Marrveshja e Ohrit do te zbatohet pas 15 Shtatorit ne Maqedoni

[Beqari002]

Si duket Marrveshja fantome e Ohrit edhe me lejen e sponzorve te saj nderkometar do te filloj te zbatohet ne jete ne Maqedoni menjehere pas perfundimit te zgjedhjeve qe do te mbahen me l5 shtator.Ja si e komentoin shtypi kete ngjarje.

Ndërkombëtarët i kërkojnë Shkupit: Shtyni për pas zgjedhjeve arrestimin e Ali Ahmetit


SHKUP, 29 gusht - Përfaqësuesit e NATO-s, OSBE-së, Bashkimit Evropian dhe Shteteve të Bashkuara të Amerikës në Maqedoni, kanë kërkuar nga qeveria maqedonase shtyerjen e arrestimit të paralajmëruar të liderëve të Ushtrisë Çlirimtare Kombëtare, Ali Ahmetit, Fazli Veliut dhe Gëzim Ostrenit, deri në përfundimin e zgjedhjeve në Maqedoni. "Me arrestimin eventual të liderëve të Ushtrisë Çlirimtare Kombëtare, do të vihej në pikëpyetje mbajtja e zgjedhjeve parlamentare në Maqedoni", thuhet në letrat dërguar ministrit Boshkovski. Në anën tjetër, ministri i punëve të brendshme të Maqedonisë, Lube Boshkovski, ka thënë se "liderët e Ushtrisë Çlirimtare Kombëtare që akuzohen për terrorizëm do të arrestohen pa marrë parasysh kërkesat e përfaqësuesve të NATO-s dhe bashkësisë ndërkombëtare". Partitë shqiptare, opozita maqedonase dhe përfaqësues të komunitetit ndërkombëtar kritikuan ashpër sot nxjerrjen e urdhër-arrestit kundër Ahmetit. Partia Demokratike Shqiptare e kryesuar nga Arbër Xhaferri, theksoi se Ahmeti dhe të gjithë ish-luftëtarët janë të amnistuar dhe me rastet e krimeve të luftës, merret gjykata e Hagës. Një zyrtar i lartë i kësaj partie, Iljaz Halimi, nënkryetar i parlamentit, tha se kjo vetëm do të keqësojë gjendjen politike dhe të sigurisë dhe nuk përjashtohet mundësia që të arrihet deri tek një konflikt. Halimi theksoi se kjo ndikon në fushatën zgjedhore të partisë së zotit Ahmeti, dhe shtoi se kjo mund të jetë edhe një lojë parazgjedhore. Zyrtari i lartë i PDSH-së, komentoi gjithashtu veprimin e sotëm të policisë, e cila me mjete të blinduara dhe policë të maskuar hoqi flamujt shqiptarë nga dy rrugë të Tetovës, duke thënë se flamujt do të vihen përsëri nga shqiptarët dhe do të ruhen për të mos u hequr më nga policia. Partia për Prosperitet Demokratik e Abdurrahman Halitit tha se urdhër arresti për Ahmetin është një ide e marrë që lëshohet për një udhëheqës partie në kulmin e fushatës zgjedhore. Zëdhënësi i kësaj partie, Zahir Bekteshi tha se ata që e bëjnë këtë nuk synojnë vendosjen e rendit dhe stabilitetit, por të kundërtën. Bekteshi tha se kjo mund të ndërlikojë gjendjen politike, të sigurisë dhe procesin zgjedhor. Ndërsa Partia Demokratike Kombëtare theksoi se ministria e brendshme nuk mund të arrestojë as zotin Ahmeti dhe as ndonjë nga udhëheqësit shqiptarë. Sekretari i përgjithshëm i partisë Xhevat Ademi, tha se këto veprime e tensionojnë gjendjen dhe kërcënojnë ta keqësojnë edhe më tej atë. Një zyrtar i lartë i opozitës maqedonase, LSDM të Branko Cërvenkovskit, po ashtu kritikoi ashpër këtë urdhër arresti ndaj zotit Ahmeti, duke e quajtur atë një veprim të marrë. Sekretari i përgjithshëm i LSDM-së, Gjorgji Spasov, tha se kjo bëhet për të prishur zgjedhjet e 15 shtatorit. Ndërsa këshilltari i presidentit Boris Trajkovski për siguri kombëtare, Stevo Pendarovski i tha Zërit të Amerikës, se presidenti nuk dëshiron të komentojë këtë zhvillim sepse vendi është në mes të fushatës zgjedhore dhe ai nuk dëshiron të përfshihet në debatet për këtë cështje. Zëdhënësi i ambasadës amerikane në Shkup, Xhon Kacka, tha se nuk do të komentonte në lidhje me këtë ndërsa zyrtarë të NATO-s dhe Bashkimit Evropian theksuan se mbështesin zbatimin e plotë të ligjit për aministi dhe të marrëveshjes së Ohrit. Një zyrtar i NATO-s i tha Zërit të Amerikës, se qeveria po përpiqet të nxisë njerëzit për të reaguar dhe për të bërë ndonjë marrëzi, sic tha ai. Ndërsa një zyrtare e Bashkimi Evropian tha se organizata ishte e ndërgjegjshme për kërcënimin për arrestimin e Ahmetit. Zyrtarja që nuk dëshironte të identifikohej tha se me rastet e krimeve të luftës merret gjykata e Hagës dhe autoritetet duhet të konsultohen me të para se të ndërmarrin ndonjë veprim, si lëshimi i urdhër-arrestit për Ahmetit apo dicka tjetër. Zyrtarja e BE-së theksoi se këto veprime kanë tashmë ndikim në gjendjen në vend, se ato po kufizojnë lëvizjet dhe fushatën zgjedhore të BDI-së së zotit Ahmeti. Megjithatë ajo shtoi se nëse autoritetet do ta bëjnë këtë apo jo (arrestimin e Ahmetit), kjo mbetet për t’u parë.


Oj sharki e lehet si era , a ka ardhur ne Shqiperi pranvera?

[Beqari002]

Athua a eshte e mundur?Deri me sot te kundershtosh cdo cpifje te maqedonasve e sot pernjehere te pranosh se do te "Shkosh ne Hage"per mendimim tim kjoi eshte pak apsurde dhe se me kete do te shkoj ne vend "Zbulimet maqedonase te derisotm".Dhe se mendoj se nuk eshte kurfar "Mbrojtje"kjo se nese do shkon ne HAg por operkundrazi...


Ahmeti mbrohet: Jam gati të shkoj në Hagë

SHKUP - Policia u ngut me urdhrin për arrestimin tim, deklaroi kryetari i Bashkimit Demokratik për Integrim (BDI) dhe ish-lider i UÇK-së, Ali Ahmeti, (Ushtria Çlirimtare Kombëtare - e shqiptarëve të Maqedonisë). Në një intervistë për programin shqip të radios "Evropa e Lirë", Ahmeti tha se kompetente për akuzat që kanë ngritur kundër tij, autoritetet maqedonase, është Gjykata e Hagës, dhe se ai është i gatshëm të vihet në dispozicion të kësaj gjykate. "Akuzat që kanë ngritur kundër meje autoritetet maqedonase janë pa baza, por unë jam i gatshëm që të vihem në dispozicion të Gjykatës së Hagës", -deklaroi Ahmeti. Prokurori publik Stavre Xhikov tha dje se liderët e UÇK-së akuzohen për vepra të cilave nuk u kalon afati dhe që nuk hyjnë në ligjin për amnisti. Ai shtoi se "për këtë ka informuar Karla Del Ponten", dhe se "përderisa Gjykata e Hagës nuk vepron, atëhere gjykatat maqedonase do të vijojnë procedurën normale". Me ndërmjetësimin e përfaqësuesve të bashkësisë ndërkombëtare, të cilët paralajmërojnë se arrestimi i Ahmetit do të ketë pasoja për sigurinë, është arritur kompromisi që ky arrestim të anulohet deri më 15 shtator.

Oj sharki e lehet si era , a ka ardhur ne Shqiperi pranvera?

[Beqari002]

Qebesa e mundur eshte edhe kjo,po athua a takoj ai Xhaferin a jo,sepse te dyve eshte duke u dhimbsur per se tepermi nese nuk do te egzistoj me krijesa Maqedoni.Por syt jane per te par e inshalla keta te dy shohin embushen mend.

MAQEDONI: Solana në Shkup: takon Gjeorgjevskin përjashton Ahmetin

SHKUP (5 Shtator) - Përfaqësuesi i lartë për politikën e jashtme dhe sigurinë në Bashkimin Europian Solana, mbërriti sot pasdite, për një vizitë në Shkup. Vizita ka të bëjë me zgjedhjet e ardhshme të Maqedonisë që do të zhvillohen në 15 shtator. "Do të takoj të gjithë liderët politikë të vendit për të verifikuar aplikimin e marrëveshjeve të paqes, të firmosur 13 gushtin e shkuar", tha Solana me të mbërritur në aeroport. Takimi i parë ka qenë ai me kryeministrin maqedonas Gjeorgjevski, i cili ndër të tjera është shprehur se "Qeveria ka pergjegjsine ë madhe per zgjedhjet e 15 shtatorit, Sipas tij janë krijuar të gjitha kushtet per zhvillimin e zgjedhjeve te lira e të ndershme në vend. Kryeministri maqedon tha se shpreson që komuniteti ndërkombëtar dhe monitoruesit, të japin vlerësime objektive për zgjedhjet. Lidhur me pengjet, Gjeorgjevski i ka kërkuar Solanës të ndërhyjë për zgjidhjen e kësaj çështjeje të dhimbshme. Pasi takimit me kryeministrin Gjeorgjevskin, Solana ka takuar edhe presidentin maqedonas Boris Trajkovski. Ky i fundit eshte shprehur se pavaresisht nga incidentet e fundit, situata ne Maqedoni eshte permiresuar, krahasuar me te njejten periudhe te vitit te shkuar. Te dy bashkebiseduesit rane dakort qe Maqedonise nuk i sherbejne aktet e dhunshme, sidomos ne kete periudhe. Ata pohuan se te gjithe lideret politike, duhet ta denojne dhunen dhe te izolojne njerezit qe perpiqen te frikesojne qytetaret. Trajkovski ka kerkuar mbeshtetjen e komunitetit nderkombetar, ne perpjekjet e insitucioneve te vendit, per te zhvillluar zgjedhje te lira dhe demokratike. Përfaqësesi europian Solana ka përjashtuar mundësinë për të takuar Kryetarin e BDI-së Ali Ahmeti. " Nuk kam për ta takuar Ahmetin sepse ai nuk më ka kërkuar ndonjë takim", ka sqaruar Solana. Vizita e Solanës vjen menjëherë pas një "shërthimi" të ri dhune në Maqedoni, gjë që kërcënon zhvillimin e rregullt të zgjedhjeve. ed/ko (ANSA/BalkanWeb

[Beqari002]

MAQEDONI, Arifi: Hetimi i ish komandantit të UÇK-së, Duraku të kryhet sipas bazave juridike

SHKUP (7 tetor) - Nënkryetarja e Bashkimit Demokratik për Integrim Teuta u takua me presidentin maqedonas Boris Trajkovski, ku shfaqi interesimin e partisë, që rasti i arrestimit të Sadul Durakut nga Likova, ish komandant i UÇK-së, të përfundojë ashtu siç e kërkojnë bazat juridike. "Mendojmë se aktivitetet me të cilat lidhet Duraku janë nën mbikëqyrjen e Hagës", deklaroi pas takimit Teuta Arifi. Sipas saj, Duraku duhet të jetë në liri dhe Haga të ngrejë aktpadi kundër tij. Arifi informoi se lidhur me atë rast, deri tani nuk ka realizuar takim me prokurorin publik Stavre Xhikov. Ministria e Punëve të Brendshme të shtunën pasdite, gjatë një kontrolli rutinor te pika policore në Saraj, e arrestoi Sadul Durakun nga Likova. Gjykatësi i caktoi Durakut masën e arrestit për një kohëzgjatje 30 ditore. ro/mr (MIA/BalkanWeb)


Oj sharki e lehte si era , a ka ardhur ne Shqiperi pranvera?