Poezi nga Xhelal Tosku-Rrogozhinë!

[Pellazgu]

Gjeneza në Pijetore
*
*
në fillim ishte fjala
tha ai
pas fjalës një kokërr mollë
thashë unë
pas mollës Adami dhe Eva
tha ai
pas Adamit dhe Evës kjo botë shkërdhat[
thashë unë
dhe botën e kthyem që tl dy me fund

[Pellazgu]

[I][SIZE=3]Janë gjethet në pemë dhe pemët në rrënjë
janë frutet dhe hijet në barin e gjelbërt
janë rrugët që shkojnë nëpër katunde dhe qytete
janë lumenjtë dhe bora e maleve
janë guët dhe zjarret e tokës
janë mëzat dhe livadhet
janë anijet dhe detrat e kaltër
janë peshqit dhe dashuria e peshqve
janë dallgët dhe oshëtima e brigjeve
janë muzgjet dhe shirat nëpër muzgje
janë dritat dhe motelet
janë mitarat dhe prezervativat
janë semforët dhe policët
janë presidentët dhe duartrokitjet
janë bretkosat dhe kryqi dhe krishti
janë pikturat dhe fotografitë e metrove
janë rrok e rrep
janë buka e qepa
janë erërat dhe deti
janë pleqtë dhe stolat në parqe
janë likenet dhe myshqet
janë bohçja në shpinë të shtegtarit
janë lejlekët dhe vjeshta me yje
janë cigaret dhe tymi
janë rrobat e lara në oborre
janë tokat e lëna djerr
janë spitalet dhe diskot
janë interneti dhe studentët
janë shëtitjet e Prisit
janë ndajnatat e Nju Jorkut
Janë arenat dhe demat
janë toreadorët dhe gjaku
janë Harku i Triumfit dhe Kulla e Pizës
janë lodrat e Anës dhe fletoret e Xhenit
janë këpucët e vogla të Eldit
janë mëngjesi me qershi
janë xixëllonjat e pranverës
janë panjat e mështeknat
janë stacionet e trenit
janë urat dhe lypësit
janë kolla e thatë e mesnatës
janë dhe këpucët e poetëve
janë bozhuret dhe krizantemat
por janë dhe fëmijët e vrarë të Kosovës.