Shqiptari Xhimi Marku, njeriu më i fortë në Angli

[Shijaksi-London]

Shqiptari Xhimi Marku, njeriu më i fortë në Angli

Kalon me sukses provën e parë. Kualifikohet për në natën finale të 31 Gushtit


Nga Londra
Muhamed Veliu

Xhimi Marku është emri i emigrantit shqiptar në Londër, i cili po tenton të rrëmbejë titullin "Burri më i fortë në Britaninë e Madhe". Ai ka mundur të futet në pesë finalistët e konkursit të quajtur "Britain‘s Strongest Man", që po transmetohet në stacionin televiziv britanik "Channel-5" që prej ditës së djeshme. Që në ditën e parë të konkurrimit ai është vendosur në qendër të vëmendjes si kandidati më potencial për ta fituar këtë konkurs tejet të vështirë.

Xhimi Marku e ka kaluar me sukses provën e parë, duke fituar gjashtë pikët e mundshme. Kjo e ka renditur atë të parin, duke lënë pas katër konkurrues të tjerë. 33-vjeçari shqiptar, i cili peshon 127 kilogramë, në vitin 2006-2007 është shpallur burri më i fortë në Angli. Ndërkohë, në këtë konkurrim ai është vënë përballë rivalëve për titull nga Irlanda, Uellsi dhe Skocia.

Sipas faqes së internetit UK-Albanians, Marku jeton në zonën Harrow në perëndim të Londrës. Ai, falë fizikut të tij të madh, është punësuar si roje sigurie në një lokal nate. Xhimi Marku njihet me nofkën Jimmy Calves (Jimmy Pulpa), për shkak të pulpave të këmbëve të tija jo aq të trasha në krahasim me trupin. Performanca e shqiptarit në ditën e parë të konkurrimit është cilësuar nga komentatorët televizivë të konkursit si e jashtëzakonshme.

Ata kanë nënvizuar faktin se Xhimi Marku i ka të gjitha mundësitë për t‘u shpallur burri më i fortë në Britaninë e Madhe. Nata finale e këtij konkursi do të jetë të premten më 31 gusht në ora 20:00 me orën lokale.

Kalimi me sukses i provës së parë ka tërhequr një numër të madh vizitorësh në faqen YouTube, ku ndodhet videoja në të cilën është filmuar Marku gjatë garës. Me mijëra emigrantë shqiptarë në Britani do të ulen përpara ekraneve të televizorit për të parë Markun. Një fitore e tij do të thoshte shumë për ata, pasi të tilla figura sportive apo në fusha të tjera i mungojnë komunitetit të tyre.

Megjithëse Xhimi Marku në këtë aktivitet përfaqëson Anglinë, ai kurrë nuk e ka mohuar origjinën shqiptare.

[engjellorja]

ai kurrë nuk e ka mohuar origjinën shqiptare.

Mos do ndonje dekorate ai qe nuk e ka mohuar? Menyra se si e trajton kete shkrimin ky Mahmuti a Muhameti si e ka emrin, le shume per te deshiruar.

[qorrbiba]

http://youtube.com/watch?v=Rwjg7fettjg

http://www.youtube.com/watch?v=oBBXRt8ruh8&NR=1

[Dorontina]

Bravo i qoft vertet ai din ku ta ep forcen....
Shqiptari asht i fort nese e gjen veten....

ket eshen e qoi 14 her super me shum se tjeret ...

[degnis]

Urime Xhimit, esht me te vertet nje njeri i pa arritshem. Un e kam ndjekur drejt per drejt kur ai mori pjes ne finale sepse e kam mik te vjeter..

p.s Engjellorja... Sdon dekorat se spo ben lufte, por thjesht respekt se esht Shqiptar dhe esht krenari per ne qe jetojm ne UK e mbare botes!

[Homza]

Gezim Marku eshte nga Tropoja e kam patriot te forte e kam....do kishte qene fantstike nqs do ta kishte fituar kete konkurs, edhe shqiptari te ishte numri nje ne UK......