizje ne qender te vemendjes?
Ekspertet nuk kane te njejtin mendim. Departamenti i Shtetit thote se qendrimi i ashper u ndermor ne momentin kur pati prova se ETIM-i kishte lidhje financiare me Al-Kaeden dhe kishte ne shenjester interesat amerikane ne bote. Por disa eksperte thone se kjo politike e SHBA-se kishte per qellim permiresimin e marredhenieve me Kinen. SHBA-ja ka akuzuar Kinen per shkeljen e te drejtave te njeriut ne provincen Xinjiang dhe i ka rezistuar lidhjes se sulmeve te 11 shtatorit me fushaten e Kines kunder separatizmit ujgur. Por ekspertet vene ne dukje ceshtjen e kohes; Fushata e SHBA-se kunder levizjes u ndermor kur SHBA-ja u perpoq te parandalonte veton e Kines ne Keshillin e Sigurimit per ceshtjen e Irakut, pasi Kina vendosi te perforconte rregullat e ekspertit te teknologjise se raketave dhe para vizites se presidentit kinez, Jiang Zemin ne SHBA ne vitin 2002.
6. A “lufton” Kina kunder grupeve separatiste?
Po, madje ne menyre shume te ashper. SHBA-ja e ka akuzuar Kinen se po perdor luften kunder terrorizmit si nje pretekst per mbeshtetje politike ne Xinjiang. Ne kete rajon, pas 11 shtatorit, jane burgosur mijera militante, eshte derguar ushtria dhe kane shkelur te drejtat e njeriut qe mbrohen me Kushtetuten e Kines.
7. A duan te gjithe ujguret te ndahen nga Kina?
Jo. Ekspertet thone se disa ujgure kerkojne pavaresine e plote, te tjere duan autonomi me te madhe dhe mbrojtje nga shkelja e te drejtave dhe abuzimeve e diskriminimit. Shume ujgure qe praktikojne nje forme te moderuar te islamit, akuzojne autoritetet kineze per shkelje te te drejtave. Ekspertet thone se rebelimi i ujgureve eshte rritur se fundmi, por shume nuk besojne se kerkesat e tyre paraqesin rrezik per Kinen, ata mendojne se keto jane grupe te vogla dhe nuk mund te organizojne nje fushate te madhe, dhe jo me te dhunshme.

(Gazeta Shqiptare/Balkanweb)

[Hyllien]

Me sa duket u prishen marredheniet dipllomatike. Ky acarim Kinez nuk durohet mo. Kane ardhur tek ne ne kohen e Hoxhes, megjithmend qe kane ndihmuar, por nga ana tjeter kane vjedhur cdo teknologji qe perendimi sillte ose kishte sjellur, nenstacionet Italiane, makinerite Suedeze etj ejt. Tregti kan pas, deren e kan pas hapur gjithmone tek ne, se kuptoj ket "ftofje" te ketyre direkt sikur car i ka ndodhur. Sja mbante sumcja me u krrujt me Washingtonin 5 vjet e gjeten Shqiperine qe ti prishin marredheinet. Ky esht turp.

[Kryeplaku]

Me sa duket u prishen marredheniet dipllomatike. Ky acarim Kinez nuk durohet mo. Kane ardhur tek ne ne kohen e Hoxhes, megjithmend qe kane ndihmuar, por nga ana tjeter kane vjedhur cdo teknologji qe perendimi sillte ose kishte sjellur, nenstacionet Italiane, makinerite Suedeze etj ejt. Tregti kan pas, deren e kan pas hapur gjithmone tek ne, se kuptoj ket "ftofje" te ketyre direkt sikur car i ka ndodhur. Sja mbante sumcja me u krrujt me Washingtonin 5 vjet e gjeten Shqiperine qe ti prishin marredheinet. Ky esht turp.

Qe beme gabim nuk ka dyshim!

Nga andej e tutje mire do bente Sala qe sic i hyri ashtu dhe t'i dali edhe per zot ketij muhabeti dhe mos te pesojne gje ujguret se do behemi me karagjoze se c'jemi bere!

Sidomos mbas ketij lajmit:







Departamenti i Shtetit tha dje se veprimi i Shqipërisë, për të pranuar pesë kinezët, është humanitar

SHBA: Vlerësojmë qëndrimin e Tiranës


D. Ndrenika

TIRANË- Shtetet e Bashkuara thanë dje se pranimi i pesë kinezëve nga Shqipëria është një akt njerëzor dhe se e vlerësojnë qëndrimin e Tiranës, për të cilën shtojnë se është aleate strategjike në Ballkan. Sipas Departamentit amerikan të Shtetit, “Shqipëria vendosi t'i pranojë 5 shtetasit kinezë për arsye humanitare, në një gjest që flet edhe për marrëdhëniet e ngushta midis dy vendeve”. “Zëri i Amerikës” citoi për këtë zyrtarin e administratës së presidentit Xhorxh Bush, zëvendëskëshilltarin ligjor në Zyrën për Krimet e Luftës në Departamentin e Shtetit, Sam Witten. Kjo zyrë merret me çështjen e të liruarve nga Burgu Guantanamo. Zyrtari Witten saktësoi se “pas lirimit të pesë qytetarëve kinezë, Shtetet e Bashkuara i paraqitën kërkesë një numër vendesh për t’i pranuar ata”, duke shtuar se “vetë shtetasit kinezë të etnisë ujgure kishin shprehur dëshirën që të dërgoheshin në një vend evropian“. “Pesë shtetasit kinezë, të liruar nga burgu amerikan në Guantanamo të Kubës, u pranuan nga Shqipëria me kërkesë të qeverisë amerikane. Departamenti i Shtetit tha se Shqipëria vendosi t'i pranojë 5 shtetasit kinezë për arsye humanitare në një gjest që flet edhe për marrëdhëniet e ngushta midis dy vendeve. Shtetet e Bashkuara e vlerësojnë pranimin nga ana e Shqipërisë të pesë shtetasve kinezë si një gjest humanitar”, -njoftoi “Zëri i Amerikës”. Duke iu referuar qëndrimeve të Uashingtonit, saktësohej më tej se Departamenti i Shtetit “shpreh kënaqësinë që Shqipëria e pranoi kërkesën, pasi duke qenë një vend që e respekton lirinë fetare, do t’u krijojë atyre mundësinë të praktikojnë lirisht besimin e tyre“. Zëvendëskëshilltari ligjor, Witten, ka përkujtuar se Shtetet e Bashkuara e vlerësojnë Shqipërinë si një partnere strategjike në rajonin e Ballkanit dhe se bashkëpunimi ndërmjet Tiranës dhe Uashingtonit është pozitiv. Witten shpjegoi mandej, pasi Kina ka kërkuar ekstradimin e pesë shtetasve, të cilët i akuzon si terroristë ndërkombëtarë, ngase pretendon se kanë lidhje me talebanët dhe Al Kaedën, se “ata u liruan nga burgu Guantanamo, pasi një komision i posaçëm që po shqyrton akuzat e ngritura ndaj të burgosurve arriti në përfundimin se ata nuk përbëjnë aktualisht rrezik“.





10/05/2006 Shekulli

[Lunesta]

Veprim humanitar thote dep i shtetit amerikan. Pse si mbajti vete USA atehere qe te merrte vete kredit per veprimin humanitar?

Politika eshte kopile dhe ne spo dime te luajme si te tille. As qe kishim pse ngaterroheshim fare me kete mesele, dhe ja tani na ngeli kopili ne dere. Ose tja dorezojme Kines, ose Iranit a ku di une por mos ti mbajme ne keta kineze qe cdo vend evropian i refuzoi. Jemi bere si zarat e amerikes (qe nuk eshte gje e keqe) por ne kete rast do kemi pasoja. Kina eshte superfuqi per vete dhe skemi pse bejme zarar me ta. Shtriji kembet sa ke jorganin thote populli. Sal Loku i ka shtri kembet sa koka vet.

[DYDRINAS]

Shqiperia ka bere ne kete rast nje akt te shkelqyer te respektimit dhe mbrojtjes se te drejtave te njeriut.
Per kete ajo duhet pershendetur sepse pranoi te ndermarre nje rrezik kaq te madh, i cili ndoshta do te kete dhe pasoja negative, mirepo pare me ne perspektive ky hap do te kete shume vlere ne faktin se Shqiperia po hyn ne vendet qe mbrojne lirine dhe respektojne dinjitetin njerezor.

Kina dihet boterisht se eshte nje vend komunist, qe shtyp e merr neper kembe lirite dhe te drejtat e njeriut.
Ne Kine nuk ka liri politike, liri fetare, liri te pakicave etj.
Nese Kina ngjan sot me nje gjigant ekonomik, ne fakt kjo eshte vetem e perkohshme, sepse ai vend po zhvillon nje ekonomi tipike si ajo e ish-Jugosllavise se viteve '70-'80.
Nuk ka shtet te vertete demokratik pa ekonomi te tregut te lire dhe shtet te se drejtes, qe mbron dhe respekton lirite e individit.
Nese Kina ka nje zhvillim te shpejte ekonomik (ashtu sic e kishte dhe ish-Jugosllavia dhe ish-BRSS), kjo nuk do te thote se ne nje kohe te afert atje nuk do te kete nje krize ekonomike dhe politike.
Pra zhvillimi i sotem kinez eshte vetem nje fasade e zhgerryer e brendesise diktatoriale, zhgerryerje qe do te nxjerre krye ne nje kohe jo shume te vone dhe qe do te detyroje Kinen te ndermarre reforma politike te detyrueshme ose vendin do ta perfshije kolapsi i plote ekonomik dhe politik.
Pervoja boterore ka treguar se ekonomia e tregut dhe shteti i se drejtes jane dy shtyllat mbi te cilat mund te funksionoje nje vend.

Cuditerisht shume parashkrues me shume rreken te mbrojne Kinen dhe te justifikohen se po i prishim punet me nje "superfuqi"?!
Shqiperia dhe Kina do te kene marredhenie ekonomike, sepse te dy palet kane interesa te perbashketa e ne kete rast Shqiperia nuk ka pse te friket nga qendrimi kinez.
Qendrimi kinez eshte tipik i shteteve te tipit ish-BRSS te viteve paragorbacoviane.

Nese vendet evropiane nuk i pranuan kete "terroriste" kete e bene sepse ata kane interesa te medha ekonomike ne Kine.
Kapitali evropianoperendimor ka derdhur miliarda dollare ne ekonomine kineze (ashtu sic derdhen Italia, Greqia e shume shtete te tjera ne ekonomine millosheviciane) dhe ne kete rast ata i tremben Kines dhe jane te interesuara te ruajne statukuone (njejte sic u veprua me ish-Jugosllavine apo me ish-BRSS-ne dhe Rusine e sotme), mirepo SHBA-te nuk e kane bere nje gabim te tille dhe as kane ndermend ta bejne.
Ata zhvillojne dhe mbajne marredhenie me Kinen si dy shtete qe kane interesa reciproke, mirepo nga ana tjeter SHBA-te nuk i friken Kines, por kane guximin e perhershem qe t'ja thone ne sy faktin e mungeses se lirise dhe te reformave.

Keshtu pra ceshtja e Kines dhe Shqiperise nuk ka asnje aresye te ndervaret me fatin e pese "terroristeve"!

Shqiperia ka bere shume mire qe i ka pranuar, por ne anen tjeter ceshtja e tyre duhet te shihet me seriozitet te plote, konform konventes se Gjeneves dhe nese vertetohet se ata jane thjeshte refugjate politike, atehere duhet t'ju jipet kjo e drejte dhe shteti e shoqeria shqiptare te respektojne te drejtat e tyre dhe te cdo personi tjeter qe do te beje nje kerkese te ngjashme, qofte ai kinez, kurd apo cfaredo tjeter.
Shqiperia me ne fund po meson te pranoje te marre pergjegjesi dhe prej saj ajo po meson qe te behet nje lojetar i rendesishem dhe nje partner i besueshem i botes se lire.

[Borix]

SHBA eshte PIMP i Shqiperise kur bie fjala tek politika. Une mendoj qe te pese uighur-et duhen ekstraduar menjehere ne Kine, sepse aty e kane vendin. Nuk eshte shkelje e te drejtave te njeriut, sepse Kina eshte shtet i fuqishem sovran me nje kushtetute te konsoliduar (pavaresisht nga ideologjia politike). Per kete arsye, Kina mund te na trajtoje ne (3 milion kokrra) si nje hotel te vetin... Une nuk dua t'i revoltohemi Kines apo te prishim marredheniet politiko-ekonomike me te. Me SHBA eshte e sigurt qe nuk do te prishen, sepse sic thashe ne fillim te ketij paragrafi, SHBA eshte protektori i Shqiperise...

[Kryeplaku]

Kina eshte superfuqi per vete dhe skemi pse bejme zarar me ta. Shtriji kembet sa ke jorganin thote populli. Sal Loku i ka shtri kembet sa koka vet.

Te vetmet perandori te historise se njerezimit qe gezojne epitetin superfuqi jane SHBA dhe ish Bashkimi Sovjetik (qe nuk ekziston me)!

Nese Kina behet pas nja 200 vjetesh superfuqi, pak na intereson (se deri atehere mbase nuk ekzistojne as ujguret e as shqiptaret)!

Sot na intereson Kosova dhe imazhi i Tiranes!

Kosoven e plagosem jo sepse iu ndryshua mendja e felliqur Pekinit por sepse gjeten pretekstin qe kerkonin!

Pra megjithese beme gabim Pekini do e bente te veten (e them kete me pak dsyhime) keshtu ajo qe na mbetet eshte imazhi i Tiranes!

Dhe meqenese Uashingtoni na i futi bukur me ate lajmin qe solla me siper atehere eshte detyre qe Tirana mos te zhgenjej Uashingtonin!

Dhe nese jemi ne pyetjen t'ia prishim Uashingtonit apo Pekinit, te siguroj se nuk ekziston asnje medyshje per pergjigjen!

Uashingtoni ka shume te keqija per te cilat po cirremi une e shume te tjere ne ket forum por aman ka me shume mundesira se Pekini -krahasim i pavlefshem ky- dhe e ka treguar se di te shperblej me mire se komunistet sovjetiko-kineze!

[Lunesta]

Politika o kryeplak nuk eshte prishja njerit e nderqja tjetrit. Politika eshte kopile, qingji mire pi ne dy nena thote populli, e jo qingji mire do nje nene e ben lanet tjetren. Kapish??

Ne kete rast ne nuk do prishnim merredheniet me USA po te refuzonim per arsye gjeopolitike pranimin e ketyre te 5teve. Maredheniet me USA jane te konsoliduara, por ne si ata pioneret e zellshem marrim persiper cdo gje per te impresionuar te zotin (USA) ne kete rast. Kjo quhet politike diletante, politike spontane, jo politike e kalkuluar dhe vizionare.

[Hyllien]

Berisha dhe pokeri kinez



-nga Ilir Kulla

1.Kryeministri aktual i Shqiperise mes shume gjerave per te cilat levdon veten, thote se shquhet edhe per faktin se nuk di te luaje bixhoz dhe nuk e ka bere kurre ne jeten e tij kete gje. Ndryshe nga paraardhesi i tij Fatos Nano, ai nuk di se c’eshte loja e blek xhekut, nuk di c’eshte pokeri apo dhe loja e derrit mac apo macit te zi qe te ngelet ne dore. Pa dyshim qe Doktori nuk ka luajtur asnjehere as edhe ne roulete. Si i tille ai eshte nje njeri qe veshtire se hyn ne lojra qe atij vete nuk i jane shume te qarta ne jete. Megjithate duhet te jemi realiste edhe doktorit si dhe te gjithe politikaneve te tjere i duhet ta njohe bixhozin, pavaresisht se ndoshta nuk eshte mire te loze parate e tij ne lojra fati.

2.Ne kete historine e kinezeve te Guantanamos ka shume te panjohura, njelloj si ne nje loje bixhozi. Por e panjohura me e madhe e kesaj loje eshte shkaku dhe arsyeja qe e detyroi doktor Berishen ta fuste kete sherrin e kinezeve ne shtepine e vet, ne Shqiperi, ku kryeminister eshte vete ai.
Ne 2003, ne menyre fare te paqarte, policia arrestoi ne Diber dhe solli ne Tirane Gafur Adilin dhe Taip Mustafen ky i fundit deri atehere i panjohur. Ne ate kohe pati shume njerez qe e kundershtuan kete arrestim (perfshi dhe autorin e ketij shkrimi) per shkak se mendonin se ky veprim do te perfundonte ne fiasko dhe do te faktorizonte FBKSH-ne dhe AKSH-ne deri atehere fantomatike. Ne ate kohe thuhej nen ze nga policia dhe SHISH se arrestimi ishte bere nga nje nderhyrje e nje diplomati te huaj qe ambasaden e ka diku tek rruga e Elbasanit.

Ne fakt tani pas tre vitesh ajo histori perfundoi me Gafur Adilin te pafajshem dhe faktor politik. Me shtetin qe duhet t’i paguaje nje shume te madhe parash zoterinjve ne fjale. Ne fund Gafuri ka shkruar dhe prezantuar disa libra nje nder te cilet me titullin “Nena me lindi, Shqiperia me rilindi”. Ah, natyrisht diplomati ne fjale eshte larguar i promovuar per nje rang me te larte nga Shqiperia diku gjetke.

3.Kur behet nje marreveshje normalisht merret dhe jepet dicka. Do te ishte per te ardhur keq nese Berisha do ta kishte kryer kete “bamiresi” vetem per te marre nje deklarate me dy rreshta nga Departamenti i Shtetit. Ne rastin konkret, ne rast se Shqiperia do te duhej t’i kerkonte dicka konkrete Shteteve te Bashkuara ne shkembim te strehimit te pese kinezeve, mund t’i kishte kerkuar pershembull rikthimin ne Shqiperi te 11 shtetasve shqiptare te izoluar ne Kandahar dhe te mberritur atje prej Jemenit. Po natyrisht qe ne kete rast nuk ka patur marreveshje, ka patur vetem nje veprim te njeanshem. Ashtu si ne rastin e Gafur Adilit, ka patur nje ngecje diplomatike dhe me siguri mund te perfundoje me nje bonus diplomatik, kur diplomati apo diplomatet qe e kane kurdisur te ikin nje dite nga Shqiperia. Me siguri tashme kryeministri e ka kuptuar se haraci kinez mund te jete shume i larte per Shqiperine dhe Kosoven, por tani do te ishte me keq te terhiqej. Si Kina, ashtu dhe SHBA-te, jane anetare te perhereshme te Keshillit te Sigurimit te OKB-se. Nje sanduic mjaft i sikletshem diplomatik per Doktorin dhe qeverine e tij.

Ketu rikthehemi edhe nje here tek bixhozi dhe tek diferenca mes Nanos dhe Berishes, e cila qendron tek fakti se Nano e njeh mire Macin e Zi. Ne fakt ne nentor te 2002 Nano refuzoi hyrjen ne Shqiperi te disa ceceneve te pakendeshem per Rusine, duke e shmangur “Derrin e Zi” nga dora e tij. Shpresojme qe prej tani e tutje doktori yne e ka mesuar se c’eshte karta e “Macit te Zi”!.

[Borix]

Doktori yne - kryeministri aktual - s'di ku ka koken...