Moisiu: Nuk nënshkruaj shkarkimin e kryeprokurorit Sollaku

[Antimafia]

15 Prill 2006

Bujar Nishani (zedhenes i grupit parlamentar PD, deputet) prononcohet per shtyp:

“-Prokurori Sollaku më parë duhet t’u shpjegojë shqiptarëve se cilat janë lidhjet e tij me bandën “Hakmarrja për Drejtësi” dhe cilat ishin motivet që dosjet e ekstradimit të Altin Arapit, në vend të procedurave zyrtare, ia kaloi përfaqësuesit politik të kësaj bande, Adrian Vishës.
-Prokurori Sollaku më parë duhet t’u deklarojë shqiptarëve se cilat janë detyrimet e tij ndaj bandës së Aldo Bares dhe përfaqësuesit politik të saj, gjyqtarit Gjermeni”



Agim Neza, këshilltar i kryeprokurorit, tha se:

Pretendimet e deputetëve të PD-së janë shpifje të ulëta, të cilat kërcënojnë rendin kushtetues dhe demokracinë në vend.




16 Prill 2006

Ora 15: 05 Kryeministri Berisha: Do te vertetoj lidhjet e Sollakut me krimin

Kryeministri Sali Berisha ka shkuar edhe me tej ne akuzat e bera ndaj Prokurorit te Pergjithshem Theodhori Sollaku. Berisha u shpreh sot se ka te gjitha faktet qe tregojne lidhjet e kreut te akuzes me krimin. Kryeministri sqaroi se akuzat nuk i ka ndaj figures se prokuroreve, por vetem ndaj Sollakut. Ai e akuzon kryeprokurorin si te vetmin pergjegjes per shkeljet ne organin e akuzes.


Ora 17:35 Sollaku: Berisha te ruaje qetesine. Shume shpejt do te ballafaqohemi

Pas akuzave te kryeministrit Sali Berisha ne drejtim te kryeprokuorit ka qene I menjehershem reagimi i kreut te institucionit te akuzes Theodhori Sollaku. I pyetur nga tv NEWS 24 kryeprokurori i ka kerkuar kryeministrit Berisha te ruaje qetesine. Gjithashtu Sollaku ka deklaruar se shume shpejt do te ballafaqohet me kryeministrin Berisha per te gjitha akuzat qe ai ka leshuar ne drejtim te tij.

----------------------------------------------------------------------------------------------------

Berisha do te heq Sollakun.
Pasardhesi i Sollakut leviz nga prokuroria e pergjithshme te gjithe ambasadoret e krimit ne kete institucion dhe fillon luften kunder mafies.

Daullet e luftes po bien.
Zoti e ndihmofte Shqiperine

[dodoni]

Krimi eshte i demshem per cdo shoqeri e edhe per shoqerine shqiptare, duke perfshire gjithe partite politike ne to. Krimi duhet te luftohet pamvaresisht se nga anetare te ciles parti behet ai.

PD, po deshi qe te kete jete te gjate ne qeveri, nuk duhet te denoje njerez vetem per bindjet partiake te tyre, por vetem ata te kriminalizuar pamvaresisht se ne cilen parti bejne pjese, pra si te PS-se ashtu edhe te PD-se. Keshtu, pervec jetegjatesise se tyre ne pushtet, kane edhe perfitimin tjeter qe eshte ndoshta edhe me i madh se ky e qe eshte permiresimi i kushteve te jeteses ne vendin ku jetojne ata dhe familjet e tyre, pra jeta ne nje shoqeri pa kriminele.

PS, po deshi qe te vije ne pushtet sa me pare, duhet qe ta luftoje krimin si ne partine e tyre ashtu edhe ne partite tjera, e jo te mundohet te mbroje anetaret e partise se tyre apo kundershtaret e PD-se qe jane te kriminalizuar sepse keshtu, ndoshta edhe mund te kene perfitime ne short-run, por ne long-run jane humbesit me te medhenje vete ata. Poashtu, ne qender te vemendjes se tyre duhet te jete interesi madhor i shoqerise shqiptare per nje shoqeri pa apo me sa me pak kriminele dhe krime sepse duke pasur kete ne fokus te tyre, edhe shansat per te ardhur prape ne pushtet do i kene me te medha.

Tung

[beni67]

Shume bukur, duket se sa ia doni te miren atij vendi. Ne vend qe te pergezohen ata qe duhet te pergezohen ju filloni me njemije e nje sharje. Per mendimin tim lufta ndaj korrupsionit dhe krimit tani kaloi ne nje stad me te larte, dhe kjo ben qe te dridhen ata qe e kane mizen nen kapele. Sipas jush nuk duhen prekur njerez te vecante packa se ata nuk kane lene gje pa bere, apo nuk kane bere asgje nga ato qe duhej te benin. Une di dicka qe ne 8 vitet e shkuara Shqiperia ishte nder vendet e para korrupsion, dhe krimin e organizuar. Di edhe dicka tjeter qe komuniteti nderkombetar dhe opinioni publik ( jo partizanet e partive ) i kane dhene vleresimin me te larte qeverise se tanishme ne luften kunder krimit dhe korrupsionit ( ne daci fakte per kete mund tua them ) Pra mos kerceni keshtu me sharje dhe akuza te pallogjikeshme te tipit LUNESTA. Tregohuni me objektive. Nje Shqiperi e lire nga krimi dhe korrupsioni do te jete nje vend me i mire per te gjithe ne. Rendesi ka qe kjo lufte antikrim dhe antikorrupsion te vazhdoje qofte edhe ne sferat e larta. Askush nuk duhet ta ndjeje veten te paprekshem qofte ky kryeprokuror apo kryeminister.
Shendet te gjitheve

[whisper]

Theodhori Sollaku ose "gjarperi me syze" sic e kam pagezuar une eshte pikerisht strumbullari i asaj qe quhet "state capture" from the MAFIA...Eshte pikerisht ai qe mban peng sa e sa dosje kunder krimit dhe qeveritareve te inkriminuar bolshevike te pas 97-tes....
Autori i ketyre rreshtave eshte njeri prej gazetareve qe zbuluan dhe investiguan ceshtjen STELA...historine e se ciles besoj shume nga ju e kane ndjekur ne emisionin Fix Fare...
Dhe gjarperi me syze ka plot 3 ore filmim ne dvd ku Stela i cjerr masken ne salle te gjyqit prokurorit te ceshtjes dhe trupit gjykues!!!!!!!!!!

Ku qendron veprimi mafioz i Sollakut ne kete rast? Qendron ne ate qe ai edhe pse e disponon kete dvd dhe kasete origjinale diskretituese per vartesit e tij te Vlores lejon qellimshem tere fallsifikimin e fjaleve te Steles ne sallen e gjyqit duke bere qe 4 njerez te pafajshem te kalben neper qelite e burgjeve shqiptare aq padrejtesisht...dhe Stela te kalbet e vrare nga dora e fshehte e krimit shteteror...Duke bere qe krimi i veshur me petk policesh, me petk policesh gjyqesor, me petk prokuroresh, me petk gjykatesish te inkriminuar realisht ne kete ceshtje..te vazhdojne te kene ne dore akoma fatin dhe jeten e njerezve te ndershem...Vrasje me duar te "pastra"...sigurisht..

Per kete ceshtje Sollaku dha hesap edhe ne departamentin e shtetit amerikan, por pas kthimit ne Atdhe nuk ndryshoi asgje...Nuk ndryshoi sepse ai eshte vete peng i krimit!!!

Pra me fjale me te thjeshta: ne tryezen e tij prej mese 8 muajsh jane vendosur dy dokumenta per ceshtjen ne fjale: Njeri dosja e manipuluar dhe e ndryshuar dhe tjetersuar e seances ku Stela deponon si deshmitare e vetme e akuzave te rreme e te pergenjeshtruara bindshem , dosje e manipuluar kryekeput nga prokuroria dhe Gjykata e Vlores dhe tjetri filmimi origjinal i kesaj seance pas te ciles Stela u vra...

E cfare permban kjo kasete?

permban momentet kur Stela (Johana Dudushi) u kerkon falje djemve qe po kalben ne burg si viktima te mashtimeve dhe genjeshtrave te vete Steles nen rekrutimin dhe instruksionet e segmenteve te policise se shtetit dhe perfaqesuesve te drejtesise shqiptare....( e pa dokumentuar ne dosjen gjyqesore)

permban diskretitimin qe ajo i beri publikisht dosjes se genjeshtert te prokurorit te ceshtjes Dorian Tafili duke e diskretituar me fakte teresisht...(e pa dokumentuar ne dosjen gjyqesore)

permban pohimin e saj ne salle te gjyqit qe cdo gje qew permban ne ate dosje eshte realizuar nga polici gjyqesor Alket Tafa i cili ka ushtruar ndaj Steles torturen...(e pa dokumetuar ne dosjen gjyqesore)

permban edhe vendin e tortures: qendra Vatra- kjo qender qe zyrtarisht sherben per rehabilitimin e viktimave te trafikut njerezor...(!!!)(e padokumentuar ne dosjen gjyqesore)

permban pikerisht fajtoret e vertete...te artikuluar nga goja e Steles se penduar...


Kodi dhe ligjet penale shqiptare e njohin si perfundimtare dhe vendimtare deshmine ne sallen e gjyqit. Sekretarja e ketij procesi dhe trupi gjykues e manipuluan teresisht fjalen dhe deponimet e Steles duke i cuar Sollakut nje dosje te rreme...
z.Kreshnik Spahiu i Zyres per Mbrojtjen e Qytetareve bashke me te afermit e viktimave te kesaj afere te pashembullt kriminale te shtetit shqiptar i cuan kryeprokurorit edhe kaseten e vertete filmike qe ai te verifikonte dhe te karahasonte dy materialet...
Dhe eshte ky momenti kur ai beri deklaraten e tij te famshme : kaseta filmike nuk eshte prove gjyqesore...




E cfare beri gjarperi me syze ne kete rast??? Tha: ne baze te ligjeve shqiptare kaseta filmike nuk perben prove!!! Ja kush eshte Sollaku!!!

Po o gjarper me syze...nuk eshte prove per moralin ligjor te nje kodi penal qe neser mund te ndryshoje, por jo per kodin moral te nje njeriu , aq me keq te nje kryeprokurori...

Por kjo ceshtje sigurisht do trajtohet ne seancen e komisionit hetimor per Sollakun ne parlamentin shqiptar...dhe atehere ata qe kane ndermend te me kundershtojne pas ketij postimi do me japin shume te drejte per kete postim...

[Barlet23]

Aldo Bare, me kazino, me vendim të gruas së Sollakut



Mbretëria e krimit në Lushnjw, me vendim të Anila Gjermenit, noterizoi si ndërmarrje me ortak të vetëm Aldo Baren, ndërkohë që bashkëshortja e Theodhori Sollakut, e shpalli atë edhe “aktivitet për lojwra fati”, mw 29 shtator të 1999-s. Me zgjerimin e aktivitetit kriminal dhe me mbështetjen e familjeve Sollaku dhe Gjermeni, kapobanda mendonte të zgjeronte aktivitetin edhe në Tiranë. Me kapjen e Bares në Turqi, Sollaku urdhëroi vartësin e vet të pushonte në fshehtësi hetimin për Artan Gjermenin, në mënyrë që ai të bëhej me imunitet, si anëtar i KLD-së



Theodhori e Zegjine Sollaku, bashkë me Artan e Anila Gjermenin, prej vitesh janë në një partneritet tregtar me Aldo Baren, dhe politik me ata që përkrahin bandën që zu fill në Lagunën e Karavastasë. Akuzave për lidhjet e ngushta të familjes Sollaku me Aldo Baren dhe “Hakmarrjen për Drejtësi”, dje, prokurori i përgjithshëm iu përgjigj me një dhunë verbale se do të shihej edhe me kryeministrin, edhe me ata që mbrojnë kauzën e luftës kundër krimit dhe korrupsionin. Por Sollaku e ka shumë të vështirë të mbrojë investimin e tij të shumëfishtë në favor të Aldo Bares (për “Hakmarrjen...”, do tw flasim njëherë tjetër). Historia e “joint-venture”-it mes familjes Sollaku dhe Alfred Shkurtit zë fill herët, dhe karriera duket se u ushqye nga ky bashkëpunim. Firma e Aldo Bares “Ndërmarrja e peshkut Karavasta”, me një vendim të noteres Anila Gjermeni, bashkëshorte e Artan Gjermenit, ndërron emrin në “Xhulio Dani”, me 24 shtator të 1999-s, duke pasur si ortakun e vetëm të vërtetë të shoqërisë Aldo Baren. Pesë ditë më vonë, me 29 shtator, me vendimin nr 55 31/2 7114, ndërmarrjes, Zegjine Sollaku me një vendim në Tiranë, i shton edhe aktivitetin e lojrave të fatit, si për një ironi që kryhej si me “urdhër të peshkut”. Vendimi për të kryer shtesën e aktvitetin, kryhej nën motivacionin se “shoqëria do të kryente zgjerim aktivitetit”, meqenëse edhe miqtë atëhere ndiheshin shumë të fuqishëm. Kjo aleancë vijoi më tej në rrethe të larta, duke i garantuar Aldo Bares ortakërinë e vetme mbi “mbretërinë e peshkut” në Karavasta, dhe për lojrat e fatit, që më vonë dolën se ishin lojëra me koka njerëzish. Në gjykatën e Lushnjes, ishte i plotfuqishëm Artan Gjermeni dhe bashkëshortja e tij, noterja Anila, politikisht mbështetja nga Partia Socialiste kësaj bande nuk iu mohua asnjëherë (vetëm Arta Dade, deputetja e Karavastasë s’ka folur ende për tmerret që kanë parë banorët e zonës së saj elektorale), në Tiranë, protektorët u forcuan edhe më tej me ngritjen në detyrë të bashkëshortit të Zegjinesë, Theodhori Sollakut. Skema lexohet qartë po të shohim angazhimin krejt kriminal të Prokurorit të Përgjithshëm për të pushuar çeshtjen në ngarkim të Artan Gjermenit, kur Ministria e Drejtësisë e akuzoi atë për falsifikim të pasurisë. Sollaku ngarkoi vartësin e vet të Kavajës që të pushonte në fshehtësi çeshtjen në ngarkim të Gjermenit, vetëm pak ditë përpara se KLD-ja ta pranonte “përfaqësuesin politik të Aldo Bares” në radhët e veta, me një votim që gjithashtu i nënshtrohej të njëjtit pushtet të krimit. Artan Gjermeni duhej të bëhej patjetër me imunitet, për të mos dhënë shpjegime lidhur me avokatinë që i kanë kryer prej vitesh “peshkut Karavasta” që më vonë u bë me vendim të Anila Gjermenit e Zegjine Sollakut edhe “Kazino-peshku Karavasta”. Marrja në pyetje e Artan Gjermenit do të nxirrte shumë shpejt në shesh skemën kriminale që ka marrë dhjetëra jetë njerëzish dhe që sheh familjen e prokurorit të përgjithshëm të marrë peng në këtë strukturë kriminale. Por parashikimet për paprekshmërinë e këtyre njerëzve u prishën kur në Turqi u ndalua Aldo Bare e kur nga investigimet e Ministrisë së Drejtësisë, Sollaku u detyrua të dekonspironte aktivitetin e vet dhe të bashkëshortes. Vendimi i Zegjine Sollakut, është një angazhim i pashlyeshëm i familjes së kryeprokurorit në favor të njërës nga familjet më të mëdha mafioze që shqiptare, e cila përmendet në të gjitha raportet e agjencive ndërkombëtare. Kryeprokurori duhet të thotë se pse s’ka asnjë provë të ofruar në mënyrë të drejtpërdrejtë në ngarkim të kriminelëve që po kapën këto javë nga Policia e Shtetit, por përkundrazi, çdo gjë po kryhet nën obstruksionin e plotë të saj. Zbulimi i kësaj skeme është objekt që meriton debat, dhe jo përrallat rreth shkeljes së kushtetutës, kur themi se institucioni i prokurorisë është shndërruar në aleaten kryesore të krimit të organizuar në vend.

[Albo]

Berisha: Hetim Sollakut

E Diele, 16 Prill 2006
Kryeministri Berisha, vetëm dy ditë më parë në emisionin "Opinion", ka deklaruar se do të kërkojë së shpejti hetim parlamentar për kryeprokurorin Sollaku. Një deklaratë e tillë ka ardhur pas akuzave të forta të kryeministrit në drejtim të kreut të akuzës, për lidhje me bandat kriminale, fshehje të dosjeve kriminale, si dhe se ka fjetur mbi dosjet e krimit. Madje, kryeministri Berisha ka tërhequr një vlerësim në drejtim të Prokurorisë të bërë ditë më parë, nën argumentin se kanë bashkëpunuar dhe punuar në mënyrë të suksesshme vetëm prokurorët e krimeve të rënda, prokurorët e thjeshtë, ndërkohë që do të vazhdohet lufta kundër segmenteve të caktuara të institucioneve që janë kapur nga krimi.

[Albo]

Prokuroria: Deklaratat e Nishanit, kërcënim rendit kushtetues

E Diele, 16 Prill 2006
Shpifje të ulëta dhe kërcënim të rendit kushtetues dhe demokracisë. Ky është reagimi zyrtar i Prokurorisë së Përgjithshme, pas deklaratave në media të zëdhënësit të grupit parlamentar të Partisë Demokratike, Bujar Nishanit. Ky i fundit akuzoi dje prokurorin e Përgjithshëm për lidhje me bandat kriminale të njohura në vend. Reagimi i PD-së erdhi një ditë pas publikimit në media të statistikave nga Prokuroria e Përgjithshme, e cila në harkun kohor të dy viteve ka goditur 26 grupe kriminale. Ndër të tjera Sollaku përmendte organizatat kriminale "Hakmarrja për Drejtësi" dhe "Banda e Lushnjes". Këto organizata janë përdorur nga Nishani, i cili në konferencën e shtypi e cilësonte Sollakun të lidhur me këto banda.

I menjëhershëm ka qenë edhe reagimi i Prokurorisë së Përgjithshme. Këshilltari i kryeprokurorit Theodhori Sollaku, Agim Neza, i konsideroi deklaratat "shpifje të ulëta dhe kërcënim të rendit kushtetues dhe demokracisë". Më pas, Neza shpjegoi se institucioni i Prokurorisë ka vënë para përgjegjësisë të gjithë ata që shkelin ligjin dhe puna e prokurorisë duket në arritjet pozitive në luftën kundër krimit të organizuar. Neza tha se janë shpifje të ulëta deklaratat e Nishanit, e cili e lidhte Sollakun me bandat "Hakmarrja..." dhe "Banda e Lushnjes". "Prokuroria e Përgjithshme ka kërkuar burgim të përjetshëm për Altin Arapin, ndërsa gjykata ka dhënë të njëjtën masë dënimi. Ku ekziston lidhja e Sollakut me këtë individ?", thanë burimet zyrtare nga akuza qendrore.

Ndërsa në lidhje me implikimin e Sollakut me "Bandën e Lushnjes", burimet nga akuza qendrore thanë se "muajt e fundit, Prokuroria e Krimeve të Rënda ka riformuluar akuzat dhe e cilëson Aldo Baren si kreun e organizatës kriminale". Zyrtarët e Prokurorisë thanë se kanë prova të pakundërshtueshme për Aldo Baren, në lidhje aktivitetet kriminale të tij. Ndërkaq, hetuesit e krimeve të rënda thanë se, "nëse gjatë hetimeve rezulton ndonjë zyrtar i implikuar, atëherë do të fillojnë procedimin penal".

S.Çobo

[Albo]

Organizatat dhe grupe të strukturuara kriminale të hetuar pa 2004

26 organizata dhe grupe të strukturuara kriminale janë hetuar dhe dërguar për gjykim në periudhën janar 2004 dhe në vazhdim

"Banda e Lushnjes"

"Hakmarrja për Drejtësi"

Procedim penal nr.2 i vitit 2004, në ngarkim të Orik Shyti etj., me 10 të pandehur.

"Trafikimi i raketave dhe minave me telekomandë".

"Çështja e trafikimit të fëmijëve në Greqi"

" Kontrabanda e cigareve"

"Vjedhja me armë e filialit të Bankës Amerikane"

Operacioni "Kompas"

"Trafikimi i minave me telekomandë"

"Trafikim të femrave për prostitucion"

Operacioni "Malësor"

"Çështja e pasaportave"

"Organizatat kriminale në Durrës"

[Albo]

Shqiperi, mbi 28 deputetë te mazhorances kërkojnë nisjen e procedurave per shkarkimin e kryeprokurorit. Kerkesa neser ne Kuvend


TIRANE (17 Prill) - Mazhoranca kerkon shkarkimin e Theodhori Sollakut nga posti i Prokurorit te Pergjithshem. Mbi 28 deputetë të mazhorances do ti paraqesin neser kryeparlamentares Josefina Topalli kërkesën për nisjen e procedurave të shkarkimit nga detyra të Prokurorit të Përgjithshëm, zotit Theodhori Sollaku.

Deputetët nismëtarë për fillimin e procedurave për shkarkimin e kryeprokurorit Sollaku shprehen se “motivi për paraqitjen e kësaj kërkese para Kuvendit mbështetet në tolerancë ndaj kriminalitetit në vend dhe rezultat të dobët për zbardhjen e ngjarjeve, identifikimin dhe dënimin e autorëve të veprave penale për periudhën 2002-2005”.

Sipas tyre “veprat penale që kanë lidhje me krimin e organizuar, trafikun e njerëzve, shfrytëzimin dhe organizimin e prostitucionit, prodhimin, shpërndarjen e lëndëve, bimëve narkotike dhe substancave psikotrope, janë shndërruar në kërcënim për sigurinë kombëtare të vendit, ndërkohë që autorët e hetuar dhe të dënuar janë të pakët, megjithëse nga Kuvendi nuk ka munguar vullneti politik për të implementuar politika penale mjaft represive për këto vepra penale gjatë periudhës 2002-2005”.

Nderkaq vete kryeprokurori Sollaku ka hedhur poshte akuzat e PD-se per lidhje mes tij dhe disa bandave kriminale. “Prokurori i Pergjithshem nuk ka asnje lidhje me keto banda, pervec faktit qe kerkon t’i fuse ne burg” tha Sollaku ne emisionin “Shqip” ne Top Channel.


(/BalkanWeb)

[Antimafia]

Të nisë procedura për shkarkimin e kryeprokurorit

OBJEKTI: Kërkesë për nisjen e procedurës së shkarkimit nga detyra të Prokurorit të Përgjithshëm, zotit Theodhori Sollaku.


BAZA LIGJORE: Neni 149 i Kushtetutës, neni 7 i ligjit nr.8737, datë 12.2.2001 "Për organizimin dhe funksionimin e Prokurorisë në Republikën e Shqipërisë", i ndryshuar, si dhe neni 114 i Rregullores së Kuvendit të Republikës së Shqipërisë.

DREJTUAR: Kuvendit të Republikës së Shqipërisë

Kryetares, zonjës Jozefina Topalli

E nderuar zonja Kryetare, të nderuar kolegë deputetë!


Një grup deputetësh të Kuvendit të Shqipërisë, në mbështetje të nenit 149 të Kushtetutës, të nenit 7 të ligjit nr.8737, datë 12.2.2001, "Për organizimin dhe funksionimin e Prokurorisë në Republikën e Shqipërisë", i ndryshuar, si dhe nenit 114 të Rregullores së Kuvendit të Republikës së Shqipërisë, ju drejtohen me këtë kërkesë për fillimin e procedurës së shkarkimit nga detyra të Prokurorit të Përgjithshëm të Shqipërisë, zotit Theodhori Sollaku.

Motivi për paraqitjen e kësaj kërkese para Kuvendit mbështetet në tolerancë ndaj kriminalitetit në vend dhe rezultat të dobët për zbardhjen e ngjarjeve, identifikimin dhe dënimin e autorëve të veprave penale për periudhën 2002-2005. Organi i prokurorisë ka dëshmuar, përveç mungesës së profesionalizmit në luftën ndaj kriminalitetit, edhe mungesë të vizionit në shfrytëzimin e instrumentave në dispozicion, për zbulimin, dënimin dhe parandalimin e posaçëm dhe të përgjithshëm të fenomeneve të jashtëligjshme. Periudha 2002-2005 dëshmoi jo vetëm për pamjaftueshmëri të hetimit dhe zbulimit të autorëve të krimit ordiner, por edhe për rritjen e përmasave dhe për një nivel më të lartë organizimi të strukturave kriminale vendase dhe bashkëpunimin e tyre me organizata kriminale jashtë kufirit.

Veprat penale që kanë lidhje me krimin e organizuar, trafikun e njerëzve, shfrytëzimin dhe organizimin e prostitucionit, prodhimin, shpërndarjen e lëndëve, bimëve narkotike dhe substancave psikotrope, janë shndërruar në kërcënim për sigurinë kombëtare të vendit, ndërkohë që autorët e hetuar dhe të dënuar janë të pakët, megjithëse nga Kuvendi nuk ka munguar vullneti politik për të implementuar politika penale mjaft represive për këto vepra penale gjatë periudhës 2002-2005.

Në komisionet hetimore të Kuvendit ka pasur indicie dhe kallëzime konkrete për përfshirje të zyrtarëve shtetërorë në praktika dhe afera korruptive, të cilat i shkaktonin buxhetit të shtetit dëm prej miliona dollarë. Anëtarë të komisioneve madje kanë depozituar kallëzime konkrete pranë organit të akuzës për nisjen e hetimeve për shpërdorime në ushtrimin e detyrës. Asnjë lloj komenti nuk është bërë nga organi i akuzës në lidhje me kallëzimet dhe indiciet e dhëna nga këto komisione hetimore.

Këtë gjendje të rënduar kriminaliteti në vend dhe punën e dobët të organit të akuzës, drejtuesi i saj e ka përligjur në media dhe përpara këtij Kuvendi, me mungesa ligjore.

Deklaratat e Prokurorit të Përgjithshëm për mungesë të kuadrit ligjor dhe mungesë kompetencash të organit të akuzës, për të nisur hetimet, kryesisht, tregojnë jo vetëm për inkoherencën dhe mungesën e profesionalizmit të tij, por dëshmojnë haptazi për shkelje të rëndë të ligjit në ushtrimin e funksionit. Prokurori i Përgjithshëm është i mefshtë në argumentat dhe rrethanat e paraqitura mbi motivet me të cilat organi i akuzës është justifikuar për mosushtrimin e përgjegjësive ligjore për luftën ndaj fenomeneve të jashtëligjshme dhe degradimin e shtetit ligjor. Të gjitha deklaratat e këtij drejtuesi dëshmojnë se Kuvendi, jo vetëm duhet të ketë kujdes në dhëniet e pëlqimit për këtë kategori subjektesh, por në mënyrë të veçantë duhet të tregohet largpamës në krijimin dhe ecurinë e raporteve të bashkëpunimit mes këtij organi dhe vetë Kuvendit në të ardhmen.

Në vijim po paraqesim në mënyrë të detajuar arsyet se përse drejtuesi i këtij institucioni duhet të shkarkohet "për shkelje të rëndë të ligjit gjatë ushtrimit të këtij funksioni, përgjegjësitë ligjore të tij dhe disa nga veprimet konkrete të kryera prej tij, gjatë ushtrimit të kësaj detyre".

Në bazë të Kushtetutës, nenit 148 të saj, pikave 4 e 5 të nenit 24 dhe neneve 25 e 305 të ligjit nr.7905, datë 21.3.1995, "Kodi i Procedurës Penale në Republikën e Shqipërisë", të ndryshuar, nenit 8 të Ligjit nr.8737, datë 12.2.2001, "Për organizimin dhe funksionimin e Prokurorisë në Republikën e Shqipërisë", të ndryshuar, Prokurori i Përgjithshëm është autoriteti më i lartë për ushtrimin e ndjekjes penale dhe përfaqësimin e akuzës në gjyq. Ai është drejtues i prokurorisë, e cila funksionon si strukturë e centralizuar dhe i nënshtrohet një hierarkie të rreptë drejtimi. Sipas nenit 4 të ligjit nr.8737, datë 12.2.2001, urdhrat dhe udhëzimet e prokurorit më të lartë janë të detyrueshme për prokurorin më të ulët. Pra, Prokurori i Përgjithshëm ka pasur dhe ka në dorë të gjithë pushtetin ligjor për t'u kujdesur që prokuroria të veprojë në përputhje me Kushtetutën dhe ligjin, për ndjekjen dhe ndëshkimin e rreptë të të gjitha formave të veprave penale. Për pasojë, ka pasur dhe ka të gjithë përgjegjësinë ligjore, si instanca më e lartë përgjegjëse, në çdo rast individual që provon dështimin e prokurorisë në realizimin e detyrave të saj. Kështu, shfajësimet personale të Prokurorit të Përgjithshëm për mungesë të kuadrit ligjor, janë të pambështetura. Sipas nenit 280 (i KPrP), prokurori dhe policia marrin dijeni për veprën penale me iniciativën e vet….. Mënyra e konceptimit të këtij organi si organ i centralizuar dëshmohet edhe në kompetencën ekskluzive të vetë këtij institucioni (neni 305 i KPrP) që edhe kryesisht të marrë përsipër hetimet, nëse prokurori i rrethit nuk ushtron ndjekjen penale ose nuk e pushon atë në afatin e caktuar. Prokurori i Përgjithshëm në deklarimet e tij nuk ka informuar asnjëherë se në sa raste e ka shfrytëzuar këtë mundësi ligjore (nenin 305), cilat kanë qenë rezultatet dhe çfarë masash dhe përgjegjësish disiplinore janë ushtruar ndaj prokurorëve të rretheve.

Në ushtrimin e detyrës, Prokurori i Përgjithshëm ka harruar funksionin e "prokurorisë". Akuza ka si funksion kryesor luftën kundër kriminalitetit. Kjo luftë nënkupton si masat parandaluese, ashtu edhe ato represive, në mënyrë të veçantë kundërveprimin me iniciativë ndaj çdo vepre penale pa qëndruar në pritje e pasivitet.

Drejtuesi i organit të akuzës nuk mund të fshehë dështimin e veprimtarisë së prokurorisë, duke ia lënë të gjithë barrën e fajit në analizat vjetore të punës policisë gjyqësore. Madje, edhe sikur të jetë kështu, mungesa e profesionalizmit dhe forcës së zbulimit të krimit, përfshi dhe fiksimin e provave nga policia gjyqësore, ngarkon me përgjegjësi direkte edhe Prokurorin e Përgjithshëm sipas ligjit nr. 8677, datë 2.11.2000, "Për organizimin dhe funksionimin e policisë gjyqësore". Sipas nenit 11 të ligjit nr. 8677, datë 2.11.2000, vlerësimi profesional i kandidaturave për oficer të policisë gjyqësore, transferimi, rritja në gradë apo largimi bëhet me pëlqimin e dhënë të Prokurorit të Përgjithshëm, apo sipas standarteve të kualifikimit, të përcaktuara edhe prej tij. Në çdo rast, sipas ligjit nr.8677, datë 2.11.2000, të ndryshuar, Prokurori i Përgjithshëm, i gëzonte të gjitha instrumentet ligjore për të ndërhyrë dhe rritur nivelin e profesionalizmit dhe përkushtimit në detyrë të efektivit të policisë gjyqësore. Mosveprimi i Prokurorit të Përgjithshëm apo rezultati i dobët i veprimeve të tij, shton edhe më tepër përgjegjësinë individuale të zotit Theodhori Sollaku.

Prokurori i Përgjithshëm, sipas ligjit, është përgjegjës për organizimin e punës në këtë organ dhe nuk mund të justifikojë rastet dhe praktikat për përfshirje të vartësve në afera korruptive. Daljet mediatike të këtij drejtuesi në konferencat e këtij organi dhe deklaratat e "vakta" për pastrim të radhëve të akuzës nga prokurorë që kanë "makina luksoze", janë qesharake dhe "tallje" me funksionin.

Prokurori i Përgjithshëm, sipas ligjit, gëzon të gjithë instrumentat ligjorë dhe mekanizmat në dispozicion, për të kryer kontroll mbi veprimtarinë e çdo prokurori të këtij institucioni dhe lidhjet e tij të mundshme me krimin. Në këto kushte, vetëm pasi ky drejtues të kishte ushtruar këtë përgjegjësi konkrete të tij, mund dhe duhej të përcillte për publikun rezultatet e tij në luftën ndaj korrupsionit në institucion. Në përgjegjësitë dhe detyrat funksionale të Prokurorit të Përgjithshëm nuk përfshihet deklarimi mediatik i gjendjeve të konstatuara nga mbarë opinioni publik, por drejtimi i këtij organi dhe përcaktimi i përgjegjësve.

Si drejtues, Prokurori i Përgjithshëm, zoti Theodhori Sollaku, duhej të kryente veprime konkrete që strukturat në varësi të tij të identifikonin bashkëpunëtorët e strukturave kriminale ose shpërdoruesit e rëndomtë të detyrës shtetërore, që gjallonin në organin e akuzës dhe reduktonin çdo ditë besimin e publikut tek ky organ kushtetues.

I frikshëm dhe kërcënues për rendin ligjor është deklarimi i Prokurorit të Përgjithshëm i fundvitit 2005, drejtuar punonjësve, që në ushtrim të përgjegjësive ligjore, funksionarë të KLSH-së u paralajmëruan publikisht për "dënim për kallëzim të rremë, pasi denoncuan korrupsion". Në çdo vend demokratik, një deklaratë e tillë do të zgjonte reagimin e ashpër të institucioneve garant të ligjit dhe të mbarë publikut.


Prokurori i Përgjithshëm mban përgjegjësi si drejtuesi i organit të akuzës:


Për krimet tronditëse ende të pazbardhura;


- Vrasja e profesorit të drejtësisë, të ndjerit av.Kleanthi Koçi në vitin 1998. Zbardhja e kësaj ngjarjeje është detyrim ligjor dhe moral në respekt të kontributit dhe kujtimit të tij;

Vrasjet për shkak të detyrës të ushtarakut të karrierës, kolonel Ahmet Krasniqi, ministër i Mbrojtjes i Qeverisë së Kosovës, në datë 21 shkurt 1998 dhe të ndjerit zotit Sali Tivari, Sekretar i Përgjithshëm i Komunitetit Musliman, në datë 13 janar 2003;

Vrasjet e biznesmenëve: të pronarit të subjektit "FLEVI", biznesmenit të hekurit, zotit Florian Vila; të biznesmenit të tregtimit të mishit, zotit Arben Pojani; të biznesmenit të një rrjetit radio-televiziv privat (Top-Media), zotit Vajdin Lame, së bashku me mikun e tij Artan Arsi. Të tre krimet mbi biznesmenët janë kryer të gjitha në kryeqytet, në afërsi të ambienteve të banimit të viktimave, ndërsa mënyra e kryerjes së krimit dëshmonte për nivel të lartë organizimi. Për zbardhjen e këtyre krimeve, komuniteti i biznesit ka reaguar menjëherë dhe u ka kërkuar instancave përgjegjëse zbardhjen e motiveve, pasi rrezikohej shpërngulja e kapitalit vendas.


Seritë e vrasjeve të rrugës së Kavajës të pazbardhura ende, me moritë e ekzekutimeve, madje edhe brenda institucionit të sigurisë së lartë;


Çështja e Shkallnurit, e bërë publike në media;

Droga e kapur në autobusët e kompanisë "Xhoi Travel" në fillim të vitit 2003, e bërë publike në media;

Biseda e transkiptuar Nano-Abdiu, për tafikun e armëve në dhjetor 1997 (dosje e mbyllur);

Tragjedia e 9 janarit 2004, në Karaburun, ku humbën jetën 28 shtetas. Të pazbardhura janë ende rrethanat e ngjarjes kriminale ku përfshihen një numër i lartë funksionarësh të Ministrisë së Rendit Publik dhe të Ministrisë së Mbrojtjes. Prokurori i Përgjithshëm, me mosveprimet e tij për 2 vjet rresht, u siguroi autorëve të vërtetë të tragjedisë mbrojtje dhe paprekshmëri për krimin e kryer.


Ndaj jetës dhe shëndetit si vijon;


E pazbardhur ngjarja dhe i paidentifikuar autori i krimit të datës 27.3.1999, në Tiranë, pranë Bar "Rovena", në të cilën u vra shtetasi Edvin Borova dhe u plagos Ilir Bardhi. (Gjendja e çështjes-pezulluar)

E pazbardhur ngjarja dhe i paidentifikuar autori i vrasjes së shtetasit Elton Zajmi, datë 14.12.1999, në Tiranë, pranë Klubit Sportiv "Partizani". (Gjendja e çështjes-pezulluar)

E pazbardhur ngjarja dhe i paidentifikuar autori i krimit të vrasjes me armë zjarri të shtetasve Sentiljano Elezi dhe Fatmir Hodo, datë 23.12.1999, në Tiranë, pranë lokalit "Andis". (Gjendja e çështjes-pezulluar)

E pazbardhur ngjarja dhe i paidentifikuar autori i krimit, vrasjes me armë zjarri të shtetasit Ergys Borova, datë 4.5.2000. (Gjendja e çështjes-pezulluar)

E pazbardhur ngjarja dhe i paidentifikuar autori i krimit, vrasjes me armë zjarri të shtetasve Shpëtim Sulaj, Agim Rrokaj, më datë 7.4.2000. (Gjendja e çështjes-pezulluar)

E pazbardhur ngjarja dhe të paidentifikuar autori i krimit, vrasjes me armë zjarri të shtetasit Ilir Zhupani, dhe vrasjes në tentativë të Ilirjan Borova, ngjarje e datës 7.11.2001. (Gjendja e çështjes-pezulluar)

E pazbardhur ngjarja dhe i paidentifikuar autori i krimit, vrasjes me armë zjarri të shtetasit Erald Harshova, datë 1.4.2002. (Gjendja e çështjes-pezulluar)

E pazbardhur ngjarja dhe i paidentifikuar autori i vrasjes së shtetasit Enton Shqypi, në Durrës, më datë 13.8.2002. (Gjendja e çështjes-pezulluar)

E pazbardhur ngjarja dhe i paidentifikuar autori i krimit, vrasjes me armë zjarri të shtetasit Arjan Zeneli, i datës 9.11.2002. (Gjendja e çështjes-pezulluar)

E pazbardhur ngjarja, krimi i ndodhur në Rr."Luigj Gurakuqi", në shkallët e TV "Arbëria", më datë 15.10.2004, në të cilën u qëlluan me armë zjarri, pasi po dilnin nga transmetimi i emisionit "Zonë e Lirë", shtetasit Vajdin Lame, biznesmen, ing.Xhevahir Ngjeçari, të dy të ftuar në emison, dhe Arjan Çani, gazetar, drejtuesi i emisionit "Zonë e Lirë". (Gjendja e çështjes-në hetim)

E pazbardhur ngjarja, krimi i vrasjes të mbetur në tentativë të Prof. Ylli Pangos, datë 6.3.2003, në banesën e tij në Rr. "Ali Visha", Tiranë. (Gjendja e çështjes-pezulluar)

Të pazbuluar personat e të tjerë të përfshirë në vrasjen e shtetasit Fatmir Rama-Miri i Xhikes, në lokalin e tij, "Kartodrom 2000" në Lundër, Tiranë. (Gjendja e çështjes-pezulluar për personat e tjerë)

E pazbardhur ngjarja për krimin e rrëmbimit dhe vrasjes së shtetasit Xhevahir Malaj, kambist në Tiranë. Trupi i të ndjerit u gjet në tunelet e Uzinës së Tankeve Tiranë, datë 11.3.2002, ora 10.00. (Gjendja e çështjes-pezulluar)

E pazbardhur ngjarja e rrëmbimit të shtetasit Koço Dade, në vitin 1998. (Gjendja e çështjes-pezulluar)

E pazbardhur ngjarja për rrëmbimin e biznesmenit Petrit Gazheli, në kilometrin 22 të rrugës nacionale Tiranë-Elbasan, dt.9.12.1998. (Gjendja e çështjes-pezulluar)

E pazbardhur ngjarja për "humbjen" e shtetasit nga Elbasani Bardhyl Musaj, i datëlindjes 1940, në Tiranë, në rrethana shumë të dyshimta. Kallëzimi për "humbjen" është kryer në prokuroritë e rretheve Tiranë dhe Elbasan për këtë shtetas. (Gjendja e çështjes-pezulluar)

E pazbardhur vrasja e shtetasit Klajdi Jaho. (Gjendja e çështjes-hetim)

E pazbardhur ngjarja dhe autori i vrasjes së shtetasit Dritan Veseli, datë 14.9.2004, ora 20.30, në lagjen "10 Korriku", në Vlorë. (Gjendja e çështjes-hetim)

E pazbardhur ngjarja dhe autori i vrasjes së shtetasit Pëllumb Bajrami, datë 2.11.2004, ora 18.45, në lagjen "Bashkimi", në Vlorë. (Gjendja e çështjes-hetim)

E pazbardhur ngjarja dhe autori i vrasjes së shtetasit Aleks Lala, datë 12.05.2005, ora 20.30, në vendin "Sektori C", në aksin Milot-Burrel. (Gjendja e çështjes-hetim)

E pazbardhur ngjarja vrasje në tentativë e oficerit të policisë, Bardhyl Zeqo, dt.11.10.2004, ora 18.45, me eksploziv. Eksplozivi vendosur në mjetin e tij, brenda oborrit të shtëpisë. (Gjendja e çështjes-pezulluar)

Për përdorimin e Prokurorisë së Përgjithshme si mjet shantazhi politik ndaj deputetëve të Kuvendit të Shqipërisë. Në vëmendje, rasti i deputetit Nikollë Lesi dhe rrëzimi i kërkesës së heqjes së imunitetit ndaj tij në legjislaturën e shkuar.

Për degradimin e akuzës në një numër të konsiderueshëm çështjesh të bujshme, në mënyrë të veçantë dështimi i përsëritur për çështjet e trafikut të organizuar dhe prostitucionit (shembull tipik: çështja e Rudin Callikut dhe 3 të pandehurve të tjerë, të dënuar në Gjykatën e Shkallës së Parë Durrës, deri me 25 vite burg, dhe prishur vendimi për shkelje të rëndë të ligjit procedurial dhe prova të pavlefshme nga Gjykata e Apelit dhe Gjykata e Lartë në vitin 2005. Hetimi i kësaj çështje është ndjekur nga Prokuroria e Përgjithshme. (Burimi: Ministria e Drejtësisë)

Për shpërdorim të detyrës: një numër i konsiderueshëm rastesh të personave të marrë nën akuzë dhe që sot përfitojnë kompensim për burgim të padrejtë ose persona që kanë vuajtur dënimin në institucionet e vuajtjes së dënimit tej afateve të vendimeve gjyqësore. Kështu për shembull, vetëm për periudhën 2004-2005 janë pranuar me vendim gjykate të formës së prerë 105 kërkesa individuale për kompensim për burgim të padrejtë. Vlera monetare që rëndon buxhetin për këto kërkesa është 79.340.346 lekë. (Burimi: Avokatura e Shtetit)


Për nxjerrje urdhrash të paligjshëm dhe që cënojnë rëndë të drejtat dhe liritë e personit


Degradimin e akuzës dhe favorizim të paligjshëm të familjarëve të personave me pushtet, duke vendosur një standart të dyfishtë për trajtimin e shtetasve dhe cënuar rëndë parimin kushtetues të barazisë para ligjit. Në vijim po përmendim disa fakte kriminale të njohura nga publiku:

- E pazbardhur ngjarja kriminale e ndodhur më datë 15.11.02, pasdite, në afërsi të Kopshtit Botanik, ku u qëllua me armë zjarri, pistoletë "TT", shtetasi 23-vjeçar Gentian Bruzi, nga Tirana. Sipas deklarimeve nga zyrtarë të policisë së Komisariatit nr.2 dhe dëshmitarëve në vendngjarje, autori i ngjarjes së vrasjes së mbetur në tentativë ishte 25- vjeçari Albi Dabulla, i shoqëruar nga i vëllai. Albi Dabulla dhe i vëllai i tij, pas krimit, u shpallën persona në kërkim.

- Degradimi i hetimit dhe gjykimit të ngjarjes kriminale të ndodhur rreth orës 4:00, të datës 1.02.2004, në Rr. "Dëshmorët e 4 shkurtit", ndaj shtetasit Artur Caka, me të pandehur Ledian Gramoz Ruçi, ku ngjarja "vrasje e mbetur në tentativë" kualifikohet si "plagosje e lehtë me dashje".

Organi i akuzës, në kualifikimin dhe cilësimin e figurës së veprës penale, dëshmoi klientelizëm dhe servilizëm ndaj lidhjeve me pushtetin të të pandehurit.

Gjithashtu, është e frikshme politika penale që ka ndjekur prokurori i çështjes gjatë caktimit të masës së dënimit, gjobë në 500 000 lekë. Në çdo rast, Prokurori i Përgjithshëm duhej që, për cilësinë e dobët të hetimit, të niste procedimin disiplinor për shkarkimin nga detyra të prokurorit të çështjes, i cili keqadministroi provat dhe në mungesë të tyre çoi në gjykim dhe dështoi një proces penal me rëndësi të posaçme për pavarësinë e integritetin e organit të akuzës. Dështimi i akuzës provohet: Vendimi i Gjykatës së Shkallës së Parë, Tiranë, nr.96, akti. datë 29.04.2005.

- Shpërdorime të rënda, të evidentuara gjatë kontrolleve të kryera në Ministrinë e Transportit, ku është copëzuar fondi limit i entit prokures: Ndërmarrja e Albtransportit, me objekt prokurimi "blerje e uniformës së punonjësve të aeroportit Rinas", në prokurime të veçanta për çdo artikull, pjesë e uniformës, me qëllim pjesëmarrjen dhe shpalljen fituese në mënyrë të kundraligjshme të zonjës Eva Brati, bashkëshortja e ministrit Ben Blushi, ortake në subjektin fitues. Veprimi i kundraligjshëm është kryer nga titullari i entit prokurues, anëtarët e njësisë së prokurimit që, në bashkëpunim me Eva Bratin, kanë përfituar pa të drejtë miliona lekë fonde publike.

Për komandime të paligjshme në detyrë të prokurorëve për më shumë se 6 muaj, pa përcaktuar çështjet për të cilat komandohen, në kundërshtim të plotë me nenin 25 të ligjit nr.8737, datë 12.02.01, "Për organizimin dhe funksionimin e Prokurorisë në Republikën e Shqipërisë", të ndryshuar.

Për pengimin e drejtësisë dhe fshehje të krimit të grabitjes së pasurisë së shtetasit grek George Vourvachis (70% të aksioneve të shoqërisë), nga shtetasit Skënder Moniku dhe Ilir ***çini, në bashkëpunim me bashkëshorten e Prokurorit të Përgjithshëm, zonjën Zegjine Sollaku. Bashkëshortja e Prokurorit të Përgjithshëm, zonja Zegjine Sollaku, gjatë kohës kur kryente detyrën e gjyqtares, në seksionin tregtar të Gjykatës së rrethit gjyqësor Tiranë, ka vendosur në likuidim shoqërinë e përbashkët greko-shqiptare me kapital të investuar 500.000 euro, në kundërshtim flagrant të ligjit. Hetimi i kësaj çështjeje dhe ndëshkimi i autorëve është penguar nga zoti Theodhori Sollaku, megjithë kërkesën e përsëritur të diplomacisë greke në Tiranë.

Për ngjarjen e rëndë dhe të paprecedent të ndodhur më datën 30.3.2006 e tri ditët në vijim, në Prokurorinë e rrethit gjyqësor Kavajë, ku në shkelje të hapur të ligjit nr.8737, datë 12.2.2001, "Për organizimin dhe funksionimin e Prokurorisë në Republikën e Shqipërisë", të ndryshuar, me faj, janë penguar inspektorët e Ministrisë së Drejtësisë, për të verifikuar fashikullin hetimor të procedimit penal të shtetasit Artan Gjermeni - anëtar i KLD-së.

Prokurori i Përgjithshëm mban përgjegjësi jo vetëm si autori i kësaj shkeljeje të pa precedent, por edhe për dezinformimin e opinionit publik dhe institucioneve kushtetuese, për ligjshmërinë e inspektimit të dosjes "Gjermeni". Përpjekjet e prokurorit për dezinformim të publikut provohen edhe në shtrembërimet e tij në media të marrëdhënies në fjalë me Ministrinë e Drejtësisë. Deklaratat dëshmojnë se Prokurori i Përgjithshëm jo vetëm është angazhuar individualisht, por dhe si institucion për të kryer avokatinë e personave të dyshuar për lidhje me krimin e organizuar në vend. (Burimi: deklaratat e zotit Theodhori Sollaku në edicionet informative dhe njoftimi publik i ministrit të Drejtësisë, i datës 31.3.2006 e në vijim).

Për mosndjekje të asnjë denoncimi publik për vepra kundër korrupsionit, ndonëse ligji procedurial penal i njeh prokurorisë edhe të drejtën për të filluar ndjekjen penale kryesisht. Kodi i Procedurës Penale i njeh prokurorit të drejtën për të filluar ndjekjen penale kryesisht sipas neneve 24, pika 3 e 280, dhe posaçërisht për Prokurorin e Përgjithshëm në nenin 305, paragrafi i parë. Të gjitha këto dispozita janë shkelur haptazi në veprimtarinë e prokurorisë. Përgjegjësia për këtë bie mbi Prokurorin e Përgjithshëm.

Për inertësinë në hetimin dhe dënimin e autorëve, të cilët kanë kryer krime ndaj jetës dhe shëndetit të personit për motive të dobëta (gjakmarrje). Gjatë vitit 2002-2006, organi i akuzës nuk ka ndërmarrë asnjë nismë aktive për të vendosur sundimin e ligjit në zonat e prekura nga ky fenomen dhe hetuar autorët e veprës penale. Për këto fenomene, organi i akuzës është mjaftuar në vëzhgime të nismave të ndërmarra nga organizata jo qeveritare që kryejnë negociata për pajtim gjaqesh, publikojnë dokumentarë ose japin ndihma për fëmijët e ngujuar. Kjo situatë skandaloze ka kthyer zona të caktuara të vendit në "mikro laboratorë vëzhgimi", të fenomeneve të mungesës së shtetit dhe përshtatjes sociale të individëve me rrethanat e tilla nga sociologët dhe etnologët e huaj të interesuar.

Për dështimin e procedurës së ekstradimit të personave të implikuar në hetimin e organizatës kriminale "Hakmarrja për Drejtësi", shtetasve shqiptarë Orik Shyti e Kreshnik Spahia, të arrestuar në Bazel të Zvicrës më 6 shkurt 2004, dhe të shtetasit Altin Arapi, të arrestuar në tetor në Bruksel, Belgjikë. Dështimi i procedurave të ekstradimit të shtetasve Orik Shyti e Kreshnik Spahia është pranuar në heshtje si përgjegjësi ekskluzive e organit të akuzës, ndërsa dështimi i procedurës së ekstradimit të të pandehurit Altin Arapi, si përgjegjësi e përbashkët e dy organeve, Ministrisë së Drejtësisë dhe organit të akuzës.

Ministri i Drejtësisë, zoti Fatmir Xhafaj, menjëherë pas dështimit të procesit deklaroi se "nuk është dështim i Ministrisë së Drejtësisë mosekstradimi në Shqipëri i të dyshuarve si anëtarë të organizatës", ndërsa Prokurori i Përgjithshëm, zoti Theodhori Sollaku, deklaroi se për këto çështje "institucioni i tij nuk ndjente përgjegjësi për lirimin dhe refuzimin e ekstradimit të Altin Arapit. Prokuroria ka prova shkencore që vërtetojnë se Arapi është ekzekutori i shoferit të Prokurorit të Përgjithshëm, Genci Sina, shtatorin e vitit që shkoi në qendër të Tiranës. Ndërkohë, prokuroria do të hetonte mbi dyshimet nëse Ministria e Drejtësisë kishte dërguar në kohën e duhur dhe pa parregullsi dokumentacionin e kërkuar nga autoritetet e Brukselit, për të vendosur mbi ekstradimin ose jo të Altin Arapit". Pas më shumë se 1 viti, Prokurori i Përgjithshëm, zoti Theodhori Sollaku, ende s'ka njohur publikun me rezultatet e hetimit dhe nëse dyshimet e tij qëndrojnë rreth përfshirjes së ministrit të Drejtësisë në veprime të qëllimshme, të cilat çuan në dështimin e këtij procesi. Për këto arsye, organi i akuzës është përgjegjësi i vetëm për dështimin e procedurës së ekstradimit edhe të Altin Arapit, aq më tepër kur ka të dhëna të besueshme, të cilat provojnë se dështimi i ekstradimit ka ardhur nëpërmjet manipulimit të qëllimshëm të dosjes nga ky organ. Gjithashtu, Prokurori i Përgjithshëm mban përgjegjësi edhe për moshetim të rasteve të tjerë, me implikacione ndërkombëtare.

Për përfshirje dhe mbështetje të elementëve kriminalë në radhët e prokurorisë, rasti tipik i përfshirjes së një prokurori lokal në rrëmbimin dhe mbajtjen peng, për qëllime përfitimi, të shtetasit Irfan Idrizi, nga komuna Forrinë Gostivar e Maqedonisë, me profesion hoxhë (imam), i rrëmbyer më 03.12.2002, në Gostivar.

Për mungesën e bashkëveprimit me Kontrollin e Lartë të Shtetit, për ushtrimin e ndjekjes penale ndaj punonjësve të administratës shtetërore të cilët sipas kontrollit të KLSH-së, kanë kryer shkelje të ligjit dhe dëmtuar fondet e buxhetit të shtetit. Mungesën e bashkëveprimit të Prokurorit të Përgjithshëm në hetimin e dosjeve të dërguara nga KLSH-ja e dëshmojnë statistikat zyrtare të periudhës 2000-2005, të cilat vërtetojnë se:

- organi i akuzës, nga 82 kallëzime gjithsej të KLSH-së, ku implikohen dhjetra persona, ka dërguar pranë gjykatës vetëm 7% të kallëzimeve. Vetëm në prokuroritë e Rrethit Tiranë dhe Durrës, KLSH-ja ka depozituar gjithsej në përqindje 71% të kallëzimeve të këtij institucioni në shkallë vendi. Dëmi i denoncuar në këto dy organe ka vlerë të barabartë me 2 miliard e 293 milion lekë, 40 milion e 75 mijë dollarë dhe 12.180 marka. Bashkëlidhur statistika për Tiranën dhe Durrësin.

Sipas akt kontrollit të Ministrisë së Drejtësisë për periudhën 2000-2005, rezulton se në Prokurorinë e Tiranës janë paraqitur:

Nga KLSH-ja

për 2000-'05

kallëzime Gjithsej Dërguar në gjykatë Në hetim deri 28.12.2005 Kthyer pa veprim, mosfilluar ose pushuar.

Nr. i çështjeve 51 çështje 5 çështje 15 çështje 31 çështje

dhe në Prokurorinë e Durrësit

Nga KLSH-ja

për 2000-'05

kallëzime Gjithsej Dërguar në gjykatë Në hetim deri 28.12.2005 Kthyer pa veprim, mosfilluar ose pushuar.

Nr. i çështjeve 7 çështje 0 çështje 6 çështje 1 çështje


Mungesa e transparencës për dështimin e këtij bashkëveprimi është motiv i mjaftueshëm për shkarkimin nga detyra të Prokurorit të Përgjithshëm të Shtetit në çdo vend demokratik.

Si shembuj tipikë të mungesës së bashkëveprimit dhe të dështimeve këtu mund të përmendim:

Çështja hetimore për "evazionin fiskal për 30 mijë automjete, shmangie detyrime dognore, me dëm të përllogaritur në buxhetin e shtetit në vlerën 75 milion dollarë", depozituar në Prokurorinë e Rrethit Gjyqësor Tiranë, më datë 10.9.1999. Çështja nuk është hetuar, pasi është përcjellë (zvarritur) nga një zyrë prokurorie në tjetrën, me pretendime për mungesë kompetence territoriale për afro 3.5 vjet.

Çështja me objekt abuzime në Korporatën Elektroenergjitike Shqiptare në blerjen e transformatorëve për Hidrocentralin e Fierzës, me dëm prej rreth 40 milion dollarë amerikanë. Kallëzimi depozituar në vitin 1999 dhe shtuar objekti edhe me 2000. Prokuroria e Rrethit Gjyqësor Tiranë ka vendosur mosfillim të hetimit, pa kryer asnjë veprim hetimor.

Çështja e zhdoganimit të kundraligjshëm të 8 (tetë) anijeve në degën e Doganës Durrës, me një dëm ekonomik në vlerë 60 milion lekë. Prokuroria e Rrethit Gjyqësor Durrës ka pushuar çështjen pas 15 muajsh, pasi ka kryer gjithsej vetëm 6 veprime hetimore në datat 2 shkurt 2004, 2 dhjetor 2004, 2 janar 2005, në të cilat ka marrë në pyetje 4 doganierë me cilësinë e personit nën hetim, 1 punonjës të Drejtorisë së Përgjithshme të Doganave dhe një inspektor të KLSH-së.

Çështja e kallëzimit për veprën penale të shpërdorimit të kontributeve të dhëna nga shteti në punimet e aksit rrugor Ndroq-Plepa, në të cilën nuk është bërë asnjë veprim hetimor, por është konkluduar se nuk ka vepër penale mbi bazë të leximit të raportit të grupit të kolaudimit, në një kohë që sipas kallëzimit të dyshuar ishin pikërisht personat e përfshirë në këtë grup.

Në bazë të ligjit nr.8737, datë 12.2.2001, "Për organizimin dhe funksionimin e Prokurorisë në Republikën e Shqipërisë", Prokurori i Përgjithshëm ka obligim të posaçëm bashkëpunimin me komisionet hetimore parlamentare (neni 53). Në të gjitha rastet e komisioneve hetimore, Prokurori i Përgjithshëm është treguar krejtësisht indiferent ndaj këtij obligimi. Gjetje të komisioneve hetimore i janë paraqitur atij rast pas rasti edhe në formën e kallëzimeve. Lidhur me to nuk është ndërmarrë asnjë veprim hetimor në përputhje me Ligjin nr.7905, datë 21.3.1995, "Kodi i Procedurës Penale i Republikës së Shqipërisë". Edhe për rastet kur nuk janë depozituar gjetjet në formën e kallëzimeve, por vetëm publikuar ato, Prokurori i Përgjithshëm e ka shkelur detyrimin sipas këtij neni. Ky nen nuk e quan pritjen apo inertësinë si formë bashkëpunimi. Bashkëpunimi i Prokurorit të Përgjithshëm duhet të ishte aktiv. Ai duhet të kishte regjistruar fillimin e procedimit për secilin nga rastet e përmendura në raportet e komisioneve hetimore, të depozituara si kallëzime apo të publikuara. Raste të tilla janë:

Kallëzime të depozituara për fakte dhe rrethana të marra dijeni gjatë punimeve të komisionit dhe të paraqitura nga anëtarë të "Komisioni Hetimor i Kuvendit, për shqyrtimin e ligjshmërisë së përdorimit të fondeve publike dhe të ardhurave të tjera në Ministrinë e Kulturës dhe Bashkinë e Tiranës, për periudhën 1992-2002, si dhe zbatimin e ligjshmërisë për zhvillimin urbanistik në Tiranë për periudhën 1992-2002", Komision i ngritur sipas vendimit të Kuvendit nr.70, datë 10.3.2003.

Kallëzim i kryetarit të grupit parlamentar të PD, për kryerjen e veprës penale të parashikuar nga neni 143 i Kodit Penal "Vjedhje e pasurisë me anë të mashtrimit", dhe "Zhdukja e dokumentave", të parashikuar nga neni 196/a i Kodit Penal, gjatë punimeve për rikonstruksionin e sipërfaqeve të gjelbëruara në QSUT. Punimet ishin kryer nga Ndërmarrja nr.2 e Bashkisë Tiranë, sipas kontratës së realizimit të punimeve dt. 31.10.2001, mes saj dhe QSUT, për fondet prej 36.500.000 lekë. Ky kallëzim është kryer në mbështetje të neneve 280 e 283 të Kodit të Procedurës Penale. Nga kallëzimi rezulton se anëtarët e komisonit kanë konstatuar abuzime të rënda me deklarimin e kostos për zëra të veçantë të punimeve. Nga një krahasim në terren rezultonte se abuzimi ishte deri 250% më i lartë se vlera e tregut për punime të pretenduara. Dosja e preventivit të punimeve për objektin kishte "humbur" në QSUT. Një fakt i tillë konfirmohet edhe nga Kontrolli i Brendshëm i Ministrisë së Shëndetësisë. Në Bashkinë Tiranë, komisoni hetimor ka marrë përgjigje zyrtare për mungesë të dosjes për kryerjen e punimeve në QSUT.

Kallëzim i 5 deputetëve të opozitës, Sokol Olldashi, Ilir Bano, Nard Ndoka, Sali Shehu, Uran Metko, për marrjen dijeni për ekzistencën e veprës penale të parashikuar nga neni 248 i Kodit Penal, të "shpërdorimit të detyrës", gjatë hetimit në Ministrinë e Kulturës Rinisë dhe Sporteve, për transferimin e Gazetës "Sporti", ish-"Sporti Popullor", organ nën varësinë dhe kontroll të këtij institucioni deri në dt.24.3.1999, në favor të shoqërisë "Botimet periodike Spektër", përfaqësuar nga zoti Koço Kokëdhima, sipas një kontrate menaxhimi të nënshkruar mes tij dhe MKRS-së, përfaqësuar nga ministri Edvin Rama. Kontrata mes zotit Rama dhe zotit Kokëdhima është konsideruar në kundërshtim me ligjin dhe në shkelje të procedurave administrative. (Kontrolli i Lartë i Shtetit - "Raport përfundimtar kontrolli për kontrollin ekonomiko-financiar të ushtruar në MKRS, për periudhën 01.01.1999 - 31.12.2000, faqe 34-35).

Kallëzim i kryetarit të Grupit parlamentar të PD-së, zotit Bamir Topi, drejtuar Prokurorit të Përgjithshëm për marrjen dijeni për ekzistencën e veprës penale të parashikuar nga neni 248 i Kodit Penal, të "shpërdorimit të detyrës", gjatë sponsorizimit të aktiviteteve për "Shën Valentinin - 2001", në Bashkinë Tiranë, në mbështetje të neneve 280 e 283 të Kodit të Procedurës Penale. Gjatë hetimit në komision, deputetët kanë konstatuar shkelje të rregullave nga kryetari i Bashkisë gjatë nënshkrimit dhe lidhjes së kontratave me subjektin fitues, shoqatën "Siluete", të drejtuar nga e fejuara e Kryetarit të Bashkisë, zonja Magjistari, për fondin 4 milion lekë dhe shoqatën "Aeronautika Shqiptare", për fondin 3.5 milion lekë.

Kallëzim i 5 deputetëve të opozitës Sokol Olldashi, Ilir Bano, Nard Ndoka, Sali Shehu, Uran Metko, në mbështetje të neneve 280 e 283 të Kodit të Procedurës Penale, drejtuar Prokurorisë pranë Gjykatës së Shkallës së Parë Tiranë, për marrjen dijeni për kryerjen e veprës penale të parashikuar nga neni 248 i Kodit Penal, të "shpërdorimit të detyrës", në Ministrinë e Kulturës Rinisë dhe Sporteve gjatë veprimtarisë së këtij institucioni me subjektin Alba TV, për marrëdhëniet e qirasë dhe marrëdhënie të tjera. Gjithashtu, gjatë hetimit të kësaj çështjeje u konstatua se ministri Rama i ka shkaktur buxhetit të shtetit një humbje prej 13.400.000 lekë, nga të cilat 7.999.555 i janë falur "Alba TV", 2.7 milion janë keqadministruar dhe për rreth 20.716 USD nuk është kryer arkëtimi i tyre. Deputetët i mbështesin kallëzimet e tyre edhe në raportin e Kontrollit të Lartë të Shtetit (shiko - "Raport përfundimtar kontrolli për kontrollin ekonomiko-financiar të ushtruar në MKRS, për periudhën 01.01.1999 - 31.12.2000, faqe 33).


Shkelje të evidentuara nga komisioni dhe të bëra publike për të gjithë opinonin vendas, nëpërmjet transmetimit direkt gjatë ushtrimit të veprimtarisë së këtij komisioni:


Pretendime të anëtarëve të komisionit, për shkelje financiare të evidentuara në restaurimin e Ansamblit të Fasadave të Ministrive dhe Trotuareve. "Kjo shkelje ishte trajtuar edhe në raportin e Kontrollit të Lartë të Shtetit për vitin 1999-2000, ku thuhet se "Për këtë praktikë nuk kishte dosje të inventarizuar dhe të arkivuar, në kundështim me VKM nr.335, datë 23.06.2000, "Rregullat e prokurimit publik", pika 14. Kontrolli i kësaj praktike u mundësua nga dokumentacioni bashkëlidhur likuidimeve të bankës. Nga ana e titullarit të entit prokurues nuk është ngritur komision vlerësimi dhe njësi prokurimi për këtë procedurë. Për këtë tender nuk u gjendën dokumenta tenderi sipas kërkesës së ligjit nr.7971, datë 26.07.1995, neni 37 "Procedura e prokurimit të drejtpërdrejtë", pika 1, neni 26, "Dokumentat e tenderit". Sipas raportit të Kontrollit të Lartë të Shtetit, dëmi ekonomik që i është shkaktuar buxhetit të shtetit si sanksion i pambajtur, është 10.93 milion lekë, etj.

Pretendime të anëtarëve të komisionit për shpërdorime me fondin në dispozicion për ngritjen e Monumentit "Këmbana e Paqes", në krah të QNK-së, me një vlerë prej 10.500.000 lekë. Sipas konkluzioneve të disa nga anëtarëve të tij nga kontrolli që iu bë dosjes së "Këmbanës", rezultojnë diferenca të jashtëzakonshme në volumet e punës, duke vërtetuar se 5.370.000 lekë, diçka më shumë se gjysma e fondit të prokuruar, është vjedhur.

Pretendime për shkelje të rënda të ligjit gjatë aktivitetit në "Ekspo Hanover 2000". Ky aktivitet është financuar me fondin gjithsej 106.4 milion lekë, ku GTZ ka financimin prej 57.6 milion lekë dhe Qeveria e Shqipërisë, 48.8 milion lekë. I gjithë pavioni shqiptar, me një vlerë prej 852.000 DM, është zhdukur. Fakte të tilla provohen edhe nga raporti i Kontrollit të Shtetit, për kontrollin e aktivitetit ekonomiko-financiar të MKRS-së, për periudhën 1.1.1999 - 31.12.2000, faqja 22.

Shpërdorime të mëdha dhe konflikt interesi në fonde publike të Bashkisë Tiranë dhe të MKRS-së, akorduar si sponsorizime për organizim aktivitetesh me producenten Zana Çela, e cila ushtronte edhe detyrën e drejtores së TOB-it.

Shkelje të rënda të Ligjit "Për urbanistikën" në Bashkinë Tiranë, gjatë ushtrimit të detyrës së kryetarit, zotit Rama.

Gjetjet e këtij komisoni hetimor, në pjesën më të madhe, janë të bazuara dhe nga raporte të Kontrollit të Lartë të Shtetit.


II. Fakte dhe rrethana që janë bërë publike gjatë hetimit të dokumentacionit të paraqitur në komisionin hetimor, "Për Komisionin Hetimor të Kuvendit për Telekomunikacionet", komision, i cili ka ushtruar këtë veprimtari sipas vendimit të Kuvendit nr.121, datë 19.2.2004. Anëtarë të këtij komisioni kanë paraqitur indicie dhe rrethana konkrete, të cilat hedhin dritë për shkelje të rënda gjatë ushtrimit të detyrës nga drejtues në "Albtelekom" sh.a. dhe ERT-së.

Shkelje të rënda të ligjit gjatë vendosjes së tarifave në marrëveshjet e interkoneksionit të lidhur mes "Albetelekom" sh.a dhe operatorëve celularë AMC dhe Vodafone. Tarifat e marrëveshjes së interkoneksionit diskriminonin "Albetekom" sh.a dhe pajtimtarin, ndërsa favorizonin në mënyrë të jashtëligjshme operatorët celularë. Sipas ligjit, orientimi i këtyre tarifave duhet të ishte drejt kostos së shfrytëzimit të frytshëm të rrjetit. Vendosja e këtyre tarifave në bazë të përqindjes së të ardhurave të pajtimtarit shkarkoi barrën e detyrimeve mbi "Albtelekom"-in dhe mbi konsumatorët. Për të gjitha shkeljet ligjore të konstatuara duhej të nisnin dhe të përfundonin hetimet rreth autorëve të marrëveshjes: ish-drejtorit të Përgjithshëm, zotit Dhimitraq Rafti, ish-zëvendësdrejtorit të Përgjithshëm zotit Petri Deti, ish-kryetarit të këshillit mbikqyrës të "Albtelekom"-it, zotit Viktor Doda. Si pasojë e këtyre marrëveshjeve, "Albtelekom"-it sh.a iu krijua një gjendje financiare tepër e rënduar.

Rrjedhje ilegale të trafikut ndërkombëtar pa kaluar nëpërmjet "Albtelekom"-it (vjedhje), fakt i cili mund të provohej lehtësisht dhe të identifikohej përgjegjësi (subjekti) që kishte kryer këtë shkelje dhe solli një dëm të rëndë ekonomik.

Vjedhje të pasurisë shtetërore (përvetësimi i fitimit ekonomik të periudhës 1 janar-25 korrik 2000, të shoqërisë AMC shtetërore prej 619 milion lekë dhe llogarisë bankare të saj nga AMC, e privatizuar). Në fund të korrikut 2000, llogaria bankare e AMC-së kishte gjendje balance prej: 197.353 Euro, 2.944.128 USD dhe 202.306.558 lekë. Sipas hetimit, këto shkelje kanë një vlerë të përgjithshme prej mbi 11 milion USD dhe reduktojnë vlerën e shitjes së AMC-së me rreth 13% të çmimit. Asnjë individ nuk është vënë përpara përgjegjësisë penale për lejimin e kësaj situate.

Në marrëveshjet e interkoneksionit midis këtij subjekti dhe operatorëve të liçensuar për veprimtari shërbimi: telefoni rurale, kishte shkelje të rënda të ligjit nr.8618, datë 14.6.2000, "Për telekomunikacionet në Republikën e Shqipërisë". Eshtë lehtësisht i identifikueshëm favorizimi i paligjshëm i kryer nga "Albetekom" sh.a. për operatorin rural "Hermes com", nëpërmjet akordimit të kushteve favorizuese dhe trajtimit të këtij të fundit sipas klauzolës "klienti më i favorizuar", përfshirë kushtin për mosndryshim të tarifave të interkoneksionit për katër vjet. Tarifa e tranzitimit nga ky operator drejt operatorëve celularë ishte 8-14 herë më e ulët se tarifat përkatëse për të gjithë operatorët e tjerë ruralë në Shqipëri. Gjithashtu, ky operator ishte përjashtuar nga pagesa për tarifën e shërbimit për operatorët celularë.

Shkelje të ligjit dhe procedurave gjatë prokurimeve publike në shoqërinë "Albtelekom" sh.a.

Shpërdorime të detyrës: kambizëm dhe shkëmbime valutore diskriminuese në "Tirana Bank" sh.a për periudhën ekonomike 2000-2001. Nga këto veprime "Albtelekom" sh.a. i është shkaktuar një dëm (humbje) përkatësisht: në vitin 2000, në vlerën prej 414.990.116 lekë, vitin 2001, në vlerën 178.512.475 lekë, gjithsej në total 593.505.591 lekë.

Shkelje të ligjit dhe krijimi i rrethanave faktike monopol ose oligopol në shërbimet e liçensuara për operatorët me vlerë të shtuar dhe për ofruesit e shërbimeve me kartë të parapaguar.

Abuzime me faturat e klientëve.

Shkelje dhe shpërdorim të detyrës nga anëtarët e ERT. Këto shkelje (mosveprime) sipas raportit kanë shkaktuar jo vetëm një dëm të rëndë ekonomik për subjektin "Albtekelom" sh.a, por kanë rënduar drejtpërdrejt në shpenzimet e konsumatorit shqiptar, i cili është detyruar të paguajë tarifat më të larta të telefonisë së lëvizshme në rajon.


III. Fakte dhe rrethana që janë bërë publike gjatë hetimit të dokumentacionit të paraqitur në komisionin hetimor "Për ngritjen e Komisionin Hetimor të Kuvendit, për hetimin e prokurimeve publike të Kryeministrisë dhe ministrive", komision që ka ushtruar këtë veprimtari sipas vendimit të Kuvendit, nr.158, datë 18.11.2004.

Anëtarë të këtij komisioni kanë paraqitur indicie dhe rrethana konkrete të abuzimeve të mëdha me financat publike dhe abuzime në përdorimin e procedurës së prokurimit të drejtpërdrejtë, në kundërshtim me ligjin. Gjatë ushtrimit të veprimtarisë së tij, anëtarë të komisonit kanë konstatuar mungesë të dokumentacionit ligjor të kërkuar sipas ligjit "Për prokurimin publik". Nga anëtarë të komisionit janë konstatuar shkelje të rënda dhe konkrete në prokurimet e ministrive të Mbrojtjes, Arsimit, Telekomunikacionit, Rendit, Kulturës Shëndetësisë, Decentralizimit, aparatit të Këshillit të Ministrave dhe Drejtorisë së Përgjithshme të Rrugëve, për vitet 2002-2004.

Në komision janë konstatuar abuzime të rënda me karburantin në dispozicion të drejtuesve të ministrive dhe shpenzimet për mirëmbajtjen e mjeteve të tyre. Këto shpenzime marramendëse janë evidentuar edhe nga raporte të Kontrollit të Lartë të Shtetit.

Mjaft të dyshimta për anëtarë të këtij komisioni janë praktikat për blerjen e barnave nga Ministria e Shëndetësisë si dhe prokurimet e drejtpërdrejta ose me kërkesë për kuotim për prokurime ndërtimi (rrugë). Kryesisht të dyshimta janë praktikat e prokurime të miratuara në Këshillin e Ministrave në datën 30 korrik 2004.

Dyshime të arsyeshme për prokurimin e drejtpërdrejtë për furnizimin me 100 autoambulanca të Ministrisë së Shëndetësisë, me vlerë 5.423.460 euro, me një subjekt të përzgjedhur.

Dyshime të arsyeshme për vendimin 132, datë 10.04.2003, të Këshillit të Ministrave, i cili realizoi shkëmbimin e skrapit (me procedurën klering), me 20 automjete speciale të tipit "Mercedes Benz 290", GD4X4, për Ministrinë e Mbrojtjes.

Dyshime të arsyeshme për mosplotësim të kushteve të miratuara nga Këshilli i Ministrave për lejimin e procedurës prokurim i drejtpërdrejtë për shtypshkrimet e çertifikatave të gjendjes civile, sipas çmimit dhe numrit të paraqitur në dokumentacion. (Mungesë të një sasie të konsiderueshme çertifikatash.)

Fakte dhe rrethana që janë bërë publike gjatë hetimit të dokumentacionit zyrtar të paraqitur në komisionin hetimor "Për ngritjen e Komisionit Hetimor parlamentar, për taksën e rrugës Durrës-Kukës", komision që ka ushtruar këtë veprimtari sipas vendimit të Kuvendit nr.184, datë 28.4.2004. Nga analizat e fakteve të paraqitura nga anëtarë të pozitës dhe opozitës në komision u hodh dritë rreth një sasie mjaft të madhe të ardhurash të arkëtuara nga kjo taksë, të cilat kishin ndryshuar destinacionin dhe për mungesa specifike për këto të ardhuara. Në seancën e Kuvendit, anëtarë të komisionit, në bazë të dokumentacionit të marrë në shqyrtim, përveç evidentimit të shkeljeve të kryera, hodhën bazën e të dhënave për çeljen e një hetimi të detajuar mbi arsyet dhe motivet e sabotimit të një ndër objektivave më të rëndësishëm strategjikë për shqiptarët në rajon: Rrugës Durrës-Kukës dhe për shpërdorime të mundshme në detyrë, me autoritete që administronin dhe mbikqyrnin vjeljen e kësaj takse. Ishte përgjegjësi ligjore e organit të akuzës të hetonte për ndryshimin e destinacionit dhe shpërdorimin e fondeve të kësaj rruge. Kjo përgjegjësi institucionale ishte detyrim ligjor ndaj çdo shtetasi shqiptar, i cili kontribuoi në emër të realizimit të një ëndrre mbarëkombëtare.

Fakte dhe rrethana që janë bërë publike gjatë hetimit të dokumentacionit zyrtar të paraqitur në komisionin hetimor "Për ngritjen e Komisionin Hetimor të Kuvendit, për hetimin e veprimtarisë së qeverisë për transparencën e procesit të firmave piramidale, në bazë të ligjit nr.8215, datë 9.5.1997, "Për kontrollin financiar të personave juridikë jo bankarë, që kanë marrë hua nga publiku i gjerë", komision që ka ushtruar këtë veprimtari sipas vendimit të Kuvendit nr.72, datë 17.3.2003. Nga analizat e fakteve të paraqitura nga anëtarë të komisionit u hodh dritë për një vlerë tepër të madhe parash të humbura (dhjetra miliona dollarë), për transferime pasurish me çmime tepër të ulëta dhe veprime të tjera të kryera gjatë administrimit, të cilat dëmtonin rëndë interesat e kreditorëve të firmave piramidale.

Probleme të rënda u konstatuan edhe gjatë përgatitjes së dokumentacionit nga strukturat përgjegjëse me kthimin e detyrimeve nga debitoret e skemave. Në seancën e punës së komisionit dhe në atë të Kuvendit, anëtarë të komisionit evidentuan një mori shkeljesh të kryera dhe hodhën bazën për fillimin e një hetimi të detajuar rreth veprimeve të shpërdorimit në detyrë nga kryetari i Grupit Mbikqyrës të firmave piramidale dhe personave të tjerë vartës të tij. Organi i akuzës administroi të dhëna të besueshme për shpërdorime me detyrën nga personat përgjegjës në administrimin e aseteve të firmave piramidale, edhe gjatë kallëzimit penal të paraqitur nga ish-kryetari i Përmbarimit Tiranë, zoti Detar Hysi, për fakte dhe rrethana të marra dijeni prej tij, gjatë ushtrimit të detyrës. Ishte përgjegjësi ligjore e organit të akuzës të hetonte rreth këtyre indicieve, për t'iu rikthyer qytetarëve dhe institucioneve besimin se procedurat e administrimit të aseteve ishin transparente dhe të ligjshme.

Organi i prokurorisë mban përgjegjësi ligjore për zhdukjen e dokumentacionit ekonomik e ligjor të sekuestruar në shoqërinë "Vefa", gjatë hetimit të pronarit të saj. Prokuroria nuk ka kthyer, megjithë kërkesën e administatorit të shoqërisë, dokumentacionin e sekuestruar, duke krijuar jo vetëm një situatë të paligjshme, por dhe penguar me dashje veprimtarinë në këtë subjekt në administrim. Mungesa e dokumentacionit solli pasoja të rënda, jo vetëm në caktimin e vlerës së borxhit të subjektit, por dhe normën e kthimit për kreditorët e saj.

Gjithashtu, organi i akuzës mban përgjegjësi direkte për mosveprim për dy kallëzimet penale të paraqitura nga kryetari i këtij komisioni, për kryeadministratorin e grupit, zotin Farudin Arapi, duke krijuar një precedent shqetësues për veprimtarinë e komisioneve hetimore dhe reputacionin e tyre në të ardhmen.

Dyshimeve rreth administrimit të fondeve në Prokurorinë e Përgjithshme, në mënyrë të veçantë administrimit të zërit shpenzime udhëtimi jashtë shtetit, dieta.

Për sa më sipër, të bindur se faktet e paraqitura këtu, për disa dosje të pahetuara, provojnë se gjatë ushtrimit të funksionit ky drejtues ka kryer shkelje të rëndë të ligjit dhe se ato në vetvete janë vetëm maja e ajsbergut (ekzistojnë një mori çështjesh të regjistruara dhe të mbyllura nga organi i akuzës për "mungesë të zbulimit të autorit", pa kryer asnjë veprim hetimor paraprak apo krime të paregjistruara kurrë prej saj), i kërkojmë Kryetares së Kuvendit që, në mbështetje të nenit 114 të Rregullores, të nisë procedurat për shqyrtimin nga Kuvendi të propozimit për shkarkim nga detyra të Prokurorit të Përgjithshëm, zotit Theodhori Sollaku, me motivacion "për shkelje të rëndë të ligjit gjatë ushtrimit të funksionit të tij, shkelje që ka sjellë pasoja të pandreqshme në zbulimin dhe dënimin e autorëve të veprave penale dhe në luftën ndaj kriminalitetit në vend".

Propozimi për shkarkim nga detyra i Prokurorit të Përgjithshëm është hapi i parë që Kuvendi duhet të ndërmarrë, me qëllim që akuza të ushtrojë përgjegjësitë ligjore të dhëna me ligj: ndjekjes penale, hetimit, akuzës, marrjen e masave për ekzekutimin e vendimeve gjyqësore, ushtrimit të ndjekjes kryesisht, duke larguar prej drejtimit drejtuesin, i cili paaftësinë, mediokritetin e tij profesional në menaxhimin e akuzës dhe bashkëpunimin e mistifikon në kuadrin e një roli ligjor "pasiv", dhe me mungesa të kuadrit ligjor në institucion.

Tashmë është momenti që çdo institucion kushtetues në vend të përballet dhe të përmbushë përgjegjësitë e tij funksionale, për luftë ndaj krimit dhe përmbushjen e angazhimeve publike të këtij Kuvendi, për sigurimin e standarteve të nevojshme për integrimin e vendit në familjen euro-atlantike.

DEPUTETËT