Reforma elektorale

[Albo]

Çështja e reformës në KQZ

Ruçi e Topi pakt në zyrën e Moisiut

PS-ja dhe PD-ja arritën mbrëmë një konsensus paraprak për zgjedhjen e anëtarit të shtatë të Komisionit Qendror të Zgjedhjeve. Negociatat mes Gramoz Ruçit dhe Bamir Topit me ndërmjetësimin e presidentit Moisiu arritën të nxjerrin një formulë në bazë të të cilës i jepet zgjidhje njërës prej pikave më të rëndësishme të reformës zgjedhore. Sipas kësaj formule, Partia Socialiste dhe ajo Demokratike do të hartojnë nga një listë me ekspertë ligjorë. Pas kësaj, përfaqësuesit e PS-së do të përzgjedhin dy persona nga lista e demokratëve dhe PD-ja do të përzgjedhë dy persona nga lista e socialistëve. Të katër emrat e ekspertëve do t'i paraqiten Këshillit të Lartë të Drejtësisë i cili, sipas ligjit, do të votojë për anëtarin e shtatë të KQZ-së. Kjo është formula për të cilën Ruçi dhe Topi ranë dakord mbrëmë në takimin në Presidencë dhe që do të konsultohet edhe me forumet e PS-së dhe PD-së. Gjashtë anëtarët e tjerë të KQZ-së do të ndahen në mënyrë të barabartë midis pozitës dhe opozitës.

[Albo]

PS-PD, konsensus per rikompozimin e KQZ

Komisioni Bipartizan vendos qe anetari i shtate i KQZ-se te zgjidhet nga Keshilli i Larte i Drejtesise, pas propozimeve nga mazhoranca e opozita. Presidenti Moisiu: "Bashkepunimi pozite - opozite, te ruaje qendrueshmerine dhe vlerat e saj edhe per ceshtjen e kthimit dhe kompensimit te pronave"

Ergys GJENCAJ

Partia Socialiste dhe ajo Demokratike kane gjetur konsensus per menyren e rikompozimit te Komisionit Qendror te Zgjedhjeve (KQZ). Duke vendosur, qe anetari i shtati i tij te zgjidhet nga Keshilli i Larte i Drejtesise. Sipas bashkekryetarit socialist te Komisionit Bipartizan, Et'hem Ruka, perfundimisht jane percaktuar dhe miratuar ne parim me konsensus procedurat per zgjedhjen e anetarit te shtate. Ai shpjegon se "forcat kryesore politike, pozita dhe opozita, do te bejne propozimet e tyre dhe kandidaturat do te kalojne me pas ne Keshillin e Larte te Drejtesise per ta zgjedhur, me ane te nje votimi qe do te jete me shumicen e cilesuar, pa u futur shume ne hollesi". Socialisti Ruka ben te ditur se edhe komisionet e zonave dhe qendrave te votimit do t'i permbahen te njejtes skeme, "pra do te sigurojne balanca politike, do te perfaqesohen ne menyre te barabarte, pozita dhe opozita". Element tjeter shume i rendesishem eshte tek menyra e marrjes se vendimeve, duke filluar nga komisionet e zonave deri tek KQZ. Tashme, sipas ndryshimeve te bera, vendimet do te merren me nje shumice te cilesuar, qe do te thote, me pese nga shtate anetaret e mundshem. Nga ana e tij, bashkekryetari demokrat, Jemin Gjana, nenvizon faktin se "amendamentet, qe do te hartohen nga grupi eksperteve nen monitorimin e OSBE, do te firmosen nga perfaqesues te dy paleve, PD e PS dhe do t'i bashkangjiten grupit te amendamenteve qe ka miratuar komisioni dhe se bashku do te shkojne ne Parlament per miratim".

Me zgjidhjen e ceshtjes se te shtatit te KQZ-se, puna per ndryshimet ne Kodin Zgjedhor ka perfunduar ne parim dhe tani pritet qe e gjithe paketa te debatohet ne Parlament brenda muajit maj. Menjehere pas arritjes se konsensusit, ka reaguar Presidenti i Republikes, Alfred Moisiu, i cili pershendeti kurorezimin e punes njevjecare te sintetizuar ne marreveshjen per parimet themelore per reformen zgjedhore. Duke vleresuar punen Komisionit Bipartizan dhe te dy bashkekryetareve per gjetjen e formules se pershtatshme, Presidenti Moisiu beson se "serioziteti, fryma e mirekuptimit dhe e bashkepunimit pozite - opozite, do te ruaje qendrueshmerine dhe vlerat e saj edhe per probleme te tjera ne proces, sikurse eshte ceshtja e kthimit dhe kompensimit te pronave etj". Presidenti Moisiu shprehu mirenjohjen e vecante per kontributin e OSBE -se, e cila me asistencen teknike e mbeshtetjen konstruktive ishte nje faktor shume i rendesishem ne arritjen e rrugezgjidhjen pajtuese, aq te nevojshem per te kapercyer pengesat ne ecurine e procesit.

[Albo]

OSBE pershendet mareveshjen

Prezenca e OSBE-së në Shqipëri përshëndeti sot marrëveshjet e nënshkruara mes Partisë Socialiste dhe Partisë Demokratike, në lidhje me realizimin e reformës zgjedhore në vend. Zyra e shtypit pranë OSBE-së bëri të ditur se, të dy partite nënshkruan sot në zyrën e OSBE-së në Shqipëri, një marrëveshje të dytë protokollare sqaruese, për çështjet e mbetura të reformës zgjedhore. Kjo marrëveshje e dytë, që është plotësim i marrëveshjes së nënshkruar javën e kaluar, angazhon të dy palët të zgjidhin çështjet afatgjata të reformës zgjedhore, para zgjedhjeve të ardhshme parlamentare dhe të sigurojnë paraqitjen në Parlament të të gjithë paketës së reformës. "Dy protokollet e nënshkruara krijojnë kushtet për paraqitjen në Parlament të një pakete konsensuale amendamentesh të Kodit Zgjedhor", nënvizon përmes një njoftimi, Kryetari i Prezencës së OSBE-së në Shqipëri, Ambasadori Osmo Lipponen. "Ne u kërkojmë të gjitha partive parlamentare të bashkëpunojnë për të siguruar kalimin e tyre me ligj në kohën e duhur", shprehet ai. dxh/anjo (BalkanWeb)