Vend pune per...sekretare

[BOKE]

Përmbysja e vlerave femërore

Edlira Gjoni

Në faqen e internetit me adresë www.albic.net (goxha prestigjioze), lexova me çudi të çakorduar këtë njoftim shokues (për perceptimet e mia): Njoftim për vend të lirë pune: Firma e mirënjohur “ Schwarzkopf” kërkon të punësojë një femër për vendin e sekretares personale të drejtorit të Përgjithshëm të Filialeve, dega Tiranë. Konkurrentet duhet të përmbushin cilësitë e mëposhtme: Të jenë shumë të paraqitshme dhe të kenë mbaruar shkollën e mesme. Konkurrentet e gatshme për një orar pune fleksibël do kenë përparësi. Paga varion nga 350-500 euro/muaj në varësi të kushteve të punës, me mundësi rritjeje të ndjeshme pas fitimit të vendit të punës në rast VLERESIMI për gatishmëritë e treguara.
Personat e interesuar të dërgojnë CV-në (e detyrueshme) dhe 3 fotografi (e detyrueshme). Fotografitë duhen të mëdha dhe të ndryshme nga njëra-tjetra. Ato duhet të jenë sa më të realizuara, që të duken sa më qartë cilësitë tuaja fizike.Pavarësisht skepticizmit me të cilin mund të gjykohen pikëpamjet mbi këtë njoftim diskriminues, është e vështirë të gjenden justifikime për nëntekstin poshtërues të tij. Nëse lajmërimi do të bëhej për një konkurs bukurie, sfilatë mode apo agjenci promocionale, njoftimi nuk do të vihej re. Kriteret e kërkuara do ta bënin patjetër të kuptueshme këmbënguljen për të tërhequr vetëm vajza joshëse. Por, ku qëndron merita e të qenit me këmbë të gjata dhe “gatishmëri” që të çon në rritje page, nëse oferta që të bëhet është të jesh “sekretare personale”?! Përse duhen tre fotografi me përmasa dhe module të ndryshme, që të tregojnë “sa më qartë cilësitë fizike” në një aplikim për një punë që nuk ka të bëjë me demonstrimin e “virtyteve” fizike? Eshtë ironike të mendosh se të parat që bien viktimë e këtij diskriminimi janë vetë ato vajza që pranojnë të aplikojnë, apo të punojnë në një pozicion të tillë. Në stërmundimin për të nxjerrë nga arsenali i fotove pa motiv tre më të bukurat, duke u joshur nga një pagë në rritje dhe termi “drejtor”, shumë prej tyre kanë veshur takat e holla dhe i janë drejtuar me ego të shkelur zyrës rekrutuese. Mbase kjo është arma e tyre e vetme dhe betejat e sotme tregojnë se fitohet vetëm kështu. Por, ushtrisë së tyre iu shtohen me zor edhe shumë të tjera që nuk shohin mundësi tjetër përveç “shitjes së imazhit” për të zënë një vend. (Shpesh shumë të përkohshëm, si freskia e fizikut të tyre)!
Eshtë shumë tunduese kureshtja për të parë rendimentin e punës së një sekretareje personale&co, që shkon në punë me pantallona treçerekëshe dhe dekolte transparente! Pirgun e letrave, fakseve, dosjeve apo dokumenteve për t’u sistemuar, sigurisht që duhet ta bëjë në kohën e lirë (nëse ka), ose ta lerë në dorën e koleges së zyrës. Kjo lloj kolegeje përgjithësisht ka fytyrë të paprekur nga bojërat, paraqitet me kostum në punë, vesh këpucë të sheshta dhe i mban flokët të kapura. KJO është sekretarja e vërtetë...që merr madje edhe udhëzime prej të emëruarës për “arritje në detyrë dhe paraqitje shembullore fizike”. Në shërbimet e shumta bankare jashtë Shqipërisë orientohesh lehtë falë uniformës identifikuese që veshin të gjitha punonjëset (kryesisht femra). Në vizitat e këtushme bankare, vihet re gara e paepur e stafit veshur me ngjyra ylberi për podiumin e veshjes me “në modë”(që nuk ka fare lidhje me vendin e punës).
Kjo është pamja që të shfaqet gjithandej ku femrat janë të punësuara me shumicë, në zyra dhe ambiente administrative, shtetërore apo private qofshin.
Realisht, a ekziston ndonjë kriter për të marrë, pasur apo ruajtur një vend pune këtu tek ne?
Njoftimet si i mësipërmi i shtyjnë femrat të orientohen drejt harbimit psikologjik, i zhveshin ato nga vlerat apo meritat e personalitetit dhe shkaktojnë një traumë të vërtetë në besimin e tyre në vetvete, tek aftësitë apo investimet që kanë bërë për t’u formuar profesionalisht.
Përderisa vëmendja e punëdhënësve si i mësipërmi përqendrohet tek “aftësitë dhe përkushtimi fizik”, vështirësohet akoma më shumë procesi i vendimmarrjes për të aplikuar apo shpresuar se mund të gjesh apo të mbash një vend pune, nëse nuk i zotëron fleksibilitetet e kërkuara! Femra shqiptare po orientohet kështu me detyrim drejt idesë se personaliteti, karakteri dhe profesionalizmi nuk janë thelbësore, madje as nuk vlejnë, nëse i jep përparësi gjenetikës dhe shfrytëzon lotarinë e paluajtur të saj. Nëse hierarkitë do të funksiononin siç duhet edhe këtu si në Evropë (ku lajmërime të ngjashme çojnë para drejtësisë hartuesit), firma që përcakton kritere të tilla në kërkesat e saj dhe që akoma më keq, i publikon ato, përfundon para dyerve të gjykatës. Sepse me këtë lloj lajmërimi poshtërohet të qenit femër, diskriminohen aftësitë e saj profesionale, nëpërkëmbet dinjiteti dhe shkelet krenaria e të qenit pikësëpari njeri i formuar, pastaj femër e bukur (nëse)!
Nënvlerësohet haptas këtu kapaciteti dhe vlera profesionale, duke injoruar faktin se nevoja me e madhe emocionale e një personi, është të ndjehet i vlerësuar.
Dhe vlerësimi për kriteret që kërkon lajmërimi që sot shokon me vërtetësinë e tij, ka zhvlerësuar përfundimisht sistemin e parimeve sipas të cila kujtojmë se orientohemi.

"Panorama"

[Prototype]

Kjo firme me cfare merret ? Duhet kuptuar dhe biznesi qe permben firma mbase eshte ndonje firme e tipit Playboy ne Shqiperi ?
ps: pervec se eshte per te qeshur dhe qesharake eshte vertete nje realitet i hidhur i gjendjes ne Shqiperi ku femra nuk trajtohet sipas cilesive te saj po sipas karakteristikave fizike si te ishte mall .

[Leila]

Kur do veja ne TR, me qe do rrija goxha kohe, po shikoja per ndo nje vend pune qe te kem dicka per te bere gjithe diten, sidomos paraditeve dhe ne oret e vapes qe s'dilet dot. Thuajse c'do punesim ne Shqiperi kerkonte femra te "paraqitshme," si edhe foto, a thua deshen modele (kontrolloni www.njoftime.com per vertetime). Imagjinoni synimet e tyre se shpesh as imagjinata s'eshte kaq e tmerrshme sa realiteti. Gjithsesi ma lehtesoi punen sepse e dija se KU te mos shkelja. Kerkonin diku nje arkitekte, nen 35, e paraqitshme... me beri cudi. C'ka pamja te beje me arkitektet? Mesuan llac & tulla kur dolen nga Shqiperia, e tani qe u kthyen bejne sikur jane bosa... kapen qiellin me dore, te shkretet, se mesuan si te benin llac.

Kuptohet pse per sekretare shpesh kerkojne vajza te shkathta, te paraqitshme, tip i hedhur sepse shpesh here sherbejne si first impression per kompanine. Kam qene sekretare dhe organizuese events per nje firme ne Shqiperi, qe nuk eshte njesoj si sekretaret ketu ne Amerike qe gjeneralisht merren vetem me telefonata, orare takimesh dhe shkrime. Nqs psh do kisha turp te kerkoja per udhezime se ku eshte kjo filan ndertese etj., s'do me jepnin nje mendim te dyte e do me kishin hequr nga puna me shqelma si njeri inkompetent, qe ne kete rast vertete do isha e tille.

Kesaj rradhe nepermjet miqve m'u ofrua nje vend pune ne nje klinike dhe nje tjeter tek muzeu historik, te dyja ne TR. Nuk u ve faj atyre qe zene vende pune me miqsh se s'i zihet bese tjetrit. Po ata (firma, bosat) te pakten e kane idjotesine & fshataresine te shkruajtur ne balle.

[Prototype]

O Leila do punosh ne Shqiperi ? lol Po ti per pushime po shkon ? Jua ka bere jeten vetem pune pune ajo e shkrete Amerike

[Leila]

Pse, mi... une rri disa muaj, minimumi 3 muaj, jo 2 jave si shumica. Njerezia kane hallet e veta, s'do me vijne mua pas 24/7. Le qe kush u jep atyre pushime 3 mujore? Pastaj lekun qe e nxjerr e fus prap ne xhep, kam liri ekonomike se te rrish pa pune 3 muaj te vitit eshte shume rraskapitese per xhepin se pasanike s'jemi bere... akoma Ku do shkosh pa leke? As ne plazh jo se duhet paguar varka & cadra bashke. Ne fundjava, lezeti eshte te marresh makinen e te kalosh kufirin e Shqiperise, qe mua dhe burrit na pelqen shume. Mbasditeve gjate javes del me shoqerine (perfshi dhe burrin qe e kam "shok" me benefica behemi gjithe ai grup i madh) per pije apo ne ndo nje klub. Paraditeve & ne dreke te merret fryma ne vend atje. C'do bej ne shtepi? Do shoh kengetaret e llangosura te kapardisen ne ekran? Atyre qe jetojne jashte Shqiperise u mungon menyra e jeteses jo fakti se s'punojne kur vene. Te rrish pa pune aq gjate & vetem, te dalin trute nga koka... pushimet kane lezet kur jane 1 jave a 2.

[Prototype]

E mire se mua mu duk pak e cuditshme se kur degjova qe pune e leke ska per ata qe jane aty jo me ne . po mbase po te njohesh njerez e gjen i pune e sa do te paguajne sidoqofte a ja vlen paga .
O goce po te japin leje amerikonet ty 3 muj mi ? apo je akoma ne shkolle .

Vallaj un ku isha skisha leke po shume mire ja kalova se shoqeria paguante per gjithcka .

Plus qe ato tre muaj mund ti harxhosh duke pare evropen ja un psh pashe Turqine , greqine e shqiperine njeheresh , i fut edhe i xhiro heres tjeter itali france gjermani vitin tjeter edhe ne rregull jam me planin e te udhetuarit .. nji kshu dmth . po puna ne shqiperi do jete e lehte ma merr menja se nuk lodhesh shume .

[Leila]

Ne Shqiperi ne fundjava mund te shkosh ne Mal te Zi apo Maqedoni, qe eshte goxha nice, maje malit me makine ku te pelcasin daullet e veshit. Une qejfin aty e kam, te udhetoj me ndalime si US-Angli-Greqi-Shqiperi ose me traget nga Bari ne Durres, ose me tren... Turqine akoma s'e kam shkel. Rri nga 2-3 dite te secili vend-ndalim dhe kenaqesh ashtu. Benefica te jetes studentore... qe po me merr fund se shpejti. Kush e di, i rihyj shkolles prap vetem se me pelqen keshtu.

[Lunesta]

Shume denigrues ai postimi per pune. Megjithate une kam nje shoqe qe punon sekretare ne nje firme ne shqiperi dhe ajo shkon shume mire me shefin.

[Alket123]

Shume denigrues ai postimi per pune.

e pse qenka denigrues postimi per pune?

une nuk do kisha deshire, biles do ofendohesha, te isha para nje sekretareje me syte e shtrembert, me buze te shtrembta etj. sepse do ishte per mua si klient nje denigrim.

jo na paraqisni zyren ne nje banjo publike qe te mos denigrojme sekretaren.



ka vende te tjera per vajzat jo te bukura.
boll me pallavra qesharake forumiste.

[bluemoon]

e pse qenka denigrues postimi per pune?

une nuk do kisha deshire, biles do ofendohesha, te isha para nje sekretareje me syte e shtrembert, me buze te shtrembta etj. sepse do ishte per mua si klient nje denigrim.

jo na paraqisni zyren ne nje banjo publike qe te mos denigrojme sekretaren.



ka vende te tjera per vajzat jo te bukura.
boll me pallavra qesharake forumiste.

postimi eshte denigrues sepse eshte nje kerkese e hapur per gjera te tjera...

Sigurisht qe pamjen e vleresojne te gjithe dhe te gjithe mund ta kene nje mendje per te zgjedhur nje sekretare te bukur, po kjo eshe nje plus, jo nje kusht thelbesor per te qene sekretare.

Mendo veten tende psh. Nese ke nje aktivitet privat dhe kerkon nje sekretare, e kerkon sepse ke nevoje per ndihme. Nje njeri i papergatitur sado i bukur te jete nuk ta jep dot kete ndihme. Keshtu qe ti si aktivitet paguan nje njeri kot.

Aaaaaaaaaaaaaa, nese kerkon nje shoqeruese fikse, kjo eshte pune tjeter...
ne ate rast njoftimi nuk do te ishte denigrues, mjaft te thuhesh ne te "kerkoj shoqeri...paga aq..." Megjithese kjo se si quhet...ah po, prostitucion!