Sa Paqedashes eshte Perendia Jehovah????

[Ardes]

shume i nderuar deshmues,

se pari Zoti do ta shkaterroje boten kur bota te jete e mbuluar nga te gjitha te keqijat e paftyresite e imoralitet, kur emri i Zotit te pushoje se permenduri, atehere per çfare do hyje ne pune nje bote e tille? a nuk mendon se eshte mizori te lesh qe femijet e vegjel te rriten ne nje ambjente te tille? (gjithmone kujto se çthashe ne lidhje me degjenerimin e botes, do te vij nje dite kur ne kete bote ku jetojme ne sot cilesite e mira te njeriut do te jene te panjohura.) pastaj kristianet nuk besojne se do te kete ferr (kete nuk ka goje ta kundershotje njeri se eshte thene vete neper librat "tuaj") kurse muslimanet besojne se kur vdes nje femije i vogel qe nuk ka arritur moshen e pubertitetit vendi i tij eshte direkt xheneti, parajsa, bile ne nje hadith te profetit (a.s) thuhet se "......femijet e vegjel do jene si lule ne xhenet......", dhe prap ne nje hadith tjeter te profetit Muhamed (a.s) thuhet ".......se kur te hyjne ne xhenet femijet e vegjel ata do kerkojne te hyjne ne te vetem neqoftese jane me prinderit e tyre......".

mos mendoni kaq ceket.....

[deshmuesi]

Mendoj se keto fjale duhe tja thuash Drites, i cili ka hapur nje denim per vete. Allau do te vrase tere femijet e botes. Si mendon ti, do te beje mire apo keq? Mos u hidh tek keqesimi i botes, nese bota behet e lige nuk ka faj asnje femije per kete, por perse femija duhe te paguaje fajine te madhit. Pra me pak fjale , vrasja e femijeve te pafajshem quhet e drejte per Allaun tuaj?
Sa per Parajsen dhe ferrin, JEzusi tha: Lerini femijet te vijne tek une, sepse e tyre eshte mbreteria ne qiej.
Mos fole per gjera qe nuk i njeh, sepse eshte zgjuarsi. Mer shembull nga Drita dhe te tjeret qe jane kapur ne rjetene tyre dhe nuk bjene ze, se po te thone se allau ka te drejte, atehere bijen ne kundershtim me vetene tyre.
Pres pergjigje konkrete .

[Shpresmiri]

Ndriçimi, e di që shumica prej nesh punojnë dhe nuk janë badihavxhinj, prandaj nuk dyshoj se edhe ti punon për të sjellur diçka në dritë, dhe të kuptoj plotësisht kur thua se nuk ke kohë. Më vjen mirë që je real dhe se gjithmonë e ke parasysh realen dhe mundësitë e njeriut. Këtë unë e respektoj, sepse feja na mëson t'i kryejmë obligimet që kemi konkretisht dhe jo vetëm virtualisht.

/Për atë thënien për njeriun e sinqertë si duket e ke lëshuar kryesoren: nuk kam thënë se njeriu i sinqertë assesi nuk thotë se nuk e kam kuptuar, por "kur diçka nuk kupton" atëherë assesi nuk thotë se e kuptova. Sidoqoftë edhe ti je i këtij mendimi (të dytë jemi kundër dyfytyrësisë: të kuptojmë një gjë e një tjetër ta themi), vetëm se nuk e ke vërejtë fjalinë në tërësi që e kam shkruar. (S'ka problem)./

Madje, Ndriçimi unë as që po orvatem të të tregohem i shkathët në argumentim, për arsyen se unë jo që nuk e çmoj argumentimin e fjalisë por i jap përparësi pikërisht asaj që the: realitetit të jetës. Po nuk u nisem nga realiteti i jetës shpejt do të përfundojmë në ndonjë ideologji apo demagogji të padobishme që nuk e dojmë as unë e as ti.
Pikërisht kjo ishte edhe ajo që dëshirova që ta shprehësh edhe ti. Në shkrimet e tua e ke nënkuptuar se unë duhet të jem i sjellshëm me ty, kurse në pyetjen e temës shihet qartë se bindja ime si i krishterë është e gabueshme sepse unë besokam në Perendinë që pret gra, fëmijë e pleqë... Si është e mundur pra që unë të flas me ty me mirëkuptim kur unë besoj në një Zot kaq të egër. E di, Ndriçimi, nuk dëshirojmë as unë e as ti që tash të nisemi në ekspeditë e ta gjejmë fajtorin. Jo, ne nuk po gjejmë fajtor, ne dëshirojmë të bisedojmë, të diskutojmë, ta dëgjojmë njëri-tjetrin, kjo dmth. të njihemi më shumë e kështu të duhemi më shumë, pra, t'i lëmë vend njëri-tjetrit që ta shohë edhe ai se edhe ai ka vend në mesin tonë dhe se e pranojmë.

Feja e krishterë pikërisht kësaj i jep rëndësi: asaj që the në fillim të shkrimit: "nuk kam kohë". Ky është realiteti Ndriçimi, në këtë rast të mos pasurit kohë, në rastin tjetër moskuptimi, në tjetrin nevoja për ndihmë... këto ne po i harrojmë, e pra, këto janë edhe më të rëndësishmet. Zoti i Biblës më ka mësuar se Ai i ndihmon njeriut, jo në të kaluarën apo në të ardhmën, jo që të pres koka grash e fëmijësh... por që TANI ata t'i dua, t'i pranoj ashtu siç janë: krijesat e tij.
Ndodhitë në Besëlidhjen e vjetër (ku përshkruhen luftrat dhe vrasjet e të pafajshmëve) nuk mund të kuptohen pa lexuar Besëlidhjen e Re, ku Jezu Krishti flet për faljen e armiqëve. (Këtë nuk e ka as Islami). Mua Jezu Krishti më mëson që t'ia fali edhe atij që ma bën të padrejtën, që më pështyn e m'i thotë njëmijë të zeza. Tani më trego: a është ky besim më i madh në botën e amshuar ku do ta meritoj jetën në Hyjin apo të bëj çmos madje të nxisë edhe revolucione për heqjen e padrejtësisë. Nuk janë problem strukturat (politike, kulturore...), por zemra e nejriut, vetë njeriu është problem. Po u ndryshuam ne në zemër atëherë vetvetiu bien edhe strukturat e këqia. Deri te kjo vetëdije populli i Izraelit erdhi pasi kaloi me mija vitesh. Edhe Shqiptarët nuk e di se kur do të vetëdijësohen se ZEMRA është burimi i të këqijave e jo "gabimet" biblike, se zemra duhet kthyer që ta dojë të mirën e përbashkët e jo vetëm të një grupi apo individi.
Këtë dëshiron ta thotë edhe Bibla në tërësinë e saj: O njeri, nuk të bëjnë të lumtur luftërat, urrejtja... nuk të bëjnë të lumtur përvetësimi i gjërave materiale dhe vetëm për vete, nuk të bën të lumtur as... por ndryshimi i zemrës, kthimi kah e mira, dashuria ndaj tjetrit... Nuk është Zot Ai që kërkon prej njerëzve shkatërrimin e njëri-tjetrit, nuk është Zot Ai që nuk i ndihmon secilit, nuk është Zot Ai që i mban krah njërit e tjetrin e lë anash. Zoti është i mirë ose për të gjithë ose nuk është Zot.

Falëminderit për durim!

[Ardes]

deshmues ti vete shprehesh ne te njejten menyre me mua;

"Lerini femijet te vijne tek une, sepse e tyre eshte mbreteria ne qiej."

eshte goxha e rrjedhur si shpreheje por esenca eshte e njejte

[ema sinani]

Me sa duket ju Drita nuk e njihni Biblen dhe ceshte me kryesorja nuk e njihni Jehovain. A jeni ju kristiane,dhe n.q.se jeni cfare dini rreth Bibles dhe ligjeve qe ka vene Jehovai.Une jam kristiane dhe e kam lexuar biblen dhe e kam studiuar per 2 vjet dhe e di qe Jehovai eshte paqedashes.Ne qoftese ju jeni ne gjendje mund te me thuash te lutem nese ka fe tjeter qe nuk e perkrahe luften. Megjithate e vlersoj mendim tend.

[ema sinani]

Me pelqeu shkrimi juaj DESHMUES eshte e vertete qe Perendia e di se cfare ben,gjithashtu me duket e drjte qe Ai si krijues i gjithesise the sovran vepron si i duket atij e arsyeshme te veproj Bibla thote"njeriut nuk i takon te drejtoje as hapat a tij" Te pershendes per mendim qe the

[Ardes]

just a question, kush me thote se kush, çfare eshte Jehovai?

[ema sinani]

Ardes



Lexo BIBLEN qe ta dini se kush eshte .N.q.se keni pyetje do tju pergjigjem me kenaqesi.

[Ardes]

preferoj pergjigjen tuaj

me respekt Ardes

perfundmet e mija mund tjua them me pas

[drita]

Përshëndetje të gjithëve!
Siç e kam theksuar, në fillim të temës, kjo temë është hapur, si pasojë e gricjeve dashakeqëse të "Dëshmuesit" dhe "Klodit" (në kohën kur i bënin këto gricje), që hapnin tema provokuese dhe nerva-ngritëse.
Siç janë, "11 Shtatori" (e hapur disa herë), "Islami përballë me Krishterimin" , "Muhammedi dhe qentë" etj.
Megjithëse ua kam tërhequr vërejtjen personave të sipërpërmendur që të mos vazhdonin me asoj temash provokuese, por të vazhdonin me temat serioze, thirrjet e mia askush nuk i dëgjoi dhe ata vazhdonin sipas të tyres.
Kështu edhe unë u detyrova t'ua kthejë përgjigjen me të njëjtën monedhë.
Hapa disa tema ku doja të nxirrja në pah, se ajo me të cilën ata abuzojnë (paqen), nuk e ka vendin në Bibël, me gjithë dëshirën e tyre të madhe.
Unë kur e hapa temën, e pata një qëllim (t'u preja hovin provokuesve, që të hapnin tema provokuese), dhe këtë qëllim në mos qofsha i gabuar e kuptoi shumë mirë "Klodi" dhe ai u tregua i zgjuar, që nuk mori pjesë fare në këtë diskutim dhe nga ana tjetër, ndaloi së provokuari.
Por, "Dëshëmuesi" si "Dëshmuesi", ai prapë vazhdon me atë avazin e tij, duke dëshmuar edhe njëherë papjekurinë e tij intelektuale.
Ai edhe pse i paaftë që të kthejë një përgjigje për të qenë, prapë nuk rri rehat.
Kur ne ia bëjmë të ditur diçka jo të këndshme, që gjendet në librin e tij, ai na akuzon për djallëzi dhe u bën thirrje të krishterëve të tjerë që të mos diskutojnë në këto forume.
Ja si shprehet ai:
"Do ti ftoja te gjithe ata qe njohin dhe besojne Perendine e vertete Zotin tone Jezus Krisht, qe tju shmangen diskutimeve te tilla , te cilat nuk kane qellimin e te mesuarit por nxitjen e satanit per ti shtyre te krishteret ne mekat."
Por, më vonë pastaj vjen e gricet prapë vetë (mesa duket i pëlqeka shumë roli i garipit), duke na "sfiduar" dhe duke na thënë se na paska vënë me shpatulla pas muri me ato pyetjet e tij të cekëta.
Por, kur fillojmë t'i kthejmë përgjigje dhe ai nuk di nga të shkojë, lëshon frazën e tij që i vika ndërmjet frymëzimit:
"Kot që diskutojmë, mes nesh ka një hendek që na ndan..."
Nëse unë nuk kam kthyer përgjigje, kjo për shkakun se nuk e kam lexuar temën, si pasojë e shokut që pësova nga ndarja e shpejtë me "Danielin" dhe jo për gjë tjetër.
Unë gjithë ato herë e kam treguar veten, se kur e kuptoj (me anë të reagimeve tuaja) se bëj ndonjë gabim e pranoj menjëherë dhe kërkoj falje për të.
Nejse t'i kthejmë përgjigje...
Me sa shoh, "Albo", "Dëshmuesi" dhe "Astriti" po më akuzojnë se unë gjykokam Perëndinë dhe për këtë gjest timin më kanë përgëzuar me ferrin???
Duhet ta kuptoni mirë, se unë nuk gjykoj Perëndinë, por jua bëj të qartë juve, se Perëndia i Biblës nuk është ashtu siç ju keni qef ta paraqesni.
Ai ka urdhëruar qartë urdhëra për luftë dhe kjo në mënyrën më të keqe që mund të ekzistojë (ku urdhërohet pa pikë mëshire të therren fëmijët, foshnjat e gjirit, etj.).
Unë vetëm këtë gjë kam dashur t'jua bëjë të qartë juve...
Sa më përket mua, unë e pranoj dhe e quaj tërësisht të domosdoshme luftën (këtë gjë e ka dëshmuar edhe historia e gjatë njerëzore), pasi në shumë e shumë raste, vetëm me anë të saj mund ndryshohet realiteti.
Por, nga ana tjetër, unë si musliman që jam, nuk jam dakort me atë lloj lufte që predikohet në Bibël.
Sepse, në Islam lufta është e domosdoshme deri në çastin kur ajo e përmbush qëllimin e sipërpërmendur, dhe sapo përmbushet ai qëllim, atëherë lufta kthehet në diçka të ndaluar.
Kur'ani e thotë qartë:
"Luftoni, por mos e teproni..."
Po ashtu edhe Muhammedi, i cili kur e niste ushtrinë për në luftë e porosiste:
"Mos vrisni gra, mos vrisni fëmijë, pleq, e as mos shkatërroni të mbjellat..."
Pra Islami e sheh luftën, thjesht si një mjet (të fundit) për të ndryshuar realitetin e hidhur, dhe çdo gjë tjetër (siç janë gratë, fëmijët, pleqtë) që nuk janë shkaktarë të këtij realiteti, është e ndaluar që të vriten.
Ndërsa kjo nuk është me Biblën...
Në Bibël na tregohet qartë, se edhe pse është ndryshuar realiteti i hidhur (fituar beteja), prapë se prapë, urdhërohet të vazhdohet më tej gjakderdhja, tashmë ndaj fëmijëve, grave, foshnjave etj.
Ja, unë me këtë lloj koncepti të luftës nuk jam dakort...
... ju nga ana tjetër jeni dakort.
Ne rregull kjo është puna juaj, por ju nuk keni kurrëfarë të drejte morale, që të përmendni luftën, për të cilën na urdhëroka Kur'ani, bile qoftë edhe luftën që bëka Bin Ladeni (me të cilën luftë unë prapë nuk jam dakort dhe e them pa kurrëfarë hipokrizie), sepse ju pranoni një koncept të luftës, që është paksa më i keq edhe se vetë lufta e Bin Ladenit.
Kështu ju pranoni se Zoti, sipas Biblës urdhëron të vriten, fëmijë, gra, foshnja etj. edhe pse shumë mirë mund të shmanget një gjakderdhje e tillë, ndërsa Bin Ladeni këshillon të vriten fëmijë, gra dhe njerëz të pafajshëm, por me pretendimin se nuk ka mundësi që të shmanget kjo gjakderdhje e të pafajshmëve.
Ndërsa, sa i përket pyetjes për Ditën e Kijametit, ku do të vdiskan fëmijë dhe çdo gjë tjetër, mendoj se nuk ia vlen të merresh gjatë, jo vetëm për faktin se iu kthye njëherë përgjigja, por edhe se është shumë e cekët.
Prandaj, më duhet t'ia sqaroj "Dëshmuesit" se ne vdekjen nuk e konsiderojmë si një mallkim, por thjesht një kalim nga kjo botë kalimtare në atë të përjetshmen...
Kështu që, nëse një fëmijë, apo një gjeneratë e tërë fëmijësh vdesin (siç do të ndodhë në Ditën e Kijametit), kjo nuk do të thotë se Zoti në këtë rast që shaktoi këtë vdekje masive është i Pamëshirshëm (sidomos kur na tregohet se përfundimi i fëmijëve që vdesin, pa mbushur moshën e dallimit të së mirës dhe të keqes, është xhenneti), por Ai thjesht bëri kalimin më të shpejtë nga kjo botë kalimtare në atë të përjetshmen.
Ama, kur kemi të bëjmë me vdekje të rastit biblik (që t'i merret jeta fëmijës apo foshnjës me tehun e shpatës), nuk mund të thuhet e njëjta gjë.
Nuk është e njëjtë vdekja si e atij që vdes nga ndonjë sëmundje, dhe atij që vritet i masakruar...
Prandaj edhe nuk është e njëjtë vdekja e fëmijëve që do të vdesin Ditën e Kijametit, me vdekjen e atyre fëmijëve që Zoti sipas Biblës urdhëroi të priten me shpatë.
Sepse, në rastin e fundit kemi të bëjmë haptas me një akt aspak mëshirues apo paqedashës.
Prandaj, o "Dëshmues" mos u mundo kot, të na e shesësh sapunin për djathë.