Sabat-Thyesi!

[Matrix]

Derisa jam në botë, unë jam drita e botës". Pasi kishte thënë këto gjëra, pështyu përdhe, bëri baltë me pështymë dhe leu sytë e të verbrit me të. Pastaj i tha: "Shko, lahu në pellgun e Siloamit" (që do të thotë: dërguar); dhe ai shkoi atje, u la dhe u kthye duke parë.
Gjoni 9:5-7

Ka disa gjëra që janë shumë kuptimplotë në këtë mrekulli që Jezusi kreu. Njëra është se mrekullia u krye në ditën e Sabatit (ashtu si në shumë raste të tjera). Tjetra është mënyra se si Jezusi e kreu këtë mrekulli. Të dyja këto aspekte të kësaj ngjarjeje shpalosin qëndrimin tonë karshi fesë. Në fakt, çdo gjë që Zoti bëri, ishte pikërisht për të thyer atë natyrë fetare që është brenda ne të gjithëve.

Origjinat e fesë
Ti mbase mendon se nuk je fetar. Por unë po të them, miku im, se ne të gjithë jemi fetarë në një gradë apo në një grade tjetër. Ne të gjithë jemi fetarë në lidhje me diçka. Madje dhe ateisti më i deklaruar, është fetar në lidhje me diçka. Nga e di unë këtë? Eshtë fare e thjeshtë. Vetë themeli i natyrës sonë të rënë bazohet në fe.
Pema e njohurisë së të mirës dhe të së keqes përmbante esencën dhe themelin e të gjitha modelevë të mendimeve fetare. Ju lutem, vëreni re se njohuria e së mirës dhe e së keqes, vijnë nga e njëjta pemë! A nuk do të ishte më e llogjikshme se e mira të vinte nga nje pemë e ndryshme nga ajo pemë që përmban të keqen? Por jo, të dyja këto, e mira dhe e keqja vijnë nga e njëjta pemë! Kjo është shumë e rëndësishme të kuptohet para se ne të vazhdojmë më tutje.
Së pari, kjo pemë ka lidhje me njohurinë. Feja ka gjithmonë lidhje me njohurinë. Sa gjëra dimë ne për Zotin dhe Biblën, sa gjëra dimë ne për ato që Zoti kërkon prej nesh, etj… Ju duhet të mësoni, ju duhet të keni njohuri, Njohuria është pushtet!
Së dyti, njohuria për të cilën keni nevojë ka lidhje me të mirën dhe të keqen. Cfarë është e mirë dhe cfarë e keqe? Cfarë është e bardhë dhe cfarë e zezë? Cfarë është pozitive dhe cfarë negative? Feja bazohet në të bërin e gjërave të drejta dhe gjërave të mira. Nqs ti dëshiron të jesh një person i drejtë, ti duhet të besh gjëra të drejta. Në fe, ne fokusohemi gjithmonë në kërkimin e së mirës dhe të njohjes së të bërit së asaj që është e drejtë. Natyrsisht që kjo nënkupton se ne duhet të gjykojmë diferencën mes të mirës dhe së keqes. Kur ne të shohim dikë që vepron keq, ai duhet gjykuar. Zgjidhja për të mos bërë keq, është të bësh mirë. “E mira” bëhet kështu zgjidhja e problemit të së keqes në botë.
Natyrsisht, ne e dimë se shumë gjëra që duken të mira, prapa kanë një motiv “të keq”. Shumë herë ne japim në mënyrë që të tjerët të na njohin ose të na nderojnë. Ky është veçse njëri nga shembujt e të bërit “mirë”, duke pasur një qëllim të “keq”. Kjo sjellje mund të bëhet shumë e ngatërruar dhe konfuze, sepse e mira dhe e keqja vijnë nga e njëjta pemë. E mira mund të duket disa herë si e keqe dhe e keqja si e mirë! Dhe sa më shumë që këto gjëra të humbasin qartësinë, aq më e vështirë është dhe të bësh dallimin mes tyre.

Pema e Jetës
Jezusi tha se erdhi që ne të kemi jetë dhe jetë me shumicë. Kjo është e vetmja shpresë e jona për t’u çliruar nga dilema e së drejtës dhe së gabuarës, e së mirës dhe e së keqes. Kur ne zgjedhim jetëm atëherë ne çlirohemi nga feja.

Tani le të shohim me kujdes historinë që tregohet tek Gjoni 9, kur Jezusi shëron një të verbër. Mënyra që Ai përdori, i thyen të gjitha rregullat fetare që përfshihen në çdo “libër”.
Ai pështyu!
Zoti juaj përshtyu në tokë! Sa gjë e pacivilizuar… sa gjë pa dinjitet…çfarë sakrilegji! Vetëm mendoni për këtë për një moment. Ai pështyu…

Pështyrja është mbase gjëja më jo-frymore që dikush mund të bëjë. Përveç kësaj, a nuk është dhe e pështirë? Mos harroni se po flasim për pështyrje këtu! Mbase këtë mund ta presim nga një duhanxhi, por jo nga Biri i Perëndisë. Ai theu gjithë protokollet fetare. Si mundi ta bënte këtë vallë? A nuk e dinte Ai mënyrën e duhur se si ta shëronte një njeri? A nuk e dinte se si ta bënte këtë duke vepruar drejt.
Secili e di se mënyra e drejtë për të shëruar dikë është me vaj, jo me baltën e bërë me pështymë! Ju merrni vajin që është bekuar nga priftëerinjtë ose pleqtë dhe me të lyeni ballin e të sëmurit. Më pas, ju vendosni duart në kokën e të sëmurit dhe luteni “në emrin e Jezusit”. Kjo do të thotë se ju e përfundoni lutjen me shprehjen “në emër të Jezusit” . Kjo është mënyra e drejtë se si mund të shërosh dikë, megjithatë Jezusi nuk përdori bëri asnjërën nga këto. Ai madje as nuk u lut për këtë djalosh! Ai thjesht bëri baltë, e vendosi në sytë e tij dhe i tha të shkonte dhe të lahej. Nuk ka asgjë fetare tek Zoti juaj! Ai gjithmonë bën gjëra që i dërrmojnë të gjithë idetë tuaja fetare

Jeta e vendosur në baltë
Ajo çfarë bëri Jezusi ishte me plot kuptim. Por, ne nuk e shohim këtë sepse ne jemi të ofenduar nga mënyrat e Tij “jo-ortodoke” të të bërit të gjërave. Ai e shëroi këtë njeri në këtë mënyrë për dy arsye.
Ai donte të thyente mentalitetin fetar dhe nga ana tjetër donte që të zbulonte një aspekt tjetër të Vetvetes. Ai mori diçka nga goja e Tij dhe e përzjeu me baltë. E thënë ndryshe, Ai vendosi një pjesë nga Vetja e Tij në një enë balti. Pali foli për këtë: “Ne e kemi këtë thesar në enë tokësore” . Ai e vendosi jetën e Tij në ne! Feja kurre nuk mundet të na japë shikimin. Vetëm jeta e Tij tek ne mund të na japë aftësinë për të parë me të vërtetë. Ne jemi të gjithë të verbër. Ne jemi të verbër sepse jemi në Adamin dhe Adami zgjodhi fenë në vend të jetës. Ai zgjodhi të drejtën dhe të gabuarën, të mirën dhe të keqen, në vend të lirisë totale në jetën e Zotit. Krishti erdhi për të na sjellë atë jetë. Ai na dha shikimin duke na dhënë jetën e Tij. “Në Atë ishte jeta; dhe jeta ishte drita e njerëzve.”
Jezusi e shëroi këtë njeri nga verbëria gjatë Sabatit. Kjo, natyrisht, ofendoi të gjithë fetarët. Ata nuk ishin të interesuar për jetën. Ata ishin të interesuar vetëm për të qënë të sigurt se të gjithë i mbanin të gjitha rregullat dhe ligjet. Por kjo sjell vetëm dënim dhe vdekje.
Zoti juaj është një Sabat-Thyes! Mbase Ai po përpiqet për të shkatërruar të gjitha “Sabatet”, tek të gjithë ne. A ka ndonjë “truall të shenjtë” që ju nuk dëshironi që Ai ta prekë? Një gjë është e sigurt: Ai dëshiron që ju të jeni të aftë për të prekur jetën e Tij që është brenda jush dhe kështu të jeni të aftë që të shihni më shumë prej Tij.


------------------------------------------------------------------

Vellezer dhe motra, jeni te ftuar te jepni mendimet tuaja rreth ketij artikulli....

[Peniel]

Përshëndetje!




Të them të drejtën akoma nuk e kam kuptuar plotësisht arsyen e shkrimit të këtij artikulli.



A mund të cilësohet si një 'kryengritje' ndaj sistemit të sotëm fetar?



A mund të bëhesh më specifik lidhur me këtë temë? Kjo ndoshta do të na jepte një orientim lidhur me arsyen e këtij shkrimi.



Nën Hirin e Tij,

ns

[Matrix]

Ky shkrim nuk eshte nje lloj kryengritje ndaj sistemit fetar, por thjesht nje zbulese.

Thelbi i kesaj zbulese eshte :

Se pari, origjina e se mires dhe e se keqes eshte e njejte. Kjo origjine ze fill tek Pema e Njohurise se te Mires dhe e se Keqes, Pema qe ju ndalua Adamit per t'u ngrene.

Se dyti, kjo peme, eshte brenda cdo njeriu (dmth brenda meje, teje, etj...) me perjashtim te Krishtit. Te gjithe njerezit nga natyra e rene priren drejt moralit fetar.

Se treti, tek ata qe pranojne Krishtin, Pema e Jetes, mbin brenda tyre. Dhe, per te thyer efektin e Pemes se Njohurise se te Mires dhe te se Keqes, Zoti perdor kryqin, ose ndryshe "Thyerjen". Kjo nga njera ane shkaterron efektin e pemes se njohurise dhe nga ana tjeter, lejon qe Pema e Jetes (dmth Krishti) te lulezoje brenda nesh....


Ne lidhje me keto do doja te diskutonim....