Moisiu: Nuk nënshkruaj shkarkimin e kryeprokurorit Sollaku

[Albo]

Anëtarët e opozitës në komision nuk morën pjesë në mbledhjen e djeshme

Miratohet komisioni për hetimin e Sollakut

Me 9 vota pro të anëtarëve të mazhorancës dhe votën abstenim të reformatorit Nard Ndoka, anëtarët e komisionit vendosën se ishte e drejtë që ndaj Sollakut të nisnin procedurat hetimore

Komisioni parlamentar i Ligjeve miratoi ditën e djeshme ngritjen e komisionit hetimor për kryeprokurorin Theodhori Sollaku, duke ja lënë tashmë seancës së të enjtes votimin e këtij vendimi. Me 9 vota pro të anëtarëve të mazhorancës dhe votën abstenim të reformatorit Nard Ndoka, anëtarët e komisionit vendosën se ishte e drejtë që ndaj Sollakut të nisnin procedurat hetimore, për shkelje të rëndë të ligjit gjatë ushtrimit të detyrës. Nga ana tjetër, anëtarët e opozitës në komision nuk morën pjesë në mbledhjen e djeshme edhe pse ishin lajmëruar për mbajtjen e saj. Deputetët e opozitës kanë deklaruar se nuk do të merrnin pjesë në komision deri në momentin që kryeprokurori nuk do të vinte të mbrohej në komisionin e Ligjeve për akuzat që i janë bërë. Komisioni e cilësoi si ligjore dhe kushtetuese kërkesën e 33 deputetëve të mazhorancës për shkarkimin e Prokurorit të Përgjithshëm. Kryetari i komisionit të Ligjeve, Fatos beja theksoi se njëkohësisht me me propozimin që komisioni i bën Kuvendit për ngritjen e këtij komisioni, në raport është miratuar edhe bazueshmëria ligjore e funksionimit të këtij komisioni.

“Në këtë raport i propozohet kuvendit të ngrihet një komision hetimor, i cili do të shqyrtojë çështjet për të cilën bëjnë kërkesën deputetët që kanë firmosur. Komisioni i Ligjeve miratoi me këtë raport njëhohësisht bazueshmërinë ligjore të kërkesës dhe e gjen atë në përputhje me Kushtetutën dhe ligjin për krijimin e komisioneve hetimore me Rregulloren e Kuvendit dhe me ligjin për prokurorinë”,- deklaroi ditën e djeshme pas mbledhjes, Fatos Beja. Tashmë dihet që komisioni i cili ka gjasa të miratohet ditën e enjte do të drejtohet nga mazhoranca e cila hartoi edhe kërkesën për ngritjen e tij. Në komision hetimor për kryeprokurorin Sollaku, opozita ka konfirmuar pjesëmarrjen e saj, duke përfituar në këtë mënyrë shumicën e anëtarëve në komision. Komisioni pritet të ketë një funksionim prej 3 muajsh dhe pritet të dalë me një raport i cili do të kërkojë votat e Kuvendit për t’u miratuar.

Fatjona Mejdini




Komisioni i Ligjeve thekson, se edhe Gjykata Kushtetuese ka bërë interpretim në favor të shkarkimit

Raporti, hetimi ka bazë kushtetuese

Gjykata Kushtetuese u thirr atëherë për të interpretuar nisjen e procedurave për shkarkim për kryeprokurorin e asaj periudhe, me motivin “shkelje e rëndë e ligjit gjatë ushtrimit të funksioneve”

Komisioni i Ligjeve miratoi ditën e djeshme një projekt raport, në të cilin theksohet se kërkesa e 33 deputetëve për ngritjen e një komisioni hetimor për kryeprokurorin Sollaku është në përputhje me vendimin interpretues të Gjykatës Kushtetuese të vitit 2002. Gjykata Kushtetuese u thirr atëherë për të interpretuar nisjen e procedurave për shkarkim për kryeprokurorin e asaj periudhe, me motivin “shkelje e rëndë e ligjit gjatë ushtrimit të funksioneve”. Kushtetuesja komentoi se: “Kuptimi i saktë dhe i drejtë i saj i përdorur në këtë dispozitë kushtetuese, por edhe në të tjera duhet të analizohet dhe të vlerësohet në tërësi nga disa faktorë që kanë të bëjnë me rëndësinë e shklejes së ligjit, pasojat e ardhura, apo që mund të vijnë nga këto shkelje, kohëvazhdimin e këtyre pasojave dhe të vështirësive për riparimin e tyre si dhe vetë qëndrimin subjektiv që mban personi konkret ndaj shkeljes së kryer dhe pasojës së ardhur”,- theksohet në interpretimin e Gjykatës Kushtetuese.

Në këtë mënyrë komisioni vlerësoi se kërkesa për fillimin e procedurave të shkarkimit të Prokurorit të Përgjithshëm ka bazueshmëri kushtetuese dhe ligjore si dhe interpretative nga Gjykata Kushtetuese. Arsyet dhe faktet e paraqitura në kërkesë “për shkelje të rëndë të ligjit në ushtrimin e funksionit të tij”, nga ana e Prokurorit të Përgjithshëm janë të mjaftueshme për të marrë në konsideratë propozimin për ngritjen e një komisioni hetimor parlamentar, i cili do të provojë vërtetësinë e provave dhe fakteve të parashtruara në kërkesën për fillimin e procedurave për shkarkimin e Prokurorit të Përgjithshëm.

Komisioni shqyrtoi bazueshmërinë e kërkesës ligjore të kërkesës së paraqitur dhe kontsatoi se: në aspektin ligjor dhe procedurial, kërkesa është në përputhje me nenin 149, pika 2 e Kushtetutës, me nenin 7 të ligjit nr. 8737, datë 12.02.2001: “Për organizimin dhe funksionimin e Prokurorisë në Republikën e Shqipërisë”, i ndryshuar dhe me nenin 114 të Rregullores së Kuvendit.

Fatjona Mejdini



Ndoka vonon mbledhjen dhe abstenon për ngritjen e komisionit

Mbledhja e komisioni të Ligjeve ditën e djeshme filloi me disa orë vonesë, kjo pasi deputetët e mazhorancës pritën ardhjen e reformatorit Nard Ndoka nga një vizitë në Slloveni. Por nga ana e vet, kryetari i grupit parlamentar reformator-demokristian, Nard Ndoka edhe pse pjesë e koalicionit qeverisës abstenoi për ngritjen e komisionit hetimor për Sollakun. Ndoka në parim u shpreh pro ngritjes së një komisioni, i cili sipas tij, ishte konform ligjit dhe Kushtetutës, por theksoi se kjo nismë ishte e nxituar pa u lënë deputetëve kohë të shqyrtojnë më me kujdes akuzat ndaj Sollakut.

“Për fatin e keq ne vazhdojmë të njihemi me nisma të tilla, vetëm në komisionin e ligjeve, nuk ka asnjë gjë kundër nismës për komisionin hetimor se është një nismë ligjore dhe kushtetuese. Por duke e ndjekur procesin, nuk ka pasur konsulta as në nivelet e kryetarëve të partive dhe kjo është më shqetësuese. Kuptohet se edhe ne, na nevojitet një kohë në dispozicion për t’u njohur me dokumentet, gjërat janë të paqarta për ne si deputetë”,- theksoi reformatori Ndoka. Kryetari i grupit reformator-demokristian, Nard Ndoka edhe pse në mazhorancë ka votuar kundër dhe ka abstenuar për shumë nisma të mazhorancës.


Korrespondenca Beja-Sollaku, telefon i prishur

Kryeprokurori Thodhori Sollaku deklaroi ditën e djeshme, se nuk ka pasur djeni për mbledhjen e komisionit të Ligjeve në të cilën u mor vendimi për ngritjen e një komisioni hetimor ndaj tij. Nga ana tjetër, kryetari i komisionit të Ligjeve, Fatos Beja deklaroi se janë 4 letra të nisuara prej tij që e bëjnë me dije kryeprokurorin, se ndaj tij pritet të ngrihet një komision hetimor. Nga ana tjetër, kryeprokurori Theodhori Sollaku ka dërguar në komisionin e Ligjeve 2 letra në të cilat kërkon më shumë kohë në dipozicion për t’u mbrojtur në komisionin e Ligjeve. Nga ana tjetër, në letrat që Fatos Beja i ka dërguar Prokurorit të Përgjithshëm është shprehur qartë se Sollakut nuk i kërkohej që të mbrohej në komision, pasi komisioni i Ligjeve do të shqyrtonte vetëm bazueshmërinë në ligj të kërkesës së 33 deputetëve, për ngritjen e komisionit hetimor. Sipas Fatos Bejës, për Sollakun nuk është e rëndësishme të mbrohet në komisionin e Ligjeve, pasi do të ketë kohë që në komisionin hetimor që do të ngrihet për veprimtarinë e tij të mbrojë veten nga akuzat e mazhorancës. Korrespodenca midis kryetarit të komisionit, Fatos Bejës dhe kryeprokurorit Sollaku ka nisur në 19 prill, kur komisioni zhvilloi mbledhjen e parë për këtë çështje. Me gjithë letrat e shkëmbyera Sollaku nuk u paraqit në komisionin e Ligjeve, për t’u njohur me procedurat që do të ndiqen për ngritjen e komisionit hetimor.



Prokuroria nuk dorëzon në Kuvend raportin e punës për vitin e kaluar

Prokuroria e Përgjithshme ka shkelur afatet e përcaktuara për dorëzimin në Kuvend të raportit për punën 1-vjeçare të këtij institucioni të pavaruar. Megjithëse, sipas kalendarit të Kuvendit, ky raport duhej të dorëzohej pranë komisionit të Ligjeve në datë 17 prill, ende nuk është dorëzuar një material i tillë në Kuvend. Sipas procedurave parlamentare, do të jetë komisioni parlamentar i Ligjeve, ai që do të shqyrtojë punën 1-vjeçare të Prokurorisë së Përgjithshme. Sipas ligjit, nga shqyrtimi i raportit do të nxirret një projekt rezolutë, e cila më pas do të kalojë për votim në seancë plenare. Deri tani, në Kuvend janë paraqitur një sërë raportesh të institucioneve të pavarura kushtetuese, puna e të cilave për vitin e kaluar është vlerësuar nga komisioni i Ligjeve dhe më pas është votuar nga Kuvendi.


Motivet e grupit të PD-së për ngritjen e komisionit

33 deputetë të mazhorancës, më datë 18 prill depzituan në Kuvend kërkesën për ngritjen e një komisioni hetimor që do të zbardhte veprimtarinë e kryeprokurorit Sollaku. Sipas deputetëve të grupit parlamenatr demokrat, motivi për paraqitjen e kësaj kërkese para Kuvendit mbështetet në tolerancë ndaj kriminalitetit në vend dhe rezultat të dobët për zbardhjen e ngjarjeve, që e kanë renditur Shqipërinë në një nga vendet më të korruptuara në botë. Deputetët firmëtarë e akuzojnë kreun e Prokurorisë së Përgjithshme se ka bërë një punë të dobët kundër krimit të oragnizuar dhe korrupsionit. Sipas tyre, Theodhori Sollaku ka fshehur disa dosje të krimit, duke u bërë një mbështetës i botës së krimit në vend. Deputetët akuzojnë edhe për lidhjet e tij me njerëzit e inkriminuar, duke bërë kryeprokurorin që të “flejë” mbi dosjet e krimit.

“Veprat penale që kanë lidhje me krimin e organizuar, trafikun e njerëzve, shfrytëzimin dhe organizimin e prostitucionit, prodhimin, shpërndarjen e lëndëve, bimëve narkotike dhe substancave psikotrope, janë shndërruar në kërcënim për sigurinë kombëtare të vendit, ndërkohë që autorët e hetuar dhe të dënuar janë të pakët, megjithëse nga Kuvendi nuk ka munguar vullneti politik për të implementuar politika penale, mjaft represive për këto vepra penale gjatë periudhës 2002-2005”,- thuhet në kërkesën e 33 deputetëve të grupit parlamentar të PD-së.

Gazeta Tema

[Flori]

Në Tiranë shumica dhe opozita do të debatojnë në parlament lidhur me çështjen e prokurorit të përgjithshëm të republikës, Theodhori Sollaku.



Shumica dëshiron të fillojë menjëherë debati dhe të miratohet sa më shpejt komisioni që do të hetojë veprimtarinë e zotit Sollaku.

Shumica nuk ka pasur që në fillim asnjë dilemë: sipas saj prokurori i përgjithshëm duhet të lëshojë vendin.

Opozita nga ana tjetër ka marrë vendim politik që t’i kundërvihet këtij aksioni duke sulmuar shumicën dhe qeverinë e saj, dhe veçanërisht kryeministrin Berisha, se po kërkon të zëvendësojë prokurorin e përgjithshëm për të vendosur në post një njeri të kontrollueshëm politikisht.

Sot opozita po kërkon që debati për çështjen e prokurorit të shtyhet për javën e ardhshme.

Pavarësisht debateve për proçedurë, është bërë e qartë se me votat e shumicës do të ngrihet komisioni për të hetuar veprimtarinë e prokurorit të përgjithshëm.

Komisioni do të përpiqet të provojë akuzat e rënda për lidhje me botën e krimit që kryeministri Berisha shqiptoi ditë më parë publikisht në ngarkim të prokrurorit Sollaku.

Mirëpo fatin e prokurorit e ka në dorë, në bazë të Kushtetutës, presidenti i vendit.

Vetëm ai mund të nënshkruajë për heqjen nga posti të zotit Sollaku.

Prandaj, shumica është përpjekur dhe do të përpiqet që të sjellë prova sa më të qarta për akuzat e ngritura kundër zotit Sollaku, në mënyrë që presidenti të mos ketë mundësi të veprojë kundër vullnetit të shumicës.

Kjo është një nga betejat politike më të vështira, por edhe më delikatet që qeveria e zotit Berisha ka vendosur të zhvillojë, e bindur se kjo është rruga e vetme për të mbajtur premtimin për tolerancë zero ndaj krimit të organizuar dhe korrupsionit në vend.

[Ozzy]

njoni m........... e tjetri sh.......i thone keti muhabeti....................

cfare i sjell popullt kapja e nje apo disa krimineleve qe duheshin kapur prej vjetesh.......95% e popullsise do te gdhihet dhe ngryset prap pa drita, uje dhe me halle qe ne vendet e tjera te evropes (EU) nuk imagjinohen dot ......
varferia dhe korrupsioni i ka hyre shqipetareve deri ne kocke......
jo sala ( qe ne kohen e vet te arte si demkroat ja thyhu brinjet shqiperise deri ne vdekje ) po dhe zoti vete nuk bo do gje qe problemet sociale te kalohen shpejt..............naivitetin dhe brutaliten e paguan shqipetaret shume shtrenjte...

si thone nje fjale e urte "kur te vine ment sti hane as qente".......per shqiptaret treni ka hikur nje here .............te shohim se cdo te sjellin 15 vjetet e tjera te demokracise "made in albanien".....

[Antimafia]

Arrestimi nga policia i Gëzimit të Kashtës i ka prishur dukshëm ekuilibrin Prokurorit të Përgjithshëm, Dhori Sollaku. Në më pak se 24 orë, ai ka thënë tre gjëra të ndryshme.

-Gjatë një interviste në TV KLAN, Sollaku tha se kishte dijeni për dosjen e kriminale të Gëzimit të famshëm të Komitetit të Përgjithshëm Drejtues të Partisë Socialiste, por arrestimi i tij dhe i bandës nga policia shqiptare ishte i paligjshëm.

-Të nesërmen, pas protestës së Prokurorisë së Krimeve të Rënda, Sollaku tha se policia ishte në rregull, sepse arrestimi ishte i mbështetur në një urdhër ndërkombëtar.

-Kur Ministria e Drejtësisë e denoncoi Sollakun se nuk kishte pranuar të merrte kërkesën e autoriteteve italiane që dy muaj më parë, Sollaku tha se nuk ka qenë në dijeni të dosjes.



--------------------------------------


Biznesmeni grek reagon për skandalin e gjykateses Zegjine Sollaku


Vurvaqis: Ja si më tjetërsoi Sollaku pronën


Biznesmeni grek i hidrokarbureve, Jorgos Vurvaqis, ka akuzuar dje segmente të drejtësisë shqiptare, që, sipas tij, ishin bërë pjesë e një akti të paligjshëm duke i cënuar interesat. Gjatë një konference për shtyp në hotel "Vlora International", në qytetin e Vlorës, Vurvaqis, ka treguar se si ia tjetërsuan pronësinë e biznesit të tij, përmes rregjistrimit të shitjes së aksioneve të firmës, ku ai ishte president. Sipas biznesmenit grek, në këtë çështje, ishte përfshirë edhe gjykatësja, Sollaku, bashkëshortja e Prokurorit të Përgjithshëm të Republikës, Theodhori Sollaku, e cila siç u shpreh Vurvaqis, kishte urdhëruar përmes një vendimi gjyqësor, regjistrimin e aksioneve të firmës, ku ai ishte president me 70 për qind të aksioneve në pronësi. "Isha ndër të parët biznesmenë të huaj që erdha në Shqipëri dhe ndërtova një biznes që e konsolidova përgjatë disa viteve. Së bashku me dy ortakët e mij shqiptarë, kisha ndërtuar në Fier, një firmë të prodhimit dhe tregtimit të hidrokarbureve, aktiviteti i së cilës ishte zgjeruar në vazhdimësi. Por, në vitin 2000, mes tre ortakëve të shoqërisë që mbante emrin "Viakel Gaz", me qendër në Fier, nisën problemet", tha Vurvaqis. Biznesmeni grek shtoi se në mungesë të tij në 27 Janar të vitit 2003, dy ortakët e tij, Skënder Amoniku dhe Ilir Karcini, kryen aktin e shitjes së aksioneve që u pasqyruan edhe në kontratat e shitjes në 13 Shkurt të atij viti.

Sipas tij, 50 përqind të aksioneve shkonin në favor të Amonikut dhe 20 përqind të Karcinit, që së bashku me pronësinë e mëparshme prej 20 përqind, përbënin 100 përqind të kapitalit. Ky akt, sipas biznesmenit grek dhe avokatit të tij, Alfred Duka, mori formën ligjore me vendimin e gjykatës të datës 20 shkurt të vitit 2003, e cila urdhëronte rregjistrimin e shitjes së aksioneve, në mungesë të presidentit të shoqërisë. Ky vendim i trupit gjykues, që kryesohej nga gjykatësja Z.Sollaku, u pasua nga një kallëzim i zotit Vurvaqis, i cili e depozitoi atë në prokurorinë e Tiranës, në 1 Qershor të vitit 2004. Sipas tij, veprimet ishin bërë në mungesë dhe pa praninë e Vurvaqis, i cili u njoh me shitjen, shumë muaj më pas. Në 10 Qershor të vitit 2004, për mungesë provash, prokurori Dritan Nushi (ky eshte prokurori qe mbylli dosjen e kopilave te Arta Dades), vendos mosfillimin e procedimit penal për kallëzimin e biznesmenit grek, që kundërshtonte vendimin e gjykatës.
Vetëm në 20 Tetor të vitit 2005, gjykata vendosi të kthejë vendimin e prokurorit, ndërkohë që në 31 Mars të këtij viti, Gjykata e Apelit, e sanksionoi edhe një herë këtë vendim. Zoti Vurvaqis, shprehu besimin se çështja e tij, tashmë ka hyrë në rrugën e zgjidhjes. Ai falenderoi Ministrin e Drejtësisë, Bumçi, ndërkohë që u shpreh se, rol pozitiv në këtë çështje kishte luajtur edhe interesimi i Kryeministrit Berisha. /atsh/

[Ujku'80]

Ngjela: Une s'dua te di kush eshte Prokurori i Pergjithshem, por pse luftohen institucionet

Ora 14:30

Nga D.Bonollari/I.Koxha



TIRANE (2 Maj) -“Une nuk dua t’ja di se kush eshte kryeprokurori, por dua te di pse luftohen institucionet e pavaruara?” Keshtu e ka nisur debatin Spartak Ngjela sot ne Kuvend, por ne rastin konkret jo me opoziten, qe eshte hedhur ne mbrojtje te Sollakut, por me mazhorancen. “Eshte e para here ne histori, qe e djathta bllokon institucionet. Atehere, cila eshte deshira jone per te bllokuar korrupsionin? S’me duhet kush eshte Prokurori i Pergjithshem, por pse luftohen institucionet e pavarura”, tha Ngjela, sipas te cilit zgjidhja e ketyre ceshtjeve si ne rastin “Sollaku” eshte ne kompetencat e Presidentit te Republikes.

“Ka rreth 5 muaj qe parlamenti merret me institucionet dhe ende nuk ka nxjerre gje ne krye. Pse parlamenti merret me institucionet e pavarura? Sipas meje akuzat per shkarkimin e kryeprokurorit nuk kane asnje vlere juridike”.
Deputeti demokrat, Spartak Ngjela e kerkoi te drejten e fjales ne Kuvend, te cilen e mori pas disa replikave te shkembyera mes tij e kryeperlamentares, Jozefina Topalli. Ne replike nderhyri dhe deputeti socialist Pandeli Majko, i cili kerkoi te drejten e fjales per Ngjelen.

(News24/BalkanWeb)

[Antimafia]

*Fjala e Kryeministrit të Shqipërisë e mbajtur dje në Kuvend

Krimi tentoi të më blinte, por unë zgjodha ta luftoja atë

*

Prof. Dr. Sali Berisha
*
Të nderuar qytetarë të Republikës që sot ndiqni një debat për një çeshtje themelore të vendit.
Në kuadrin kushtetues të Republikës së Shqipërisë, Prokurori i Përgjithshëm është institucion themelor kushtetues. Në këtë kontekst dua të theksoj se debati për Prokurorin është një debat i një rëndësie parësore për vendin, qeverisjen, shtetin, për çdo qytetar shqiptar. Ndaj dhe sot, jam këtu për t’ju garantuar ju, për të garantuar shqiptarët se ky debat, aq sa ka të bëjë me Prokurorin e Përgjithshëm aktual, zotin Sollaku, ka të bëjë me njërin nga problemet më themelore, më parësore të qenies, të identitetit tonë kombëtar, të të sotmes, së ardhmes sonë kombëtare.
E kam nisur këtë debat dhe unë i qëndroj plotësisht, për arsye tërësisht politike, në funksion të një politike e cila ka një synim të vetëm madhor: nxjerrjen e shoqërisë dhe kombit nga honet e historisë në të cilat e ka vidhisur dhe mund ta vidhisë më tej, krimi i organizuar.
*Çdo njeri i qytetëruar, çdo njeri që i thotë vetes shqiptar dhe e ndjen veten anëtar të këtij kombi, e ka të ligjshëm krenarinë për Ismail Kadarenë dhe veprat e tij që përkthehen dhe botohen kudo, e ka të ligjshëm krenarinë për Inva Mulën, e ka të ligjshëm krenarinë për Nënë Terezën, jo se këta janë anëtarë të familjes sime apo tuaj, por këta janë anëtarë të këtij kombi që ne i përkasim dhe ne ndihemi si anëtarë të tij.
Por secili shqiptar që ndjen këtë krenari, në detyrën e tij qytetare si qytetar i këtij kombi, duhet të ndiejë skuqjen, turpin për atë që vajzat, motrat shqiptare, vajzat tona, motrat tona mbushin rrugët e Europës me një ves nga më dramatikët më tragjikët; duhet të ndiejnë skuqjen dhe turpin për rrugët e Shqipërisë, të Londrës apo të Parisit që skuqen me gjak shqiptar apo jo shqiptar nga vrasës shqiptarë; duhet të ndiejë skuqjen dhe turpin, në rast se duan të sillen si qytetarë të një kombi të qytetëruar, për baronët e drogës dhe ata që kanë shndërruar vendin në rrugë kryesore të drogës dhe krimit të organizuar.
Nuk mund të jesh njeri i qytetëruar, ku të kesh vetëm njërën anë të medaljes; s’është me një anë medalja, ajo ka dy, ndaj dhe ne si vend dhe si komb, në qoftë se duam të kemi të ardhme, ne duhet të qëndrojmë ndaj këtij fenomeni, i cili është bërë simboli më i keq, pas diktaturës komuniste, për Shqipërinë dhe për shqiptarët.
Jam këtu, për t’iu drejtuar qytetarëve shqiptarë dhe ju, totalisht me një sens apartiak. Po pse e them këtë? Sepse dua të jem shumë i sinqertë me ju. Gjatë këtyre muajve ka patur, jo vetëm anëtarë të opozitës, por ka patur dhe anëtarë të mazhorancës, të cilët më kanë kërkuar mua simbiozën, madje kanë insistuar që pse të mos i marrim ne ato miliarda para që burojnë nga kanalet e zeza të krimit?! Jo dhe jo, ka qenë përgjigja ime kategorike. Sepse krimi është antishteti, sepse paratë e krimit janë shkatërrimi i shtetit. Pa shtet s’ka liri, s’ka dinjitet, s’ka të ardhme, s’ka siguri, s’ka asgjë, s’ka komb. Ka vetëm rrënim të përditshëm të tij. Ndaj dhe unë kam bërë zgjidhjen time.
Mos harroni ju, që në një mënyrë ose në një tjetër, bëni sot avokatin e Sollakut. Mund t’ju them se krimi i organizuar shqiptar ka qenë në gjendje të më paguajë mua, jo dhjetra, por qindra milion që unë të vazhdoja simbiozën me ta. Por zero tolerancë; kjo është politika ime. Për shkak të kësaj politike unë kam ndërmarrë këtë nisëm. Quajeni personale, quajeni politike – unë qëndroj në një betejë në të cilën ju garantoj, se shqiptarët do të dalin të fituar.A arriti krimi i organizuar këto përmasa të cilat u bënë të llahtarshme për Europën?! Po dhe po. Prokurori drekonte dhe darkonte me kapobandat. Dhe pse?
Do t’u rrëfej një gjë shumë interesante. Më keni dëgjuar gjatë viteve të shkuara, më shumë se çdo shqiptar tjetër të lakoj emra vrasësish, banditësh, trafikantësh këtu në parlament, para mediave dhe kudo. E bëja me një qëllim, e bëja për t’iu treguar të gjithëve se nuk mund të mposhtnin, këta xhelatë dhe hanxharë krimi, kurajon e një populli. Nuk mund të mposhtet kurajoja qytetare, ajo është më e fuqishmja.
Gjatë gjithë këtyre viteve, unë kam jetuar i qetë në banesën time pa roje tek dera, bashkë me bashkëshorten time. Po pse? Sepse kjo skuadër vrasësish, trafikantësh, natën kryente krimet, ditën drekonte me kryeministra dhe ministra. Ndihej tërësisht e sigurtë dhe thoshin: le t’i bjerë qemanesë Sali Berisha, pa ne pasurohemi – dhe ja ku i kemi këta që na përkrahin; pa lëre kur në drekat dhe darkat tona vjen dhe Prokurori i Përgjithshëm.Zoti Prokuror! Unë e di që ti nuk ke organizuar dreka, ndonëse edhe ke ftuar nga klani i Zemunit, në ke ftuar Baren apo ndonjë tjetër në drekë, por ke ngrënë dreka me ta, ke ngrënë dreka në dreka të ministrave me ta. Nderi i shtetit dhe i ligjit të kërkonte të braktisje drekën.
Zoti Prokuroror, ke diskredituar në shkallën më ekstreme ligjin, nderin, moralin e këtij vendi me qëndrimin tënd.
Çështja e Mirit të Xhikes është e vërtetë (zotëri, këto personazhe nuk ua kemi nxjerrë ne, këto ia keni nxjerrë ju njëri-tjetrit. Dhe nuk i kanë nxjerrë socialistët e thjeshtë të Konispolit, të Tropojës apo Vërmoshit – ua ka nxjerrë kryetari juaj i partisë këto) Edhe Mirin e Xhikes edhe Baçin e kashtës, edhe tjetrin e tjetrin. Po, po, i dini ju këto, i dini mirë. Por kishit gjetur, jo vetëm avokatin e krimeve tuaja – dhe këtë e them me dhimbje – (dhe i garantoj socialistët se kurrë nuk i përgjithësoj; ju garantoj ju si deputetë se kurrë nuk përgjithësoj, sepse shumica juaj s’ka asnjë lidhje me krimin – dhe kam ndërgjegje shumë të qetë, por nuk mund të përjashtohet se ky prokuror mbrojti si avokat, kur kriminelët skuqën rrugët e Tiranës, vetëm e vetëm se ju përkisnin politikanëve; mbrojti si avokat trafikantë, vetëm e vetëm se trafikonin për politikanë. Pra, ka një moral ky vend?! Ka moralin dhe koshiencën kombëtare si origjinë kombëtare apo do të kontraktojë krimin? Jo, shqiptarët në tërësinë e tyre janë dhe do mbeten një komb që do ta ndërtojnë të sotmen dhe të ardhmen bazuar në ndershmërinë dhe në virtytet, pavarësisht nga vështirësitë që po jetojnë sot.
Asnjë komb në Europë nuk vuajti më shumë nga hanxharët e krimit të organizuar sa kombi shqiptar. Asnjë komb në Europë nuk u përkul në një mënyrë kaq të pamëshirë sa ç’u përkulën qytetarët e Lushnjës, Tropojës apo qyteteve të tjera. Po e dini ju pse? Ua them unë: me dhjetra herë më vinin në zyrë dhe më thoshin: ne s’kemi ç’bëjmë, vetëm të organizojmë kryengritje, sepse ai është komisariat, sepse ai është komisariati Nr.2, sepse ai të bën gjëmën. Kryengritja na ngelet.
Jo, u thoja unë. Nuk ka kryengritje, ka vetëm një rrugë dhe kjo është rruga demokratike – ne do vazhdojmë betejën tonë.
Qytetarët shqiptarë, më 3 korrik votuan para së gjithash kundër hanxharëve të krimit të organizuar, votuan kundër bandave të cilat nxinë imazhin e shqiptarëve në Europë, votuan kundër atyre që bashkëpunuan me krimin apo përjetuan simbiozën me të. Në asnjë vend tjetër, krimi i organizuar s’ka goditur tetë policë në një ditë, siç ka goditur në Shqipëri dhe foshnjën në gjirin e nënës.
Për ata të cilët, sot bëjnë publicistikën e krimit, që kanë ngrënë apo jo çorbën e miellit të bardhë, unë them se me këtë publicistikë shkruani vetëm epilogun e turpit tuaj kombëtar. Sepse krimi s’do kalojë më mbi këtë vend. Sepse toleranca do të jetë zero ndaj tij.
Ç’ju lidh ju me një njeri i cili u vendos pasi u shkarkua paraardhësi i tij pa asnjë hetim paraprak. U shkarkua për motive politike, sepse akuzoi të tjerë me shishe aranxhate për krime kundër njerëzimit.
Por zotëria tjetër që erdhi pas tij nuk po ikën për motive politike. Po ikën për simbiozën e tij të turpshme me krimin. Po ikën edhe për lidhjet e tij.
E kanë qarkulluar shumë problemin e biznesmenit grek, çështjen e dosjes së tij. Shtroj pyetjen: të gjithë ata që sot kundërshtojnë Sali Berishën, çfarë do të thoshin në rast se bashkëshortja ime gjykatëse do të hiqte ty pasurinë? Dhe kujt do t’ia jepte. Do t’ja jepte një familjari të tij, pasurinë tënde. Dhe unë Prokurori i Përgjithshëm nuk do të lejoja hetimin, do të bllokoja hetimin. Ku ndodh kjo? Në cilin shtet, në cilin vend?
Çfarë do të thoshin ata qytetarë që mund të mendojnë se këtu ka një tendencë politike?
Në rast se kryetari i komisionit të pronave të Durrësit merr 108 vendime të paligjshme, prokurori nis dhe mbyll hetimin për faktin e vetëm se vishen e zhvishen tek “Aiba”.
Ju duhet të dilni nga ky batak. Unë e kuptoj që këtu ka prej jush që mbrojnë interesa personale, por në mënyrë absolute shumica prej jush s’ka asnjë interes personal në këtë çështje.
Dhe e them me bindjen më të madhe.
Së fundi dua të sqaroj dy gjëra.
Largimi i prokurorit nuk bëhet pra, vetëm për faktin se prokuroria është një organ i centralizuar. Po lexoj disa nga nenet e ligjit për prokurorinë:
Neni 3
Prokuroria organizohet dhe funksionon nën drejtimin e Prokurorit të Përgjithshëm si strukturë e centralizuar, ku përfshihen Zyra e Prokurorit të Përgjithshëm, Këshilli i Prokurorisë dhe Prokuroritë pranë Sistemit Gjyqsor.
*
Neni 4
Urdhërat dhe udhëzimet e Prokurorit më të lartë jepen me shkrim dhe janë të detyrueshme për prokurorin më të ulët.
Shkalla e hierarkisë në organin e prokurorisë përcaktohet nga Prokurori i Përgjithshëm.
Më gjeni në sistemin e institucioneve të Shqipërisë një institucion me shkallë të tillë centralizimi, qoftë dhe një të vetëm.
Gjithçka pra varet prej tij.
A do të isha unë dakord që vetëm për këtë të largohej prokurori? Po. Sepse është i vdekur moralisht, prokurori me situatën e krimit.
Po vetëm një pyetje do t’iu bëj qytetarëve sot.
Në katër vjet, Kontrolli i Lartë i Shtetit që nuk ka qenë në asnjë rast i drejtuar nga opozita ka denoncuar një vjedhje, shpërdorim total nga administrata qeveritare prej 200 milion Eurosh. Kush është në burg përveç Bujar Himçit dhe Veli Myftarit, (mund të them gjënë më të vështirë që të besoj se ka futur para në xhep ai njeri) S’është burgosur njeri tjetër o zotëri. Sepse ishin shokë dhe miq të prokurorit dhe prokurori toleronte.
Pra kjo është situata, pse ai ka vdekur moralisht si prokuror.
Por nuk është vetëm moralisht. Janë një seri dosjesh të lidhura direkt, me të cilat shqiptarët duhet të njihen me hollësi. Dhe nuk mund të jenë objekt i këtij diskutimi, por s’mund t’u mohohet kurrë e drejta kushtetuese për ta hetuar, hetim që do të faktojë lidhjet e tij direkte me krimin e organizuar, me korrupsionin dhe të tjerë.
Së fundi, le t’i shtroj një pyetje: Zoti prokuror që ke hetuar gjithë jetën, pse ke frikë nga hetimi? Po ti, në rast se ndihesh i pastër, në rast se nuk janë përvetësuar pasuritë e të tjerëve, në rast se ke zbatuar ligjin, në rast se ndërgjegja jote është ligji, në rast se vërtet ke zbatuar të gjitha prerogativat ligjore, nder duhet të kesh hetimin ti. Se hetimi, të garantoj unë, do të të bëhet para mediave, do të bëhet para publikut. Hetimi do të jetë një proces i hapur, me një procedurë tërësisht ligjore.
Por fakti që ti prokuror kundërshton hetimin, fakti që ti vë në dyshim se do vish apo s’do vish në komisionin hetimor, fakti që ti nxit të tjerët të shkojnë tek Mark Abdia dëshmojnë se “lepuri fle në barkun tënd”. Lepurin në bark nuk ta kanë futur shqiptarët, ia ke futur vetes. Mbaje.
Ne si komision parlamentarë do të zbardhim të vërtetën mbi periudhën që ti ishte Prokuror i Përgjithshëm.
Nuk ka asnjë lloj mëdyshje, nuk ka asnjë hezitim, nuk ka në mënyrë absolute asgjë tjetër, vetëm konsistencë dhe presistencë në një politikë kombëtare e cila synon zero tolerancë ndaj krimit të organizuar.
Çfarë na thotë prokurori këto ditë?
Janë të paligjshme arrestimet. Shqipëria, sipas tij, nuk është anëtare e Interpolit. Po mbi ç’bazë SHBA-ja, Britania e Madhe, Turqia, Franca apo vende tjera arrestojnë kriminelë të kërkuar nga drejtësia shqiptare paraqitur Interpolit, kurse drejtësia shqiptare nuk i arrestoka dot ose qenka i paligjshëm arrestimi.
Merri mbrapsht zotëri këto teorira. Këto janë teoritë e simbiozës dhe bashkëpunimit me krimin.
Shqiptarët do të ndahen njëherë e mirë nga ky kapitull. Ky është një kapitull shumë i zi është një kapitull shumë i trishtë. Ky është një kapitull që i rrënoi ata, që u cënoi më shumë se çdo gjë tjetër dinjitetin. Ky është një kapitull që u vështirësoi rrugën drejt Europës. Ky është një kapitull që u vështirësoi rrugën drejt prosperitetit.
Për këtë kapitull, Prokurori ka një përgjegjësi të madhe direkte, për të cilën ai duhet të hetohet me transparencë të plotë, të dëgjohet sa herë të dojë.
Ju garantoj se do dëgjohet sa herë të dojë dhe do ballafaqohet me faktet, dosjet konkrete, për të cilat ai me mosveprimin ose me veprimin e tij i ka krijuar dëme të pallogaritshme kombit, shoqërisë, vendit në tërësi.
*

[Albo]

Anëtari i PD-së në komisionin hetimor “Sollaku”, tha se Garda e Republikës kishte thënë se nuk kishte dhënë leje për pistoletën e djalit të Ruçit

Nishani: Ledio Ruçi duhej të hetohej për vrasje në tentativë


A.Rama

TIRANË- Anëtari i PD-së në komisionin hetimor “Sollaku”, Bujar Nishani, ka prezantuar dje në komision një material të detajuar të hartuar nga ekspertët, të nxjerrë nga shqyrtimi i fashikujve hetimorë të çështjes në ngarkim të shtetasit Ledian Ruçi. Nishani ka përcjellë gjithçka përmbante dosja, duke filluar që nga kronologjia e ngjarjes, veprimet hetimore të ndërmarra nga oficeri gjyqësor dhe prokurori që kanë ndjekur hetimin. Sipas Nishanit, nga shqyrtimi i të gjitha materialeve rezultonte se ndaj shtetasit Ledian Ruçi ishin të gjitha kushtet për të hetuar për veprën penale “vrasje në tentativë”, ndërkohë që ai ishte dënuar nga gjykata me gjobë 500 mijë lekë të reja, vetëm për akuzën e armëmbajtjes pa leje. “Prokurorët të cilët kanë përfaqësuar organin e prokurorisë në caktimin e masës së sigurimit dhe gjatë gjykimit të çështjes kanë shkelur ligjin procedural penal dhe urdhrat e udhëzimet e prokurorit të përgjithshëm lidhur me qëndrimin në seancën gjyqësore. Është thyer urdhri nr. 189, dt. 07.10.2003 i prokurorit të përgjithshëm, lidhur me qëndrimin që duhet të mbahet na rastet e mbajtjes pa leje të armëve të zjarrit parashikuar nga neni 278. Është thyer urdhri i prokurorit të përgjithshëm nr. 3, dt. 09.12.2003, “Për ushtrimin e të drejtës së ankimit nga prokurori”, pasi nuk janë zbatuar pikat 4.1 dhe 4.2, ku detyrohet prokurori të ankimojë vendimet e gjykatës për pafajësi dhe për caktim të masave të sigurimit më të butë se ato të kërkuara nga prokurori. Nuk kanë ushtruar funksionin e tyre si prokuror lidhur me objektivitetin dhe zbatimin e drejtë të ligjit penal duke i siguruar lehtësira të paligjshme shtetasit Ledian Ruçi”, - tha Nishani. Ndër të tjera, ai vërejti se gjatë hetimit, nga Garda e Republikës ishte konfirmuar se shtetasi Ledian Ruçi nuk dispononte leje për të mbajtur armë. Sipas tij, gjatë hetimit, shtetasi në fjalë nuk ishte marrë në pyetje nga prokurori i çështjes, por nga zv. prokurori i rrethit Tiranë, Kosta Beluri. Nishani ka theksuar më tej se kryeprokurori Sollaku ishte vënë në dijeni për hetimin e kryer lidhur me këtë dosje më 10 mars 2005, pra më tepër se 1 vit pas ngjarjes, dhe ai nuk ka marrë asnjë veprim për ndërprerjen e paligjshmërisë të ndërmarra nga prokurorët e çështjes. “Në rastin e dërgimit të relacionit të dt. 03.03.2005, dërguar zyrës së prokurorit të përgjithshëm me shkresën nr. 1 778, dt. 10.03.2005, për dhënie mendimi nga zv. prokurori i rrethit Tiranë, Shpëtim Shkurti dhe prokurori i çështjes, Armand Gurakuqi, zyra e prokurorit të përgjithshëm, e drejtuar në mënyrë unike dhe të centralizuar nga vetë prokurori i përgjithshëm si autoriteti i vetëm drejtues ,duhej të dërgonte me shkrim porositë dhe urdhërimet për prokurorët me të ulet se çfarë qëndrimi duhej mbajtur në rastin konkret. Kjo kërkesë pasqyrohet në urdhrin e prokurorit të përgjithshëm nr. 11, dt. 06.03.2000. Shkeljet e mësipërme janë të rënda, pasi cenojnë direkt ushtrimin e funksioneve ligjore të prokurorit të përgjithshëm në bazë të Kushtetutës, Kodit të Procedurës Penale dhe ligjit të prokurorisë. Rezultati është shumë negativ, sidomos për pasojat e rënda morale dhe ligjore që solli. Realiteti i hidhur tregon se kur në mes të qytetit të Tiranës, si pasojë e përdorimit të armëve të zjarrit, janë plagosur dy shtetas dhe asnjë person përgjegjës nuk është dënuar kur në bazë të hetimeve vërtetohet plotësisht fajësia e shtetasit Ledian Ruçi. Nuk është bërë nga prokurorët analiza me strukturat përkatëse të policisë gjyqësore, në zbatim të shkresës nr. 2 251/1 prot. dt. 02.10.2003, kur kërkohet detyrimisht të analizohen të gjitha procedimet penale kur jepet vendim i pafajësisë nga gjykata”, tha Nishani gjatë leximit të materialit të ekspertëve.

[Albo]

Arman Gurakuqi tha dje në komisionin hetimor se kryeprokurori nuk kishte ndikuar në hetimin e çështjes së Ledian Ruçit

Prokurori: Pse kërkova dënim me gjobë për djalin e Ruçit


TIRANË- Komisioni hetimor parlamentar “Sollaku”, ka dëgjuar dje dëshminë e prokurorit Armand Gurakuqi, i cili ka drejtuar hetimet për çështjen penale në ngarkim të Ledian Ruçi. Gurakuqi ishte i pari dëshmitar i thirrur nga përfaqësuesit e shumicës, për t’u pyetur lidhur me procedurat e ndjekura nga ana e tij gjatë hetimit të çështjes penale në ngarkim të djalit të deputetit të PS-së, Gramoz Ruçi. Prokurori Gurakuqi iu është përgjigjur pyetjeve të anëtarëve të komisionit, duke pohuar se kryeprokurori Theodhori Sollaku nuk ka pasur asnjë ndikim gjatë hetimit të çështjes në fjalë, pra që ky hetim të bëhej në kundërshtim me ligjin. Ndërkaq, lidhur me pyetjen e drejtuar ndaj tij, për masën e dënimit të dhënë nga ai me gjobë, kur për raste të tjera jepen dënime me burgim për të ndryshëm që ishin kapur me armë pa leje, prokurori Gurakuqi u përgjigj se çdo vepër penale ka specifikat e saj dhe nuk mund të bëhen krahasime. Ai ka pohuar se kishte zbatuar vetëm ligjin, gjatë gjithë hetimit të çështjes në fjalë, duke shtuar se ndaj tij nuk ishte marrë asnjë masë për ndonjë shkelje të bërë lidhur me këtë dosje. Mënyra e marrjes në pyetje të prokurorit Gurakuqi ka qenë e njëjtë me procedurat që ndiqen në një proces gjyqësor, kur pyetën dëshmitarët, të cilëve u kërkohet që të betohen se do të thonë vetëm të vërtetën.

Pyetjet dhe përgjigjet kryesore të prokurorit Armand Gurakuqi

Bujar Nishani: Për të gjitha çështjet penale të ngjashme nga prokurorët e tjerë është kërkuar burg, ju pse nuk keni kërkuar burgim për shtetasin Ledian Ruçi?
Armand Gurakuqi: Veprat penale janë të natyrave të ndryshme, vetë konflikti që ka lindur në këtë rast ka qenë momental.
Astrit Patozi: A është regjistruar çështja për plagosje të shtetasit Ledian Ruçi në Prokurorinë e Tiranës?
Armand Gurakuqi: Vepër penale ekziston, vepër penale është konsumuar. Ne e kemi ndarë veprën penale në dy pjesë, atë të plagosjes dhe armëmbajtjes?
Astrit Patozi: A jeni njohur ju me urdhrin e prokurorit të përgjithshëm, i cili u kërkon prokurorëve të bëjnë ankim për vendimet e pafajësisë dhe në rastet e armëmbajtjes pa leje të jepet ½ e dënimit maksimal?
Armand Gurakuqi: Për sa i përket urdhrit për veprën penale të armëmbajtjes pa leje, jam në dijeni.
Patozi: A i quani ju shkelje të urdhrit të prokurorit të përgjithshëm, që ju nuk keni kërkuar ½ e dënimit maksimal ose jo?
Gurakuqi: Ky urdhër i kryeprokurorit për vartësit, për armëbajtësit pa leje, për municionet apo llojet e tyre, rrezikshmërinë e veprës ose të autorit, lidhet me specifikën e rrethanat, të cilat janë të parashikuara në ligj.
Bujar Nishani: Çfarë mase disiplinore ka marrë prokurori i përgjithshëm ndaj jush për degradimin e akuzës?
Armand Gurakuqi: Nuk është marrë masë, nuk më takon mua të flas për këtë.
Astrit Patozi: Kur është nxjerrë urdhri nga ana e prokurorit të përgjithshëm, për këtë çështje dhe datën e ndodhjes së ngjarjes?
Gurakuqi: Data e urdhrit është 14.04.2005, ndërsa data e ngjarjes është në 01.02 2004.
Nishani : A mund të na thoni z. prokuror, e keni zbatuar urdhrin e vitit 2005 për një ngjarje që ka ndodhur në vitin 2004?
Gurakuqi: Gjykimi ka përfunduar pas urdhrit nr. 18, datë 14.04 2005,
Patozi: Kur ka nisur gjykimi i kësaj çështjeje dhe ju a keni kërkuar masën e dënimit për shtetasin Ledian Ruçi?
Gurakuqi: Në datë 16. 04. 2004, çështja penale u dërgua për gjykim në Gjykatën e Tiranës.
Patozi: Kishte dalë në atë kohë urdhri i prokurorit të përgjithshëm?
Gurakuqi: Jo, nuk kishte dalë. Në momentin kur ka dalë urdhri, gjykimi nuk kishte përfunduar.
Patozi: Në datën që ju keni dërguar dosjen në gjykatë, e keni ditur urdhrin e prokurorit të përgjithshëm, që nuk keni kërkuar ½ e dënimit maksimal?
Gurakuqi: Nuk e kam ditur. Urdhri nr 18, dt 14.04.2005 ka dalë përpara se Prokuroria Tiranës të përfundonte, të konkludonte në masën e dënimit për të pandehurin Ledian Ruçi.
Patozi: Kur keni çuar dosjen në gjykatë, a keni kërkuar masë dënimi ju për shtetasin Ledian Ruçi dhe cila ka qenë masa e dënimit?
Gurakuqi: Masa e dënimit nuk kërkohet në momentin që dosja dorëzohet në gjykatë, por kërkohet në momentin që përfundon gjykimi.
Skëndër Gjinushi: A ka ndikuar prokurori i përgjithshëm që të bëhen shkelje në këtë dosje penale në kundërshtim me ligjin?
Gurakuqi: Jo, nuk ka pasur asnjë ndikim.

Dokumenti, Ledian Ruçi, shefi i sektorit të jashtëm në “ZP”

Djali i Gramoz Ruçit ka qenë shef i sektorit të jashtëm në gazetën e partisë së të atit, “Zëri i Popullit”. Komisioni hetimor për prokurorin e përgjithshëm ka dokumentacion që vërteton se Ledian Ruçi ka qenë punonjës i gazetës. Ky dokument është lëshuar për ish-ministrin e Jashtëm, Kastriot Islami, për ta pajisur me pasaportë shërbimi djalin e ish- sekretarit të përgjithshëm dhe kryetarit të grupit parlamentar, Ruçi. “Ju lutemi, sipas rregullave tuaja, të pajisni me pasaportë shërbimi nëpunësin tonë, z. Ledian Ruçi, me detyrën shef i sektorit të jashtëm të gazetës “Zëri i Popullit”, -thuhet në shkresën me numër protokolli “extra”, të datës 10.07.2005, dërguar Ministrisë së Jashtme e që është marrë nga Zyra Konsullore. Kjo zyrë, me drejtor Gazmend Barbullushin, e ka protokolluar me numrin 211 kërkesën e gazetës dhe i është parashtruar ministrit Islami në 18 korrik 2005. Në të njëjtën datë, 18 korrik 2005, Islami lëshonte urdhrin për pajisjen me pasaportë të Ledian Ruçit. “Mbështetur në vendimin e Këshillit të Ministrave nr. 335, datë 02.09.1997, si dhe me kërkesë të drejtorit të Drejtorisë së Shtypit dhe Informacionit, urdhëroj: pajisje me pasaportë shërbimi z. Ledian Ruçi, shef i sektorit të jashtëm në gazetën “Zëri i Popullit”, -thuhet në urdhrin e Islamit, me numër 2 824.

Gjinushi: E nisët trashë, menjëherë me dosje politike

TIRANË- Deputeti i PSD-së, Skënder Gjinushi, e ka cilësuar të nxitur politikisht thirrjen si dëshmitar të prokurorit Armand Gurakuqi, i cili ka hetuar çështjen penale në ngarkim të shtetasit Ledian Ruçi. Gjinushi që së bashku me deputetin e PAD-së, Piro Lutaj, ishin të vetmit nga përfaqësuesit e opozitës që merrnin pjesë në komision, tha se ishte komisioni po shndërrohej në gjykatë. Ai ka ndërhyrë herë pas here gjatë marrjes në pyetje të prokurorit Gurakuqi, duke theksuar se komisioni hetimor nuk mund të jepte asnjë vlerësim për procedurat e ndjekura nga prokuroria apo gjykata, për çështje të ndryshime penale, por duhet të merret me shkeljet e bëra nga prokurori, që është edhe motivi kryesor i ngritjes së komisionit. “Ju doni ta nisni me krime politike. E bëtë në mënyrë të trashë, ta kishit nisur më një dosje tjetër dhe këtë e kishit futur si me lezet. Respektoni procedurën. Nuk e di ku e gjen këtë kompetencë Nishani të klasifikojë dosjen se ç’është. Këtë gjë me vështirësi e bëjnë prokurorët. Nga 100 e ca dosje që keni përmendur në objektin e hetimit, ju e filloni me djalin e Ruçit. Të tilla ngjarje zgjidhen edhe me pajtime, por ju doni të nxisni hakmarrjen edhe kur çështjet janë mbyllur. Ne po kërkojmë që ju të sillni prova, ju nuk doni të sillni prova”, - tha Gjinushi. Ai madje ka kërkuar që nëse kishin pretendime për vlerësimin e dosjes në ngarkim të Ledian Ruçit, mund ta dërgonin edhe në Gjykatën e Strasburgut po të donin. Gjinushi ka ndërhyrë dje edhe gjatë kohës që deputeti Bujar Nishani, po prezantonte në komision të gjithë kronologjinë e ngjarjes të ndodhur më 2 shkurt 2004, dhe ecurinë e hetimit lidhur me Ledian Ruçin, duke i kërkuar atij që të mos dilte jashtë objektit të hetimit.

[Albo]

Në fillim ishte rënë dakord që kryeprokurori të dëshmonte i shoqëruar nga 5 drejtorët e Prokurorisë së Përgjithshme, por urdhri i Patozit e detyron të shkojë i vetëm

Sollaku, dëshmi pa ekip para komisionit hetimor

Anila Rama

TIRANË - Nuk parashikohet të jetë një dëshmi e lehtë ajo e sotmja e kryeprokurorit Theodhori Sollaku në komisionin hetimor. Mirëseardhjen ia ka uruar qysh dje një njoftim i Sekretarisë së Kuvendit, duke i komunikuar se kryeprokurori do të lejohet që të paraqitet në seancën dëgjimore para deputetëve i vetëm dhe i pashoqëruar, përveç truprojave të tij. Ky saktësim në dukje i vogël dhe i parëndësishëm, erdhi pasi më parë kryeprokurori kishte rënë dakord po me Sekretarinë e Parlamentit që ai t’i jepte sot shpjegimet i shoqëruar nga drejtorët e drejtorive të Prokurorisë së Përgjithshme, gjithsej pesë të tillë. Por diku rreth orës 22.00 të mbrëmjes, prokurori i përgjithshëm lajmërohet, gjithnjë nga Sekretaria e Kuvendit, se pas një urdhri të kryetarit të komisionit hetimor, deputetit të PD-së, Astrit Patozi, duhet të jetë i vetëm në seancën e pyetje-përgjigjeve me anëtarët e trupës së hetimorit. Kushti i vënë nga kryetari i komisionit duket se ka të bëjë më mosshpërndarjen e përgjegjësisë që maxhoranca kërkon ta fokusojë vetëm tek emri i Sollakut. Nga ana tjetër, kryeprokurori mësohet se ka kërkuar që të dëshmojë i shoqëruar nga vartësit e tij, pesë drejtorët e drejtorive të Prokurorisë së Përgjithshme për të pasur një kuadër sa më të plotë të ngjarjeve dhe të dhënave që priten të kërkohen sot në komision. Por kreu i komisionit e ka parë të udhës që Sollaku të jetë i vetëm në përballjen me deputetët. Sollaku do të përballet sot me një seri të gjatë pyetjesh, kryesisht nga deputetët e maxhorancës, që do të kërkojnë të dinë rolin e tij rreth ngjarjeve më të bujshme në vend të ndodhura jo vetëm vitet të fundit, por edhe kur në drejtim të organit të akuzës ka qenë Arben Rakipi. Kështu përfaqësuesit e maxhorancës në komision duket se do të fokusohen në ngjarjet që ndoqën vrasjen e Genci Sinës, ish-shofer i kryeprokurorit Sollaku, lidhjet e pretenduara nga shumica mes kreut të akuzës dhe “Hakmarrjes për drejtësi” apo me Bandën e Lushnjës, si dhe në mosveprimet për shumë krime të ndodhura. Sigurisht që sot do të flitet në komision edhe për pushimin e shumë çështjeve, sipas PD-së, të qëllimshme, pasi denoncimet e tyre janë bërë nga demokratët kur këta ishin në opozitë. Disa të tilla janë raportet e komisioneve hetimore për Albtelekomin dhe KESH-in.

Komisioni hetimor e nisi kapitullin e marrjes në pyetje të dëshmitarëve tri ditë më parë me prokurorin e çështjes së Ledian Ruçit, djalit të ish-sekretarit të përgjithshëm të PS-së, Gramoz Ruçit. Prokurori Armand Gurakuqi pohoi në komision se për veprën penale armëmbajtje pa leje kishte kërkuar dënimin me gjobë të Ledianit dhe jo me burgim, pasi çdo ngjarje ka specifikën e saj. Gurakuqi i pyetur se a kishte ndërhyrë prokurori i përgjithshëm, Sollaku, gjatë hetimeve, u përgjigj se një gjë e tillë nuk kishte ndodhur. Ndërsa për urdhrin e Sollakut për të kërkuar dënim maksimal për armëmbajtje pa leje, Gurakuqi tha se ai nuk kishte dijeni në atë kohë për të, pasi urdhri kishte dalë pasi ai kishte kërkuar dënimin për djalin e funksionarit të lartë të PS-së.


Shekulli

[Antimafia]

Sollaku. Kontratë tjetër e padeklaruar me 267 m2 në plazhin e Golemit

Arrin ne 400 000 $ vlera e 600 meterkatroreve truall te Sollakut

Komisioni Hetimor parlamentar për shkarkimin e Prokurorit të Përgjithshëm paraqiti dje prova të reja lidhur me fshehjen e pasurisë së kryeprokurorit Theodhori Sollaku. Kryetari i këtij komisioni, Astrit Patozi, bëri të ditur në fillim të mbledhjes se Prokurori i Përgjithshëm, përveç fshehjes së 3 apartamenteve në pronësi të tij, ka fshehur në të njëjtën kohë edhe pronësinë e 267 m2 në pallatin në ndërtim e sipër në tokën e tij. Ai tha se në bazë të kësaj logjike rezulton që Prokurori i Përgjithshëm ka shitur të paktën dy herë tokën e tij të njëjtës firmë ndërtimi, nga e cila ka përfituar fillimisht tre apartamente dhe 267 m2 në pallatin në ndërtim e sipër. Patozi theksoi se një fakt i tillë mund të dyfishojë vlerën e pasurisë që Prokurori i Përgjithshëm i ka fshehur shtetit dhe publikut, duke e çuar atë në 400 milion lekë. Ai nënvizoi se duke patur parasysh situatën ekonomike të vendit, një pasuri e tillë mban erë korrupsioni dhe aferash të pista. "Situata e fshehjes së pronësisë së 3 apartamenteve nga ana e Prokurorit të Përgjithshëm bëhet edhe më e rëndë dhe më dramatike, për shkak se ka prova të tjera që e rëndojnë më shumë pozicionin e zotit Sollaku. Dëshiroj të theksoj se sot, ne kemi përpara një provë të re, një kontratë të re, e cila saktëson se përveç 3 apartamenteve dhe një sasie të konsiderueshme parash, zoti Sollaku ka edhe 267 m2 në këtë pallat që është në ndërtim e sipër", saktësoi kreu i komisionit, Astrit Patozi. Duke iu referuar kontratës, ai shpjegoi se Prokurori i Përgjithshëm zotëron në këtë ndërtesë karabina 36.6% të sipërfaqes takuese, e llogaritur kjo në sipërfaqe ndërtimi në 267 m2. "Kjo është kontrata dhe me këtë provë i bie që kryeprokurori të përfitojë, përveç 3 apartamenteve, edhe sipërfaqen e ndërtimit në shifrat e përmendura", tha më tej Patozi.
Kryetari i Komisionit Hetimor, Patozi, nënvizoi se një kontratë e tillë është nënshkruar 9 ditë më vonë se sa kontrata e publikuar më parë nëpërmjet së cilës, Theodhori Sollaku përfitonte 3 apartamente nga firma që po kryente ndërtimin mbi tokën e tij. "Prokurori i Përgjithshëm i bie që të përfitojë dy fish, përveç 3 apartamenteve dhe parave që nuk i ka deklaruar. Këtu bie erë e rëndë korrupsioni, sepse flitet për një pasuri tjetër po aq të konsiderueshme, pra rreth 200 milion lekë të tjera. Prandaj unë, për këtë shkak, në emër të këtij komisioni kërkoj thirrjen në seancë dëgjimore të Prokurorit", vijoi më tej Patozi.