Ëndrra për t’u bërë i pasur në Amerikë është një iluzion
Demaskimi i mitit për "ëndrrën amerikane"
Gjasat që një fëmijë e lindur në familje të varfër të pasurohet janë vetëm 1%, sipas studimit të ekonomistit Tom Hertz. Raca ende shënon një diferencë të madhe në jetën ekonomike, prandaj ndryshueshmëria në Amerikë është kaq e ulët thotë Hertz. “Kjo demaskon mitin se Amerika është vendi i mundësive, por nuk tregon se çfarë duhet bërë që kjo të eliminohet”, thonë ekspertet ekonomik botëror.
Amerika ende mund të quaj vendin vend i mundësive, por shanset për të jetuar një jetë nga ‘varfëria te pasuria’ janë shumë të pakta se sa kudo tjetër në botë. Këto janë rezultatet e një studimi më të fundit, të publikuar këto javë.
Gjasat që një fëmijë e lindur në familje të varfër të pasurohet janë vetëm 1%, sipas studimit me titull “Të kuptuarit e ndryshueshmërisë në Amerikë”, nga ekonomisti Tom Hertz. Për dallim nga këto raste, shanset që një fëmijë i lindur i pasur të mbetet i tillë juanë 22%. “Me fjalë të tjera, shanset për t’u bërë i pasur janë mbi 20 herë më të mëdha nëse ke lindur i pasur, sesa në rastin kur i përket një familje me të ardhura të ulëta”, shprehet Hertz.
“Merrni parasysh një familje e varfër në SHBA dhe një çift i ngjashëm në Danimarkë dhe shikoni se sa shumë dallime do të transmetohen në të ardhurat e prindërve te nipërit e tyre”. “Në SHBA transmetimi i pasurisë tek nipërit është 22%, kurse në Danimarkë vetëm 2%”, paraqet ai. Kjo na jep një argument të fortë në mbrojtje të tezes së tij dhënë më lartë.
Studimi është bërë me një grup prej 4 000 fëmijësh, të ardhurat e prindërve të cilëve janë shqyrtuar në vitin 1968, dhe pastaj sërish në vitet 1995, 1996, 1997 dhe 1999. Studimi nuk përfshinë emigrantët.
Shumë ekspert shqyrtojnë përfundimet e arritura nga ekonomisti amerikan, Hertz, por janë shumë të rezervuar në konkluzionet e tyre. “Kjo demaskon mitin se Amerika është vendi i mundësive, por nuk tregon se çka duhet bërë që kjo të eliminohet”, thonë ekspertët ekomomik. Studimet e fundit na rezultojnë me të dhëna se ka diferenca të madha në të ardhurat e popullsisë në SHBA, por amerikanët mbeten optimistë, duke shpresuar në përmirësim ekonomik të nivelit të tyre të jetesës.
Sipas një analize të “New York Times”-it, të botuar vitin e kaluar, 80% e të anketuarve besojnë se mund të fillosh i varfër, të punosh shumë dhe të bëhesh i pasur, krahasuar me vitin 1983, kur përqindja e personave që mendonin kështu ishte vetëm 60%. Kjo kontradiktë, kur njerëzit mendojnë se mund t’ia dalin dhe realiteti është krejtësisht tjetër, është “rrëmbyer” nga kritikët e presidentit Bush, për ta sulmuar atë sa i përket uljes së taksave, për të cilët ata mendojnë se i favorizon të pasurit.
Hertz ka studiuar kanalet e transmetimit të të ardhurave nëpër gjenerata, me ç’rast ka identifikuar, shkollimin, si faktorin më të rëndësishëm në këtë proces. Duke vazhduar me faktorët tjerë, që arrin deri tek raca, duke shpjeguar pse të varfrit mbeten gjithmonë të tillë. Mesatarisht 47% e familjeve të varfra mbeten të varfra. Por në këtë kontekst 32% e të bardhëve mbeten të varfër, ndërkohe që përqindja për të zinjtë është 63. Kjo vlen edhe për anën tjetër të medaljes – vetëm 3% e të zinjve arrijnë të ngrihen në “hierarkinë e të ardhurave”, ndërsa kjo mundësi është shumë më e madhe për të bardhët – 14%.
“RACA ENDE SHËNON NJË DIFERENCË TË MADHE JETËN EKONOMIKE AMERIKANE”, pos tjerash shprehet Tom Hertz.
Material i përmbledhur nga Davius.
Përgjigju Duke Cituar
Postuar më parë nga Gio
Po po, s'mo le te shkruaj ic. Me duket sikur ne c'do teme qe vete, po te kopjoj ty, lol.
, te kesh te tjeret te bejne hamallekun per ty dhe ti vetem te bash llogarite , te mos te dridhet dora per te ba qef dhe ne fund..te te teprojne nja 3-4 mije dollar ne jave per tu fut ne saving account !
Krijoni Kontakt