Prishtina - Besa, 17 mijë shikues!

[dodoni]

Prishtina - Besa, 16.800 bileta ne treg
E Enjte, 06 Prill 2006
Prishtine, 5 prill - Kryendeshja e javes se 20-te ne Superligen e Kosoves, ndermjet Prishtines dhe Beses, qe do te zhvillohet kete fundjave ne kryeqytet, mund te mbledh numrin me te madh te tifozeve pas lufte ne nje ndeshje kampionale

Se paku, keshtu presin te ndodh drejtuesit e skuadres bardhekalter, te cilet per kete derbi parashikojne te hedhin ne treg hiq me pak se 16.800 bileta, sa eshte edhe kapaciteti i uleseve ne stadiumin e kryeqytetit. Pritet qe te dyja skuadrat te kene perkrahje te madhe nga tifozet e organizuar. Ne fakt, klubi pejan ka kerkuar nga drejtuesit e klubit bardhekalter 2.500 bileta per tifozet e vet, te cilet ne kryeqytet do te udhetojne te organizuar. Ne anen tjeter, edhe tifozet prishtinas "Plisat", jane duke u pergatitur ne menyre te vecante per kete takim, me qellim qe skuadra e tyre e zemres te kete perkrahje sa me te madhe drejt fitores. Se a do te jemi deshmitar te nje stadiumi te mbushur perplot me shikues, per here te pare pas venies se uleseve ne stadium, mbetet te shohim ne fundjave. Por, fundja kete takim ia vlen ta shikoj cdo futbolldashes, ngase kemi te bejme me dy skuadra te cilat kane cilesi, kane motiv e vullnet dhe njeheresh jane kandidatet e vetme per titullin e kampionit.

B. H. (futbolli.com)

[dodoni]

Nga Fatmir Bytyçi

Rëndësia e ndeshjes i dy ekipeve më më nam ka bërë që futbollistët në pjesën e parë të lojës të respektojnë mjaft kundërshtarin duke taktizuar në lojë. Të “Kaltrit” fillimisht nisen lojën duke pasur iniciative të lehtë në terren, e duke krijuar herë pas herë panike në mbrojtjen pejanë, mirëpo kampionët në fuqi shumë shpjet i rehabilituan radhët e veta, kështu që të gjitha sulmet e vendësve i ndalnin më sukses para 16-të metërshit. Në këtë pjesëlojë pamë vetëm dy raste të rrezikshme një nga prishtinasit ku goditja e Florim Humolli, kalojë pranë portës, ndërkaq pejanët rrezikuan nëpërmjet Jasiqit, i cili gjuan më kokë, por topi shkon pran portës.
Megjithatë, rrjetat heshtin
Ndërkohë, në pjesën e dytë të lojës u zhvillua futboll më i bukur dhe më shumë raste shënimi, mirëpo rrjetat heshtën. Futbollistët e Prishtinës, furishëm e nisen pjeslojën e dytë, kështu në min.e 51-të, pas harkimit të Kaçiut, Hoxha gjuan bukur më kokë, por portieri Qosa ishte në vend. Vetëm dy minuta më vonë Gjonbalaj godet furishëm nga goditja e lirë, Bytyçi më mund e dëbon shkurtazi deri të Emra, i cili edhe ky gjuan topi prapë dëbohet. Gjonbalaj që ishte një nga futbollistët më të mirë në radhët e Prishtinës, në minutën e 70-të qëllon pingulën. Ndërkohë, sulmuesi më i rrezikshëm në radhët e Besës, Haxhi Zeka, ndonëse nuk ia doli të shënon, por edhe në këtë përballje tregoi se mbetet nga sulmuesit më të rrezikshëm në Kosovë. Zeka, rrezikon portën e Qosës, në minutën e 57-të dhe 81-të, por pa sukses. Ndërkaq një minutë pa përfunduar ndeshja pas asistimit të bukur të Zekës, Zhubi, i pa penguar nuk ia del të ia siguron pikët e plota ekipit të tij. “Mendoj se ka qenë një lojë e fortë, d.m.th, më shumë ka qenë lojë taktike e të dy palëve. Në të shumtën e rasteve kemi dominuar në terren. Besa është treguar një ekip që një kohë të gjatë luajnë bashkë. Unë mendoj se loja do të kishte marr një kahje tjetër sikur gjyqtari i ndeshjes të ekzekutonte penallti në startin ndaj Uliks Emrës”, ka thënë pas lojës Fadil Muriqi trajner i Prishtinës.

PRISHTINA-BESA 0:0
Stadiumi i qytetit
Shikues: Mbi 15.000
Gjyqtarë: Hasani, Mehmeti, Brahushi
K.V: E.Hashani, Zhjeqi (Pr), Gashi, Jasiqi, Papuqi (Be)
PRISHTINA: Qosa, Humolli, Zhjeqi, Idrizi (Pula), Emra, Gjonbalaj, Kukaj (Dushi), Limani, Kaqiu (Skeraj), Hoxha.
BESA: Bytyçi, Efendija, Zefi, Gashi, Krasniqi, Jasiqi, Duraku (Haliti), Komoni (Kasapi), Zeka, Vokshi (Zhubi), Papuqi.

Në Kosovën e pasluftës nuk ka ndodhur të zhvillohet një ndeshje futbollistike në një atmosferë fantastike siç ishte ajo në ballafaqimin e dy ekipeve më të mëdha në elitën e futbollit kosovar, Prishtinës dhe Besës së Pejës, të dielën në stadiumin e qytetit. Në kohën kur futbollistët e të dy ekipeve nisen drejt terrenit “kallet” stadiumi i qytetit nga atmosfera e krijuar mbi 15.000 shikues. Për këtë ëmbëlsire sportive pa dyshim se meritat shkojnë në adrese të tifozëve prishtinase “Plisat”, të cilët edhe një herë argumentuan se dinë të bëjnë gjëra të mrekullueshme sportive. Pamëvarsisht rezultatit të barabartë 0:0, megjithatë loja në terren, atmosfera në tribuna, referimi dhe organizmi në nivel dëshmojnë më së miri se futbollit të Kosovës, dikur krenaria e Kosovës po i kthehet imazhi i dikurshëm. “Ishte një lojë e fortë. Besa, garat e rregullta më këtë barazim sigurisht e në ‘Play-off’, do të hynë nga pozita e parë. Ka qenë një atmosfere e mrekullueshme”, kështu është shprehur pas ndeshjes Genc Hoxha trajner i Besës.

marre nga www.albaniasoccer.com

[dodoni]

Une besoj qe ja vlen sepse ka te interesuar, kemi Viganin, Arbin, Daviusin, e te tjere qe jane te interesuar edhe per Superligen e Kosoves. Pastaj, ne duam te rrisim interesimin edhe per futbollin e Kosoves, ne forum ketu, e nuk besoj qe ke gje kunder ti. Pastaj, shto faktin tjeter, qe numer kaq te madh shikuesish nuk di te kete patur ndonje ndeshje jo vetem ne kampionatin e Kosoves por edhe ate te Shqiperise, keto vitet e fundit. Pra, eshte nje ngjarje e vecante per futbollin mbareshqiptar ne pergjithesi.

Sidoqofte, moderatoret te bejne c'te duan ata me temen, per mua nuk ka rendesi shume.

[sLimShady]

Dodoni me te vertet ishte nje atmosfer shume e mire e pash ndeshejn permes Tv ka kohe qe aq shikues nuk ka pas futbolli ne kosove. Trajneri pejan Genc Hoxha tha kjo ndeshja ma perkujtoj Prishtinen dhe ,Trepcen'89 kur luanin le ligen e pare e ish Yu . Ndeshja ishte e nivelit mjaft te larte nuk qe aq e mire per sy por ishte shume e forte Te dy skuadrat kishin mjaft raste per shenime mirepo asnjera nuk ja arriti keti qellimi . Besa si duket eshte ne rruge te mire drejt titullit te kampionit

[dodoni]

Slimi, edhe mu me thane ashtu ata qe e kishin pare ndeshjen ne RTV21 ketu ne Amerike, sepse une nuk arrita ta shoh. Poashtu po shihet edhe ne foto qe ka pasur nje atmosfere shume te mire. Mirepo, dem qe nuk arritem ta mundim Besen ne Prishtina. Fadil Muriqi tha qe referi na mohoj nje penallti ndaj Uliks Emres, nuk di sa ishte e drejte kjo deklarate e tij. Une jam tifoz i Prishtines, sic po shihet edhe ketu . Genc Hoxha eshte gjakovar a pejan?
Vellaznimi juaj me dhimbset qe kishte rene aq poshte kete vit, nuk e meriton Vellaznimi te jete aq poshte ne klasifikim, kur dihet sa talentat i ka nxjerr Gjakova, Kryeziun e madh, Koznikun, Hasin, Canen, e shume tjere. Urojme qe Vellaznimi te hyp me larte ne klasifikim keto ndeshjet tjera dhe te mos bjere nga liga dhe Prishtina te behet kampion, megjithese nese Besa eshte me e forte, atehere edhe nese behet kampion prape Besa nuk me ngelet hatri aq.

Me kete ndeshje mendoj qe ka filluar te ringjallet futbolli dhe Superliga e Kosoves dhe nese vazhdon keshtu me numer kaq te madh te shikuesve, liga jone do jete nder ligat me te forta ne Ballkan, sepse jane te rralla ndeshjet ne kampionatet e Ballkanit me numer kaq te madh tifozesh, perjashto Turqine ketu (qe jane 70 milione popull). Edhe ne Serie A, shpesh ne shume takime nuk shkon as ne 10 mije numri i shikuesve. Kjo eshte nje gje e madhe.

Edhe nje muaj do vije atje e edhe une do i bashkangjitem Plisave prape si ne vitet e 80-ta.

Pershendetje haver

[sLimShady]

Dodoni se di cka te them per ate penalltin mund te them se me shum ishte penallti por as gjygjtari se ka pas leht ne ate takim te referoj penalti apo te marri vendime te tilla.

Genc Hoxha eshte gjakovar por tani drejton skuadren e beses pasi ishte ca kohe ne Bese erdhin ne vllaznim po prap ket vit iku te besa . Vllazimi ra posht ket vit sepse te gjithe lojtaret qe i ka pas standart i kane ikur , Sic jane Arber Zhubi , Jasiqi ,Efendija e shume te tjere .Tani ne skuadren e vllaznimit te gjithe jan junioret qe kan kaluar ne formacionin e pare pervec portierit Lipoveci .

Per te pas kaq dashamir futbolli duhet skuadrat te forcohen qe jo vetem 1 loje te jet derby ne gjithe kampionatin sic ishte Prishtina-Besa po te jet konkurenca me e madhe ateher edhe shikues do kishte me shume edhe kampionati do behej me interesant

[dodoni]

Ja edhe disa foto nga ndeshja.

[dodoni]

Ja edhe disa tjera.

[Pasiqe]

Dodon, a ka mundsi me na cu noi foto te stadiumit te Prishtines ku te inkuadrohet tribuna e mbuluar? Qenka stadium shume i madh dhe i bukur. Fusha e mrekullushme, dhe atmosfera e tifos fantastike!!!

Plisat qenkan bardheblu si Tirona ime,

[dodoni]

Zombie, patjeter do e gjej e do e sjell ketu. Stadiumi perpara kur luante Prishtina ne ligen e pare te ish-Zhugosllavise, ishte pa ulese, dhe ne pothuajse cdo ndeshje kishte nga 40 mije shiikues. Poashtu, pak para se te prishej Zhugosllavia, filluan ndertimet per ta zgjeruar anen perendimore, por qe fatkeqesisht nuk kane perfunduar ende sepse njehere na okupuan serbet e tani pas luftes kishim prioritete tjera per momentin. Tani vitin e kaluar kane filluar investimet ne stadium, jane vene uleset, dritat per te luajtur edhe naten, e tani do vazhdojne me perfundimin e zgjerimit te anes perendimore etj. etj. Keshtu me ulese eshte perafersisht aq i madh sa Qemal Stafa ne Tirane, rreth 20-22 mije shikues tani, por kur te perfundoj zgjerimi i anes perendimore do rritet edhe kapaciteti pak. Edhe stadiumi i Trepces eshte poaq i madh sa ky i Prishtines dhe Qemal Stafa.

Po, plisat jane bardheblu. Me kujtohet si femije i ngjyrosnim fytyrat bardheblu, u mbeshtillnim me flamurin bardhekalter te Prishtines, dhe cdo te diele ishim ne stadium.