Presidenti Sejdiu dhe kryeministri Berisha marrin pjesë në samitin e Selanikut

[ideus]

Kryetari i Kosovës, Fatmir Sejdiu, bashkë me shefin e UNMIK-ut Petersen, do të marrë pjesë në samitin e kryetarëve të shteteve ose të qeverive të Procesit për Bashkëpunim në Evropën Juglindore (South East European Cooperation Process, SEECP), që do të mbahet të enjten në Selanik.

Ndërkohë, sot mbahet takimi i ministrave të jashtëm të vendeve të përfshira në këtë proces . Bashkë me PSSP-në Soren Jesen Petersen, nga Kosova në këtë takim do të marrë pjesë Skender Hyseni, këshilltar kryesor politik i Presidentit Fatmir Sejdiu. Në këto takime do të bisedohet për perspektivën e agjendës së Selanikut për Ballkanin Perëndimor si dhe për bashkëpunimin rajonal si rrugë drejt integrimit evropian.
SEECP-i është proces rajonal joformal i bashkëpunimit, të cilin deri më 04 maj e kryeson Greqia, e cila është mikpritëse e takimeve më 3 dhe 4 maj në Selanik.

[Llapi]

ishalla se lexoin do te ldk-ista e rugovista se kan me ja ngjit 100 bishta jo u takue me ket jo ka shkue per ket por per ket siq e kan zakon me ja fut kot per njerzit qe su shkoin pershtati si Fatmiri qe nuk po ju shkon as sipas deshires e rruges se ldk-istave as te rugovistave

[ideus]

Ministrat e Jashtëm të vendeve të Ballkanit janë pajtuar të formojnë një zonë të tregtisë së lirë në rajon, e cila do t'u jepte shtytje ekonomive dhe aspiratave për t'iu bashkangjitur Bashkimit Evropian. "Synimi është zhvillimi financiar", u tha ministrja e Jashtme e Greqisë Dora Bakojanis shefave të diplomacive të rajonit në takimin e Selanikut. Kosova në këtë takim po përfaqësohet nga kryetari Fatmir Sejdiu dhe shefi i UNMIK-ut, Soren Jessen Petersen.

Në këto takime do të bisedohet për perspektivën e agjendës së Selanikut për Ballkanin Perëndimor si dhe për bashkëpunimin rajonal si rrugë drejt integrimit evropian. Samiti i kryetarëve të shteteve ose të qeverive të Procesit për Bashkëpunim në Evropën Juglindore është proces rajonal i painstitucionalizuar i bashkëpunimit, të cilin deri tash e ka kryesuar Greqia. Që nga sot këtë proces do ta udhëheq Kroacia.

[Albo]

Kryeministri takon homologun grek. Karamanlis, dakord me kërkesën e Berishës

Berisha i kërkon Karamanlis miratimin e ligjit për pensionet e emigrantëve


N.Perndoj

Tiranë- Kryeministri Sali Berisha kërkon mbështetjen e homologut të tij grek për miratimin në Kuvend të ligjit të pensioneve për emigrantet shqiptare. Ai ka marrë përgjigje pozitive rreth kërkesës ne fjalë nga kryeministri grek, Kostas Karamanlis, gjatë takimit të zhvilluar me këtë të fundit. “Në takim u diskutua edhe për gjendjen e emigrantëve shqiptarë në Greqi. Në mënyrë të veçantë kryeministri Berisha i kërkoi homologut të tij grek mbështetjen për miratimin e ligjit të pensioneve për emigrantët shqiptarë. Nga ana e tij, zoti Karamanlis u shpreh i gatshëm në lidhje me këtë çështje”, - thuhet në njoftimin për shtyp të Këshillit të Ministrave. Gjatë këtij takimi kryeministri Berisha e informoi homologun grek mbi përpjekjet dhe arritjet e qeverisë në fushën e rivendosjes së rendit, shtetit ligjor, luftën kundër korrupsionit dhe krimit të organizuar, duke u shprehur se qeveria që ai drejton është duke e nënshtruar korrupsionin dhe krimin në Shqipëri. Gjithashtu, kryeministri Berisha i foli homologut të tij, Karamanlis, mbi reformat në fushën ekonomike, sidomos reformat fiskale dhe përpjekjet për rritjen e investimeve të huaja në Shqipëri, duke kërkuar me këtë rast edhe mbështetjen e kryeministrit grek për nxitjen e investimeve greke në vendin tonë. Nga ana e tij, kryeministri grek shprehu vlerësimin e tij për nivelin e shkëlqyer të marrëdhënieve dypalëshe shqiptaro-greke. Gjithashtu, ai vlerësoi reformat dhe arritjet e qeverisë shqiptare, duke u shprehur se Shqipëria është duke përparuar në nivelin e standardeve evropiane, duke u afruar gjithnjë e më shumë me BE-në. Me këtë rast ai e përgëzoi kryeministrin Berisha për nënshkrimin shumë të afërt të marrëveshjes së stabilizim-asociimit me BE-në. Ndër të tjera, të dy kryeministrat biseduan për çështjen e Kosovës dhe zgjidhjen e statusit final të saj, si dhe për zhvillime të tjera politike dhe të bashkëpunimit në rajon. Në takim u fol edhe për gjendjen e minoritetit grek në Shqipëri dhe, sipas njoftimit zyrtar të Kryeministrisë, të dy kryeministrat u shprehën të kënaqur në këtë drejtim.

Austria konfirmon nënshkrimin e MSA-së
Kryeministri shqiptar, Sali Berisha dhe ministri i Punëve të Jashtme, Besnik Mustafaj, janë takuar dje në takime të veçanta në Selanik me ministren e Punëve të Jashtme të Greqisë, Dora Bakojanis dhe kryediplomaten austriake Ursula Plasnik. Ministrja e Jashtme austriake, Plasnik, ka ritheksuar se nënshkrimi i Marrëveshjes së Stabilizim Asociimit brenda presidencës së Austrisë. Ndërsa në takimet që u zhvilluan me kryediplomaten greke, Bakojanis, është vlerësuar niveli i mirë i bashkëpunimit dhe marrëdhënieve dypalëshe. Ndër të tjera, liderët e qeverive ranë dakord mes tyre për emërimin e një koordinatori për anëtarësimin në Bashkimin Evropian. Nuk ka mbetur jashtë vëmendjes së bisedimeve edhe tema e financimeve të akseve të rëndësishme rajonale Korridoret 4, 6 dhe 10, por nuk është përmendur aspak Korridori 8. Po kështu, gjatë bisedimeve i është kërkuar Serbisë që të bashkëpunojë me Gjykatën e Hagës për të dorëzuar të shumëkërkuarit e akuzuar për krime luftë në ish-Jugosllavi, tashmë që edhe BE-së deklaroi zyrtarisht ndërprerjen e negociatave për MSA-në me qeverinë serbe. Delegacioni shqiptar i kryesuar nga kryeministri Berisha mori pjesë dje në Selanik, në takimin e Këshillit të Ministrave të Jashtëm të vendeve anëtare të Procesit të Bashkëpunimit të Evropës Juglindore (SEECP).