Moisiu: Nuk nënshkruaj shkarkimin e kryeprokurorit Sollaku

[AlbaneZ]

Mazhoranca do të shakrkojë nga detyra kryepro-kurorin Theodhori Sollaku, brenda disa muajve. Një deklaratë e tillë u bë nga kryeministri Berisha gjatë një interviste dje në TVSH. Ai e ka akuzuar sërish Sollakun si një njeri që ka fshehur provat e Bandës së Lushnjes.
A është çliruar Shqipëria nga damka e krimit?
Absolutisht jo... Vetëm sot dua t’i referohemi një të përditshmeje e cila boton bisedën telefonike për rastin Gjermeni që ne e kemi pas bërë të ditur. Eshtë Aldo Bare në politikë dhe faktohet nga të gjitha të dhënat si nga dosja e palës shqiptare ashtu edhe nga pala italiane ku i akuzuari thoshte se vrisja natën dhe më lironte në mëngjes me urdhër të Dondollakut. Dhe ky zotëri në vend që të ishte në bankën e të akuzuarit, gradohet ministër në qeverinë e drejtësisë. Qëndron në krah të Presidentit të Republikës dhe nënkryetarit të KLD. Ky zotëri që dy vite me parë nuk ishte pranuar që të bëhej anëtar i Gjykatës së Lartë të Krimeve të Rënda për shkak të barrës së rëndë që rëndonte mbi të.
Si do ta kuptojmë teleshikuesit që kryeministri nuk ka çfarë bën në një situatë të tillë?
Shikuesit e kanë shumë të qartë se pushtetet janë në ndara dhe qeveria nuk ka influencë ndaj gjyqësorit dhe ai varet vetëm nga KLD-ja. Pushteti gjyqësor faktikisht duhet të jetë i pavarur por përhir të së vërtetës në 8 vite nuk ka një gjykatës dhe prokuror që e ka provuar bankën e të akuzuarit dhe kjo është një provë se krimi dhe korrupsioni kanë përfshirë të gjitha nivelet në këtë rast. Që Gjermeni është në krye të drejtësisë është vetëm një detyrim i madh. Ai u gjet me pasuri të padeklaruar dhe ia fshehu prokurori i përgjithshëm. Dhe ky person ka në dëshmi nga një dëshmitar, mbi dëshminë e të cilit anëtarët e tjerë të bandës së Lushnjës marrin burgimin e përjetshëm, ndërsa zyrtari është në krye të drejtësisë. Pse? Sepse shteti është i kapur dhe kapja nuk është shmangur ende, është i kapur kryeprokurori. Çfarë do të thotë që të vritet shoferi, në makinë e gruas së tij në mes të bulevardit dhe sot të jetë i lirë. Kishte probleme aty, por një gjë është e sigurtë se detyrimet i kishte të jashtëzakonshme. Pra unë e them këtë sepse në takimet e mia me të huaj një nga shqetësimet e tyre kryesore janë krimi i roganizuar dhe korrupsioni.
Duket se ka një problem të madh me gjyqësorin...?
Jo. Unë mendoj se ky problem është me politikën. Nuk hyn gjyqësori. Sollaku mbron politikën dhe politika ka mbrojtur Sollakun. Unë kam pasur dhe kam këtë bindje.
Ka ardhur koha që çështja e pushtetit gjyqësor ta kthejnë drejtësinë në objekt të fushatave elektorale?
Mendoj se çështja e pushtetit gjyqësor nuk zgjidhet me gara elektorale dhe metoda populiste. Së pari, ajo zgjidhet duke prerë lidhjet e krimit me politikën. Këtë e ka deklaruar edhe Presidenti. Kush e pengojnë? Këtë këtë e pengojnë lidhjet politike por kësaj herë jo të qeverisë, por janë lidhje të tjera politike që e pengojnë. Kjo mazhorancë nuk ka 84 vota për të proceduar me reformën e pushtetit gjyqësor. KLD është kapur nga Gjermenët e tij dhe ky është konteksti. Në këtë rast është e domosdoshme që të ndërmerren të gjitha përpjekjet për të proceduar me reforma, por nuk faktohet vullnet për reforma në drejtësi, kur e tërë poltika boshtëzohet në mbajtjen e Sollakut në krah. Prokurori këtu jam vetë. Unë dua të shprehem se me këtë kryeprokuror ky vend nuk ka të ardhme në luftën kundër krimit dhe korrupsioni. 410 dosje janë dorëzuar të certifikuara nga ekspertiza edhe të huaja në prokurori, por me urdhër janë mbyllur don Sollaku apo Dhori Sallaku.
A mund t’i bëjë publike qeveria?
Lufta kundër krimit dhe korrupsionit është kryekëput pa të ardhme nëse është në krye të prokurorisë Sollaku. Ai është kryekëput i kapur. Dhe ata që mbrojnë Sollakun mbrojnë lidhjet e tij dhe një zgjidhje kjo do të ketë.
Cila është kjo zgjidhje?
Zgjidhja do të bëhet. Unë ende nuk e kam, pasi në mënyrë absolute do ta kisha bërë të ditur. Shqipëria nuk mund të mbahet peng nga njerëz të kapur nga krimi sepse ka vetëm një kërkesë. Eshtë e domosdoshme që ne të japim provat më të qarta të një vullneti që kemi dalë nga kapja e shtetit dhe që kemi çmontuar mafian në segmente e institucioneve shtetërore, dhe ne do të kemi një besim të madh në paradhënie, dhe ndihmë shumë të madhe.
Lufta kundër korrupsnit ka pasur rezultatet më të mira që janë të matshme në shumë aspekte. Por kjo luftë nuk mud të ketë një sukses të sigurtë me këtë prokuror që mbyll dosjet e korrupsionit. Eshtë bërë një punë e madhe për të riaktivizuar auditin. Ka një kontroll në kryeministri që bën një punë të vazhdueshme. Ka një institucion që bllokon çdo keqbërje. Dhe këtu është zoti Sollaku.
Kur mendoni se do të zgjidhet ky problem zotim Berisha?
Do të zgjidhet brenda disa muajve.

• Lutfi Dervishi

Marrë nga TVSH me shkurtime

[TOKE GEGA]

Balkanweb, 30/01/2007 - 08:14

Berisha në takim me BB: Sollaku peng i krimit
•

Kryeministri Berisha gjatë një takimi informues mes Bankës Botërore, qeverisë shqiptare dhe donatorëve, mbi qeverisjen dhe luftën antikorrupsionin, ka shigjetuar rishtazi Prokurorin e përgjithshëm Theodhori Sollaku, duke e portretizuar si një pengesë serioze në luftën e qeverisë kundër krimit të organizuar dhe korrupsionit. Berisha ka shprehur vlerësim për punën e organit të akuzës në përgjithësi, por ka evidentuar faktin se Sollaku është peng i krimit të organizuar sepse ato që kapen natën ai i lëshon ditën. Qëllimi i takimit të fjalë ishte njohja me strategjitë e BB-së mbi antikorrupsionin, sfidat për Shqipërinë, rezultatet e qeverisë në luftën kundër korrupsionit dhe efektivitetin e programeve të BB-së në këtë drejtim. Orsalia Kalanzopulos, Drejtore rajonale e Bankës Botërore për Evropën Juglindore, vlerësoi rezultatet e qeverisë shqiptare në drejtim të luftës kundër korrupsionit dhe u shpreh se “Shqipëria është një histori suksesi për Bankën Botërore”.

Ndërsa Berisha ka vlerësuar në fjalën e tij se informaliteti është forma më e përhapur, më e gjeneralizuar e korrupsionit. Sipas tij, asgjë nuk është e padukshme, por korrupsioni i bën gjërat të padukshme.

“Bizneset janë informale, sepse paguajnë taksidarin, një rrogë më të madhe sesa i paguan administrate, bilancet janë informale, sepse paguajnë kontablin. Është në detyrimin tonë madhor, të bëjmë çdo përpjekje për konsolidimin e administratës”, - ka siguruar Berisha.

Kryeprokurori si simbol i antishtetit


Abuzimi skandaloz i përcjellë nga autoritetet zyrtare në lidhje me blerjen e një makine luksoze nga ana e kryeprokurorit, sjell edhe një herë në qendër të vëmendjes pyetjen se kush duhet ta hetojë për këto abuzime kreun e Prokurorisë. Bëhet fjalë për një blerje që i kalon kufijtë e imagjinatës për një shtet, i cili ka një buxhet me parametra të caktuar dhe që nuk duhet t'i lejonte vetes në vitin 2003 që t'i jepte një njeriu si Sollaku fonde deri në 300 mijë euro për blerje automjetesh, të cilat janë bërë me prokurorim të drejtpërdrejtë, duke anashkaluar tenderin dhe mbërritjen e ofertave më të lira për këto lloj blerjesh. Nuk ka dyshim se evitimi i tenderit ka pasur si qëllim përvetësimin e një pjese të fondit të dhënë nga buxheti i shtetit për këtë blerje makine. Megjithëse lajmi është servirur në një të përditshme, zyra e Sollakut gjatë ditës së djeshme ka heshtur, duke mos bërë asnjë koment në lidhje me këtë blerje skandaloze, duke uruar që edhe kjo çudi e radhës të kalojë brenda tre ditëve.

Kategoritë e njerëzve që preferojnë makina të tilla luksoze dhe mjaft të shtrenjta, janë dy: E para është ajo e njerëzve të kamur në të gjithë botën dhe që shpenzojnë para për luksin e jetesës së tyre dhe kategoria e dytë është ajo e njerëzve që i kanë ngritur pasuritë e tyre me para të pista trafiqesh, që vijnë era gjak dhe që kërkojnë siguri maksimale për jetën e tyre, duke pasur frikë nga prishja e pazareve me botën e krimit. Natyrisht që Sollaku nuk hyn tek kategoria e parë, për vetë prejardhjen e tij. Ai futet tek kategoria e dytë, për më tepër që blerja është realizuar në një kohë kur segmente të shtetit dhe mafia ishin një binom i pandarë, i cili mund të ngjizej apo shpërbëhej vetëm nga pazaret mes tyre, si dhe në rastin e Sollakut.

Ajo që bie në sy, është sjellja e këtij prokurori si një njeri mbi ligjin dhe shtetin, duke gjetur mburojë tek njeriu që vazhdon të mbajë karrigen e presidentit. Ai nuk i trembet, deri tani, asnjë shkeljeje ligjore, asnjë abuzimi me fondet dhe asnjë mëkati në lidhje me inkurajimin e krimit, duke e konsideruar veten "vetë Ali dhe vetë kadi", duke u kthyer në simbol të antishtetit. Ndonëse këto janë ditët e fundit të kësaj perandorie krimi të ndërtuar si një oktapod, i cili ka mbërthyer Prokurorinë, Presidencën, KLD dhe drejtësinë në tërësi, ato vazhdojnë të jenë një nga shqetësimet më të mëdha për shtetin e së drejtës dhe kërkojnë një reagim të fortë të këtij të fundit me instrumentat që ka në dispozicion.

Absurdi i këtij institucioni hetimi është i tillë se ai drejtohet nga një përvetësues i parave të taksapaguesve, në një kohë që pretendon se mund të japë drejtësi për shkelës të tjerë të ligjit. Dëmi që i është shkaktuar dhe po i shkaktohet institucionit të Prokurorisë nga qenia në krye të tij e një mashe të krimit dhe korrupsionit, është me pasoja jo vetëm për të sotmen, por edhe për të ardhmen e këtij institucioni. Ky institucion po humbet besimin tek opinioni çdo ditë dhe më shumë, dhe ky është ndoshta elementi më i rëndësishëm i një institucioni të tillë, që duhet të ishte një nga shtyllat kryesore të shtetit të së drejtës.

Ky oktapod krimi i ngritur me mjaft kujdes gjatë tetë viteve të qeverisjes së PS, nuk mund të vazhdojë të ketë jetëgjatësi, edhe kur merr mbështetjen e një krahut politik si opozita, ndonëse prej kohësh është kthyer në vegël e politikave të kësaj pjese të politikës.

[TOKE GEGA]

Berisha ka harru me vdek sollakun se heq asnji per vec Parlamentit . {gjasma Parlament se ska shtet se te kishte shtet sdo katandiseshin keshtu Shqiptaret}
Posht ps dhe pd se ja moren frymen ktit Popullit.

Pergjimet e Bares/Urdhri në telefon për vrasjen ditën e zgjedhjeve MireC'kaKeq Vleresimi: (0 Vota)


Lajme te ngjashme
Pergjimet e bandes se Bares- Dondollaku kryepolicit: Lëre punën
• i dates 21/04/07


Derguar me: 24/04/2007 - 08:04
• Goditja e grupeve rivale që u krijonin probleme apo që përbënin një kërcënim serioz për “Bandën e Lushnjës” është një tjetër pjesë e rëndësishme e dosjes

Unë them kështu...nga shtëpia e “Kele”, shtëpia e Taullaut duket shumë mirë, me një karamele të gjatë ...e heq qafe”. Kjo pjesë është shkëputur nga biseda mes Dondollakut dhe “profesorit”, të cilët janë duke rrahur mendimet në lidhje me një rivalin e tyre të drejtpërdrejtë. Dondollaku i njohur si “krahu i djathtë” i “profesorit” i propozon atij një variant sesi mund të eleminojnë një person të njohur në qytetin e Lushnjës. Goditja e grupeve rivale që u krijonin probleme apo që përbënin një kërcënim serioz për “Bandën e Lushnjës” është një tjetër pjesë e rëndësishme e dosjes së hartuar nga Policia Italiane. Agjentët e Seksionit të Shtatë të Antidrogës së Torinos kanë rregjistruar disa telefonata që dëshmojnë se si drejtuesit e bandës organizonin veprimet operative në terren. Në tre telefonata të rregjistruara në datat 24 dhe 27 shkurt 2003 bëhet fjalë për organizimin e një atentati ndaj shtetasit Baki Taullahu. Ky i fundit njihej si një biznesmen që mbështeste haptazi PD-në në qytetin e Lushnjës. Madje ekzekutimi i tij është bërë pikërisht mbrëmjen e 3 korrikut 2005, kur mbështetësit e së djathtës në Lushnje ishin duke festuar në qendër të qytetit fitoren e zgjedhjeve parlamentare. Por Taullahu dhe njerëz të afërt të tij kanë qenë gjithashtu të skeduar nga policia si elementë me precedentë penale. Njerëz shumë të afërt të tij janë arrestuar gjatë një operacioni antidrogë të policisë së kryeqytetit me 30 kilogramë përzjerës heroine dhe një pistoletë me silenciator. Pavarsisht këtij fakti, në dosje ekspozohet vetëm ajo pjesë që tregon se cilat ishin kapacitetet e kësaj organizate dhe çfarë ishte në gjëndje ajo të bënte, sesi drejtuesit e saj nëpërmjet fjalëve të koduara, “karamele”, “marmitë”, “atlete sportive” etj, jepnin mesazhe për të vënë në lëvizje strukturat e tyre.
Atentati
Pasditen e 24 marsit 2003 agjentët e Seksionit të Shtatë të Antidrogës së Torinos kanë rregjistruar një bisedë që bëhej mes Dondollakut dhe “profesorit”. Dondollaku e informon “profesorin” për një plan që ai kishte në mëndje me anë të të cilit synonte eleminimin e një rivali të tyre. Mes të tjerash Dondollaku i propozon shefit të tij për ti çuar një “karamele”(plumb) Taullaut. “Profesori” e pyet nëse e kishte menduar mirë dhe çfarë masash kishte marrë që goditja të dilte me sukses. Në të vërtetë detajet e bisedës së transkriptuar nga policia italiane janë me të vërtetë të frikshme. Por pavarsisht bisedave të rregjistruara, policia italiane nuk jep detaje nëse atentati është realizuar apo ka dështuar. Këto fakte të paraqitura në dosjen 9772/02, nuk përbëjnë një provë ligjore, përsa kohë nuk ka një vendim gjykate që ti ketë vlerësuar si të tilla.
Objektivi
Personi i cili përmendet si objektiv i atentatit në bisedat telefonike nr. 150, 151, 152, Baki Taullau tashmë është i vdekur. Eleminimi i tij është kryer pikërisht nga një prej eksponentëve më të rëndësishëm dhe më të frikshëm të së quajturës “Banda e Lushnjës”, Leonard Priftit apo i njohur ndryshe me nofkën “Çibiku”. Taullau u ekzekutua në qendër të Lushnjës, duke qenë një nga dy precedentet e përgjakshëm të zgjedhjeve të 3 korrikut 2003, ditë në të cilën mbeti i vrarë dhe komisioneri i PR-së në Tiranë, Laerton Vathi. Viktima kishte qenë një nga më mbështetësit më aktivë të opozitës së asaj kohe gjatë fushatës elektorale dhe sapo kishte marrë vesh lajmin e fitores kishte dalë në shesh për të festuar, duke i lënë pas dore masat e sigurisë. Prifti ka përfituar nga ky fakt dhe i është afruar pa rënë në sy. Me anë të një pistolete me silenciator ai e ka lënë Taullaun të vdekur në mes të sheshit. Por Prifti nuk ka mundur të ecë më shumë se 30 metra nga vendi i krimit pasi është vrarë po nga një armë me silenciator, duke marrë me vete enigmën një seria të gjatë atentatesh të bujshme. Kjo ngjarje, e cila përgjaku fitoren e së djathtës, duket se ishte zanafilla e operacionit “Laguna” të organizuar nga Ministria e Brendëshme, që kishte si objektiv asgjesimin e “Bandës së Lushnjes”.

Artan Hoxha

[LAINA]

E morem vesh qe i njeh mire komandat ctrl/c (copy) dhe ctrl/v (paste). Por po na dhembin syte me gjithe keto marrezi blu!!!!!

[TOKE GEGA]

[/FONT]

E morem vesh qe i njeh mire komandat ctrl/c (copy) dhe ctrl/v (paste). Por po na dhembin syte me gjithe keto marrezi blu!!!!!

JU SHOKU SHOW!

KETU PER TEMEN E KE PATUR SHOKU SHUUU!!

[Imperator]

E meriton te shkarkohet nje sekond e me pare si ai ashtu dhe Keshilli i Larte i Drejtesise pasi nga provat e pergjimeve te telefonatave, te cilat nuk i kishte bere as Berisha e as Partia Demokratike e Shqiperise, por nje vend si Italia, nxjerrin kryekeput te korruptuar dhe te kapur nga bandat kriminale si Sollakun ashtu dhe Keshillin e Larte te Drejtesise. Emri i personit qe bashkepunonte me Kriminelet ishte shume i qarte dhe tani del edhe arsyea se perse kryetari i bandes se Lushnjes, Aldo Bare akoma nuk eshte nen pranga.

Per keto ngjarje te shemtuara te kapjes se Drejtesise nga bandat kriminale duhet te mbaje pergjegjesine e tij dhe Presidenti i Republikes si Kryetar i KLD, dhe duhet te mare masat e duhura pasi njehere e kishte shancin dhe u justifikua, por tani nuk ka me cfare te justifikohet me dhe nuk ka me asnje lloj alibie qe te mbroje Kriminelet e Drejtesise Shqiptare.

Imperator

[no name]

Berisha shkarkon Alfred Prifin dhe emeron Gerta Picarin

• Zonja Gerta Picari ka kryer detyrën e Drejtores së Përgjithshme të Institutit të Statistikave (INSTAT), që prej janarit te vitit 2006

Sipas nje njoftimi te bere publik ne faqen zyrtare te Keshillit te Ministrave mesohet se Kryeministri Berisha me propozim edhe të Ministrit të Financave, shkarkoi nga detyra nga detyra Drejtorin e Përgjithshëm te tatimeve, zotin Alfred Prifti dhe emëroi në këtë detyrë të zonjës Gerta Picari. Zonja Gerta Picari ka kryer detyrën e Drejtores së Përgjithshme të Institutit të Statistikave (INSTAT), që prej janarit te vitit 2006. Ajo gjithashtu ka drejtuar Drejtorinë e Politikave Makroekonomike dhe Fiskale, në Ministrinë e Financave, si dhe ka kryer funksionin e konsulentes lokale, ekonomiste analiste pranë Bankës Botërore në Tiranë. Zonja Picari është diplomuar në universitetin e Tiranës, dega ekonomi si dhe ka kryer studime të nivelit master në fushën ekonomike brenda dhe jashtë vendit.

[King_Arthur]

Berisha shkarkon Alfred Prifin dhe emeron Gerta Picarin

Gerta Picari pune te mbare dhe te kryeje sa me mire detyren e re .
ishalla me shume harritje

[BaBa]

E o ju çuna e vajza te Shqiperise nqs : se keni pak kohe per te humbur se sa te shkruani per berishat e fatosat e sallaqet , ma mir ikni bani nai pun prsh vadisni baçen se u rriten domatet leqe Patllixhani ka marr tatpjen ikni ndaloheni kshu edhe angazhoheni me pune dhe beheni cuna per shpi, se sa harxhoni kohet duke shkrujt per politika qe sja vlem me u marr .


Te jeni burra bani protest jo me shkronja derr derr kot shkronja vetem shkronja.

Burri qe o burr e merrr taven ja plas gruas ne fytyr.
edhe gruja ja kthen taven naper shpatull cpate mer burr se sta baj ma gjellen kurr

[King_Arthur]

E o ju çuna e vajza te Shqiperise nqs : se keni pak kohe per te humbur se sa te shkruani per berishat e fatosat e sallaqet , ma mir ikni bani nai pun prsh vadisni baçen se u rriten domatet leqe Patllixhani ka marr tatpjen ikni ndaloheni kshu edhe angazhoheni me pune dhe beheni cuna per shpi, se sa harxhoni kohet duke shkrujt per politika qe sja vlem me u marr .


Te jeni burra bani protest jo me shkronja derr derr kot shkronja vetem shkronja.

Burri qe o burr e merrr taven ja plas gruas ne fytyr.
edhe gruja ja kthen taven naper shpatull cpate mer burr se sta baj ma gjellen kurr

o Babe nese nuk do politike mos shkruaj
posto ne temat qe nuk ka politike .