Shpëtoni ambientin!

[the admiral]

a u binde qe groenlanda me pare ka qene me e ngrohte se tani, apo jo???

akoma vazhdon e mendon qe: Klima e Groenlandes ka qene edhe me e ftohte se kjo qe ka tani ???

[Edvin83]

Piku i naftës rrezikon seriozisht të ardhmen
04/03/2010
Edvin Pacara
Gazeta Shqip

Nëse më parë ata që jepnin alarmin për afrimin e pikut të naftës ishin një grup ekonomistësh dhe financierësh, tani janë kompani të mëdha ndërkombëtare të naftës si Total, Petrobras, apo kompani të mëdha britanike si Virgin, Scottish, Southern, Stagecoach po u bien kambanave për rrezikun e rëndë që u kanoset ekonomive që janë të varura tërësisht nga nafta.

Çfarë është piku i naftës? Është pika maksimale e nxjerrjes së naftës, përtej së cilës prodhimi bie në mënyrë të pakthyeshme. Shumë persona do të thonë “Po sikur kishim naftë është për 40 vjet të tjera, si ka mundësi që nafta po mbaron?” Kjo mund të jetë e vërtetë, megjithëse shumë nga raportimet e OPEC-ut për rezervat e naftës përmbanin fryrje shifrash dhe gabime në matje dhe vlerësime me realiste tregojnë se rezervat e naftës mund të zgjasin edhe për 20 vjet të tjera me këtë ritëm rritjeje të kërkesës për naftë në botë. 
Piku i nxjerrjes së naftës, përkon me pikën ku mbi 50% e naftës është harxhuar. Pas kalimit të kësaj pike, sasia e naftës së nxjerrë bie, ndërsa kostoja e naftës rritet me shpejtësi të madhe. Ajo që do ta përshpejtojë më tej arritjen e pikut të naftës, është kërkesa gjithnjë e në rritje për naftë—më shumë se 1400 makina i shtohen rrugëve të Kinës çdo ditë. Ndërsa nxjerrja e naftës do të arrijë pikun e saj, kërkesa do të vazhdojë të rritet pa u ndalur, duke sjellë rritjen e pandalshme të çmimit të naftës e nënprodukteve të saj. 
Sipas Robert Duncan, bota ka arritur pikun e nxjerrjes së naftës në vitin 2010, ose do ta arrijë atë në 2-3 vitet pas 2010. Lind pyetja, pse nuk po ndihet rënia e prodhimit të naftës apo rritja e madhe e çmimit? Përgjigjja është: Sepse kriza financiare e 2008-2009 uli ndjeshëm rritjen ekonomike botërore duke ulur kështu dhe kërkesën për naftë dhe duke e shtyrë arritjen e pikut të naftës edhe për 3 vjet tjera. Task-forca britanike e industrisë, mbi sigurinë energjetike dhe naftën, raportoi në shkurt të këtij viti se duke u bazuar në kapacitetet botërore të nxjerrjes së naftës dhe faktorët që ndikojnë në konsumin e saj, prodhimi global i naftës do të arrijë pikun në 2013, dhe pastaj do të fillojë të bjerë nga viti 2015, ndërsa konsumi e kërkesa do të rriten. Kjo do të thotë që rritja e çmimit të naftës do të fillojë të ndihet duke filluar nga viti 2013.

A duhet që Shqipëria si shtet e shoqëri të shqetësohet për këtë? 
Duhet të shqetësohet shumë dhe të fillojë sa më shpejt marrjen e masave zbutëse. Nga njëra anë rënia e sasisë së naftës në dispozicion do të jetë një gjë e mirë për mjedisin dhe shëndetin publik, sepse do të thotë më pak naftë e djegur në qytete ku shkakton dhe dëmin më të madh dhe më pak emetime karboni, por nga ana tjetër do të thotë katastrofë për ekonominë, me efekte të rënda për ekonominë e vendit. Kriza e naftës do të kapë të gjitha ekonomitë botërore, por ato që do të vuajnë më tepër janë ekonomitë e vendeve që janë krejtësisht të varura nga nafta, janë ekonomi të dobëta dhe nuk kanë asnjë mundësi për të riorientuar ekonomitë e tyre drejt ekonomive të burimeve të rinovueshme, vende ku futet dhe Shqipëria. Në vend që ekonomia shqiptare të largohet sa më shpejt nga varësia ndaj naftës, ajo po orientohet krejtësisht drejt naftës dhe burimeve të tjera fosile ndotëse. Është e pafalshme për një vend si Shqipëria, me burime të shumta të rinovueshme, të drejtojë ekonominë e saj drejt naftës. Jemi një vend që ka diversitet energjish të rinovueshme, si energjia diellore, e erës, hidrike, gjeotermale, e biomasës etj. Por në vend që të fillojë shfrytëzimin e këtyre energjive, Shqipëria po hedh të gjitha investimet e saj në energji fosile që nuk do të jenë në dispozicionin tonë për një kohë të gjatë dhe do dëmtojnë shëndetin publik. Një shembull i thjeshtë është investimet në linja trenash elektrike. Në vend që ne të shkonim në Durrës më një tren të shpejtë elektrik që nuk do të kishte nevojë për naftë, na duhet të harxhojmë sasi të konsiderueshme nafte për të shkuar nga Tirana në Durrës duke ndotur edhe më shumë një zonë tashmë të ndotur. Duhet t’i bëjmë vetes një pyetje, me çfarë do të shkojmë ne në Durrës a në qytete të tjera të vendi kur të fillojë rritja galopante e çmimit të naftës? Si do të funksionojë ekonomia shqiptare pas arritjes së pikut të naftës dhe rritjes së papërballueshme të çmimit të saj? Pasojat afatshkurtra do të jenë të rënda. Duke qenë se deri tani nuk ka asnjë strategji apo masë të marrë për këtë gjë, kjo krizë do ta gjejë Shqipërinë krejt të papërgatitur. Sektori i parë që do të goditet do të jetë transporti, i cili tani për tani varet krejtësisht nga nafta. Ndërsa vendet perëndimore kanë investuar shumë në transportin me trena elektrikë, vendi ynë nuk asnjë investim në këtë sektor. Kriza që do të përfshijë transportit do të reflektohet direkt në ekonominë e vendit. Do të preken sektorët e shpërndarjes, shërbimet, prodhimi etj.

Siç e thashë dhe më lart, vendet e pazhvilluara dhe ato në zhvillim do të jenë ato që do të vuajnë më shumë këtë krizë. Kjo vjen si pasojë e një sërë faktorësh: vendet e zhvilluara kanë më tepër kapital dhe teknologji për të riorientuar ekonomitë e tyre për një kohë relativisht të shkurtër drejt një ekonomie që përdor energji të rinovueshme, ato një forcë punëtorë të aftë për të bërë këtë kalim, ato kanë aftësitë sociale dhe administrative për ta bërë një gjë të tillë, dhe ato kanë aftësitë ekonomike për të zbutur pasojat e krizës në fillimet e saj. Vende si Suedia, Islanda, Irlanda dhe Kosta Rika kanë hartuar strategji dhe kanë ndërmarrë hapat e para për të zbutur efektet e krizës së pritshme të naftës, dhe kanë filluar me transformimin e ekonomive të tyre drejt ekonomive të gjelbra që nuk varen nga nafta dhe hidrokarburet fosile. Izraeli, Danimarka dhe Australia, nëpërmjet kompanisë vizionare “Better Place”, po instalojnë pikat e furnizimit me energji elektrike të makinave elektrike që këtë vit dolën pasivisht në treg. Shtete të tjera perëndimore po bëjnë riplanifikimin e qyteteve në mënyrë që të nevojitet sa më pak transport, po investojnë masivisht në transportin publik, po instalojnë sisteme të kapjes së ujit të shiut dhe po futin konceptin e kultivimit urban e lokal të drithërave, frutave e perimeve për të ulur sa më shumë distancën ndërmjet konsumatorit dhe vendit ku prodhohet ushqimi. Shqipëria duhet të fillojë sa më shpejtë marrjen e masave për të përballuar situatën që do të krijohet nga piku i naftës. Nëse shëndeti i shqiptarëve nuk është marrë parasysh si një faktor për të ndërhyrë në minimizimin e përdorimit të naftës dhe futjes së energjive të rinovueshme, kriza ekonomike që piku i naftës sjell duhet të shtyjë Shqipërinë të ndërmarrë masa për zbutur kalimin nga ekonomia e bazuar në naftë në atë në energji të rinovueshme. Një kalim i tillë duhet bërë tani, pasi është një realitet që nuk mund ta injorojmë.

*Drejtori Ekzekutiv, Instituti i Politikave Mjedisore
http://216.75.13.41/index/opinion

[Uriel]

''Koha duket shumë e turbullt xhentëllmenë. Klima e botës po ndryshon, gjitarët po marrin sundimin, dhe të gjithë ne e kemi trurin sa një kokërr arrë'', ishte ironizimi i Garry Larson-it në lidhje me dështimin e Samitit të Kopenhagenit.

[La_Lune]

''Koha duket shumë e turbullt xhentëllmenë. Klima e botës po ndryshon, gjitarët po marrin sundimin, dhe të gjithë ne e kemi trurin sa një kokërr arrë'', ishte ironizimi i Garry Larson-it në lidhje me dështimin e Samitit të Kopenhagenit.

Sa e bukur,
Ashtu e kam menduar gjithnje kete punen e ngrohjes globale.
Jemi thjeshte ne qe po na ngrihet temperatura e trupit,apo na e ka fajin klima?

[La_Lune]

a u binde qe groenlanda me pare ka qene me e ngrohte se tani, apo jo???

akoma vazhdon e mendon qe: Klima e Groenlandes ka qene edhe me e ftohte se kjo qe ka tani ???

"Green"Land
Duhet te kete qene tamam nje "parajse" mbi Toke.

[Enii]

http://www.earthrestore.com/home

[wittstar]

Do ishte me mire te diskutonim si te shpetonim mjedisin (sic thote titulli i temes), se sa te shprehim edhe ketu pikepamjet politike mbi boshtin e se keqes...

Tashti qe vendosi te mbylle stacionet e veta nukleare Gjermania,besoj se do filloje t'i imponoje te gjithe shteteve te tjera mosperdorimin kategorikisht te energjise nukleare.
Thu se u zgjidhen problemet ekologjike njehere e pergjithmone:
...
Ishte njehere nje kanibale.Kur mesoi se i kishin fotografuar gjurmet e dhembeve te saj mbi plaget e nje njeriu te cilin nuk e hengri dot,nxitoi te dale para nje kongresi dentistash dhe filloi te ulerase:
Propozoj qe per hir te sigurise se te gjitheve tashti e tutje te gjithe t'i shkulin dhembet e tyre nga goja.
Dhe filloi te shkuli dhembet e saja nje nga nje!!!

[Hyllien]

Propagandë qelbur komuniste. Teoria e shalqirit njihet mirë. Jeshile nga jashtë e të kuq nga mbrenda, kështu janë dhe këta ambientalistët. Duhet të lexoni më tepër rreth themeluesit të Greenpeace, si u hoqën qafe disa nga idealistët e atëhershëm dhe si po politizohet gjithë lëvizja "jeshile" nga rrethet e ndyra komuniste që duan qeverinë botërore, sigurisht duke fajësuar njëkohësisht kapitalizmin si forcë për atë që kanë dekada duke punuar vetë, nën emrin progresist, socialistë, komunistë apo Der Grunen me kryekriminelin Joshka Fischer.

Sot nuk bëhet më shkencë, që kur shkencëtarët e ardhshëm filluan duke u joshur dhe inkurajuar të futen në botën e financës, sot shkenca ka vdekur dhe po instrumentalizohet për qëllime politike. Dikur, pjesa e elitës shkollore, top 10-15% ikte bëheshe astronaut, kërkonin jetë në kozmos, punonin për gjëra të mirfillta, dhe pjesa tjetër shkonte në inxhinjeri, e pjesa e mesit shkonte në financë. Trendi u ndryshua sot e gati 30 vjet, ku pjesa elitare shkollore filloi duke shkuar në financë, njëkohësisht programet shkencore u mbyllën dhe cdo gjë kaloi në interesat e grupeve private që financonin "shkencë" për qëllimet që ata deshën. Nga ana tjetër gjenitë e ardhshëm, me modelet e tyre matematikore e shkencore jo vetëm revolucionuan financën, por njëkohësisht dhe e shkatërruan atë pasi ju dha dorë e lirë të vepronin nga gjenerata e menaxhimit që as ja kishte haberin nga aplikimet e avancuara matematikore, fizike etj në këtë botë. Të gjitha qelbsinlliqet e nxjerra nga këto organizata kriminale jeshile janë dëshmuar të rreme, qoftë me skandalin e emaileve të vjetshëm, qoftë me temperaturat që krijojnë trend vetëm nëse fillohet numërimi nga një vit i caktuar. Në konferencën e fundit në Cancun, ku cfarë nuk kishin bërë, qëlloi që pati temperaturat më të ulta të disa dekadave pikërisht ditën kur u bë konferenca. Thjeshtë duhen mënyra të reja se ku të investojnë "Private Equities" të Gore-it, Sorosit e shumë pasanikëve në botë duke vendosur taksa karboni, duke krijuar "Green Exchange" ku do tregtohen certifikata karboni etj etj.

[Alti Elezi]

Propagandë qelbur komuniste. Teoria e shalqirit njihet mirë. Jeshile nga jashtë e të kuq nga mbrenda, kështu janë dhe këta ambientalistët. Duhet të lexoni më tepër rreth themeluesit të Greenpeace, si u hoqën qafe disa nga idealistët e atëhershëm dhe si po politizohet gjithë lëvizja "jeshile" nga rrethet e ndyra komuniste që duan qeverinë botërore, sigurisht duke fajësuar njëkohësisht kapitalizmin si forcë për atë që kanë dekada duke punuar vetë, nën emrin progresist, socialistë, komunistë apo Der Grunen me kryekriminelin Joshka Fischer.

Sot nuk bëhet më shkencë, që kur shkencëtarët e ardhshëm filluan duke u joshur dhe inkurajuar të futen në botën e financës, sot shkenca ka vdekur dhe po instrumentalizohet për qëllime politike. Dikur, pjesa e elitës shkollore, top 10-15% ikte bëheshe astronaut, kërkonin jetë në kozmos, punonin për gjëra të mirfillta, dhe pjesa tjetër shkonte në inxhinjeri, e pjesa e mesit shkonte në financë. Trendi u ndryshua sot e gati 30 vjet, ku pjesa elitare shkollore filloi duke shkuar në financë, njëkohësisht programet shkencore u mbyllën dhe cdo gjë kaloi në interesat e grupeve private që financonin "shkencë" për qëllimet që ata deshën. Nga ana tjetër gjenitë e ardhshëm, me modelet e tyre matematikore e shkencore jo vetëm revolucionuan financën, por njëkohësisht dhe e shkatërruan atë pasi ju dha dorë e lirë të vepronin nga gjenerata e menaxhimit që as ja kishte haberin nga aplikimet e avancuara matematikore, fizike etj në këtë botë. Të gjitha qelbsinlliqet e nxjerra nga këto organizata kriminale jeshile janë dëshmuar të rreme, qoftë me skandalin e emaileve të vjetshëm, qoftë me temperaturat që krijojnë trend vetëm nëse fillohet numërimi nga një vit i caktuar. Në konferencën e fundit në Cancun, ku cfarë nuk kishin bërë, qëlloi që pati temperaturat më të ulta të disa dekadave pikërisht ditën kur u bë konferenca. Thjeshtë duhen mënyra të reja se ku të investojnë "Private Equities" të Gore-it, Sorosit e shumë pasanikëve në botë duke vendosur taksa karboni, duke krijuar "Green Exchange" ku do tregtohen certifikata karboni etj etj.

100% OK.
Ngrohja Globale eshte vec nje mashtrim i rradhes,nje ubububja e rradhes.

[Hyllien]

100% OK.
Ngrohja Globale eshte vec nje mashtrim i rradhes,nje ubububja e rradhes.

Un jam pro gjetjes së rrugëve alternative për energji, sepse fundia janë investuar miliona në shkencë, por të them të drejtën cilësia është skandaloze.

Psh, marim energjinë me erë dhe po të jap disa detaje që më vijnë aktualisht në kokë.


Pro:
-Mban ajrin pastër

Kundra:
-Në maksimumin e efektivitetit gjeneron vec 30% të kapacitetit të projektuar
-Nuk mund të ruhet dot, pra nuk është si hidrocentrali psh që e ruan energjinë dhe hap portat shkarkuese më vonë kur të duhet.
-Kushton shumë mirëmbajtja
-Jetën maksimale e kanë 20 vjet
-Era jo vetëm që duhet të fryj, por era është vektor, pra duhet të fryjë në drejtimin e duhur nga janë vendosur këto elikat
-Duhet të diversifikosh gjeografikisht shpërndarjen, shkurt me pak llafe, duhet ti ndërtosh në disa vënde jo të gjitha në një vënd, sepse po nuk fryu erë në atë vend specifik e hëngre.
-Kosto e jashtzakonshme shpronësimi (Në Kroaci deshin të ndërtonin përgjatë bregdetit dhe u bë njëra, sepse askush nuk dëshironte ta jepte tokën, dhe kush deshte kërkonte shifra absurde - sepse toka në Ballkan dhe Europë në përgjithësi është në skarsitet, prandaj Gjermania i ka ngulur në det!!!!!)
-Kosto e jashtzakonshme për krijimin e rrjetit të shpërndarjes
-Rritje mbi 70% e faturës energjike në rastin më të mirë.

Aktualisht rreth 0.88% e Energjisë Amerikane furnizohet nga "Clean Energy", sepse nuk ke absolutisht mundësi ta bësh ndryshe. Kur shkencëtarët të shpikin metoda më efektive dhe kur burokratët të bëhen serioz për të ndihmuar në pastrimin e ajrit më tepër se sa të ngrofjes atëhere do flasim. Mirëpo shkencëtarët janë bërë politikanë, dhe politikanët janë bërë shkencëtar sot.