Qoftet

[Eni]

a i ka njeri qejf ?

une per vete PO

----------------------------------------------------------------------

250 gr. mish i grire (viçi,derri ose lope)
1 kokerr qepe
1 veze
2 thelbinj hudhra
pak majdanoz, uthull, piper i kuq & i zi, rigon,kripe,nenexhik(dhjosme)

----------------------------------------------------------------------
pasi kemi grire qepen dhe prere dy thelbinjt e hudhrave i shtojme mases sasine emishit te grire, vezen, dhe erezat dhe e peziejme te teren duke i shtuar ne fund 1 gllenjke uthull.

mire eshte qe kjo sasi te lihet per nje fare kohe (1-2 ore) ashtu e tere dhe e trazuar, mbuluar siper me nje cohe te holle apo letra alumini.
Me pas sasise se mishit i japim format e deshiruara dhe i skuqim ne vaj te nxehte.
----------------------------------------------------------------------

qofte ala-korça:

pasi i skuqim pak ne vajin e nxehte qoftet, me pas i fusim tave dhe u veme siper nje salce te pergatitur me domate te frsketa dhe i futim ne furre me 180° duke pritur derisa ato te marrin nje ngjyre te kuqerremte. Me pas jane gati per t'u servirur.

qofte ala-normale (Eni) :

vetem i skuqim dhe i servirim

[Brari]

Eni e kush nuk i ka qef Qoftet.
Puna eshte kush i gatuan se duan pak durim.
Tony Blair thon ngordh per qofte. Kurse Doktor Saliu ka then...un per qofte edhe idealet e Dhjetorit i le.
Nuk thot populli kot "Ska qofte ke daja".lol. Ktu po vjen era qofte..ika...

[elbasan]

Eni,

me fal, po uthulla per cfare duhet? S'kam degjuar ndonjehere te behen qoftet me uthull.
Pastaj, po si fute mishit te vicit edhe nje kafshate buke (tul), ose pak miell, ai nuk mblidhet.
Ato qoftet ala-Korca duhet te jene te mira. Do t'i bej nje here ashtu si ke shkruar ti.

[Eni]

Elbasan,

ke te drejte qe qoftet pa nje çik tul buke nuk mblidhen,por receta origjinale dhe me e mira eshte pa buke.
Uthulla eshte receta e familjes sime dhe provo t'i hedhesh pak,nje gllenjke e do shohesh se do u japi shije qofteve.

[Fiori]

Kur gatuaja qofte ne Shqiperi, i beja gjithmone pa buke dhe pa kripe - kuptohet kjo filloi si nje ide "ala pertace", po pastaj u pelqye nga "masat" dhe mori emrin "recete personale e menduar me zgjuarsi dhe shije" (rrofte modestia)

Tani cdo gje eshte me e thjeshte, se dhe buken e grire dhe te thekur ketu e futin ne kuti, keshtu qe ske pse gjen menyra te thjeshta - po une si mish-ngrenese qe jam perseri pa buke i gatuaj dhe i ha.

Ate te uthullit vertet duhet ta provoj...po me fruta (portokalle) dhe bizele brenda i keni provuar?! - nejse sa me shume ti ndryshosh aq me shume u ndryshon dhe shija origjinale e qofteve shqiptare. (per te cilat dhe te huajt qe i kane provuar "lepijne gishtat" )

[Fiori]

Për 4-5 persona duhen:
Mish 1 filxhan çaji, qepë 2 kokrra, bukë 75 g. (2 feta), vezë 1 kokërr, kripë, piper, majdanoz, miell 2 lugë gjelle, vaj 4-5 lugë, perime sipas dëshirës.

Qoftet përgatiten zakonisht me mish lope të përzier me mish derri; në këtë rast ato dalin më të buta dhe më të shijshme
Mishi pritet në copa të vogla dhe grihet në makinë së bashku me qepën dhe hudhrat. Në masën e mishit hidhet vezë, kripë, piper i zi, majdanoz dhe bukë bajate e zbutur me qumësht ose ujë (bukë merret te 25% nga pesha e mishit). Masa përzihet mirë dhe ndahet në qofte; çdo qofteje i jepet forma e rrumbullakët ose ovale, pastaj kalohen në miell dhe skuqen në tigan me yndyrë nga të dyja anët. Duhet pasur parasysh se qofteve gjatë fërgimit nuk u duhet hedhur shumë yndyrë.
Shoqërohen me patate të skuqura, pure patate, perime të tjera të ziera ose të skuqura, pilaf, makarona etj.

[Emigranti]

O tifoze te qofteve!

Thoni cfare te doni, e jepni receta sa te doni. Qoftet me te
mira ne Shqiperi, dmth ne Bote i ka pas bo Meti ke Pazari I Ri. Nuk e di a bon akoma se une kam nja tre vjet qe kam ikur.

[Emigranti]

Eh edhe i gjo se harrova,

Mos i prishni qoftet me buke mer lal.
Boni si te boni ene i mlidhni pa buke.
Buka n'qofte osht shoqja e tallonit.

[Edmond83]

Ingredientët për 4 persona: 120 gr kajsi të thata, 60 gr rrush i thatë 1 dl brandy, 650 gr tul mishi viçi i grirë, 80 gr fara pishe, 1 lugë kanellë pluhur, 3 lugë bukë e grirë, 1 vezë, 1 lugë qumësht, miell, vaj ulliri, kripë, piper.

I presim kajsitë në copa rreth ½ cm dhe bashkë me rrushin e thatë i njomim me brandy. Në një tas përziejmë mishin me farat e pishës, kanellën, bukën e grirë, vezën e rrahur në qumësht, kajsitë dhe rrushin të kulluar dhe shumë piper. I përziejmë mirë me duar, i hedhim kripë, dhe formojmë rreth 20 qofte sa nje kajsi; i lyejmë me miell dhe i fërgojme në një tigan të thellë ku kemi hedhur shumë vaj duke i kthyer vazhdimisht. I kullojmë dhe i vendosim mbi një letër kuzhine që t'i thithi vajin. I servirim me sallata.

[MI CORAZON]

rrrrrrrrrrrrrrrrrrrrrrrrrrrrrr na ngjethe mishtë ! (lol)