Moisiu: Nuk nënshkruaj shkarkimin e kryeprokurorit Sollaku

[Albo]

Gjyqtarja, Zengjine Sollaku tha në komisionin hetimor për Prokurorinë, se akuzat e bëra ndaj saj në çështjen “Vurvaqis”, nuk qëndrojnë

Gruaja e Sollakut sfidon komisionin

Anila Rama

TIRANË- Gjyqtarja, Zengjine Sollaku, njëkohësisht bashkëshortja e kryeprokurorit Theodhori Sollaku, ka hedhur poshtë akuzat e ngritura nga maxhoranca në komisionin hetimor, lidhur me çështjen “Vurvaqis”. Sipas saj, gjykata merret vetëm me shqyrtimin e anës formale të fakteve, e jo me tjetërsimin e pasurisë. Edhe pse pak ditë më parë, ajo i dërgoi një letër komisionit hetimor “Sollaku”, për arsyet ligjore që e detyronin të mos paraqitej për të dëshmuar, dje gjyqtarja Sollaku, ka dhënë dëshminë e saj, duke iu përgjigjur pyetjeve të deputetëve. Ajo ka pranuar se kishte ardhur për të dëshmuar, vetëm për shkak të kërcënimeve që bëri kryetari i komisionit, Astrit Patozi, për ta sjellë atë forcërisht në seancë dëgjimore. Ndërkaq, ajo nuk ka deklaruar në fjalën e saj, se nuk do t’i përgjigjej asnjë pyetjeje që lidhej me bashkëshortin e saj, pasi nuk ishte në dijeni të procedurës së hetimit, e njëkohësisht komisioni nuk i kishte ofruar paraprakisht as planin e hetimit. “Gjatë veprimtarisë sime kam zbatuar vetëm ligjin dhe kjo, ju është bërë me dije edhe nga Këshilli i Lartë i Drejtësisë nëpërmjet një letre, organ i cili kontrollon veprimtarinë e gjyqtarëve. Çështja “Vurvaqis” është si një nga çështjet e tjera. Përsa i përket shpifjeve që keni bërë për tjetërsimin, nuk është aspak e vërtetë. Gjykata sheh vetëm anën formale të akteve. Gjykata nuk merret me tjetërsimet. Vendimet i ka marrë vetë shoqëria mes ortakëve dhe këtë e verifikojnë aktet noteriale. Dhe ndaj, unë kam ardhur këtu vetëm për shpifjet që janë bërë, se detyrim ligjor nuk kam. Që kur është emëruar në postin e Prokurorit të Përgjithshëm Theodhori Sollaku, s’kam marrë pjesë në asnjë çështje penale. Erdha këtu para jush, se kërcënuat se do të më sillnit forcërisht. Jeni ju ata që se keni respektuar ligjin e ata që ju drejtojnë. Për Sollakun, nuk kam pse të përgjigjem fare, sepse nuk e di se si është procedura e hetimit dhe ju nuk më keni dhënë as planin e hetimit që të njihem me të”,- tha gjyqtarja Sollaku, dje në komision. Ndërkohë, duke iu përgjigjur pyetjeve të drejtuara nga deputetët e maxhorancës, ajo është shprehur se për çështjet penale që kishte gjykuar nuk do të jepte asnjë përgjigje, pasi ligji e ndalonte një gjë të tillë. Ajo ka mohuar të ketë kërkuar ndonjëherë ndihmën e bashkëshortit të saj, Theodhori Sollaku, për çështje që i ka pasur në gjykim gjatë kohës që ai është emëruar Prokuror i Përgjithshëm. Ndërsa lidhur me pyetjen e drejtuar nga kryetari i komisionit Patozi, nëse kishte dijeni për pasuritë e bashkëshortit të saj, ajo ka dhënë një përgjigje pohuese. “Po, sigurisht që kam, të dy i kemi”, - tha bashkëshortja e kreut të akuzës, Sollaku. Gjatë përgjigjeve të dhëna prej saj, nuk kanë munguar edhe debatet e komentet nga ana e deputetëve të komisionit. Deputeti i PD-së, Bujar Nishani, i ka kërkuar gjyqtares Sollaku, që të mos bënte deklarata kërcënuese në komision. Por i menjëhershëm ka qenë reagimi i nënkryetarit Fatmir Xhafaj, i cili kërkoi nga Nishani që ai të mos kërcënonte një femër që kishte ardhur për të dëshmuar, sipas kërkesës që i kishte bërë komisioni.

Patozi: Sollaku ka fshehur edhe një truall tjetër 267m2

TIRANË- Kryetari i komisionit hetimor “Sollaku”, Astrit Patozi, paraqiti dje në mbledhjen e radhës, një tjetër kontratë pasurie të patundshme të kryeprokurorit Theodhori Sollaku, duke e akuzuar atë se, edhe në këtë rast ka fshehur pasurinë që dispononte. Sipas dokumentit të publikuar nga Patozi, kontrata saktëson, se Sollaku është bashkëpronar i një sipërfaqeje prej 267 metra katrorë tokë truall në Golem të Kavajës, ku është duke u ndërtuar një godinë banimi disakatëshe, nga po e njëjta firmë ndërtimi “Gora Sh.P.K.”. Patozi ka deklaruar se. edhe kjo pasuri e Sollakut nuk pasqyrohet në deklaratën e tij të pasurisë, të depozituar zyrtarisht pranë Inspektoratit të Lartë të Deklarimit e Kontrollit të Pasurive. Sipas tij, vlera e padeklaruar nga kryeprokurori llogaritet në vlerën e rreth 200 milionë lekëve. “Nga fshehja e pasurisë, Sollaku i bie që të përfitojë dyfish. Përveç tre apartamenteve dhe një sasie parash të padeklaruara, tashmë me pronësinë mbi sipërfaqen prej 267 m2, Kryeprokurori i Republikës, llogaritet të ketë fshehur rreth 400 milionë lekë. 400 milionë lekë të padeklaruara, është një shifër e madhe edhe për nivelet evropiane, që të bën të mendosh se këtu bie erë e rëndë korrupsioni”,- tha Patozi gjatë leximit të dokumentit që dispononte në mbledhjen e komisionit. Ai ka siguruar për vërtetësinë e provave të paraqitura, duke theksuar se mbante përgjegjësi të plotë ligjore për ato që deklaronte. Nuk kanë munguar sërish, debatet dhe kundërshtitë nga ana e deputetëve të opozitës, të cilët janë shprehur se Prokurori i Përgjithshëm është duke u hetuar për shkeljet gjatë ushtrimit të detyrës së tij, e jo për deklaratën e pasurisë.

Laskaj: Pasuria e Sollakut, do presim dokumentet e Hipotekës

TIRANË- Kryeinspektorja e Deklarimit dhe Kontrollit të Pasurive, Fatmira Laskaj tha dje se për pasurinë e Prokurorit të Përgjithshëm, Theodhori Sollaku, institucioni që ajo drejton është në pritje të përgjigjeve të Zyrës së Regjistrimit të Pasurive të Paluajtshme. “Varet nga disponibiliteti që do të tregojë ZRPP-ja për këto dokumente”,- tha Laskaj dje. Ndërkaq, ajo do të paraqitet për të dëshmuar në komisionin hetimor “Sollaku” në 20 qershor, lidhur me gjendjen e deklaratës së pasurisë të Sollakut. Vendimi është marrë dje pas debateve të shumta në komision, me kërkesë të përfaqësuesve nga deputetët e mazhorancës, që akuzojnë Sollakun për mos pasqyrimin prej tij, në deklaratën e pasurisë, të rreth 400 milionë lekëve. Të dyja palët debatuan gjatë për thirrjen ose jo të Laskajt, ndërkohë që më parë kryekomisioneri Astrit Patozi, kishte bërë të ditur thirrjen sërish në komision të kryeprokurorit Sollaku, për të dhënë shpjegime për pasurinë e padeklaruar prej tij, në dokumentin zyrtar të ILDKP-së.

[Ozzy]

Kushtetuesja rrezon kerkesen e PS per kryeprokurorin

E Premte, 23 Qershor 2006

Gjykata Kushtetuese ka rrezuar kerkesen e deputeteve te Partise Socialiste, te cilat kishin kerkuar shqyrtim te objektit te hetimit te komisionit hetimor “Sollaku”. Kushtetuesja vleresoi se kerkesa e opozites, se objekti i hetimit ne kete komision eshte antikushtetues, nuk eshte e drejte. Socialistet ne kerkesen e tyre drejtuar Gjykates Kushtetuese, shpreheshin per pezullimin e aktivitetit te komisionit hetimor ne ngarkim te Prokurorit te Pergjithshem, Theodhori Sollaku. Por Kushtetuesja eshte shprehur se deputetet nuk legjitimohen te bejne nje kerkese te tille, pasi nuk jane subjekt ne kete konflikt. “Mbledhja e gjyqtareve konkludon se pala kerkuese nuk legjitimohet edhe ne kerkimet per interpretimin perfundimtar te nenit 7 te Kushtetutes (qe ka te beje me ndarjen dhe balancimin ndermjet pushteteve ligjvenes, ekzekutiv dhe gjyqesor) dhe te vendimit nr. 18, date 14.05.2003 te Gjykates Kushtetuese. Kjo gjykate investohet ne kete proces interpretimi vetem nga subjektet e legjitimuara, si dhe ne rastet kur eshte i pranishem juridiksioni i kesaj gjykate”, shprehet ne vendimin e saj Gjykata Kushtetuese. Keshtu vazhdon vendimi i Kushtetueses, “perderisa pala kerkuese nuk legjitimohet per te kerkuar zgjidhjen e konfliktit te kompetencave, ajo nuk legjitimohet as ne kerkimet e tjera per interpretim”. Ne kete menyre, trupi i gjyqtareve ka vendosur moskalimin ne seance plenare te kerkeses se deputeteve socialiste.

E. GJ

Korrieri

[Antimafia]

Kryeprokurori në detyrë, Dhori Sollaku, i ka kërkuar Gjykatës Kushtetuese deklarimin antikushtetues të Komisionit parlamentar, në më shumë se një muaj, pasi ai ka filluar punën. Njoftimi u bë dje publik, pas një seance dërrmuese për kryeprokurorin, i cili nuk mundi të mbrojë dot para komisionit fshjehjen e pasurisë së tij të kundërligjshme në Durrës dhe Golem, përmes një trualli të blerë po ashtu, në rrethana të dyshimta, duke përdorur pushtetin e tij. I mbetur keq mes detyrës së tij si mbrojtës i ligjit dhe shkeljes haptazi të ligjit si dhe përfitimeve të paligjshme si zyrtar i lartë i shtetit shqiptar, kryeprokurori mendon se shpëtimi i tij është Gjykata Kushtetuese. Në të vërtetë, në këtë fazë ku kanë shkuar hetimet, nuk ka më rëndësi se kush do ta shpëtojë kryeprokurorin nga shkarkimi. Tashmë, pyetja është kush do ta shpëtojë kryeprokurorin nga gjykimi. Shpresat e tij te mosshkarkimi nga Presidenti Moisiu dhe shpallja si antikushtetues e Komisionit nga Gjykata Kushtetuese, nuk u thonë asgjë shqiptarëve, pasi ata janë bindur se ky njeri me 10 mijë dollarë, për të cilat dyshoj se i ka paguar ndonjëherë, ka blerë gjashtë apartamente. Kjo i jep fund mandatit të tij si kryeprokuror dhe si një zyrtar i lartë që shqiptarët mund t`i besojnë. Pas kësaj, çështja shtrohet nëse do të mbrohet modeli i kryeprokurorit të korruptuar që shkel ligjin apo duhet të kemi një kryeprokuror së paku jo shkelës ligji dhe përfitues nga posti i tij si zyrtar.
Kërkesa e tij urgjente drejtuar Gjykatës Kushtetuese mund të ishte bërë qysh ditën e parë që u ngrit Komisioni, për më tepër që Sollaku ka aq ekspertë rrotull tij sa t`i formulojnë një kërkesë. Por, i bindur se Komisioni nuk do të shkonte deri te pronat e tij, ai mendoi se do ta dominonte politikisht betejën. Dje, ai e humbi atë. Shqiptarët u bindën se kanë në krye një kryeprokuror që ble me dhjetë mijë dollare apartamente të pafundme në bregdet dhe Tiranë. Mund të ketë dhe fakte të tjera tronditëse, të cilat duhet t`i vihen në dispozicion drejtësisë. Por, është e qartë se kryeprokurori humbi dje betejën dhe po kërkon t`i shpëtojë gjykimit si shkelës ligji.
Po le të shkojmë për një moment me logjikën e kryeprokurorit dhe të mendojmë se Presidenti Moisiu dhe Gjykata Kushtetuese edhe pas këtyre fakteve skandaloze dhe raportit që deomos do të kërkojë shkarkimin e tij, do ta mbrojnë Dhori Sollakun. A ka kush të na thotë pastaj se cili do të jetë kryeprokurori i Shqipërisë? A ka më fuqi pastaj akuza shqiptare të hetojë zyrtarët e korruptuar si hajdutë xhepash që kap Sokol Oldashi me 5 mijë euro në xhep, kur kryeprokurori me dhjetë mijë dollarë që thotë se i ka paguar më 1999, vazhdon të pjellë apartamente në çdo qytet? A ka më fuqi akuza shqiptare t`i dënojë ata që mund të korruptohen në të ardhmen, kur kreu i akuzës shqiptare është vetë një abuzues i madh me ligjin? A ka fuqi Presidenti i Republikës dhe Gjykata Kushtetuese ta lënë vendin pa kryeprokuror vetëm për fatin personal të qytetarit Dhori Sollaku?
Vështirë do ta kenë pas kësaj. Por, dhe nëse e bëjnë për shkak të ngjashmërisë në pasuritë e tyre le ta bëjnë. Qytetarët shqiptarë e kanë humbur kryeprokurorin para syve të tyre, kur panë që ai është një abuzues i madh me pushtetin. Tashmë, kanë rastin të shikojnë kë do të marrë ai me vete.

[Albo]

Mazhoranca: Ndjekje penale per Sollakun

E Merkure, 28 Qershor 2006

Ne mbledhjen e djeshme te komisionit te hetimit te kryeprokurorit, pa pranine e opozites, eshte kerkuar ndjekje penale per kreun e akuzes: “Ka komanduar ne shkelje te ligjit, 4 prokurore ne Tirane, Durres, Fier dhe Vlore. Veper penale ku denohet deri ne pese vjet me burg dhe gjobe 1 milion leke”

Prokurori i Pergjithshem, Thoedhori Sollaku, ka shkelur ligjin ne vendimet e marra prej tij ne emerimet dhe komandimet e prokuroreve dhe rrezikon burgun. Deputeti demokrat, Bujan Nishani, ka arritur ne kete perfundim, pasi ka lexuar nje relacion te pergatitur mbi disa fakte, te pretenduara prej tij ne emerimet e disa prokuroreve. Sipas Nishanit, kryeprokurori ka shperdoruar detyren duke komanduar ne shkelje te ligjit te prokuroreve ne Tirane, Durres, Fier dhe Vlore. Deputeti demokrat lexoi edhe deklaroi se kryeprokurori ka shkelur ligjet, duke konsumuar elemente te vepres penale te shperdorimit te detyres, qe parashikohet ne ligjin 248 te Kodit Penal. Sipas ketij ligji, “kryerja apo moskryerja me dashje e veprimeve a mosveprimeve ne kundershtim me ligjin, qe perben mospermbushje te rregullt te detyres nga personi qe ushtron funksione publike, kur i kane sjelle atij ose personave te tjere perfitime materiale ose jomateriale te padrejta ose kane demtuar interesat e ligjshme te shtetit, te shtetasve dhe te personave juridike, nese nuk perben veper tjeter penale, denohet me burgim nga gjashte muaj deri ne pese vjet, dhe me gjobe nga treqind mije deri ne nje milion”.

Ne konkluzionet e tij, demokrati Nishani thekson se kryeprokurori Sollaku, ne nxjerrjen e urdhrave te komandimit per prokuroret Vexhi Mucmata, Nasip Naci, Qydret Kadia e Entien Kapo, ka shkelur ligin “Per organizimin dhe funksionimin e Prokurorise ne Republiken e Shqiperise”. Sipas Nishanit, Sollaku nuk ka argumentuar shkaqet e arsyet e komandimit te prokuroreve, kerkese kjo e domosdoshme. Gjithashtu, per Nishanin, me nxjerrjen e ketyre urdhrave, kryeprokurori i ka sjell nje dem ekonomik shtetit, qe perfshin diferencen e pagave midis prokurorit te Zyres se Prokurorit te Pergjithshem, me ate te prokurorit te rrethit gjyqesor te Tiranes dhe Durresit, si dhe per sa i perket dietave te perfituara me kete rast.

E. GJENCAJ

Korrieri

[Albo]

Patozi: Per Nanon e Lesin, kryeprokurori veproi me dy kute

E Merkure, 28 Qershor 2006

Mazhoranca ka akuzuar Prokurorin e Pergjithshem, Theodhori Sollaku, se ka aplikuar dy standarde ne gjykimin e ceshtjes “Lesi”. Ne mbledhjen e djeshme te komisionit hetimor parlamentar per shkarkimin e kryeprokurorit, deputeti demokrat Prec Zogaj, ka paraqitur nje relacion mbi procedurat e ndjekura nga ana e Sollakut mbi kete ceshtje. Ne konkluzionin e tij, Zogaj shprehet se Prokurori i Pergjithshem ka aplikuar ligjin me dy standarde ne rastin e kerkeses nga ana e organit te akuzes, per heqjen e imunitetit te deputetit te opozites, Nikolle Lesi, ne shkurt 2005. Ne relacionin e tij per kete ceshtje sot ne komisionin hetimor, deputeti Zogaj u shpreh se ne kerkesen e Prokurorise per heqjen e imunitetit te deputetit Lesi, bie ne sy dinamika e shkeljeve te Kodit te Procedures Penale dhe te nje hetimi te paligjshem ndaj ketij deputeti. “Nga shqyrtimi i dokumentacionit qe i kemi bere dosjes, ka pasur dy padi: Njera eshte depozituar nga vete deputeti Lesi kunder ish-kryeministrit Fatos Nano dhe bashkebiseduesit te tij Fehmi Abdiu, lidhur me biseden e transkriptuar, dhe po ashtu kemi dhe nje kunderpergjigje nga zoti Nano per zotin Lesi, me akuzen per shpifje. Pas evidentimit te te gjithe bazes ligjore dhe momenteve me domethenese, konstatuam se zyra e Prokurorit te Pergjithshem ka zhvilluar hetim te paligjshem, pa marre leje per heqje imuniteti qofte ndaj zotit Nano, qofte ndaj deputetit Lesi”, deklaroi Zogaj. Nga ana e tij, kryekomisioneri Astrit Patozi, u shpreh se Sollaku ne kete ceshtje “ndryshe e lexoi ligjin per ish-kryeministrin Fatos Nano, dhe ndryshe per deputetin Nikolle Lesi”.

Korrieri

[Albo]

Prokurori i ceshtjes fajeson Sollakun ne komision

E Marte, 27 Qershor 2006

Prokurori i dosjes “Gjermeni”, Sulejman Tola, ka bere pergjegjes Prokurorine e Pergjithshme dhe kryetarin e saj, Theodhori Sollaku, per mbylljen e kesaj dosjeje. Ne mbledhjen e djeshme te komisionit hetimor parlamentar “Sollaku”, eshte degjuar prokurori Tola, i cili u shpreh se dosja e gjyqtarit Artan Gjermeni u mbyll pas nje urdhri te Prokurorise se Pergjithshme, pa u hetuar plotesisht. Ne deshmine para komisionereve, ai u shpreh se gjate diskutimeve me kolege te tij mbi kete dosje, ata u penguan. Prokurori i ceshtjes beri te ditur, se ne daten 26 mars 2006, vetem pak ore para fillimit te mbledhjes se Keshillit te Larte te Drejtesise, ku Gjermeni do te zgjidhej anetar i saj, Tola u thirr ne mbremje ne Prokurorine e Pergjithshme, ku iu urdherua mbyllja e dosjes ne nje kohe shume te shkurter. “Ata u penguan nga dikush, biseduan me qendren e tyre ne telefon dhe nuk u lejua te behej inspektimi. Gjate kohes se qendrimit ne Kavaje, mesova se ajo dosje, ne daten 13 mars kishte qene ne Prokurorine e Pergjithshme per analiza, per diskutim dhe aty ishte dhene kjo porosi”, deklaroi ai. Tola, njekohesisht zevendesprokuror i rrethit te Kavajes, ishte thirrur ne komisionin hetimor per te deshmuar rreth arsyeve qe cuan ne mbylljen e dosjes “Gjermeni” nga ana e organit te akuzes. Nderkohe, i pyetur nga kryetari i komisionit, demokrati Astrit Patozi, per emrin e personit qe urdheroi mbylljen e dosjes, prokurori Tola nuk dha emra, duke u pergjigjur se “ai ishte nje nga perfaqesuesit e Prokurorise se Pergjithshme, qe ashtu si dhe une, ishte i angazhuar per ceshtjen ‘Gjermeni’”. Mbledhja e djeshme e komisionit u zhvillua pa pranine e opozites.

Korrieri

[Albo]

Shkarkimi i kryeprokurorit, te henen ne Parlament

E Marte, 04 Korrik 2006
Kuvendi ka vendosur qe raporti perfundimtar i komisionit hetimor parlamentar per Prokurorin e Pergjithshem, Theodhori Sollaku, te lexohet ne seancen plenare te henen e ardhshme. Kryetarja e Kuvendit, Jozefina Topalli, ka bere me dije se ne fillim te javes se ardhshme, do te degjohet raporti, ndersa seanca kur do te debatohet dhe me pas do te votohet ky raport, do te caktohet ne nje mbledhje tjeter te Konferences se Kryetareve. Sipas Topallit, rregullorja e thote qarte, se raporti lexohet ne Kuvend brenda shtate diteve pas miratimit te tij ne komision dhe se seanca e debatit dhe e votimit zhvillohet brenda 20 diteve nga paraqitja e tij ne seance plenare. Por kreu u grupit parlamentar socialist, Pandeli Majko, ka kerkuar te dije nga kryeparlamentarja Topalli, nese ne tavolinen e saj te punes ka mberritur raporti perfundimtar i komisionit. Por kryetarja e Kuvendit ka sqaruar se dje, eshte mbyllur procesi i mbledhjeve te provave dhe depozitimit te tyre, ndersa diten e sotme do te miratohet raporti dhe do te behet depozitimi i tij. “Nuk ka raport te depozituar ne Kuvend. Ju po vraponi shume me kete ceshtje. Ky komision e dime qe u ngrit per te vertetuar akuzat e kryeministrit Sali Berisha, kunder kryeprokurorit Sollaku. Kjo eshte nje situate e paprecedente. Eshte nje vendim qe eshte marre ne zyren tuaj, kur i kerkuat doreheqjen Prokurorit te Pergjithshem, dhe po ne zyren tuaj do te mbaroje”, ka deklaruar Majko, duke iu drejtuar kryeparlamentares. Topalli ka nenvizuar se ajo do te ndjeke procedurat e percaktuara ne ligj dhe rregullore. E.GJ

[Albo]

Shkarkimi i kryeprokurorit, te henen ne Parlament

E Marte, 04 Korrik 2006

Kuvendi ka vendosur qe raporti perfundimtar i komisionit hetimor parlamentar per Prokurorin e Pergjithshem, Theodhori Sollaku, te lexohet ne seancen plenare te henen e ardhshme. Kryetarja e Kuvendit, Jozefina Topalli, ka bere me dije se ne fillim te javes se ardhshme, do te degjohet raporti, ndersa seanca kur do te debatohet dhe me pas do te votohet ky raport, do te caktohet ne nje mbledhje tjeter te Konferences se Kryetareve. Sipas Topallit, rregullorja e thote qarte, se raporti lexohet ne Kuvend brenda shtate diteve pas miratimit te tij ne komision dhe se seanca e debatit dhe e votimit zhvillohet brenda 20 diteve nga paraqitja e tij ne seance plenare. Por kreu u grupit parlamentar socialist, Pandeli Majko, ka kerkuar te dije nga kryeparlamentarja Topalli, nese ne tavolinen e saj te punes ka mberritur raporti perfundimtar i komisionit. Por kryetarja e Kuvendit ka sqaruar se dje, eshte mbyllur procesi i mbledhjeve te provave dhe depozitimit te tyre, ndersa diten e sotme do te miratohet raporti dhe do te behet depozitimi i tij. “Nuk ka raport te depozituar ne Kuvend. Ju po vraponi shume me kete ceshtje. Ky komision e dime qe u ngrit per te vertetuar akuzat e kryeministrit Sali Berisha, kunder kryeprokurorit Sollaku. Kjo eshte nje situate e paprecedente. Eshte nje vendim qe eshte marre ne zyren tuaj, kur i kerkuat doreheqjen Prokurorit te Pergjithshem, dhe po ne zyren tuaj do te mbaroje”, ka deklaruar Majko, duke iu drejtuar kryeparlamentares. Topalli ka nenvizuar se ajo do te ndjeke procedurat e percaktuara ne ligj dhe rregullore. E.GJ

Korrieri

[Teddy]

maxhoranca kerkon shkarkimin e sollakut?...cudi...nuk do ta kisha imagjinuar dot kurre

[Albo]

Të gjitha faktet që anëtarët e maxhorancës në komisionin “Sollaku”, grumbulluan gjatë hetimit dymujor, do të depozitohen në Prokurorinë e Përgjithshme

“Sollaku”, shtohet edhe ndjekja penale

Përveç shkarkimit, në raportimin përfundimtar, është shtuar edhe ndjekja penale

Anila Rama

TIRANE - Të gjitha faktet që anëtarët e maxhorancës në komisionin “Sollaku”, grumbulluan gjatë hetimit dymujor, do të depozitohen në Prokurorinë e Përgjithshme, duke kërkuar ndjekje penale për kryeprokurorin Theodhori Sollaku. Ndërsa në konkluzionet e raportit hetimor të shpërndara disa ditë më parë parashtrohej si kërkesë finale e anëtarëve të shumicës së djathtë, ndaj Kuvendit, shkarkimi i Sollakut nga detyra, si pasojë e shkeljeve të rënda nga ana e tij gjatë ushtrimit të detyrës, në raportin përfundimtar është shtuar edhe një kërkesë tjetër. Kështu, të djathtët, nuk mjaftohen me faktin që së bashku me votimin e raportit, Parlamenti do të votojë edhe për nisjen e procedurave për shkarkimin e Sollakut, por ata do të kërkojnë njëkohësisht edhe ndjekje penale për kreun e akuzës. “Në zbatim të nenit 22, të ligjit 8 891, datë 02.05.2002 “Për organizimin dhe funksionimin e komisioneve hetimore të Kuvendit”, të depozitojë raportin së bashku me provat e siguruara pranë Prokurorisë së Përgjithshme, me kërkesën për fillimin e ndjekjes penale për të gjitha veprat penale për të cilat raporti dhe provat përmbajnë indicie të mjaftueshme”, - thuhet në kërkesën e shtuar të maxhorancës në komisionin “Sollaku”. Kështu, në bazë të këtij formulimi, Prokuroria e Përgjithshme do të duhet të fillojë një çështje penale për titullarin që po e drejton atë prej më tepër se 4 vitesh. Gjithsesi, ajo që është paksa e dyshimtë në këtë kërkesë të anëtarëve të shumicës lidhet me faktin se pse u shtua në raportin përfundimtar, ndërsa në konkluzionet që u shpërndanë për mediat ditën e mbylljes së hetimeve, nuk thuhej asnjë fjalë se do të kërkohej ndjekje penale për kryeprokurorin “Sollaku”. Vetëm gjatë konkluzioneve të një prej çështjeve të hetuara, asaj që lidhej me komandimet e 4 prokurorëve të ndryshme në periudha kohore që dilnin jashtë afateve ligjore, është përmendur fakti që prokurori i përgjithshëm ka konsumuar veprën penale të shpërdorimit të detyrës. Por as nga kryetari i komisionit, Astrit Patozi, as nga relatori i çështjes në fjalë, nuk është thënë se do të kërkohet ndjekje penale për shefin e institucionit qendror të akuzës. Raporti prej 110 faqesh do të lexohet ditën e hënë në seancë plenare, ashtu siç është vendosur gjatë miratimit të kalendarit 3-javor të punimeve. Në të janë përfshirë provat dhe konkluzionet e të gjitha çështjeve që deputetët e shumicës hetuan përgjatë dy muajve të funksionimit të komisionit hetimor. Ndërkohë pritet që së bashku me materialin e hartuar nga shumica e djathtë, të paraqitet po në këtë seancë edhe varianti i anëtarëve të opozitës. Pritet që debatet politikë në këtë seancë të arrijnë kulmin, pasi dy kampet politike janë të ndara për sa i përket formës së votimit që do të përdoret për votimin e raportit dhe për nisjen e procedurave për shkarkimin e Sollakut nga detyra. Opozita ka deklaruar se do të kërkojë votim të fshehtë, ndërsa shumica votim të hapur.

Raporti do të depozitohet në kryesinë e Kuvendit

Opozita, gati raporti paralel për “Sollakun”

TIRANE - Edhe pse e braktisën gjatë dy javëve të fundit të punës hetimin në komisionin “Sollaku”, anëtarët e opozitës po punojnë për të paraqitur në Parlament variantin e tyre për rezultatet hetimore të dy muajve. Ashtu siç mund të pritet, raporti që do të përmbajë mendimin e pakicës do të jetë krejtësisht i kundërt nga raporti përfundimtar i maxhorancës, i miratuar në mbledhjen e fundit të komisionit në fjalë. Nënkryetari socialist i komisionit hetimor mbi punën e prokurorit të përgjithshëm, Fatmir Xhafaj, konfirmoi se ditën e hënë, në seancë plenare do të paraqitet edhe mendimi i pakicës. “Do të ketë një variant, ose më saktë një draft-material që do të depozitohet në Kuvend, si mendim i pakicës dhe opozitës në komision për çështjen e Prokurorit të Përgjithshëm”, - tha Xhafaj. Ndërkaq, sipas anëtarëve të opozitës, drafti i opozitës kërkon të hedh poshtë raportin përfundimtar të maxhorancës, duke e konsideruar atë një raport të paplotë dhe antikushtetues. “Raporti përfundimtar që i është paraqitur nga maxhoranca Kuvendit, është një raport përfundimtar në kushtet e një hetimi të paplotë, në kundërshtim me Kushtetutën, në shkelje të hapur të ligjit “Për komisionet hetimore”, dhe procedurave parlamentare. Do t’i kërkohet Kuvendit që të mos miratohet ky raport”, - vijoi Xhafaj. Opozita do të kërkojë me këmbëngulje votim të fshehtë për raportin dhe nisjen e procedurave për shkarkimin e kryeprokurorit Sollaku, gjatë seancës ku do të lexohet raporti përfundimtar. Nëse nga maxhoranca do të mbahet i njëjti qëndrim i deklaruar, pra për të zbatuar votimin e hapur me elektronikë, opozita e majtë nuk hedh poshtë mundësinë e rikthimit të bilbilave në Parlament në mbrojtje të votës së fshehtë.

Shekulli