Pasojat e mekatit!

[INDRITI]

Ibn Kajim el Xheuzije

Mëkatet kanë shumë pasoja të qortueshme e të neveritshme, dëmet e të cilave nuk njihen tërësisht prej tjetërkujt përveç Allahut, qofshin këto në zemër apo në trup. Midis këtyre pasojave janë edhe:

1- PENGESE NE MARRJEN E DIJES.

Dija është një dritë e cila frymëzohet në zemër nga Allahu dhe mëkatet e shuajnë këtë dritë.
Njëherë Imam Shafiu u ul përpara Imam Malikut dhe lexoi para tij. Imam Maliku kaq shumë u mahnit pas mprehtësisë së tij, inteligjencës mendjehollë dhe të kuptuarit të thellë sa tha: "Mendoj se Allahu ka frymëzuar një dritë në zemrën tënde. Mos e shuaj atë me errësirën e mëkatit!".
Imam Shafiu gjithashtu ka thënë: “Mësuesit iu përgjërova për kujtesën time të zbehtë, Ai më udhëhoqi në shmangie të mëkatit. Dija është dritë nga Allahu, Nuk mund t'i falet njeriut mëkatar.”

2-MEKATARI KA TJETERSIM NE ZEMREN E TIJ NERAPORTET ME ZOTIN

Asnjë lloj kënaqësie nga mëkati nuk mund ta justifikojë këtë tjetërsim. Edhe sikur të shijojë të gjitha kënaqësitë e kësaj bote, gjithsesi ai nuk do të mundë ta neutralizojë atë. Kjo mund të ndjehet vetëm nga një njeri, zemra e të cilit është ende e gjallë, përderisa i vdekuri nuk e ndien dhimbjen e plagëve, sepse kushti i përjetimit të dhimbjes është që zemra të jetë e gjallë.
Nëse shmangia e mëkateve është masë paraprake duke u frikësuar nga një tjetërsim i tillë, kjo do të përbënte një arsye të mjaftueshme, për çdo njeri të mençur, që t'i evitonte mëkatet.
Njëherë dikush u ankua tek një dijetar për zemrën e tij "të përhumbur". Ai (dijetari) u përgjigj: "Nëse mëkatet janë ato që të bëjnë ty të ndjehesh i huaj me zemrën tënde, do të ishte më mirë për ty të mendoje për Allahun". Sa më të shpeshta të jenë mëkatet, aq më shumë i huaj ndjehet njeriu në shpirtin e tij.

3-MEKATARI DO TE NDJEJE TJETERSIM NE ZEMER EDHE KUNDREJT NJEREZVE

Sa më shumë i huaj të ndjehet një mëkatar, aq më i izoluar do të jetë ai, në një masë të atillë sa do të përjetojë të njëjtën ndjenjë kundrejt të afërmve dhe vetvetes. Tregohet se disa nga muslimanët e parë kanë thënë: "I kuptoj gabimet e mia në sjelljen e gruas sime dhe në kafshën që drejtoj".

4-MEKATARIT DO T'I VESHTIRESOHEN PUNET.
Kështu, saherë që ai synon të bëjë diçka, ajo do t'i bëhet e pamundur ose e vështirë për t'u çuar deri në fund. E kundërta është me atë që i frikësohet Allahut, Allahu atij do t'ia lehtësojë punët, ndërsa kujtdo që i mungon devotshmëria, për të çdo vështirësi bëhet e pakapërcyeshme. Si ka mundësi që një njeri i gjen të bllokuara të gjitha rrugët e mirësisë apo kaq të vështira përpara tij, e vazhdon të mbetet i pavetëdijshëm për shkakun?

5-ERRESIRA NE ZEMREN E MEKATARIT ESHTE SI AJO E NATES SE ERRET.

Kështu errësira e mëkatit në zemrën e tij do të jetë sikundër verbimi i vërtetë i syrit. Sa më e madhe është errësira, aq më i madh edhe përshtjellimi i tij, kjo në një masë të atillë, sa njeriu do të kridhet në risi, gabime, shkatërrim; njësoj si një njeri i verbër që çapitet vetëm në një natë të errët. Kjo errësirë do të rritet fuqishëm derisa të bëhet krejtësisht e dallueshme në sy dhe në fytyrë.


Vijon--------------

[INDRITI]

6- MEKATET E DOBESOJNE ZEMREN.

Dobësimi i zemrës do të vijë duke u rritur, derisa zemra të vdesë tërësisht. Besimtarit, edhe në rast se i shterojnë forcat e tij fizike, do t'i burojë forca e tij nga zemra. Por i shthururi edhe nëse ka një trup të fuqishëm, është krejtësisht i dobët në kohë nevoje.
Kështu forca e tij e tradhton kur ai është në nevojë të ngutshme për të. Për shembull, ndonëse romakët dhe persianët ishin të fortë në fuqi, ata u mashtruan nga fuqia e tyre. E besimtarët, të cilët ishin të fuqishëm fizikisht dhe shpirtërisht, i thyen ata.

7- MEKATARI DO TE JETE I PAAFTE TE VAZHDOJE ME MIRESI E BAMIRESI.

Nëse pengimi i besimtarit nga të vepruarit vepra të mira do të ishte ndëshkimi i vetëm i mëkatit, kjo do të ishte një arsye e mjaftueshme për t'iu larguar atij (mëkatit).
Kjo sepse mëkati do të qëndrojë në qosh të çdo rruge që çon në mirësi për ta penguar besimtarin. ثshtë si rasti i njeriut, i cili hëngri një ushqim që i shkaktoi atij një sëmundje të rëndë dhe për rrjedhojë e pengoi atë të shijojëshumë ushqime të tjera të këndshme.

8- MEKATET DO TA SHKURTOJNE JETGJATESINE DHE BEGATITE

Drejtësia ia shton jetgjatësinë njeriut, ndërkohë që shthurja e shkurton atë. Shkaku pas kësaj është se meqë jetgjatësia e dikujt janë vitet të cilat ai i jeton, ai mund t'i gjallërojë ato vetëm duke u përpjekur për t'u afruar më pranë Allahut dhe duke u kënaqur me dashurinë për Të, përkujtimin dhe mbajtjen e Tij ndër mend.

[INDRITI]

9- MEKATET NDJEKIN NJERI -TJETRIN

Në një shtrirje të tillë saqë bëhet krejt e pamundur për robin t'iu largohet atyre. Ashtu siç kanë thënë edhe disa nga muslimanët e parë: "Nga ndëshkimi i veprave të urryera është se ato ndiqen nga një vepër tjetër dhe në shpërblimet për vepra të mira është se ato pasohen nga një e mirë tjetër".

10-FUQIZOHEN SHTYSAT PER MEKAT DHE DOBESOHET DESHIRA PER PENDIM.

Më e rrezikshmja ndër pasojat e mëkateve është se ato fuqizojnë nxitjet për mëkat dhe dobësojnë dëshirën për pendim brenda zemrës. Kjo ndodh ngadalë derisa dëshira për pendim zhduket krejtësisht nga zemra. Kështu, nëse zemra e mëkatarit është gjysëm e vdekur, ai nuk do të jetë më në gjendje të pendohet. Pendimi i tij do të jetë i gënjeshtërt dhe zemra e tij do të ngujohet në mëkat, e vendosur ta kryejë gjithsaherë që është e mundur. Sigurisht kjo është sëmundja më e rrezikshme, e cila i hap rrugë shkatërrimit.

11-NDJENJA E NEVERISE NDAJ MEKATEVE DO TE HUMBE DHE KRYERJA E MAKATEVE DO TE BEHET SHPREHI

Sëkëndejmi mëkatari nuk do të turpërohet as nga sytë e të tjerëve dhe as kur flitet për to. Për njerëzit e shthurur kjo numërohet si humor dhe kënaqësia më e përkryer, aq sa ata mburren me mëkatet e tyre dhe ia bëjnë të ditura atij që nuk di duke thënë: "Unë kam bërë këtë e këtë". Këta njerëz nuk do të falen kurrë dhe të gjitha rrugët e pendimit do të bllokohen përpara tyre.
Profeti (paqja qoftë mbi të) na ka treguar se: "Të gjithë njerëzit nga populli im do të fitojnë falje për mëkatet e tyre, përveç atyre njerëzve që i publikojnë. Dhe kjo (do të thotë) se robi mund të kryejë një faj gjatë natës dhe t'ia bëjë të ditur njerëzve në mëngjes se ai ka bërë këtë e këtë, ndërkohë që Allahu ia ka fshehur atij. Dhe ai mund të kryejë një vepër gjatë ditës dhe kur është natë ia bën të ditur njerëzve, ndërkohë që Allahu e ka fshehur atë".

[INDRITI]

12- C'DO MEKAT ESHTE NJE TRASHEGIMI NGA POPUJT E MEPARSHEM...

Për shembull, homoseksualiteti është trashëguar nga populli i Lutit. Mashtrimi dhe nënvlerësimi është trashëguar nga populli i Shu'aibit. Arroganca dhe korrupsioni në tokë janë trashëguar nga populli i Faraonit. Krenaria dhe kryelartësia janë trashëguar nga populli i Hud-it. Kështu mëkatari mbështillet me petkun e tërë ligësive të këtyre kombeve që kanë qenë armiq të Allahut.
Abdullah ibn Ahmed transmeton nga babai i tij se Malik ibn Dinar ka thënë: "Allahu i ka shpallur njërit prej profetëve të Izraelit: "Thuaji popullit tënd se ata nuk duhet të hyjnë në vendet e armiqve të Mi, as të veshin rrobën e tyre, as të drejtojnë kafshët e tyre, as të hanë ushqimet e tyre. Përndryshe edhe ju do të jeni armiqtë e Mi".


13- MEKATET JANE SHKAKU I POSHTERIMIT TE ROBIT PERPARA ALLAHUT.

Hasan Basriu ka thënë: "Përpara Allahut mëkatarët janë të ulët dhe të përbuzur". Nëse Allahu do t'i kishte përgëzuar, atëherë do t'i kishte mbrojtur ata kundër gjithë kësaj. Nëse robi ka qënë mosmirënjohës kundrejt Allahut, atëherë askush nuk mund ta nderojë më atë. Allahu thotë: "Dhe atë që e turpëron Allahu, askush nuk mund ta nderojë atë" (Kur’an: Haxh, 18).
Për këtë arsye nëse njerëzit e tillë i nderojnë ata, e bëjnë vetëm për së jashtmi, për shkak të nevojave që kanë apo sepse u frikësohen. Por këta, në të vërtetë, para njerëzve janë të ulët dhe të parëndësishëm brenda zemrave të tyre.

14- MEKATARI DO TE VAZHDOJE TE MEKATOJE DERISA MEKATET E TIJ TE BEHEN TE PARENDESISHEM DHE TE PAVLERE NE SYTE E TIJ.

Ky është simboli i shkatërrimit. Sa më i vogël mëkati në sytë e mëkatarit aq më i madh do të jetë ai tek Allahu. Buhariu ka përmendur në sahihun e tij, sipas Ibn Mes'udit se një besimtar i sheh mëkatet e tij si një mal që është duke u rrëzuar mbi të, ndërkohë që një i lig i sheh ato si një mizë mbi hundën e tij, të cilën e largon tej me dorë.

[INDRITI]

15-EFEKTI I MEKATEVE DO TE SHTRIHET NDER NJEREZ TE TJERE DHE KAFSHE.

Kështu mëkatari do të shkatërrohet bashkë me njerëzit të tjerë dhe kafshët.
Ebu Hurejra ka thënë: "Thëllëza do të ngordhë në çerdhen e saj për shkak të padrejtësisë së vepërligëve". Muxhahidi thotë gjithashtu: "Nëse përhapet uria dhe ka thatësirë, kafshët hedhin mallkimet e tyre mbi mëkatuesit duke thënë: "Kjo është për shkak të mëkateve të birit të Ademit" .
Për më tepër Ikrimah ka thënë: "Kafshët e krimbat deri edhe buburrecat e akrepat thonë: "Na është mohuar shiu për shkak të mëkateve të birit të Ademit".
A nuk i mjafton mëkatarit vetëm ndëshkimi për mëkatin por i duhet që të nxisë edhe mallkimin e krijesave të tjera të pafajshme?

16- MEKATET DO TA POSHTEROJNE NE MENYRE TE PAEVITUESHME ROBIN.

E vërteta është se fuqia ultimative arrihet vetëm me bindjen ndaj Allahut. I Plotfuqishmi, thotë në surer Fatir: "Kush dëshiron krenarinë (le ta dijë) tërë krenaria i takon vetëm Allahut (pra le ta kërkojë prej Tij), te Ai ngrihet fjala e mirë (besimi) dhe veprimi i mirë e Ai i pranon…".
Kjo do të thotë që ai ta kërkojë atë me anë të bindjes ndaj Allahut për njeriun kjo është rruga e vetme për ta gjetur atë. Disa nga muslimanët e parë i përgjëroheshin Allahut duke thënë: "O Zoti im, Më jep forcë me anë të bindjes sime ndaj Teje dhe mos më bëj të poshtërohem si shkak i mosbindjes sime ndaj Teje".



17- MEKATET E TOPITIN MENDJEN.

Mendja ka një dritë dhe mëkati paevitueshëm e shuan këtë dritë. Për pasojë mendja rritet e dobët dhe e venitur. Disa nga muslimanët e parë kanë thënë: "Mendja e atij që kundërshton Allahun është e mangët. Sepse nëse mendja e tij do të kishte qënë e pranishme, ajo do ta kishte penguar atë nga kryerja e mëkateve, përsa kohë që ai do të kishte qënë nën mbrojtjen e Allahut, nën fuqinë dhe mbikëqyrjen e Tij. ثngjëjt e shohin mëkatarin dhe dëshmojnë kundër tij dhe nga shumë drejtime atij i bëhet thirrje që të heqë dorë nga mëkati. Në fakt ajo që ai humbet duke kryer mëkate qoftë në këtë botë qoftë në botën tjetër, është më e madhe se sa kënaqësia që ai përfiton prej tyre (mëkateve). A ka ndonjë njeri normal që do të mund t'i kthente shpinën gjithë kësaj?".

[INDRITI]

18-ZEMRA E MEKATARIT DO TE VULOSET DHE AI DO TE KTHEHET NثENJE NGA NJEREZIT E PAKUJDESSHEM.

Disa nga muslimanët e parë e kanë komentuar ajetin pasues: "Jo, nuk është ashtu, por të këqijat që punuan, zemrat e tyre ua mbuluan", (Mutaffifin: 14), duke thënë se kjo nuk është tjetër përveçse kryerja e vazhdueshme e mëkateve.

19-MEKATET DO TA PRIVOJNE MEKATARIN NGA LUTJET E TE DERGUARIT TE ZOTIT DHE ENGJEJVE.
Allahu, lëvduar qoftë emri i Tij, ka urdhëruar Profetin e Tij të kërkojë falje për besimtarët, burra apo gra qofshin. Allahu i madhëruar, thotë: "Ndërsa ata (ëngjëjt) që e bartin arshin edhe ata që janë përreth tij, lartësojnë me falenderim Zotin e tyre, i besojnë Atij dhe i luten Atij t'i falë ata që besuan (duke thënë): "Zoti ynë, Ti me mëshirën dhe me diturinë Tënde ke përfshirë çdo send, prandaj faljua atyre që u penduan dhe ndoqën rrugën tënde e edhe ruaji ata nga dënimi i xhehenemit! Zoti ynë, shtiji ata në xhennete të Adnit, të cilat ua ke premtuar atyre dhe kush ishte i mirë prej tyre dhe prej etërve të tyre, grave të tyre dhe pasardhësve të tyre. Vërtet Ti je Ngadhënjyesi, i Urti. Dhe mbroji ata prej të këqijave, sepse atë që Ti e mbron atë ditë prej të këqijave, Ti e ke mëshiruar atë dhe ai është shpëtimi i madh" (Gafir, 7-9).
20- MEKATET DO TE KRIJOJNE SHUME LLOJE PROBLEMESH
Allahu i Plotfuqishëm ka thënë: "Për shkak të veprave (të këqija) të njerëzve janë shfaqur në tokë dhe në det shkatërrime (probleme, skamje, katastrofa etj) që njerëzit të përjetojnë një pjesë të asaj të keqeje që bënë, e ashtu që të tërhiqen (nga të këqijat)". (Rum: 41).

21- MEKATET DO TE SHUAJNE NDJENJEN E VET-RESPEKTIT NE ZEMREN E MEKATARIT.

Nga kjo kuptohet se sa më shumë mëkate të kryejë njeriu aq më shumë do të zbehet respekti ndaj vetvetes, familjes së tij dhe njerëzve të zakonshëm.
Për më tepër vetrespekti mund të zbehet në një shkallë të atillë sa mëkatari të mos shohë më gabim në kryerjen e mëkatit as nga vetja e tij dhe as nga të tjerët. Në këtë moment ai fillon të bjerë tatëpjetë rrugës së shkatërrimit.
Ka shumë njerëz, të cilët jo vetëm që nuk shohin ndonjë të keqe në kryerjen e mëkateve dhe të të pështirave, por edhe përgëzojnë, thërrasin, inkurajojnë, dhe ndihmojnë të tjerët t'i kryejnë ato.
Mëkatari është më i dobti midis krijesave të Allahut dhe atij i ndalohet hyrja në Parajsë. E njëjta gjë vlen edhe për atë që bën dhunën dhe veprat e ndyra, të lejuara për të tjerët. Kështu merret me mend se me çfarë1mungese respekti ndaj vetes lidhet gjithë kjo.
E gjithë kjo do të thotë se esenca e fesë është vetrespekti dhe ai që nuk ka vetrespekt nuk ka si të ketë fe.

[INDRITI]

22- MEKATET DO TA PRIVOJNE MEKATARIN NGA MODESTIA, QE NDERTON JETEN E ZEMRES

Mund të thuhet se modestia është esenca e mirësisë dhe ai që është privuar nga modestia është privuar nga mirësia. Transmetohet në të dy sahihët se Profeti (paqja qoftë mbi të) ka thënë: "Të gjitha aspektet e modestisë janë të mira", dhe po ashtu "Vërtetë ajo që kanë përfituar njerëzit nga profecitë e vjetra ka qënë se: kur nuk ke turp bën çfarë të duash".
Ajo që është dashur të tregohet këtu është që mëkatet e ulin modestinë dhe turpin e njeriut në një shkallë të tillë sa ai privohet tërësisht prej tyre. Për më tepër ai mund të mos përjetojë asgjë kur njerëzit janë në dijeni të veprave të tij. Në fakt shumë njerëz mund ta informojnë atë mbi veprat e tij të pështira. Por ajo që e inkurajon atë në këtë pikë është mungesa e turpit dhe e modestisë. Nëse mëkatari arrin këtë nivel, nuk ka pothuajse më asnjë shpresë për të që të kthehet në rrugë të drejtë.

23- MEKATET DO TE ULIN NE MENYRE TE PAEVITUESHME LARTESIMIN DHE MADHERIMIN E ALLAHUT NE ZEMREN E ROBIT.

Nëse lartësimi dhe madhërimi i Allahut do të ishin kaq të qëndrueshme në zemrën e robit, përse ai nuk iu bind Allahut? Për rrjedhojë Allahu heq lartësimin e Tij nga zemra e robit mëkatar, kështu që Allahu bëhet më i fundit të Cilit robi i frikësohet.
Në fakt sa më shumë që robi e dashuron Allahun, aq më shumë njerëzit duan atë. Sa më shumë ai i frikësohet Allahut, aq më shumë njerëzit i frikësohen atij dhe sa më shumë e respekton ai Allahun dhe shenjtërinë e Tij, aq më shumë njerëzit respektojnë paprekshmërinë e tij.
Si mundet robi të dhunojë paprekshmërinë e Allahut dhe shpreson se paprekshmëria e tij të mos dhunohet? Apo si mund ai të thyejë të drejtat e Allahut mbi të dhe të kërkojë që Allahu ta lartësojë atë në sytë e njerëzve të tjerë?

24- MEKATET DO TE BEJNE QE ALLAHU TA BRAKTISE ROBIN E TIJ

Ky është shkatërrimi për të cilin nuk ka asnjë lloj shpëtimi. "O ju që besuat! Kini parasysh frikën ndaj Allahut dhe le të shikojë njeriu se ç'ka ka bërë për nesër dhe kini frikë Allahun e s'ka dyshim se Allahu është që e di në detaje atë që punoni. Dhe mos u bëni si ata që e harruan Zotin e tyre dhe Zoti i bëri ata të harrojnë vetveten. Të tillët janë ata, të prishurit!" (Hashr: 18-19). Në këtë ajet Allahu thotë se Ai i ndëshkon ata që nuk janë të devotshëm duke i bërë ata të harrojnë vetveten, për shembull: të harrojnë interesat e tyre dhe të harrojnë ato vepra të cilat mund t'i çlirojnë ata nga ndëshkimi dhe t'u sigurojnë Jetën e Përhershme.
Vërtet, Allahu e kompeson robin e Tij për gjithçka që ai mund të humbasë, por Allahu Vetë nuk mund të kompesohet me asgjë. Allahu e mbron robin e Tij nga gjithçka, por asgjë nuk mund të jetë mbrojtje përpara Allahut. E si mundet kështu robi t'ia dalë pa bindjen ndaj Atij që i ka tërë këto cilësi? Dhe si mundet robi ta harrojë përkujtimin ndaj Atij dhe të shkelë të drejtat e Tij në atë masë, sa e detyron Allahun ta harrojë atë dhe robi t'i bëjë padrejtësi vetvetes? Nuk është Allahu pra, që i bën padrejtësi robit të Tij; është vetë robi që i bën padrejtësi vetvetes.

[INDRITI]

25- MEKATET DO TA DEBOJNE ROBIN NGA RRETHI I MIRESISE

Ajo që synohet të thuhet këtu është se besimi është rrënja e të gjithë të mirave, qoftë në këtë botë qoftë në botën tjetër. E si mundet atëherë robi të mendojë mundësinë e kryerjes së një vepre që mund ta dëbojë atë nga rrethi i besimit?
A është ai ende një musliman? Nëse ai insiston akoma në kryerjen e mëkatit, atëherë zemra e tij është e prirur për t'u vulosur dhe ai mund të dëbohet krejtësisht nga rrethi i Islamit.
Për këtë disa nga muslimanët e parë kanë thënë: "Ju keni frikë mëkatet, por ne kemi frikë mosbesimin".

25- MEKATET DO TA DOBESOJNE FORCEN E ZEMRES NE PERSIATJET E SAJ PER ALLAHUN

Mëkati ose e vdes zemrën, ose i shkakton asaj sëmundje të tmerrshme, ose e dobëson atë. Kjo lidhet përfundimisht me tetë gjëra nga të cilat Profeti Muhammed (paqja qoftë mbi të) ka kërkuar mbrojtje nga Allahu, e këto janë: Shqetësimi, hidhërimi, paaftësia, kotësia, burracakëria, koprracia, pesha e borxhit dhe dominimi i njeriut.
Ajo që synohet të qartësohet këtu është se mëkatet bëhen shkak për këto ligësi dhe janë shkaqet rrënjësore pas "dhimbjes nga e keqja, mjerimit të thellë, fatkeqësive dhe keqdashësisë së armiqve".
Mëkatet janë gjithashtu arsyeja e tërheqjes së mirësive të Allahut nga robi i Tij dhe rënies nga shëndeti i mirë dhe janë po aq shkak për gjithë format e zemërimit të Allahut.

[INDRITI]

26- MEKATET JANE SHKAKU I KEPUTJES SE LIDHJES SE ALLAHUT ME ROBIN.

Sikundër ka thënë edhe Ali ibn Ebi Talib (r.a): "Asnjë katastrofë nuk hidhet në tokë përveçse për shkak të mëkateve, dhe nga asnjë katastrofë nuk çlirohet përveçse me pendim".
Allahu i Plotfuqishëm ka thënë: "Dhe çdo lloj fatkeqësie ju prek, ajo është për shkak të asaj që duart tuaja po fitonin, dhe për shumë të tjera Ai do t'ju falë" (Shura:30).


27- MEKATET DO TA ERRESOJNE ZEMREN, DUKE IA SHUAR DRITEN.

Ashtu sikundër bindja e përmirëson, e forcon dhe e fuqizon njeriun, atëherë nga sa thamë më lart pason se mëkatet e zvogëlojnë, e ulin dhe e degradojnë atë. Allahu i madhëruar thotë: "Dhe ka shpëtuar ai që është pastruar, dhe ka dështuar ai që është poshtëruar" (Shems:9-10).

[INDRITI]

28- MEKATARI DO TE JETE GJITHMONE I LIDHUR DHE I PRANGOSUR NGA DESHIRAT DHE TEKAT E TIJ.

Dihet se burgu i dëshirave dhe nxitjeve është i errët e i frikshëm. Atëherë si mundet zemra e lidhur me zinxhirë të ecë përpara drejt Allahut dhe Jetës së Përtejme? Në këtë gjendje, zemrën do ta sulmojnë sëmundje nga çdo lloj drejtimi. Në fakt është tepër reale ngjashmëria e zemrës me zogjtë, të cilët sa më lart të fluturojnë, aq më larg nga bishat do të jenë ata dhe e kundërta. Fakti është se sa më larg nga Allahu të jetë zemra, aq më shumë do të rritet edhe errësira e sëmundjes dhe e kundërta. Të larguarit nga Allahu klasifikohet në kategori, disa nga të cilat janë më të rrezikshme sesa të tjerat: çoroditja e mendjes, shthurja, risitë, syfaqësia dhe idhujtaria.

29- MEKATET DO TA PRIVOJNE MEKATARIN NGA TITUJT E VLERESIMIT DHE DINJITETIT

,psh: besimtar, i drejtë, dashamirës, i bindur, korrigjues i vetvetes, adhurues i Allahut, i frikësuar ndaj Tij, gjithmonë i penduar, i mirë dhe i pëlqyeshëm. Për më tepër mëkatet do ta veshin mëkatarin me tituj të mosvlerësimit, inferioritetit dhe poshtërsisë si psh: i shthurur, mëkatar, i korruptuar, i dobët, tradhtar, hajdut, vrasës, gënjeshtar, i pandershëm, braktisës i të afërmve dhe të ngjashme. Këto janë titujt e imoralitetit. Allahu i Plotfuqishëm thotë: "I mjerë është emri, i dukshëm imoraliteti, kur lihet pas besimi", (Huxhuratë:11). Titujt e vlerësimit të lartë sjellin kënaqësinë e Allahut dhe i mundësojnë atë që i mban hyrjen në parajsë, duke e lartësuar atë mbi të gjithë krijesat e tjera. Titujt e një vlerësimi të ulët sjellin zemërimin e Allahut, duke e bërë atë që i mban të hyj në Ferr dhe duke e kthyer jetën e tij në poshtërim dhe përbuzje.

30- MEKATET DO TE NDIKOJNE VECANERISHT NE MENDJEN E NJERIUT.

Kështu nëse gjen dy njerëz të shëndetshëm mendërisht dhe njëri prej tyre është i bindur dhe tjetri mëkatar, do ta gjesh atë që është i bindur të gëzojë mendje pa mangësi, mendim të shëndetshëm dhe opinione të drejta. Për këtë arsye edhe Kur'ani i Lartësuar i drejtohet njerëzve me mendje dhe mendim. Allahu, më i Larti, thotë: "Kështu që Mua të më frikësoheni o ju që jeni të urtë"

31- MEKATARET DO TE JENE MIDIS ME TE ULTEVE DHE ME TE POSHTERUAREVE
Ndërkohë që do të duhej të ishin midis më të shkëlqyerëve dhe më të mirënjohurëve mekateret ulen vetveten.
Allahu i ka krijuar krijesat në dy grupe: krijesa të larta dhe të ulta. Kështu që Ai i bëri njerëzit, të cilët i binden Atij, të nderuar në këtë botë dhe në botën jetër dhe mëkatarët i bëri më të ultit në këtë botë dhe në botën tjetër.
Ne e krijuam njeriun ne formen me te bukur.Me pas e beme ate me te poshteruarin e te poshteruarve. Pervec atyre qe besuan, nebe pune te mira, ata kane shperblim te panderprere(Surja tine)