Fruti i miqësisë me Krishtin

[Matrix]

“Sepse Atit i pëlqeu që në të të banojë e gjithë plotësia, dhe, duke bërë paqen me anë të gjakut të kryqit të tij, duke fituar pas, me anë të tij, të gjitha gjërat, si ato që janë mbi dhe si dhe ato që janë në qiejt.." Kolosianëve. 1:19,20

Qëllimi i Atit është që të përmbledhë të gjitha gjërat ne Krishtin. I dashur besimtar, a nuk duhet të jetë ky edhe qëllimi yt? Eshtë më se e dukshme, nqs se i hedhim sytë rrotull, se ky nuk është qëllimi i shumicës së Krishtërimit Amerikan (*). Ne jemi shumë të zënë me planifikime gjërash, me diskutime gjërash, me bërje gjërash dhe asnjë nga këto gjëra nuk e ka qëndrën në Krisht! Ne flasim për miliarda tema frymore si lutja, lufta frymore, ardhja e dytë, studimi i Biblës, ungjillëzimi, besimi, dashuria, dhuratat frymore, autoriteti dhe bindja, roli i gruas në Kishë, rregulli i Kishës në Testamentin e Ri, Kishat që mblidhen në shtëpi, etj, etj, etj!
KU ESHTE FOKUSIMI DHE QENDERZIMI NE ZOTIN JEZUS KRISHT? Madje dhe gjërat rreth Tij mund të na largojnë prej Tij, nqs nuk janë të qendërzuara në Të! Vetëm gjërat që janë nga Ai, mund të jenë për Të! Më lejoni të shpjegohem se çfarë nënkuptoj.
Le të marrim lutjen si shembull. Ne të gjithë lutemi shumë herë për shumë gjëra. Ne dëgjojmë për një nevojë dhe fillojmë të lutemi për atë nevojë. A është kjo lutje e lidhur me Jezus Krishtin, apo jemi thjesht ne që po përgjigjemi me shpirtin tonë? Lutja e vërtetë duhet të jetë në Atë, nga Ai, përmes Atij dhe për Atë. JEZUS KRISHTI ESHTE LUTJA! Ai ndërmjetëson gjithmonë para fronit të Atit.
Sipas Biblës, duhet që Krishti në ju të jetë Ai që lutet, dhe jo ju! Ky është mësimi i qartë i Romakëve 8 dhe Galatasve 2:20. Pjesa jonë në lutje është që të prekim Zotin në unitet të plotë, në mënyrë që Ai të lutet përmes nesh dhe në vendin tonë!
Krishti është Ai që lutet, Krishti është luftëtari që lutet, Krishti është ndërmjetësi dhe Krishti është vetë lutja! Lutja është ofrimi i vetë Birit tek Ati!
Eshtë e trishtueshme se shumë njerëz sot predikojnë një ungjill që nuk është Krisht! Ata predikojnë shumë rreth Tij, por jo shumë që është Ai. Njerëzit kanë studiuar shumë për të mësuar gjithçka rreth Jezusit nga Nazareti, për të Cilin lexojnë në Bibël, por kurrë nuk harxhojnë kohë që të mësojnë Krishtin që jeton brenda tyre! Ata kurrë nuk kanë pritur para Zotit për një zbulesë të thellë të Krishtit. Ungjilli i tyre nuk do të qëndrojë, sepse nuk ka lindur nga kjo zbulesë. Pali e kuptoi këtë dhe e dinte se ai mund të predikonte ungjillin në mënyrë efektive vetëm pasi të kishte marrë këtë zbulesë. (shihni Galatasit 1).
Ungjilli ynë i sotëm është i qendërzuar në njeriun. Ne u themi njerëzve se njeriu është qendra e planit të Zotit, dhe Jezusi gjithçka që bëri, e bëri për ne. KJO ESHTE TERESISHT E KOTE! Krishti është qëndra e planit të Zotit dhe çdo gjë që bëri Jezusi, e bëri për Atin!
Njerëzit besonin dikur se i gjithë sistemi diellor rrotullohej rreth nesh (tokës). Kur një astronom polak, Nikolla Kopernik, publikoi teorinë e tij heliocentrike, ai hasi në shumë kundërshtime. Njerëzit e kishin të veshtirë ta pranonin faktin se ata nuk ishin qëndra! Biri është qëndra e të gjithë universeve të dukshme dhe të padukshme!
Ju lutem … të shenjtë! Le të kthehemi tek Qendra jonë!

Shkruar nga Milt Rodrigues.

---------------------------------------------------------------------------------------

Shënim:
*-) Meqënëse autori është amerikan, ai sjell si shembull Krishtërimin Amerikan.

[Matrix]

Shkaku se përse ne nuk kemi shumë aktivitet që është i qëndërzuar në Krisht nëpër kishat sot, është se ne nuk dime se si ta prekim Atë që është qëndra jonë! Ne kemi anashkaluar shumë fakte të rëndësishme që kanë lidhje me përpjekjet tona se si të kemi kontakt me Të.

Së pari
Ai jeton brenda nesh! Pali thotë se kjo është një mister.: Krishti në ju- Shpresa e lavdisë! Kur ne duam që të kemi miqësi me Të, duhet të kthemi brenda vetes, jo jashtë! Ai nuk është diku jashtë, duke notuar nëpër hapësirën kozmike. Ai jeton pikërisht brenda frymës suaj!

Së dyti
Ju nuk mund të keni miqësi me Të, në këtë realitet fizik. Ai ka përgatitur një vend special për ju se ku mund ta takoni. Ky vend quhet frymë. Nuk ka as hapësirë, as kohë dhe as ndonjë dimension tjetër në vendin që quhet frymë. Jezusi tha se ky vend është brenda nesh dhe aty ne mund ta adhurojmë Zotin.

Së treti
Përveç frymës, ne kemi gjithashtu një shpirt. Eshtë e vështirë për të hyrë brenda frymës, për shkak të papastërtive që janë në shpirt, dmth në veten tonë. Shpirti është zgjeruar jashtë mase. Ai dëshiron që të kontrollojë gjithçka. Krishti dëshiron që Vetja e Tij të shprehet përmes jush, por shpirti juaj nuk e lejon. Jeta e shpirtit tuaj bëhet pengesë për të pasur miqësi të thellë me Të.

Kryqi
Pikërisht ai është mënyra se si dhimbja dhe vuajtja vijnë! Zoti e lejon vuajtjen në jetën tuaj në mënyrë që të thyejë vetveten e zgjeruar. Krishti nuk mund të shprehet lirshëm, nqs kryqi nuk vepron në jetën e shpirtit.
Puna juaj është thjesht të dorëzoheni në thyerjet e Zotit! Ky është një proçes që vazhdon për gjithë jetën, përsa kohë që Krishti formohet tek ju. Mos harroni … Ai është më i fortë kur ju jeni më të dobët!

Drejt Qendrës
Zoti është si magnet! Kjo është ajo që Jeanne Guyon e quajti: “Ligji i tendencës drejt qendrës.” Qendra magnetike e tokës i tërheq të gjitha objektet me një forcë që ne e quajmë gravitet. Kështu dhe Zoti na tërheq ne drejt qendrës ku Ai banon! Kur ju filloni që ta mbani shpirtin tuaj (mendjen, vullnetin, emocionet) në frymën tuaj, ju do ta shihni se Zoti është aty duke ju tërhequr gjithnjë e më afër drejt Vetes.
Ai është qendra juaj. Ai jeton në pjesën më të thellë të qënies suaj. Mësohuni që të ktheheni aty për ta njohur Atë.

Pengesat
Nqs ju vendsoni që të niseni në një udhëtim drejt një ecjeje më të thellë me Zotin, shumë shpejt do të zbuloni diçka: QE NUK ESHTE E LEHTE! Një numër i pafund tërheqjesh do të vijnë në rrugën tuaj duke ju ndërprerë fokusimin në Krisht. Mendja juaj e cila endet papushim do të jetë pengesa më e madhe! (Më lejoni të bëj një sqarim këtu). Ajo çfarë po mundohem të shpjegoj është miqësia e thellë me Zotin brenda frymës suaj. Kjo nuk është lutje! Nuk është as studim biblik! Nuk është as adhurim! Kjo është pikërisht miqësia e pandërprerë që Jezus Krishti kishte me Atin, gjatë kohës që Ai ishte këtu në tokë. Në fakt, Ai akoma e ka këtë miqësi me Atin përmes Frymës së Shenjtë, pikërisht brenda jush!

Zoti po na thërret drejt thellësive! Ai po na thërret drejt “Vendit sekret”. Aty, në atë Tempull të qetë brenda frymës suaj, Zoti po pret për të ndarë të gjitha pasuritë e Tij me ju!


Shkruar nga Milt Rodriguez

[marcus1]

Mesazhe shumë të forta Matrix! Faleminderit.

[deshmuesi]

Te pergezoj Matrix per mesazhin. Zoti Te bekofte.
Vertet ndodh qe ne disa raste fokusohemi ne mesazhe teper te rendesishme ne bibel, por qellimi yne gjithmone mbetet Krishti. Nese apsotujt shpallen Krisht, kjo vinte jo thjesht se ata jetuan me Krishtin per disa vjet, por sepse ata ne thelb te zemres se tyre kishin Krisht prandaj dhe dhane Krisht.
Eshte shume i rendesishem mesazhi qe jep Krishti kur thote: une trokas ne cdo porte, dhe kush me hapen porten e tij, une do te hyj dhe do te banoj tek ai, dhe do te darkosem bashke me te. Pra Jezusi tregon se, kur Ai hyn ne zemren tone, nuk eshte thejsht nje mik i cili do te qendroje perkohesisht. Jo Ai behet ZOT i perejtshem i yni, po keshtu dhe ne behemi Bij te perejtshme te Tij. Ketu qendron dhe ndarja e disa doktirnave, te cilat shpesh here predikojne humbje te shpetimit. Kjo, sepse ata nuk arijne te kuptojne se cdo te thote: Krishti te banoje perejtesisht ne ty. Kur JEzusi hyn perjetesisht ne jeten tone, nuk ka me kthim prapa, ne jemi perjetesisht me Te, dhe Ai eshte perejtsisht me ne. Qysh ne kete cast jeta jone nuk na perket me ne, por i perket vetem Atij, Zotit te perjetshem Zotit Krisht. Amin.

[Matrix]

Faleminderit vellezer per inkurajimet!

[Matrix]

Jezusi na tha tek Gjoni, kapitulli 10 që Ai është Dera dhe ne mund të hyjmë përmes Tij dhe të gjejmë kullotë. Ne mund të shkojmë tek një vend që quhet “kullotë”, duke hyrë përmes Tij. Për çfarë e ka fjalën Ai?
Unë po ju jap një sqarim të vogël. Kjo kullotë nuk ka të bëjë me asgjë të kësaj bote! Tek Efesianët 1:3, Pali na thotë se të gjitha bekimet frymore janë në vendet qiellore që janë në Krishtin. Ka “bekime” ose pasuri që po presin për t’u shijuar prej nesh në një realitet tjetër që quhet “vendet qiellore”, dhe këto vende gjenden në Krishtin! Nqs i shohim të dyja këto pasazhe të Shkrimeve së bashku (Gjoni 10 dhe Efesianët 1:3), ne do fillojmë të shohim diçka që është mahnitëse! TI DHE UNE, SI BESIMTARE, MUND TE HYJME NE NJE REALITET TJETER PERMES JEZUS KRISHTIT! Nuk po flas për diçka pas vdekjes, po flas për diçka që mund të ndodhë pikërisht tani! A është kjo e mundur? Si?

Zoti ka vendosur brenda jush një organ (apo mjet) që quhet frymë. Fryma juaj e ka origjinën në një realitet tjetër. Ndonëse ajo është në këtë realitet fizik, ajo ndodhet dhe në realitetin frymor në të njëjtën kohë! Jezus Krishti jeton në frymën tuaj. Realiteti tjetër është brenda Krishtit. Kjo do të thotë se dhe vendet qiellore janë aktualisht brenda jush! Por si mund të hyjmë aty? Jezusi tha: “Unë jam Dera”. Nqs Krishti është Dera, atëherë kush është çelësi?

Miqësia me Të është çelësi!

Vetëm nqs ne mësojmë se si të kemi komunikim intim dhe të thellë me Të, ne mund të hyjmë në vendet qiellore (që quhen ndryshe dhe të përjetshmet, qielloret, qiejtë, mbretëria, etj…). E shihni pra, miqtë e mi, që Jezus Krishti është realiteti tjetër! Cdo gjë që ne përjetojmë aty është Krisht! Cdo gjë që ne shohim aty është Krisht! Cdo gjë që prekim aty është Krisht! AI ESHTE GJITHCKAJA! Jezusi na thotë tek Gjoni 3 se e vetmja mënyrë për ta parë dhe për të hyrë në mbretëri, është lindja së larti. Ne lindëm në një realitet tjetër kur ne morëm Krishtin. Më pas u vendosëm sërisht në këtë realitet fizik dhe mund të hyjmë sërisht në mbretëri përmes një Dere! Krishti është ajo Derë, dhe Ai është duke trokitur nga brenda! Dera mund të hapet nga jashtë përmes jush dhe aty mund të hyhet vetëm me anë të miqësisë direkte me Të.
I dashur besimtar, ka universe të tëra që presin për t’u eksploruar, brenda Zotit tuaj! Këto janë vendet e përjetëshme që nuk kanë fund. Ka aventura që po presin për t’u shijuar nga ju brenda Krishtit!

Për çfarë jeni duke pritur?
Le të fillojë kjo miqësi!

(Milt Rodriguez)