Moisiu: Nuk nënshkruaj shkarkimin e kryeprokurorit Sollaku

[Albo]

Kryeprokurori i përgjigjet të gjitha akuzave të bëra nga shumica në komisionin hetimor.

Sollaku, letër Kuvendit: Mos lejoni uzurpimin e Prokurorisë

Sipas tij, ato janë sajesa dhe reprezalje politike për të pushtuar organin e akuzës

Ened Janina

TIRANË- Kreu i prokurorisë shqiptare, Theodhori Sollaku, i përgjigjet për herë të fundit akuzave të bëra nga shumica e komisionit hetimor parlamentar. Vetëm pak orë përpara leximit të raportit përfundimtar të këtij komisioni në Parlament, ka reaguar edhe vetë kryeprokurori. Reagimi i tij është bërë me anë të një letre, drejtuar të gjithë deputetëve të Kuvendit, por edhe presidentit të Republikës, Alfred Moisiu. Në këtë letër Sollaku i përgjigjet edhe një herë, një për një, të gjitha akuzave të bëra kundër tij dhe institucionit që drejton prej më shumë se katër vitesh. Duke i cilësuar të gjitha akuzat si një reprezalje politike dhe qesharake, Sollaku ka akuzuar kryeministrin Berisha se po uzurpon institucionet e pavarura.
“Komisioni hetimor parlamentar, i ngritur për të shqyrtuar kërkesën e një grupi deputetësh për “Nisjen e procedurës së shkarkimit nga detyra të prokurorit të përgjithshëm”, i ka paraqitur Kuvendit raportin përfundimtar. Më lejoni që, në vijim, të paraqit para jush argumentet ligjore, fakte dhe prova që rrëzojnë akuzat e paqena në përmbajtje të këtij raporti. Pasi të njiheni edhe me to, ju do të keni mundësinë të gjykoni që të ashtuquajturat “shkelje të rënda të ligjit dhe të Kushtetutës”, nga prokurori i përgjithshëm nuk janë gjë tjetër veçse sajesa qesharake, të stisura për të realizuar një “reprezalje politike”, me qëllim uzurpimin nga kryeministri i vendit të institucionit të pavarur, që Kushtetuta e ligji i ngarkojnë të drejtën dhe detyrimin ligjor të ushtrimit të ndjekjes penale”, - thuhet në përgjigjen e kryeprokurorit Sollaku. Në të ai ka parashtruar edhe vërejtjet kryesore në lidhje me punën dhe akuzat e bëra nga komisioni hetimor parlamentar. Në total vërejtjet kryesore të parashtruara nga kryeprokurori Sollaku janë shtatë. Pas kësaj, kryeprokurori Theodhori Sollaku i është përgjigjur një për një akuzave. Ai ka parashtruar faktin dhe përfundimet e komisionit hetimor parlamentar. Poshtë tyre kryeprokurori Sollaku ka argumentuar në mënyrë të detajuar zgjedhjen e prokurorëve të çështjeve si dhe argumentet e tij për të rrëzuar pretendimet e komisionit hetimor. Në mbrojtjen e tij të fundit përpara parlamentit, Sollaku i ka pohuar deputetëve se ai do të vazhdojë punën si më parë, duke luftuar krimin e organizuar. “Argumentet e mësipërme, të mbështetura në fakte dhe në ligj, dëshmojnë qartë dështimin e hetimeve të stisura dhe të paravendosura të shumicës së komisionit hetimor të Kuvendit. Ato çmontojnë të gjitha akuzat e pabazuara dhe shpifëse, të bëra me qëllimin e vetëm për të uzurpuar pushtetin e institucioneve të pavarura, përkatësisht të Prokurorisë, në dhunim të Kushtetutës dhe të parimeve të Republikës. Ndaj, ju ftoj t’i studioni ato me vëmendje dhe të mos lejoni që të dhunohet Kushtetuta dhe ligji. Unë ju siguroj se do të vazhdoj të punoj për të siguruar zbatimin e rreptë të ligjit penal, si dhe për të mbrojtur pavarësinë e pushtetit gjyqësor dhe qytetarët e këtij vendi nga ndjekjet penale të padrejta”,- thuhet në fund të letrës së kryeprokurorit.

Vërejtjet parimore

Komisioni veproi në kundërshtim me Kushtetutën e Republikës së Shqipërisë, duke i atribuar vetes pushtete të cilat ligji themeltar ia cakton ekskluzivisht Prokurorisë dhe Gjykatës (vlerësimit të thelbit të zgjidhjes juridike të çështjeve);

-Anëtarët e shumicës në komisionin hetimor ishin njëkohësisht firmëtar të kërkesës për shkarkim. Firma e tyre në atë kërkesë do të thotë që ata ishin të sigurt për shkeljet e prokurorit të përgjithshëm. Ndërkohë, detyra e komisionit ishte që hetonte me objektivitet pretendimet e firmëtarëve dhe të të akuzuarit, që në rastin konkret ishte prokurori i përgjithshëm. Pra, firmëtarët, anëtarë të komisionit hetimor, nuk mund të hetonin vërtetësinë e akuzave të tyre, sepse, në fakt, ata e kanë të paragjykuar ekzistencën e të ashtuquajturave “shkelje të rënda të prokurorit të përgjithshëm“.

- Punimet e komisionit u paraprinë nga një fushatë shpifëse dhe denigruese ndaj prokurorit të përgjithshëm dhe familjes së tij, duke paragjykuar dhe kompromentuar hetimet e komisionit dhe duke krijuar një precedent të paparë në vendet e botës demokratike;


- Shumica në komision shkeli në vijimësi procedurat dhe nuk pranoi marrjen e fakteve e provave të reja, duke cenuar rëndë paanësinë e saj në proces;

- Anëtarët e shumicës demonstruan gjatë punimeve të komisionit një injorancë totale në njohjen e ligjit, fakt që i pengon të japin të përfundime të drejta dhe bindëse;

- Në përmbajtje të raportit, faktet dhe provat e administruara jo vetëm deformohen qëllimisht, por edhe interpretohen në dhunim të parimeve elementare të së drejtës;

- Së fundi, moslejimi i një përfaqësuesi të prokurorit të përgjithshëm në ndjekjen e veprimtarisë së komisionit, si dhe mosdëgjimi i prokurorit të përgjithshëm për shumë nga çështjet që analizohen si shkelje në raport dhe që nuk kanë qenë as në objektin e kërkesës për shkarkim. Mosvënia e raportit në dispozicion të prokurorit të përgjithshëm për të përgatitur mbrojtjen e tij dhunoi barazinë e armëve dhe garancitë kushtetuese për një proces të drejtë, të ndershëm dhe të barabartë ligjor.

Shekulli

[Albo]

Sollaku, patozi lexon raportin mes protestës së opozitës

TIRANË- Ndërsa disa nga deputetët e opozitës kishin “pushtuar” podiumin e seancë plenare, kryetari i komisionit hetimor “Sollaku”, Astrit Patozi ka lexuar raportin përfundimtar dje në Parlament. Patozi, ndonëse është thirrur disa herë për të filluar leximin e raportit, për shkak të debateve që po zhvilloheshin për çështjen e KLD-së, por edhe për spostimin nga rendi i ditës të çështjeve që po shqyrtoheshin, e lexoi raportin nga vendi i tij i deputetit. Madje në disa momente, së bashku me zërin e Patozit, është përzier edhe zëri i deputetit socialist Ndriçim Hysa, i cili që nga podiumi filloi të lexonte raportin e opozitës për komisionin “Sollaku”. Kryetarja Jozefina Topalli, ndonëse u ka bërë disa herë thirrje deputetëve të PS-së që të ktheheshin në vendet e tyre, është detyruar të ndërpresë seancën. Ndërkaq, kur ishte duke u shqyrtuar një projektmarrëveshje dypalëshe me Letoninë, Topalli u është drejtuar deputetëve të opozitës që vazhdonin të qëndronin në këmbë, nëse ishin edhe kundër ligjeve që kishin lidhje me vendet e BE-së. I menjëhershëm ka qenë reagimi i deputetit të PAD-së, Neritan Ceka, i cili vërejti se nuk kishin vlerë marrëveshjet ku vendi ynë kishte pozita inferiore. “Ky vend humb 1 milion euro në ditë nga AMC dhe Vodafone dhe askush nuk do t’ia dijë”, - tha Ceka. Pavarësisht nga tensioni i krijuar, Patozi ka vijuar me qetësi leximin e raportit dhe konkluzioneve për të gjitha çështjet që u hetuan përgjatë dy muajve të hetimit, duke falënderuar deputetët e opozitës që me bllokimin e foltores së Parlamentit, i dhanë mundësinë të paraqiste raportin në mënyrë më komode, pra qe nga vendi i deputetit. Ai u ndal te të gjitha të dhënat dhe konkluzionet e grumbulluara në hetim, duke e përmbyllur fjalën e tij me thelbin e raportit të maxhorancë, pra propozimin drejtuar Kuvendit për shkarkimin e kryeprokurorit Theodhori Sollaku dhe depozitimin në Prokurorinë e Përgjithshme të materialeve të hetuara me qëllim fillimin e ndjekjes penale të tij.

Shekulli

[Albo]

Patozi: Presidenti te shkarkoje Sollakun

E Merkure, 12 Korrik 2006

Kryetari i Komisionit te hetimit per shkarkimin e kryeprokurorit ka kerkuar miratimin e raportit perfundimtar te lexuar ne Parlament, duke renditur te gjitha akuzat sipas tij te vertetuara. Nuk lexohet raporti i opozites, per shkak te bojkotit. Parlamenti vendos: “Debati me 24 korrik”

Raporti perfundimtar i Komisionit hetimor parlamentar per shkarkimin e kryeprokurorit, Theodhori Sollaku, eshte paraqitur publikisht ne seancen e djeshme plenare. Kryetari i ketij Komisioni, deputeti demokrat, Astrit Patozi, ka deklaruar se ky raport verteton me se miri te gjitha akuzat dhe pretendimet e mazhorances per shkelje te ligjit nga ana e Prokurorit te Pergjithshem shqiptar. Permes ketij raporti mazhoranca parlamentare i propozon Presidentit te Republikes shkarkimin nga detyra te Prokurorit te Pergjithshem, Theodhori Sollaku, “pas vleresimit nje per nje dhe ne teresine e tyre te shkeljeve ligjore te konstatuara nga drejtuesi i organit te akuzes”. Sipas konkluzioneve te raportit, rezulton i provuar pretendimi, se Kryeprokurori nuk ka ushtruar detyrimin e tij ligjor per te ushtruar ndjekje penale ne ceshtje te shumta penale. Patozi ka permenduar ceshtje te shumta, si veprimet ose mosveprimet me dashje te kryeprokurorit ndaj propozimeve te Kuvendit, ndaj ceshtjes se Shkallnuerit, bisedes Nano-Abdiu, ceshtjes se shtetasit grek Vurvakis, kallezimet e leshuara nga KLSH-ja, e shume e shume te tjera. “Perfundimisht ky Komision, duke vleresuar nje per nje dhe ne teresine e tyre shkeljet ligjore te konstatuara, rendesine e ligjeve dhe te dispozitave te shkelura, pasojat e ardhura prej tyre, frekuencat e shkeljeve, kohevazhdimin e pasojave, veshtiresite per riparimin e ketyre pasojave, si dhe poziten dhe rolin e Prokurorit te Pergjithshem vendosi: t’i propozoje Kuvendit te Shqiperise te miratoje Raportin e Komisionit Hetimor Parlamentar dhe t’i propozoje Presidentit te Republikes shkarkimin nga detyra te Prokurorit te Pergjithshem, Theodhori Sollaku”, thuhet ne fund te raportit perfundimtar te mbeshtetur vetem nga mazhoranca. Nderkohe Topi kerkoi miratimin e dates se debatit dhe me votim i vendos data 24 korrik si dite e debatit. E.GJ

Korrieri

[Brari]

kush i gjen ku jan kto 4 pjeset?


RD

------


Pjesa e Pestë.


Politikanë, biznesmenë, intelektualë, klerikë, njerëz të thjeshtë janë ekzekutuar barbarisht, ose janë zhdukur. Prokurori i Përgjithshëm nuk ka përgjigje për familjarët e tyre


Sollaku bllokoi hetimet për krimet e mafias politike


Nuk ka ende autorë për vrasjen e ministrit Krasniqi


Askush nuk është ndëshkuar për vrasjen e Kleanthi Koçit


Ka mbetur i pazbardhur akti terrorist ndaj Pangos


Eshtë tepër flagarante, por është tërësisht e vërtetë. Të paktën për 24 krime të rënda, që kanë tronditur opinionin publik vitet e shkuar, Prokurori i Përgjithshëm, Theodhori Sollaku, as nuk e ka vënë ujin në zjarr. Nga hetimet e komisionit hetimor rezulton se kryeprokurori ka shkelur një sërë ligjesh, që e detyronin atë të zbardhte vrasjet e rënda, që me shpeshtësinë e tyre mbanin nën terror shoqërinë shqiptare gjatë tetë viteve të shkuara.

Pjesa e Pestë e raportit përfundimtar të komisionit hetimor bën fjalë për rolin që ka luajtur Prokurori i Përgjithshëm, Theodhori Sollaku në pezullimin, apo pushimin e hetimeve, ose ndryshe thënë bllokimin e përpjekjeve të forcave të ligjit për të dhënë drejtësi për autorët e këtyre krimeve, shpeshherë makabre. Këto 24 çështje penale, që Komisioni ka evidentuar në raportin e tij, përmbajnë historitë fatzeza jo vetëm të viktimave, por edhe të familjeve të tyre. Janë politikanë, biznesmenë, intelektualë, njerëz të thjeshtë, por edhe nga ata që quhen "kontigjente të policisë", që kanë humbur jetën, apo kanë qenë shumë pranë vdekjes, sepse mafia kishte marrë vendim për ekzekutimin e tyre. Kjo mafie në të shumtën e rsteve rezulton të jetë mafia politike që qeverisi vendin tetë vitete e shkuara.

Shumica e këtyre familjeve në shumicën e rasteve e dinë se kush ua ka masakruar, vrarë, plagosur të afërmin e tyre politikan, biznesmen, intelektual, qytetar të thjeshtë, apo "kontigjent i policisë". Pasi shumë nga këto krime janë bërë ditën me diell, në vende publike. I vetmi që nuk "e di", ose nuk marrë mundimin apo ka ndalur përpjekjet ta mësojë është Prokurori i Përgjithshëm, Thodhori Sollaku. Ne nuk i dimë motivet e vendimeve të Sollakut për të mos vazhduar hetimin e këtyre krimeve monstruoze ndaj jetës së qytetarëve të këtij vendi, pavarësisht se i dimë shumë mirë se si janë shtuar pasuritë e tij kohët e fundit me vlera qindra milionëshe. Por, duke ndjekur këtë pjesë të raportit, kushdo do të mund të mësojë se kryeprokurori ka patur shumë e shumë mundësi të tjera për t'iu afruar të vërtetës për rrethanat dhe autorët e këtyre krimeve, që nuk mund të gjykohen pa u paditur më parë nga kryeprokurori, apo institucioni i drejtuar prej tij.

Çështja e domosdoshmërisë së largimit të Thodhori Sollakut nga posti i kryeprokurorit, është një kërkesë që vjen nga pothuajse të gjithë aktorët e shoqërisë sonë. Por, për viktimat dhe familjet e tyre, që nuk kërkojnë zgjidhje përmes revanshit dhe vetëgjyqësisë, largimi i Sollakut shihet jo vetëm si një mundësi për të prekur drejtësinë e munguar, por edhe për të qetësuar shpirtrat e tyre të përvuajtur.










KAPITULLI NR. 3


ANALIZË E SHQYRTIMIT TË LIGJSHMËRISË SË VEPRIMTARISË SË PROKURORISË PËR ÇËSHTJE TË PEZULLIMIT DHE TE PUSHIMIT TË PROCEDIMEVE PENALE


Në planin e hetimit është kërkuar hetimi i Prokurorit të Përgjithshëm për çështje të shkeljes së nenit 148 të Kushtetutës, si dhe të neneve 24, 290, 291 dhe 305 të ligjit nr. 7905, datë 21.03.1995 "Kodi i Procedurës Penale i Republikës së Shqipërisë" (i ndryshuar), nenit 53 të ligjit nr. 8737, datë 12.02.2001 "Për organizimin dhe funksionimin e Prokurorisë në Republikën e Shqipërisë", dhe pikës 4 të nenit 22 të ligjit nr. 8891, datë 02.05.2002 "Për organizimin dhe funksionimin e komisioneve hetimore parlamentare të Kuvendit", për rastet e pezullimit dhe pushimit të procedimeve penale.


3.1.1. PEZULLIME DHE PUSHIME TË NJË NUMRI TË MADH ÇËSHTJESH HETIMORE PËR KRIME TË RËNDA KUNDËR JETËS DHE SHËNDETIT TË SHTETASVE


Një nga pikat e planit të hetimit të komisionit hetimor ishte edhe shqyrtimi i rolit të Prokurorit të Përgjithshëm në moszbardhjen e një sërë krimesh të rënda, hetimet e të cilave janë pezulluar.


PROVAT E SHQYRTUARA DHE TE ADMINISTRUARA NGA ANA E KOMISIONIT


Provat e kërkuara. Gjatë procedurës së kërkimit të provave për këtë pikë të planit të hetimit nga anëtarët të komisonit u kërkuan të merreshin si provë me qëllimi verifikimin:

a. Dëshmia e Prokurorit të Pergjithshem Theodhori Sollaku në seancë dëgjimi para Komisonit Hetimor

b. Dosjet hetimore dhe të dhëna të tjera rreth procedimeve penale të pezulluara.

c. Kryerja e nje raporti ekspertimi nga ana e eskperteve te komisionit.


Provat e pranuara për shqyrtim. Te gjitha provat e mësipërme u pranuan të shqyrtoheshin nga ana e komisionit, pasi u vleresua se ato kishin lidhje te drejteperdrejta me objektin e hetimit.

Shënim: Per shkak të specifikës që kanë materialet e studiuara për këtë cështje hetimore, pasi jane procedime penale të pezulluara dhe aktualisht nën hetim policor, komisioni vendosi që të bëjë një parashtrim të fakteve dhe rrethanave në mënyrë të përmbledhur, duke përmbushur të gjitha kerkesat per ruajtjen e sekretit.


FAKTET QE KANE REZULTUAR NGA PROVAT


1. Procedimi penal nr.11 i vitit 2004 per vrasjen e shtetasit Arben Pojani


Ne Tirane, ne daten 27.08.2003, ne afersi te Restorant Rozafa, është vrare me arme zjarri shtetasi Arben Pojani (Fodulli).

Pasi jane kryer veprimet e pare hetimore, procedimi penal është pezulluar per moszbulimin e autorit.

Nuk rezulton qe te jenë kryer analiza nga ana e Prokurorise se Rrethit Gjyqësor Tirane me strukturat e sherbimeve te Policise Gjyqësore te Policise se Shtetit per zbardhjen e çeshtjes dhe zbulimin e autorit te vepres penale.


2. Procedimi penal nr.1375 dt.09.06.1998 i Prokurorise se Rrethit Gjyqësor Tirane.


Ne daten 08.06.1998, rreth ores 22 e 30, ne rrugen Qemal Stafa, me nje furgon tip Ford me ngjyre te erret, nga persona te paidentifikuar dhe te armatosur me arme zjarri, është rrembyer shtetasi Koco Dado.

Pasi jane kryer veprimet e para hetimore, procedimi, puna është pezulluar dhe derguar strukturave te Policise Kriminale te Drejtorise se Policise se Qarkut Tirane per zbulimin e autorit.

Ne baze te urdhrit nr.235, datë 18.12.2000, te ish-Prokurorit te Pergjithshem Arben Rakipi, Prokuroria e Rrethit Gjyqësor Tirane ka rifilluar hetimet per këtë procedim penal.

Ne daten 21.01.2004, Prokuroria e Rrethit Gjyqësor Tirane ka shpallur moskompetencen lendore duke ia kaluar çështjen per kompetence Prokurorise per Krimet e Renda.

Ne daten 17.12.2004, procedimi penal nr.8 i vitit 2004, qe i perket rrembimit te shtetasit Koco Dado, është pezulluar dhe materialet u jane kaluar strukturave te Policise Kriminale per zbulimin e autorit.

Nga ana e Policise se Shtetit, Drejtorise se Policise se Qarkut Tirane, jane bere nje sere veprimesh per zbulimin e autorit.

Rezulton e provuar se brenda strukturave te policise, ne rang komisariat-drejtori e policise dhe sektori perkates ne Ministrine e Brendshme, jane bere analiza per sqarimin e rrethanave te çeshtjes.

Nuk rezulton te jete bere analize midis prokurorise dhe strukturave te policise per këtë çështje te pezulluar.


3. Procedimi penal nr.2691, viti 1998, i Prokurorisë së Rrethit Gjyqësor Tirane per rrembimin e shtetasit Petrit Gazheli.


Hetimet per këtë procedim penal jane pezulluar ne daten 17.05.1999 dhe ceshtja i është derguar per veprime te metejshme strukturave te Policise Kriminale per zbulimin e autoreve.

Nuk rezulton te jene bere analiza nga Prokuroria e Rrethit Gjyqësor Tirane me strukturat e Policise kriminale te Drejtorise se Policise se Qarkut Tirane per këtë procedim penal te pezulluar.


4. Procedimi penal nr.1866/1 i vitit 2001 per vrasjen e shtetasit Ilirian Zhupani dhe plagosja e Ilir Boroves.


Është regjistruar si procedim penal ne Prokurorine e Rrethit Gjyqësor Tirane ne daten 09.11.2001.

Pasi jane kryer veprimet e para hetimore, ky procedim penal është pezulluar ne daten 08.08.2002.

Ndersa per shtetasin Arsim Lita, si nje nga autoret e vepres penale (procedimi penal nr.1866), procedimi penal është derguar per gjykim dhe Gjykata e Rrethit Gjyqësor Tirane, me vendimin gjyqësor penal nr.342 datë 29.03.2005 ka vendosur deklarimin e fajtor te tij duke e denuar me 24 vjet burgim.Vendimi i mesiperm gjyqësor penal është lene ne fuqi nga Gjykata e Apelit Tirane me vendimin gjyqësor nr.244, datë 24.03.2006.

Rezulton se lidhur me dosjen e pezulluar nuk ka asnje analize nga ana e Prokurorise me strukturat e Policise Kriminale te Policise se Shtetit te Drejtorise se Policise se Qarkut Tirane per ecurine e çeshtjes.


5. Procedimi penal nr.641 i vitit 2002 per vrasjen e shtetasit Erald Harshova.


Është regjistruar ky procedim penal ne daten 11.04.2002 ne Prokurorine e Rrethit Gjyqësor Tirane. Nga hetimet paraprake ka rezultuar se ne daten 01.04.2002, në orën 10, ,ne rrugen e Elbasanit, ne afersi te kendit te lojërave 7 xhuxhet, është vrare me arme zjarri shtetasi Erald Harshova.

Pas veprimeve te para, procedimi penal është pezulluar ne daten 25.04.2002, duke iu kaluar ceshtja per zbulim të autorit strukturave te Policise se Qarkut Tirane.

Rezulton se Prokuroria e Rrethit Gjyqësor Tirane nuk ka bere asnje analize me strukturat e policise per ecurine e hetimeve te çështjes.


6. Procedimi penal nr.116 i vitit 2003 per vrasjen e shtetasit Sali Tivari.


Është regjistruar si procedim penal me nr.116, date 15.01.2003, ne Prokuorine e Rrethit Gjyqësor Tirane.

Pas kryerjes se veprimeve te para hetimore , çeshtja është pezulluar ne daten 11.12.2003 dhe i është derguar per veprime te metejshme strukturave te policise se Drejtorise se Policise se Qarkut Tirane.

Është analizuar ne Drejtorine e Policise se Qarkut Tirane dhe ne Drejtorine e Pergjithshme te Policise se Shtetit.


7. Procedimi penal nr.1541 i vitit 15.08.2002 per vrasjen e shtetasit Eno Shqypi.


Ne daten 13.08.2002, rreth ores 22 e 35, ne Selite te Vogel, ne afersi te kopshtit botanik, është vrare me arme zjarri shtetasi Eno Shqypi.

Është rregjistruar procedimi penal nr.1541, datë 15.08.2002 ne Prokurorine e Rrethit Gjyqësor Tirane.

Pas kryerjes se veprimeve te para hetimore, çeshtja është pezulluar ne daten 30.10.2002 dhe i është derguar strukturave te Policise se Shtetit per zbulimin e autoreve.

Rezulton se ne strukturat e Policise se Shtetit jane kryer disa analiza pune, por Prokuroria e Rrethit Gjyqësor Tirane nuk ka kryer asnje analize me strukturat e Policise se Shtetit.


8. Procedimi penal i vitit 2003 per vrasjen e shtetasit Florian Vila.


Rezulton se ne daten 09.04.2003, rreth ores 21 e 30, kur ishte duke hyre ne banesen e tij ne rezidencen FLEVI, në Tirane,është vrare me arme zjarri shtetasi Florian Vila.

Rezulton se pas veprimeve te para hetimore, procedimi penal është pezulluar, duke ia kaluar per veprime te metejshme strukturave te Policise Kriminale te Policise se Shtetit .

Ne daten 11.12.2003, rezulton se është bere nje analize me Prokurorine e Rrethit Tirane, ku dhe jane lene disa detyra konkrete.

Ne vazhdim, nuk rezulton te jene bere analiza lidhur me zbatimin e detyrave te lena dhe se çfare veprimesh duhet te kryen ne te ardhmen per zbardhjen e çështjes dhe zbulimin e autoreve te vepres penale.


9. Procedimi penal nr.726 i vitit 2002 për vrasjen e shtetasit Arian Zeneli.


Rezulton se ne Tirane, më date 09.11.2002, rreth ores 08, ne rrugen "Irfan Tomini", brenda lokalit te shtetasit Xhevahir Ademi, është vrare me arme zjarri shtetasi Arian Zeneli.

Jane kryer veprimet e para hetimore dhe procedimi penal është regjistruar ne Prokurorine e Rrethit Gjyqësor Tirane me nr.726, date 09.11.2002.

Me pas, ne daten 16.12.2002 ceshtja për zbulimin e autorit është pezulluar, duke iu derguar strukturave te Policise se Shtetit per veprime te metejshme policore.

Ne daten 17.03.2004, me kerkesen e Prokurorise se Krimeve te Renda, është bere nje analize lidhur me veprimet qe duhet te kryhen per zbulimin e autoreve.

Nuk rezulton qe pas kesaj analize te jene bere analiza te tjera, me qellim qe te kontrollohet zbatimi i detyrave te lena, si dhe te caktohen detyra te tjera shtese ne lidhje me situaten operative konkrete.


10. Procedimi penal nr.539 viti 1999 per vrasjen e shtetasit Ervin Borova dhe plagosjen e shtetasit Ilir Bardhi.


Ne daten 27.3.1999, rreth ores 21 e 30, ne rrugen "Vaso Pasha", ne afersi te lokalit "Rovena", është vrare me arme zjarri shtetasi Ervin Borova dhe është plagosur shtetasi Ilir Bardhi.

Ne Prokurorine e Rrethit Gjyqësor Tirane është regjistruar procedimi penal nr.539, ne daten 1.4.1999.

Procedimi penal është pezulluar per moszbulimin e autorit dhe i është derguar strukturave te Policise Kriminale te Drejtorise te Policise se Qarkut Tirane per kryerjen e veprimeve te metejshme per zbulimin e autorit.

Nuk rezulton asnje analize e bere nga Prokuroria e Rrethit Gjyqësor Tirane me strukturat e policise se Drejtorise te Policise te Qarkut Tirane per kryerjen e veprimeve te mundshme dhe te nevojeshme per zbulimin e autorit.


11. Procedimi penal nr.530 viti 2000 per vrasjen e shtetasve Shpetim Sulaj dhe Agim Rokaj.


Ne dt.7.4.2000, rreth ores 22 e 30, te pallatet "1 Maji", perballe lokalit "Olimp", jane vrare me arme zjarri shtetasit Shpetim Sulaj dhe Agim Rrokaj dhe janë plagosur shtetasit Bledar Imami e Skerdi Dafa.

Pas kryerjes se veprimeve te para hetimore, ne daten 17.08.2001 është vendosur pezullimi i hetimeve per këtë procedim penal, duke ia kaluar strukturave te Policise Kriminale te Drejtorise se Policise se Qarkut Tirane per zbulimin e autoreve.

Strukturat e Policise Kriminale te Drejtorise se Policise se Qarkut Tirane, nisur nga provat e gjetura ne vendngjarje, si dhe nga rrethanat e mevonshme te ndodhjes se disa ngjarjeve kriminale, i kane kerkuar Prokurorise së Krimeve te Renda rifillimin e hetimeve per këtë procedim penal.

Prokuroria e Krimeve te Renda, ne daten 11.2.2004, ka kthyer pergjigje strukturave te policise se nuk rezulton ndonje fakt i ri, i cili veças ose se bashku me aktet e vlerësuara me pare , te sjelle te dhena apo prova per autorin konkret.

Ne këtë menyre, veprimet per këtë procedim penal ndiqen nga strukturat e Policise Kriminale pa u bere me pas ndonje analize konkrete per ecurine e veprimeve per zbulimin e autoreve.


12. Procedimi penal per vrasjen e shtetasit Elton Zaimi.


Ne Tirane, daten 14.12.1999, rreth ores 18, ne rrugen "Frosina Plaku", është vrare me arme zjarri shtetasi Elton Zaimi, mundes ne klubin "Partizani".

Pas kryerjes se veprimeve te para hetimore kjo çeshtje është pezulluar, duke ia kaluar per zbulim autori strukturave te Policise Kriminale te Drejtorise te Policise te Qarkut Tirane.

Nuk rezulton qe Prokuroria e Rrethit Tirane te këtë bere analize per këtë procedim penal te pezulluar.


13. Procedimi penal nr.726 viti 1999 per vrasjen e shtetasit Ergys Borova.


Ne Tirane, date 4.5.1999, rreth ores 21 e 45, ne rrugen " Besim Imami", është vrare me arme zjarri shtetasi Ergys Borova.

Hetimet paraprake per këtë procedim penal jane pezulluar, duke ia kaluar per zbulim autori strukturave te policise se Drejtorise te Policise te Qarkut Tirane.

Rezulton se nuk është kryer analize nga prokuroria me strukturat e Policise Kriminale per zbulimin e autorit.


14. Procedimi penal nr.932 vitit 2002 dhe nr.607 viti 2001 per humbjen e shtetasit Bardhyl Musaj.


Ne daten 13.4.2001, ka humbur shtetasi Bardhyl Musaj. Në këtë date rezulton se ky shtetas ka ardhur ne Tirane per te takuar avokatin dhe nuk është kthyer me ne Elbasan.

Jane dy procedime penale te regjistruar per këtë ngjarje. Pas veprimeve te para hetimore, kjo çështje penale është pezulluar.

Rezulton se është bere nje analize ne Prokurorine e Pergjitheshme per zbardhjen e ngjarjes dhe zbulimin e autoreve, por nuk rezulton te jene ndjekur me tej zbatimi i detyrave te lena dhe te evidentohen detyrat qe duhet te kryhen ne te ardhmen.


15. Procedimi penal per vrasjen e shtetasit Xhevahir Malaj.


Ne daten 4.3.2002, është bere kallezim ne Komisariatin e Policise nr.3 Tirane, sepse shtetasi Xhevahir Malaj nuk ka shkuar ne banese. Këtë dite ky shtetas ka pasur 40 milione leke pasi punonte si kambist.

Ne daten 11.3.2002, rreth ores 11.30, kufoma e shtetasit Xhevahir Malaj, është gjetur ne tunelin 2 Tufine ne "Uzinen e Tankeve". Rezulton se shtetasi Xhevahir Malaj ishte keqtrajtuar, goditur me nje plumb ne pjesen e kokes dhe kishte disa dite i braktisur.

Pas veprimeve te para hetimore procedimi penal është pezulluar, duke ia kaluar strukturave te Policise Kriminale ne Drejtorine e Policise se Qarkut Tirane per zbulimin e autorëve.

Nuk rezulton te jete bere ndonje analize konkrete per zbardhjen e çeshtjes.


16. Procedimi penal nr.25/1 i vitit 2004 per vrasjen e shtetasve Santiliano Elezi dhe Fatmir Hodo.


Prokuroria e Rrethit Gjyqësor Tirane ka regjistruar procedimin penal nr.1969, ne daten 24.12.1999, pasi ne daten 23.12.1999, jane vrare me arme zjarri shtetasit Santiliano Elezi dhe Fatmir Hodo, si dhe është tentuar per te vrare shtetasit Andi Hasani, Gerti Xhanai, Edmond Karanxha e Dorina Beja, ngjarje e ndodhur ne lagjen nr.26, rruga "Abdyl Frasheri", perballe Ambasades Kroate.

Ky procedim penal është pezulluar ne daten 19.12.2000 dhe i është kaluar per veprime te metejshme strukturave te Policise Kriminale te Drejtorise se Policise te Qarkut Tirane.

Ne daten 27.1.2004, Prokuroria e Krimeve te Renda ka regjistruar procedimin penal nr.25 vitit 2004, per shkak te kompetences lendore. Kjo prokurori, ka regjistruar dhe dy ngjarje te tjera te renda, sic është vrasja e shtetasit Alban Cela ne daten 21.6.2000 dhe vrasja e shtetasve Andi Hasani, Sokol Alushi, Gazmend Zeneli në daten 11.01.2000

Ne daten 29.7.2004, është bere pezullimi i procedimit penal nr.25 viti 2004 dhe është regjistruar me numrin 25/1 viti 2004.

Aktualisht, per këtë procedim penal te pezulluar, perveç analizave brenda strukturave te policise, nuk rezulton te jete bere ndonje analize nga Prokuroria per te dhene detyra konkrete per zbulimin e autoreve.


17. Procedimi penal nr.18 viti 2004 per tentativen e vrasjes se oficerit te policise Bardhyl Zeqo.


Ne Tirane, date 11.10.2004, ora 17 e 30, rruga " Shemsi Haka", oficeri i policise Bardhyl Zeqo ka shkuar per te marre automjetin e tij te parkuar ne garazhin i cili ndodhej ne oborrin e baneses. Ne momentin kur ka hapur deren e automjetit, ka ndodhur nje shperthim eksplozivi e per pasoje është plagosur rende oficeri i policise Bardhyl Zeqo.

Pas veprimeve hetimore te para,rezulton se procedimi penal është pezulluar, duke ia kaluar strukturave te Policise Kriminale per zbulimin e autoreve.

Nuk rezulton te jete bere analize nga prokuroria me strukturat e Policise Kriminale per te percaktuar detyrat qe duhet te kryhen per zbulimin e autoreve.


18. Procedimi penal nr.341 viti 2002 per vrasjen e shtetasit Kleanthi Koci.


Ne Tirane,date 21.2.1999, rreth ores 23, prane baneses se tij ne rrugen "Urani Pano", prane nje lokali, është qelluar disa here me arme zjarri, nga nje person i paidentifikuar, shtetasi Kleanthi Koci.

Jane kryer shume veprime nga Policia Gjyqësore dhe perfundimisht, ne daten 20.10.2000, Prokuroria e Rrethit Gjyqësor Tirane ka pezulluar procedimin penal, duke ia kaluar çështjen Policise Kriminale per kryerjen e veprimeve te metejshme.

Ne daten 29.9.2004 kanë rifilluar hetimet, por përseri nuk ka rezultuar asgje ne lidhje me zbulimin e autoreve.

Ne daten 05.4.2005 procedimi penal është pezulluar përseri.

Është bere nje analize ne Prokurorine e Pergjithshme dhe disa analiza me Prokurorine e Rrethit Tirane, por nuk jane ndjekur detyra e veprime konkrete qe duhej te kryeshin nga Policia Gjyqësore.


19. Procedimi penal nr.2171 vitit 1998 per vrasjen e shtetasit Ahmet Krasniqi.


Ne Tirane, date 21.09.1998, rreth ores 23.30, nga 2 persona te paidentifikuar, është qelluar 3 here me arme zjarri, pistolete, ne koke shtetasi Ahmet Krasniqi, duke sjelle si pasoje vdekjen e menjehershme te tij. Autoret jane larguar duke hedhur armen ne nje nga tarracat e banesave perreth. Ne momentin e vrasjes, Ahmet Krasniqi, ka qene ne detyren e Ministrit te Mbrojtjes te Qeverise te Kosoves.

Ky procedim penal është pezulluar ne daten 24.12.1998.

Ne daten 25.5.1999, me shkresen nr.225/22 prot. Prokuroria e Pergjithshme ka kerkuar dosjen per nevoja studimi dhe nuk ka dhene detyra konkrete per hetimin e procedimit penal.

Ne organin e prokurorise nuk rezulton te jene bere analiza te perbashketa me strukturat e Policise Gjyqësore per zbulimin e autoreve.


21. Procedimi penal nr.444 viti 2004 per vrasjen te mbetur ne tentative per shtetasin Ylli Pango.


Ne Tirane, date 6.3.2003, ora 8.00, ne momentin qe shtetasi Ylli Pango, ne banesen e tij, ka ngritur qepenin e garazhit te makines, është goditur nga shperthimi i nje granate te vendosur poshte qepenit ne formen e kurthit. Nga ky shperthim, shtetasi Ylli Pango ka marre demtime te renda.

Jane kryer veprimet e para hetimore dhe procedimi penal është pezulluar per moszbulim te autoreve, duke ia kaluar per ndjekje te metejshme strukturave te Policise Kriminale te Drejtorise se Policise te Qarkut Tirane.

Nuk rezulton te jete bere analize nen drejtimin e organit te prokurorise me Policine Kriminale lidhur me zbardhjen e çeshtjes dhe zbulimin e autoreve.


22. Procedimi penal nr.48 vitit 2001 per aksidentin rrugor me pasoje vdekje ne Shkallnuer te rrethit Durres.


Me daten 05.2.2001, Prokuroria e Rrethit Gjyqësor Durres ka filluar procedimin penal nr.48 per shkelje te rregullave te qarkullimit rrugor parashikuar nga neni 290/1 KP.

Nga hetimet ka rezultuar se ne daten 03.2.2001, rreth ores 19.00, nje automjet i paidentifikuar, i cili levizte ne drejtimin Durres ( Plepa ) per ne Tirane, rreth 1 km larg nga kryqezimi i Plepave, ne afersi te fshatit Shkallnuer, prane ish-karburantit te shtetasve Luan e Sokol Zoto, ka goditur shtetasin Petrit Islamaj, rreth 70 vjeç, banor i fshatit Shkallnuer, Durres. Shtetasi Petrit Islamaj, levizte ne te njejtin kah te rruges, ne drejtim te kundert me levizjen e automjetetit. Ai është derguar ne gjendje kome ne siptal nga familjaret e tij, ku me pas ka gjetur vdekjen si rezultat i demtimeve te marra gjate goditjes se automjetit.

Pas kryerjes se veprimeve te para hetimore, ne daten 25.7.2001, procedimi penal është pezulluar.

Ne daten 12.11.2004, Prokuroria e Pergjitheshme, ka vendosur rifillimin e hetimeve per këtë procedim penal, pasi ne dt.8.11.2004, ne seancen plenare te Kuvendit se Republikes te Shqiperise, deputeti Nikolle Lesi, ka lexuar transkriptimin e nje bisede te pergjuar, ne te cilen permenden rrethana e fakte per aksidentin e dates 03.02.2001.

Mbi bazen e ketyre te dhenave, është regjistruar procedimi penal nr.2 dt.10.11.2004.

Jane kryer disa veprime hetimore, sic ka qene pyetja e shume shtetasve qe kane dijeni per rrethanat e hetimit, si dhe është kryer ekspertimi autoteknik i nje automjeti.

Ne daten 24.03.2005 procedimi penal është pezulluar.

Nuk rezulton ndonje analize nga prokuroria me strukturat e Policise Kriminale lidhur me zbulimin e autoreve.


23. Procedimi penal nr.14 vitit 2004 per ngjarjen e dates 09.01.2004 ne rrethin e Vlores ku kane gjetur vdekjen 20 persona.


Rezulton se ne daten 09.1.2004, rreth ores 18, nga nengrupi i GOS-it Dhermi, nepermjet radarit, është konstatuar nje objekt lundrues qe levizte ne drejtim te Karaburunit, rreth 3 milje ne thellesi te bregut.

Është njoftuar Salla Operative e Drejtorisë së Policise Vlore per sa është konstatuar. Është nxjerre nje gomone e Policise Kufitare dhe nje motovedete e Guardia di Finanza , te cilat, pasi kane shkuar deri ne mexokanal, jane kthyer per shkak te dallgeve te forta dhe te larta.

Nga komandanti i nengrupit GOS Dhermi, është ushtruar kontroll ne Dhrale, ku jane konstatuar nje makine Peugeot me targa italiane dhe disa bidona bosh qe kishin pasur karburant.

Te nesermen, rreth ores 9.00, helikopteri konstatoi nje gomone me njerez rreth 5 milje larg bregdetit, ne te cilen u gjenden 11 persona te mbijetuar dhe 20 viktima.

Nga puna e Policise Gjyqësore, ne momentet e hetimeve paraprake, jane arrestuar disa shtetas si organizatore dhe mbështëtes te trafikut te qenieve njerezore dhe te dhenies ndihme per kalim te paligjshem te kufirit.

Është perfunduar gjykimi i disa shtetasve me banim ne Vlore e Shkoder, te cilët kane organizuar e drejtuar këtë kalim te paligjshem te kufirit nga viktimat e personat e mbijetuar.

Per shkak te moshetimit te plote te çeshtjes ne vitin 2004, Prokuroria e Rrethit Gjyqësor Vlore ka rifilluar hetimet per procedimin penal lidhur me veprimet e ushtrise dhe te policise daten e ngjarjes.

Hetimet vazhdojne.


24. Procedimi penal nr.693 vitit 2004 Vrasja e shtetasit Dritan Veseli


Ne Vlore, në date 14.9.2004, ora 20.35, ne vendin e quajtur lagja "10 Korriku", ne afersi te Drejtorise Rajonale te Rruga-Ura , te lokali i Ilirjan Veizit, është vrare me arme zjarri shtetasi Dritan Veseli.

Per moszbulim te autoreve, procedimi penal është pezulluar ne daten 10.4.2005.

Jane bere analiza te perbashketa me prokurorine, por ngjarja nuk është zbardhur ende.


KONKLUZIONE


a- mbi faktet e mesiperme

Rezulton se te gjitha procedimet penale te permendura jane per vepra penale te renda si vrasje, rrembime personi, vrasje te mbetur ne tentative, etj.

Per hetimin e ketyre veprave penale,prokurorite e rretheve gjyqësore kane detyren paresore per te kryer hetimet dhe per te ushtruar kontroll per te gjitha veprimet e kryera nga Policia Gjyqësore.

Ne zbatim te situates se paraqitur nga statistikat per procedimet penale te pezulluara, Prokurori i Pergjithshem duhet te kishte nxjerre urdhra dhe udhezime efikase, konkrete dhe te qarta per te evidentuar rastet e procedimeve penale te pezulluara, shkaqet e pezullimit dhe gjendjen aktuale të veprimeve me to nga Policia Gjyqësore. Kjo vetem per shkakun dhe arsyen e thjështë se Prokurori i Pergjithshem është autoriteti me i larte qe ka pergjegjesi ligjore kushtetuese per ushtrimin e ndjekjes penale ne Republiken e Shqiperise. Ai mund dhe duhet te urdheroje ne cdo rast kryerjen e detyrave konkrete dhe te veprimeve hetimore dhe ne asnje menyre nuk mund te pretendoje se per rastet e procedimeve penale te pezulluara nuk ka asnje pergjegjesi autoriteti i tij ose ne pergjithesi prokuroria, pasi per zbardhjen e ketyre procedimeve penale tashme pergjigjet Policia e Shtetit per zbulimin e autorit.

Ky është nje qendrim ne kundershtim me ligjin nga ana e Prokurorit te Pergjithshem, çka e vendos ate ne nje pozite, ku ne menyre te rende dhe te përseritur shkel ligjin gjate ushtrimit te funksioneve te tij.

Nga vete Prokurori i Pergjithshem, ne qarkoren me nr.1345/1 prot.dt.16.5.2005 "Mbi procedimet penale te pezulluara ne periudhen janar 1999-dhjetor 2004" është pranuar se jane 11.794 procedime penale te pezulluara ose 21.4 % te të gjithe numurit te procedimeve penale. Per këtë shkak, Prokurori i Pergjithshem, ka kerkuar qe drejtuesit e prokurorive te shkalleve te para, te evidentojne sipas viteve gjendjen e procedimeve penale te pezulluara per mosnjohje te autorit, ne menyre te veçante per krimet e renda dhe per te kerkuar e organizuar analiza te perbashketa ne te gjitha nivelete me sherbimet e Policise se Shtetit.

Nuk rezulton qe kjo leter-porosi te këtë gjetur zbatim nga drejtuesit e prokurorive ne rrethe gjyqësore, pasi sic permendem dhe evidentuam ne rastet e mesiperme te procedimeve penale te pezulluara, vetem ne Prokurorine e Rrethit Gjyqësore Tirane, ku ishin kryer regjistrimet per pjesen derrmuese të krimeve te renda, vetem ne dy raste jane bere analiza nga prokuroria me sherbimet e Policise Gjyqësore qe punojne per zbulimin e veprave penale.

Nuk rezulton qe Prokurori i Pergjithshem te këtë kerkuar si është zbatuar kjo leter-porosi e tij dhe per ata qe nuk zbatuar udhezimet te merren masa disiplinore.

Perfundimisht, leter-porosia e mesiperme ka mbetur vetem ne kuadrin e nje studimi te kriminalitetit pa i dhene zgjidhje problemit kryesor qe ngrihet perpara organit te ndjekjes penale: - çfare duhet bere per zbulimin e ketyre veprave penale te renda, ne menyre qe autoret e tyre te vihen perpara drejtesise dhe situata kriminale ne rrethin e Tiranes te normalizohet.

Zbulimi i disa ngjarjeve te renda me viktima nga radhet e biznesit, jo vetem qe do te jepte zgjidhje kerkesave te perfaqësuesve te biznesit per mbrojtjen nga shteti, por dhe do te ishte nje garanci absolute per këtë kategori personash per krijimin e kushteve te zhvillimit te aktivitetit te tyre ne fusha te ndryshme te ekonomise private.

Veprimtaria e Prokurorit te Pergjithshem ne permbushje te detyres kushtetuese është sa ne rrafshin e nxjerrjes se akteve normative ne zbatim te ligjit, por dhe ne sigurimin e vazhdueshem te plotesimit te tyre .

Ne asnje rast nuk rezulton qe Zyra e Prokurorit te Pergjithshem në drejtimin e tij te këtë marre ne analize situaten kriminale ne nje rreth me probleme ne drejtim te kriminalitetit, duke evidentuar:

- shkaqet e moszbulimit te veprave penale te renda.

- personat pergjegjes ne radhet e prokurorise dhe te Policisë Gjyqësore, te cilët nuk kane permbushur detyrat sipas Kodit te Procedures Penale dhe ne baze te ligjeve organike per organizimin dhe funksionimin e Policisë Gjyqësore dhe te Prokurorise ne Republiken e Shqiperise te kerkonte marrjen e masave disiplinore ndaj tyre.

- Ne aktet e derguara per administrim provash ne Komisionin Hetimor nuk rezulton te këtë materiale me këtë permbajtje.

- Kryerja e analizave vjetore dhe e inspektimeve te Zyres se Prokurorit te Pergjithshem ne prokurorite e rretheve gjyqësore nuk mund dhe nuk është analize konkrete e kriminalitetit e aq me teper per moszbulimin e veprava penale te renda.

- Ky qendrim apatik, krejtesisht i papergjegjshem i Prokurorit te Pergjithshem pasqyrohet ne moszbulimin e veprave penale te renda te kryera ne rrethin e Tiranes. Tentativat e herepashereshme te tij qe te beje pergjegjes per këtë situate sherbimet e Policisë Gjyqësore jane krejtesisht te paperligjura dhe vijnë nga mosnjohja e moskuptimi i pozites se tij si autoriteti i vetem ligjor i ngarkuar me detyren per ushtrimin e ndjekjes penale ne Republiken e Shqiperise, ku permbidhen edhe hetimi paraprak dhe ai policor per zbulimin e autoreve te veprave penale. Mosnjohja e detyres primare te Prokurorit te Pergjithshem per ushtrimin e ndjekjes penale duke konsideruar te tille vetem periudhen kur procedimi penal është ne prokurori, i ka sjellë dem politikes shteterore per luften kunder krimit si dhe nje gjendje te tille te renduar te moszbulimit te kriminalitetit dhe te mosvenies perpara pergjegjesise penale te autoreve te veprave penale.


Përfundimisht

Prokurori i Pergjithshem ka shkelur:

" Nenin 148 te Kushtetutes se Republikes te Shqiperise, sipas te cilit "prokuroria ushtron ndjekjen penale, si dhe perfaqeson akuzen ne emer te shtetit",

" Nenin 24 te Kodit te Procedures Penale, sipas te cilit "prokurori me i larte ka te drejte te vendose ndryshimin ose shfuqizimin e vendimeve te marra nga prokurori me i ulet me ankim ose kryesisht",

" Nenin 277 te Kodit te Procedures Penale, sipas te cilit "prokurori dhe Policia Gjyqësore zhvillojne brenda kompetencave te caktuara, hetimet e nevojshme qe lidhen me ushtrimin e ndjekjes penale. Prokurori drejton hetimet dhe ka ne dispozicion Policine Gjyqesore",

" Nenin 304 te Kodit te Procedures Penale, sipas te cilit "prokurori drejton veprimtarine hetimore dhe kryen vete cdo veprim hetimor qe e çmon te nevojshem",

" Nenin 305 te Kodit te Procedures Penale, sipas te cilit "Prokurori i Pergjithshem, me ankesen e te pandehurit, te demtuarit ose edhe kryesisht, urdheron, me vendim te arsyetuar, marrjen persiper te hetimeve, ne qofte se prokurori i rrethit nuk e ushtron penale ose nuk e pushon ate ne afatin e caktuar",

" Nenin 2 te ligjit nr .8737, date 12.2.2001 "Per organizimin dhe funksionimin e prokurorise ne Republiken e Shqiperise", sipas te cilit "prokuroria ushtron ndjekjen penale dhe perfaqeson akuzen ne emer te shtetit ne gjyq, merr masa dhe mbikëqyr ekzekutimin e vendimeve penale, si dhe kryen detyra te tjera te parashikuara me ligj",

" Nenin 4 te ligjit nr .8737, date 12.2.2001 "Per organizimin dhe funksionimin e prokurorise ne Republiken e Shqiperise", sipas te cilit "urdhrat dhe udhezimet e prokurorit me te larte jepen me shkrim dhe jane te detyrueshme per prokurorin me te ulet. Prokuroret marrin masa per ushtrimin e ndjekjes penale...",

" Nenin 8 te ligjit nr.8737, date 12.2.2001 "Per organizimin dhe funksionimin e Prokurorise ne Republiken e Shqiperise", sipas te cilit "Prokurori i Pergjithshem ... g) jep udhezime per punen e Policise Gjyqesore... nxjerr urdhra dhe udhezime per ushtrimin e detyrave te percaktuara nga ky ligj ose nga ligje te veçanta",

" Nenin 3 te ligjit nr. 8677, date 2.11.2000 "Per organizimin dhe funksionimin e Policise Gjyqësore", sipas te cilit "Policia Gjyqësore është subjekt i procedimit penal qe ka per detyre kryesore te marre dijeni per veprat penale, te parandaloje pasojat e metejshme per shkak te tyre, te kryeje veprime hetimore te plota e te gjithaneshme, kryesisht ose me urdherim a delegim, per zbulimin e autoreve dhe per sigurimin e provave per veprimtarine e tyre kriminale, si dhe detyra te tjera te parashikuara ne Kodin e Procedures Penale dhe ne dispozita te tjera ligjore, me qellim zbatimin e ligjit penal",

" Nenin 4 te ligjit nr. 8677, date 2.11.2000 "Per organizimin dhe funksionimin e Policise Gjyqësore", sipas te cilit "ne ushtrimin e detyrave dhe funksioneve te saj Policia Gjyqësore është ne varesi dhe drejtohet nga prokurori".

(vijon)

[Llapi]

Sollaku: Berisha njesoj si ne 1997. Votimi ne Kuvend per shkarkimin e Kryeprokurorit, Moisiu ka fjalen e fundit

Ora 08:40
Nga Rozeta Rapushi


TIRANE (21 Korrik) - Prokurori i Pergjithshem, Theodhori Sollaku ju pergjigj dje me te njejten gjuhe te ashper dhe te rende te gjitha kritikave te bera nga Kryeministri Sali Berisha dhe maxhoranca e tij. Per here te pare kryeprokurori preku aktivitetin dhe punen e qeverise, duke bere pergjegjes haptas Kryeministrin se ka lene ne gjendje te mjerueshme policine duke mos dhene fonde, s’ka hapur vende te mjaftueshme pune e s’ka permiresuar Kodin Penal. Si nje menyre per t’i kthyer reston maxhorances dhe kreut te saj, Sollaku ne fjalen e tij theksoi se Kryeministri si tani ashtu edhe vite me pare kur ishte President i vendit ne 1997-en, nuk i garantoi prone qytetareve te vet, madje ska garantuar as adrese per vete shtepine e tij. “Kryeministri nuk e di akoma e ka blere apo e ka dhurate shtepine e tij”, - ironizoi Sollaku.
“A nuk pate ju qe vete Kryeministri u ngaterrua ne plotesimin e deklarates se tij, me shumen e 21 milione lekeve qe i kishte dhene dhurate vajzes”, -akuzoi kryeprokurori. Sipas tij, ne kater vitet e punes ne krye te organit te akuzes, kane shkuar shume me teper njerez ne dyert e Drejtesise se sa ne katervjecarin e meparshem, madje edhe ne katervjecarin 92-96. “Pse jane shtuar shume me teper ata qe kane vajtur tani ne dyert e Drejtesise se me pare! Dhe jo vetem njerez te thjeshte, jo vetem kriminele te vegjel, por dhe funksionare shteterore. Po dalin gjithnje ne evidence “punet e bukura” ne lidhje me konfliktet e pronave, adresat, legalizimet, haracet e mungeses se ligjeve te sakta, ose te ligjeve qe nderrohen here pas here dhe te japin pershtypjen e thjeshte se ketu nuk ka asnje sistem referimi”, - akuzoi Sollaku.
Kryeprokurori tha se Berisha eshte i paafte te kuptoje se cfare eshte korrupsioni, sepse s’e kuptoi as ne 97 kur policet e tij shoqeronin furgonet me para te qytetareve ne banka, po kesaj radhe si prone te batakcinjve. “S’ka per te mesuar vertet se c’eshte korrupsioni, pale se cfare eshte ligji dhe c’dobi ka forcimi i tij per te penguar batakcinjte te hipin ne majat e larta per te shkaterruar pastaj gjithcka”, -tha Sollaku.
Akuzat
Nje pjese e mire e kritikave te kryeprokurorit u perqendrua ne raportin qe maxhoranca ka pergatitur per te, ku e fajeson per shkelje te ligjeve, mbyllje te 24 ceshtje penale te bujshme per vrasje e rrembime, fshehje te pasurise per te cilat kerkon shkarkimin e tij. “Lexuat akuza pa ju referuar ndonje fakti konkret, pa administruar asnje prove. Militantet me kurse 6 mujore vazhdonin te hulumtonin dhe te formulon shkresa qe komisioni i quante te verteta, pa ja nenshtruar asnje verifikimi”, - akuzoi Sollaku, duke theksuar se gjate gjithe mandatit te tij nuk ka shkelur asnje here ligjin dhe nuk ka asnje urdher per ato ceshtje qe komisioni hetimor i quajti si problematike. Sipas tij, deputetet firmosen, sepse ua kerkonte detyrimi partiak dhe ashtu te verbuar vijuan hetimin pa degjuar fare prokurorin.
“Perfundimet e shumices i kam quajtur teresisht te sajuara e te paravendosura dhe shprehje e nje “reprezalje politike”, jo vetem ndaj meje si individ, por ndaj gjithe institucionit te Prokurorise dhe me gjere”, - tha Sollaku. Sipas tij, i gjithe hetimi eshte bere ne kuader te etjes se ekzekutivit per te grumbulluar ne duart e tij pushtet te pakufizuar ne kundershtim me Kushtetuten. “Kete e tha edhe Spartak Ngjela: Keta nuk e kane hallin te luftojne krimin, duan te marrin Torren e pastaj gjithe guret e tjere”, - citoi Sollaku. Nga ana tjeter, kryeprokurori informoi edhe mbi disa prej ceshtjeve me problematike per te cilat ai eshte fajesuar ne raportin e maxhorances. Duke folur per djemte e deputetes Arta Dade dhe Gramoz Rucit, per te cilet Sollaku akuzohet se i ka mbyllur ceshtjet qellimisht, kryeprokurori tha se pozicioni i tij eshte me i larte e me i paprekshem se i cdo politikani. “Prandaj nuk kam asnje interes te bej “ndere politikaneve”, - tha Sollaku. Ai e quajti nje blof te komisionit akuzen per qindra milione fshehje te pasurise. “S’ishte vecse nje “genjeshter e rradhes”, qe e diskreditoi perfundimisht shumicen ne Komision”, - akuzoi kryeprokurori.

Votimi ne Kuvend per shkarkimin e Sollakut, Moisiu ka fjalen e fundit

Kuvendi vendos te henen per shkarkimin ose jo te Prokurorit te Pergjithshem, Theodhori Sollaku. Ashtu sic eshte parashikuar dhe ne axhenden e seancave plenare, ne 24 korrik, deputetet do te votojne raportin e maxhorances ne komisionin hetimor qe per tre muaj hetoi kryeprokurorin. Ne raport, shtate anetaret e mazhorances kerkojne heqjen e Sollakut nga kreu i organit te akuzes, me pretendimin se ne tre vite pune ai ka shkelur sistematikisht ligjet. Ne raportin mbi 100 faqe, Sollaku fajesohet per shkelje te ligjeve, mbyllje per 24 ceshtje penale te bujshme per akuza vrasjeje dhe rrembime personash, fshehje te pasurise apo mosveprim ndaj padive te KLSH-se. Pas renditjes se nje sere akuzave, ne faqen e fundit te raportit komisioni i kerkon Kuvendit qe t’i propozoje Presidentit te Republikes shkarkimin e Prokurorit te Pergjithshem, Theodhori Sollaku.
Seanca plenare e se henes do te zhvillohet me debat, ku grupet parlamentare do te kene mundesine e fjales para votimit. Debate te ashpra priten mes deputeteve jo vetem per raportin, por edhe menyren e votimit. Maxhoranca demokratike ka deklaruar se votimi do te jete i hapur me elektronike, duke qene se do te behet per raportin. Nderkohe qe opozita kembengul ne votim te fshehte me kuti, sipas marreveshjes se marsit.

(GazetaShqiptare/BalkanWeb)

[Albo]

Kryeprokurori tha në Kuvend se hetimi ndaj tij u bë që qeveria të grumbullojë në duart e saj pushtet të pakufizuar

Sollaku: Kuvendi dhe presidenti të reflektojnë për shkarkimin tim


Anila Rama

TIRANË- Kur kanë mbetur vetëm tri ditë nga seanca plenare ku do të votohet për raportin e komisionit hetimor “Sollaku”, e njëkohësisht për nisjen e proceduarve të kryeprokuprorit Theodhori Sollaku, kreu i akuzës ka folur në Parlament, duke mbrojtur veten nga gjithë sa është thënë deri tani. Në një fjalim që zgjati gati një orë, kryeprokurori Sollaku renditi para ligjvënësve shqiptarë të gjitha argumentet e tij ligjore se përse Kuvendi nuk mund të miratonte raportin e komisionit hetimor parlamentar, por edhe nëse kjo do të ndodhë, siç ka shumë gjasa, presidentit i Republikës nuk mund të firmoste shkarkimin e tij, që kishte si fillesë një nismë antikushtetuese. “Kush është vallë halli i qeverisë dhe i kreut të saj në nismën për t’i hedhur dorashkën e zezë institucionit të akuzës dhe për ta tërhequr atë në një luftë që, për muaj të tërë, kushtoi kohë dhe energji të cilat mund të shpenzoheshin për qëllime më dobiprurëse? Kësaj pyetjeje i dha përgjigje elokuente një nga përfaqësuesit më mendjehapur të popullit në këtë Kuvend, av. Spartak Ngjela, i cili tha: “Nuk e kanë hallin të luftojnë krimin, - duan të marrin Torrën, e pastaj të gjithë gurët e tjerë!” Qartësia trishtuese e këtij pohimi, mendoj se duhet të na bëjë të reflektojmë thellë, para së gjithash, juve, përfaqësuesit e sovranit dhe presidentin e Republikës, garant i institucioneve dhe simbol i unitetit të shqiptarëve”, - tha Sollaku nga podiumi parlamentar. Kryeprokurori nuk e i ka kursyer kundërpërgjigjet shpotitëse, frazat ironike për një pjesë të mirë të akuzave që kryeministri Sali Berisha apo edhe anëtarët e maxhorancës në komisionin “Sollaku”, lëshuan në drejtim të tij përgjatë këtyre muajve.
“Kushtetuta përcakton qartë vendin, rolin dhe funksionet e Prokurorisë, në raport me pushtetet e tjera të shtetit. Institucioni i akuzës është konceptuar si organ i centralizuar që funksionet e tij i përmbush në pavarësi të plotë. Në përmbajtje të kësaj logjike kushtetuese, prokurori i përgjithshëm dhe prokurorët e tjerë emërohen e shkarkohen nga presidenti i Republikës. Ky organizim nuk është rastësor. Është fakt i provuar se vendet që përqafojnë rregullat e demokracisë pas një eksperience totalitare, synojnë shpërndarjen e pushteteve, duke mos lejuar përqendrimin e tyre në një dorë të vetme, aq më pak në dorë të qeverisë. Rregullimi i funksioneve të prokurorit në sistemin tonë kushtetues synon krijimin e baraspeshës së nevojshme për të ndëshkuar krimin dhe autorët e tij, por edhe për të garantuar individët nga nismat e padrejta apo të motivuara politikisht për penalizimin e tyre. Ky rol i dyfishtë synon të mbrojë, para së gjithash, pavarësinë e pushtetit gjyqësor nga trysnia e pushteteve dhe grupeve të tjera të interesit.
Etja e ekzekutivit për të grumbulluar në duart e tij pushtet të pakufizuar, në kundërshtim me nenin 95, pika 2, të Kushtetutës dhe për ta përdorur atë për nevojat e politikës ditore të shumicës, besoj se është shkaku i vetëm i sulmeve të egra të kryeministrit, fillimisht kundër institucionit të akuzës që, më pas, u pasuan nga akuza dhe shpifje totalisht të falsifikuara dhe të papërgjegjshme kundër prokurorit të përgjithshëm e familjes së tij”, - tha Sollaku. Shefi i akuzës, duke u ndalur te çështjet e ngritura në komisionin hetimor, përmendi faktin se ai nuk ishte thirrur për të dëshmuar për pjesën më të madhe të dosjeve penale, për të cilat akuzohej se ishin mbyllur për shkak të tij apo që nuk ishin hetuar si duhet. Ai ka akuzuar si një kontigjent të prokurorisë nën akuzën për shpifje edhe kryetarin e komisionit, Astrit Patozi, që sipas tij, nuk kishte as njohuritë me elementare juridike, duke u shndërruar së bashku me komisionerët e tjerë, në qesharakë me pyetjet që u drejtonin në seancat dëgjimore dëshmitarëve.

Shekulli

[Albo]

Prokurori, opozita e duartroket, Berisha e bojkoton

TIRANË- Fjala e gjatë e mbajtur dje në Parlament nga prokurori i përgjithshëm, Theodhori Sollaku, është pritur me indiferencë të plotë nga të gjithë përfaqësuesit e maxhorancës. Mungesa e vëmendjes ndaj qëndrimit të Sollakut, vetëm pak ditë para vendimit që do të marrë Kuvendi për miratimin e raportit hetimor të komisionit parlamentar “Sollaku”, ishte mjaft e dukshme, në mungesën e të gjithë ministrave të qeverisë së koalicionit të djathtë në vendqëndrimin ku ata rrinë si zakonisht. Mungesa e ministrave ose e të paktën disa prej tyre, nuk ndodh as në seancën më të rëndomte parlamentare e jo në një seancë kur në rend dite ishte përfshirë shqyrtimi në parim i paketës fiskale, si pjesë e buxhetit suplementar të qeverisë. Në fakt, mosprania e tyre e qëllimshme gjatë fjalës së Sollakut në Kuvend, u duk më së miri, pasi menjëherë pas largimit të shefit të akuzës nga mjediset parlamentare, pjesa më e madhe e kabinetit “Berisha”, së bashku me kryeministrin Berisha, kanë mbërritur në sallën plenare. Ndërkohë, edhe kryeparlamentarja Jozefina Topalli, gjatë gjithë kohës që prokurori i përgjithshëm lexonte fjalën në podiumin parlamentar, thuajse nuk e ka pasur mendjen aspak tek ato që thoshte Sollaku, gjë që nuk ndodh në asnjë seancë të Parlamentit. Topalli në disa momente është marrë me sistemimin e tavolinës së saj, duke hequr që aty edhe letrat e tepërta, pak më vonë filloi të lexojë një material tjetër, duke u larguar më pas për disa minuta, për t’ia ia lënë drejtimin e seancës socialistit Ylli Bufi. Por edhe pjesa më e madhe e vendeve ku qëndrojnë deputetët e PD-së, thuajse ka qenë e boshatisur, dhe vetëm ndonjë deputet ka qëndruar aty të dëgjonte atë që po lexonte Sollaku. Krejt e kundërta ka ndodhur me grupet parlamentare të opozitës, sidomos me socialistët, të cilët kanë ndjekur të përqendruar fjalën e “Sollakut”, nga fillimi në fund. Madje deputetët e PS-së nuk kanë nguruar as të duartrokasin në përfundim të fjalës së tij.

Shekulli

[murik]

Perdite kur fillon te lexosh lajme nga Shqiperia do te ndeshesh ne tituj qe kane te bejne me arrestime te ndryshme,qe nga banda te rrezikshme te tipit mafioz,kriminele ordinere deri te vrases per gjak.Shprehja "largim ne drejtim te panjohur" po zhduket nga fjalori.Bile po arrestohen dhe po ekstradohen edhe nga vende te tjera ku kane qene fshehur prej vitesh.Kjo tregon se shteti ka filluar te funksionoje.Sado kritika te kemi ndaj te metave te qeverise aktuale,ne duhet te jemi objektive.Ne me pak se nje vit Shqiperia po largohet nga ai imazh i erret qe e kishte kapluar prej 8 vjetesh dhe qe erdhi kreshendo deri ne zgjedhjet e fundit.Ne c'do vend te botes partite politike premtojne,por nuk eshte e mundur qe c'do gje te realizohet 100%.Eshte e cuditshme qe Edi Rama kundershton c'do gje,dhe perserit vazhdimisht se kjo qeveri nuk po mban premtimet.Mua personalisht me duket se kjo qeveri ka mbajtur me shume premtime ne 8 muaj sesa paraardhesit e tyre ne 8 vjet.Pse c'fare mrekulishe bene ata per 8 vjete?E zgjidhen problemin e pronave,qe na e cajne si shume sot?E zgjidhen problemin e energjise?Kthyen gje paret 100% sic paten premtuar?E keshtu me rradhe i dini me mire se une.Pra me ngadale o shqiptare,lereni qeverine te punoje.
Sollaku dhe Edi Rama jane njerez qe historia do ti mbaje mend si prototipa te mashtrimit cinik ndaj popullit me te varfer ne Europe e me gjere.
Ne qofte se nuk i priten tentakulat oktapodit tani,atehere do te jete teper vone.
Gjoja se u dhimbset kushtetuta nje pjese e atyre qe jane ne opozite dhe qe jane pjese e oktapodit ,ne fakt ata po dridhen se i kane ditet e numeruara.Kjo nuk eshte hakmarrje politike,por vendosja e shtetit ligjor.
Sinqerisht populli thote"Stambolli digjet,kurva krihet"
kjo shprehje perfaqeson me se miri ata qe gjoja na tregojne shkeljen e kushtetutes,te asaj kushtetute qe vete e kane dhjere me qindra here.
Nuk ka rendesi se c'fare ideshe politike mund te kesh,rendesi ka qe shteti ligjor te vendosi themele te forta per te ardhmen,ne menyre qe cilado qeveri te jete ne pushtet te vazhdoje te ngreje me larte kete mur,dhe jo ta rrezoje pa filluar mire akoma.Une personalisht voten nuk ja jap as njeres pale as tjetres,por faktet jane fakte dhe e shoh me optimizem kete rruge qe ka nisur kjo qeveri deri tani.Kriminelet qe e kane mbajtur peng Shqiperine duhet te perfundojne ne burgje.Kur fuqia e tyre te jet dobesuar shume,atehere mund te filloni me diskutime morale si "pse nuk arrestohet Nano' etj si keto.tani per tani duhet te gezoheni sa here qe shteti godet krimin, i madh apo i vogel qofte ai.

[Brari]

tedush.. te vjen cudi ty..
por behu nja 4 minuta Njeri ..jo ai qe je deri tani..nje cop kanibal.. dhe ne kto 4 minuta behu vec 1 minut (mendo sikur je) nena apo gruaja apo i biri i Genc Sines.. dhe si do te vinte qe vrasesi i gencit te marre strehim politik ne Bruksel e bashkpuntorja e tije ne vrasje ..Imellda e Hakmarrjes dhe e art Dades..te bente ca jav burg e pastaj te shkonte tek kapo banda Altin ne Bruksel.. e Genci i pafajshem..te kalbet ne dhe.. e pastaj te shohim sa cudi do te te vinte .. per sallakun..

[King_Arthur]

ma hongri salloku mduket po ishalla ta marri me krahe te lehta ket pune