Basha: Rruga Tirane-Elbasan, do të shkurtojë distancën me Shkupin

[{A_N_G_E_L_69}]

“Autostrada e re,na afron më Shkupin”






Në ceremoninë e organizuar mori pjesë si i ftuar nderi edhe kryetari i Bashkisë së Tiranës, Lulzim Basha. Të pranishëm ishin kryetari i komunës së Çairit, Izet Mexhiti, kryetari i Bashkimit Demokratik për Integrim, Ali Ahmeti, zv.kryeministri Musa Xhaferri, njëkohësisht kryetar i Këshillit Organizativ për kremtimet e 100-vjetorit, anëtarë të kabinetit qeveritar e qytetarë të shumtë. Pas vendosjes së gur-themelit, të pranishmit vendosën kurora me lule pranë monumentit të Skënderbeut. Kryetari i Bashkisë së Tiranës, Lulzim Basha, tha se emri i Skënderbeut, statuja e Skënderbeut, i bën nder çdo qyteti europian. Sipas Bashës, “Skënderbeu është simbol i bashkimit, i lirisë, i vëllazërisë, i atdhedashurisë, por është po kështu një simbol i fuqishëm i europianizmit të kombit shqiptar, i europianizmit për të cilin ky prijës u shpall ‘atlet i Europës’ shumë më herët se sa ajo të konceptualizohej si një entitet politik, drejt të cilit jemi të orientuar të gjithë ne shqiptarët, pavarësisht se ku jetojmë”, tha Basha. Kryetari i Bashkimit Demokratik për Integrim, Ali Ahmeti, u shpreh se Flamuri dhe Skënderbeu janë dy emblema që kanë mbajtur gjallë shpirtin e shqiptarëve për 544 vjet. “Sot është një moment i veçantë, një ditë e veçantë, 544-vjetori i vdekjes së prijësit shqiptar Gjergj Kastriot Skënderbeu, është 30-vjetori i Flakës së Janarit dhe 30-vjetori i Lëvizjes Popullore të Kosovës, e me këtë rast, në këtë ditë të veçantë, fillon punimet sheshi ‘Skënderbej’, nën kujdesin e kryetarit të Çairit dhe me investime të qeverisë së Republikës së Maqedonisë”, tha Ahmeti. Kryetari i Bashkisë së Tiranës Lulzim Basha, gjatë qëndrimit në Shkup u takua me zv.kryeministrin Musa Xhaferri, përgjegjës për implementimin e Marrëveshjes së Ohrit, njëkohësisht kryetar i Këshillit Organizativ për kremtimet e 100-vjetorit. Me nisjen e punimeve për sheshin “Skënderbej” nisën kremtimet edhe për 100 – vjetorin e pavarësisë. Basha dhe Xhaferri ishin në një mendje për forcimin e rolit të pushtetit vendor në këtë 100-vjetor të pavarësisë. Më tej Basha u prit në një takim të veçantë edhe nga kryetari i qytetit të Shkupit, Koce Trajanovski. Të dy homologët ranë dakord për të vendosur një bashkëpunim mes Shkupit e Tiranës si dhe për të intensifikuar bashkëpunimin mes dy administratave. “Bashkëpunimi do të lehtësohet nga ndërtimi i autostradës Tiranë-Elbasan, e cila do të shkurtojë distancën mes Shkupit dhe Tiranës”. Nga ana e tij, kreu i Bashkisë së Shkupit, Trajanovski, tha se duhet vënë në eficiencë Protokolli i Bashkëpunimit, i nënshkruar në vitin 2000. Ky protokoll është nënshkruar nga ish-kryetari i Bashkisë, Albert Brojka dhe që prej atëherë nuk ka pasur asnjë marrëdhënie mes bashkive.

panorama

[DYDRINAS]

Tiranë-Elbasan, tuneli hapet për 100-vjetorin e Pavarësisë

23/01/2012 08:00



Tuneli i Kërrabës do ta shikojë dritën në nëntor të këtij viti, që përkon me 100-vjetorin e Pavarësisë. Tiranë-Elbasan, vepra rrugore më e madhe, pas asaj të Durrës-Kukës, po ecën me ritme tepër të shpejta, madje duke tejkaluar parashikimet e kontratës.

Firma greke “Aktor” ka avancuar deri në 41% për ndërtimin e tunelit të Kërrabës, me gjatësi 4.9 km, për të cilën qeveria shqiptare po shpenzon rreth 85 milionë euro. Skënder Çota, nëndrejtor i përgjithshëm i Rrugëve, tregon për “Shqip” disa detaje të projektit, ku nuk mungojnë risitë për një menaxhim sa më efektiv.

“Tuneli ka parametra të standardeve më të larta europiane dhe gjithashtu jemi duke parashikuar që ta plotësojmë edhe me elemente të tjera, siç është lyerja me bojë fosforeshente, me synim kursimin e energjisë elektrike dhe reduktimin e kostove të operimit”, thotë numri dy i Rrugëve. Kompania greke është financuar për të gjitha punimet e kryera dhe shuma e financimit deri tani është 25 milionë USD, përfshi edhe pagesat e TVSH-së.

Sipas n/drejtorit Çota, gjatësia e tunelit ka pësuar një ndryshim të vogël. “Është zgjatur me rreth 250 m secili tub, pra pasi është ulur kuota e hyrjes, gjë e cila sjell një rritje jo më shumë se 2% të kostos, por duke ndikuar në përmirësimin e profilit gjatësor të rrugës në hyrje të tunelit, me reduktim nga 6.86% në 6%. Ky lloj modifikimi ka sjellë ulje të kostos së segmentit të parë në rreth 10 milionë dollarë”, thotë Çota.

E thënë ndryshe, gjatësia e tunelit ka pësuar ndryshime, ku nga 4.5 km është bërë me 4.9 km, duke ndikuar në kosto rreth 2% më shumë, por në tërësi nuk e rrit vlerën e investimit, pasi është ndërhyrë në segmentin para tunelit, duke reduktuar lartësinë e urës dhe duke kompensuar shpenzimet e tepërta. “Pavarësisht rritjes e gjatësisë së tunelit me rreth 10%, koha e ndërtimit të tij duke parë edhe ritmin e punimeve, do të jetë ajo e afatit fillestar të kontratës, pra në muajin nëntor të vitit 2012”, tregon n/drejtori i Rrugëve.

Kostot e rrugës

Në tërësi, punimet janë realizuar në masën 28 për qind. Autostrada është e ndarë në tri segmente, Lote, ku në mes qëndron tuneli, punimet e të cilit kanë nisur me kohë, kurse dy pjesët e tjera ndodhen në fazën e tenderit dhe fituesit (kontratat) do të shpallen (lidhen) në muajin shkurt. Rrugët e ndara nga tuneli do të ndërtohen me fondet e bankave islamike, të cilat menaxhojnë kushtet e tenderit. “Për dy segmentet e tjera ka ardhur miratimi nga Banka Islamike dhe brenda 15-ditëshit të parë të muajit shkurt pritet të firmosen kontratat”, tregon Çota. Aspekt tjetër i rëndësishëm është kostoja e projektit, e cila mund të pësojë ulje, me rreth 127 milionë dollarë. “Publiciteti dhe rëndësia që i ka dhënë qeveria kësaj rruge ka bërë që mjaft kompani të kenë interes për këtë investim, duke e rritur shumë konkurrencën. Ndikim mund të ketë qenë edhe pamundësia e kompanive të mëdha të rajonit për të pasur punë në vendet e tyre. Nga 407 milionë dollarë që ishte vlera fillestare e projektit, mendojmë ta mbyllim me 280 milionë dollarë”, thotë zyrtari i lartë i Rrugëve, duke shtuar se ulja e kostos nuk do të shkaktojë reduktim të cilësisë së punimeve.


top-channel

[{A_N_G_E_L_69}]

Tiranë-Elbasan, 50 milionë USD kredi, me interes 4.5%


Rruga

Paketës së financimit për ndërtimin e rrugës Tiranë-Elbasan i bashkohet kredia e fundit, akorduar nga fondi i Abu Dhabit, prej 50 milionë dollarësh dhe me interes vjetor 4.5 për qind. Marrëveshja është firmosur më parë nga ministri i Financave, Ridvan Bode, dhe tashmë i mbetet Kuvendit të ratifikojë aktin, për t’i hapur rrugë zbatimit. Për këtë shkak, drejtues të Drejtorisë së Rrugëve thonë se miratimi nga deputetët duhet të jetë me procedurë të përshpejtuar, pasi rruga ka nevojë për financim.

Kredia nga arabët do të diskutohet sot në Komisionin Parlamentar për Ekonominë dhe Financat, ndërsa deputetët e opozitës kërkojnë që në mbledhje të jetë i pranishëm titullari i institucionit që menaxhon rrugët. “Ne si opozitë e shikojmë të nevojshme që në komision të jetë i pranishëm drejtori i përgjithshëm i Rrugëve, Andi Toma, për të dhënë sqarimet e duhura për ecurinë e projektit”, tha anëtari socialist i komisionit, Erjon Braçe. Pavarësisht thirrjes së opozitës, në komision pritet të jetë i gatshëm për t’u përgjigjur numri dy, Skënder Çota.

Dy ditë më parë, gazeta “Shqip” bëri të mundur zbardhjen e projektit të rrugës, duke u fokusuar te punimet në tunel nga kompania greke “Aktor”. Mësohet se tuneli i Kërrabës ndodhet në fazën e 41 për qind të punimeve, kompania ka marrë rreth 25 milionë dollarë deri tani, ndërsa përurimi parashikohet të kryhet në nëntor të këtij viti. Bashkë me kredinë e Abu Dhabit, në total paketa e investimit do të jetë rreth 380 milionë dollarë, ndërsa pritet të nisin punimet edhe në dy anët e tjera të rrugës.


shqip

[{A_N_G_E_L_69}]

Tiranë-Elbasan, 293 milionë dollarë


Ministria e Financave zbardhi koston totale të rrugës Tiranë-Elbasan, projektit më të madh në infrastrukturë që po ndërtohet aktualisht me fondet e buxhetit.


Ky projekt ishte vlerësuar fillimisht të kushtonte rreth 400 milionë dollarë dhe vlerësojmë se në total kursimet për këtë projekt do të jenë 110 milione dollare.





"Ky projekt ishte vlerësuar fillimisht të kushtonte rreth 400 milionë dollarë dhe vlerësojmë se në total kursimet për këtë projekt do të jenë 110 milione dollare. Vlera e tanishme e projektit konsiderohet rreth 290 milionë dollarë", tha Xhentil Demiraj, drejtor i Menaxhimit te Borxhit,

Qeveria thote se ka arritur ta mbyllë të gjithë paketën e financimit për këtë projekt përmes kredive të kontraktuara nga Fondi Islamik, ai i Abu Dabit dhe fondi i OPEC-ut, të cilat

Ky projekt ishte vlerësuar fillimisht të kushtonte rreth 400 milionë dollarë dhe vlerësojmë se në total kursimet për këtë projekt do të jenë 110 milione dollare.

Xhentil Demiraj
Drejtor ne Ministrine e Financave janë marrë të gjitha me interesa buta. Kjo procedurë u mbështet edhe nga opozita, e cila votoi pro marrëveshjes së kredisë.

Por Erjon Braçe vuri në dukje faktin se kostoja e kësaj rrugë, sipas tij, është prova më e qartë e abuzimeve që kanë ndodhur në autostradën Tiranë-Durrës.

"Kjo eshte rruga, mënyra e ndërtimit të një vepre madhore, që synon të shkurtojë kostot, qoftë për buxhetin e shtetit, qoftë edhe për taksapaguesit shqiptarë. Kjo mënyrë prokurimi e ndërtimit të kësaj rruge, e bën edhe më të qartë, qoftë dyshimin, qoftë edhe akuzën për mënyrën se si është ndërtuar ai 56 mijë kilometërshi tjetër", tha Braçe.

Zëvendësdrejtori i Përgjithshëm i Rrugëve Skëndër Çota, tha se ndërtimi i tunelit, të Elbasanit po ecën me ritme mjaft të shpejta.

"Deri sot punimet kanë avancuar në rreth 41 përqind të gjatësisë së tunelit dhe përafërsisht ecet me 0.5 deri 1 përqind progres cdo ditë", tha Çota.

Ruga Tiranë-Elbasan po ndërtohet sipas projekteve dhe preventivave të përcaktuara më parë, ndërkohë që në rastin e rrugës Durrës-Kukës u ndoq procedura e çmimit për njësi, një nga arsyet kryesore, që coi në rritjen e fortë të kostos deri në dy herë krahasuar me parashikimet fillestare.

[{A_N_G_E_L_69}]

[{A_N_G_E_L_69}]

[{A_N_G_E_L_69}]

[{A_N_G_E_L_69}]

[{A_N_G_E_L_69}]

[{A_N_G_E_L_69}]

Kuvendi, konsensus per projektin Tirane-Elbasan


Rozeta Rapushi
Miratohen me debate dhe akuza mes deputeteve ne Kuvend, dy projektligjet per financimin e projektit te rruges Tirane-Elbasan dhe bypass-in Fier-Vlore. Deputetet socialiste kritikuan ashper faktin se persa i perket bypass-it Fier-Vlore, projektet jane sjelle shume vone. Ndersa per rrugen Tirane-Elbasan, socialistet shprehen dyshime mbi koston, zbatimin dhe cilesine e projektit. Me gjithe kritikat e shumta, dy projektligjet u miratuan me 127 dhe 126 vota pro. “Nuk dihet ende e sakte, sa do zgjase kjo rruge, si do financohet dhe kushtet e kredise. Ne jemi pro kesaj rruge, pro investimeve ne pergjithesi, por jemi kunder futjes se duarve ne menyre abuzive ne xhepat e shqiptareve”, u shpreh ne emer te grupit socialist, Ilir Bejtja. Nderkohe qe Erjon Brace kerkoi sqarime ne lidhje me kushtet e kredise, qe jane me te uleta se ato te Durres-Kukes.

Pergjigjen e mori nga Ridvan Bode: “Po me rrugen cfare patet? Ju nuk i doni rruget, nuk keni si t’i doni, sepse fajin e ka Berisha - thoni ju, qe beri rruget, por coi temperaturat nen zero”. Me tej ai perforcoi: “Nuk e keni ju, as te norma e interesit, por e keni me rruget”. Kurse dha shpjegimin: “Kredia u mor per te mbajtur ekonomine shqiptare jashte krizes, jo vetem per Durres- Kukes. Morem ate kredi per te mbajtur ekonomine ne terma pozitive, te mos lejojme te kemi pasoja. Nuk ka lidhje ajo kredi me rrugen, rruga u krijua me taksat qe mblodhem, sot mbledhim 3.5 miliarde dollare, ne krahasim me 1.8 miliarde qe ishte me pare”, reagoi ministri i Financave, Ritvan Bode, duke e quajtur qendrimin e socialisteve nje retorike e kote.

Edhe ministri i Transporteve, Sokol Olldashi, tha se po behet retorike e panevojshme, sepse rruga Tirane-Elbasan nisi me 407 milione dollare dhe 290 milione dollare. Debate u zhvilluan edhe per kredine per bypass-in Fier-Vlore. Deputeti i Partise Socialiste, Arben Malaj, tha se projekti Fier-Vlore, i nisur qe ne vitin 2005, eshte nje deshtim. “Ne duam te njihemi me masat e qeverise, ne menyre qe edhe dy bypass-et te mos jene nje deshtim i perseritur”, u shpreh ai. Por, sipas dy ministrave, Bode dhe Olldashi, e verteta eshte krejt e kunderta, qe rruget po shtrohen ne cdo cep te vendit. “I vetmi realitet i investimeve ne infrastrukture jane ndertimi i 9 mije km rruge”. Olldashi po ashtu theksoi se rruga Levan-Fier nuk perben nje deshtim: “Ka pasur nje problem per Levan-Vlore dhe e vetmja menyre per te zgjedhur ishte devijimi, pasi autostrada prekte pjesen arkeologjike te qytetit te Apolonise. Per kete, Kuvendi eshte informuar ne vazhdimesi”, replikoi Olldashi.


kohajone