Burg përjetë për vrasësin grek të emigrantit shqiptar

[Albo]

Gjykata morri masën ekstreme për ekzekutuesin e Gramoz Palushit

Burg përjetë grekut që vrau tifozin shqiptar

Procesi u zhvillua në masa të larta sigurie

SELANIK

Gjykata e Patrës dënoi me burg të përjetshëm 22-vjeçarin Panajotis Kladhis, i cili më 4 shtator të vitit 2004 ekzekutoi me thikë emigrantin shqiptar Gramoz Palushi si dhe plagosi tri shokë të viktimës, që festonin fitorën e kombëtares shqiptare ndaj asaj greke. Ndërsa bashkëpunëtorin e tij, Dionisis Kefalinos, gjykata e dënoi me 10 muaj burg, që u konvertua me burgim në arrest shtëpie për një periudhë tri-vjeçare, nën akuzën e “armbëajtjes pa leje”. Ai u la i lirë, pasi nuk u gjend asnjë provë për të vërtetuar pjesëmarrjen e tij në vrasjen e të riut shqiptar.

GJYQI
Nën masa të rrepta sigurie Gjykata e Patrës që prej ditës së premte të javës së shkuar u rrethua me forca speciale, për të shmangur ndonjë incident të mundshëm gjatë zhvillimit të seancës gjyqësore ndaj Kladhis. Pas dhjetë seancave, gjykata greke e Patrës ka shqiptuar dënimin final për ekzekutorin e 20-vjeçarit shqiptar Palushi dhe tri emigrantëve të tjerë. Gjyqtari Aristotelis Hristopulos në orët e vona të së hënës e ka shpallur grekoamerikanin Kladhis fajtor. Gjatë procesit gjyqësor, Kladhis ka deklaruar se mbrëmjen e 4 shtatorit të vitit 2004 ka qenë i pirë, kur është sulmuar nga një grup shqiptarësh me motorrçikleta. “As vet nuk e di sesi kam reaguar duke qëlluar me thikë mbi personat që më sulmuan. Kur më kanë thënë në mëngjes se kam kryer një vrasje mu ka dukur e pabesueshme. Më vjen shumë keq për atë që kam bërë, dhe sikur të kisha patur mundësi ta ktheja kohën pas, nuk do ta kisha përsëritur një gjë të tillë”, është shprehur i penduar Kladhis në gjyq. Por kjo deklaratë shfajsuese nuk ka ndikuar aspak në lehtësimin e dënimit ndaj tij. Pas marrjes së dënimit Kladhis u dërgua në burgun e Koridhalose në Athinë, ku sipas informacioneve paraprake është vendosur në një qeli të veçantë. Ndërkohë, është vënë re se familjarët e viktimës dhe të afërmit e tri të plagosurve të tjerë shqiptar nuk janë paraqitur në gjyq. Duke analizuar këtë fakt, mediat greke deklaruan se familjarët e Kladhis kishin dhënë rryshfet për katër familjet shqiptare. Ndërsa në sallë zhvillohej gjyqi, në oborrin e gjykatës studentë dhe anëtarë të Organizatës Kundër Shtetit, shpërndanin fletushka me përmbajtje kundër racizmit dhe krimit të kryer në ishullin e Zakinthos dy vjet më parë.

[dardajan]

Me kete vendim na kan kthyer te pakten nderin ne dhe imazhin shtetit Grek por fatkeqsisht jo Gramozin.

[Era1]

Me beri pershtypje diçka tek lajmet ne Tv mbi kete problem.
Tek te gjitha televizionet theksohej se vrasesi ishte grek por me origjine amerikane !!!!!! Edhe kete here greket duan ta largojne sa me shume nga vetja dhe kushedi sa kane vuajtur per te gjetur rrenjet mijera vjeçare te vrasesit, te cilat nuk na qenkan greke por vikan nga "imperializmi" amerikan.

[miko]

Me kete vendim na kan kthyer te pakten nderin ne dhe imazhin shtetit Grek por fatkeqsisht jo Gramozin.

Une do thosha qe ky vendim eshte nje "lehtesim" i dhimbjes se prinderve,shokve dhe te afermve te tij.

Mua me beri pershtypje deklarata e madhe qe kishin dhene prinderit e tij gjate gjykimit,qe ishin gati ta falnin kriminelin,vetem per faktin qe te vertetojne virtuatet reale te shqiptareve.Eshte nje xhest i madh...

I lehte i qofte dheu Gramozit.