Ditari im.

[2043]

E hene 3.qershor.1991..ora 18.25.
Dje e lashe ditarin pergjysem nga qe me ra zilja e telefonit. Mimi me tha se do te vinte te me merte sot ne mengjes vete me makine. Sot ne mengjes erdhi, kontrolloi tere arat e tij me ullishte e peme te tjera. Une i lava makinen, se ishte bere gjithe tym, pastaj e leviza nga vendi; edhe indjetro edhe perpara, dhe e nxora ne rruge. Ishte hera e pare qe nisja makine, dhe si here e pare s`ishte keq. Vete e ndeza makinen, vete e fika, kur Mimi kontrollonte arat prapa shtepise. U vesha dhe shkuam bashke ne Korinth. Pame edhe nje here antenen . Tv i Mimit u rregullua , por u prishen stacionet e zonjes. S`ka gje , une kete pune kam. Duhen argalite(veglat) , - i thashe me kete rast per instrumentin dhe veglat e punes. E s`ka gje , e shikojme neser me tha. Me dha 1000 dhrahmi, me bleu edhe gjysem pule te pjekur, patate te skuqura dhe 2 buke-gjithsej nja 900 dhrahmi dhe u nisa per ne ksamil. Pres te me rregulloje pune. I thashe Mimit, - Dua te ha me duart e mia. – Mos u merzit, - me tha, - jam une ketu. Nuk e di arsyen , pse ky njeri , sa here qe e shikoj me ngjall besim e shprese? Ndoshta se eshte e vetmja shprese?!

Vazhdon..........

[2043]

E marte 4.qershor.1991. ........ora 19.20.

Sot e bera gjithe diten larje-shplarje. Ne fillim qe ne mengjes pastrova barin perpara shtepise dhe rreth WC e cila kush e di sa vjet ka qe nuk funksionon. Dua ta ve ne kunksionim dhe s`e kuptoj ku i kane kryer nevojat e tyre keta njerez kaq vjet. Pastaj u futa ne govate dhe u lava i teri, lava edhe nderesat dhe pizhamat dhe vajta nga magazina(dyqani) qe kam ketu prane.
Bleva gjysem kile sallam, nje konserve me mish derri dhe nje shishe uje IRIS. E zonja e dyqanit me qerasi me nje camcakiz dhe me nje koka kola 250 ml.(sinco-cola). Kerkon te me terheqi qe te bej pazarin gjithmone ketu. Flet edhe arberisht. Mirepo qirie Mimi me porositi te mos shkoj ne ate magazine(nuk e di perse), mirepo sot shkova per shpejtesi, meqe isha i lare. Pastaj gjithe diten e kalova buke e gjume. Krisanthi erdhi nga ora 17.30, une bej sikur fle. Foli ne telefon me Mimin e ne fund i tha;- Alvanos e ksi e na burses e dhis. Nuk e di se c`donte te thoshte me kete shprehje. Do pyes se cdo te thote. Tani ai ja keputi gjumit per vete. Une pasi loza nje cope here me qente, me ne fund u ula te shkruaj. Nga komshiet perballe e madhja ka filluar te kerkoje te bjeri ne sy. Une vazhdoj variantin tim “indiferent”. Kam vene perpara (ne verande) nje filxhan kafe dhe nje gote uje dhe shkruaj per qefin tim. Kam merak per Liden , si do jete, C`fare do te kete lindur?

Vazhdon..........

[2043]

E merkure 5 qershor .1991...ora 20.30

Sot e pastrova komplet barin perpara shtepise. Ishte rritur shume dhe kisha frike nga ndonje gjarper, se tani po afron vapa. Ne mengjes barba Kosta erdhi dhe me dha 1000 dhrahmi. Nuk doja ti merja , por mi futi ne xhep me zor . E falenderova kete njeri te mire dhe vazhdova punen deri sa zuri vapa, pastaj u futa brenda dhe bera nje supe me makarona. Si here e pere nuk ishin bere keq. Hengra mengjes dhe dreke. Ne vajin e tyre skuqa edhe gjysem kile sallam, kurse brenda supes i hodha (supe pule) paketa te vogla. Ne dreke ja futa gjumit. Ne oren 19. 00 mora ne telefon qirie Mimin , me tha se do vinte ketu. U ngrita , mbarova pjesen e punes qe me kishte mbetur qe ne mengjes me barin dhe u ula te shkruaj, por Mimi s`besoj te vije. E ka variant: -thote do vij dhe nuk vjen. Per darke nuk kam gje fare per te ngrene. Eshte aty nja 300 gr djath kackavall, po ha ate pa buke dhe boll e kam per sot. Kam nisur te bej nje kenge per emigrantin. Refreni eshte ky:
Jam emigrant
..................jo s`e haroj
Se jam i huaj
.................kudo qe shkoj
Jam emigrant
..................jo s`e haroj
Jam i perbuzur
…………..kudo qe shkoj

Tekstin po vazhdoj ta perpunoj.
Ika se dolen mushkonjat.

Vazhdon..........

[2043]

E enjte.6.qershor.1991...ora 22.20

Sot dola psonisa qe ne mengjes. Me 1000 dhrahmi e sigurova ushqimin per nja tre dite. Bleva patate, makarona, bitam(gjalpe), 2 psomi(buke) ena konserve guruni(derri), Ena bukale megalo me uje IRIS dhe u ktheva ne shtepi. Mengjesin e hengra buke te lyer me gjalpe e sheqer. Me kishte marre malli. Ama gjalpe- gjysem kile-213 dhrahmi. Me vajti mendja te ata te shtepise qe marin 1 pako ne muaj (100 gr). Mekat, kur do te behet valle edhe Shqiperia e pasur si gjithe bota. Per darke ngaqe me hipi lezeti, hengra prape buke me gjalpe e me sheqer. Nga ora 20.30 erdhi Mimi . Kishte qene ne Athine dhe ishte lodhur. Pa punen qe kisha bere dhe u kenaq. Me dha 2000 dhrahmi. Me tha se do te vije neser ne mengjes te mare vaj per vajzen qe ka ne Janine. Do te nxjer edhe per ty , - me tha, te mos blesh. (Ben nga 30 kv vaj ulliri cdo vit). Per pune c`u be i thashe. Mos u kseros (merzit), me tha, siga – siga, kam pasur shume pune. Dhe une po duroj , por dy jave i bera ketu si pasha. Rri te rrime.
Sot pasdite Barba Kosta ishte ulur afer shtepise time, vajta i bera muhabet. Nusja e djalit te tij , na solli nga nje kafe dhe nga nje embelsire. Shenje e mire se me respektojne. Frigoriferi me pesoi difekt sot.
Per darke bera supe me makarona. E skuqa ne vaj edhe konserven e derrit te bere feta-feta, U kenaqa. Tani do vazhdoj te mesoj te shkruaj greqisht, pasi te vras me pare ca mushkonja. Te vetmit armiq te mij ne Greqi deri tani .

Vazhdon..........

[FsHaTaRi]

Pse shkruan kaq pak ? Shkruaj me shume se po me treq shume ky ditari jote sa here futem ne forum Ditaren tende do lexoj te parin .

[aska_peja]

Po FsHaTaR, ashtu esht, edhe une dal ne ora tet ne mengjes ne pun, edhe si ta hapi Forumin, i pari qe do ta lexoj osht Ditarin, edhe e kisha lut qet shkrun me shum, sepse nuk me pritet fundi, esht nje gje qe shum po kam deshir me dit, edhe pse nuk me ka interesu kur jeta e dikujt,

[Leila]

2043, jam kurioze te di sa vjec ishe atehere (nqs s'te prish anonimitetin)?

[2043]

E premte.7.qershor.1991.......ora-23.05


Sot qe ne mengjes pastrova dhe vura ne funksionim WC-ne, qe kishte kush e di sa vjet pa u perdorur. Nga ora 09.30. erdhi motra e Krisanthit me gjithe te shoqin. I prita me buzeqeshje, u thashe mos donin kafe dhe meqenese nuk kuptoheshim se c`llafosnim, vazhdova punen. Ajo vuri duart ne koke kur hyri ne dhomen e pisanjosit. Ndoshta nuk duhet ta shkruaj fare sepse dikur do ta lexojne ditarin dhe nuk e di as vete se c`do mendojne , por ne dhomen e tij, e motra gjeti edhe qese me m...t. Pisanjosi e ben ne dhome me sa duket, dhe i hedh nga dritarja. Prandaj aty te qelb era. Edhe kafshet nuk e bejne aty ku flene. O zot , mu shpif.Lere fare se nuk shkruaj dot me.


vazhdon.................

[2043]

Ju falenderoj per mesazhet tuaja ne teme dhe ne m.p. si dhe per reputacionin qe vazhdoni te me jepni per temen.
Do perpiqem te shkruaj sa me shpejt ne ditet ne vazhdim, por te dashur miq edhe une e kam pak kohen te kufizuar prej puneve te mija.
Megjithate ne respekt ndaj lexuesve do te bej c`eshte e mundur .

E djele.9.qershor.1991....ora-19.15.

Sot dola nga shtepia vetem per te blere buke, por buke ne magazine nuk kishte. Kristua (i riu) e pa qe une nuk bleva buke dhe me solli gjysem sa per simera(sot) . Avrio (neser) blej vete. Ne dreke kur Krisanthi doli nga dhoma nje ere e llahtareshme me zgjoi. Hyj ne dhomen e Krisanthit, kur c`te shoh?!. Ne nje qese pisanjosi kishte ndyre perseri brenda ne dhome, dhe qesen me sa duket e ka lene sa te mbushet, pastaj ta heqi. O zot , O perendi , O theos, ku je? Mora ne telefon qirie Mimin t`i thosha , ta shihte vete e te linte ketu o mua, o Krisanthin, por nuk u pergjigj njeri. Si duket nuk eshte ne shtepi. O perendi ne shtepi nuk hyet , te qelb era. Do mar prape ne telefon qirie Mimin. Nuk di se si do t`ia bej? WC-ne e pastrova , e bera drite.

.................................................. ...................................ora 20.15.

Tani sa fola ne telefon me Shqiperine. Me mori babi me Kelen. Lida paska lindur djale. TI RROJE. Donin t`ia vija une emrin, por iu thashe t`ia vene vete. U kenaqa. Ju thashe se jam shume mire dhe te mos kene merak. Doja te flisja me gjate , por ata kishin hall se paguanin shume dhe nuk ndenjen gjate. Oh ,sa u gezova per Liden. Me qirie Mimin fola ne telefon dhe me tha ta mar me vone. Kishte qene ne Janine tek vajza tjeter dhe si duket eshte lodhur dhe eshte shtrire per te fjetur.

[2043]

E hene 10 qershor.1991.ora-20.40

E prita sot gjithe diten qirie Mimin por as nuk erdhi, as ne telefon nuk mori. Pasdite lava carapet dhe nja dy kemishe, si dhe peshqirin, kurse paradite dola bera pazar; bleva patlixhane(qe kushtonin shume per xhepin tim), qepe, hudhra dhe nje koker domate qe kushtoi 80 dhrahmi. Bleva dhe dy buke dhe nje shishe uje IRIS. Per dreke skuqa patellxhanet(nje patellxhan e lashe), u griva hudhra, bera dhe nje sallate me domate dhe qepe, dhe hengra dreke te shijeshme. Per darke po ha buke me gjalpe e me djathe. Bleva dhe nje buke te madhe180 dhrahmi per qente. Me vjen keq per ta, se jane te lidhur e te paperfillur ne k`te bote , ashtu si une. Loli maskarai nuk ja paska dhene Ilirit pakon qe bera per ne Shqiperi. Loli ngelet ai qe ka qene ne Shqiperi, ne mos ca me negativ. Asgje s`mund ta ndryshoje ate njeri. Te shohim se si do caje ne jete.
Kur ta mar ne telefon Liden te dielen tjeter do ti them: -Po ti 3 kg- Ke bere djale , apo ke bere lepur. Do ja them edhe Titit. Ju ne Permet do t`i them, beni lepuj.
Vazhdoj te mesoj greqisht por shume ngadale. Vetem eshte teper e veshtire. , per me teper nje gjuhe qe eshte krejt tjeter nga shqipja, nga latinet thuaj me mire. Duhet medoemos te me ndihmoje dikush, te pakten fillimisht. Megjithate une duroj. (Duro moj zemer duro, sic duron mali me bore).


vazhdon........................