Ja përse çmimet e apartamenteve janë të larta

[NoName]

Pergjigja perse real estate eshte kaq shtrenjte ne Shqiperi ka te beje me faktin qe Shqiperia ka nje ekonomi te madhe informale. Eshte e ditur qe cmimet per shtepite jane disporporcionale ne krahasim me te ardhurat. Pergjigja ka te beje me krimin ose me sakte fitimet e paligjshme. Leket e korrupsionit, droges e armeve pastrohen pikerisht ne real estate. Sic duket kriminelet shqiptare jane me te vertete me mend dhe e kane marre seriozisht ate shprehjen "Blini toke, se nuk po prodhohet me!".

Cmimet me pak fjale jane rritur artificialisht dhe e vetmja mundesi qe kjo flluske te plase arrihet duke vene kontrolle te rrepta mbi prejardhjen e fondeve si edhe taksimi per te ardhura dhe prona. Zgjidhja nuk eshte fiskale por legale besoj.

Atehere cfare duhet te bejne ata qe nuk kane te ardhura jolegjitime? Ashtu sic e shikoj une, ka dy zgjidhje: 1) Te behet presion qe ana legale te jete pjese e pandare e transaksioneve ose 2) Te kapni ate punen ne dogane sikur edhe vetem ngritjen e uljen e traut...


Marre nga Forumi i Gazates Biznesi.


NoName

[romeoOOO]

Nuk ben dot gje jo o miku im se eshte nje xhiro dhe nje perfitim aq i madh sa nuk mund te kthehet me asgje pas.

[Era1]

Banka e Shqipërisë paralajmëron se bumi i pandalshëm dhe i shpejtë I cmimeve të ndërtimeve mund të shoqërohet me një rrezik të bllokimit të kwtij sektori në të ardhmen, duke sjellë një efekt zinxhir në pasojat negative. Shkak i një situatë të tillë potenciale, janë burimet e paqëndrueshme financiare që e ushqejnë këtë industri: emigracioni dhe aktivitetet e paligjshme. I konsideruar deri tani si një nga katalizatorët e zhvillimit ekonomik të vendit por edhe si biznesi më fitimprurës në Shqipëri, ky sektor “fsheh” pas një rrezik të mundshëm, pasojat e të cilit do të ishin me një efekt domino mbi të gjitha aktivitetet që lidhen dhe ushqehen me të.
Në raportin e Bankës së Shqipërisë shpjegohet se vëllimi i shitjeve të realizuara gjatë 2005 është rritur në mënyrë të ndjeshme nga njëra periudhë në tjerën duke manifestuar një tendencë të fortë ngritjeje. “Gjatë tremujorit të tretë të vitit 2005, vëllimi dymbëdhjetw mujor i shitjes në terma konstantë kulmoi në nivelin e 28 përqind, duke treguar në këtë mënyrë se ky sektor edhe gjatë vitit 2005 ka qenë shumë tërheqës për biznesin në përgjithësi”, shkruan raporti i Bankës. Kjo situatë është reflektuar edhe në aktivitetet e lidhura me këtë sektor. Kështu “konsumi i cimentos ka shënuar rritje konstante nga një tremujor në tjetrin, në raport me të njejtat periudha të vitit të kaluar. Tremujorët e parë , të dytë e të tretë regjistruan një konsum respektivisht më të lartë në masën 20, 34 dhe 14 përqind se të njejtat periudha të vitit të kaluar”, vlerëson Banka.
Kërkesa e lartë në lidhje me prodhimet e kësaj dege duket dhe në ecurinë e shitjes, vecanërisht në cmimet e apartamenteve të banimit dhe të sipërfaqeve të destinuara për aktivitet ekonomik. “Realiteti i përditshëm pasqyron një tendencë të pandërprerë në rritjen e cmimeve”, thekson Banka e cila paralajmëron se “ky fakt duhet studjuar me kujdes për të vlerësuar drejt ndonjë rrezik të mundshëm që shoqëron bumin e shpejtë të cmimeve të pasurisë së paluajtshme”. Sipas Bankës ekziston rreziku i “një efekti tullumbace” që do të ishte i padëshirueshëm dhe do të krijonte efekte negative zinxhir në të gjithë rrjetin e bizneseve që ushqejnë dhe furnizojnë industrinë e ndërtimit”. Sipas vlerësimeve, nga ky “efekt kontaminues” do të prekej edhe sistemi bankar, përderisa 80 përqind e kolateraleve për kreditë e dhëna janë në formën e pasurive të paluajtshme. Një situatë e tillë rrezikon të krijohet sipas Bankës, nga fakti që kërkesa e fortë në sektorin e ndërtimit nuk i ka burimet në të ardhura të qëndrueshme. “Burime të tilla si të ardhurat nga emigracioni dhe nga aktivitetet e paligjshme, vleresohet se janë resurse financiare të përkohshme, të vështira për t’u parashikuar. Për rrjedhim, një rënie e mundshme, e shpejtë e këtyre burimeve, do të sjellë kufizime të forta në kërkesë, kufizime që do të vinin në vështirësi jo vetëm prodhuesit e ndërtimit por edhe degët e lidhura me të”, shpjegon Banka.

Ajo cka s’mund ta thotë Fullani
Të gjithë e kemi ditur, por për herë të parë, tashme gjendet e shkruar në një document zyrtar, raportin vjetor të Bankës së Shqipërisë: një nga burimet kryesore që ushqejnë sot industrinë e ndërtimeve janë aktivitetet e paligjshme, ose e thënë më troc, paratë e siguruara nga trafiqet e drogës, prostitucionit, klandestinëve…. Paralajmërimi I Guvernatorit për rrezikun potencial që mund t’I kanoset sektorit të ndërtimeve është një paralajmërim që shkon shumë më larg. Lufta kundër trafiqeve, bllokimi I kanaleve të paligjshme, do të shoqërohet dhe me efekte ekonomike, pasi këto para janë investuar në aktivitete që kanë gjeneruar edhe vende pune. Kështu qe qeveria, krahas vazhdimit të forcimit të luftës kundër trafiqeve duhet të mendojë që të zëvendësojë boshllëkun që krijohet, në mënyrë që ekonomia shqiptare të vazhdojë ritmet e rritjes duke u mbështetur në para të pastra


Marre nga Gazeta Shqipetare