Bedriu i LPRK-se.

[erzeni]

Bedri Pukjani po meson Prishtinen.
Jepi bedri jepi me te lumte zpsqepi


............................

6/10/2002 - Trepça.net

-----------------------------------------------------

GËNJESHTRAT DHE SHPIFJET BIZARE NË LIBRIN: “E FSHEHTA E HAPUR E KOSOVËS” TË AUTORIT BEDRI ISLAMI SI DHE SHTREMBËRIMI I FAKTEVE POLITIKE DHE HISTORIKE RRETH LUFTËS DHE NGJARJEVE NË KOSOVË

BEDRI ISLAMI DHE KANONIZMI I TIJ POLITIK KUNDËR LIDERIT KOMBËTAR DR. IBRAHIM RUGOVËS..!


----------------------------------------------------

Kirchheim-Teck (Gjermani), 6 shtator 2002 / Nga Xhafer Leci

Duke i lexuar të pa vertetat politike, gënjeshtrat, trillimet dhe shpifjet bizare që i mveshën Levizjes kombëtare për çlirimin e Kosovës dhe UÇK-së në librin (lexo: pamfletin politik) të autorit Bedri Islami me titull mjaftë hipotetik: “E fshehta e hapur e Kosovës” i botuar në “Epoka e re” , Prishtinë, 2001, por edhe duke e njohur mirë autorin e këtij pamfleti, janë shkaku që na kanë nxitur si dhe na kanë vënë para një detyrimi dhe obligimi historik, ku për hirë të vertetës, për hirë të gjakut të derdhur të mijëra dëshmorëve të kombit, për hirë të rrezistencës madhore të popullit shqiptar të Kosovës në luftën e tij heroike kundër thundrës serbosllave, pjesë e të cilit popull jemi edhe ne, të reagojmë me shkrim dhe të shprehim mospajtimin tonë haptazi ndaj gjithë shtrembrimeve dhe manipulimeve politike që i ka bërë autori në pamfletin e tij duke i falsifikuar të vertetat mbi Levizjen dhe luftën tonë çlirimtare, duke i ndarë protagonistët e saj në “kombëtarë” dhe “tradhtarë” si dhe duke minimizuar gjithë golgotën që ka përjetuar populli martir shqiptar i Kosovës, jo vetëm për periudhën për të cilën bënë fjalë autori, por për gjithë shekujt nga ai i 12-të e deri me datën 12 qershor 1999.

Andaj, Kryesia e Aktivit të LDK-së që vepron në qytetin Kirchheim-Teck të Gjermanisë, aty ku ka jetuar për një kohë edhe vetë autori i këtij pamfleti politik, nisur nga njohuritë tona të drejtpërdrejta rreth angazhimit dhe sjelljeve të tij në stilin e “sigurimësve” qysh se kur u vendos në këtë qytet, e duke patur parasysh veprimtarinë e tij “politike” sidomos qendrimin e tij të dyfisht (“homoduplexis”) ndaj Levizjes sonë kombëtare për çlirimin e Kosovës si dhe dyftyrësinë e bindjeve të tij politike ndaj LDK-së në njërën, dhe LPK-së në anën tjetër, gjithnjë duke marrë parasysh të vertetën dhe faktet e pamohuara politike dhe historike të cilat e kanë karakterizuar rrezistencën dhe luftën çlirimtare të popullit shqiptar të Kosovës gjatë dy shekujve të fundit, në veçanti sakrificën e tij të bërë pas LDB e deri në çlirimin e Kosovës me 12 qershor 1999, duke e konsideruar pamfletin e tij si një propagandë politike e llojit më të shëmtuar antishqiptar me të cilin shërbehët autori, i ngjajshëm përnga fryma, përmbajtja dhe porositë që dalin nga ai me propagandën antishqiptare serbe, që ka të bëjë me shumë trillime, gënjeshtra, shpifje dhe glorifikime politike në dëmë të LDK-së dhe liderit të saj të pakontestueshëm, Kryesia e Aktivit tonë vendosi që në opininon të dalë më këtë Deklaratë:

Lexues, bashkombas dhe qytetarë të nderuar të Kosovës, kudo që gjendeni !

Kryesia e Aktivit të LDK-së e cila vepron në qytetin Kirchheim-Teck, landi i Baden Wurttembergut në Gjermani, e habitur nga qendrimet arrogante të autorit të librit “E fshehta e hapur e Kosovës” z. Bedri Islami, të shprehuara nga mendja dhe penda e tij pseudointelektuale dhe me një përmbajtje fund e krye antikombëtare, ku në mënyrë të paskrupulltë shtrembërohen vlerat dhe sulmohen bartësit më relevantë të Levizjes kombëtare për çlirimin dhe pavarësinë e Kosovës, ku në mënyrë makabre denigrohet shpirti dhe patriotizmi i gjysmës së kombit shqiptar i udhëhequr nga intelektualët dhe politikanët më të spikatur që Levizjes sonë kombëtare ia fali vetë kjo pjese e robëruar e tij, ku në mënyrë qyqare dhe kuazishkencore përbaltën dhe shtrembërohen të vertetat politike dhe historike të një lufte qindravjeçare për çlirim të Kosovës dhe bashkim kombëtar, në të cilin libër (pamflet neokomunist) brutalisht për qellime meskine politike devijohen faktet dhe të vertetat mbi realitetin dhe rrjedhën faktike të ngjarjeve politike në Kosovë, të cilat shënuan kohën dhe njerëzit të cilët çuan kombin shqiptar të Kosovës deri në çlirim përfundimtar të tij nga robëria e gjatë sllave, permes të cilit libër-pamflet bëhën orvatje tëpër të tejdukshme që meritat e popullit dhe të diplomacisë politike të udhëhequr nga liderët e tij, t’i artikulohen vetëm një spektri të caktuar politik, duke e proklamuar në anën tjetër pjesën më të madhe të popullit dhe udhheqjen e tij (LDK-në) si tradhtare të kombit, përkatësisht si “pjellë” të LKJ-së, përkatësisht si pjesë e cila, po citojmë: “kishte krijuar mitin e rremë të shtetit dhe institucioneve të tij” , për të shtuar më poshtë: “Asgjë nuk ishte e pa qëllimt dhe asgjë nuk ishte e rastësishme.

Krijimi i status quos në Kosovë, krijimi i gjendjes së pushtetit të rremë dhe lojës me institucionet paralele, krijimi i mitit të presidentit dhe të qeverisë, ishin më të favorshme se asgjë tjetër për pushtetin në Beograd, i cili veç faktit se në këto organizma kishte dërguar njerëzit e vet, ndoshta nga më të besuarit, jo vetëm që nuk mund të priste kurrëfarë të keqeje prej tyre, por këtë edhe e shfrytëzonte si alibi politike për të drejtat e shqiptarëve në Kosovë” (faqe 46/47), që vetëm ky pasus fletë çartë se çfarë intencash politike ka synuar të arrij autori me këtë libër-pamflet, pa i përmendur edhe qindra pasuse tjera edhe më të zeza ?! Andaj, edhe çfarë dëshmie më e madhe i duhet lexuesit shqiptar që të kuptoi se çfarë qellimesh politike ka autori në fjalë, i cili në mënyrë të njejtë siç vepronte dikur shtabi i propagandës serbe antishqiptare në “Francuska 7” në Beograd (1981/89), akuzon për tradhëti dhe kolaboracionizëm me armikun bartësit më kryesorë të Levizjes së rrezistencës në Kosovë, LDK-në dhe lidrin e saj Dr. Ibrahim Rugovën, i cili me votën shumicë të popullit tri herë rradhazi u zgjodh president i Kosovës..!?

Orvatjet e autorit të këtij pamfleti që ta paraqesin LDK-në dhe liderin e saj historik si njeri të “zgjedhur” të Beogradit, që ta paraqesin “gandizmin” rugovian si vazhdimësi të politikës robëruese sllave në Kosovë, si politikanë dhe pacifist të dështuar, pa të cilin, siç e pranon vetë autori, historia e Kosovës nuk mund të shkruhet dot, fletë katërcipërisht për servilizmin politik të këtij autori si dhe për qellimet politike të porositësve të këtij pamfleti, ngase tendencat dhe e gjithë prapavia politike e tyre është tepër transparente, si përnga qellimet që synojnë t’i arrijnë në opinionin e gjithmbarshëm shqiptarë, ashtu edhe përnga shërbimi destruktiv që i bënë ky pamflet politikës shqiptare në Kosovë, duke bërë me qellim ndërrimin e tezave dhe fakteve politike dhe ushtarake rreth luftës çlirimtare në Kosovë, dhe ate në mënyrë krejtësisht të pa kulturuar, të pa verifikuar, të pa studjuar, të pa analizuar si dhe të pa sistemuar sipas vetë rrjedhës së ngjarjeve në Kosovë. Kjo, padyshim, fletë çartë se shtrembrimin e fakteve autori e bënë me qellime të caktuara politike, por edhe për përfitime përsonale që në fjalorin e zakonshëm politik quhen “profiterë” të luftës..?!

Bedri Islami, me ate ç’ka sjellur në këtë libër-pamflet, ai me vetëdije të plotë e ka hapur një kaptinë të re në publicistikën shqiptare e cila deri më sot nuk e ka njohur këtë “disciplinë” të rrenave dhe gënjeshtrave, e të cilat me qëllime denigruese ia mvesh Luftës dhe Frontit të rrezistencës së shqiptarëve të Kosovës ndaj armikut shekullor, duke u shtirë si “patriot” dhe politikanë i madh sipas të cilit 90% e popullit shqiptar të Kosovës paska ndjekur rrugën e gabuar të pacifizmit “rugovian” , ndërsa vetëm 10% e tij (LPK) na paskëshin qenë të orientuar drejt kombëtarisht, tezë kjo e cila vazhdimisht i është imponuar opinionit shqiptar, thua se një popull i tërë na qenkësh i marrë sa të mos kuptojë asgjë nga atdhetarizmi dhe detyrimet e tij kombëtare, duke rënë ndesh me faktet dhe historinë faktike të popullit shqiptar të Kosovës i cili me vetëdije të plotë në vitin 1990 në mënyrë aklamative u përcaktua që Levizjen kombëtare ilegale deri në ate kohë ta shëndrrojë në Levizje legale me aktin e vetë fomimit të Frontit të rrezistencës e cila që në fillim të 90-tave e mori emrin Lidhja Demokratike e Kosovës (LDK), kur u vendos që në vitet në vijim lufta dhe rrezistenca kundër armikut, gjegjësisht organizimi i mëtejm politik për çlirim dhe pavarësi të Kosovës të bëhën me mjete paqësore, në mënyrë publike dhe konform me rrethanat e reja të pluralizmit politik të krijuara edhe në Kosovë pas rrëzuarjes së komunizmit.

Andaj, ta paraqesish sot këtë fakt historik të Levizjes sonë për çlirim dhe pavarësi të Kosovës si tradhëti kombëtare dhe si vazhdimësi të politikës së LKJ-së në Kosovë, si “Levizje” e krijuar me pelqimin e Beogradit, s’mund të merret ndryshe veçëse si thikë pas shpine me të cilën tentohet që të vritet populli shqiptar i Kosovës si dhe pjesa më kyçe dhe më e ndritëshme e historisë së tij. Kjo pabesi dhe tradhëti të cilën ai bënë LDK-së ky autor dyftyrësh dhe “profiterë” nga gjaku i mijëra dëshmorëve të kombit të cilët ranë në luftë për çlirimin dhe pavarësinë e Kosovës, por edhe për demokratizimin e gjithë hapësirës shqiptare, fletë për homoduplexitetin e tij politik dhe kombëtar, i cili pasi që largohet nga Shqipëria dhe me t’u vendosur në qytetin ku jetojmë dhe veprojmë ne (Kirchheim-Teck) që në start do i bashkangjitet dhe madhërojë LDK-në dhe liderin e saj Dr. I. Rugovën, tëcilin në këtë pamflet e akuzon dhe sulmon me shprehje më banale të cilat përkasin më së paku me gjuhën e një “shkodrani” siç na është prezentuar (shitur) autori i këtij pamfleti të zi politik!

Duke mos u pajtuar kurrë me përmbajtejn e këtij libri-pamflet, as me qendrimet kuazipolitike të këtij “patrioti” dhe “filosofi” i cili me kalimin e tij në rradhët e Levizjes Popullore të Kosovës (LPK), dega jashtë vendit, (pasi që largohet nga streha e LDK-së) dhe duke u bërë edhe kryetar i Degës së LPK-së për Gjermani, dhe të bindur plotësisht se ky pamflet-libër paraqet një grumbull të rrenave dhe shpifjeve më të poshtëra politike që i bëhën Levizjes sonë për çlirimin dhe pavarësinë e Kosovës, të cilat shpresojmë se do të demaskohen shpejt dhe me fakte e argumente të gjalla nga njerëzit kompetent dhe meritorë të shkencës dhe politikës shqiptare, qoftë duke iu kundërvënë këtij pamfleti libër kundër librit, qoftë duke reaguar me shkrime të ndryshme publicistike, etj.

Kryesia e Aktivit të LDK-së në Kirchheim-Teck shprehë publikisht kundërshtimin e saj ndaj gënjeshtrave politike të prezentuara në këtë pamflet dhe të cilat i konsideron si shumë qëllimkëqia, që kanë prapavijë shumë të rrezikshme për Kosovën dhe procesin e pavarësisë së saj, siç i konsiderojmë si tepër denigruese dhe nënçmuese me të cilat i bëhët dëm shumë i madh gjitha përpjekjeve dhe sakrificave që ka bërë populli shqiptar i Kosovës për t’u çliruar dhe pavarsuar nga kolonializmi hegjemonist serbosllavo-ortodoks. Prandaj, këtë libër-pamflet e konsiderojmë inekzistent dhe shumë të rrezikshëm edhe për mendimin politik shqiptar në Kosovë, që aktualisht synon realizimin e pavarësisë si dhe integrimin e saj në famljen e popujve demokratik dhe të përparuar të Europës.

Kryesia e Aktivit të LDK-së është e vetëdijshme se nuk i ka thënë të gjitha shqetësimet e veta rreth këtij pamfleti famkeq, se ka mbetur edhe shumçka pa u thënë lidhur me të pavertatet dhe gënjeshtrat që janë sjellur në këtë libër-pamflet rreth ngjarjeve në dy dekadat e fundit të shekullit të kaluar në Kosovë, se na ka ngelur edhe shumçka për të thënë rreth këtij autori, gjegjësisht rreth këtij “profiteri” të luftës së fundit çlirimtare në Kosovë, por së paku shpresojmë se reagimi ynë vetëm sa do ta inicojë debatin lidhur me shtrembërimet që i bëhën luftës dhe Ushtrisë Çlirimtare të Kosovës (UÇK-së) nga ky njeri i cili “patriotizmin” e tij të rremë, qëkur erdhi në qytetin tonë, e ka vënë në shërbim të propagandës “antikososvare” e cila nuk pranë dot duke shkaktuar në forma të ndryshme përçarje si dhe duke nxitur tensione politike brenda spektrit politik shqiptar në Kosovë si dhe brenda vetë Levizjes sonë kombëtare për pavarësinë e Kosovës.

Kirchheim-Teck, shtator 2002 Kryesia e Aktivit të LDK-së

............