Klubi i Interit # 18 !

[no name]

Vieira: Eshte sezoni yne!

11 Janar Patrik Vieira, mesfushori i Interit, eshte i bindur se kete vit, zikalterit do te korrin nje triumf te madh, ne cdo kompeticion. Francezi mendon se skuadra po jep nje rendiment te mire dhe nese e mban keshtu deri ne fund, atehere do te mund te gezoje per fitoren e titullit dhe, ndoshta, Champions League. Ne fund te takimit ndaj Empolit, ku zikalterit fituan me golat e Adrianos dhe Kordobes, Vieira u shpreh: “Ishte nje ndeshje e bukur dhe e dyluftuar nga te dy palet, duke pare se Empoli u pergjigj shume mire ne fushen e blerte. Natyrisht, ne pjesen e pare u mbrojten shume mire, ndersa ne te dyten rane disi dhe ne perfituam pikerisht per kete arsye. Por, edhe ne pjesen e pare, krijuam shume raste per te kaluar perpara, por nuk patem fat ne finalizim. Adriano? E kisha thene edhe perpara se Adri do te kthehej dhe ja qe keshtu ndodhi. Te shpresojme qe te vazhdoje keshtu si e ka nisur, sepse do te ishte nje force e madhe per ne. Skuadra eshte paraqitur mire dhe stervitja e zhvilluar ne Bahrein na ka bere mire”.

[no name]

Koko shfryn ndaj Interit: Më shkatërroi jetën.

Një shfyrje e ashpër. Françesko Koko shpreh të gjithë inatin dhe zemërimin e tij kundër Interit. Mbrojtësi 29-vjeçar, që në sezonin e fundit luajti i huazuar te Livornoja, ka sulmuar klubin zikaltër: "Duket se nga ana e Interit nuk ka interes të thuhet se jam riaftësuar, - tha Koko, që ka luajtur edhe me Milanin më parë, - nuk ka interes as për të më lënë të lirë të shkoj të luaj gjetkë, as të më japë ndonjë mundësi tjetër. Që kur dola nga dëmtimi në shpinë, kur pikërisht në këtë moment erdhi Roberto Mançini në stol, unë nuk jam marrë asnjëherë në konsideratë. Nuk kam pasur mundësi të tregoj se mund të isha ende një lojtar i Interit. Megjithatë, unë kam pranuar çdo vendim dhe kam ecur para. Tani ndihem mirë dhe do të doja një vëmdendje më të madhe, sepse janë shumë skuadra të interesuara për mua, por nuk e di se cilat janë kushtet e mia dhe Interi nuk po bën asgjë për të më ndihmuar t'i kuptoj."

[no name]

Inter

Zikaltrit, 230 milionë euro për merkaton
Të martën, asamblea e jashtëzakonshme e ortakëve të Interit ka miratuar përfshirjen e shoqërisë "Inter Capital s.r.l" brenda klubit zikaltër. Përmes këtij bashkimi do të përforcohen ndjeshëm edhe instrumentet financiare me rreth 230 milionë euro. Me këtë shifër Interi mund të realizojë objektiva të rëndësishëm në merkato, sikurse mund të jetë Fredrik Ljungberg, të cilit i përfundon kontrata me Arsenalin.

[no name]

Pas "paqes", dy klubet mund të përplasen në merkato për Grigerën dhe Ljungbergun.

Inter Juve, rrezikohen sërish marrëdhëniet.

Pas marrëdhënieve të mira me shitjet e Ibrës dhe Vieirasë, mes Interit dhe Juves mund të bjerë sërish ngrica. Në fakt, zikaltrit i kanë vënë sytë te Grigera, edhe pse nga Holanda bën jehonë zëri se bardhezinjtë e kanë blerë tashmë çekun e Ajaksit. Dy klubet mund të përplasen sërish me njëra-tjetrën edhe në përpjekjet për të marrë suedezin Ljungberg, i cili, sipas "Daily Express", do të largohet nga Arsenali. Fundi i "paqes"? Po të dëgjosh zërat e fundit që mbërrijnë nga merkatoja, duket se është pikërisht kështu. Tashmë i përkasin së kaluarës marrëdhëniet e mira mes zikaltërve dhe bardhezinjve pas transferimit të Ibrahimoviçit dhe Vieirasë në Milano, sepse në horizont shfaqet një tjetër "betejë" e stilit të vjetër, sa për të qenë më të qartë, si ajo që e çoi Stankoviçin te zikaltrit, duke ia rrëmbyer "Triadës".
Por kësaj here objekti i interesit të përbashkët nuk është vetëm një, por janë dy: Grigera dhe Ljungberg. Po, sepse thuhet se për mbrojtësin e çek të Ajaksit ka hyrë fuqishëm në "valle" edhe Interi, i cili në të vërtetë ka tri vite që e ndjek lojtarin, por që tani, duke qenë se edhe i përfundon kontrata, është i gatshëm të bëjë sulmin final. Në favor të zikaltërve janë marrëdhëniet e mira me Ajaksin, si në rastin e blerjeve të Van der Meides apo të Maksuellit, por edhe vullneti për t'ia bashkuar skuadrës së Mançinit në qershor dhe jo në janar, sikurse do të donte Deshampi, duke e bërë kështu këtë çështje të pëlqyeshme edhe për amsterdamasit. Fakti i fundit, por që ndoshta është edhe më i rëndësishmi, është se Grigera përfaqësohet nga Mino Raiola, i cili është edhe agjenti i Ibrahimoviçit dhe luajti një rol kyç për transferimin e suedezit në Milano. Por nga Holanda mbërrin lajmi se çeku ka arritur një marrëveshje me bardhezinjtë për sezonin e ardhshëm. Më pas, nga Anglia katapultohet lajmi se Arsenali ka nxjerrë në shitje suedezin Ljungberg. Sipas "Daily Express", lojtari i është ofruar Milanit dhe Juves, por Interi qëndron në dritare për t'i ndërthurur organikës një anësor që do të bënte shumë punë, aq më tepër tani që Figo ka vendosur se do të shkojë në Arabi. Ai që mund ta shuajë tensionin e mundshëm mes dy klubeve, që mund të bëhen sërish rivalë në merkato, mund të jetë Samueli. Në fakt, argjentinasi nuk ndihet shumë i kënaqur nga aktivizimi i tij te zikaltrit dhe thuajse me siguri do të ndryshojë skuadër dhe nuk është një mister se Juvja do ta donte që në janar.

[no name]

Trajneri ka qenë i kënaqur nga fitorja në Kupën e Italisë ndaj Empolit, ku ekipi nuk ishte në formën më të mirë.

Mançini: Shpresoj që Adri të mos ndalet më.

Interit i kanë mjaftuar golat e Adrianos dhe Kordobës për ta mposhtur Empolin e të rinjve, për të tretur ushqimet e Vitit të Ri, për të zgjatur vargun e pathyeshmërisë dhe për të shkuar i qetë drejt sfidës ndaj Torinos. I pamposhtur prej 21 ndeshjesh zyrtare (18 fitore, humbja e fundit më 27 shtator ndaj Bajernit të Mynihut), i udhëhequr nga triumfuesi i Kupës së Italisë (mes fushës dhe stolit Mançini ka fituar plot 10 të tilla), Interi e ka çuar në 25 vargun rekord të rezultateve të dobishme radhazi në këtë veprimtari. Në fakt, humbja e fundit daton më 19 dhjetor 2002, 1 2-shi i brendshëm ndaj Barit.
"Ndryshku" - Mançini ka qenë pjesërisht i kënaqur. "Ishim disi të ndryshkur, nuk kishim si të shkëlqenim së tepërmi. Empoli luajti një ndeshje të shkëlqyer, për fat të mirë pas 1-0-s ndeshja ndryshoi, edhe sepse ata u lodhën. Doja të shikoja personalitet dhe e pashë. Kordoba është lojtari ynë i 16-të që shënon në këtë sezon? Mbrojtësit tanë janë të zotë në lojën ajrore. Goli i Adrianos ka qenë pozitiv, tani shpresojmë të mos ndalet më. Kasano? Unë thjesht shpreha gjykimin tim për të, por thashë gjithashtu se nuk do të ishte e lehtë ta integronim në organikën tonë, sepse Interi ka gjetur një ekuilibër të madh."
Rikthimet - Më pas ka qenë lumturia e Adrianos: "Falënderoj Ibrën, më dha një pasim të artë. Ndoshta shkaktuam shumë gabime, por e rëndësishme ishte të fitonim." Këtë thotë edhe Kordoba, i cili tashmë është riaftësuar: "Dëmtimin e kam lënë pas. Ndihem i kënaqur për golin dhe për fitoren, të gjitha ndeshjet janë të rëndësishme dhe për të qenë një ekip i madh, duhet të fitosh edhe ndeshje si kjo. Adriano ka kaluar një periudhë të vështirë, e shikonim që nuk ishte i gëzuar, por tani ka kaluar gjithçka." Dhe kanë kaluar edhe rezultatet e fundit të 2006-s: "Nuk duhet të shohim prapa. E rëndësishme është ta nisim nga zero, pa menduar së tepërmi për gjërat e mira që kemi arritur."
Me Toldon apo pa Toldon? - Ka pasur një mister të vogël lidhur me Françesko Toldon. Mançini të hënën kishte vendosur të parapëlqente ndaj tij Hulio Sezarin, për ta "zgjuar" brazilianin pas letargjisë së festave. Por përpara ndeshjes, trajneri ndryshoi mendim dhe vendosi të çmonte Toldon për sjelljen e tij (s'ka bërë kurrë polemika). Portierit nuk iu desh të kryente asnjë pritje, por lëvizja tregoi përmirësimin e Mançinit në administrimin e organikës.
Drejt rekordit absolut - Pasi u kthyen në Milano mbrëmjen e së martës, zikaltrit kanë zhvilluar menjëherë një stërvitje dje në mëngjes. Fitorja ndaj Torinos do të ishte një mbytje ndaj ambicieve të Romës për ta kapur Interin si dhe rekordi i ri i fitoreve radhazi në Serinë A (12). Ndaj "Demit" do të jenë të gatshëm edhe Stankoviçi e Krespo. Ndërsa të dëmtuarit e tjerë duhet të presin. Kruzi, Groso dhe Samueli do të jenë të gatshëm vetëm në sfidën Inter Fiorentina, ndërkohë që Rekoba do të vazhdojë të mungojë.

[no name]

Erikson: Roberto s'ka më nevojë për këshilla
"Besoj se Interi nuk ka rivalë: titullin do ta fitojë pa problem. Dhe mund të paraqitet shumë mirë edhe në Europë." A vazhdoni të jeni në kontakt me trajnerin e Interit? I keni dhënë ndonjë këshillë kohët e fundit? "Po, flas shpesh me Roberton, por tashmë nuk i them më asgjë, pasi nuk ka më nevojë." Cila është dhuntia e tij më e mirë? "Nuk është e lehtë t'i mbash të bashkuar të gjithë kampionët e Interit. Por ai po ia del mbanë shumë mirë."

[titi.iforti 14]

Italy - Serie A

e shtune.13.1

20:30 Torino ? - ? Inter Milan

[no name]

Stankovic: Nuk pyesim per njeri!

12 Janar "Dyshimet nuk ekzistojne ne kampin zikalter, duke pare se kete vit jemi te gatshem per te dhene maksimumin dhe per te treguar se kush komandon, tani qe pushteti i te tjereve eshte zbuluar"

Eshte ndoshta nga te vetmit lojtare te Interit qe kur fiton nje takim te rendesishem, per shembull derbin, nuk i mban dot lotet dhe ne fushe ndihet si nje femije i gezuar, kur sapo dikush i ka bere nje dhurate. Dejan Stankovic, "bisha" e mesfushes zikalter, ne nje interviste te dhene per "Sky" ka folur per Interin dhe objektivat e ketij sezoni. Duke "hapur barkun", serbi ka thene se "Interi i ketij viti do te komandoje ne cdo kompeticion".

- Interi, kete vit, duket se perballet ne cdo takim me nje perqendrim te njejte. Dhe ndeshja ndaj Empolit, e fituar, eshte nje tregues mese i qarte. Atehere Dejan, kete vit e keni ndare mendjen, do te fitoni gjithcka?

- Kemi pare te gjithe se skuadra eshte pergjigjur mire ne fushe, edhe pse vinte nga nje periudhe pushimi dhe me pas stervitjeje te rende, ne fazen minipergatitore ne Bahrein. Por, pavaresisht nga kjo, ndaj Empolit zhvilluam nje takim te shkelqyer dhe treguam se jemi ende ata te fazes se pare. Tani, jemi gati per takimin e javes se 19-te dhe te fundit te fazes se pare. E dime qe do te perballemi me Torinon, ne "Olimpico", por jemi te vetedijshem se mund te shkaterrojme kundershtarin. E them edhe njehere se Torino eshte nje skuader e mirevendosur ne fushen e lojes dhe nuk dorezohet per asnje moment brenda 90 minutave. Por, nese do te luajme ashtu si dime, si Interi, te perqendruar, mund te bejme diferencen, duke marre tre pike te rendesishme.

- Kishit friken se mos pushimi i fundvitit mund t'iu hiqte dicka?

- Pushimi erdhi pikerisht ne momentin kur ishim te pathyeshem. Nga ajo qe pashe ne Empoli dhe ne Bahrein, nuk humbem shume. Sigurisht, pushimi dimeror na ka hequr dicka, persa i perket aspektit fizik, ne perqendrim. Per kete vit, loja do te thote shume dhe nese kemi humbur dicka keto jave, qe jam i bindur se jo, duhet ta rikuperojme sa me shpejt te jete e mundur.

- Te ndalemi te Adriano: duket se eshte kthyer ne nivelet me te larta. Sa i rendesishem eshte rikuperimi i tij, per kete Inter, gati te pathyeshem dhe a do te vazhdoje keshtu deri ne fund?

- Adriano ka qene gjithmone i pranishem ne fushe, por ndonjehere fati, ndonjehere gabimet kane bere qe te merret ne shenje nga kritika. E pergezoj sepse diti te dilte nga nje situate e veshtire dhe kjo nuk ishte e lehte, te pakten flas per ata qe e kane provuar dicka te tilla. Ai eshte stervitur me seriozitet dhe perkushtim dhe ndaj ne Empoli konfirmoi se eshte drejt nje rikthimi te madh. Eshte kthyer nje i madh, ndihet mire fizikisht dhe kjo eshte dicka pozitive per Interin.

- Atehere, nese Adriano do te rigjeje mestaren realizuese te golave, te dy viteve me pare, eshte gati e pamundur qe ju te mos fitoni titullin. A jeni dakort?

- Natyrisht, eshte ende e veshtire per t'u pranuar kjo gje, por dua te them vetem se Interi i ketij sezoni eshte i "uritur" dhe si i tille do te perpije cdo gje qe do te gjeje perpara. Per te triumfuar, e rendesishme eshte qe te japim maksimumin dhe qe te sakrifikojme.

[no name]

Sezar: Bufon, porta zikalter s'preket!

12 Janar Hulio Sezar, portieri i Interit, edhe pse ne merkato kane nisur zerat per nje largim te tijin dhe per kalimin e Bufonit te Interi, ndihet i sigurte dhe ka besim te klubi zikalter: "Me vjen keq qe te tjeret i besojne ketyre thashethemeve, por dua qe te tjeret te dine dicka: kam ardhur ne Milano jo per te lene nje figure te keqe, por per te treguar vlerat e mia te verteta. Kur degjoj te flitet per Bufonin, ndihet i qete. Nese do te vazhdoj qe te bej kete pune qe kam bere deri tani, atehere nuk ka motiv per te cilin klubi te kerkoje nje portier tjeter. Kur del ndonje titull qe me perket, shoket tallen me mua. Gjithcka mbyllet aty, me dy te qeshura qe te motivojne me shume. Mendoj se edhe Toldo eshte nje portier i madh dhe kete e ka treguar ne fushe raste. Me vjen keq qe nuk mund te luajme dot te dy njeheresh, sepse po te ishte e mundur, me siguri ai do te mbronte krahun e majte te portes... Bej shaka, Franceskon e kam shume mik dhe stervitem me te. Por, edhe me pjesen tjeter te skuadres kam raporte te mira dhe ndaj nuk kam arsye per t'u ndjere i vetmuar ketu te Interi. Mancini dhe klubi kane besim te une dhe kjo me mjafton per te vazhduar keshtu dhe per te dhene edhe me shume", perfundoi Sezar.

[AlbaneZ]

Manco: Hoze, nuk ta le vendin!

13 Janar “Dua qe te tjeret te dine se kam nder mend te vazhdoj gjate ne stolin zikalter dhe askush s’mund te ma heqe kete te drejte. Te largohem? S’e kam menduar”

Roberto Mancini eshte i bindur se aventura e tij me Interin sapo ka nisur dhe nuk do te mbaroje shpejt. Patsaj, fitoret e zikalterve dhe rekordi jane dicka domethenese. Ne nje interviste te dhene per “Inter Channel”, Manco ka folur per te gjitha keto, duke futur edhe ceshtjen e kontrates.

Mancini eshte optimist per garen e sotme kunder Torinos, duke konsideruar faktin se Interi i 2007 es, e ka flluar me dy fitore kunder Bahreinit dhe Empolit?

Fitorja kunder Bahreinit ishte shume e lehte, ndersa ndeshja ndaj Torinos, do te jete ndryshe. Do te jete shume e veshtire te arrijme nje fitore kunder Torinos sepse kjo skuader po zhvillon ndeshje shume te mira pas nje fillimi jo te mire te kampionatit. Kane gjetur vazhdimesine dhe lojtare te mire si Rozina, i cili po permiresohet nga ndeshja ne ndeshje.

Mund te thuhet se midis jush dhe Alberto Xakeronit, teknikut te Torinos, ka nje respekt profesional?

Sigurisht. Xakeroni eshte nje trajner i mire dhe ka nje karriere te shkelqyer pas kraheve, pervec se eshte nje njeri me shume vlera. Adriano eshte rikthyer. Brazilaini eshte plotesisht i rikuperuar dhe tani ndoshta do te niset ne te njejtin nivel me sulmuesit e tjere te Interit?

Te gjithe sulmuesit tane jane nisur gjithmone ne te njejtin nivel, me pas eshte fusha ajo qe vendos kush luan, dhe kush jo. Adriano, per nje fare kohe nuk ishte ne nje forme te mire per te luajtur dhe ishin lojtaret e tjere te cilet po benin nje pune te mire. Ne qofte se fusha konfirmon gjithe ate qe ka bere Adriano per t’u rikuperuar, atehere edhe ai do te kete te njejtat shanse si te tjeret per te luajtur. Luan gjithmone ai qe eshte ne forme te mire sportive. Mund te them se kemi akoma shume ndeshje per te zhvilluar dhe mundesi per te luajtur do te kene te gjithe.

Tani qe i keni te gjithe lojtare ne dispozicion eshte shume e veshtire te beni zgjdhjet, apo jo?

Absolutisht po, por mund te them se reagimet e lojtare qe nuk aktivizohen jane pozitive sepse e dine qe te gjithe kane vendin e tyre ne skuader dhe te gjithe do te luftojne per te luajtur sa me shume. Askush nuk ka deshire te qendroj jashte. Tani eshte e rendesishme qe te kemi te gjithe lojtaret ne dispozicion sepse do te zhvillojme shume ndeshje, nje ne tre dite.

Cfare ju tremb nga kjo Torino?

Nuk me tremb asgje. I respektojme shume dhe e dime qe jane nje skuader e veshtire per t’u mundur. Kane arritur rezultate pozitive ne ndeshjet e fundit, sidomos ne fushen e tyre. Kemi nje respekt te madh, e dime qe do te japin maksimumin dhe do te jete nje sfide e veshtire.

Stadiumi “Olimpico” do te jete i mbushur plot. A eshte nje veshtiresi me shume per ju?

Une kam luajtur ne Torino, ne ate stadium. Fakti qe do te jete i mbushur, e ben kete ndeshje edhe me emocionuese. Mendoj se do te jete nje ndeshje e veshtire, por ne te njejten kohe edhe argetuese per publikun.

A ju intereson fakti qe te arrini rekordin e fitoreve radhazi ne kampionat?

Jo shume, na intereson qe vetem te fitojme kampionatin. Nuk e kemi menduar asbnjehere kete rekord dhe as qe kemi per ta mendur.

Po kontrata?

Nuk kam nder mend qe te leviz prej stolit te Interit dhe do te bie dakort me klubin.

Sport Ekspres