Lutje Shpirtit Shenjt

[NoName]

LUTJA SHPIRTIT SHENJT
(E frymëzuar me himnin latin 'Veni Sancte Spirtus')

Eja Shpirt Shenjt, prej thellësisë sate të Trinisë.
na shëndrit me rrezen e dritës tënde,
me atë dritë që ndriçon vetëdijen
dhe forcon vullnetin që të shkojë pas dritës.

Eja, Ati i të varfërve, i të varfërve në shpirt,
të cilët i don me plotësinë e dashurisë Hyjnore.

Ti nuk je vetëm dhurues dhuratash, por dhurues i vetes,
dhuratës më të madhe – dhuratës Atë e Bir.

Ti je Ngushlluesi më i mirë! E çfarë miku i mrrekullueshëm që je!
Fjala Jote, edhepse heshtje, është vetë ëmbëlsia.
Ngushllimi Yt është plot freski,
i butë si përqafimi.
tërë pikllimin dhe dyshimin e zhduk në çast.

Në mundimin e qëndresës ndaj tundimit, Ti je aty,
në premtimin e fitores.
Prania Jote është fitorja jonë.
Me butësi i nxit zemrat tona të frikësuara që
Ty ta dhurojnë besimin.

Në mundimin më të madh, betejën e vetëdorëzimit,
Ti je pushimi ynë – paqa në thellësitë e shpirtërave tanë.

Në zjarrin e betejës, flladi Yt freskon
dhe qetëson pasionin tonë kryengritës,
qetëson frikat tona kur duket se po humbim.
Ti i fshin lotët tanë kur rrëzohemi.
Ti je ai që jep mëshirën e pendimit
dhe shpresën e sigurtë të faljes.

O dritë, gëzim i mallëngjyer!
Mbushi zemrat e fëmijëve të tu besnik
deri në thellësitë më të mëdha!

Pa Ty në ne nuk ka jetë hyjnore
Dhe kurrfarë viryti, është e këputur fryma Jote.
Shpirti ynë është i vdekur dhe s’ka jetë.
Derisa Ti nuk i vën buzët tua në gojën tonë
Dhe nuk ua hukat frymën e jetës.

Prekja Jote është si vesa,
por dora jote vepron me fuqi.
Ajo është e butë si puhia,
e prap, Ti je edhe në stuhi.
Si çurg prej furrës së madhe ,
Ti i shterron të gjitha fuqitë tona,
vetëm sa për të shkrirë ngurtësinë e zemrave tona.
Na hudh para vetes si gjethet e thara
në shtrëngatën e dimrit,
vetëm sa për të na i vënë këmbët në rrugë të ngushtë.

Tani, si era e fuqishme që po vjen,
derrdhi në ne lumenjt e shiut për t’i larë mëkatet tona.
Ujiti me mëshirë zemrat tona të thara.
Shëroji plagët që Ti i ke djegur.

Jepu të gjithë besnikëve të tu,
me atë besimin e vërtetë që vetëm Ti e jep,
shtatë dhuratat e tua të shenjta.

Na jep virtytin e denjë,
Na jep vetëveten.
Garanto qëndresën deri në fund!
E atëherë, gëzimin e amshuar!
Amen.