BESA - Tifozat verdhezinj

[Davius]

Skandali i basteve përfshin Besën

Revista "Bild": UEFA po heton ndeshjen Bezhanija-Besa, të përfunduar 2-2

Besa ka përfunduar në sitën e hetimeve të Europolit në skandalin e basteve që ka përfshirë aktivitetet ndërkombëtare të organizuara nga UEFA. Ka qenë revista gjermane "Bild" ajo që ka bërë të ditur se në listën e 26 ndeshjeve që UEFA i ka servirur trupës policore kontinentale, figuron edhe takimi Bezhanija-Besa, i vlefshëm për raundin e parë paraeliminator të Kupës UEFA. Ndeshja që përfundoi me rezultatin 2-2 rezultoi më pas vendimtare për ekipin kavajas, i cili arriti të kualifikohej në turin tjetër, falë barazimit pa gola në Tiranë. Ndonëse UEFA nuk ka konfirmuar asnjë prej emrave të skuadrave të dyshuara, në javët në vazhdim do të hyjë në veprim Europoli, i cili aktualisht po heton të gjitha ndeshjet që i janë servirur nga institucioni që drejton futbollin në Evropë.

Gjatë ditës së kaluar, listës së vendeve të përfshira nga skandali i basteve në Kupat e Evropës iu shtua edhe Shqipëria, pas atyre të Estonisë, Finlandës, Serbisë, Lituanisë, Bullgarisë dhe Maqedonisë. "Zbulimin" e ka bërë revista prestigjioze gjermane "Bild", e cila lajmin për skandalin që ka përfshirë futbollin në Evropë e ka ilustruar me një foto të takimit Bezhanija-Besa. "Ndeshja e kualifikueseve të Kupës UEFA, e përfunduar me rezultatin 2-2, është mes rezultateve të manipuluara", shkruhet në këtë revistë. Kanë mjaftuar pak minuta që lajmi të raportohet në të gjitha mediat gjermane, të cilat deri në ato momente kishin zbuluar vetëm dy ndeshje të tjera, atë të bullgarëve të Çerno More ndaj maqedonasve të Makedonija dhe atë të estonezëve të Talin kundër finlandezëve të Honka Espo. Sipas gazetave gjermane, emrat e takimeve të përfolura deri tani si të manipuluara me qëllim përfitime kolosale nëpërmjet kompanive të basteve aziatike, kanë dalë nga EUFA dhe Europol, ndonëse të dyja palët zyrtarisht nuk kanë konfirmuar asnjë prej emrave. Sinjalizimet për rezultatet e çuditshme kanë ardhur nga kompania "Betfair", e cila ka një marrëveshje bashkëpunimi me UEFA-n dhe ka shërbyer gjithmonë si një urë ndërlidhëse mes këtij institucioni dhe kompanive të basteve në Evropë.

Prej kohësh futbolli shqiptar është përfshirë nga dyshimet për trukimin e ndeshjeve, si në kampionatin shqiptar, ashtu edhe në aktivitetet ndërkombëtare. Nëse më parë mungonin provat për të vërtetuar një gjë të tillë nëpërmjet institucioneve vendase, ka qenë UEFA ajo që ka menduar për të ndalur një fenomen të tillë, gjithmonë nëse vërtetohet fajësia e klubit kavajas. Nëse konfirmohet se Besa është mes skuadrave të hetuara nga Europol, brenda javëve të ardhshme, zyrtarë të trupës policore kontinentale mund të vijnë në vendin tonë për të parë nga afër situatën dhe për të verifikuar dyshimet e UEFA-s.

Gazeta SHQIP

[goldian]

hmmmmmmmmmmmmmmmmmmmmmmmmmmmmm

[offspring]

Ne rast se nuk e vure re emrin e kam Frodo
Besa eshte ekip yll fare, po mbajti keto lojtare qe ka del kampion brenda 2 vjetesh

PO PO SE KET VIT DEL KAMPION PARTIZONI .MAS 2 VJETESH SHOHIM SE SI DIHET I MUSHET PRAP MENJA LILES ME SHOK ENE SI RRAKLLI NE KAMPIONATE TE TJERA DHE BESA ATY KU E KA VENIN NE KATEGORI TE 2

[Flori]

Kavajasit në vend të 334 në "top-listën" botërore të IFFHS

Besa është skuadra më e mirë shqiptare për vitin kalendarik 2007. Përfundimi ka ardhur nga studimi i Federatës Ndërkombëtare të Futbollit për Historinë dhe Statistikat (IFFHS), që ka publikuar "top-listën" e 350 skuadrave më të spikatura për periudhën 1 janar 2007 - 31 dhjetor 2007. Kavajasit ishin ekipi i vetëm nga Kategoria Superiore që ka arritur të përfshihet në këtë listë, duke u renditur në vendin e 334-t. Përllogaritja është bërë në bazë të rezultateve të arritura në fazën e dytë të kampionatit 2006-‘07 (ku ka përfunduar në vend të gjashtë), pjesën e parë të kampionatit 2007-‘08 (momentalisht është në vend të 6), por edhe me paraqitjet në Kupën e Shqipërisë (trofe të cilin e ka fituar vjet për herë të parë në historinë e klubit) dhe në fazën eliminatore të Kupës UEFA. Me 63 pikët e grumbulluara në vitin kalendarik 2007, verdhezinjtë e shohin veten përkrah sllovenëve të NK Koper (që renditen në vendin e 328), por edhe kolumbianëve të Atletiko Huila Nevia, paraguaianëve të Sol de Amerika Asunsion, armenëve të Banats Jerevan, austriakëve të SV Matersburg dhe australianëve të Adelaide Junajted FC. Edhe pse kjo është një arritje më vete për kavajasit, ata kanë humbur disa pozicione në krahasim me "top-listën" e vitit 2006, ku gjendeshin të 330-ët. Ajo që i ka rritur dukshëm kuotat e Besës ka qenë triumfi në Kupën e Shqipërisë, ku kanë fituar 3-2 në finalen e luajtur në "Qemal Stafa" përballë Teutës. Prej këtij kompeticioni, ata kanë fituar të drejtën për të marrë pjesë në turin e parë eliminator të Kupës UEFA, ku shorti i ka vendosur përballë serbëve të FK Bezhanijas. Skuadra, e drejtuar në atë kohë nga rumuni Dumitresku ka barazuar me shifrat 2-2 në takimin e parë në Beograd dhe 0-0 në ndeshjen e kthimit në Kavajë dhe ka kaluar turin falë dy rrjetave në fushë kundërshtare. Në turin e dytë, ata janë përballur me bullgarët e Liteks Lovesh, ku janë eliminuar pas humbjeve 3-0 në të dyja sfidat. Gjithsesi, paraqitja e Besës në Evropë është vlerësuar maksimalisht. Ata ktheheshin në kupat e Evropës pas 35 vjetësh dhe ishin skuadra e vetme shqiptare që kaloi turin e parë në edicionin 2007-‘08.

Vendi i parë në këtë renditje ka qenë për spanjollët e Seviljas (me 306 pikë të grumbulluara), që pasi ka fituar për dy edicione radhazi Kupën UEFA, gjatë sezonit 2007-‘08 është paraqitur me sukses edhe në Ligën e Kampioneve. Pas klubit nga Primera Division janë renditur Mançester Junajted (2), Milan (3), Çelsi (4), ndërkohë që 10 vendet e para mbyllen nga meksikanët e Amerika Kuidad de Meksiko. Nga skuadrat ku militojnë futbollistë shqiptarë më lartë është pozicionuar Marseja e Lorik Canës (39) dhe Lacio e Igli Tares (75). Vend në klasifikim ka pasur edhe për Palermon (145) ku luan Sajmir Ujkani dhe Hanoverin e Altin Lalës (202).

Gazeta Shqip

[Qerim]

Besa me barazimin 1-1 në Qipro arriti një kualifikim spektakolar në Kupën Intertoto kundër Ethnikos Aknasi (takimi i parë në Tiranë u mbyll 0-0), duke kaluar për të dytin vit rresht turin e parë të një kompeticionin evropian, pas atij të sezonit të kaluar në Kupën UEFA kur eliminoi serbët e Bezaninjës (dhe atëherë me dy barazime: 2-2 në Beograd, 0-0 në Tiranë).

Goli i kualifikimit për kavajasit u realizua në minutën e 90-të me anë të Liridon Lecit, i cili bëri të pavlefshëm golin e shënuar nga Manousakis në minutën e 57-të.

Në turin e dytë të Kupës Intertoto, Besa do të përballet me skuadrën zvicerane Grasshopers. Takimi i parë do të luhet, më 5 korrik në Zvicër, ndërsa ai kthimit, një javë më pas, më 12 korrik në Tiranë.

KUALIFIKIMET NË KUPËN INTERTOTO

Besa bëhet kështu ekipi i katërt shqiptar që arrin të kalojë turin e parë në Kupën Intertoto, pas Teutës Partizanit, e Vllaznisë.

[SeveN]

Urime per kualifkimin ekipit te Beses dhe te gjithe tifozeve te saj! Suksese te metejshme ne Intertoto!

[Qerim]

Enkel Alikaj: Ishim shumë afër barazimit
8 Korrik

“U mundëm, por e vërteta është se qemë shumë afër barazimit”. Ky është konstatimi i parë, që mesfushori tiranas i Besës, fantazisti Enkel Alikaj, përcjell për gazetën tonë si argument, për ndeshjen e së shtunës të kaluar, të humbur 1?2 ndaj Grasshopers, në stadiumin e Vohlen. “Mesfusha e asaj skuadre, ? vijon më tej Alikaj, ? kishte dy futbollistë ndër më të mirët e formacionit të saj. Kështu që në këtë repart duhet të bëjmë kujdes dhe në ndeshjen e kthimit, pasi Toure dhe Lulic, krahas faktit që ndërmerrnin shumë aksione, dinin të godisnin edhe nga distanca. Neutralizmi me sukses i lojës së këtyre dy lojtarëve, në ndeshjen e kthimit, do t’u japë veprimeve tona më shumë frymëmarrje” thekson Alikaj në intervistën e tij për “Sport Ekspres”, pak çaste pasi ka përfunduar seanca e djeshme e stërvitjes. Fantazisti është i bindur se duke marrë inisiativën, Besa duhet të shohë përpara, për të shënuar e për ta fituar medoemos ndeshjen e kthimit, që do të luhet këtë fundjavë në stadiumin “Niko Dovana” të Durrësit. “Unë dua të ftoj edhe sportdashësit kavajas, që të jenë sa më të shumtë dhe të mbështesin fuqishëm skuadrën, pasi, nga sa pamë në ndeshjen e parë, ku ishim shumë afër barazimit, shanset janë plotësisht të hapura që të fitojmë dhe të kualifikohemi për në turin e tretë të Intertotos”.



? Alikaj, edhe pse ndeshja e së shtunës të kaluar, ndaj Grasshopers, u humb 1?2, nuk ka lënë megjithatë përshtypje të këqija...

? Rezultati më i drejtë i asaj ndeshjeje të parë duhet të ishte barazimi. E them këtë, sepse veç golit të Fortunatit, kemi humbur raste në pjesën e parë dhe veçanërisht në fundin e ndeshjes, kur patëm mundësi të arta për ta barazuar rezultatin. Do të kishte qenë vërtet një hap edhe më i mirë.

? Besa, siç u pa, diti ta përballonte më së miri lojën e kundërshtarëve, në letër tepër të frikshëm, por jo dhe aq në fushë...

? Në aspektin e veprimeve tekniko ? taktike, luajtëm të organizuar e me disiplinë. Por, sigurisht, në momentet që jemi goditur nga dy golat, ka dalë në pah edhe presioni që kanë dashur të na imponojnë kundërshtarët, duke qenë se ishin në shtëpinë e tyre. Ajo, që mua më gëzon, është se ne arritëm të rrezikojmë disa herë, madje, humbëm raste “të qëruara” para portës së Grasshopersit. Kështu që, duke parë mënyrën se si ata rreshtoheshin në prapavijë, them se mund të kemi sukses në ndeshjen e kthimit për t’i goditur e për të shënuar në portën e tyre, duke u rrëmbyer kualifikimin nëturin etretë, që është objektivi kryesor. Nëse do të ndodhë kështu, atëherë do të kishte vërtet përmasa historike, jo vetëm për Besën, por në tërësi për futbollin shqiptar.

? Si e vlerëson lojën e mesfushës së Besës?

? Në fakt, me lojtarë të rinj dhe energjikë, për më tepër që dinë të luajnë shpejt me dhe pa top, si Progni, Veliaj e Sakaj, pa thënë se në rreshtin tonë u vendos edhe Mancaku, që ka qenë në një formë të shkëlqyer, pasi u luajt në pjesën më të madhe të kohës me 4?5?1, them se mesfusha ka vepruar në harmoni dhe tashmë loja e mesfushorëve tanë funksionon si me “kod”.

? Çfarë mendoni se duhet, në ndeshjen e kthimit të kësaj fundjave në Durrës, për të fituar e për t’u kualifikuar?

? Sigurisht, në radhë të parë kualifikimi do të varet nga loja jonë, që t’u imponohemi kundërshtarëve, por e rëndësishme është dhe mbështetja e fuqishme nga ana e tifozëve të zjarrtë kavajas. I ftoj ata të jenë të shumtë në numër dhe entuziastë, në mbështetje të ekipit këtë fundjavë, sepse dhe roli i tyre ka shumë peshë në afirmimin e vlerave më të mira të Besës. Duhet të bëjmë gjithçka që të arrijmë fitoren dhe, mbi të gjitha, kualifikimin në turin e tretë, që tashmë e kemi aq pranë.

[Qerim]

Bravo Besa !