Përfaqësuesja e Kosovës në futboll

[Llapi]

“Kosova do të ishte superfuqi në Evropë po të kishte kombëtare”

Ngritja e emrit të Bosnjës përmes futbollit është shembulli më i mirë se si edhe Kosova do të mund të fitonte respektin e saj në botë, të harronte dëmet e luftës dhe t’i rikthehej jetës normale.

Madje sipas ekspertëve Kosova do të mund të ishte edhe superfuqi në futbollin evropian dhe të kishte ndikim në zhvillimet e garave më të famshme në këtë sport.

Autori i shumë librave mbi nacionalitetin dhe futbollin James Montague duke folur për polemikat e shumta mbi nacionalitet e shumëfishta të futbollistëve anë e kënd botës ka folur edhe për rastin e shqiptarëve të cilët sot kanë marrë Evropën Stuhishëm.

Janë në veçanti 6 shqiptarëve e Zvicrës të cilët siguruan kualifikimin në kampionatin botëror dhe ylli më i ri evropian, kosovari i Manchester United, Adnan Januzaj, të cilët kanë hapur debate të shumta mbi kombëtaret.

E në gjithë këtë tregim nuk ka mundur të anashkalohet edhe Kosova e cila është vendi i prejardhjes së këtyre talenteve të futbollit me të cilët shtetet tjera po mburren dhe po korrin suksese.

“Shpërbërja e Jugosllavisë ka krijuar disa shtete të reja dhe disa kombëtare të reja të futbollit. Lufta ka bërë që të tjerët ta gjejnë veten në një shtet të ri me një përfaqësuese të re. I tillë është rasti i Zlatan Ibrahimovicit i cili ka mundur të luaj edhe për Bosnjën edhe për Kroacinë”, ka thënë Montague.

“Edhe rasti i Adnan Januzaj është një shembull i njëjtë. Kosova nuk është e njohur nga Kombet e Bashkuara dhe si rezultat kombëtarja e tyre në futboll nuk është njohur nga UEFA. Për shkak të luftës shumë kosovarë janë bërë pjesë të Zvicrës dhe Belgjikës. Pasi që ata nuk kanë pasur shtet ka qenë më e lehtë për ta që ta marrin nënshtetësinë”, shton më tutje Montague.



Ai më pas nënvizon fjalët më të fuqishme dhe më domethënëse për Kosovën dhe futbollin e saj.



“Sot ju keni një gjeneratë të tërë të futbollistëve nga Kosova të cilët me krenari e identifikojnë veten si kosovarë mirëpo të cilët luajnë për Zvicrën pasi që Kosova nuk ekip kombëtare. Xherdan Shaqiri, Valon Behrami, Granit Xhaka janë vetëm disa nga të shumtit.

[Llapi]

FIFA “pranon” Kosovën, ndeshja e parë me Kroacinë

Publikuar: 29.12.2013 - 16:31


Shtëpia më e madhe e futbollit botëror, FIFA, e ke pranuar kërkesen e Federatës së Futbollit të Kosovës, që përfaqësuesja e jonë të zhvilloj ndeshje miqësore ndërkombëtare prej 10 janarit të vitit 2014.

Kjo është kërkesa e vetme e palës kosovare aktualisht për të cilën u bisedua disa herë muajt e fundit në mes të krerëve kosovarë, serbë dhe botëror të futbollit.

Ndërkohë jo zyrtarisht mësohet se kombëtarja e Kosovës ndeshjen e parë historike miqësore ndërkombëtare do ta zhvilloj me përfaqësuesen e Kroacisë pikërisht në Prishtinë.

Ky vendim i FIFA-së, pritet që të bëhet zyrtar me 10 janar në Zvicër kur edhe do të mbahet mbledhja e radhës e Komitetit Ekzekutiv i FIFA-së. /Zëri/

[vergogc]

Nuk mund te kuptoj pse Shqiptaret te ken dy kombetare? Me dy kombetare, eshte e sigurt qe endrra qe te shikojem kombetaren ne nje Boteror ose Euro Cup, do shuhet.

[Llapi]

Si mendoni a do te kete mundesi ti shohim keta mega yje ne fanelen e perfaqsueses tone.

[Llapi]

[zANë]

Ndeshja e pare me Kroacine?
Sikur kam degjuar qe eshte e ndaluar te krijohet nje ndeshje me vendet e ish Jugosllavis deri ne nje shqyrtim tjeter.

[Xhuxhumaku]

O,llapist,

Blerin xhemaili eshte nga shqipet e mecedonis,

Slejohet me lujt me kosojevon



Kshu qe merr tha qin,..

[goldian]

urime e ju prifte e mbara e suksese ne europiane e boterore

tani ngrihu kushta zmijani pano shulku dosti etj etj e na nxirrni Talente si aso kohe me te madhon Zan ragami

[ARIANI_TB]

E para eshte se para te krijohet apo formohet "Kombetarja e Kosoves", duhet qe se pari te krijohet e pranohet "Kombi Kosovar". E ne kete "Komb Kosovar" do te jene Shqiptaret si shumice, si dhe te tjeret si minoritet: Boshnjaket, Ashkalinjet, Romet, Turqit, Goranet etj, e ku ne kete Komb te Ri nuk do te perfshihej fare minoriteti Serb, sepse ata nuk do e pranonin ne gje te tille. Pra me kete status qe ka Kosova - Kosove MultiEtnike, edhe sipas Pakos se Ahtisarit dhe Kushtetutes se Kosoves te dale nga kjo pako - do te thirrej Kombetarja MultiEtnike e Kosoves. Po ashtu pasiqe tanime e kemi edhe Fusnoten si produkt e marreveshjeve te arritura politike ndemjet dy qeverive asaj te Kosoves dhe te Serbise - Ne realitet ky formacion i Kosoves do te thirrej si: "KOMBETARJA MULTIETNIKE E FUSNOTES SE KOSOVES", sepse ky eshte realiteti dhe statusi i tanishem i Kosoves. Tani ne nuk mund te bejme krahasime, sikurse qe po mundohen disa te bejne krahasimet, se Gjermania, Austria, Zvicera e Luxemburgu jane nje KOMB dhe kane 4 Kombetare. Mendoj se NE Shqiptaret kudo qe jemi ne trojet tona, nuk duhet qe tani e tutje te ndahemi edhe me teper sepse ndarja eshte duke na kushtuar goxha me cmim te larte. E pikerisht "KOMBI KOSOVAR - KOMBETARJA KOSOVARE" eshte nje ndarje e metutjeme qe do na kushtoje shum ne te ardhmen. Prandaj mendoj se NE duhet te konsiderojme veten tone si NJE KOMB dhe per kete arsye duhet te kemi vetem NJE KOMBETARE - Pikerisht keshtu siq thote edhe kapiteni i Kombetares Sone - Lorik Cana.....!

[Antiproanti]

[img]...
“Kosova do të ishte superfuqi në Evropë po të kishte kombëtare”

...

Supermu...!
Si ne gati cdo krahasim tjeter me vendet e Ballkanit dhe te Evropes.