Moisiu: Nuk nënshkruaj shkarkimin e kryeprokurorit Sollaku

[Lunesta]

KRYEMINISTRI DHUNOI TEMPULLIN E KATOLIKEVE

Ne kisha dhe xhami nuk lejohet qe te behet propagande politike. Fyhen ndjenjat e besimtareve .Veprimi i pardjeshem nuk ka ndodhur asnjehere ne keto 15 vite ku nje politikan te perdore gjuhen e persekutimit ndaj drejtuesve te organeve kryesore te shtetit.



Pardje, ne diten e Pashkeve katolike, ne Katedralen Katolike te Tiranes, ngjitur me Arqipeshkvine e Durres Tiranes, monsinjor Rrok Mirdites e nje morie besimtaresh katolike, kryeministri Berisha sulmoi me gjuhen me te eger dhe fyese per tempullin fetar kryeprokurorin e Republikes.



Problemi nuk eshte ketu qe te mbrojme zotin Sollaku, pasi di dhe duhet te mbrohet vete. Edhe kryeministri mund ta sulmonte me ate fjalor apo edhe me te eger ne ndonje vend tjeter, por kurrsesi ne vendet e shenjta, sic jane kishat dhe xhamite. Pavaresisht urrejtjes se zotit Berisha kundrejt zotit Sollaku nuk duhej te fliste ne ate menyre ne katedralen katolike.



As ne xhami nuk duhej te shperdorohej vendi i shenjte per te sulmuar dike tjeter, sado inat ta kesh. Aq me teper ne nje dite te tille si ringjallja e Krishtit, ku vetem falet dhe flitet mire per paqe sociale e progres per popullin.



Pritem dje se mos ndoshta selia e Arqipeshkvise Katolike ne Tirane apo nga zyra e shtypit te kryeministrit te vendit te dilte ne njefare sqarimi ne forme kerkese pendese per kete shperdorim te vendit te shenjte dhe dites se shenjte ku u ringjall Jezu Krishti, por asgje nuk doli.



Te gjitha fete ne Shqiperi jane ne harmoni perfekte me njera tjetren dhe nuk jane perdorur asnjehere nga politika per te akuzuar tjetrin. Natyrisht qe monsinjor Rrok Mirdita nuk kishte se cfare t'i thoshte kryeministrit ish komunist 62 vjecar qe mu ne zemren e katedrales, para besimtareve dhe medias, nxirrte duf e urrejtje kundrejt kryeprokurorit. Monsinjor Rrok Mirdites nuk i mbetet gje tjeter pervecse te lutet per zotin Berisha qe Zoti t'i sjelle mendjen ne vend dhe te respektoje vendin e shenjte.



Edhe nese e provokuan gazetaret ne lidhje me ceshtjen "Sollaku", perseri nuk mund e nuk duhej qe kryeministri te binte ne kurthin e tyre. Prandaj eshte politikan me karriere, ish President Republike dhe tani kryeminister. Te ndodhur shume besimtare katolike ne katedrale apo dhe mijera e mijera qe e degjuan jane zemeruar per keqperdorimin e Katedrales Katolike per te nxjerre urrejtje.



Natyrisht qe nje pjese e besimtareve, duke qene ndoshta edhe demokrate si anetaresi, edhe jane kenaqur me sulmin ndaj Sollakut, por jo ne tempullin e besimit te tyre. Nuk mundet te ndodhe nje gje e tille ne nje vend normal e nga nje njeri qe quhet kryeministri i vendit. Nuk ka ndodhur ne Shqiperi qekur jane rihapur kishat e xhamite. Ka pasur pyetje provokuese perhere kundrejt politikaneve qe kane vizituar keta tempuj ne ditet e shenjta te tyre, por perhere ka patur rreshqitje nga sulmi apo fyerja.



Perkundrazi me shume finese ka kaluar tek "jemi ne feste sot. Gezuar dhe mbaresi per te gjithe". Nje nga analistet e shumepaguar te shtypit shqiptar tha dje se Berisha duke e nenvleftesuar komunitetin katolik e ka bere me paramendim nje gje te tille ne tempullin katolik.



Dhe si per te vazhduar, ai insistonte se zoti Berisha eshte ne thelb nje antikatolik. Pervec Jozefina Topallit, se ciles nuk ka se cfare t'i beje, pasi ka force ne PD e ne komunitetin nderkombetar, te tjeret politikane apo intelektuale katolike i ka persekutuar gjate ketyre viteve, sikur kur ishte ne pushtet, ne opozite dhe tani perseri ne pushtet.



Ose edhe kur ka zgjedhur perfaqesues prej komunitetit katolik ka marre per t'i bere persona publike pikerisht disa emra jo potenciale ose me mangesi kulturore e njerezore ne menyre te djallezuar per t'i thene indirekt opinionit se "nuk kane emra VIP katoliket". Nje perversitet jashtezakonisht i rrezikshem.



Po te marresh edhe emerimet qe nga shtatori 2005. Shume shume pak intelektuale katolike te emeruar prej Berishes. Edhe partine qe perfaqeson filozofine qe mbreteron ne Europe, e cila quhet Partia Demokristiane, zoti kryeminister e ka lene pa zyra te selise qendrore. Nderkohe qe me ligj e ka te detyruar qe cdo partie e cila ka kaluar pragun 2.5 per qind, qeveria i jep zyra.



Demokristianeve, me nje qellim diabolik, nuk iu jep zyra, nderkohe qe jane parti 15 vjecare ne demokraci. Asnje emer katolik te propozuar nga demokristianet zoti kryeminister nuk e emeron. I permendem keto fakte per te treguar se busulla e tij orientuese nuk eshte Europa kristiane, por nje pjese e Azise se fondamentalizmit.

Ajo cka ndodhi pardje ne Katedralen Katolike nuk duhet lejuar me te perseritet nga asnje politikan.



Duhet qe ne kisha e xhami te respektohen ritet e tyre fetare dhe asnjanesia e tyre nga shteti dhe politika.

Zoti fal, por edhe ndeshkon! Kete duhet ta dije kryeministri yne qe e futi Shqiperine edhe ne Konferencen e Vendeve Islamike ne vitin 1993.

KJ

[Lunesta]

Brishen do ta padis ne gjykate per shpifje....tha dje Sollaku. Kurse sot bomba tjeter...

SOLLAKU: BERISHA VEPRON SI ENVER HOXHA

"Leri institucionet te punojne, nese dikush ka bere shkelje ndiq rruget institucionale". Ky ka qene mesazhi i dhene dje nga kryeprokurori i Pergjithshem, Theodhori Sollaku, ne emisionin "Shqip" ne Top Channel, duke i bere te qarte kryeministrit Berisha se vendi ka nevoje te kete shtet dhe deklaratat e bera neper media. Keshtu ne menyre te hapur, Prokurori i Pergjithshem i ka ftuar dje ne menyre publike kryeministrin demokrat te ballafaqohet me te per te gjitha akuzat qe kohet e fundit ka hedhur mbi te.

Ne kete menyre Sollaku ka zgjedhur median per t'ju pergjigjur te gjitha akuzave qe rendojne mbi te, te cilat ne media i kane bere publike deputete te mazhorances. Sipas Sollakut ne te gjitha ato qe thuhen ka nje percartje. Ai ka cilesuar se nuk ka lidhje me asnje nga bandat kriminale dhe se e gjithe puna e prokurorise eshte ndalur ne kapjen e ketyre bandave kriminale.

"Prokurori i Pergjithshem nuk ka asnje lidhje me keto banda, i vetmja lidhje jona eshte t'i kapim ato", u shpreh ai mbreme duke pranuar se keto kohe ka patur nje bashkepunim te mire te strukturave policore me ato te prokurorise. "Ka nje klime te favorshme te punes se policise me prokurorine. Gjithcka deri me sot eshte bere nga bashkepunimi prokurori polici", vleresoi ai. Ne kete kontekst ai vleresoi se kurre nuk e kishte pritur qe te adresoheshin akuza te tilla ndaj tij.

Sa i perket dosjes Gjermeni ai sqaroi mbreme se nuk ka asnje lidhje te krimit ne kete rast, ka qene sipas Sollakut nje verifikim i kerkuar nga Inspektoriati i Larte i Deklarimit te Pasurive. Per Sollakun ajo qe mbetet e rendesishme eshte qe institucionet e shtetit te bashkepunojne dhe me ardhjen e Berishes ne pushtet, Prokurori i pergjithshem besonte se do te ndodhte ne te vertete rotacioni i pushtetit.

Kj

[Albo]

Në kërkesën e shkarkimit të deputetëve të PD-së nuk thuhet se kryeprokurori është i lidhur me bandat, por se nuk ushtroi veprimtari konkrete

PD: Sollaku, jo i lidhur me bandat, qëndroi pasiv në zbardhjen e krimeve


N.Perndoj

Tiranë- Në kërkesën e përgatitur nga grupi parlamentar i Partisë Demokratike janë radhitur një sërë vrasjesh të pazbardhura, që fillojnë që me atë të avokatit Kleanthi Koçi dhe deri më të fundit, ndërkohë që në anën tjetër argumentohet se prokurori i përgjithshëm, Theodhori Sollaku, i kishte të gjitha përgjegjësitë ligjore për të ushtruar veprime konkrete. Për një sërë arsyesh që radhiten më poshtë, demokratët kanë akuzuar kreun e akuzës se ka qëndruar në pasivitet të plotë. “Në bazë të Kushtetutës, nenit 148 të saj, pikave 4 e 5 të nenit 24 dhe neneve 25 e 305, të ligjit nr. 7 905, datë 21.3.1995, “Kodi i Procedurës Penale në Republikën e Shqipërisë”, të ndryshuar, neni 8 të ligjit nr. 8 737, datë 12.2.2001, “Për organizimin dhe funksionimin e Prokurorisë në Republikën e Shqipërisë”, të ndryshuar, prokurori i përgjithshëm është autoriteti më i lartë për ushtrimin e ndjekjes penale dhe përfaqësimin e akuzës në gjyq. Ai është drejtues i Prokurorisë, e cila funksionon si strukturë e centralizuar dhe i nënshtrohet një hierarkie të rreptë drejtimi. Sipas nenit 4, të ligjit nr. 8 737, datë 12.2.2001, urdhrat dhe udhëzimet e prokurorit më të lartë janë të detyrueshme për prokurorin më të ulët. Pra, prokurori i përgjithshëm ka pasur dhe ka në dorë të gjithë pushtetin ligjor për t’u kujdesur që prokuroria të veprojë në përputhje me Kushtetutën dhe ligjin, për ndjekjen dhe ndëshkimin e rreptë të të gjitha formave të veprave penale”, - thuhet në kërkesën e grupit parlamentar të Partisë Demokratike. Për pasojë, vazhdon kërkesa, ka pasur dhe ka të gjithë përgjegjësinë ligjore, si instanca më e lartë përgjegjëse, në çdo rast individual që provon dështimin e prokurorisë në realizimin e detyrave të saj.

Kuadri ligjor
“Kështu shfajësimet personale të prokurorit të përgjithshëm për mungesë të kuadrit ligjor, janë të pambështetura. Sipas nenit 280 (i KPrP) prokurori dhe policia marrin dijeni për veprën penale me iniciativën e vet… Mënyra e konceptimit të këtij organi si organ i centralizuar dëshmohet edhe në kompetencën ekskluzive të vetë këtij institucioni (neni 305 i KPrP-së) që edhe kryesisht të marrë përsipër hetimet, nëse prokurori i rrethit nuk ushtron ndjekjen penale ose nuk e pushon atë në afatin e caktuar. Prokurori i përgjithshëm në deklarimet e tij nuk ka informuar asnjëherë se në sa raste ka shfrytëzuar këtë mundësi ligjore (nenin 305), cilat kanë qenë rezultatet dhe çfarë masash dhe përgjegjësish disiplinore janë ushtruar ndaj prokurorëve të rretheve”, - thuhet ne kërkesën e përgatitur. Sipas kërkesës së hartuar, deputetët demokratë shtojnë se në ushtrimin e detyrës prokurori i përgjithshëm ka harruar funksionin e “prokurorisë”. “Akuza ka si funksion kryesor luftën kundër kriminalitetit. Kjo luftë nënkupton si masat parandaluese ashtu edhe ato represive, në mënyrë të veçantë kundërveprimin me iniciativë ndaj çdo vepre penale pa qëndruar në pritje e pasivitet”, - vijon kërkesa

Policia gjyqësore
Deputetët demokratë shtojnë se drejtuesi i organit të akuzës nuk mund të fshehë dështimin e veprimtarisë së Prokurorisë duke ia lënë të gjithë barrën e fajit në analizat vjetore të punës policisë gjyqësore. “Madje, edhe sikur të jetë kështu, mungesa e profesionalizmit dhe forcës së zbulimit të krimit, përfshi dhe fiksimin e provave nga policia gjyqësore, ngarkon me përgjegjësi direkte edhe prokurorin e përgjithshëm, sipas ligjit nr. 8 677, datë 2.11.2000, “Për organizimin dhe funksionimin e policisë gjyqësore”. Sipas nenit 11, të ligjit nr. 8 677, datë 2.11.2000, vlerësimi profesional i kandidaturave për oficer i policisë gjyqësore, transferimi, rritja në gradë apo largimi bëhet me pëlqimin e dhënë të prokurorit të përgjithshëm, apo sipas standardeve të kualifikimit të përcaktuara edhe prej tij. Në çdo rast sipas ligjit nr. 8 677, datë 2.11.2000, të ndryshuar, prokurori i përgjithshëm i gëzonte të gjitha instrumentet ligjore për të ndërhyrë dhe rritur nivelin e profesionalizmit dhe përkushtimit në detyrë të efektivit të policisë gjyqësore. Mosveprimi i prokurorit të përgjithshëm apo rezultati i dobët i veprimeve të tij shton edhe më tepër përgjegjësinë individuale të Theodhori Sollaku”, - thuhet në kërkesë.

[Albo]

Kryeprokurori Theodhori Sollaku i ka bërë thirrje Berishës të shikojë punën e tij dhe t’i lerë institucionet të punojnë

Sollaku: Berisha po kthen '92-'96

Ened Janina

TIRANË- Kreu i prokurorisë shqiptare, Theodhori Sollaku, kërkon nga kryeministri Berisha që të shohë punën e tij dhe të lërë institucionet të punojnë të qeta. Mbrëmjen e djeshme, në emisionin “SHQIP” të Top Chanel kreu i prokurorisë shqiptare i ka kujtuar Berishës se ky popull pret më shumë nga qeveria. “Kryeministrit i them se ke në dorë shumë për paqen sociale dhe stabilitetin e këtij vendi. I them lëri institucionet të punojnë. Nëse dikush ka bërë shkelje, ndiq rrugën institucionale. Kështu mund të përfundojmë duke bërë shtet”,- tha dje kryeprokurori Sollaku. Sipas tij, kreu i qeverisë bën mirë që të shohë edhe varfërinë e madhe që ka pushtuar këtë vend. Ndërkohë, Sollaku ka paralajmëruar se nëse ai shkarkohet, zëvendësi i tij do të jetë një person i zgjedhur nga Berisha dhe do t’i rrijë “pronto” këtij të fundit për gjithçka.
***
Për herë të parë gjatë kësaj “lufte” ndërmjet ekzekutivit dhe prokurorisë, kryeprokurori Sollaku ka reaguar në lidhje me deklaratat e kryeministrit Berisha. Në mungesë të një bashkëbisedimi institucional, ai i ka bërë thirrje kreut të qeverisë se ka shumë gjëra më të mira për të bërë, sesa të bëjë akuza nga rruga. “I them kryeministrit Berisha: shiko bëj punën tënde sepse ky vend pret shumë nga qeveria. Përsa i takon goditjes së grupeve kriminale, ne i kemi burgjet plot dhe askush nuk mund të ankohet se mungon goditja. Kryeministri duhet të shohë shkaqet përse ndodhin gjithë këto krime. Kjo është detyra e qeverisë, të gjejë rrënjët e krimeve. Ka disa arsye. Në radhë të parë, është varfëria. Kryeministri duhet të mendojë çfarë duhet të bëjë për të përmirësuar gjendjen ekonomike në këtë vend. Së dyti, lidhet me krijimin e një modeli për të rinjtë. Ne sot jemi në një shoqëri që brezave të rinj nuk po i afrojmë një model të mirë social. Kryeministrit i them se ke në dorë shumë për paqen sociale dhe stabilitetin e këtij vëndi. I them lëri institucionet të punojnë. Nëse dikush ka bërë shkelje, ndiq rrugën institucionale. Kështu mund të përfundojmë duke bërë shtet”,- u shpreh kryeprokurori Sollaku. Ai shpjegoi dje edhe marrëdhëniet me kreun e qeverisë që nga koha kur ishte këshilltari i tij ligjor në presidencë, e me të cilin nuk është takuar as edhe një herë gjatë këtyre shtatë muajve. “Me Berishën nuk jam takuar asnjëherë gjatë kësaj qeverisjeje. Do më vinte keq nëse do të isha i vetëm, por me asnjë nga drejtuesit e institucioneve të pavarura kryeministri nuk ka bashkëpunim. Nuk kam ndonjë merak që nuk jam takuar me kryeministrin. Sepse ai ka punën e vet dhe unë punën time. Unë kam punuar pesë vjet me Berishën dhe e njoh shumë mirë. Kam kërkuar që të takohem me të që javën e parë, por më thanë që është sëmurë. Më vonë e pashë që nuk donte.
***
Unë kam pasur besim tek Berisha dhe prisja që të ndodhte rotacioni politik, pavarësisht për disa çështje që unë personalisht i kisha perceptuar tek Berisha. Por këto i quaja si shkak të temperamentit të tij. Fakti që për shtatë muaj sulmon institucionet e pavarura, veçanërisht gjyqësorin dhe prokurorinë, të bëjnë të mendosh se nuk ka ndryshuar nga mentaliteti i punës së viteve 1992- 1996. Kjo do të thotë që Berisha mendon se këtë shtet e bën vetëm ai. Në këtë pikë ndahemi, sepse ai mendon se individi Berisha mund të bëjë shtet ndërsa unë jam i mendimit që institucionet janë më të forta se individi”,- tha Sollaku. Ndërkohë ai ka paralajmëruar se ardhja e një prokurori tjetër në atë detyrë mund të ishte një gjë shumë e rrezikshme. “Shkarkimi im do të thotë që Berisha të vërë në atë post një prokuror që do t’i rrinte “pronto” Berishës. Kjo është një gjë shumë e rrezikshme sepse prokurori i përgjithshëm ka në dorë shumë informacione, të cilat në një kohë fushate mund të ndikojnë në favor të njërës apo tjetrës forcë zgjedhore. Edhe Sollaku dinte që pas zgjedhjeve do politizohej se mua nuk më mungon kultura politike edhe njohja. Nëse Sollaku do ta linte punën e vet me ndryshimin e pushtetit, mund të ishte pozicionuar. Për shkak të punës, prokurori ka shumë gjëra në dorë që mundet të ndikojnë në pro apo kundër një force të caktuar politike, por kurrë prej gjithë vartësve të mi nuk ka ndodhur, pasi i kam brumosur, i kam edukuar që të respektojnë ligjin. Kjo është shumë e rëndësishme. Nëse prokurori i përgjithshëm do të varej nga maxhoranca, atëherë do të bëhet një shërbëtor i pastër i kësaj maxhorance”,- u shpreh kreu i organit të akuzës. Në lidhje me krijimin e një komisioni hetimor parlamentar Sollaku është shprehur se e mirëpret këtë nismë por nuk ka shumë besim tek ajo. “Deklarata e sotme m’u duk si thirrjet e Enver Hoxhës për të goditur grupet armiqësore. I gjithë shteti përpiqej të mbaronte porositë e Enver Hoxhës dhe agjentët hidheshin në veprim. I kujtoj Berishës se nuk është më ajo kohë”, -përfundoi Sollaku.

Dorëheqja

Mbrëmjen e djeshme kreu i organit të akuzës pohoi se në asnjë mënyrë nuk do të japë dorëheqjen në një situatë të tillë. “Sovrani ka bërë një kontratë me qeverinë, kushtetutën. Qeveria ka kompetencat që i jep kushtetuta. Çdo organ ka kompetencat e tij. Dorëheqja ndodh. Je ne një pozicion pune mund të kalosh në një tjetër por dorëheqje në kushte presioni, qoftë nga rruga, qoftë nga politika nuk duhet të pranohet nga prokurori i përgjithshëm sepse i bën një dëm shtetit dhe kushtetutës. As që më shkon ndër mend dorëheqja në një situatë presionesh dhe shantazhi”,- tha ai.

NISHANI

Prokurori i Përgjithshëm, Theodhori Sollaku, komentoi dje edhe deklaratat e bëra nga zëdhënësi i grupit parlamentar të PD-së duke i quajtur ato si deklarata personale të Berishës. “Unë nuk kam ndër mend të debatoj me Nishanin pasi ai është një megafon i prishur i kryeministrit Berisha, është zëdhënësi i grupit parlamentar dhe po mashtron shqiptarët. Ato janë thjesht mendime të zotit Berisha. Unë nuk merrem me Nishanin. Një njeri me një minimum shkolle e kupton sa pa logjikë janë të thënat e këtij të ashtuquajturi zëdhënës”,- tha kryeprokurori.

[Albo]

Se pari, vetem nje njeri i lidhur me krimin dhe qe kerkon te mbroje krimin dhe kriminelet me cdo cmim nuk e shikon realitetin ne sy, qe organi i akuzes ka bere nje pune shume shume te dobet ne hetimin dhe ndeshkimin e bandave kriminale. Dhe faji per kete bie mbi gjithe Prokurorine dhe mbi vete kryeprokurorin.

Se dyti, eshte afer mendjes qe qeveria e re shqiptare do te kerkoje zevendesimin e kryeprokurorit per motivin qe une zura ne goje me lart. Qeveria qe i ka vene synim veten luften kunder krimit dhe korrupsionit ka nevoje per nje kryeprokuror te ri qe eshte i prirur dhe i gatshem te ndeshkoje krimin e kriminelet. Pra me pak fjale, nje njeri qe ndan te njejten axhende me ate te qeverise dhe jo nje njeri si Sollaku qe i ka patur te gjithe kohen e duhur te godasi bandat kriminale dhe nuk e ka bere nje gje te tille.

Se treti, gabimi qe qeveria dhe njerezit e mazhorances po bejne eshte sulmi retorik mbi kryeprokurorin Sollaku ne media. Ky sulm eshte i panevojshem, mjafton qe te ndjekin proceduren ligjore te shkarkimit te kryeprokurorit te vendit. Kane cdo te drejte morale apo politike per ta bere nje gje te tille dhe nuk kane perse kapen ne rrjeten e merimanges se fjaleve boshe ne media.

Se katerti, fakti qe kryeprokurori Sollaku nuk pranon qe te japi doreheqjen me deshire, kur mazhoranca politike qe po qeveris vendin nuk ka besimin me te vogel tek ai, vetem sa veteinkriminon kryeprokurorin e vendit. Dhe qendrimi i tij, le vend per dyshim se akuzat e mazhorances per te mund te kene nje fare vertetesie. Kush e pengon Sollakun qe te japi doreheqjen? Asnje nga institucionet e vendit. Sollkaku vazhdon te beje kete detyre ose per motive personale ose per interesa te grupeve qe kane probleme me ligjin.

Qeveria e ka shprehur me vepra vullnetin e saj per te goditur te gjitha grupet kriminale qe veprojne ne vend, kurse organi i akuzes ka qene dhe vazhdon te jete hallka me e dobet e procesit te denimit te krimit me ligj. Sollaku duhet te largohet duke dhene doreheqjen vete, pa qene nevoja qe mazhoranca ti shkoje deri ne fund procesit ligjor te shkarkimit te tij.

Albo

[Albo]

Ministria e Drejtësisë akuzon Prokurorin Sollaku për shkelje të rënda të ligjit

Armand Mero

Në Shqipëri Ministria e Drejtesisë akuzoi sot Prokurorin e Përgjithshëm dhe organizmin që ai drejton se gjatë aktivitetit 5 vjeçar ka kryer shkelje të rënda të ligjit duke i shkaktuar dëme të mëdha ekonomike shtetit.

Deklarimet e Ministrit të Drejtësisë Aldo Bumçi janë përfundim i një kontrolli të ushtruar në 6 prokurori të rretheve lidhur me hetimet ndaj denoncimeve të Kontrollit të Lartë të Shtetit.

Sipas Ministrisë së Drejtësisë shkeljet e vërejtura tregojnë mungesë vullneti për të luftuar korrupsionin, krimin e organizuar dhe sulmet ndaj Prokurorit të Përgjithshëm janë nisur nga të gjitha drejtimet e mundshme. Ndërsa në parlament u depozitua kërkesa për nisjen e procedurave për shkarkimn e tij, pasdite Ministri i Drejtësisë Aldo Bumci bëri të njohura rezultatet e kontrollit të ushtruara në 6 prokuori të vendit.

Prokurori i Përgjithshëm dhe organi që ai drejton akzuohen se nuk kanë filluar hetimet apo kanë pushuar çështjet e kallzimeve penale të bëra nga Kontroli i Lartë i shtetit në 70 përqind të rasteve.

Kontrolli i Ministrisë ka nxjerrë në pah se Prkurori i Përgjithshëm ashtu dhe prokuroritë në rrethe kanë bërë shkelje serioze të ligjit dhe funksionimit të organit të Prokurorisë, tha ministri Bumci. Kështu prokuroria akuzohet se janë përfunduar në mënyrë të paligjshme hetimet në cështjet e evazionit fiskal në importimin e automjeteve.

Sipas kallzimit të Kontrollit të Shtetit në më pak se dy vjet nuk janë zhdoganuar 30 mijë makina duke sjellë për shtetin një dëm që llogaritet në 70 milion dollarë. Në këtë cëshje, sipas ministrisë së Drejtësisë, Prokuroria e Përgjithshme dhe ajo e Tiranës nuk kanë kryer veprime për dy vjet e gjysëm. Po kështu Prokuroria akuzohet se nuk ka filluar hetime dhe ndaj një kallzimi të Kontrolit të Shtetit ndaj Korporatës energjitike në vitin 2000 e ku bëhet fjalë për të pakëtn 40 milion dollarë dëme. Një çështje e tretë për të cilën Ministria e Drejtësisë pas kontrolit të ushtruar prej saj akuzon prokurorin e Përgjithshëm është dhe ajo e zhdoganimit të kundraligjshëm të 8 anijeve në doganën e Durrësit gjë e cila llogaritet të ketë shkaktuar një dëm prej 600 mijë dollarësh.

Në deklarimin e tij Ministri i Drejtësisë Bumçi tha se zvarritjet e palejueshme dhe hetimet tejet formale, mbulimi i rreth 7 mijë veprave penale në prokurorinë e rrethit Tiranë apo zhdukja e një dosje në Librazhd të shtyjnë në përfundimin se nuk bëhet fjalë vetëm për cështje të aftësisë profesionale të drejtuesve të Prokurorive në Rrethe apo të Prokurorit të Përgjithshëm, por me mungesë vullneti nga ana e tyre për të luftuar korrupsionin, krimin e organizuar dhe trafiqet.

Në të vërtetë Prokurori i Përgjithshëm Theodhori Sollaku deklaroi mbrëmë se materiali i hartuar nga Ministria e Drejtësisë ishte i dobët e qesharak. Por sipas ministrit Bumçi deklarimet e tij synonin të devijonin akuzat e ngritura ndaj tij. Sipas ministrit, qeveria shqiptare kërkon një prokuror që të ketë vullnet të hetojë e të veprojë dhe jo një prokuror që nuk reagon.

[Antimafia]

4 dosjet e reja që vertetojnë inkriminimin e Sollakut


1.

Tjetërsimi i miliona eurove të pronës të shoqërisë “Viakel Gaz” SHA, nga pronari i ligjshëm grek Georgios Vourvachis tek Ilir ***çini, mik i ngushtë i Theodhori Sollakut, prej gjyqtares Zegjine Sollaku



Shoqeria "Viakel Gaz" SHA eshte krijuar me Vendimin Nr 16003 te dates 2.10.1996, dhe ndryshuar me Vendimet nr 16003/1 dt 23.12.1998 dhe Nr 16003/2 dt 03.04.2001, me seline e saj ligjore ne Portes - Fier. Kjo shoqeri eshte krijuar si shoqeri anonime, me nje kapital themeltar prej 60 milion lekesh te reja. Ne kohen e themelimit te saj, ka pasur si aksionere: 1) Shoqerine Greke Viakel Central Gas S.A, ne vleren prej 50 % te aksioneve; 2) Shtetasin Georgios Vourvachis ne vleren prej 20% te aksioneve; 3) Shtetasit Ilir Karcini dhe Skender Amoniku ne vleren prej 30 %. Drejtor dhe perfaqesues i bordit te shoqerise ka qene i caktuar shtetasi grek Georgios Vourvachis. Me daten 27.01.2003 eshte mbledhur asambleja e ortakeve te shoqerise, vetem nga shtetasit shqiptarë Ilir Karcini dhe Skender Amoniku, pa qene e thirrur ligjerisht nga Drejtori i saj, si dhe pa qene prezent shtetasi grek qe eshte edhe aksioner dhe perfaqesues i aksionerit tjeter, shoqerise greke, ne masen prej 50 % te aksioneve. Me Vendimin e Asamblese se Aksionereve me Nr 3 te dates 27.01.2003, eshte vendosur per shitjen e aksioneve te Shoqerise "Viakel-SA" ne vleren 50% te aksioneve te shoqerise "Viakel Gaz" SHA, zotit Skender Amoniku si edhe shitjen e aksioneve te Z.Georgios Vourvachis, ne vleren 20%, zotit Ilir Karcini. Ky akt eshte i falsifikuar, pasi nuk ka qene prezent shtetasi grek dhe firma e tij eshte e fallsifikuar, por eshte derguar dhe noterizuar perpara noterit Nezir Murati. Kerkesa per regjistrimin e ketij Vendimi, ne Regjistrin Tregtar prane Gjykates se Shkalles se Pare Tirane, eshte pranuar me Vendimin Nr 16003/- dt 17.03.2003, nga gjyqtarja Zeqine Sollaku. Nga ky moment e ne vazhdim te gjitha vendimet e kryera nga seksioni i regjistrit tregtar ne Gjykaten e Tiranes, ne ndryshim nga gjyqtarja qe e ka filluar praktiken e kesaj shoqerie dhe si rregull duhej te vazhdonte praktiken (Rigleta Panajoti), jane bere nga Zeqine Sollaku. Behet fjale qe te jete likujduar kjo shoqeri, menjehere pas ndryshimit dhe transferimit te pjeseve te kapitalit ne menyre te kundraligjshme nepemjet fallsifikimit, duke i hequr mundesine e ekzekutimit te vendimit gjyqesor, kur te fitohej gjyqi nga shtetasi grek dhe shoqeria greke si aksionere, per pavlefshmeri te vendimeve dhe falsifikimin e dokumenteve. Nga ana e Z. Georgios Vourvachis, eshte bere nje kallezim penal, me daten 01.05.2004, per te filluar nje procedim penal ne ngarkim te shtetasve Skender Amoniku, Ilir Karcini, Nezir Murati. Nga ana e Prokurorise se Rrethit Gjyqesor Tirane, ne dt 10.06.2004, nga ana e Prokurorise se Rrethit Gjyqesor Tirane eshte vendosur mosfillimi i procedimit penal per kallezimin e regjistruar me numrin 1827 te vitit 2004". Ky vendim ne kundershtim me ligjin nuk i eshte komunikur per te ushtruar ankim nga kallezuesi kallezuesit, duke pasur parasysh se shtetasit grek i ishte bere presion qe te mos vinte ne Shqiperi nga persona konkrete. Nga vitit 1997 e ne vazhdim shtetasi grek nuk vinte dot ne Shqiperi per shkak te trazirave, dhe me pas i behej edhe presion qe te mos vinte me ne Shqiperi. Ne vitin 2004 shtetasi grek ben kallezimin nepermjet nje avokateje mbrojtese qe i jepet vendimi i lartepermendur nga prokuroria e Rrethit Gjyqesor Tirane. Ne vitin 2005 shtetasi grek vjen ne Shqiperi dhe cakton dy mbrojtes te tjere, te cilet menjehere pas marrjes dijeni per vendimin ushtrojne ankimin ne Gjykaten e Shkalles se Pare Tirane. Ceshtja u regjistrua prane kesaj gjykate me Nr 1144 Akti. Kjo gjykate u shpreh me Vendimin e dates 01.12.2005 te gjyqtarit Arben Kostandini, i cili pranoi ankimin dhe vendosi qe ceshtja te dergohej perseri per hetim. Ndaj ketij Vendimi ka here ankim Prokuroria e Rrethit Gjyqesor Tirane, te ciles i eshte riderguar nje kallezim i ri per Vjedhje, dhe qe ligjerisht duhej te vazhdonte hetimin e kesaj ceshtjeje, te vendoste sekuestro mbi pasurite e ketyre dy shtetasve shqiptare, te cilet menjehere pas likujdimit te kesaj shoqerie kane krijuar dy shoqeri te reja me te njejtin aktivitet, ne fushen e gazit ne Fier dhe ne Tirane, ku vlera e kapitaleve shkon ne disa miliona euro. Nuk duhet harruar se shoqerite jane krijuar me te njejtat kapitale ne natyre, pajisje makineri dhe toke truall e ndertesa, qe kishte shoqeria e pare.

Vete Prokurori i Pergjithshem ka bere takim dhe eshte vene ne dijeni per kete ceshtje qe perpara fillimit te procesit gjyqesor, dhe ne takimin me ta u ka thene ne kundershtim me parimet e etikes se nje prokurori e ne kundershtim me ligjin organik te prokurorise e me Kushtetuten e RSH-së qe te nderronin avokatet, sepse ishin problematike. E gjithe historia e kesaj dosjeje ka nje te vertetë të madhe: Shtetasi Ilir Karcini eshte mik i afert i Prokurorit te Pergjithshem te Republikes. Mjafton vetem te shikohen tabulatet e thirrjeve mes numrave te tij dhe ketij shtetasi qe perpara se Z.Sollaku te kishte kete funksion qe ka sot.


2.

Masakra e pronave në Durrës, grabitja e paskrupullt e pasurisë së familjes Shijaku, është kryer nga komisioni i pronave për llogari të Ferdinand Elezit, kushëririt të Zegjine Sollakut, me ndërhyrjen e drejtpërdrejtë të vetë kryeprokurorit



Behet fjale per dosjen nr:333 te vitit 2003, ne te cilen me shkrese te Prokurorit te Pergjithshem te Republikes Z. Theodhori Sollaku, eshte pushuar procedimi penal, pas rreth nje viti hetimi, ku ishin marre te pandehur: 1) Kryetari i Komisionit te Kthimit te Pronave Vasil Hila, 2) Juristi i Bashkise Durres, Gezim Cara, 3) Ish-Kryeregjistruesi i Z.R.P .P-se Durres,Gazmend Muka, 4) Ish topografi i Z.R.P .P- se Durres, Vasil Liçe.

Procedimi eshte filluar mbi bazen e nje kallezimi te depozituar nga Familja Shijaku tek vete Prokurori i Pergjithshem, dhe me urdher te tij eshte filluar procedimi penal ku thuhet qe te hetohet dhe te dergohet ne gjyq procedimi. Nga hetimi del se nga 109 vendime te Komisonit te Kthimit te Pronave Durres, vetem 5 prej tyre jane nenshkruar nga te gjithe anetaret e Komisonit, ndersa te gjithe te tjerat (vendimet), jane nenshkruar dhe hartuar nga vete kryetari. Mbi bazen e nderhyrjeve te bera Prokurori i Pergjithshem ka derguar shkrese per pushimin e ketij procedimi penal. Kjo dosje eshte pushuar ne kohen kur Prokuror i Rrethit të Durresit ishte Ferdinand Elezi, kushëri i bashkëshortes së Prokurorit Sollaku, Zegjinesë, i cili disa muaj me pas fillon nje procedim penal ndaj Kryetarit te Komisionit Te Kthimit dhe Kompensimit te Pronave Durres, Vasil Hila dhe pas prishjes per pazare ne shuma marramendese prej 300 mije eurosh, kerkoi denimin e tij me 20 vite burgim.



3.

Sollaku ndërhyri personalisht për të lehtësuar dënimet e personave që u zunë me drogënë autobusët e “Joy Travel”



Rasti i procedimit penal nr:2512 te vitit 2003 ne prokurorine e Rrethit Gjyqesor Tirane, ne lidhje me sasine prej 18,5 kg heroine te kapur ne autobusin e linjes Tirane Athine, te Kompanise "Joy Travel", ku u arrestuan tre persona, dhe u moren ne pergjegjesi penale kater persona, per vepren penale te parashikuar nga Delli 283/2 i K.Penal. Ne lidhje me shtetasin Genti Hoxha, mbi bazen e nderhyrjes se drejtperdrejte te Z.Sollaku eshte kerkuar si mase denimi ne kundershtim me nenin 53 te K.Penal, ka kerkuar nje mase denimi dy vjet nen minimumin e parashikuar nga dispozita penale konkrete, (7 deri ne 15 vjet), dhe cilin sipas te njejtes skemë Gjykata ne vendimin e saj Dr: 163,date: 17.02.2005, e ka ulur perseri denimin. Prokuroria nuk ka ushtruar ankimin perkates.



4.

Sollaku dhe Gjinushi ndërhynë për të liruar nga burgu Muhamet Kapon dhe për ta emëruar Drejtor të Entit të Banesave



Dosja ne prokurorine e Tiranes, me Prokuror Z.Besnik Cani, ku per vepren penale te Shperdorimit te Detyres, eshte marre i pandehur shtetasi Muhamet Kapo, dhe brenda clites i eshte pushuar akuza sipas urdhrit te Prokurorit te Pergjithshem, ne baze te nderhyrjes se Z.Skender Gjinushi, pasi ishte kandidature per Drejtor i Pergjithshem i Entit te Banesave. Ne baze te vertetimit te marre nga Prokuroria e Tiranes se nuk ishte person nen hetim, ky shtetas eshte emeruar te nesermen si Drejtor i Entit te Banesave.

[Antimafia]

Ardian Visha, 3 vjet në Angli me anëtarë të “Hakmarrjes për Drejtësi”


Në kulmin e një krize, që ka ardhur pas zbardhjes së lidhjeve të prokurorit në detyrë Theodhori Sollaku, me eksponentë të “Hakmarrjes për Drejtësi”, vëmendja kthehet edhe njëherë nga Ardian Visha, të cilit i lexohet karriera që provoi nën erërat “Rakipi” e “Sollaku”. Mediat kanë denoncuar Ardian Vishën, se gjatë qendrimit të tij në Angli në periudhën kohore 1995-1998 ka patur kontakte të ngushta me organizatën terroriste “Hakmarrja për Drejtësi”. Burime jozyrtare nga Britania e Madhe, citohen nga një organizatë investiguese joqeveritare në Tiranë, se kanë në dorë gjurmë të qarta të dëshmisë së bashkëjetesës dhe bashkëpunimit që Ardian Visha ka patur me pjesëtarë të bandës. Ai është strehuar në Angli në mënyrë të paligjshme në vitin 1995, nën emrin e rremë të një kosovari dhe në vitin 1996, ka marrë dokumentet në shtetin anglez si kosovar, citohet i njëjti burim. Për 2 vjet e gjysëm ai ka qëndruar në Angli duke bashkëpunuar dhe jetuar nga afër me pjesëtarët e “Hakmarrjes për drejtësi”. Në janar të vitit 1998 ai kthehet në Shqipëri në shërbim të regjimit të ri të ardhur mes krijimit të bandave të armatosura dhe duke shfrytëzuar krizën e piramidave. Denoncimi që është shfaqur në shtypin pranë Partisë Demokratike, nuk u përgënjeshtrua asnjëherë nga Ardian Visha, vetëm u refuzua si i paprovuar dhe i ngarkuar politikisht. Duke vijuar me denoncimin, pas vititi 1998, Visha vihet në shërbim të Arben Rakipit dhe institucionit të akuzës të ngritur në atë kohë me shumë përkujdesje nga qeveritë socialiste. Për këtë, duket se akuzat ndaj Theodhori Sollakut për lidhjet me krimin duket se nuk e kanë shqetësuar shumë, por sapo në skenë ka dalë emri i “Hakmarrjes për Drejtësi”, ai ka reaguar ashpër, pasi iu prek një shoqëri e vjetër me të cilën ka kaluar përmes mjaft situatash. Një këndvështrim interesant është se gjatë periudhës së Arben Rakipit, kur Visha ka qenë zëdhënës i prokurorisë ka qenë në shërbim të drejtpërdrejtë të krimit dhe në momentin kur Sollaku shkeli në institucion ai u bë një drejtor i marrëdhënieve me jashtë ose një mbrojtës i hapave dhe gjurmëve të krimit. Megjithatë dyshime serioze hidhen tani nga shqyrtimi i skemës së veprimit të organizatës “Hakmarrja për Drejtësi”, kur Visha sipas kryeministrit Berisha duket se ka luajtur një rol të rëndësishëm, pas vrasjes së shoferit të Sollakut Genci Sina.

Megjithatë, në pritje të sqarimeve lidhur me “qendrimin e Vishës në Londër”, mund të thuhet se thirrja e Vishës për të rregulluar shënjestrën e Berishës tregon se ekzekutivi dhe kryeministri janë në drejtimin e duhur të zbardhjes së lidhjeve të krimit me prokurorinë ku duket se jo vetëm Sollaku tani, por edhe Ardian Visha hyn në objektivin e hetimit të gjerë, që do të fillojë zyrtarisht shumë shpejt ku qeveria Berisha do të kërkojë ndihmën e qytetarëve për ta mbështeteur në nismat antikrim. Dalja e fakteve në lidhje me të kaluarën e njerëzve të rëndësishëm të prokurorisë shqiptare tregon se sa thellë është futur krimi dhe korrupsioni në qelizat e organit të akuzës.

[Xhuxh Xhumaku]

“Sollaku” sfumon “Spartakun”
Nga Aulon Mehdiu


Ajo e ashtuquajtura kriza më e madhe në gjirin e mazhorancës, është fashitur ende pa dalë mirë në skenë. “Kocka e fortë” në gjirin e demokratëve, Spartak Ngjela, pas ngrirjes duket se nuk përbën më krizë për shumicën dhe qeverinë. Ai është degdisur në një komision mediash, ku në mbledhjen e parë ku duhet të ishte i pranishëm nuk shkoi. Por oshëtima që hoqi nga skena e debateve bubullimën Ngjela, ishte lufta mediatike, në qendër të së cilës ishte dhe është Theodhori Sollaku, prokuror i përgjithshëm i Shqipërisë. Para jo më shumë se një jave, të gjithë diskutonin se si do t`i vendte puna e filli mazhorancës dhe qeverisë, e aq më tepër si do ti vende halli e litari “rrebelit që kishte guxuar” t`i dilte kundër Njëshit të partisë, atë që s`guxon ta bëjë asnjë brenda Partisë Demokratike. Por një javë më pas, përveç daljes sporadike në ndonjë ekran televiziv, në skenën e debatit ishte ngjitur dikush tjetër. Lideri i qeverisë dhe i mazhorancës, tregoi se në një kohë tejet të shkurtër mund të luante me shumë vetë dhe me shumë porta, duke i sjellë gjërat ashtu siç do dhe di vetë. Pikërisht kriza me emrin Sollaku, e cila u duk se u mbyll pas kthimit të tij nga Uashingtoni, ka mbyllur në fakt një të çarë të madhe në fasadën e qiellgërvishtësit blu të qeverisjes. Emri i Dhori Sollakut, nuk pushtoi vetëm median shqiptare, por ai u trajtua gjerësisht edhe nga shtypi ndërkombëtar. Akuzat e kryeministrit Berisha, se pikërisht Prokurori i Përgjithshëm është molepsur kokë e këmbë me krimin nuk kishte si të mos viheshin re nga “të jashtmit”. Në numrin e të martës, e përditshmja konservatore greke Kathimerini do e hapte lajmin me titullin “Korrupsion Shqiptar”. Agjencitë e lajmeve, AP, Reuters si dhe disa media rajonale do ta mbartnin ndër lajmet kryesore deklaratën e Berishës dhe sulmet e tij ballore ndaj Sollakut. Pra, do shkakohet apo jo Sollaku, kjo është temë tjetër, e rëndësishme është që vëmendja u shkëput nga ato që janë me të vërtetë probleme për vendin, dhe u përqëndrua në artifice. Kështu ka ndodhur edhe më parë kur për të sfumuar tema me rëndësi ditore, u nxorrën të tjera çështje artificiale si Zogu i Zi etj. Por për ironi të fatit, Theodhori Sollaku, me një emër ortodoks mban edhe një mbiemër me origjinë turke që do të përkthehej pikë për pikë në shqip : Majtosh, ose e thënë popullorçe Mëngjërash. Nuk kemi ide nëse kryeministri e di apo jo këtë, pasi padyshim që do t`i shtohej edhe më, kundërshtia ndaj prokurorit për të cilin vetë dha viston e zgjedhjes pak vite më parë. Pra, Shqipëria ndonëse një vend tmerrësisht i vogël dhe i parëndësishëm në skenën rajonale, europiane dhe atë globale, ka aftësinë të gjenerojë një larmi zhvillimesh, ngjarjesh dhe përplasjesh për të cilat do të na e kishin zilinë ushtria e kolegëve tanë gazetarë, të nemitur nga qetësia gjumëndjellëse e politikës së pulsit normal. Vetëm në Shqipëri ndodh, që edhe shtrimi i një trotuari çfardo, në një qytet çfarëdo, varet nga politika, e jo nga taksat që qytetarët paguajnë. Por padyshim, asnjëra nga këto nuk i vlen ecjes përpara, por veç një çepetosje gladiatoriane politike, që shqiptarëve të shkretë nuk u ka munguar thuajse asnjë ditë në këta 15 vjet të demokracisë së tyre të shtrembër. Thjesht, është koha për PUNE konkrete, dhe jo llafe që ngrijnë e shkrijnë, ngrejnë e zbresin, vrasin e presin Spartakë e Sollakë…


19/04/2006

[Albo]

Kryeministri i përgjigjet kryeprokurorit. “Lëvizja për ta hetuar është politike se politika jonë e përbashkët është çmontimi i krimit të organizuar”

Berisha: Nuk bëj prokurorin, por udhëheq maxhorancën kundër krimit

Nevila Perndoj

Tiranë- Kur nuk u mbushën as 24 orë nga dalja e parë publike e kryeprokurorit Theodhori Sollaku lidhur me akuzat e Partisë Demokratike, kreu i ekzekutivit, Sali Berisha, ka replikuar ashpër dje në distancë me kreun e akuzës. Në mbledhjen e djeshme të grupit parlamentar të Partisë Demokratike, kryeministri ka qenë më i ashpër se kurrë në qëndrimin e tij kundrejt veprimtarisë së Sollakut, duke e cilësuar këtë të fundit ai avokatin e krimit. Duke preferuar që t’i drejtohet publikisht “avoketërve” të Sollakut, Berisha u është drejtuar fillimisht me një pyetje: “Unë do t’ju bëja atyre vetëm një pyetje: Ku ishte njeriu i cili në përputhje me nenin 3 të ligjit për prokurorinë ka në kontroll të plotë total dhe në vartësi totale institucionin e prokurorisë.... Jo vetëm kaq, por ligji i prokurorisë i ka dhënë kryeprokurorit të drejtën për të marrë çdo çështje dhe deleguar te prokurori që do. Avoketërit e z. Sollaku le të më thonë mua, se si mundet që killer dhe serial killer, bandat kriminale të sundonin lagje dhe qytete të tëra të këtij vendi dhe prokurori i përgjithshëm të bënte të paqmin. Si mundet që korrupsioni të rritet me shpejtësi galopante nga viti në vit. Po flas nga 2002 deri në 2005-ën dhe prokurori i përgjithshëm të mos kërkojë heqjen e asnjë imuniteti, përveçse një imuniteti për fjalën e lirë. Pra, si mundet që prokurori i përgjithshëm, i cili deklaroi se e vetmja porosi që u kam dhënë vartësve të mi është të interpretojnë ligjin, sipas jush dhe jo sipas tjetërkujt, të deklarojë në të njëjtin emision se ne i kërkonim kriminelët dhe ata ishin në kafene dhe pinin kafe me prokurorët”, -tha Berisha. Ai shtoi se, “çfarë është ky interpretim ligji sipas Mark Abdisë apo Aldo Bares, që prokurori dhe kriminelët të pinë kafe në të njëjtën kafene. Kush e ka penguar prokurorin e përgjithshëm të lëshojë urdhër arresti për Lul Berishën. Ata që duan të drejtë pa tituj, ata kalojnë mbi kufoma. Nga fëmija tek më i moshuari e dinë që ai ishte një ekzekutor. Shoqëria dhe kombi ka një ndërgjegje dhe ajo nuk mund të jetë e krimit. Nuk e arrestonte ai. Pikërisht se pinte kafe me të në “Triesten” e Nard Kokës. Kjo është e thjeshtë. Pinë edhe të tjerë kafe me të. Edhe ministra. Këta ishin klubi. Kush e pengonte prokurorin të lëshonte mandat arresti për Nehat Kullën? Z prokuror, ky është moral krimi”, - tha Berisha.

Dosjet
Kryeministri Sali Berisha ka folur dje edhe për dosje që, sipas tij, janë shtyrë apo mbyllur, duke sjellë edhe dëme financiare shtetit shqiptar. “Të na thotë pak prokurori, t’u thotë avoketërve të tij, me çfarë morali hapi dosjen e një shume prej 75 milionë dollarëve evazion. Po, zotëri, në vitin ‘98-‘99 janë futur dhjetëra makina dhe vetura të paregjistruara, sepse të zotërit e tyre paguanin doganierët. Dhe kjo faturë nuk është një milion, por 75. Dhe a e dini ju se kjo ishte një nga dosjet e para që hapi z. Sallaku? Po, çfarë bëri? Bëri Arben Malajn. E shtyu derisa u parashkrua si evazion fiskal. Dëmi i buxhetit ishte 75 milionë. Kjo u shndërrua në konto bankare, hotele, motele, trafiqe të hajdutëve në dogana. Çfarë do të thotë prokurori për dosjen e Gazmend Mukës. E dini ju se Gazmend Muka është ish-kryetari i kthimit të pronave në qytetin e Durrësit. Administratori i Aibës, i Dukës së krimit, i cili u emërua në ’99-ën që klani i zemunit të përvetësonte pronat. Një familje me mbiemër Shijaku ia paraqitën një ditë prokurorit dhe i thonë: Urdhëro dokumentet se si këta falsifikojnë. Prokurori në zbatim të ligjit, hap çështje penale. Çfarë fakton hetimi? Fakton që nga 108 vendime, 102 ishin të paligjshme, sepse mbanin vetëm firmën e kryetarit dhe jo të anëtarëve të komisionit. Mirëpo kapo-klani e urdhëron të mbyllë dosjen....”,- tha Berisha

Akuzat, politike?
Për herë të parë kryeministri Sali Berisha ka deklaruar dje se lëvizja e tij është politike. “Po. Me asnjë lloj mëdyshje”, - tha ndër të tjera ai. “Sallaku” i përkiste partisë sime. Ka qenë këshilltari im. Ka qenë kandidat për deputet i partisë sime.... Është politike se politika jonë e përbashkët është çmontimi i krimit të organizuar. Është lufta me zero tolerancë ndaj krimit të organizuar. Unë nuk bëj gjykatësin apo prokurorin. Unë udhëheq një mazhorancë me një platformë të caktuar në përballje me krimin e organizuar. Kjo vetëm kjo është politika jonë. Le ta harrojnë avoketërit e tij se unë mund të kem politikë tjetër. Unë e kam votuar atë për prokuror. Hetimi i prokurorit të përgjithshëm është një çështje e rëndësishme për vendin. Garantoj se do të zbatohet në mënyrë rigoroze procedura ligjore. Ne jemi një vend me ligje demokratike. Ne kemi vullnet të plotë ti zbatojmë ato. Ne jemi të vendosur te shteti ligjor”,- tha Berisha. Ai shtoi se “asnjë procedurë ligjore nuk do të cenohet. Në të kundërt, mendoj se parlamenti do të vendosë që seanca e dëgjimit të tij të transmetohet nga media. Shqiptarët le ta gjykojnë vetë. Le të jenë ata gjykatësit më të mirë të dosjeve të rënda sa mali i Dajtit, që ne do paraqesim në komision për zotërinjtë që jo vetëm kanë fjetur mbi to, por rezulton se dhe është ushqyer me to”, - tha ai

“Bashkëshortja e Sollakut nuk dëshmoi në gjyq se kishte frikë nga Imelda Tasho”

Tiranë- Kryeministri Sali Berisha hodhi akuza të rënda edhe ndaj punës si gjyqtare të bashkëshortes se prokurorit të përgjithshëm, Zeqine Sollaku. “Çfarë do t’i thotë prokurori i përgjithshëm biznesmenit grek, të cilit ia tjetërsoi tërësish pasurinë, kompaninë e themeluar prej tij me dy ortakë nëpërmjet noteres, falsifikatore dhe gjykatëses superfalsifikatore. I përvetësoi një kompani prej disa milionë dollarësh. Dhe kur biznesmeni vjen, i thotë që nuk është kompania jote. Ja ku i ke dokumentet, firmën e zonjës “Sallaku”. Unë respektoj të gjitha nënat, gratë dhe motrat shqiptare, por brenda tre muajve ka dy-tre gjyqe për këtë aferë. Vërtitej investitori grek për pronën e tij për të gjetur të drejtën. Hetimet e bllokuara. Po pse kjo? Sepse Ilir ***çini ishte njeriu i Sollakut. Në qoftë se ne përdorim pushtetin e njerëzve tanë, të bashkëshorteve apo të vëllezërve për të pronësuar njerëzit, ne kryejmë krime. Je apo nuk je ti aksioner në kompaninë e përvetësuar dhe të vjedhur me dokumente të falsifikuara? Ndërgjegjja jote e di. Por një gjë do të them: “Ke kryer një vepër të rëndë, të shëmtuar me bllokimin e hetimeve, kurse bashkëshortja jote ka dhunuar ligjin në favor të njerëzve të tu të afërt në mënyrën më të pabesueshme. Kjo dhe vetëm kjo do të mjaftonte për çdo prokuror me minimumin e integritetit, që ai të largohej nga skena e drejtësisë”, -tha Berisha. Ai shtoi se Prokurori i Përgjithshëm u shndërrua mbrëmë në një avokat krimi. “E dëgjuat ju argumentin sepse nuk ekstradohet njeriu që vendosi autobombën te “Vefa”. Një nga terroristët më të mëdhenj të rajonit. Nuk ekstradohet për arsye politike, - tha, -se Berisha e bëri politike çështjen. Ekzekutimi në mes të Tiranës u bë për motive që vetëm zoti dhe zonja Sallaku dhe diplomatja kriminele i di. Nuk pati guxim kurrë që zonjën gjyqtare Sallaku ta bënte të dëshmonte, sepse kishte frike se diplomatja kriminele mund t’ia shkrepte në sallën e gjyqit motivin e vërtetë të eliminimit mafioz. Sepse detyra më elementare, më njerëzore për një njeri, zyrtar apo qytetar, është të dëshmojë kundër një krimineli që vret tjetrin para syve të tij. Se diplomatja do t’ia numëronte në sy shkakun, sepse dashnori i saj ekzekutoi tjetrin në mes të bulevardit. Janë probleme të hetimit këto të gjitha”, - tha Berisha.