Aida Dumani-Modelja dhe Aktorja

[dodoni]

Aida Dumani, fotomodele në Skoci

Një prishtinase në Glasgow

Dalëngadalë po i pushton pistat e modës, por e ka ndërmend t’i përkushtohet edhe aktrimit. Se sa është e bukur, thotë se duhet ta vlerësojnë të tjerët. Por, nuk e ka ndërmend të pozojë nudo

ARDIAN JASIQI

Tetëmbëdhjetëvjeçarja nga Prishtina Aida Dumani, e cila jeton në Glasgow të Skocisë tash tetë vjet, me modelim merret prej dy vjetësh. Bukuroshja kosovare tashmë është paraqitur në “London Fashion Week” dhe, me 178 centimetrat e saj, premton karrierë të bujshme.
Në një bisedë për “Lajmin”, ajo thotë se ka nisur të bëhet e njohur, pasi për të janë interesuar agjentët e modës. “Në fillim, kur jam ftuar të marr pjesë në sfilita, jam frikësuar, por me kalimin e kohës ndjenja e të qenit modele më ka bërë të ndihem mirë”.
Edhe pse merret me një profesion delikat, ajo nuk mban dietë. “Aq më pak kur mami është shumë e zonja në kuzhinë. Mendoj se dieta shkakton probleme shëndetësore. Familja ime nuk e ka harruar traditën e përgatitjes së ushqimit tradicional, megjithëse mua më shumë më pëlqejnë ushqimi italian dhe ai kinez”.
Nuk është e dashuruar dhe, thotë, as aventuriste, ndërkaq premton se nuk do të zhvishet në skenë dhe nuk do të pranojë të pozojë nudo. “Për mua shumë i rëndësishëm është respekti ndaj vetes dhe familjes”.
Dhurata më e mirë që ia ka bërë dikush është ajo çfarë i ka përgatitur një shoqe e saj. Ajo ia ka organizuar ditëlindjen e 18-të pa e pyetur fare.
Nuk i njeh shumë modelet kosovare, por thotë se tashmë është njohur me supermodelen Kate Moss. Po ashtu, e njeh modelen nga Mali i Zi, Emine Çunmulaj.
Në të ardhmen planifikon t’i përkushtohet aktrimit, ndërkaq tashmë ka luajtur një rol episodik - atë të një mërgimtareje kosovare, në serialin “Flashmarket Close”.

marre nga www.lajm.info

[King_Gentius]

A eshte kjo Enkelejda Dumani e njohur si foto-modele ne Greqi?

[Korab84]

Jo kjo fotomodelja nuk po jetojke ne greqi..Po po jetojke ne Britani te Madhe.Veq valla femer ish,sja kom pa krejt fotografit veq qato qe i kan publiku edhe nifar webi te agjensionit t saj veq kogja BOMB ish.!