Ditari im.

[dp17ego]

Shenim;

me kane ardhur here pas here mesazhe ironike nga "miq" te ditarit.
Dua t`u them te gjitheve se ditari im mund te jete pek i perlyer me m...t si dhe duart e mija atehere. Por une pranova me mire ti lyej keshtu se sa me gjak si shume te tjere , apo me vjedhje si disa. Pati shume shqiptare ne ate kohe(e ndoshta edhe tani) qe i perlyen duart si une, por ruajten te paperlyer emrin dhe dinjitetin e tyre. Ndersa plot te tjere qe nuk i bene duart pis si ne , i njollosen vetes se tyre dhe ketij vendi te dashur qe ne e quajme Atdhe, emrin e ndritur dhe i vune njolle edhe gjithe bashkatdhetareve te tjere qe perpiqeshin me mund e me djerse te mbijetonin ne ate kohe te veshtire.

Te me falni per daljen nga tema , pasi nuk doja ta beja, por meqe dikur kam bere "pis duart, te pakten tani te pastroj figuren time.

Je i mrekullueshem tek ky ditar...puntor, djali i nje familje te mire shqiptare qe Hoxha e la te varfer me regjimin e tij.
Nje djale i dhemsur, qe cdo pind do t'a desheronte , cdo vlla apo moter e vogel.

Mbi te gjitha nje shqiptar, por shqiptar realist qe sheh edhe grekun e poshter edhe grekun e mire dhe i analozon ata duke i filtruar brenda shpirtit te nome te nje rioshi. Nje shqiptar qe i dhimben shqiptaret , por qe di te dalloje edhe te mirat edhe poshtersite qe ata kane bere dhe bejne. Dhe vuan per kete, dhe trembet nga keto dhe u qendron larg se nuk do qe te ndotet. Por edhe i kritikon brenda tij, dhe i qan shpirti per moshataret e tij qe i kane lejuar vetes keto deformime karakteri


Me pelqen ditari yt or djale, flet per nje shpirt te paster dhe pa indoktrinime false pseudopatriotike. Eshte ditari i nje njeriu qe e sheh jeten dhe e analizon vete, por vete fare...ashtu sic edhe duhet te ndodhe, prandaj edhe eshte aq i paster, si nje burim mali i fresket...

Respekt i dashur mik
DP
Ky ditar eshte shembull i mire per shume ketu ne forum, por disa tallen ose disa perloten; ti mos u trishto.
Edhe ata qe tallen kane vajtur si ti por shpesh nuk duan te kujtojne ato vuajtje dhe fillojne shtypin tastieren dhe shkruajn shpesh pa ditur cfare fjale, reagime instinktive kunder ekzobotes, por nga ana tjeter, duke gelltitur lote te hidhur per jeten e humbur mes vuajtjeve te rritjes dhe burrerrimit.

[2043]

Ok !
Ju falenderoj miqte e mi per mbeshtetjen shpirterore qe me jepni. Sic e kam thene qe ne fillim nuk ishte e lehte per mua qe te merja kete inisiative, por mesa shoh cdo dite e me shume bindem se kam bere mire.


E enjte 02.01.1992.............................ora - 21.30.


Sot vazhduam ne ullinjte poshte , qe jane te rrethuar. Pasi i mbaruam tani po vazhdojme me ullinjte qe kemi afer shtepise. Dje shkova ne dreke nga Mimi. Rregullova antenen, fshiva ballkonin , dhe pasi mora racionin e vitit te ri , ika . Racioni permbante:
1 . Supe orizi me nje gjysem pule,
2 . Pilaf makaronash,
3 . Gjysem kg mish vici,
4 . Gjashte gurabie (te bera nga zonja Mimi.)
5 . Tre birra.

Sot Mimi na bleu me kerkesen tone, por pa deshire dhe bile me nerva sallam, djathe, si dhe nje konserve me dollma. Hengrem mire.
Sot kishte ardhur per te punuar edhe nje shqiptar me te shoqen. Mu duken njerez te mire. Mimi me dha 8000 dhrahmi qe ti paguaja kur mbaruam pune. Ua dhashe parate, por sic me tha Mimi ne telefon , kur kishin shkuar rruges i kishin thene barba Kostes se nuk ishin paguar. Nuk e besoj dot kete gje, mirepo Mimi per kete pune me mori ne telefon tre here dhe te tre heret per te me share. Me tha - vlaka - disa here. dhe ishte i nevrikosur. Nuk i thashe gje , por u bera gati t`ia dhisja nje here mire. Vlaka shqip do te thote qelbesire. Por durova dhe nuk e prisha gojen. Te shoh si do te vazhdoje kjo pune.


vazhdon........................








(Fjala vlaka në shqip përkthehet budalla. Më fal për ndërhyrjen. Peniel)

[2043]

E Premte.03.01.1992.................ora - 22.08.


Bravo i qofte atij shqiptarit, qe nuk me turperoi duke i mare parate dy here barba Spiros. Keshtu ai e une dolem te ndershem , ndersa Barba Spiro doli dy here malaka. Sot Mimi ne nje fare menyre me kerkoi falje per ato qe me kish thene dje.
Sot ishte edhe ne qef pasi kishte ardhur ne pune edhe Athanasia. Pas kaq ditesh qe nuk kishte dale erdhi te na shohe ne pune bashke me Antigonin. Meqe sot po punonim afer shtepise , u bera te gjitheve nga nje kafe. Neser besoj mbarojme ketu dhe do te zbresim poshte tek ullinjte qe jane bashke me portokallet.
Sa do te doja te beja nje banje , por nuk me doli koha , pasi sa u mora me pastrimin e shtepise, shkoi ora.


vazhdon....................

[2043]

E shtune 04.10.1992.................ora - 18.44.


Tani u ngrita nga gjumi dhe vura per te ngrohur uje per te bere banjo. Per dreke Mimi na solli nga gjysem pule per shok si dhe birra. Sigurisht qe te gjithe falenderuam Athanasine per ketekur iku Mimi dhe na premtoi se do vije edhe neser.
Edhe sot u bera kafe. Njera nga grate qe me pa goten e kafes (plastike) me tha se kam rruge te gjate per te bere. Ka mundesi. Tv tha se policia filloi operacionin " Fshesa" (shtupa) . dhe tani do fillojne te mbledhin cdo dite. Nuk e di edhe sa do te vazhdoje ky operacion. Jam gjithe diten me dhimbje koke. Me ullinjte kemi edhe dy dite edhe mbarojme. Kam per te mare nga Mimi 125000 dhrahmi-20000 = 105000. -7000 = 98000 dhrahmi.
Te shohim.


vazhdon.......................

[2043]

E djele . 05.01.1992.......................ora - 17.11.


Edhe sot punuam ne ullinj. U lodhem e u keputem , por afendikoi asnjehere nuk kenaqet nga puna e argatit te tij edhe te vdekur ta shohi. Edhe Mimi qe sillej mire me mua(megjithese e kisha njohur qe me pare se c`fare malli ishte). Duhej ta shkelja ne kallo qe ta njihja me mire. Kam bere nje gabim ketu qe nuk mund ta riparoj tani. Kam treguar kudo ate shkalle modeste te intelektit tim, gje qer me demtoi pa e kuptuar. Ketu nuk te do njeri te jesh i mencur, pasi behen xheloze. Ketu duan dhe perkrahin budallenjte dhe injorantet. Kete rol duhet te kisha lozur edhe une qe ne fillim por nuk e dija ne ate kohe. Le qe edhe po ta dija zor se do e luaja me natyren time egoiste qe kam.
Neser nuk do te punojme pasi eshte dita qe eshte pagezuar Krishti dhe prifti do te hedhe kryqin ne uje.


vazhdon.......................

[2043]

E hene 06.01.1992............................ora - 22.38.


Sot gjithe diten ndenja shtrire. Ne dreke me mori ne telefon zonja Mimi dhe me tha te shkoj ne Korinth te mar faine. Shkova , kishte nje tas me makaronadhe nje thele mish pule, si dhe nje tas me patate me mish qengji. Hengra dreke e darke. Ne darke cpova ullinj me pirun nja tre ore te mira. I futa ne uje dhe i lashe. Nuk e di ne do punojme neser pasi sic shoh vazhdon festa.


vazhdon.......................

[2043]

E marte 07.01.1992..........................ora - 20.08.


Sot ishte dita e fundit ne ullinj. Me ne fund mbaruam. Kur u kthyem Mimi na beri dhe fotografi. hehe doli edhe vete me Athanasian . Barba Spiruame tha se mund te mare ne banke per mua dollare. I thashe per 250 $ me vleren qe ka dollari tani 138 dhrahmi afersisht. Ndoshta me nevoiten per te mare vize ne Shqiperi. Per neser me duhet te shkoj ne ergostasio, por nje mendje me thote te bej pushim. Mimi tani me detyrohet 108000 dhrahmi.


vazhdon..........................................

[2043]

E enjte 09.01.1992....................ora - 20.27.


Sot shkova ne ergostasio. Pas punes Jani(nje miku im grek) me ftoi ne shtepine e tij. Shkova me kenaqsi. Shtepia ishte jo shume e madhe , por e bukur. Jani e kishte bere gjithe sisteme elektronike alarmi nga te kater anet. Sa hyje ne shkalle ndizej llampa e shkalles nga zhurma e kembeve dhe binte zilja me fotoelement e cila funksiononte edhe diten sa hyje tek shkalla. Me pas shkova ne Korinth dhe pashe se keto aparate benin 10000 dhrahmi.
Jani me ftoi per te ngrene dhe hengra nje dreke te shijeshme. Ishte atje edhe mamaja dhe gjyshi i tij, si dhe e shoqja me vajzen e tyre te vogel Efgjenine. Kur erdha ne shtepi pashe deren hapur dhe buken qe u kishin hedhur qenve. Kishte ardhur Mimi dhe kishte ikur. Kam frike se kishte pare kaloriferin qe kisha lene ne dhome, por nuk me tha gje. Kur e mora ne telefon me tha se barba Spiro nuk me kishte mare dot dollare dhe me kujtoi te paguaja telefonin dhe jo 7000, por 7500. Besoj se 500 dhrahmi nuk me bejne as te pasur e as te varfer, e aq me teper Mimin i cili po e tregon veten cdo dite e me shume si koprac e harpagon.
Cdo dite me shkon ne mendje te mar ckam mbledhur e te nisem ne Shqiperi, por cdo dite e frenoj dhe e genjej veten te qendroje sa te mundem. Me ndihmen e zotit jam shendoshur pak 68,5 kg nuk kam qene kurre me pare. Ne Shqiperi nuk i kalova kurre te 59 kg. dhe kete e vune re edhe shoket dhe ma thane, por asgje nuk me hyn ne sy. As parate e as shendeti. Dua te dergoj ne shtepi c`te mundem ne menyre qe t`ua lehtesoj jetesen ne keto dite te veshtira qe kalojne, por trembem se nuk kthehem dot prape, megjithese shoh qe vijne cdo dite shqiptare nga kufiri. Nuk shkruaj dot me teper se me dhemb koka.


vazhdon..............................

[2043]

E djele 12.01.1992.................ora - 10.27.


Te premten gjithashtu shkova ne pune. Mora edhe rrogen per dy dite pune. Rrogen nuk ma kishin levizur, por nga puna ne ullinj , mendoj se dola i humbur. Per Krishtlindjet dhe Vitin e Ri, ne ergostasio kishin dhene dhurata nga 18000 deri ne 60000 dhrahmi. Pervec kesaj Stavrua (pergjegjesi me tha se per te shtunen (pra dje) nuk ka pune. gjithashtu te henen te shkoj turni i dyte. pra 16.00 deri ne 24.00.
Policia edhe te enjten kishte mbledhur shqiptare sic me thane.
Dje qe ne mengjes shpejt me mori ne telefon babi , pastaj fola edhe me mamane e me Liden. degjohej edhe zeri i nipces se vogel qe nuk e njoh akoma. Babi me tha se dollarin e mbledh banka me 500 leke= 1 $, po kaq shkembehet edhe ne rruge. Kurse dhrahmia ka vajtur 1 me 2,5 deri 2,7. Gjithashtu me thane qe po te kem ndonje problem te mar ne Tirane , tek halla. Makinat ne Dures me tha jane 800000 deri ne 900000 me te mirat. E porosita te ndjeke kursin e dhrahmise te markes e te dollarit. Per Kelen me tha se eshte me mire te mos veje ne shkolle kete vit qe eshte rremuje, por mendoj se Kela si te veje si te mos veje njesoj e ka pasi eshte dembele ne te mesuar. Lida me tha se dyqanet jane bosh dhe po rrojne me frymen e zotit.
Nga ora 10.00 morra bicikleten dhe shkova ne Korinth. Vajta nga pazari por nuk bleva gje , pasi cmimet e shumezuara me 2,7 me dilnin shume te larta. Ne katin e pare te pallatit te Mimit perseri kishte plasur puna e zakoneshme. Morra fshesen dhe bera "detyren". Dje pashe tv deri ne 02.00 te nates , kurse sot kam ndermend te pastroj shtepine me "rrenje". Ora vajti 11.00. Kam nje ore qe shkruaj.


vazhdon............................

[2043]

E marte 14.01.1992..........................ora - 12.03.


Dje vajta ne pune turni i dyte. Edhe sot perseri i dyti do shkoj. Nuk u lodha aq shume , por me duhet pak kohe te mesohem me rregjimin e ri. Kur lame punen ne oren 24.00. erdha ne kembe ne shtepi me Kriston Nje shqiptar qe punon aty. Bicikleten e mora per dore pasi nuk doja te hipnim dy veta ne te. Ne mengjes sa u ngrita shkova e bleva buke , djath, sallam, mblodha edhe nje cante me mandarina e portokalle dhe hengra mengjesin. Dje ne darke Mimi me mori ne telefon dhe me marifet ma hodhi llafin per kaloriferin qe kish pare ne dhomen time. Gjithashtu e pyeta nese i kishte vene ne libreze parate qe me takonin nga puna ne ullinj. Me tha se ende nuk i kishte vene por te mos kisha merak. Zagar eshte , por s`kam se c`te bej.


vazhdon....................

[2043]

E enjte 16.01.1992.......................ora - 09.25.


Vazhdoj te punoj turni i dyte. Me duket se po me hyn lezeti i kesaj pune. Vij nga puna ne oren 24.30. Deri ne 02.30. shikoj tv. Pastaj fle deri ne oren 09.00. Bej ndonje pune neper shtepi . Ha mengjesin (dhe dreken bashke). Shtrihem prape deri ne oren 15.30 dhe pastaj nisem per ne pune. Nje shok polak me tha se dollare mund te gjej sa te dua ne Athine. Me kater pese dhrahmi me teper se kursi i bankes, ne nje pike qe kane hapur polaket. Te shoh por trembem te mar aq para me vete (dua te mar 1000, 1500 dollare.


vazhdon..................................

[2043]

E djele . 19.01.1992................ora - 12.25.


Dje dhe pardje , nuk shkrova. Dhe pse ? Pardje dmth te premten morra rrogen per 5 dite pune qe kisha 20800 dhrahmi. Pastaj punova turni i dyte. Greku qe punon tani me mua eshte me maskarai nga te gjithe. E vuri makinerine ne maximum dhe prerjen e pllakave e beri dopjo. Keshtu qe vendosa rekord ne ergostasio. 7 paleta me pllaka ne 8 ore. Kjo nuk kishte ndodhur asnjehere me pare sic me thane. Por trapi nuk e kishte hallin tek rekordi. Nga qe ishte zene me mua e beri kete. Priste qe te ulja une koken dhe t`i lutesha te ulte shpejtesine. Vertet qe u lodha , por nuk e dhashe veten dhe vazhdoja te fishkelleja e te kendoja. Keshtu qe ai u lodh me shume se une se ju shkateruan nervat ngaqe s`kishte c`te me bente me teper.
Dje doja te shkoja ne pune , por nuk kisha fuqi as te ngrihesha nga krevati. Shume here me shkoi ne mend 3000 dhrahmi- shja qe po humbja, por fitoi lodhja. Sot ne mengjes me mori ne telefon Mimi dhe mu lut te veja nga perivoli i portokalleve , pasi kishte cuar njerez per t`i vjele. Shkova atje dhe ndenja deri sa i mbaruan.



.....................................ora - 23.12.


Nga ora 17.00. shkova ne Korinth me kerkesen e Mimit ne telefon. Asgje te re vecse zonja me kish hequr menjane nje tas me patate fure dhe nje cope te madhe mish vici. Mimi vazhdon te jete i semure. Makinen e ka cuar per riparim kapital. Kur ika me dha me vete edhe nje birre dhe nje pepsi-kola. Dy pepsi-kola mi dha dje , keshtu qe per darke hengra mire. Ah , se per pak harova. Ne dreke pashe ne kanalin e pare te tv grek, nje emision kushtuar vorio-epirit. Nuk mu duk se pashe ndonje gje te tepert. Shqiptaret flisnin me gojen e tyre, por greqisht per ndihmen konkrete qe Greqia i ka dhene deri tani Shqiperise. Shqiperia nuk do qe te flasin per vorio-epirin, por nga ana tjeter nuk pushon se foluri per Kosoven dhe camerine, (dhe mire ben) Historine besoj se kemi mesuar gabim. Me keto qe degjoj ketu, hajde gjeje se si eshte e verteta.


vazhdon............................

[2043]

E enjte 23.01.1992......................ora - 10.00.


Tani qe u ula te shkruaj, (dhe kam shume per te shkruar) me mori ne telefon Mimi dhe te kthehem deri ne oren 12.00. pasi duhet te me jape faturat dhe parate per te paguar ujin. Keshtu qe do bej nje gjimnastike te mire.


vazhdon............................

[2043]

E shtune 25.01.1992........................ora - 19.39.


Te henen e kesaj jave punova 14 ore. Nga ora 16.00 deri ne oren 06.00 te mengjesit te se martes, pastaj deri te premten punova 16.00. deri ne 24.00. dhe sot 08.00. deri ne 13.00. Dje mora rrogen 25000 dhrahmi. Pardje lashe tek Mimi per te vene ne libreze 30000 dhrahmi +102500 (sipas kaposhit qe u katandis nje thele) = 132500. qe duhet t`i vere ne libreze. Shtojme edhe 255000 qe jane ne libreze = 387500 si dhe 25000 qe i kam ne xhep = 412500 dhrahmi. Kjo eshte nje shifer e kenaqshme per mua. (o Zot me ndihmo te ha djersen time!).
Sot ne mengjes shpejt mori ne telefon babi me mamin. Me thane se jane mire. Dhrahmia nderohet tani 1 me 2,9. Mamaja me tha se vjen te henen nje shok i babit dhe me dha adresen e tij. Kocua(keshtu e quajne) do rije nje muaj ketu. I thashe se mund t`u dergoj nja 100000 dhrahmi. ndersa per placka varet se sa do te jete i gatshem te besdiset. Tani tek Radio Tirana po degjoj emisionin e mbremjes se shtune, dhe me beri pershtypje nje djale 10 vjecar, i cili tha se kete cast kishin gezim se sapo u kishin ardhur dritat. Dhe e tha me nje naivitet feminor te dukshem. Kjo nuk i ben per te qeshur njerezit sot ne Shqiperi, por besoj se pas disa viteve do te jete nje nga grimcat me te bukura humoristike te cilat do te na kujtojne grimcat tragjike te sotme.
Kete jave jam lodhur shume, pasi puna ka qene e rrende dhe pllakat tani qe afendikoit i hyri lezeti i kemi prere dopjo.


vazhdon.....................

[2043]

E djele 26.01.1992........................ora - 21.00.


Sot ne oren 11.00. u ngrita nga gjumi dhe pasi pastrova njefaresoj, hapa bicikleten dhe si e pastrova nyje me nyje me nafte , e grasatova komplet dhe kjo pune vazhdoi deri ne oren 15.00. Pastaj shkova per te blere buke por nuk kishte. Bleva 600 dhrahmi djath kackavall dhe salcice dhe per mengjes e dreke bera pilaf orizi , por me shkau dora dhe i hodha shume kripe. Megjithate e hengra. Mbasdite si zakonisht mblodha dhe hengra dhe nje sakule me mandarina.


vazhdon.......................

[2043]

E marte 28.01.1992..........................ora - 13.00.


Dje ne pune megjithese nuk punova me rrende nga heret e tjera , ndjeva te me dhimbnin parakrahet sa here qe ngrija ndonje pllake guri. Sikur me cponte njeri kockat me thike. Sot prape vazhdoj te punoj 16.00. me 24.00. dhe atje ku punoj eshte puna me e rrende ne ergostasio.


vazhdon..........................

[2043]

E shtune 01.02.1992...............................ora - 10.00.


E ndjej veten te keputur fare. Vazhdoj te punoj njesoj. Sot doja te veja ne pune , por nuk munda, pasi ne oren 09.00. me doli gjumi dhe nga krevati nuk ngrihem dot ende nga dhimbja e kokes. Kete jave rra edhe debore dhe koha u ftoh pak. Te merkuren shkova me Mimin ne Banke per te vene parate. Shifres 255000 , nga interesi iu shtua edhe 770 , per vitin qe shkoi , dhe 105000 i vume dhe u bene 367700. Kete rradhe nuk vume 50000 dhrahmi qe Mimi duhet ti vinte,pasi sic me tha Mimi, nuk donte te terhiqte nga libreza e tij per te mos prishur interesin. Pret qe te mare para nga qeraxhinjte qe te me paguaje.
Keshtu me shpjegoi. C`te bej ?
Tani me mori Mimi ne telefon dhe me pret ne Korinth. (sigurisht per pune). Dje morem rrogat. 24200. Ah kjo shifer e uruar (a e mallkuar) qe po ma ha shpirtin.


vazhdon........................

[2043]

E enjte 06.02.1992...........................ora - 00.23.


Tani sapo erdha nga puna. Vertet nuk kam shkruar tere keto dite, por kur te shkruaj ? Sa ngrihem nga gjumi, me duhet te shkoj ne Korinth me biciklete. Mbaroj pune atje dhe kthehem ne shtepine oren 15.00. Ne 15.30. nisem per ne pune dhe vij ja si sot , i lodhur, i keputur , i merzitur, Pa pasur asnje minute ne dispozicion.


vazhdon..........................

[2043]

E premte . 07.02.1992....................ora - 09.30.


Me ne fund u mesova edhe me punen e rrende , edhe me dhimbjen e kraheve e te mesit dhe tani nuk merzitem shume nga puna qe bej. Por tani diskutoj dicka tjeter. Fredi - komshiu im nga Fieri, dje ishte ne punen time pasi kishte ardhur per te takuar nje shok. Me tha se nje jave kishte qe ishte kthyer nga Fieri. Buke kishte sa te doje tha. Mish te jepte shteti me tollon, 4 kg ne jave, me 160 leke/kg. Dhrahmia 1/3,5 shkembehej rehat fare.
Ketu ne mars do te ngrihen jashtezakonisht cmimet. Mendja ma thote qe te punoj deri ne fund te shkurtit dhe te shkoj ne Shqiperi. Nuk di se c`fare te blej tani qe te mos me vene dem parate, (duke i llogaritur 1/3,5) por sido qe te jete do merem vesh ne telefon me ata te shtepise.


vazhdon.........................

[viganv]

Na humbe krejt,mund ta vazhdosh??