Prokuroria rrëzon akuzat e rënda për Gëzimin e “Kashtës”

[Ozzy]

U kap Bare, Berisha, Kashta dhe shume te tjere. Mendoni se kjo qeveri po lufton vertet krimin e organizuar, apo po eleminon konkurencen e krimineleve te djathte. Ne qytetin tim jane kthyer pas kapjes se Bares, kriminele shume te rrezikshem, te cilet shetisin lirshem rrugeve pa i bezdizur njeri.

kriminelt skane per te mbaruar ndonjehere ne shqiperi .....te pakten polizia po punon per tja bere punen sado pak te veshtire ...kam une pershtypjen ....
se si eshte e verteta tani as zoti nuk e di .....!!!!!!!!!!!

[Moltisanti]

Ore akoma se keni kuptuar qe cdo qeveri kap dhe prangos ato persona qe perbejne pengesa ne trafikun e tyre . Jane te zgjuar njerzia , e bejne buje te madhe qe ti mbushin mendjen popullit qe ja dhe ne po bejme dicka mbi krimin e organizuar .

[MICHI]

o Titi cja fut kot edhe ti. Kto spo e beujne qe ja " ja dhe ne " po bejme dicka se ato qe ishin para tyre zbene asgje se ishte te lidhur kyc me to ( kriminelet ) edhe akoma jane.

[Albo]

Prokuroria: Trupi gjykues të mos njohë dokumente që s`kanë ardhur nga Ministria e Drejtësisë

Gjykata: Në burg "Gëzimi i Kashtës"

Avokatët: Kjo është shkelje e ligjit, ka mbaruar koha e dënimit

Keti Banushi
Rrëzohet kërkesa e Gëzim Salillarit për revokimin e masës së sigurisë. Gjykata e Apelit për Krime të Rënda nuk pranoi dje kërkesën e bërë nga avokatët e të arrestuarit, për revokimin e masës së sigurisë dhënë ndaj Gëzim Salillarit.

I arrestuari me akuzën e trafikut të lëndëve narkotike kërkoi nga gjykata shuarjen e vendimit që e ka lënë në burg pa afat, pasi vepra penale për të cilën ai është dënuar në Itali është parashkruar tashmë. Mbrojtësit ligjorë kanë paraqitur para gjykatës dokumente origjinale të autoriteteve italiane të drejtësisë. Sipas këtyre dokumenteve, dënimi i dhënë ndaj Gëzim Salillarit me katër vjet burg dhe 60 mijë euro gjobë, ka përfunduar tashmë. Veç kësaj, sipas avokatëve, tashmë ka kaluar edhe koha e vuajtjes së dënimit nga klienti i tyre, për shkak të parashkrimit të veprës penale. Parashkrimi i vepër penale është një përcaktim ligjor, sipas të cilit, për një vepër të caktuar penale, nuk mund të ushtrohet ndjekje penale dhe as dënim, nëse kalon një afat i caktuar.

Seanca
Pasi kishin bërë kërkesën e tyre disa ditë më parë, avokatët e Salillarit u paraqitën në seancën e djeshme në ambientet e Gjykatës së Apelit për Krime të Rënda. Avokatët patën kundërshtuar vendimin e dhënë nga Gjykata e Shkallës së Parë, e cila caktoi qëndrimin në qeli të Salillarit deri në përfundim të hetimeve ndaj tij. Mbrojtësit ligjorë kanë kërkuar lirimin e menjëhershëm të klientit të tyre, duke thënë se mbajtja e tij në burg tashmë është një veprim në shkelje të ligjit. Sipas avokatëve, vendimi italian ndaj Salillarit ka marrë formë të prerë tashmë dhe nuk mund të vihet në diskutim, derisa i dyshuari është arrestuar në Shqipëri, bazuar në atë vendim të dhënë nga gjykata italiane. Avokatët i kërkuan gjykatës që të bënte njohjen e vendimit italian. Nga ana tjetër, prokurori i Apelit për Krime të Rënda i kërkoi gjykatës të linte në fuqi vendimin e mbajtjes në burg të Gëzim Salillarit. Përfaqësuesi i akuzës e argumentoi kërkesën e tij duke thënë se gjykata shqiptare nuk mund të vendosë derisa nuk është njohur me një dokument si vendimi italian, të mbërritur në rrugë zyrtare nga Ministria e Drejtësisë.

Gjykata
Pasi dëgjoi argumentet dhe kërkesat e dy palëve, trupi gjykues i Apelit të Krimeve të Rënda miratoi pretendimin e Prokurorisë. Në këtë mënyrë është refuzuar kërkesa e bërë nga avokatët e Gëzim Salillarit, të cilët këmbëngulën duke thënë se mbajtja në burg e të arrestuarit në këto kushte është shkelje e ligjit. Gjykata pohoi se nuk mund të merrte parasysh vendimin e homologes italiane të mbërritur nëpërmjet avokatëve të Salillarit. Apeli konfirmoi se do të njohë vendimin italian, vetëm nëse ai mbërrin në rrugë zyrtare nëpërmjet Ministrisë së Drejtësisë. Por edhe pse kanë kaluar muaj nga arrestimi i Salillarit, vendimi i plotë i gjykatës italiane ende nuk ka ardhur në Ministrinë e Drejtësisë.


Arrestimi
Gëzim Salillari, i njohur si Gëzimi i Kashtës, është arrestuar në një prej pronave të tij në qytetin e Durrësit mëngjesin e 27 prillit 2006. Forcat e operacioneve speciale, në një operacion të gjerë, zbatuan urdhër-arrestin e gjykatës italiane, duke arrestuar Gëzim Salillarin, Artur Vaqon dhe Ilir Sukajn. Pas arrestimit në Durrës ata u sollën në Tiranë, ndërsa hetimi filloi te Prokuroria e Krimeve të Rënda. Kjo e fundit kërkoi mbajtjen në burg për Salillarin, por e cilësoi të paligjshëm arrestimin e tij.

Konflikti
Prokurori i Përgjithshëm, Theodhori Sollaku, në një deklaratë të bërë në një emision televiziv ditën e arrestimit të Salillarit, e cilësoi operacionin të paligjshëm. Sipas Sollakut, Shqipëria nuk ka marrëveshje për të ekstraduar shtetasit e saj në Itali. Sollaku argumentoi më tej se arrestimi i Salillarit do të ishte i ligjshëm vetëm pas transferimit të dosjes nga Italia në Tiranë dhe nisjes së hetimeve në Shqipëri. Ministria e Brendshme reagoi duke thënë se operacioni ishte në zbatim të vendimit të gjykatës italiane.


Ilir Sukaj
Shtyhet gjyqi në shtator

TIRANE - Ndërsa ka marrë në shqyrtim kërkesën për shuarje të masës së sigurisë për Gëzimin Salillarin, Gjykata e Apelit për Krime të Rënda ka shtyrë për në 5 shtator shqyrtimin e po të njëjtës kërkesë për të arrestuarin tjetër bashkë me Salillarin, Ilir Sukaj. Shkak për këtë shtyrje u bë kërkesa e avokatit, i cili kërkoi shtyrje të seancës deri në një datë tjetër, ku ai do të paraqiste disa prova për klientin e tij. Ilir Sukaj u arrestua së bashku me Gëzim Salillarin dhe Artur Vaqon në 27 prill të këtij viti në qytetin e Durrësit. Arrestimi i tyre u krye pas një aksioni të organizuar nga Ministria e Brendshme, në bazë të urdhër-arresteve të lëshuara nga Prokuroria italiane.

Panorama

[Albo]

Ministria: Përfundoi përkthimi i dosjes italiane, materialet sot në gjyq

Gjykata: Sot vendosim për "Gëzimin e Kashtës"


Keti Banushi

Gjykata shqiptare do të "zbulojë" sot përmbajtjen e do-sjes italiane, që akuzon Gëzim Salillarin, i njohur ndryshe si "Gëzimi i Kashtës".

Ai u arrestua nga policia bazuar në akuzën e trafikut të narkotikëve, ngritur nga Prokuroria italiane. Por Ministria e Drejtësisë ka konfirmuar se përkthimi i kësaj dosjeje mbaron ditën e sotme, rreth orës 13:00. Në këtë kohë, aktet gjyqësore të Prokurorisë italiane do t'i bëhen të njohura edhe gjykatës, me qëllim që ajo, pasi të shqyrtojë materialin, të marrë vendimin përkatës. Gjykata e Apelit për Krime të Rënda ka shtyrë dje seancën për ditën e sotme, kur në këtë institucion mbërrin dosja italiane, kësaj radhe e përkthyer në gjuhën shqipe. Gëzim Salillari dhe Ilis Sukaj, të akuzuar për trafikim ndërkombëtar të lëndëve narkotike, kanë kërkuar revokimin e masës së sigurisë që i ka lënë ata në arrest me "burg pa afat". Prej muajsh, avokatët e Salillarit kanë paraqitur në gjykatën shqiptare dosjen italiane për klientin e tyre. Ata kanë kërkuar që gjykata të administrojë dosjen, porse togat e zeza kanë thënë se nuk e njohin atë dosje. Kjo, sipas tyre, pasi materiali i marrë nga avokatët nuk është administruar në rrugë zyrtare. Gjykatat kanë vendosur të presin, ndërsa Ministria e Drejtësisë ka vonuar në përkthimin e dosjes. Fashikulli italian përmban aktet e hetimeve ndaj Salillarit, si dhe vendimin për dënimin e tij me 4 vjet burg dhe 60 mijë euro gjobë. Avokatët janë shprehur se mbajtja e Salillarit në qeli është e paligjshme, pasi dënimi i dhënë nga gjykata italiane është kryer tashmë. Gjykatat kanë refuzuar disa kërkesa të përsëritura për rrëzimin e vendimit që lë në burg Salillarin. Përfaqësuesit e mbrojtjes ligjore të Gëzim Salillarit dhe Ilir Sukajt kanë kërkuar njohjen e vendimit italian nga gjykatat shqiptare, duke thënë se klientët e tyre nuk mund të gjykohen në Tiranë për të njëjtën akuzë që janë dënuar në Itali. Biznesmeni Salillari u arrestua katër muaj më parë në një nga pronat e tij në qytetin e Durrësit. Policia arrestoi atë ditë Artur Vaqon dhe Ilir Sukajn, por Prokuroria e cilësoi të paligjshëm arrestimin. Sipas akuzës, ndaj tre personave kishte vetëm urdhër-kërkimi nga Interpol Roma, por mungonin provat.

4 muaj
ka qëndruar në qeli Gëzim Salillari, ndërsa gjykatat shqiptare kanë mësuar vetëm akuzat e ngritura ndaj tij. Gjatë kësaj kohe gjykatat nuk kanë mësuar asnjë provë, pasi ato nuk janë përkthyer

Panorama

[Albo]

Gjykata e Apelit la në burg për të disatën herë Gëzimin e “Kashtës”. Avokati: Dosja e papërkthyer

Salillari në burg, vendimi i Gjykatës së Barit, në dosje


F.Vezaj

TIRANË- Gjykata e Apelit vendosi për të disatën herë masën e sigurisë “arrest në burg” për Gëzim Salillarin. Kanë kaluar rreth dy muaj, kur Gjykata e Lartë prishi vendimet e dy shkallëve të gjyqësorit, duke e kthyer rivlerësimin e masës së sigurisë pranë Gjykatës së Apelit, por edhe vendimi i djeshëm e la Salillarin në burg, deri në përfundim të hetimeve. Pas kërkesës së vazhdueshme të avokatit mbrojtës, trupi gjykues pranoi më në fund që të përfshijë në fashikullin e gjykimit edhe vendimin e marrë dorazi nga gjykata italiane. Megjithëse avokati ka ngulmuar se Gëzimi “i Kashtës” po procedohet në vendin tonë, për të njëjtën vepër penale që gjykata italiane e ka dënuar me 4 vjet burg, pas vendimit të djeshëm i pandehuri duhet të qëndrojë sërish në qelitë e paraburgimit. Nga ana e tyre, dy avokatët e Salillarit kanë kërkuar shuarjen e masës së sigurisë për klientin e tyre, por kjo kërkesë u rrëzua nga trupi gjykues. Megjithatë, Apeli pranoi kërkesën e avokatëve për të përfshirë në fashikullin e gjykimit vendimin e dhënë nga drejtësia italiane. Menjëherë pas mbarimit të seancës gjyqësore, avokati mbrojtës i Salillarit, Genc Gjokutaj u shpreh për “Shekullin” se: “gjykata vendosi masën e sigurisë “arrest në burg” pa i përkthyer aktet e ardhura nga shteti italian, çka është në kundërshtim me Kodin e Procedurës Penale. Edhe pas kërkesës së kësaj gjykate, katër ditë me parë, që të gjithë aktet e ardhura nga Italia të përkthehen, deri më sot prokuroria nuk e ka bërë këtë gjë. Klienti im mbetet në burg me aludime”. Ai shtoi se sapo të ketë në dorë arsyetimin e vendimit, do të ankimojë në Gjykatën e Lartë, duke kërkuar lirimin e Gëzim Salillarit.

Shekulli

[Albo]

Rrezohen akuzat e renda per Gezimin e “Kashtes”

E Marte, 16 Janar 2007

Prokuroria per Krime te Renda vleresoi dje se biznesmeni durrsak Gezim Salillari nuk ka asnje lidhje me “krime te kryera ne kuader te nje bande kriminale” dhe as me “trafikun nderkombetar te lendeve narkotike”. Dosja i kalon gjykates se Durresit duke pergatitur lirimin e te denuarit ne Itali

Valmira DALIPI

TIRANE - Prokuroria per Krime te Renda rrezoi dje akuzat per bande kriminale dhe trafik nderkombetar droge qe kishte ngritur me pare per biznesmenin Gezim Salillari, duke i hapur rruge lirimit te kerkuar ngultas prej tij. Ndaj te pandehurit qe njihet dhe si “Gezimi i Kashtes”, eshte lene ne fuqi vetem akuza e “mbajtjes se lendeve narkotike, me qellim shitjen”. Prokurori i Krimeve te Renda, Ardian Braho, deklaroi ne seance, se pasi ndaj te pandehurit jane rrezuar dy akuzat kryesore, mbetet qe ajo me e lehta te gjykohet ne instancat durrsake te drejtesise. Kurse avokatet e mbrojtjes e kane kundershtuar vendimin e gjykates per lenien ne fuqi te nje akuze. Sipas tyre, tashme Salillari duhet te lihet i lire, pasi e ka konsumuar denimin per kete veper penale. Pasi ka degjuar te dyja palet, gjyqtari Bardhyl Dhamo vendosi te jape vendimin, duke shpallur moskompetencen vendore te kesaj ceshtjeje dhe duke e derguar per gjykim.

Mbrojtja

Gezimi i Kashtes ndodhet ne paraburgim prej disa muajsh, nen akuzat e “krijimit te organizates kriminale”, “kryerjen e krimeve ne kuadrin e organizates kriminale”, si dhe “trafik nderkombetar te lendeve narkotike”. Por sipas avokateve te mbrojtjes, duke perfituar nga gjykimi i shkurtuar, Salillari eshte denuar ne Itali me kater vjet e tete muaj, me gjykim te shkurtuar 20 muaj. Me tej, ky vendim eshte amnistuar, duke bere keshtu, qe Salillari te qendroje ne gjendje te lire. Avokati Genc Gjokutaj, ka perseritur se ky vendim eshte dhene pikerisht per te njejtat vepra penale per te cilat Salillari eshte duke u gjykuar edhe ne Shqiperi. Sipas mbrojtjes, ky procedim nuk duhet te kishte filluar. “Nese klienti im do te kete nje problem, ai do ta kete vetem me drejtesine italiane, e cila tashme e ka zgjidhur ate”, - eshte shprehur avokati i tij, duke vijuar: “Te gjitha keto qe tregoj ketu jane te materializuara edhe te vertetuara ne vendimin e posacem te gjykates italiane”.

Arrestimi

I pandehuri Gezim Salillari eshte arrestuar se bashku me dy te akuzuar te tjere, Artur Vaqo dhe Ilir Sukaj, mengjesin e 27 prillit te vitit te shkuar. Mbi ta rendonin akuzat e “krijimit te organizates kriminale”, “kryerjen e krimeve ne kuadrin e organizates kriminale”, si dhe “trafik nderkombetar te lendeve narkotike”, te gjitha keto ne bashkepunim, sipas provave te ardhura nga shteti italian. Tri dite pas arrestimit, gjykata e Krimeve te Renda, me kerkese te organit te akuzes, vendosi masen e sigurise “arrest ne burg” per tre te pandehurit. Por arrestimin e tyre avokatet mbrojtes e quajten te paligjshem, pasi “eshte kryer nga policia pa urdher-arreste te Prokurorise se Krimeve te Renda. Kjo mase, per avokatet mbrojtes u cilesua si e padrejte dhe antiligjore, pasi sipas tyre, “per asnjerin prej tyre nuk ka prova qe te tregoje fajesine”.

Korrieri