Drejtoria e Tatimeve kallëzon penalisht ish-ministrin Malaj

[Albo]

Drejtoria e Tatimeve kallezon penalisht ish-Ministrin e Financave Arben Malaj

Nga Daniela Bonollari

TIRANE (14 Prill)

Ish-Ministri Malaj reagon: Akuzat ndaj meje nuk kane baze ligjore. Berisha po tregon mentalitet komunist

Ora 14:45-Ish-Ministri i Financave, Arben Malaj hedh poshte akuzat e bera ne emer te tij nga Drejtoria e Pergjithshme e Tatimeve. “Akuzat jane thellesisht politike, dhe nuk kane baze ligjore. Une nuk kam favorizuar asnje kompani dhe kam qene i qarte me administraten qe te zbatohet cdo gje sipas ligjit. Kryeministri Berisha po tregohet komunist”, tha Malaj ne nje bisede telefonike per TV News24. Sipas tij, “PD ecen me moton per te mbuluar zhurmat dhe paaftesite duhet te publikoje nje skandal. Qeverisja e PD nuk duhet te jete agresive, abuzime dhe te mos ece ne kahun e kundert, apo te mbuloje paaftesine qeverisese me bema korruptive”, tha Malaj duke paralajmeruar luften politike qe sipas tij po vjen duke u acaruar ne Shqiperi.

Akuzat per Malaj, reagon Koci: Berisha po kthen luften antikorrupsion ne lufte politike

Ora 14:15-Nenkryetari i grupit te PS, Petro Koci eshte shprehur sot se kryeministri Berisha e ka kthyer luften antikorrupsion ne lufte politike. Komenti per mediat i Kocit ka qene sot reagimi ndaj kerkeses per padi penale qe ka kerkuar Drejtoria e Pergjithshme per Ish-ministrin e Financave, Arben Malaj. Sipas Kocit, lenia e imunitetit eshte ne dore te vete zotit Malaj.

Nenkryetari i grupit te PS, Koci ka reaguar dhe ndaj komisionit hetmor qe eshte shprehur se do te ngreje kryeministri Sali Berisha ndaj punes se Prokurorit te Pergjithshem, Theodhori Sollaku. “Berisha e ka kthyer Kuvendin ne grup hetimor”, u shpreh Koci.

Drejtoria e Tatimeve kallezon penalisht ish-Ministrin e Financave Arben Malaj

Ora 11:25- Drejtoria e Pergjithshme e Tatimeve kerkon nga Prokuroria fillimin e veprimeve per ndjekje penale ndaj ish-Ministrit te Financave Arben Malaj. Nepermjet nje njoftimi publik, Drejtoria ben te ditur se i eshte kerkuar organit te akuzes ne Tirane te filloje procedimin penal dhe kryerjen e veprimeve hetimore per ish- Ministrin Malaj, per shperdorim detyre. Sipas ketij njoftimi, Malaj ka favorizuar subjekte te vecanta, duke i shkaktuar shteti nje dem financiar prej rreth 44 milion lekesh.

Drejtoria e Tatimeve pas verifikimeve te bera, ka verejtur se ish-ministri ka favorizuar shoqerine ‘’Eurodrin’’ me perfaqesues Fadil Durakun. Institucioni kryesor i tatimeve deklaron se eshte duke plotesuar demin qe i eshte shkaktuar nga ky rast ne buxhetin e shtetit. Kallezimi penal sipas ketij institucioni, eshte bere ne kuader te luftes kunder krimit ekonomik.

(BalkanWeb)

[Albo]

Dosjet, Financat akuzojnë Prokurorinë

E Diele, 16 Prill 2006
Ministri i Financave, Ridvan Bode, i vlerëson si akuza të bazuara në ligj ato që i janë bërë ish-ministrit Arben Malaj: "Shumë zyrtarë me imunitet janë përfshirë në abuzime. Prokuroria nuk po tregohet serioze me shqyrtimin e këtyre dosjeve"

Fatjon Ferko

Akuzat e ngritura nga Drejtoria e Përgjithshme e Tatimeve për ish-ministrin e Financave Arben Malaj nuk janë politike, por mbi baza ligjore. Kjo ka qenë deklarata e ministrit aktual Ridvan Bode, lidhur me akuzat për favorizimin të kompanisë "Eurodrin" nga qeveritarët socialistë.

"Akuzat e ngritura nga Drejtoria e Përgjithshme e Tatimeve për ish-ministrin Arben Malaj nuk janë politike, por janë të ngritura mbi baza ligjore, pasi ish-ministri Malaj ka shkarkuar nga detyrimet tatimore prej 440 mijë dollarësh ish-deputetin Shyqyri Duraku, i cili i ka transferuar pronat vëllait të tij, Fadil Duraku", deklaroi Bode. Sipas sqarimit që ka bërë ministri, heqja e detyrimeve tatimore i takon vetëm Komitetit të Apelimit të Tatimeve dhe nuk është aspak kompetencë e ministrit të Financave. "Në mënyrë të qëllimshme apo rastësore, kjo çështje nuk është trajtuar brenda afatit njëmujor, siç pretendohet. Por në fakt (afati) nuk ekziston dhe nuk justifikohet në ligj periudha, pasi nuk është mbledhur Komisioni i Apelimeve dhe nuk ka vendosur për këtë çështje", u shpreh Bode. Ai shtoi se mosmbledhja e Komisionit të Apelimeve për gjobën e ndaj "Eurodrin"-it e ka shtyrë ish-ministrin, që "të interpretojë mosmbledhjen e komisionit, si një mundësi për të hequr detyrimin e ish-kolegut të tij në Parlament, ish-deputetit të PS-së, Duraku, dhe heqja e detyrimeve tatimore ka implikuar drejtpërdrejt ish-ministrin e Financave".

Ndërkohë, Bode ka akuzuar edhe Prokurorinë për mungesë serioziteti në shqyrtimin e dosjeve që implikojnë zyrtarë me imunitet. "Po hasim pengesa, që nuk janë fort serioze nga Prokuroria për fillimin e hetimeve. Dosjet që ne kemi çuar kishin të bënin me doganat dhe janë të implikuar drejtues apo funksionarë politikë, njerëz me imunitet", deklaroi ministri, duke lënë të kuptohet edhe mundësia e përfshirjes në to të deputetit aktual të PS, Shpëtim Idrizi, ish-drejtues i doganave në kohën e qeverisjes socialiste.

Gjithashtu, kreu i financave ka bërë publik faktin se janë konstatuar edhe raste të tjera të veprimeve subjektive, tejkalime të kompetencave në disa raste dhe veprime të paargumentuara, dhe administrata fiskale është në përpunim të një sërë çështjesh, dhe rasti i ish-ministrit Malaj nuk është rasti i parë që shkon në Prokurori. "Ne kemi çuar dosje që implikojnë individë që sot janë me imunitet. Ne shpresojmë që Prokuroria realisht të konsiderojë kallëzimet e bëra. Bëhet fjalë për shuma të mëdha të munguara, devijim i detyrimeve fiskale apo krijim të detyrimeve dhe borxheve të paargumentuara të personave fiktivë, etj", përfundoi Bode.

Korrieri

[Albo]

Dosja "Malaj:, 30 ditë afat për hetimin

E Diele, 16 Prill 2006
Prokuroria e Përgjithshme do të hetojë ish-Ministrin e Financave, Arben Malaj, nëse dosja e tij do të mbërrijë zyrtarisht në organin e akuzës. Drejtoria e Përgjithshme e Tatimeve, ka denoncuar dy ditë më parë në prokurori deputetin e PS-së, pasi pas kontrolleve dhe informacioneve të mbledhura, ka rezultuar se ish-ministri socialist ka favorizuar kompaninë "Eurodrin", duke i shkaktuar një dëm ekonomik prej 43.9 milionë lekë shtetit. Dosja ende nuk ka mbërritur në prokurori, por sipas procedurave, organit të akuzës i duhet 30 ditë kohë për të hetuar dosjen. Nëse konstatojnë elementë të veprës penale, gjatë shqyrtimit të materialeve kallëzuese, atëherë prokurorët do t’i kërkojnë Parlamentit heqjen e imunitetit të deputetit.

Ish-Ministri i Financave gëzon imunitet, pasi është deputet i rrethit të Vlorës. Për këtë arsye dosja merret në dorëzim nga Prokuroria e Përgjithshme, e cila ka kompetencë ligjore të hetoje personat me imunitet. Ndërkaq nëse Parlamenti i heq imunitetit Malajt, atëherë institucioni i pavarur i Prokurorisë së Përgjithshme është i lirë të hetojë dhe ta marrë të pandehur deputetin e PS-së. Sipas kallëzimit, gjatë periudhës janar 1999-shtator 2001, shoqëria "Eurodrin" nuk ka paguar Tatim-Fitimin dhe Tatimin mbi Vlerën e Shtuar. Mosshlyerja e detyrimeve për dy taksat, pasi disa apeleve për pagesë nga Drejtoria e Tatimpaguesve të Mëdhenj, sipas Tatimeve, është toleruar nga Arben Malaj.

S.Ç