Ministri i jashtem i Vatikanit Imzot Lajolo po viziton Shqiperine

[NoName]

Ministri i jashtëm i Vatikanit Imzot Lajolo po viziton Shqipërinë



Ministri i Jashtëm i Vatikanit Imzot Xhovani Lajolo gjendet në Shqipëri për një vizitë disaditore që përkon edhe me 13-vjetorin e vizitës historike të Atit të Shenjtë Gjon Palit II në Shqipëri. Gjatë kësaj vizite Imzot Xhovani Lajolo është takuar me autoritetet më të larta shtetërore dhe fetare të vendit. Gjatë drekës shtruar për nder të vizitës së tij, Presidenti i Shqipërisë z. Alfred Moisiu i dorëzoi kryeipeshkëvit të Tiranë-Durrësit, Imzot Rrok Mirditës, Urdhërin “Nënë Tereza”, në shenjë mirënjohjeje për kontributin dhënë për kultivimin e bashkëjetesës paqësore e vëllazërore midis Bashkësive Fetare dhe rimkëmbjen shpirtërore të shoqërisë. Sot pas dite Imzot Lajolo vizitoi kryedipeshkëvinë e Shkodrës, ku pasidte kremtoi Meshën në Katedrale.

[Homza]

Hajde mer oer hajer,,,,Sala ditelindjen sigurisht???

[NoName]

Hajde mer oer hajer,,,,Sala ditelindjen sigurisht???

Vizita e imzot Gjovani Lajolos, Sekretar i Vatikanit për Marrëdhëniet me Shtetet, ka të bëj me gjurmët e Gjon Palit II në Shqipëri. Pra Shqipëria, e ne veçanti Tirana dhe Shkodra jetuan disa çaste prekëse, që të kujtojnë menjëherë 25 prillin e vitit 1993, kur Gjon Pali II shkeli në tokën e Shqipërisë për të përshëndetur nga afër popullin shqiptar që, pas persekutimit të madh, kishte rifituar të drejtën për ta shpallur lirisht fenë e vet e për të nderuar martirët e trojeve të veta të cilët, për t’i qëndruar besnikë Ungjillit, flijuan gjithçka, edhe jetën duke mbetur shembull e inkurajim për gjithë Kishën universale.

I njëjti shtegtim, si 13 vjet më parë, nga Tirana në Shkodër, me një ndalesë të përshpirtshme te Kisha e Zojës së Këshillit të Mirë, që Gjon Pali II e pati quajtur “Mbretëresha e popullit të dashur shqiptar”. Shtegtari është përfaqësuesi i Pasardhësit të Papës Vojtila, Shenjtërisë së Tij, Benediktit XVI, Imzot Giovani Lajolo, sekretar i Vatikanit për marrëdhëniet me shtetet. Ecën në gjurmët e Gjon Palit II, duke gjetur një hierarki kishtare tashmë të konsoliduar dhe një popull po aq entuziast në fe, sa ai që pati njohur Papa Vojtila.


NoName

[NoName]

13-vjetori i vizitës së Papës Gjon Pali II në Shqipëri.
Në përkujtim të asaj vizite Ministri i Jashtëm i Vatikanit, Imzot Gjovani Lajolo vizitoi Vendin e Shqipeve

( 25. 04. 06 )

Përfundoi sot vizita disaditore e Ministrit të Jashtëm të Vatikanit Imzot Gjovani Lajolos në Shqipëri. Është domethënëse dhe ndoshta jo krejt e rastësishme, se kjo përkoi me 13-vjetorin e vizitës historike të Gjon Palit të II. Këtu duhet vënë në dukje se ka një ndryshim të madh mes kushteve të atëhershme fetare, shoqërore dhe politike në të cilat u zhvillua vizita a Papës Wojtila dhe situatës së sotme në vend. Kisha shqiptare në 1993 nuk kishte ende ipeshkvijtë e saj ndërsa sot përparimet janë të dukshme, edhe pse ungjillizimi lë ende për të dëshiruar.
Ishte Papa Gjon Pali II ai që në praninë e së Lumes Nënë Terezë vendosi gurët e parë të Kishës Katolike Shqiptare me shugurimin e ipeshkvijve të rinj Imzot Frano Illisë, Imzot Zef Simonit, Imzot Robert Ashtës o.f.m. dhe Imzot Rrok Mirditës.
Vizita e Imzot Lajolos ishte, në një farë kuptimi, korrja e fryteve të ringjalljes së Kishës Shqiptare. Për të nënvizuar këtë ringjallje, Ministri i Jashtëm i Vatikanit, sikurse edhe Gjon Pali i II, u ndal te Shenjtnorja e Zojës së Këshillit të Mirë, asokohe gërmadhë, së cilës ipeshkvijtë shqiptarë ndër shekuj i patën besuar fatin e Kishës dhe të popullit tonë.

Kjo ripërtëritje e Kishës në Shqipëri vjen pas një periudhe të gjatë persekutimi e martirizimi, të cilën Selia e Shenjtë e vlerëson lart si shfaqje të besnikërisë së klerit katolik shqiptar ndaj Ungjillit të Krishtit dhe Katedrës së Shën Pjetrit. E këtë mirënjohje Imzot Lajolo e shprehu edhe duke thënë uratë te varret ku pushojnë tashmë disa prej prelatëve të Kishës sonë e në mënyrë të veçantë te varri i Kardinal Koliqit.

Por mirënjohja ndaj klerit katolik dhe kontributit të tij në bashkëjetesën civile në Shqipëri u shpreh edhe nga ana e autoriteteve shtetërore. Kështu Presidenti i Republikës, z.Alfred Moisiu, i dha Imzot Rrok Mirditës urdhërin Nënë Tereza, pikërisht të asaj Nënë Tereze që me praninë e saj të përvuajtur në shugurimin e ipeshkvijve të parë të demokracisë, i dha ngjyra kombëtare lulëzimit të fesë në Shqipëri.

Para 13-vjetësh Ati i Shenjtë u thoshte shqiptarëve në Sheshin Skënderbej se nuk do të ishin të vetëm. Sot, Imzot Lajolo, në vizitën që i bëri kreytares së parlamentit shqiptar z. Jozefina Topalli, përsëriti se Selia e Shenjtë do të mbështesë fuqimisht Shqipërinë për hyrjen në Evropë, duke vënë edhe një herë në pah, përkatësinë historike të vendit të Gjergj Kastriotit.



Festa e Zojës së Këshillit të Mirë në Shkodër

[fejer_nagy]

Pse, paska ministri te jashtme Vatikani?

[shkodra13]

Pse, paska ministri te jashtme Vatikani?

Sekretariat per mardhanjet me shtetet.