Demarkacioni i kufirit, prish raportet Kosovë - Maqedoni!

[Davius]

Crvenkovski kundër Çekut

Presidenti i Maqedonisë thotë është i përkushtuar për realizimin e marrëveshjes për demarkacionin e kufirit të nënshkruar me Serbinë. Takimi më 5 maj me Kryeministrin Çeku vihet në pikëpyetje.

Presidenti i Maqedonisë, Branko Crvenkovski, ka reaguar të mërkurën ndaj deklaratës së Kryeministrit të Kosovës, Agim Çekut, se Prishtina zyrtare nuk e pranon marrëveshjen mes Shkupit dhe Beogradit për demarkacionin e kufirit, duke pohuar se pala maqedonase është e përkushtuar për realizimin në praktikë të marrëveshjes për demarkacionin e kufirit të nënshkruar me Serbinë.

Crvenkovski ka thënë se deklarata e Kryeministrit Kosovar nuk shkon në dobi të marrëdhënieve të mira fqinjësore dhe të synimeve që autoritetet kosovare i kanë rreth të ardhmes së Kosovës.

"Deklarata është një goditje e rëndë e politikës së përgjithshme të bashkësisë ndërkombëtare që zhvillohet në këtë pjesë të rajonit. Nuk e di se sa herë e kam përsëritur se Qeveria e Kosovës nuk ka legjitimitet, ndërsa është evidente se nuk ka as dëshirë që të jetë faktori kryesor që duhet ta kryejë procesin e demarkacionit nga ana tjetër e kufirit", ka thënë tha Crvenkovski.

Duke pasur parasysh se Macedonia ka marrëveshje juridike ndërkombëtare të nënshkruar me Beogradin në vitin 2001, e deponuar në Kombet e Bashkuara dhe e pranuar ndërkombëtarisht, Crvenkovski ka thënë se nuk kanë synim as interes që përsëri të negociojnë me këdo rreth caktimit të kufirit ndërshtetëror.Shefi i shteti maqedonas ka thënë se ky është demarkacioni i kufirit, vendosja e gurthemeleve të kufijve në vendndodhje, siç është bërë kjo më parë në pjesën me Serbinë.

"Për këtë shkak, duke pasur parasysh se është në fuqi Rezoluta 1244 në territorin e Kosovës, Kombet e Bashkuara, përmes UNMIK'ut e kanë administratën dhe e zbatojnë pushtetin, faktorin kyç me të cilin duhet të komunikojmë dhe nga i cili duhet të kërkojmë që ky operacion teknik të përfundojë", ka deklaruar Crvenkovski.Deputeti i LSDM në pushtet, Esad Rahic, po ashtu ka pohuar se deklarata e Kryeministrit Agim Çeku është shumë e dëmshme për të ardhmen e Kosovës.

"Nëse Kosova ka për qëllim të fitojë pavarësi, atëherë autoritetet në Prishtinë duhet t'i pranojnë edhe marrëveshjet e ish-shtetit jugosllav, siç është edhe marrëveshja për shënimin e vijës kufitare. Deklaratat e këtilla janë shumë të dëmshme", ka thënë Rahic. Burime qeveritare u kanë thënë mediave maqedonase se deklarata e Kryeministrit Çeku ka vënë në pikëpyetje edhe vizitën e tij në Shkup, të paralajmëruar më 5 maj.

Kryeministri maqedonas, Vlado Buckovski, ndërkaq, ka thënë po të mërkurën se do të bisedojë me telefon me homologun e tij nga Kosova, Agim Çekun, për t'u marrë vendim nëse takimi që do të realizohet më 5 maj në Shkup do të jetë produktiv apo kontraproduktiv.

Buckovski nuk ka pranuar të komentojë deklaratën e Çekut për mospranimin e arrëveshjes së vitit 2001 për kufirin, ndërsa ka kërkuar thellim të marrëdhënieve midis Maqedonisë dhe Kosovës. "Qëllimi ka qenë që ai të vijë në Maqedoni dhe të qetësohet fryma e fqinjësisë së mirë dhe e mirëkuptimit, të thellohen marrëdhëniet miqësore dhe çështja e vetme e hapur të lëshohet në nivel teknik. Kështu siç zhvillohen punët, demarkacioni merr dimension
të ri, jo dimension të çështjes teknike", ka deklaruar Buckovski.

[Davius]

Deklarata e Çekut nuk shkon në dobi të marrëdhënieve të mira fqinjësore


Presidenti Branko Cërvenkovski duke u përgjigjur në pyetjen e gazetarëve gjatë vizitës së sotme në Koçanë, lidhur me deklaratën e kryeministrit të Kosovës Çeku se nuk e pranon marrëveshjen mes Shkupit dhe Prishtinës, vlersoi se bëhet fjalë për deklartë që nuk shkon në dobi të marrëdhënieve të mira fqinjësore

"Së pari, nuk shkon në dobi të marrëdhënieve të mira fqinjësore dhe e dyta, nuk shkon në dobi të synimeve që autoritetet kosovare i kanë rreth të ardhmes së Kosovës. E treta, deklarata është një goditje e rëndë e politikës së përgjithshme të bashkësisë ndërkombëtare që zhvillohet në këtë pjesë të rajonit. Unë nuk e di se sa herë e kam përsëritur se Qeveria e përkohshme e Kosovës nuk ka legjitimitet, ndërsa është evidente se nuk ka as dëshirë që të jetë faktori kryesor që duhet ta kryejë procesin e demarkacionit nga ana tjetër e kufirit. Duke pasur parasysh se ne kemi marrëveshje juridike ndërkombëtare valide të nënshkruar me Beogradin, me RSJ-në e atëhershme tani Serbia e Mali i Zi në vitin 2001, i cili është i deponuar në KB dhe është i pranuar ndërkombëtarisht, ne as nuk kemi synim, e as interes që përsëri të negociojmë me këdo rreth caktimit të kufirit ndërshtetëror. Ne flasim vetëm për operacion teknik.

Ky është demarkacioni i kufirit, këto janë vendosja e gurthemeleve të kufijve në vendndodhje, siç është bërë kjo më parë në pjesën me Serbinë. Dhe për këtë shkak, duke pasur parasysh se është në fuqi Rezoluta 1244 se në territorin e Kosovës, Kombet e Bashkuara përmes UNMIK-ut e kanë administratën dhe e zbatojnë pushtetin, faktorin kyç me të cilin duhet të komunikojmë dhe nga i cili duhet të kërkojmë që ky operacion teknik të përfundojë është bashkësia ndërkombëtare. Domethënë, para se gjithash, Brukseli, Nju-Jorku, Uashingtoni", deklaroi presidenti Branko Cërvenkovski.

Buçkovski:
Vizita e Çekut
Kryeministri Vllado Buçkovski gjatë vendosjes së gurthemelit për ndërtesën e re të SHF Jan Amos Komenski, duke u përgjigjur në pyetjen e gazetarëve
lidhur me deklaratën e kryeministrit të Kosovës Agim Çeku për demarkacionin e kufirit dhe për spekulimet lidhur me vizitën e tij në Maqedoni theksoi se nuk do ta komentonte deklaratën dhe se planifikon që përmes telefonit të bisedojë me Çekun pas së cilës, siç tha do të merret vendim nëse vizita do të jetë produktive apo kontraproduktive.
"Qëllimi ka qenë që ai të vijë në Maqedoni dhe të qetësohet fryma e fqinjësisë së mirë dhe e mirëkuptimit. Të thellohen marrëdhëniet miqësore dhe çështja e vetme e hapur të lëshohet në nivel teknik. Kështu siç zhvillohen punët demarkacioni merr dimension të ri, jo dimension të çështjes teknike", deklaroi kryeministri i Maqedonisë.

Ceku:
“Kosova është fqinji i ri i Maqedonisë”Kryeministri i Kosovës, Agim ka thënë sot se "Serbia nuk ka asnjë të drejtë për të nënshkruar diçka që ka të bëjë me Kosovën, sepse ata nuk kanë autoritet ndaj Kosovës". Këto komente ai i bëri gjatë vizitës në Debëlde. "Maqedonia duhet të filloj ta kuptoj se ata kanë fqi të ri. Kosova është fqinji i ri i Maqedonisë", ka thënë kryeministri Çeku. Siç raporton agjencia Reuters ai është shprehur se për linjën aktuale do të duhej të zhvilloheshin negociata të reja. Kryeministri i Maqedonisë, Vllado Buçkovski tha sot se ai pret që të flasë me kryeministrin Çeku "për të parë se takimi i planifikuar a do të jetë produktiv apo kundërproduktiv". Presidenti i Maqedonisë, Branko Cërvenkovski ka thënë se "nuk ka ndërment të zhvilloj negociata të reja".

[dodoni]

Ajo marreveshje eshte e papranueshme per ne. Keta sllavo-maqedonet mendojne qe jane duke pasur pune me budallenje qe mund tju marrin toka sa te duan ata. Sa te poshter jane mor, nuk mund ta imagjinosh dot. Gjysma e Maqedonise eshte shqiptare, dhe tani kerkojne edhe me shume territore nga Kosova. Rrini more urte se jau dhezim fitilin e nuk keni ma shtet hic ma masnej.

Shume mire e tha Ceku. Nuk e njohim ate marreveshje. Serbia mund tia jap vetem territoret e veta dikujt tjeter por jo territoret e Kosoves. Edhe ne po ja japim Maqedonise gjithe Serbine po e deshen ata, por sa con peshe nje marreveshje e tille. Mos te shkoje Ceku fare po nuk duan sllavo-maqedonet. Kush jane ata felliqesira per neve? Askushi fare.

Fshataret e Debelldese i pergezoj per mesazhin e qarte qe ju dhane te gjitheve, ne tokat tona kembe e sllavo-maqedonit mund te shkeli por edhe do varroset aty pastaj menjehere. E me keta fshatare jam edhe une, e edhe gjithe Kosova, e edhe gjithe Shqiptaria, edhe me pushke po te jete nevoja. Asnje pellembe toke nuk ja japim. Gjysma e Maqedonise eshte e jona edhe prape kerkojne nga ne? Hic nuk dijne edhe ata?

[Davius]

Çeku-Buçkovski:

Takimi më 5 maj


Konfirmohet zyrtarisht vizita e kryeministrit Agim Çeku në Maqedoni. Një telefonatë e kryetarit të qeverisë maqedonase, Vllado Buçkovski, drejtuar homologut Çeku, i ka “zbutur” tonet mes njëri-tjetrit.

Kabineti i kryetarit të Qeverisë së Republikës së Maqedonisë, ka bërë publik një njoftim të posaçëm, ku theksohet se “përmes një telefonate kryeministri Buçkovski ka arritur marrëveshjen që Çeku ta vizitojë vendin tonë më 5 maj, siç është thënë në kumtesë,me qëllime të mira dhe me qëllim që të pëforcohen marrëdhëniet e mira të ndërsjella, respektimi dhe përforcimi i bashkëpunimit dhe mirëkuptimit të ndërsjellë”.

Njoftimi zyrtar “Në bisedë Kryeministri i Kosovës ka theksuar se e respektojnë në tërësi integritetin dhe sovranitetin territorial të Republikës së Maqedonisë dhe e konfirmoi parimin e mosndryshimit të kufijve në rajon”, thuhet në njoftimin zyrtar pranë kabinetit të Buçkovskit. Duke cituar më tej shkresën, thuhet se “Çeku në bisedën telefonike ka theksuar se Kosova e mbështet integritetin e Republikës së Maqedonisë në Bashkimin Evropian dhe në NATO. Nëse kemi vullnet të mirë nga ana e autoriteteve kosovare dhe nga ana e Kryeministrit të Kosovës, vizita do të jetë produktive dhe ne gjithmonë i kemi hapur dyert për mysafirë qëllimmirë”. Zyra e kryeministrit Buçkovski, nuk ka harruar të shtojë se “Maqedonia mbetet në pozicionet se demarkacioni është çështje teknike dhe do të zgjidhet gjatë zgjidhjes së statusit final të Kosovës”.

Dyshimet e vizitës
Vizita e kryeministrit Çeku në Maqedoni, në datën 5 maj u vu në pikëpyetje nga disa spekulime mediatike të Beogradit dhe të Shkupit, Por reagimi i qeverisë së Kosovës ka qenë i menjëhershëm. “Kryeministri Çeku do ta vizitojë Maqedoninë me 5 maj”. Konfirmimi u bë katër ditë më parë nga zëdhënësja e kryeministrit Çeku, Ulpiana Lama. Ajo ka hedhur poshtë se qëndrimet e ndryshme Çeku-Buçkovski për periudhën se kur do të shikohet kufiri Kosovë-Maqedoni, mund të çojnë në anulimin e takimit të dy kryeministrave. Lama ka theksuar se shtyrja e takimit ka ndodhur për shkak të samitit të NATO-s që do të mbahet në Bullgari dhe jo për shkak të deklaratave të fundit të kryeministrit Çeku. Pra, vizita e tij në Maqedoni nuk u anulua për shkaqe konflikti me Buçkovskin, për çështjen e demarkacionit. “Takimi ishte parashikuar të mbahej më 29 të këtij muaji për shkak të samitit të NATO-s që mbahet në Bullgari dhe ai është shtyrë për datën 5 maj. Vizita do të realizohet, kjo është marrëveshja që është bërë dhe nuk ka ndonjë befasi”,- deklaroi zëdhënësja Lama.

[Davius]

Agim Çeku në Maqedoni, bisedimet me Buçkovskin në godinën e Qeveritare

Shkup, 08:08

Kryeministri i Kosovës Agim Çeku sot në Shkup duhet të bisedojë me kryetarin e Qeverisë së Republikës së Maqedonisë Vllado Buçkovski dhe liderët e partive parlamentare opozitare në vend.

Një ditë para vizitës së Çekut, Qeveria e Kosovës miratoi një deklaratë në të cilën theksohet se "Kosova e konsideron kufurin e përparshëm administrativ me Maqedoninë si kufi të vlefshëm ndërkombëtar ndërmjet të dy vendeve" dhe se "shënimi i vijës kufitare është një çështje teknike e cila nuk duhet të shikohet si pengesë për avancimin e bashkëpunimit bolateral".

Sipas agjendës, Çeku sot paradite do të ketë takim me Buçkovskin në Kabinetin e tij.

Gjatë vizitës së tij dyditëshe, kryeministri kosovar duhet të realizon takime me liderët e thuajse të gjitha partive parlamentare opozitare nga blloku shqiptar dhe maqedonas, si dhe me liderin e partisë në pushtet të BDI-së.

Çeku, siç është paraparë, do të ketë takim edhe me ambasadorët e Grupit të Kontaktit, të akredituara në Shkup.

Kryeministri kosovar në Shkup duhet të arrijë me tren, ndonëse komunikacioni transportues hekurudhor nuk është zyrtarizuar për shkak të mosekzistimit të kushteve për kontrollim doganor dhe policor në Maqedoni.

Kryeministri i Kosovës Agim Çeku do të pritet në godinën e Qeverisë së Maqedonisë, që është hera e parë që kur LSDM-ja gjendet në pushtet prej vitit 2002. Deri tani bisedimet me zyrtarët kosovarë janë organizuar në Klubin e deputetëve.

[dodoni]

Buçkovski-Çeku: Kufijt mbeten, demarkacioni është "çështje teknike" Aktuale

Maqedonia dhe Kosova sot, në Shkup, u pajtuan se demarkacioni i kufirit është çështje teknike, e jo politike, si dhe u zotuan për mosndryshimin e kufijve, marrëdhënie të mira fqinjësore dhe bashkëpunim ekonomik.


"Ne jemi për mosndryshimin e kufijve. Çështja për demarkacionin është çështje teknike, e jo politike", deklaroi kryeministri i Qeverisë së Kosovës Agim Çeku, i cili sot arriti për vizitë në Maqedoni me ftesë të kryeministrit Vllado Buçkovski.
Çeku është i shoqëruar me delegacion qeveritar dhe ekonomik, si dhe nga grupi prej rreth 35 gazetarëve, në takime me autoritetet zyrtare të Maqedonisë dhe pjesëmarrje në forumin afarist maqedono-kosovar.
"Kufiri i mëparshëm administrativ, do të jetë kufiri që do të shënohet deri në momentin kur do të krijohen parakushtet që nga pala tjetër të kemi partner me kredibilitet të tërësishëm ndërkombëtar", deklaroi kryeministri i Maqedonisë Vllado Buçkovski, duke shtuar se "Maqedonia s'ka kurrfarë problemi politik rreth kësaj". (Makfaks)