Moisiu: Nuk nënshkruaj shkarkimin e kryeprokurorit Sollaku

[Albo]

Sipas vendimit të Kushtetueses, për rastin Rakipi, kreu i shtetit ka kompetencën të gjykojë përmbajtjen e akuzës

Moisiu: Sollaku, do të gjykoj mbi përmbajtjen dhe procedurat e hetimet


N.Perndoj

Tiranë- Në çështjen “Sollaku” pritet të përfshihet shumë shpejt edhe presidenti i Republikës, Alfred Moisiu. Burime nga Presidenca deklaruan dje për “Shekullin”, se sipas një vendimi të marrë nga Gjykata Kushtetuese për rastin e ish-kryeprokurorit Rakipi, presidenti ka të drejtë që të gjykojë mbi përmbajtjen e akuzave, por edhe më mënyrën e ndjekjes se procedurave për shkarkimin e prokurorit të përgjithshëm, Theodhori Sollaku. Presidenti i Republikës deri më tani ka qëndruar thuajse në heshtje rreth kësaj çështjeje, por burimet shtuan se tani për tani ai nuk është për shkarkimin e kryeprokurorit. Në ditën e festës së Pashkëve, Moisiu iu përgjigj interesimit të gazetarëve lidhur me deklaratat e PD-së se kryeprokurori Sollaku ishte i lidhur me organizatën “Hakmarrja për drejtësi”, akuza e parë adresuar këtij të fundit nga drejtuesit e Partisë Demokratike. Në deklaratën e tij, presidenti Moisiu u shpreh se duheshin respektuar organet kushtetuese. “Ne jemi një shtet që kemi Kushtetutë, kemi ligje, kemi institucione kushtetuese të pavarura dhe çdo gjë duhet bërë sipas rregullave të caktuara. Kemi një shtet ligjor, të cilin duhet ta forcojmë dhe kemi ligje që mbase na duhet t’i përmirësojmë dhe vetëm kështu mund të ecim drejt Evropës së Bashkuar për të arritur atë që të gjithë shqiptarët ëndërrojnë”, - u shpreh Moisiu. Menjëherë pas kësaj deklarate, në kampin tjetër, atë të mazhorancës, janë lëshuar akuza të ashpra, ndërkohë që nuk kanë munguar edhe reagimet e kryeprokurorit Theodhori Sollaku. Në këtë lumë akuzash të ndërsjella, kryetari i grupit parlamentar i PS-së, Pandeli Majko, i ka dërguar një letër kreut të shtetit, ku ndër të tjera ai ka kërkuar edhe ndërhyrjen e tij. Ndërsa në anën tjetër kryetari i grupit parlamentar të PD-së, Bamir Topi, duke respektuar pozicionin e kreut të shtetit, ka lënë të kuptohet se edhe presidenti Moisiu do të respektojë ligjin kur të njihet me faktet që do të evidentojë komisioni hetimor parlamentar ndaj Sollakut. Pikërisht në këtë vorbull ngjarjesh që po percipitojnë dita-ditës, duket se do të përfshihet edhe vetë Moisiu, i cili shumë herë ka bërë thirrje për respektimin e organeve kushtetuese. Kreu i shtetit ka kompetencën ekskluzive për të dekretuar shkarkimin ose jo të prokurorit të përgjithshëm, në këtë rast të Theodhori Sollakut. Kërkesa për shkarkimin e këtij të fundit duket se do të vijë përmes një procedure të gjatë që do të fillojë me ngritjen e një komisioni hetimor parlamentar. Do të vijë me një vendim të Kuvendit për shkarkimin e Sollakut e më pas do të depozitohet te presidenti Moisiu, i cili do të vendosë ose jo për shkarkimin e këtij të fundit.

[Albo]

Grupi i PS-së vendos qëndrimin politik në mbrojtje të kryeprokurorit Sollaku

PS-ja, letër Moisiut: Ndërhyni për të rikthyer autoritetin e Kushtetutës


TIRANË- Mbrojtje të kryeprokurorit dhe kërkesë ndihme për të ndërhyrë presidenti kanë qenë përfundimet zyrtare të deputetëve socialistë, të shprehura nëpërmjet kryetarit të grupit dhe po kështu edhe sekretar i përgjithshëm, Pandeli Majko. Qëndrimi i PS-së u konfirmua se është mbrojtja e shefit të organit të akuzës nga vlerësimet që i bën pushteti i sotëm për lidhje të faktuara, gjithnjë, sipas këtij të fundit, për lidhje me krimin, mosluftimin e korrupsionit, mefshtësi në veprimtarinë e punës për hetimet e rasteve të përfolura. Ndonëse kryeprokurori Theodhori Sollaku nuk është marrë në mbrojtje si person, Pandeli Majko dhe PS-ja i ka vlerësuar ato tërësisht politike dhe pjesë të së njëjtës metodë drejtimi të vendit prej kryeministrit Sali Berisha. „Grupi parlamentar i Partisë Socialiste paraprakisht pozicionohet politikisht për mbrojtjen e institucioneve kushtetuese të vendit“, -tha Majko. Ai nuk u fut në detaje, por se saktësoi pa ngurrim se e gjitha sa thotë Berisha, është „paralajmërim i Partisë Demokratike, i cili ka ardhur prej kohësh për shkarkimin e prokurorit Sollaku do të shoqërohet edhe me elementë të tjerë, ndaj dhe shprehim keqardhjen që Shqipëria dhe jeta institucionale e Shqipërisë po bie në nivelin mental të doktor Berishës, për fat të keq, në përsëritje për herë të dytë“. Majko ka riktheksuar se vlerësimi i forcës kryesore të opozitës është se shumica dhe posaçërisht Berisha po e shpie vendin drejt kaosit. „Mënyra se si goditet dhe është goditur prokurori i përgjithshëm esencialisht po e çon vendin në një prag kaosi të marrëdhënieve institucionale, po orienton deligjitimitetin e institucionit të akuzës, institucionit kyç për goditjen e krimit të organizuar dhe elementë bazë për goditjen e korrupsionit në vend“-tha dy herë ish-kryeministri, ndërsa theksoi se asesi ky qëndrim nuk përbën mbrojtje të një individi. „Në këtë rast nuk jemi duke mbrojtur thjesht individin që drejton sot Prokurorinë e Përgjithshme. Ne jemi duke mbrojtur përfaqësuesin legjitim të organit të akuzës“, -tha Majko

Letra
„Kjo mund të konsiderohet kriza më e rëndë e 15 viteve të fundit në marrëdhëniet institucionale të vendit ose pas miratimit të Kushtetutës, është prova më e madhe. Berisha në mënyrë permanente, qoftë kur ka qenë në opozitë, qoftë tani që është në pushtet, e ka sfiduar ligjin“. Ky ka qenë deklarimi i Majkos për të konfirmuar shqetësimin për rastin „Sollaku“ dhe njëherit për letrën që i është dërguar kryetarit të shtetit. Ndonëse ka një „lumë“ akuzash për mosveprim të kryeprokurorit, PS-ja mendon se duhet të ndërhyjë presidenti për të ndalur rrugën e sulmeve ndaj institucioneve të pavarura. „Tashmë duket se konstitucionalizmi në Shqipëri është në pikën e tij më të ulët të gjithë këtyre viteve. Është e natyrshme që përpjekjet tona parlamentare të jenë vetëm në drejtim të rikthimit të rendit kushtetues në vend, duke shpresuar që kjo përpjekje e jona, të mos mbytet në vorbullën e numrave të maxhorancës. Në këtë përpjekje, roli i presidentit të Republikës është i pazëvendësueshëm, qoftë edhe nga vetë ngarkesa që i atribuon Kushtetuta, si garant i saj. Është pikërisht në këtë rol tuajin që ju drejtohemi për të ndërmarrë të gjithë hapat e mëtijshëm, në përputhje me kompetencat kushtetuese, për të rikthyer autoritetin e cenuar të Kushtetutës së vendit“, -thuhet në fund të letrës së PS-së drejtuar presidentit Alfred Moisiu, të cilit njëkohësisht i theksohet më se një herë se askurrkush nuk po merr në mbrojtje Sollakun, por institucionet. „Kryeministri akuzon përsëri në publik në mënyrën më të rëndë të mundshme, prokurorin e vendit. Kjo për ne, zoti President, është sulm i motivuar politikisht ndaj prokurorit të përgjithshëm“, -thuhet në letër.

[Albo]

Ministri i Drejtësisë, Aldo Bumçi, akuzoi kryeprokurorin Sollaku për paaftësi në luftën kundër korrupsionit

Bumçi: Prokuroria i shkaktoi miliarda lekë dëm shtetit


Flamur Vezaj

TIRANË- Ministri i Drejtësisë, Aldo Bumçi, ka akuzuar dje Prokurorin e Përgjithshëm dhe vartësit e tij për shkelje serioze të ligjit, të cilat i kanë shkaktuar shtetit dëmin prej 2.2 miliardë lekë, 40 milionë dollarë dhe 12 mijë marka gjermane. Në një konferencë për shtyp, ministri Bumçi bëri publik dje kontrollin e ushtruar në prokurori, kontroll që sipas tij ka nxjerrë në pah një numër të madh shkeljesh. “Mosfillimi i hetimeve dhe pushimi i çështjeve nga prokuroria në 70 % të kallëzimeve penale të bëra nga Kontrolli i Lartë i Shtetit, i ka shkaktuar shtetit një dëm ekonomik prej 2 miliardë e 293 milionë lekë, 40 milionë e 75 mijë dollarë dhe 12.180 marka gjermane”,-tha dje Bumçi. Sipas tij, dëmi i mësipërm është shkaktuar në dosjet e evazionit fiskal, në importimin e 30 mijë automjeteve, në dosjen e kallëzimit penal të bërë nga KLSH në maj të vitit 2000 për dëmin e shkaktuar nga KESH-i dhe në çështjen e zhdoganimit të kundraligjshëm të 8 anijeve në Doganën e Durrësit. Gjatë konferencës, Bumçi ka përmendur edhe shkelje të tjera në dosjet e prokurorisë, që lidhen me Ministrinë e Transporteve apo çështjen e tokave në Vlorë.

***
Sipas ministrit Bumçi, inspektorët e ministries, gjatë kontrollit të kryer në prokuroritë e rretheve Tiranë, Durrës, Librazhd, Elbasan, Lushnje, Kavajë, Vlorë dhe në Prokurorinë e Përgjithshme kanë arritur në konkluzionin se: “prokurori i përgjithshëm dhe drejtuesit e prokurorive të rretheve kanë mungesë vullneti për të luftuar korrupsionin, krimin e organizuar dhe trafiqet”. Bumçi tha se qëllimi kryesor i inspektimit ishte verifikimi i ecurisë së kallëzimeve penale të bëra nga Kontolli i Lartë i Shtetit (KLSH), për periudhën 2000-2005. “Dalja ime para mediave është një reagim i dikasterit të drejtësisë, pasi Prokurori i Përgjithshëm një natë më parë, gjatë një debati televiziv, u përpoq të hidhte poshtë rezultatet e kontrollit të inspektorëve të Ministrisë së Drejtësisë, duke e cilësuar si “material i dobët, politik dhe i formuluar jashtë zyrave të ministrisë që unë drejtoj. Prokurori i Përgjithshëm bëri këto akuza për të devijuar debatin e ngritur mbi çështjen e paaftësisë së tij, për të luftuar korrupsionin dhe krimin e organizuar, duke i treguar opinionit se ai ka humbur qetësinë dhe merret me çështje qesharake e nuk merret me çështjet thelbësore të raportit të inspektorëve”,- shtoi më tej Bumçi.

***
“Qeveria shqiptare kërkon një prokuror që të ketë vullnet të hetojë dhe të veprojë dhe jo një prokuror që nuk reagon, edhe pse qeveria, në rast shkarkimi të prokurorit Theodhori Sollaku nuk ka ndonjë kandidat apo emër për zëvendësimin e tij, pasi emërimi për një post të tillë është kompetencë e presidentit”,-tha ministri i Drejtësisë. Gjatë fjalës së tij, ministri Bumçi vuri në dukje se kontrolli i ministrisë ka nxjerrë në pah se Prokurori i Përgjithshëm ashtu edhe prokuroritë në rrethe kanë bërë shkelje serioze të ligjit dhe të funksionimit të organit prokurorisë, shkelje këto që i kanë shkaktuar arkës së shtetit një dëm ekonomik të konsiderueshëm me 2 miliardë e 293 milionë lekë, 40 milionë e 75 mijë dollarë, 12.180 marka gjermane. Dëmet në fjalë i referohen qëndrimit pasiv të prokurorisë ndaj kallëzimeve të bëra nga KLSH-ja. Dosjet e evazionit fiskal në importimin 30 mijë automjeteve, për ministrin e Drejtësisë janë mbyllur mënyrë të kundraligjshme duke i shkaktuar shtetit dëmin prej 75 miliardë lekësh. Në këtë çështje nuk janë kryer veprimet për dy vjet e gjysmë nga Prokuroria e Përgjithshme dhe ajo e rrethit Tiranë. Vetëm në prokurorinë e Lushnjes, sipas raportit të inspektorëve të Ministrisë së Drejtësisë, ka rezultuar 17 raste të trafikut ndërkombëtar të automjeteve. Ministri Bumçi shtoi më tej se të njëjtin fat ka pasur edhe kallëzimi penal i KLSH-së për dëmin prej 40 milionë dollarë, të shkaktuar në KESH . Ndërkohë, edhe çështja e zhdoganimit të kundraligjshëm të 8 anijeve në Doganën e Durrësit me nje dëm ekonomik në vlerë 60 milionë lekë, ku prokuroria e Durrësit e ka pushuar çështjen pas 15 muajsh është cilësuar shkelje nga ministri i Drejtësisë.

Bumçi për kontrollin

1-Prokuroria nuk i ka hetuar dhe nuk ka vepruar për kallëzimet penale të depozitura nga KLSH, të cilat bëjnë fjalë për dëme me 2 miliardë e 293 milionë lekë, 40 milionë e 75 mijë dollarë, 12.180 marka shkaktuar buxhetit të shtetit. Këto dëme zënë 70% të dëmeve të kallëzuara nga Kontrolli i Lartë i Shtetit në shkallë Republike, gjatë pesë viteve të fundit

2- Kontrolli ka konstatuar se hetimet kanë përfunduar në mënyrë të kundraligjshme në çështjen e evazionit fiskal në importimin e 30 mijë automjeteve. Sipas kallëzimit të bërë nga KLSH, nuk janë zhdoganuar në më pak se dy vite automjete, të cilat i kanë shkaktuar shtetit një dëm prej 7.5 miliardë lekë. Për këtë çështje nuk janë veprimet për dy vjet e gjysmë nga Prokuroria e Përgjithshme dhe ajo e Tiranës

3- Të njëjtin fat ka pasur edhe kallëzimi penal i KLSH-së për dëmin prej 40 milionë dollarësh të shkaktuar nga KESH. Kallëzimi është bërë në maj 2000, por jepet për hetim në shtator. Mosfillimi i hetimit të kësaj çështjeje nuk ishte i drejtë. Nga kallëzimi del qartë ekzistenca e veprës penale, për të cilën ka pasur edhe një tjetër kallëzim. Prokuroria e Tiranës ka vendosur mosfillimin e hetimeve pa kryer asnjë veprim

4- Çështja e zhdoganimit të kundraligjshëm të 8 anijeve në doganën e Durrësit me një dëm ekonomik prej 60 milionë lekësh. Prokuroria ka pushuar çështjen pas 15 muajsh, pasi ka kryer gjithsej 6 veprime hetimore. Në këtë procedim penal, Prokurori i Përgjithshëm ka përgjegjësi të drejtpërdrejtë, pasi që nga fillimi është në dijeni për çka tregon shkresa përcjellëse dhe më pas pajtohet me mënyrën e përfundimit

5- Konstatimet e grupit të kontrollit, zvarritjet e palejueshme dhe hetimet tejet formale edhe në çështje të tilla madhore të shtyjnë të arrish në konkluzionin se kemi të bëjmë jo thjesht me çështje të aftësisë profesionale të drejtuesve të prokurorive të rretheve dhe Prokurorit të Përgjithshëm, por me mungesë vullneti nga ana e tyre për të luftuar krimin e organizuar, korrupsionin dhe trafiqet

[Albo]

Letra e kryeprokurorit Sollaku, drejtuar ministrit Bumçi hedh poshtë kontrollin si të paargumentuar dhe të motivuar politikisht

Sollaku: Qeveria, reprezalje politike

Ened Janina

TIRANË- Kreu i prokurorisë shqiptare, Theodhori Sollaku, i përgjigjet nëpërmjet një letre zyrtare të gjitha pretendimeve të paraqitura nga ministri i Drejtësisë, Aldo Bumçi, në lidhje me një kontroll të ushtruar në prokuroritë e rretheve Tiranë e Durrës. Sipas kryeprokurorit Sollaku, raporti i ministrisë është bërë në kushtet e një paragjykimi të plotë dhe inspektorët e saj kanë tejkaluar kompetencat e dhëna nga ligji. Madje, kryeprokurori Sollaku i ka pohuar Bumçit se një pjesë e materialeve të paraqitura nga inspektorët e ministrisë janë shpifje. “Pushteti i Ministrit të Drejtësisë për të inspektuar veprimtarinë e prokurorëve duhet të interpretohet, duke patur parasysh normën kushtetuese të pavarësisë, ligjet në fuqi dhe rekomandimet e Këshillit të Europës, lidhur me marrëdhëniet midis Prokurorisë dhe Ekzekutivit. Këtë kontroll dhe konkluzionet e tij i gjykoj të motivuara politikisht, tendencioze, të paragjykuara dhe të pambështetura në argumente juridikë”,- thuhet në letrën e kryeprokurorit Sollaku. Sipas saj, inspektorët e Ministrisë së Drejtësisë ende vazhdojnë të mbështeten në vlerësimin e të dhënave statistikore, sipas standardeve të sistemit komunist të para ’90.

Përgjigjja
Në përgjigjen zyrtare, Prokurori i Përgjithshëm i ka shpjeguar ministrit Bumçi kompetencat që i lejon ligji grupit të kontrollit si dhe kompetencat e prokurorëve. “Prokurori ka jo vetëm detyrimin që të ushtrojë ndjekjen penale në interes të ligjit dhe shoqërisë, por edhe të sigurojë të drejtat e qytetarëve dhe t’i mbrojë ato nga nismat e gabuara për penalizimin e tyre. Parimin e rëndësishëm të pavarësisë së prokurorisë dhe të detyrimit të saj për mbrojtjen e qytetarëve nga ndjekjet e padrejta, grupi i kontrollit nuk e ka patur mirë parasysh. Ata kanë tejkaluar kompetencat duke hyrë në analizën e thelbit të vendimeve të prokurorit dhe aq më keq, vendime të pacënuara ose të konfirmuara nga gjykata, i interpretojnë në mënyrë krejt arbitrare, duke demonstruar një injorancë totale në njohjen e ligjit material e procedurial penal”,- thuhet në letrën e Sollakut. Në këtë letër mohohet edhe pretendimi i Ministrisë së Drejtësisë se prokuroria ka pasur mosmarrëveshje me institucione të ndryshme, veçanërisht me KLSH-në. Sipas Sollakut, “mosmarrëveshje” të tilla nuk ekzistojnë në marrëdhëniet midis këtyre institucioneve. “Koha e kontrollit, mënyra e kryerjes së tij dhe një sërë përfundimesh krejt të pasakta, arbitrare e spekulative, i japin kontrollit tuaj natyrën e një “raprezaljeje politike”, që vjen ndesh me frymën e Kushtetutës dhe me detyrimet ligjore të Ministrit të Drejtësisë”, -thuhet në të.

Kontrolli
Ndërkohë, kryeprokurori Sollaku ka paraqitur shqetësimin se prokurorët e kontrolluar nga inspektorët e ministrisë nuk kanë pasur mundësinë që të thonë fjalën e tyre në lidhje me shkeljet e pretenduara. “Me keqardhje konstatova se asnjëri nga prokurorët që ka marrë vendime në procedimet e kontrolluara, nuk është dëgjuar nga inspektorët lidhur me vërejtjet e pasqyruara në material, fakt që jo vetëm ka cënuar një parim elementar të objektivitetit, por edhe ka çuar në përfundime të gabuara ligjore”,- thuhet në reagimin e kryeprokurorit. Sipas tij, përfundimet e kontrollit nuk janë nënshkruar nga anëtarët e grupit të kontrollit, të cilët duhet të marrin përgjegjësinë për përfundimet e arritura. “Në mungesë të përmbushjes së këtij detyrimi, më vjen keq Zoti Ministër që, duke i përcjellë ato, e keni marrë ju përgjegjësinë për mangësitë ligjore, faktet e paqëna dhe tautologjinë banale që përshkon këto konkluzione nga kreu deri në fund’,- thuhet në letër.

Sollaku mbi kontrollin

1-Ndërkohë që pretendohet për cektësi në hetime, nuk është serioze që të mos orientohet se për çfarë krimesh të tjera duhet të zgjeroheshin hetimet. Për vërejtjet që kanë të bëjnë me zvarritje të hetimeve, nuk është normale të kryhen disa veprime aritmetike pa kuptim (numri i pyetjeve në muaj) dhe administrimi i provave shkresore të konsiderohet si veprim me “karakter formal”. Jo vetëm administrimi provave shkresore është veprim i rëndësishëm, por inspektorët duhet të kuptojnë se formalizmi (të cilin e kritikojnë) është baza e proceseve akuzatore. Vetëm një proces formal siguron barazi të palëve dhe mbrojtje të individit në procesin penal. Kodi i ri i procedurës penale është një Kod i mbështetur në akte formale hetimore.

2- Grupi i konkluzioneve të posaçme për Prokurorinë e Përgjithshme përshkohet, nga kreu deri në fund, nga konkluzione tendencioze, duke luajtur me shifra marramendëse, pa sjellë asnjë fakt lidhur me teknikën e llogaritjes dhe vërtetësinë e tyre. Më lejoni t’ju them se kjo është pjesa më e papërgjegjshme e konkluzioneve të kontrollit, ku synohet të krijohet efekti që quhet “hipnotizim nga përsëritja”. Kontrollorët jo vetëm kanë dalë jashtë objektit të kontrollit, por shkruajnë marrëzira që mund t’i besojë vetëm një mendje e sëmurë. Shtrohen pyetjet: Cilat janë 30.000 episodet kriminale, të shtrira në 22 rrethe?! Si është llogaritur dëmi prej 75 + 40 milionë dollarësh?! Cilat qenkan këto 7.000 vepra penale që qenkan fshehur në Prokurorinë e Rrethit Tiranë?! Cilat janë faktet analitike që të sjellin në përfundimin se Prokuroria nuk bashkëpunon me shërbimet e Policisë së Shtetit apo ato të doganave e tatimeve?Asnjë përgjigje nuk iu jepet këtyre pyetjeve në aktin e konkluzioneve të kontrollit.

3- Në përfundim të aktit të kontrollit citohen disa të dhëna statistikore, prej nga dilet në përfundimin për tregues të ulët të punës së Prokurorisë. Para së gjithash, shifrat me të cilat është operuar paraqitin pasaktësi serioze (shih pikën 7). Ndërsa pretendohet nga Ministria e Drejtësisë se numri i pafajësive dhe pushimeve të dhëna nga gjykatat në vitin 2003 arrin në 15 % të numrit të përgjithshëm të të pandehurve të gjykuar, në realitet, nga statistikat që disponon Zyra e Prokurorit të Përgjithshëm dhe që i janë dërguar rregullisht edhe Ministrisë së Drejtësisë kjo shifër është vetëm 6, 3 %; ndërsa për vitin 2004 këta tregues zënë vetëm 7 %.

4- Me keqardhje konstatoj, Zoti ministër, se në fund të konkluzioneve inspektorët tuaj i kanë lejuar vetes të shpifin në mënyrë të paturpshme duke sajuar “biseda” të paqena, në dhunim të çdo norme të etikës dhe të moralit. Kush qenka ky inspektor që i lejon vetes “t’i tërheqë vëmendjen Prokurorit të Përgjithshëm” dhe të komentojë qëndrimet institucionale të tij përpara mediave?! Përfshirja e këtyre insinuatave në përmbajtje të një akti kontrolli, është jo vetëm e turpshme, por edhe kompromenton rëndë vetë qëllimin e kontrollit dhe konkluzionet e tij.

5- Z. ministër, në thelb, vërejtjet në përfundim të këtij kontrolli për një periudhe 7- vjeçare ( 1999-2005), përfshijnë vetëm 5 raste të mosfillimit të procedimit dhe 3 raste të pushimit të hetimeve, pa përfshirë këtu rastin e kallëzimit të vitit 1999, që bën fjalë për zhdoganimin e automjeteve me dokumente të falsifikuara (është vendi t’u kujtoj se kam filluar detyrën në 02/04/2002). Edhe për këtë arsye, sikundër theksova më sipër, këtë kontroll dhe konkluzionet e tij i gjykoj të motivuara politikisht, tendencioze, të paragjykuara dhe të pambështetura në argumente juridike.

[Lunesta]

NGJELA: TE IKE SALI BERISHA! MAZHORANCA, KRYEMINISTER TE RI

Kryeministri po qeveris me ish komunistet e Enver Hoxhes dhe socialistet e Fatos Nanos.
Ish kryetari i komisionit parlamentar te Ligjeve kritikon ashper kryetarin e qeverise: Berisha vetem flet lart e poshte e nuk di te veproje per shtetin

Me i ashper se sa ditet e tjera ka qene dje ish kryetari i Komisionit Parlamentar te Ligjeve, deputeti Spartak Ngjela, i cili ka kerkuar qe 74 deputetet e mazhorances se djathte te nxjerrin nga radhet e tyre nje emer tjeter per kryeminister.

Pra zoti Ngjela beri thirrje te hapur per rrezimin e zotit Berisha si kryeminister. Ai tha se nuk eshte e djathta e vertete ne pushtet, por disa puniste e socialiste, qe zoti Berisha i thirri prape ne qeveri. Perplasjet e krijuara nga kryeministri Berisha ne keta shtate muaj qeverisje si me Presidentin e Republikes, me median, me opoziten, me prokurorin e pergjithshem, me deputetet e tij te PD se, por dhe me disa parti aleate te para 3 korrikut ka dobesuar shume mazhorancen, duke e nxjerre ate ne syte e opinionit vendas dhe te huaj si nje mazhorance ne krize e konfliktuale.

Ishte Sali Berisha qe me luften e tij kunder opozites ne ceshtjen e votimit per Jozefina Topallin dhe votes me kuti i cili perbashkoi krejt partite e opozites. PS ja, LSI ja, PSD ja, PDS ja dhe PAD ja ishin qe te gjitha ne nje lufte mes vetes prej shtatorit 2005 e gjer ne janar 2006. Cuditerisht zoti Berisha filloi sulmin e pakuptimte ndaj tyre dhe nga frika "Berisha", ata u bashkuan.

E mbajti afro dy muaj nen bllokim total Parlamentin nga protesta e opozites dhe ne fund u detyrua qe te beje leshime sapo nderhyri komuniteti nderkombetar. E cfare fitoi mazhoranca nga kjo perplasje, prej se ciles doli e fituar opozita. Opozita fitoi se pari unitetin mes vetes dhe se dyti edhe voten e fshehte ne kutine e votimit. Me ish pronaret dhe ish te persekutuarit mazhoranca krijoi probleme te cilat do t'i kushtojne aq shume ne zgjedhjet lokale mazhorances sa vetem naten e zgjedhjeve vendore do ta kuptojne pushtetaret e sotem.

Kryeministri po vazhdon te ndjeke nje politike te majte, te perzier me elemente sporadike te se djathtes, por mbizoteron jo konsensusi ne partite e koalicionit qeverises, por autoriteti absolut i zotit Berisha, i cili nuk pranon asnjeri t'i beje kritika apo sugjerime. Duke synuar mbajtjen e pushtetit per vete, e duke e centralizuar ate, zoti Berisha po e con mazhorancen, sipas deputetit Ngjela, drejt humbjes se pushtetit ne vitin 2007.

Prandaj zoti Ngjela kerkoi dje largimin e zotit Berisha nga posti i kryeministrit dhe gjetjen brenda radheve te mazhorances emrin e nje kryeministri te ri qe ta garantoje deri ne vitin 2009 pushtetin e se djathtes me pikesynimin per ta rifituar prape ne vitin 2009 gjer ne 2013. Mesazhi i zotit Ngjela ishte se me Sali Berishen nuk mban dot pushtet e djathta, pasi eshte konfliktual dhe nuk ka ndryshuar aspak nga ai Berishe i viteve 1992 1997.

Ne te vertete brenda radheve te mazhorances ka filluar te ndihet frika e humbjes se pushtetit para vitit 2009 per shkak te nje qeverisjeje te keqe e pa vizion, por krejtesisht amatore e konfliktuale. Ne vend qe te debatohet per politika ekonomike e investime tek njerezit po perdoret taktika e frikes, e autoritetit absolut nga Berisha dhe e futjes ne nje dore te vetme te krejt pushtet shtetit.

Pavaresisht se nuk mund te mohohet puna e ministrit te Brendshem, zotit Sokol Olldashi, si dhe e vartesve te tij ne luften kunder krimit te organizuar dhe bandave apo e ministrit Genc Ruli per nje politike djathtiste perendimore ne privatizim e ne menaxhim te ekzekutivit, perseri nuk mjaftojne per te mbajtur pushtetin duke bere shtet. Berisha duket se ka filluar te dyshoje tek secili deputet i tij dhe disa prej ministrave ka fillluar t'i spostoje nga daljet ne TV, pasi i duket se jane kandidate te mazhorances per ta zevendesuar nese ai bie nga fiku i pushtetit.

Edhe teoria qe kane nxjerre disa saliste se "me ikjen e Berishes nga kryeminister, mazhoranca shkon ne zgjedhje ose ne opozite" nuk ka asgje te sakte, pasi brenda radheve te PD se jane mbi pese emra te gatshem per kryeministra si Bamir Topi apo Jozefina Topalli, Lulzim Basha apo Genc Ruli. Po keshtu nese duhen votat e partive te vogla te mazhorances loja politike mund te coje tek skema e vjeter e Genc Pollos apo deshira e brendshme, por e pashpallur e Fatmir Mediut, te cilet mbeten kandidate potenciale per kryeminister ne cdo rast qe bie Berisha.

Dje zoti Ngjela theksoi se ka ardhur momenti qe mazhoranca te gjeje forca brenda vetes per te bindur Berishen te ike, pasi po i ben keq PD se e se djathtes ne pergjithesi me menyren e tij te konfliktit me institucionet dhe humbjen e pikeve te mazhorances. Pas Ngjeles jane edhe disa deputete te tjere qe kane filluar te mendojne se ndoshta ka ardhur koha per te ikur Berisha si kryeminister dhe per gjetjen e nje emri tjeter nga e djathta. Numrat ne Kuvend po behen per ta shpallur kete platforme te re per te mbajtur te djathten ne pushtet.

KJ

[Lunesta]

Lufte civile ne boten e institucioneve
E Marte, 18 Prill 2006
Nga Mustafa NANO

Para disa ditesh, Kryeministri shqiptar vendosi edhe njehere ta kalonte Rubikonin. Ai e ka lene menjane tashme akuzen e bere, sipas se ciles "Prokurori i Pergjithshem fle mbi dosjet e krimit", dhe ka artikuluar nje akuze me te rende. "Prokurori i Pergjithshem eshte i lidhur me grupet kriminale", tha ai, dhe shtoi me tej se "do ta faktoje kete akuze". Te gjitha keto i tha si perhere ne stilin e njeriut te mberthyer prej sindromes se Hide Park-ut, i cili zjen prej padurimit per te bere mitingje e per te denigruar e sulmuar te tjeret; i tha ne dalje te katedrales, ku kish bujtur per te bere nje vizite me rastin e dites se Pashkeve. Ndersa leshonte keto bomba te verteta, prapa i qendronin do klerike, te cilet kishin dale per ta percjelle perfaqesuesin e shtetit laik dhe ishin me veshet pipez e me fytyra te qeshura, duke mos e cuar ne mendje, se me ligjerimin e tij, kryeministri po bente pis e po profanonte festen e besimtareve katolike. Nuk eshte hera e pare qe leshon deklarata politike tek dyert e kishave e te xhamive, por eshte hera e pare amá qe leshon akuza te tilla, te cilat nuk ka kandar t'i mbaje. Shihet qarte se nuk jemi me ne lojen "hidh e prit" te batutave nervoze te krereve te institucioneve; nuk kemi te bejme gjithashtu me prirjen e rendomte e banale te Berishes per t'i dhene gaz makines se fabrikimit te akuzave publike per gjithkend. Me kete qendrim mund te konsiderohet e shpallur lufta civile ne boten e institucioneve.

Nuk duhet te kemi piken e drojes per ta kualifikuar gjithe kete yxhym te kryeministrit tone mujshar si nje agresion ndaj shtetit te se drejtes. Nuk mund te perfytyrohet ne asnje vend normal demokratik qe kreu i nje institucioni sovran te akuzoje publikisht per perzierje me boten e krimit kreun e nje institucioni tjeter sovran. Aq me pak mund te perfytyrohet qe kete ta beje kreu i nje institucioni politik (kryeministri) kunder kreut te nje institucioni te drejtesise (Prokurorit te Pergjithshem). Kemi degjuar shpesh here qe Prokurori i Pergjithshem i nje shteti demokratik te akuzoje kryeministrin e po atij shteti, por nuk kemi degjuar ndonjehere qe te ndodhe e kunderta. Duket sikur jemi ne nje zhgjender surreale. Ne mos, jemi kthyer realisht prapa, ne vitet e regjimit totalitar, ku cdo prokuror e gjykates ishte vegel qorre ne duart e kryeministrit.

Po sikur kryeministri te kete vertet prova, qe deshmojne dhe vertetojne akuzen e bere ndaj Prokurorit te Pergjithshem? - mund te ngrihet nje pyetje. Ne rastin me te mire, kjo eshte nje pyetje e bere nga naive apo syleshe, te cilet nuk ia kane pire ende lengun akuzave te leshuara me bresheri nga Berisha ne harkun e pesembedhjete viteve te fundit. Personalisht, jam i prirur te besoj se kryeministri ose nuk ka asnje prove te qenesishme, ose ka prova te fabrikuara. Jo vetem logjika juridike, por edhe logjika humane, nuk mund te ta pranoje nje akuze, nese ti me perpara nuk ke dhene provat. Ndersa Berisha leshon akuzen, dhe thote se me pas do t'ju jap provat. Po te kish mundesi te ngrihej nga varri, Aristoteli (shpikesi i logjikes) do ta kish vene perpara me shkelma duke i uluritur: "more marrok, une kam dy mije e katerqind vjet qe kam shpikur logjiken, dhe ti akoma nuk ke kallur ne koke as ate silogjizmin me te qarte e me te thjeshte ne bote, te cilin ua kam dhene si llokum ne goje edhe femijeve: meqenese te gjithe njerezit jane te vdekshem, e meqenese Sokrati eshte njeri, rezulton qe edhe Sokrati eshte i vdekshem. Ndersa ti malukat na thenke ne fillim, qe Sokrati eshte i vdekshem, e na premton se me pas do te na tregosh qe ai eshte njeri".

Merret vesh qe Berisha nuk e ka qejf logjiken. Ai ka qejf pulsionet e veta te egra, te cilat i vine prej gjakimit epsharak te pushtetit mbi te gjithe e mbi cdo gje. Ate e bezdisin njerezit, gazetat, televizionet, institucionet e pakontrolluara prej tij. Perpiqet fillimisht t'i marre me te mire kreret e ketyre institucioneve, ne menyre qe t'i fuse nen sqetull urte e bute; nese kjo metode nuk jep rezultat, ai rreket te adoptoje metoda te tjera gjysme kushtetuese, jo kushtetuese apo antikushtetuese, nepermjet te cilave synon zevendesimin e tyre; nese has rezistence edhe ketu, ai ze e ben presion publik apo hedh akuza te renda. Dhe Sollakun ai e ka rrethuar prej muajsh me presion politik. Duke qene se me kete presion politik ka dale huq, po shtyhet me tej ne nje zone te erret, ku nuk dihet c'e pret e c'na pret (kjo eshte arsyeja qe permenda Rubikonin qysh ne krye). Shpresojme te dalin sa me shume njerez, te cilet ta ndalojne ne kete tentative per te ndezur pa kthim luften civile ne boten e institucioneve, gje qe mund te sjelle ose shperberjen e institucioneve, ose venien e tyre nen thundren e kryeministrit.

Eshte koha pra per te shpallur aksionin e mobilizimit civil e politik, ne menyre qe kryeministri te kuptoje se nuk mund te beje c'te doje me Shqiperine e me shqiptaret e vitit 2006. Opozita politike ben mire t'i lere per nje moment cic-mic-et e parendesishme (Ilir Meta do kish bere mire qe ne konferencen e djeshme per shtypin te perqendrohej vetem tek kjo ngjarje, e t'i linte per nje here tjeter te krisurat ne marredheniet midis LSI-se e PS-se), ndersa zerat imponues te shoqerise civile bejne mire ta mundin kompleksin e te qenit me cdo kusht te paanshem. Demokracia dhe shteti i se drejtes jane ne rrezik.

[Xhuxh Xhumaku]

Koha Jone, E Enjte, 20 Prill 2006


ZEF BROZI: BERISHA TE ZGJIDHET EDHE PROKUROR I PERGJITHSHEM!

Ish kryetari i Gjykates se Larte i shkarkuar nga ish Presidenti Berisha flet nga SHBA ja
Qekur Berisha u zgjodh kryeminister, ai ne fakt me shume eshte shfaqur si president, si prokuror i pergjithshem, si kryetar i Gjykates Kushtetuese dhe Gjykates se Larte e ne shume funksione te tjera. Vetem si kryeminister akoma nuk po duket realisht! Mbase Berisha ka harruar se eshte zgjedhur pikerisht si kryeminister!

Prandaj une i propozoj Parlamentit te Shqiperise qe mbase do jete me mire qe Berisha te shkarkohet si kryeminister dhe te zgjidhet me votim te fshehte si prokuror i pergjithshem. Pasi te jete bere kjo levizje, Theodhori Sollaku te emerohet kryeminister. Ne kete menyre sherri shuhet e shqiptaret dhe institucionet shteterore i kthehen punes. Berisha shkon aty ku ka pasionin e tij, pra ne organin e akuzes si kryeprokuror.

Ne kete menyre ai do kete rastin ta luftoje realisht korrupsionin dhe jo me llafe propagandistike. Berisha ka nje pervoje 15 vjecare qe sillet si prokuror. Mbase ka edhe arsimin juridik me korrespondence. Vecse do t'i lutesha kryeministrit Sollaku qe te mos i nderhynte ne kompetenca dhe ta linte te qete prokurorin e pergjithshem Sali Berisha.

Ne kete menyre Berisha duhet te mbetet shume i kenaqur dhe Shqiperise mund t'i behej mire. Ish Presidenti Berisha di shume per kontrabanden e armeve dhe te karburantit ne vitet 1993 1996. Ai di shume edhe per skemat piramidale. Edhe per pastrimin e parave te zeza. Ai duhet te dije edhe per te verteten per vrasjen e Azem Hajdarit. Pra le te filloje ndjekjet penale per te inkriminuarit e atyre viteve.

Prokurori Berisha do te kete rastin te shkurtoje procedurat e akuzes ndaj ish zyrtareve socialiste te korruptuar. Vecse t'i premtoje Parlamentit qe do ta filloje me "baronet e krimit" qe demaskoi gjate fushates. Dhe le te shpresojme qe prokurori Berisha nuk do te kete konflikt personal interesash ne luften kunder krimit te organizuar e korrupsionit. Sollaku do kete mundesine qe edhe si kryeminister te beje nje pune nje milion here me te mire se parardhesi i tij.

Pra nese Parlamenti do ta shkarkoje Sollakun me urdhrin e Berishes, atehere le t'i urojme suksese edhe prokurorit de jure Sali Berisha dhe kryeministrit Sollaku. Mbase edhe opozita do te beje konsensus per kete zgjidhje. Opozita me shume se kushdo duhet te jete e interesuar ta luftoje korrupsionin e sotem, te djeshem dhe te cdo kohe.

Dhe askush tjeter ne Shqiperi nuk mund ta shkule nga themelet krimin e organizuar dhe korrupsionin pervec nje burri qe i ben te gjitha. Dhe ky eshte: prokurori i pergjithshem Sali Berisha.

Urime Shqiperi per kryeministrin e ri!

Zef Brozi
Uashington D.C.

[Fenomeni]

Kur mendohej se ndryshoi Berisha se bashku me mentalitetin e tij, erdhi zhgenjimi i radhes. Ndoshta ka te drejte, por ka organe perkatese qe merrem me ceshtjet te cilat nuk i takoje kryeminstrit. Ka akuzuar qindra here Fatos Nanon, per trafiko-korrupsion, si dhe per nje aksident per nje jete te humbur. Po pse nuk degjohet tani qe eshte ne pushtet nje gje e tille?!

[Brari]

ben ironi dhe zef brozi qe ishte ai qe do duhej te luftonte te keqijat e viteve 92-95 si kryetar i gjykates se larte por qe jo vetem nuk i luftoi por perkundrazi , ishte nismetari i fenomenit te gjykatesit te korruptuar kok e kembe.
ndonse nuk ishte nga ata te "plepave" fuksi me shkolle juridike bolshevike u tregua nje spurdhjak i ndyre ne detyren e larte qe ja ngarkuan pa asnji merite.
zef Broz katunari u shit qofte tek rrugacet e rrugve qofte tek mafiozet e sapo krijuar qofte tek trafikantet e ardhur nga jashte.
me perkrahjen e mafies ai u instalua ne USA ku edhe tani punon per ri-ardhjen ne pushtet te shokve te tije , ustallaret e PS-se, qe e kan pasur vegel te tyren, miun e qelbur broz.


kur zef brozat dhe ed ramat , frrok cupat e moz rucat, dadet e bracet e krejt fara e tyre e neveritshme ulerijne kunder berishes ata bejne nje sherbim te madh.
na vertetojne se Berisha po punon drejt.

[Albo]

Vendimet, gruaja e Sollakut nuk mund te procedohet

E Diele, 23 Prill 2006
Pavaresisht kerkeses se saj qe Keshilli i Larte i Drejtesise te verifikoje dy vendime, gjyqtarja Zegjine Sollaku, nuk mund te procedohet. Ligji per organizimin e pushtetit gjyqesor ne Shqiperi lejon "hetimin" e vendimeve brenda tri viteve nga data e shpalljes se tyre

Valmira DALIPI

Gjyqtarja Zegjine Sollaku, bashkeshortja e kryeprokurorit te vendit, Theodhori Sollaku, nuk mund te procedohet nga Keshilli i Larte i Drejtesise, edhe nese dy vendimet e saj, te atakuara ditet e fundit nga Ministria e Drejtesise, rezultojne te paligjshem. Sipas ligjit nr. 8436, date 28.12.1998, "Per organizimin e pushtetit gjyqesor ne Republiken e Shqiperise", vendimet per te cilet ka pretendime se jane dhene ne menyre jo legale, duhet te shqyrtohen brenda tre viteve nga data e shpalljes se tyre. Duke iu referuar letres se hapur qe gjyqtarja Sollaku, i dergoi KLD-se, nenkryetari i ketij Keshilli, Ilir Panda, thote se eshte hera e pare qe ndodh nje rast u i tille, ku nje gjyqtar kerkon inspektim per punen e tij. "Megjithate, me kete problem po merret grupi i inspektimit, i perbere nga anetare te KLD-se. Ai do te shqyrtoje ceshtjet, per te cilat mendohet se zonja Sollaku ka abuzuar me ligjin, por duhet pasur parasysh koha kur jane kryer keto shkelje te pretenduara", shpjegoi Panda. Dy vendimet e perfolura te Zegjine Sollakut jane dhene, njeri 7 vite me pare, dhe tjetri, ne mars te vitit 2003. Ne te dyja rastet, kane kaluar me shume se tre vjet nga shpallja e vendimeve. Bazuar ne nenin 45 te ligjit ne fjale, "fillimi i procedimit disiplinor mund te behet brenda tre viteve nga data e kryerjes se shkeljes". Pavaresisht kerkeses se saj per te inspektuar punen e saj, KLD nuk do te munde te procedoje gjyqtaren Sollaku, edhe nese ajo ka shkelur ligjin me shpalljen e dy vendimeve te atakuara.

LIGJI

Neni 45

Procedimi disiplinor per gjyqtaret vihet ne levizje nga ministri i Drejtesise. Fillimi i procedimit disiplinor mund te behet brenda tre viteve nga data e kryerjes se shkeljes. Gjate verifikimit, qe behet nga inspektoret, percaktohet nese eshte kryer ndonje shkelje e disiplines nga ato te percaktuara ne ligj, lloji dhe rendesia e shkeljes, fajesia e personit, si dhe te dhena mbi te cilat mbeshteten perfundimet e nxjerra. Ne cdo rast duhet te degjohet edhe gjyqtari qe ka kryer shkeljen. Verifikimi i pretendimeve eshte i detyrueshem. Rezultatet e verifikimeve te bera, si dhe te dhenat shkresore rreth tyre, pasqyrohen ne nje akt perfundimtar, i cili i behet i njohur gjyqtarit qe ka kryer shkeljen. Materialet i dergohen ministrit te Drejtesise dhe Keshillit te Larte te Drejtesise. Keshilli i Larte i Drejtesise, perpara se te marre vendimin, duhet te degjoje ne nje seance pretendimet e paleve. Materialet e plota i vihen ne dispozicion gjyqtarit 10 dite perpara zhvillimit te seances. Ai ka te drejte te mbrohet vete ose me avokate gjate seances.