Moisiu: Nuk nënshkruaj shkarkimin e kryeprokurorit Sollaku

[King_Arthur]

Demokracia dhe të Drejtat e Njeriut nuk mund të realizohen pa Shtetin e së Drejtës, dhe Prokuroria, si një Institucion Kushtetues dhe i Pavarur, është padyshim një nga kolonat kryesore mbi të cilat mbështetet Shteti i së Drejtës!

Jo rastësisht, prej shekujsh, simbolika e Prokurorive në mbarë botën ka dy elemente dalluese, Peshoren dhe Shpatën. E para, përfaqson elementin e përbashkët për institucionet e drejtësisë, ndërsa e dyta, simbolizon atë pa të cilën drejtësia penale nuk mund të bëhet realitet; Ndëshkimin e Fajtorëve !

Natyrisht, që kjo duket kuptuar si kërkesë për Drejtësi dhe jo Dënime. Në parimet e Kombeve të Bashkuara "Për rolin e magjistratures" përcaktohet se "Prokurorët veprojnë në mënyrë të paanshme dhe shmangin c'do lloj diskriminimi të natyrës politike, sociale, fetare, raciale, kulturore ose të ndonjë natyre tjetër.Ata mbrojnë interesin e përgjithshëm dhe veprojnë me objektivitet".

Kushtetuta e Republikes se Shqiperise në Pjesën e Dhjetë të saj, nenet 148 dhe 149, saksionon rolin e Prokurorisë si Organi Kushtetues i pavarur që ushtron ndjekjen penale dhe përfaqson akuzën në gjyq në emër të shtetit.

Ndërsa, është e njohur teoria e ndarjes së pushteteve në; Legjislativ, Ekzekutiv, dhe Gjyqsor si dhe rolet që këto pushtete luajnë në një shoqëri demokratike, Prokuroria Shqiptare, e konceptuar si organ i një lloji të vecantë, "sui generis", me karakteristika të përbashkëta të pushtetit gjyqësor dhe ekzekutiv, nuk mund të përfshihet në asnjërin prej tyre.

Është e rëndësishme të theksohet se, Kushtetuta dhe Legjislacioni Penal sanksionojnë organizimin e Prokurorisë si Organi i Pavarur që Ushtron Ndjekjen Penale, dhe ndërtohet sipas shkallëve të sistemit gjyqësor. Prokurorëve u garantohet pavarësia në ushtrimin e funksioneve të tyre, si dhe mosndërhyrje e pushteteve të tjera në ushtrimin e detyrës.

Në punën e tyre të përditshme prokurorët hasin vështirësi dhe pengesa nga më të ndryshmet, dhe shpesh privacionet njerëzore që kërkohen, janë vërtet të mëdha. Kjo, jo vetëm se Shqipëria është një vend në tranzicion dhe problemet me të cilat përballet shoqëria Shqiptare janë më të mprehta, por se vetë Profesioni i Prokurorit është i tillë !

Do doja të theksoja, se puna e Prokurorisë nuk mund të ketë sukses pa mbështetjen e publikut dhe të komunitetit. Kjo Faqe Interneti, me informacionin dhe rubrikat e ndryshme dhe mundësinë për të marrë edhe vërejtjet dhe ankesat për punën tonë, vjen si një përpjekje e jona për të qënë të hapur dhe transparent në kufijtë që lejon ligji, dhe njëkohësisht për ti shërbyer më mirë publikut dhe komunitetit të juristëve në Shqipëri dhe më gjërë.

Ju faleminderit

http://www.pp.gov.al

[King_Arthur]

Cfare ka bere Sollaku me urdher te tij sebashku me Edvinin

Prokuroria, urdhër arresti për redaktorin e gazetës "Tema"

Redaktori i gazetës "TemA" është vënë në pranga pas një urdhëri politik të Prokurorit të Përgjithshëm


Sollaku kthen prokurorinë në bandë terroristësh


Gazetari i gazetës "TemA", Çelo Hoxha, u arrestua dje pasdite pas një urdhëri politik të Prokurorit të Përgjithshëm, Theodhori Sollaku. Sipas burimeve gazetari i "TemA" është vënë në pranga me pretekstin se ka lidhje me një çështje penale në hetimin e rregjistrimit të një kandidati të Partisë Balli Kombëtar Demokrat në zgjdhjet lokale në Tiranë. Ndërkohë Sollaku ka lëshuar edhe dy fletë arresti për kryetarin e Partisë së Ballit Demokrat, Artur Roshi dhe shefit të organizimit Tomorr Gostivari. Duket qartë se arrestimi i gazetarit Çelo Hoxha është bërë me urdhër politik të Edi Ramës dhe kryeprokurorit Theodhori Sollaku. Dihet se gazeta "TemA" ka qenë në oponencë me Edi Ramën dhe në faqet e saj janë botuar dhjetëra artikuj për mefshtësinë e Prokurorisë së Përgjithshme në luftën ndaj krimit të organizuar, korrupsionit dhe trafiqeve.

Çelo Hoxha drejton faqet e komenteve në gazetën "TemA" ku në mjaft raste një vend të veçantë në këto faqe kanë zënë edhe komentet për kryetarin e Partisë Socialiste dhe institucionin e Prokurorisë që drejtohet nga Theodhori Sollaku. Është për të ardhur keq, se Prokuroria e Përgjithshme në vend që të merret me luftën ndaj krimit të organizuar dhe korrupsionit, lançon gazetarët për të vetmin shkak se i kanë kushtuar një rëndësi të veçantë në faqet e gazetës këtyre fenomeneve që vazhdojnë të gërryejnë shoqërinë shqiptare.

Të çudit fakti, se deri tani Kryeprokurori Sollaku nuk ka vënë në pranga asnjë nga ish-zyrtarët e korruptuar, dosjet e të cilëve kanë zënë pluhur prej mëse katër vjetësh në Prokurorinë e Përgjithshme, por nuk e ka të vështirë të prangosë gazetarët pse e luftojnë këtë fenomen. Janë me qindra dosje zyrtarësh që flenë në Prokurorinë e Përgjithshme, por Sollaku as që guxon t'u hedhë sytë atyre, sepse merr urdhëra nga Edi Rama. Edhe vetë Rama ka disa dosje në Prokurori, por asnjëra prej tyre nuk është hetuar nga Prokuroria. Vlen të përmendet fakti, se Sollaku mbylli edhe dosjen e korrupsionit të dy ish-ministrave socialistë, Angjeli dhe Toska, por ky kryepro-kuror politik duket se luftën e tij e ka shpallur ndaj medias dhe jo korrupsionit.

[King_Arthur]

Redaktori i komenteve të gazetës "TemA", Çelo Hoxha, është arrestuar të shtunën mbasdite, pasi Prokuroria e Përgjithshme nisur nga një çështje penale lidhur me hetimin e rregjistrimit të një kandidati të Partisë Balli Kombëtar Demokrat në zgjedhjet lokale në Tiranë. Arrestimi i gazetarit Çelo Hoxha është bërë nën një arsyetim tërësisht politik dhe shihet qartë, se motiv kryesor ka qenë fakti që ai ka drejtuar faqen e komenteve të gazetës "TemA" prej mëse një viti.

Gazeta "TemA" ka qenë një gazetë kritike me Edi Ramën dhe Dhori Sollakun dhe ka botuar shpesh pikëpamje dhe komente që dëshmojnë përfshirjen e këtyre dy emrave në afera korruptive në vend. Gazeta shmangu presionet për të mos publikuar foto nudo të Edi Ramës gjatë fushatës elektorale dhe ka publikuar po ashtu komente të ashpra lidhur me implikimin e familjes Sollaku në vrasjen e shoferit të tij prej bandës "Hakmarrja për Drejtësi" disa vjet më parë.

Hakmarrja politike e Dhori Sollakut dhe Edi Ramës mbi gazetën "TemA" është një vepër e dënueshme, e cila shpresoj të marrë fund në Gjykatën e Tiranës për t'u pushuar si çështje dhe për t'i kthyer lirinë redaktorit të gazetës "TemA".

[King_Arthur]

Trimërimi i majtistëve dhe rifillimi i ndëshkimit të të deklasuarve të djeshëm e të sotëm

Pikërisht në momentin kur majtistët trashëgimtarë të diktaturës shpallën fitoren e së majtës që trashëguan nga PKSH dhe PPSH, pas zgjedhjeve të 18 shkurtit, u trimëruan edhe ish kolegët e Aredin Shytit e Luan Pobratit në institucionin e Prokurorisë. Madje u trimëruan, u hakërryen e hakmorrën me pranga ndaj një funksionari të lartë të një partie ardhur në pushtet që pas 3 korrikut (PBKD), bash të përfolurit si protektorët e djemve të Aredinit e nipave të Luanit, ushtarët e ish të akuzuarit Klement Kolaneci, trimat e paharruar të “Hakmarrjes...”, që i derdhën trutë para syve të Zeqinesë, bash të përfolurit tjetër si anëtar i bandës dhe “kolonë e pestë e i infiltruar në drejtësi”, ish shoferit të ndjerë të kryeprokurorit të Republikës.

Dhe pikërisht njeriu që duhej të ishte, në përmbushje të detyrës, zyrtari më i interesuar drejtpërdrejt për shkatërrimin e kësaj bande, Theodhori Sollaku, jo vetëm nuk bëri asgjë për hetimin dhe ndëshkimin e grupimit më të rrezikshëm në toplistën shqiptare të krimit të organizuar, që në Prokurorinë e Pëgjithshme ka të depozituar dosjen më voluminoze me 1300 fletë, ku radhiten dhjetëra krime që kualifikohen e parashikohen si të dënueshme nga dhjetëra nene të Kodit Penal, por pas fitores së shefit Edvin Rama, këtij ushtari të Klem Kolanecit, gjithashtu i përfolur si kapobanda i vërtetë i “Hakmarrjes...”, kryeprokurori guxoi të nënshkruajë urdhër-arrestin politik dhe u hakmorr kundër ish të deklasuarve të Partisë së Ballit Kombëtar Demokrat (PBKD).

Shqiptarët nuk mund të harrojnë se, para disa vitesh, kur Theodhori Sollaku u propozua për të zëvendësuar “kapobandën” Arben Rakipi, ish nënkryetarja e atëhershme e Kuvendit, znj. Topalli, ishte e vetmja që kundërshtoi kandidaturën e tij si kryeprokuror dhe njëkohësisht nuk pranoi t’i jepte votën, teksa i përmendi dënimet penale të kundërshtarëve të komunizmit në Shkodrën e saj, gjatë viteve të diktaturës, dënime të rënda këto ndaj antikomunistëve që ishin njëkohësisht edhe pinjollë të shtresës të cilën znj. Topalli është e vetmja deputete që e përfaqëson në Kuvend.

Natyrisht që Theodhori Sollaku e ka mohuar çdo akuzë të Berishës dhe PD për “qëndrim pasiv favorizues, implikim me krimin dhe korrupsionin, apo mbrojtjen e drejtpërdrejtë të tij...” me anë të përdorimit të kompetencave dhe fuqive të stërmëdha që i jep ligji... Dhe ka bërë pikërisht atë që pritet e që dëshirojmë të jetë e vërtetë, por nuk ka bërë asgjë për të dëshmuar të kundërtën..., pra që është i pamëshirshëm dhe i vendosur në luftën kundër tyre, duke e zhvilluar atë konkretisht. Çka do të thotë hedhje poshtë publikisht e institucionalisht, me argumenta ligjorë, të akuzave tejet të rënda, që do të tmerronin çdo prokuror në botë..., për të larë fytyrën dhe duart nga “përbaltja...”.

Edhe Arben Rakipi pretendonte se nuk kish asnjë lidhje dhe njohje me bandën Durda-Përballa-Koçiu, dhe se nuk i kish zhvilluar ai tenderat korruptivë për nga shifrat, në Prokurorinë e Përgjithshme të kohës kur e drejtonte. Sidomos tenderat për instalimin e rrjetit kompjuterik, fituar asokohe nga firma ligjore e kësaj bande. Por e vërteta doli shumë shpejt. Arben Rakipi jo vetëm që i njihte kapobandat që në rininë e hershme, por kish punuar, kish ndenjur, ngrënë, fjetur dhe ishte miqësuar me to në Rrëshen, gjatë viteve ’80-ë, marrëdhënie miqësore që jo vetëm i kish ruajtur vazhdimisht, por që kishin mundësuar edhe përzgjedhjen bash prej tij të firmës së miqve të adoleshencës dhe rinisë së hershme e të vonë, të cilëve nuk kish “pranuar t’u merrte rrushfetin për tenderin”, përveçse të kalonte vakancat me ta në resortet më të shtrenjta të Greqisë, me shpenzimet e tyre, për çka, për ta mbajtur peng dhe shantazhuar, mafiozët e kishin filmuar e fotografuar, foto të cilat ia dhanë mediave kur ai guxoi të veprojë mbi ta për të shpëtuar lëkurën e vet, pas ndërhyrjes së DIA-s dhe FBI.

Dhe banda veproi me zgjuarësi teksa shantazhoi mikun-shef, i cili bëri të pamundurën për të devijuar hetimet dhe zbutur dënimin nga frika e hakmarrjes me prova akoma më të rënda... Prova të cilat e detyruan ish kryeprokurorin paraardhës të Sollakut për të bërë deri edhe të “infiltruarin e Drejtësisë për arrestimin me çdo kusht të tyre, athua se shteti nuk kish njerëz të tjerë për t’i rekrutuar e futur si të “infiltruar në bandën më të fuqishme të narkotrafikur ndërkontinental”.

Megjithatë “miqtë” u hakmorrën duke shpërndarë fotot kompromentuese që nxirrnin në dritë njohjet dhe miqësitë e thella, që e detyronin ish kryeprokurorin të zdërhallej bashkë me gruan në gostira e orgjira me pije alkolike... Ndoshta kjo “përvojë...” ka shërbyer në rastin e “Hakmarrjes...”, prandaj edhe punët u katandisën e u bitisën në mënyrën që dihet..., teksa banditët terroristë u shpallën “të persekutuar politikë nga diktatura e Berishës...”.

Akoma nuk dihen mirë njohjet e thella, për shkak të detyrës, në të kaluarën, midis Aredin Shytit dhe Pobrat-kunatit me Theodhori Sollakun, si dhe “rastësia” që çoi në marrjen në punë si shofer personal dhe djalkë shtëpie, të të ndjerit të përfolur si ish anëtar i bandës “Hakmarrja...”, apo e vëllait të tij të përfolur si menaxher i firmës së ndërtimit të kësaj bande, për të cilën para do vitesh ish shefi i opozitës akuzoi Edvin Ramën si mik, protektor i drejtëpërdrejtë dhe favorizues i tyre me leje ndërtimi, leje e cila u dha mbi truallin publik të kinemasë më të vjetër të kryeqytetit, pronë e familjes së vjetër tiranase Beqiri, e trashëguar që nga koha e Mbretërisë, me emrin kinema “Nacional”...

Por mbeti vetëm gjurma..., miratimi me urdhër të Edvinit i truallit, pas prishjes së kinemasë, dhe destinimi i tij për ndërtim pallatesh gjigande, dhe bash mbi një truall të shpallur “monument kulture” e të çrregjistruar si të tillë nga Edvini që në kohën kur ishte ministër i Kulturës, për ta pajisur më pas me leje ndërtimi në favor të bandës me komandant të përfolur Klemin, komisar Luanin dhe shef shtabi Aredinin.

Akoma nuk janë ekspozuar lidhjet kovalente midis 9 dosjeve voluminoze të Edvinit në sirtaret dhe bodrumet e Sallakut, lidhjeve të Edvinit me Klemin, lidhjeve të të ndjerit shofer të Dhorit me “Hakmarrjen...”, lidhjeve midis “gabimit” të qëllimtë të Prokurorisë së Përgjitshme mbi dokumentat e “ekstradimit” dhe kërkesat zyrtare në adresë të Interpolit, çka në fundore jo vetëm dëshmoi “fluturimin e zogjve në qiejt e Europës së lirë”, por çuditërisht mundësoi azilin politik të të akuzuarve, veprat penale të të cilëve janë klasifikuar si “terrorizëm i pastër me autobomba me tritol, vrasje me atentate të mirëfillta e të mirorganizuara dhe vjedhje me pasojë vdekje”, hetimi i mëtejshëm dhe ai gjyqësor maratonë i të cilave u pasua me arratisjen familjare, nën terror, të 5 prokurorëve të kryeqytetit me në krye Ariston Pukën...

Por arrestimi i gazetarit Çelo Hoxha nuk lë asnjë ekuivok për guximin e marrë të atyre që deri vonë bënë shurdhin dhe qorrin për akuzat më të përbindshme, madje i etiketuan ato si “politike...”, si “hakmarrje dhe tentativë kriminale për të nënshtruar e uzurpuar pushtetin gjyqësor...”. Sepse tashmë një gjë është qartësuar përfundimisht: ish pinjollët e “armiqve” të vjehërrit të Klemit dhe ish partizanëve pezakë e jo pezakë të Edvinit e PS, ballistët e vjetër e të rinj të PBKD, pas “fitores” së neokomunistëve ish komunistë të vjetër dhe bijve të tyre rioshë me kumandar Edvinin pas 18 shkurtit, duhen ndëshkuar qoftë edhe për shakanë e mbetur në tentativë, e cila u supozua se rrezikonte fitoren e kumandarit të ri gjithaq “legjendar...” sa edhe ai i pari i LPB dhe diktaturës komuniste.

Pra, ish armiqtë ende armiq duhen burgosur e ndëshkuar edhe kur rrezikohet kumandari nga një shaka e mbetur në tentativë, shaka e cila drithëroi bash atë që vetëshpallej si stërfitimtar me mbi 40 mijë vota ndaj çdo kandidati të së djathtës.

Dhe kësisoj morali i fabulës shpaloset nëpërmjet simbolikës elokuente: këta të dënojnë edhe kur bën shaka që u prishin gjumin, me “vepra të penalizueshme” të mbetura në tentativë... Imagjinoje sikur të kthehej Lufta e Ftohtë dhe koha e qoftëlargut, e t’u rrezikohej pushteti...

Dhe kryeprokurori, të cilit nuk i bën tërr syri nga akuzat si mbrojtës i korrupsionit, në toplistën e të cilit maxhoranca aktuale dikur vendosi Edvinin, me provat që grumbulloi nëpërmjet veprimtarisë hetimore 3-mujore të Komisionit parlamentar të kryesuar nga Olldashi, nuk druhet fare kur burgos gazetarin funksionar të lartë politik të partisë së armiqve historikë të partisë së Edvinit, vetëm e vetëm për t’i bërë qejfin të të përfolurit si shef i tij në kupolën e PS.

E meritonte gazetari Çelo Hoxha ndëshkimin, ngaqë guxoi të bënte shaka me të paprekshmin në krye të opozitës, me atë regjistrimin plot inteligjencë e kripë, në një KZQV, të një emri që i ngriu gjakun dhe i prishi gjumin të majtëve dhe shefit të plotfuqishëm të opozitës.

E meritonte sepse e dinte dhe e njihte mirë veten se ishte një ballist dhe bir ballisti, që duhet t’ua dijë për nder Aredinit, Pobratit, Dhorit etj., që shpëtoi gjallë nga koha e diktaturës së “pushtetit popullor, që ishte dhe mbeti kudhër ku do t’u shtypet koka të gjithë armiqve dhe tradhëtarëve...”.

Mirë ia bënë shokët e partisë, vigjilentët..., sepse guxoi të bënte shaka me ata me të cilët nuk guxoi të bënte shaka as imperializmi dhe as social-imperializmi. Dhe ja tek e pësoi..., sepse koka bën, koka pëson..., ndaj i duhet shtypur koka sot në demokraci, si dikur në kohën e “demokracisë socialiste, që është dhe do të mbetet demokracia e vërtetë”.

[King_Arthur]

Zoti Sollaku, shpërndarësit e miellit në Elbasan nuk i arrestove!

Kryeprokurori nuk e ka fare problem standardin e zgjedhjeve, të cilin e shkeli me të dy këmbët kur nuk pranoi të ngrinte padi penale ndaj shpërndarësve të miellit elektoral në Elbasan, megjithëse provat ishin të dokumentuara edhe me video, por interesat e Edvinit, të cilat janë ligj për të



Vullneti i tepruar i Prokurorit të Përgjithshëm Theodhori Sollaku për të vepruar menjëherë e për të arrestuar Çelo Hoxhën, gazetarin që ishte edhe funksionar i Partisë së Ballit Kombëtar Demokrat na e kthen vëmendjen tek patologjia që ka shfaqur ky Dhori për zgjedhjet dhe votën e lirë. Kur ishin zgjedhjet e pjesshme në zonën 52 të Elbasanit, në vitin 2002, prokurori nuk denjoi të arrestonte shpërndarësit hajdutë të miellit (elektoral), për interesat e fushatës së ministres në detyrë Valentina Leskaj, edhe pse më përpara kishte deklaruar se me provat që kishte ofruar kandidati demokrat Fahri Balliu, askush nuk e shpëtonte fajtorin nga burgu. Sollaku injoroi dorëzimin e kasetës dhe të videos me pamjet e shpërndarjes së miellit, një shkelje flagrante e Kodit Zgjedhor, por edhe të Kodit Penal, dhe nuk ngriti kurrfarë padie penale ndaj njerëzve të kandidates socialiste. Kështu që prokurori i përgjithshëm e humbi provimin e vet me zgjedhjet e lira, prandaj edhe zelli i tmerrshëm për të arrestuar një njeri publik, si sekretarin e përgjithshëm të PBKD-së (njëkohësisht gazetar) do e kërkojmë tek motivet jashtëzgjedhore e pikërisht tek lidhja preferenciale e Sollakut me Edvin Ramën. Janë pikërisht standardet e karrierës së Edvinit dhe jo standardet zgjedhore, shqetësimi kryesor i prokurorit në detyrë. Prandaj edhe ai ka vepruar shpejt e shpejt se duket se ishte vënë në dyshim standardi i karrierës së kryetarit të Partisë Socialiste dhe kryetarit në detyrë të bashkisë së Tiranës, standardet e Edvinit, të shantazheve të tij, shpërdorimeve të tij, janë standarde të kryeprokurorit, prandaj edhe është e nevojshme rikthimi tek papërgjegjshmëria që e karakterizon këtë njeri ndaj votës së lirë dhe zgjedhjeve në përgjithësi. Kjo biografi e zezë na sqaron shpejt e shpejt e na bën të kuptojmë se kush fshihet pas kësaj padie surreale penale ndaj Çelo Hoxhës. Askush më pak sesa Edi Rama.

[Brari]

te gjitha do i bej edvin don sallaku dhe berisha nuku ka cti bëje..

i mungon largpamesia berishes..

i ze shoket rruges cti dalin para e pastaj ja dredhin..
i mencuri ze pak shok po ama i ze besnik deri ne fund..

do ta marre edvini shqiperine e do ta bej nje kafaz te tmerrshem qe do e shohim mbas 2 vitesh .. sa ti fuse kthetrat mire kudo..

[King_Arthur]

Prokurori i firmave piramidale monton akuza politike ndaj gazetarit Çela Hoxha dhe drejtuesve të PBDK


Sollaku dhe gjykata, gjyq në fshehtësi ndaj gazetarit

Vendimi "arrest me burg" ndaj redaktorit politik të gazetës "TemA", Çela Hoxha është dhënë tre ditë para se ai të arrestohej me urdhër të Sollakut. Ky fakt përbën një tjetër skandal të rëndë të prokurorit të përgjithshëm Theodhori Sollaku. Kështu pra, ndaj gazetarit të gazetës "TemA" është bërë një gjyq politik i montuar nga kryeprokurori, ndërsa gjyqtarja Teuta Hoxha që ka dhënë masën e sigurisë është larguar jashtë shtetit. Organi i akuzës nuk i kishte dërguar asnjë njoftim gazetarit për t'u marrë si i pandehur, ndërsa nga ana tjetër, prokuroria dërgon dosjen në gjykatë dhe kërkon marrjen e masës së sigurisë pa praninë e të pandehurit duke mashtruar se ai nuk ka pranuar të paraqitet. Gjyatarja Teuta Hoxha me kërkesë të prokurorisë sëpërgjithshme ka dhënë vendimin, "arrst me burg" për gazetarin nën akuzën e fallsifikimit të një firme në një dokument të paraqitur në komisionin e zgjdhjeve të Tiranës dhe më pas është zhdukur nga Gjykata duke u bërë palë me Sollakun. Gjykata e Tiranës e pati të pamundur dje t'i komunikonte zyrtariusht gazetarit Çelo Hoxha urdhërin e arrestimit të tij. Gjyqtarja që ka firmosur këtë urdhër në datën 21 të këtij muaji nuk ishte dje e paranishme në gjykatë dhe sipas burimeve zyrtare të gjykatës kishte shkuar në një seminar jashtw shtetit.

Ndërkohë, dosja ndaj sekretarit të PBKD dhe analistit të gazetës "TemA", Çelo Hoxha, si dhe dy drejtuesve të kësaj parite, është montuar politikisht nga prokurori i piramidave, Bilbil Mete. Prokurori Mete nuk është gjë tjetër veçse një vegël në duart e Sollakut, i cili po përdoret me qëllim politik kundër shtypit të djathtë. Bilbil Mete njihet si njëri nga prokurorët që hetoi firmat piramidale në Shqipëri, duke mbyllur dosjet e Farudin Arapit dhe ish-ministrave të PS, që ishin përfshirë në firmat piramidale, duke vjedhur miliona lekë. Jo pa qëllim Sollaku ia ka ngarkuar Metes këtë detyrë të rëndë për shkak se Mete njihet si një nga prokurorët që ka luftuar ashpër opozitën e dikurshme, duke montuar edhe dosje falco, duke qenë një nga njerëzit më të besuar të Sollakut, Bilbil Mete.

I ndodhur përballë presionit të mediave, Sollaku nxori dje në një konferencë shtypi ushtarin e tij të bindur, Bilbil Mete, pasi nuk guxonte të përballej vetë me median. Bilbil Mete u mundua të justifikojë arrestimin e gazetarit, duke u justifikuar se arrestimi i gazetarit Çelo Hoxha, ka lidhje me çështjen e falsifikimit të firmës së të ndjerit Akile Rama, kandidat për Bashkinë e Tiranës, nën siglën e Partisë së Ballit Kombëtar Demokrat (PBKD). Në fakt gazetari nuk ka asnjë lidhje me firmën e të ndjerit Rama, dhe për këtë ai as që është marrë në pyetje nga Prokuroria. Prokurori Mete deklaroi gjithashtu se, për caktimin e masave të sigurimit i janë drejtuar kërkesat respektive Gjykatës së rrethit Gjyqësor Tiranë. Mete tha se, gjykata ka vendosur masën "arrest në burg", për Roshin dhe Hoxhën si dhe "arrest në shtëpi", për Gostivarin. Por në fakt vendimi i Gjykatës është dhënë në mungesë, pasi gazetari dhe dy funksionarët e PBKD nuk kishin marrë asnjë njoftim nga Prokuroria për akuzën se përndryshe ata do të ishin paraqitur në Gjykatë.

Mirëpo, duket qartë se Bilbili, si ushtar i bindur i Sollakut e ka formuluar kërkesën dhe ia ka dërguar Gjykatës me pretendimin se, "të akuzuarit kanë refuzuar të paraqiten në organin e akuzuës apo në Gjykatë. Një pretendim i tillë hidhet poshtë nga vetë të akuzuarit, pasi ata nuk kanë marrë asnjë njoftim nga organi i akuzës. Gazetari Çelo Hoxha ka qenë i ulur në kompjuter në momentin që i janë vënë prangat dhe ka mbetur i shokuar nga ky veprim pa e ditur se përse po arrestohej.

Mesa duket, prokurori Bilbil Mete e ka marrë përsipër këtë barrë të rëndë për të shkarkuar përgjegjësinë e rëndë për mbylljen e dosjeve të piramidave prej nga shqiptarët humbën miliona lekë. Dosjet e piramidave u mbyllën nga Bilbili për shkak se në to ndodheshin ish-ministrat e qeverisë socialiste, të cilët edhe pse vodhën miliona lekë nga piramidat, nuk morën asnjë përgjegjësi ligjore nga Prokuroria.






PD dënon ashpër arrestimin e funksionarit të Partisë Balli Kombëtar Demokrat dhe analistit Çelo Hoxha


Nishani: Arrestimi i gazetarit, hakmarrje me qëllime politike


Partia Demokratike dënoi ashpër arrestimin e funksionarit të Partisë Balli Kombëtar Demokrat dhe analistit Çelo Hoxha. Në një konferencë për shtyp, zëdhënësi i Grupit Parlamentar të PD-së, deputeti Bujar Nishani, tha se, "Partia Demokratike dënon aktin hakmarrës të arrestimit të analistit, gazetarit dhe funksionarit të PBKD-së, Çelo Hoxha, si një akt i ulët me qëllime politike". Nishani tha se, PD është kundër çdo shkelje ligjore dhe kërkon respektimin e shtetit ligjor. "Ne dënojmë çdo përdorim të pushtetit të akuzës për qëllime të ulëta hakmarrëse të orientuara nga zyra e kryetarit të PS. Shantazhi dhe kërcënimi i sollakëve ndaj një partie tradicionale të së djathtës, rikthen modelin e persekucionit që kjo parti ka provuar për 50 vjet nga paraardhësit shpirtëror të Sollakut", u shpreh Nishani gjatë konferencës për shtyp.






Shoqata e të Përndjekurve Politikë dënon arrestimin e funksionarëve të PBKD


Shoqata Kombëtare Antikomuniste e të Përndjekurve Politikë nga regjimi komunist, dënon me forcë arrestimin e funksionarëve të lartë të Partisë Balli Kombëtar Demokrat. Kjo shoqatë, shprehet nëpërmjet një njoftimi për shtyp se, arrestimi i funksionarëve të lartë të Partisë Balli Kombëtar Demokrat nga ana e Prokurorit të Përgjithshëm është një veprim i hapur politik. "Ne denoncojmë Prokurorin e Përgjithshëm, i cili sipas urdhërave të krerëve më të lartë socialistë, tregon dhe një herë hapur mllefin e tyre që mbarten nga prejardhja e tyre komuniste kundër nacionalizmit shqiptar. Ne u kujtojmë se nacionalizmi nuk u përkul gjatë 50 vjetëve me terrorin më të egër që u bë mbi ta. Si pushkatime, burgime, internime dhe dënime në masë kolektive dhe jo sot, në demokraci për të cilën ne jemi sakrifikuar", thuhet në deklaratën për shtyp të Shoqatës Kombëtare Antikomuniste të Përndjekurve Politikë.

Më tej thuhet se, Prokuroria që fle mbi dosjet e krimit, para se të bëjë këtë veprim kundra nacionalizmit le të zbardhë vrasjen e djemve të nacionalistëve të vrarë në rebelimin komunist të viteve '97 si vrasjen e Kolonel Bujar Kaloshit, të major Besnik Hidrit e Bashkim Shkurtit, Kujtim Frangut e Besim Çerjes, Skënder Kolonjës e Adem Shekut, Besim Manolit e djemve të Cërrikut e dhjetëra e dhjetëra të tjerë. "Partitë historike si ato të Ballit dhe të Legalitetit nuk i harrojnë krimet që janë bërë, por shikojnë drejt të ardhmes për integrimin e Shqipërisë dhe sëbashku me ne i janë mbështetur fuqishëm koalicionit të djathtë, i cili do të triumfojë doni apo nuk doni ju. Ne ju kujtojmë bëni detyrën tuaj ndaj krimit, mafies dhe korrupsionit, që jeni katandisur në vendin e fundit në botë. I lini rehat në punën e vet partitë historike dhe të gjithë kësaj shtrese të lënduar aq rëndë nga paraardhësit tuaj dhe nga ju vetë, ndryshe acarimin ju që e kërkoni dhe do ta gjeni. Lini mllefet që u janë ngjallur dhe na lini të shkojmë drejt të ardhmes, askujt nuk i kemi borxh, borxh na keni na lëndoni plagët që as vetë nuk duam të kujtojmë. Lironi dhe kërkoni falje, kjo falje që u ka munguar dhe u mungon", përfundon deklarata për shtyp e Shoqatës Kombëtare Antikomuniste e të Përndjekurve Politikë.





Forumi për Mediat e Lira dhe ZMQ, protestë para Gjykatës së Tiranës kundër arrestimit të gazetarit Çelo Hoxha


Sollaku po dhunon shtypin e lirë


Forumi për Mediat e Lira dhe Zyra për Mbrojtjen e Qytetarëve organizuan dje një tubim përpara Gjykatës së Tiranës kundër arrestimit të gazetarit dhe publicistit të gazetës "TemA" Çelo Hoxha. Dhjetëra gazetarë të mediave të ndryshme protestuan dje, para Gjykatës së Tiranës kundër arrestimit të redaktorit politik të të gazetës "TemA, Çelo Hoxha. Me pankarta në duar si, "Lironi gazetarin", apo "Sallaku, dordoleci i Ramës që nuk na Tremb", gazetarët qëndruan për rreth 30 minuta para portës së Gjykatës së Tiranës. Drejtori i Gazetës "Tema", Mero Baze, gjatë kësaj proteste e ka cilësuar arrestimin e gazetarit Çelo Hoxha, si presion të drejtpërdrejtë të kryeprokurorit Theodhori Sollaku ndaj gazetarëve. Baze e cilësoi arrestimin e redaktorit politik, Çelo Hoxha, si një hakmarrje të Prokurorit të Përgjithshëm ndaj gazetës që ai drejton. "Arrestimi i publicistit Çelo Hoxha, është një tjetër fakt që tregon lidhjet e prokurorit Theodhori Sollaku, me politikën e majtë", u shpreh Baze.

Nga ana tjetër Forumi i Mediave të Lira deklaron se në rast se gazetari Ç Hoxha nuk lirohet, atëherë në ditët në vazhdim do të intensifikojë protestat deri në kërkesa për dorëheqje të krerëve të lartë të prokurorisë. Ndërkohë, avokati Neshat Fana tha gjatë një prononcimi për median se, "ishte e paarsyeshme ngutja e Prokurorisë për arrestimin e tyre". Sipas avokatit Fana, klientët e tij, nuk përbënin rrezikshmëri shoqërore dhe për më tepër, theksoi ai "ata nuk kishin ndërmend të largoheshin nga Shqipëria".

Ndërkohë, Gjykata e Tiranës pritet që të japë sot masën e sigurisë ndaj tre krerëve të Partisë së Ballit Kombëtar Demokrat (PBKD), që akuzohen për falsifikimin e firmës të të ndjerit Akile Rama, për kandidat për Bashkinë e Tiranës, nën siglën e PBKD-së. Tre drejtuesit e PBKD-së, konkretisht kryetari i kësaj partie, Artur Roshi dhe sekretari i saj, Çelo Hoxha, njëkohësisht edhe gazetar, ndiqen penalisht nën masën e sigurisë "arrest me burg", ndërsa sekretari organizativ i kësaj partie, Tomor Gostivari, hetohet nën masën "arrest shtëpie".

Prokuroria e Sollakut ka kryer gjithçka në fshehtësi të plotë për arrestimin e gazetarit Çelo Hoxha. Prokuroria pa i dërguar asnjë njoftim gazetarit ka dërguar çështjen në Gjykatën e Tiranës me pretendimin se gazetari nuk ka pranuar të paraqitet, por në fakt gazetari nuk ishte njoftuar nga organi i akzuës dhe nuk kishte asnjë dijeni për fletë-arrestin. Kështu, Gjykata ka marrë vendim me "arrest me burg pa afat" për gazetarin Çelo Hoxha në mungesë. Ndërkohë, gjyqtarja që kishte dhënë masën e sigurisë ndaj gazetarit, është larguar jashtë shtetit për një seminar.

R.POLISI






Fana: Prokuroria është nxituar për arrestimin


Neshat Fana, avokati mbrojtës i tre pandehurve, e cilësoi si të jashtëligjshëm arrestimin e tre funksionarëve të PBKD, kryetarit Artur Roshi, sekretarit dhe analistit të gazetës "TemA", Çelo Hoxha, dhe sekretarit organizativ të kësaj partie, Tomor Gostivari. Në një prononcim për mediat, avokati Neshat Fana tha se, "ishte e paarsyeshme ngutja e Orokurorisë për arrestimin e tyre". Sipas avokatit Fana, klientët e tij, nuk përbënin rrezikshmëri shoqërore dhe për më tepër, theksoi ai "ata nuk kishin ndërmend të largoheshin nga Shqipëria". Sekretari dhe analisti i gazetës "TemA", Çelo Hoxha, u arrestua të shtunën pasdite në redaksinë e gazetës "TemA" me urdhër të Prokurorit të Përgjithshëm, Theodhori Sollaku. Arrestimi i tij u bë për motive politike vetëm pse ai kishte botuar disa shkrime analitike kundër kreut aktual të PS dhe Prokurorisë së Përgjithshme për mungesë efiçense në luftën ndaj krimit të organizuar dhe korrupsionit.

Felliqesirat e Sollakut nuk kane fund , keto jane disa nga akuzat drejt tij .
Sollaku se shpejti do marri valixhet .

[BaBa]

Berisha: Do heq Sollakun në pak muaj

Berisha ka harru me vdek sollakun se heq asnji per vec Parlamentit . {gjasma Parlament se ska shtet se te kishte shtet sdo katandiseshin keshtu Shqiptaret}
Posht ps dhe pd se ja moren frymen ktit Popullit.

[TOKE GEGA]

Ministri i Drejtësisë tha se do të ndërmarrë të gjitha hapat për të ndjekur institucionalisht çështjen "Gjermeni"


Rusmali: Për Gjermenët nuk ka vend në drejtësi


Ministri i Drejtësisë, Ilir Rusmali, deklaroi dje gjatë një konference për shtyp se, do të ndërmarrë të gjitha hapat që i lejon funksioni për të denoncuar dhe për të ndjekur institucionalisht çështjen Gjermeni, dhe çdo rast tjetër ku drejtësia i nënshtrohet krimit. "Garantoj opinionin publik se si ministër i Drejtësisë, do të ndërmarr të gjitha hapat që më lejon funksioni për të denoncuar dhe për të ndjekur institucionalisht, jo vetëm rastin e anëtarit të Këshillit të Lartë të Drejtësisë (KLD), Artan Gjermeni, por edhe çdo rast tjetër ku drejtësia i nënshtrohet krimit", u shpreh ministri i Drejtësisë, Ilir Rusmali, gjatë konferencës për shtyp, lidhur me çështjen Gjermeni.

"Përpara tre ditësh në cilësinë e ministrit të Drejtësisë, kam marrë pjesë në inaugurimin e punimeve për Gjykatën e Krimeve të Rënda, në Tiranë, ku kam shprehur vlerësimin tim maksimal për modelin pozitiv të pushtetit gjyqësor që është instaluar në atë Gjykatë", tha Rusmali, duke shtuar se, si ministër i Drejtësisë kam vullnetin maksimal që modelet pozitive t'i promovoj me gjithë fuqinë time, sepse vetëm kështu ne mund të rrisim besimin e opinionit publik shqiptar tek drejtësia, sikundër kam gjithë vullnetin që të denoncoj të gjitha modelet e shëmtuara që janë ende të instaluara brenda pushtetit gjyqësor.

Ministri i Drejtësisë, tha se modeli më i shëmtuar, i bërë publik deri më sot, është modeli i kapjes së instancave më të larta të pushtetit gjyqësor nga përfaqësues politikë dhe juridikë të organizatave kriminale shqiptare siç është edhe rasti i denoncimit më së fundi nga një pjesë e medias së shkruar të shtypit shqiptar, i funksionit të gjyqtarit dhe anëtarit të KLD-së, Artan Gjermeni, në shërbim të bandës kriminale të Lushnjes. Duke iu referuar edhe të dhënave, të cilat kjo ministri disponon për çështjen në fjalë, ai nënvizoi se denoncimi vjen nga të dhënat që merren nga provat e dosjeve gjyqësore që administrohen nga gjykatat italiane dhe që tregojnë lidhjen e drejtpërdrejtë të funksionarit në fjalë me eksponentët kryesorë të bandës kriminale.

Duke iu refruar prononcimit të bërë nga anëtari i KLD-së, Artan Gjermeni, në media, se "ai nuk ka asnjë lidhje me bandën e Lushnjes", ministri i Drejtësisë, theksoi se, "dua të risjell sot në vëmendjen tuaj, një rast që është bërë publik dhe më parë, por që është neglizhuar, që është injoruar dhe mbuluar nga Prokurori i Përgjithshëm i Republikës së Shqipërisë dhe nga eksponentët më të lartë të KLD-së, me qëllim që të favorizonin njeriun e bandës të kapte pushtetin gjyqësor". Ministri Rusmali tha më tej se, në gjykimin që i është bërë bandës së Lushnjes nga Gjykata e Krimeve të Rënda, i penduari i bandës, Petrit Liçi, ka deklaruar një nga rastet e përfshirjes së drejtpërdrejtë të gjyqtarit dhe kryetarit të Gjykatës së Lushnjes, në lirimin e tij nga burgu. Petrit Liçi, është ndihmuar për t'u liruar nga burgu për akuzën e "armëmbajtjes pa leje" nga gjyqtari Gjermeni me ndërhyrjen e Enver Dondollakut, dhe kjo gjë është në deponimet që Liçi ka bërë përpara Gjykatës së Krimeve të Rënda, u shpreh ministri i Drejtësisë, duke publikuar para medias ekstratin e procesit gjyqësor së seancës gjyqësore.

"Siç rezulton nga hetimi i kryer nga inspektoriati i Ministrisë së Drejtësisë në atë kohë, me veprim të drejtpërdrejtë në kundërshtim me ligjin, Artan Gjermeni, jashtë proçedurave të shortit, në dhunim të proçedurave të shortit, ka marrë përsipër drejtpërdrejt gjykimin e çështjes së Liçit, nuk e ka hedhur në short, e ka gjykuar vetë dhe për akuzën e "armëmbajtjes pa leje", e ka liruar pas 40 ditësh burg", nënvizoi ministri Rusmali, i cili bëri publik përpara medias edhe provat së bashku me vendimin që ka marrë në atë kohë gjyqtari dhe Kryetari i Gjykatës së Lushnjes, Artan Gjermeni, për këtë çështje.

Ministri i Drejtësisë tha se, "të gjitha materialet nuk janë sekret dhe nuk janë të panjohura", duke shtuar se, "në kohën e tyre ato i janë vënë në dispozicion Presidentit të Republikës dhe KLD-së, të cilët në atë kohë nuk kanë ndërmarrë asnjë veprim për të denoncuar rastin e shëmtuar të kapjes së pushtetit gjyqësor nga bandat kriminale, por përkundrazi kanë shërbyer vetë si protektorë të këtij protektori të krimit". Në cilësinë e ministrit të Drejtësisë, Ilir Rusmali u shpreh se, do të ndërmarrë të gjitha hapat që më lejon funksioni për të denoncuar dhe për të ndjekur institucionalisht këtë rast dhe çdo rast tjetër ku drejtësia i nënshtrohet krimit. "Drejtësia dhe krimi i kanë rrugët e ndara, jo të përbashkëta, siç ka ndodhur deri më sot me anëtarin e KLD-së, Artan Gjermeni", nënvizoi ministri i Drejtësisë.

Ndërsa, pyetjes së gazetarëve të pranishëm, për hapat që ai do të ndërmarrë për shkarkimin e Artan Gjermenit si anëtar i KLD-së, ministri Rusmali iu përgjigj: "Hapat për lëvizje institucionale janë të përcaktuara të gjitha në ligj. Unë marr përsipër të angazhohem që t'ju informoj si ministër i Drejtësisë për hapat që ministri i Drejtësisë, jo politika, jo partitë politike, jo institucionet e tjera, do të ndërmarrë në ndjekjen e këtij skandali të turpshëm të drejtësisë, do t'ju informoj, ashtu siç bëra dhe sot, çdo ditë kur unë do të ndërmarr një veprim. Sigurisht, që nuk mund t'i parathem, duhet të ndërmarr veprime, pastaj t'ju informoj".

R.POLISI





Heshtja e Moisiut, kryeprokurorit Sollaku dhe e opozitës është e patolerueshme


Patozi: KLD është e kapur nga mafia


Deputeti i Partisë Demokratike, Astrit Patozi, denoncoi dje heshtjen e Presidentit të Republikës, Prokurorit të Përgjithshëm dhe të opozitës së majtë, pas fakteve tronditëse të publikuara në shtyp për lidhjet e anëtarit të Këshillit të Lartë të Drejtësisë, Artan Gjermeni, me bandën kriminale të Aldo Bares. Duke iu referuar fakteve dhe dëshmive të prokurorit të Kavajës, Sulejman Tole, në Komisionin Hetimor parlamentar për shkarkimin e Prokurorit të Përgjithshëm, Patozi tha se tashmë është e qartë mënyra se si u pezullua çështja penale në ngarkim të Gjermenit, me qëllim që t'i jepej atij mundësi të zgjidhej anëtar në institucionin e lartë të drejtësisë. "Në shtypin e shkruar janë publikuar fakte të reja që hedhin dritë mbi skandalin e Këshillit të Lartë të Drejtësisë dhe mbi vetë Artan Gjermenin. Unë dëshiroj që të risjell në vëmendje të publikut, se një vit më parë, para Komisionit Hetimor parlamentar që hetoi kryeprokurorin Sollaku, prokurori i Kavajës, Sulejman Tola, dëshmoi dhe dha fakte tronditëse të cilat hedhin dritë për mënyrën se si u pezullua çështja penale në ngarkim të Artan Gjermenit, në mënyrë që t'i hapej rruga emërimit të tij si anëtar i Këshillit të Lartë të Drejtësisë", u shpreh ish-kryetari i Komisionit Hetimor parlamentar për shkarkimin e Prokurorit të Përgjithshëm. Ai sqaroi se faktet e reja që u botuan në një të përditshme, që është shumë larg ndikimit të qeverisë, rikonfirmojnë faktin që institucioni më i lartë i drejtësisë, së bashku me Presidentin e Republikës kanë anashkaluar ligjin për zgjedhjen e Gjermenit si anëtar i KLD-së. "Unë gjykoj se faktet e reja që ka paraqitur shtypi dhe askush nuk mund të thotë se ajo gazetë që i ka publikuar ato është nën ndikimin e mazhorancës, rikonfirmojnë faktin që kupola e lartë e drejtësisë në Shqipëri, Presidenti i Republikës kanë kryer një konspiracion, në mënyrë që t'i hapin rrugën emërimit në Këshillin e Lartë të Drejtësisë të një protektori të bandës së Aldo Bares. Unë jam këtu për të denoncuar heshtjen e patolerueshme të Presidentit të Republikës, heshtjen e patolerueshme të kryeprokurorit të Republikës dhe sidomos heshtjen e opozitës, e cila në këtë rast duhej të shprehej, sepse bëhet fjalë për një organ kushtetues, siç është Këshilli i Lartë i Drejtësisë, i cili është kapur nga mafia me të paktën një anëtar", vlerësoi deputeti i mazhorancës. Pak ditë më parë, në një gazetë të përditshme u publikuan skandale të reja që dëshmojnë lidhjet e ngushta të anëtarit të Këshillit të Lartë të Drejtësisë, Artan Gjermeni, me bandën famëkeqe të Lushnjës. Faktet e kishin burimin nga Prokuroria italiane, e cila zbuloi, përmes një telefonate të përgjuar të anëtarëve të bandës kriminale, favorizimet që ata prisnin nga anëtari i Këshillit të Lartë të Drejtësisë, Artan Gjermeni. Ky i fundit ishte akuzuar edhe më parë për favorizime të bandës së Aldo Bares gjatë kohës kur drejtonte Gjykatën e Lushnjës, në këmbim të përfitimeve monetare dhe materiale. Ai u padit nga Inspektoriati i Lartë i Deklarimit dhe Kontrollit të Pasurive për deklarim të rremë të pasurisë, por çështja e tij u mbyll në mënyrë urgjente nga Prokurori i Përgjithshëm Theodhori Sollaku. Mbyllja e çështjes u bë me qëllim për t'i hapur rrugën zgjedhjes së tij si anëtar i Këshillit të Lartë të Drejtësisë, duke shpresuar se marrja e mandatit të anëtarit të institucionit të lartë të drejtësisë do ta shpëtonte atë përfundimisht nga akuzat e shumta që i rëndonin.





Banda e Lushnjes bashkëpunonte me zyrtarët e lartë të qeverisë socialiste për të mbajtur nën kontroll strukturat e antikrimit


Banda e Aldo Bares emëronte drejtuesit e policisë


Banda e Aldo Bares kishte një veprimtari të gjerë, duke rivalëzuar strukturat e shtetit të atëhershëm. Jo vetëm kaq, por mjaft nga emërimet e bëra në policinë e Lushnjes dhe të Fierit në atë kohë janë bërë me ndërhyrjen e bandës së Aldo Bares. Kjo bandë kishte korruptuar mjaft zyrtarë të lartë të qeverisë dhe policisë së Lushnjes, duke mbajtur nën kontroll të plotë strukturat e antikrimit. Përgjimet telefonike të kryera për vite me radhë nga Seksioni i Shtatë i Antidrogës së Torinos dëshmojnë qartë lidhjet e saj me qeverinë e majtë për të krijuar fushë veprimi. Në dosjen hetimore nr.9772/02 të antimafias italiane janë përfshirë transkriptimet e dhjetra telefonatave të bëra mes krerëve të organizatës. "Profesori", Aldo Bare, kërkonte vazhdimisht informacion në lidhje me situatën e rendit në Drejtorinë e Qarkut Fier dhe në Komisariatin e Lushnjës. Ai kërkonte të dinte deri dhe detajet më të hollësishme për çdo lëvizje të policisë, në mënyrë që të ishte gjithmonë një hap para saj.

Kapobanda Aldo Bare dhe krahu i djathtë i tij, Enver Dondollaku, tregonin një interes të veçantë për emërimet e titullarëve të policisë në territorin ku ata kishin marrë emrin "Komisariati nr.2" i Lushnjës. Në dosjen hetimore të antimafias italiane tregohen fakte konkrete se si kapot e "Bandës së Lushnjës" emëronin krerët e policisë lokale dhe ushtronin presion ndaj tyre, për t'i detyruar ata që të mos bënin asnjë veprim ndaj bandës së Lushnjes. Sipas hetimeve të kryera nga policia italiane rezulton se "Profesori" dhe njerëzit më të afërt pranë tij kërkonin të ndikonin në mënyrë që titullarët e Fierit dhe të Lushnjës të ishin ose njerëz të tyre, ose të ishin figura të korruptuara, që mund t'iu shkaktonin telashe.


Bashkëpunimi i bandës me policinë

Në telefonatën e bërë pasditen e 21 nëntorit 2002 mes Enver Dondollakut dhe Drejtorit të Policisë së Fierit, Hasan Rama, i cili kishte nën varësi dhe rrethin e Lushnjës, duket qartë se si drejtuesit e bandës kishin në varësi drejtuesit e policisë. Transkriptimi i telefonatës nr.3 në dosjen 9772/02 të Seksionit të Shtatë të Antidrogës së Torinos, tregon se si Dondollaku e urdhëron drejtorin e policisë së Fierit që të mos godasë anëtarët e bandës që janë në kërkim. Telefonata është bërë në orën 17:53 të datës 21 nëntor 2002. Marrësi është identifikuar me numrin e telefonit 328/8591394 që përdorej nga Dondollaku, ndërsa pritësi është personi me emrin "Hasan", me numër telefoni 00355682031822.

Enver Dondollaku i thotë drejtorit të policisë së Fierit: "Ti po na hap shumë probleme, ti dhe miqtë e tu. Po ta them hapur. Ti bën punën tënde, por nëse nuk do të kesh probleme, lëre punën". Ndërsa titullari i policisë përgjigjet: "Dëgjo, zotëri, ti s'duhet të më flasësh kështu, sepse unë s'të kam hapur kurrë probleme, unë bëj punën time dhe ti tënden. Unë jam drejtori i Policisë së Fierit dhe nuk dua t'ia di për ty, nuk më intereson fare. Unë, në Lushnje, gjithë jetën time kam qenë vetëm tre herë. Ti bën punën tënde, unë timen. Unë jam drejtori i policisë së Fierit, dhe jo Lushnjës, prandaj s'duhet të më telefonosh më...", e mbyll bisedën drejtori i policisë së Fierit.

Ndërsa nga transkriptimet e bisedave nr.139, 140, 141, 142 rezulton se Dondollaku i kërkon "Profesorit" numrin e shefit të krimeve në Lushnje, për disa lajme që janë botuar në media në lidhje me përfshirjen e anëtarëve të bandës në një ngjarje. Aldo Bare e gjen numrin e shefit të krimeve dhe emrin e tij, që identifikohet si "Bashkimi" (Bashkim Ymeri). Më pas, Dondollaku e telefonon shefin e krimeve të Lushnjës dhe i kërkon llogari se kush ishte burimi i informacioneve që kishte botuar media. Ky i fundit i deklaron se nuk ishte ai personi që kishte folur me gazetarët, por Dondollaku i bën presion duke i thënë se "edhe ti je një nga ata".


Pse u la i lirë për 8 vjet Aldo Bare


Duke lexuar pjesë të dosjes së Antimafias italiane për lidhjet e bandës së Aldo Bares me strukturat e qeverisë socialiste, kupton se pse qeveria e majtë nuk kishte interes dhe vullnet për ta shkatërruar këtë bandë. Krerët e bandës së Lushnjes kishin arritur deri aty, sa të emëronin vetë drejtuesit e policisë dhe të korruptonin mjaft zyrtarë të lartë të qeverisë së atëhershme, në mënyrë që drejtuesit e bandës të kishin fushë të lirë veprimi në aktivitetin e tyre kriminal. Ndërsa kryetari i Gjykatës së Lushnjes, Artan Gjermeni i shërbente me vullnet kësaj bande në këmbim të parave dhe pronave. Kreu i bandës së Lushnjes, Alfred Shkurti, edhe pse i njohur për një sërë vrasjesh dhe krimesh të tjera si, rrëmbime personi dhe prone, si dhe për trafik ndërkombëtar droge, në vitin 1998 u pajis me pasaportë fals me emrin Aldo Bare dhe me vizë nga strukturat e qeverisë së atëhershme. Nga ajo kohë, ai e drejtoi bandën për disa vjet nga mërgimi, por duke u futur lirisht edhe në Shqipëri.

Nëse qeveria socialiste do të ishte e impenjuar në luftën ndaj bandave dhe krimit të organizuar, sigurisht që kreu i bandës së Lushnjes do të kishte përfunduar në pranga shumë kohë më përpara. Fakti që ai është futur në Shqipëri gjatë katër viteve të fundit, tregon qartë se ish-qeveria socialiste nuk ishte e interesuar ta arrestonte atë. Banda e drejtuar nga Aldo Bare ka kryer një sërë vrasjesh dhe krimesh të tjera nga viti 1997-2005, në qytetin e Lushnjës. Menjëherë pas krijimit të qeverisë demokratike, policia filloi arrestimet e anëtarëve të bandës së Lushnjes, duke vënë në pranga 5 anëtarë, njëri prej të cilëve u lirua nga Gjykata e Vlorës. Aldo Bare jepte urdhra, ndërsa anëtarët e bandës së tij, Enver Dondollaku, Arben e Enver Boriçi, Ilir Stergu, Afrim Hoxha, Erion Cici, Agur Muskaku e Rexhep Gina, etj., kryenin ekzekutimet, rrëmbimet e presonave, të pronës, etj.

Banda e Lushnjes ka gëzuar mbështetje nga disa prej ish-qeveritarëve socialistë, të cilët për tetë vjet nuk e prekën superkriminelin, i cili ka bërë më shumë se 15 vrasje. Lënia e lirë e Bares nga qeveritë e PS dhe hyrje-daljet në Shqipëri në një kohë që kishte një mandat arresti, flasin qartë për një garanci të plotë që superkrimineli kishte nga pushtetarët socialistë se ai nuk do të prekej. Po kështu, vendimet e gjykatave, të cilat gati sa nuk e kanë shpallur të pafajshëm Baren, janë një tjetër dëshmi jo vetëm e nevojës për reformim të pushtetit gjyqësor, por edhe e mbajtjes peng të këtij pushteti nga krimi i organizuar.

Rexhep POLISI






Banda e Aldo Bares, dhjetra milion dollarë fitime në vit nga trafiqet dhe pronat e grabitura


Organizata kriminale, pasuri përrallore


Banda e Aldo Bares kishte në zotërim prona dhe pasuri marramendëse. Kapobanda Aldo Bare mori në zotërim me forcë Lagunën e Karavastasë, e cila administrohej nga anëtarët e bandës së Lushnjes. Ekspertët hetimorë kanë bërë të ditur se, aktiviteti i Lagunës së Karavastasë ka sjellë më shumë se 5 milion dollarë fitim në vit për arkën e organizatës kriminale. Ndërkohë, kjo organizatë kishte në zotërim edhe dhjetra kazino e biznese të tjera të fshehura, të cilat sillnin miliona dollarë fitime. Një lum parash sillte edhe trafiku i drogës, një aktivitet kriminal i zgjeruar i bandës dhe që drejtohej nga Aldo Bare nëpërmjet telefonit. Kjo organizatë kriminale kishte pronësi edhe mbi sportklub Lushnjën, mbi stadiumin e këtij qyteti, aksione dhe në ndërtime e investime të shumta. Ndërkohë, Prokuroria ka nisur verifikimin dhe sekuestrimin e aktivitetit të Lagunës së Karavastasë, disa hoteleve, bingove, etj., që dyshohet se janë pasuri e organizatës kriminale që drejtohej nga Aldo Bare.

[Dito]

15 Prill 2006

Bujar Nishani (zedhenes i grupit parlamentar PD, deputet) prononcohet per shtyp:

“-Prokurori Sollaku më parë duhet t’u shpjegojë shqiptarëve se cilat janë lidhjet e tij me bandën “Hakmarrja për Drejtësi” dhe cilat ishin motivet që dosjet e ekstradimit të Altin Arapit, në vend të procedurave zyrtare, ia kaloi përfaqësuesit politik të kësaj bande, Adrian Vishës.
-Prokurori Sollaku më parë duhet t’u deklarojë shqiptarëve se cilat janë detyrimet e tij ndaj bandës së Aldo Bares dhe përfaqësuesit politik të saj, gjyqtarit Gjermeni”



Agim Neza, këshilltar i kryeprokurorit, tha se:

Pretendimet e deputetëve të PD-së janë shpifje të ulëta, të cilat kërcënojnë rendin kushtetues dhe demokracinë në vend.




16 Prill 2006

Ora 15: 05 Kryeministri Berisha: Do te vertetoj lidhjet e Sollakut me krimin

Kryeministri Sali Berisha ka shkuar edhe me tej ne akuzat e bera ndaj Prokurorit te Pergjithshem Theodhori Sollaku. Berisha u shpreh sot se ka te gjitha faktet qe tregojne lidhjet e kreut te akuzes me krimin. Kryeministri sqaroi se akuzat nuk i ka ndaj figures se prokuroreve, por vetem ndaj Sollakut. Ai e akuzon kryeprokurorin si te vetmin pergjegjes per shkeljet ne organin e akuzes.


Ora 17:35 Sollaku: Berisha te ruaje qetesine. Shume shpejt do te ballafaqohemi

Pas akuzave te kryeministrit Sali Berisha ne drejtim te kryeprokuorit ka qene I menjehershem reagimi i kreut te institucionit te akuzes Theodhori Sollaku. I pyetur nga tv NEWS 24 kryeprokurori i ka kerkuar kryeministrit Berisha te ruaje qetesine. Gjithashtu Sollaku ka deklaruar se shume shpejt do te ballafaqohet me kryeministrin Berisha per te gjitha akuzat qe ai ka leshuar ne drejtim te tij.

----------------------------------------------------------------------------------------------------

Berisha do te heq Sollakun.
Pasardhesi i Sollakut leviz nga prokuroria e pergjithshme te gjithe ambasadoret e krimit ne kete institucion dhe fillon luften kunder mafies.

Daullet e luftes po bien.
Zoti e ndihmofte Shqiperine

Bravo i qofte, pa prova te sakta nuk behet drejtesi.




Dito.