Për shekuj me rradhë , etruskët ishin të mbështjellë me një tis misteri që askush nuk i dëshifronte dot . Shumë popuj të Europës dëshironin të përvetësonin historinë e tyre , duke theksuar se ishin pasardhës të etruskëve . Por , ajo çfarë nuk korrespondonte në autodeklarimet , ishte fakti se gjuha etruske, nuk zbërthehej me asnjë nga gjuhët e vendeve që e pretendonin atë .
Si dëshifrohet gjuha etruske ?
Me një analizim të artefakteve etruske mund të vërehet se gjuha aq misterioze etruske në të vërtetë nuk ka kurrfarë sekreti në vetvete dhe është shumë e lehtë të dëshifrohet .
Qartë mund të vërehet se fjalët etruske janë pothuajse të njëjta me fjalët e sotme shqipe! Ajo që bie në sy është dhe të lë për të dëshiruar është fakti : Pse qindra studiues dhe shkencëtarë, akademikë me tituj , deri tani nuk e kanë vërejtur këtë , apo nuk kanë dashur ta vërejnë ?
Ekzistojnë deri tani shumë vepra dhe studime shkencore të cilat kanë tentuar , por njëanshëm , që këtë gjuhë ta shpallin të popujve të ndryshëm të ballkanit , por , ashtu siç do ta shpalosim dhe më poshtë , është fare e qartë se bëhet fjalë për gjuhën ilire , gjegjësisht shqipe , me pothuaj vetëm disa variacione në disa fjalë .
Gjuha etruske është ajo shqipe.
Lexoni profesorin francez me origjinë hebreje , Zacharie Mayani . Nuk ka rëndësi se në çfarë gjuhe , por Zacharie është i pari studiues , i cili ka bërë vërtetimet e para të analogjisë iliro-etruske , duke i cilësuar ato të njëjta . Një ndër librat e tij të kësaj linje është "Etruscans begin to speak" . Libri për herë të parë është botuar në frëngjisht nën titullin "Ils etrusques commencent a parler " . Ashtu siç thotë dhe vetë profesori me argumente dhe shembuj , sot e kësaj dite etruskët nuk i dëshifron asnjë gjuhë tjetër , përveç shqipes , dhe madje me një lehtësi të paparë në shumë raste . Shumë shkrime që mendoheshin se ishin të popujve të tjerë të ballkanit , kryesisht greke dhe sllave , janë të shpjegueshme veç me shqipen . Mayani , nëpërmjet shqipes , u ka dhënë një përgjigje mbishkrimeve të vjetra mbi varret , pllakat e gurëve , mozaikëve , vazove etj , të gjetura në vendbanimet etruske . Po ashtu , profesori francez thekson në libër se romakët huajtën prej etruskëve alfabetin , kalendarin , planin e vëndeve të shenjta , shtëpinë , shumë rite fetare , artin e të parashikuarit , lojërat sportive , shenjat e pushtetit , si dhe terma dhe fjalë të tjera gjuhësore.
Studime të tjera.
Studimeve të profesor Mayanit , mund t'u bashkëngjiten shumë mirë edhe kërkimet e kolonel Churchward , i cili flet për një civilizim 50.000 vjet të lashtë . Ai konfirmon një lloj lidhjeje me Atlashtet dhe Lemuriat . Koloneli ka harxhuar gjithë jetën me këto kërkime .
Në "The Albanians" të studiuesit tjetër Edwin E.Jacques pohohet e njëjta gjë . Libri është njëlloj historie që u bëhet shqiptarëve që nga kohët e lashta.

Marrë nga gazeta "Agon" e dt.28.03.08