Banalitete e Efekte Akuzatori

[alumni]

http://www.shekulli.com.al/sociale/6...02/letra.shtml

"Mos guxoni më të përgojoni Kristaq Ramën"

Letër e Aneta Ramës, nënës së kryebashkiakut të Tiranës, drejtuar z.Sali Berisha

Zoti Sali Berisha,

Unë që po ju drejtohem publikisht jam Aneta Rama. Dikur përshëndeteshim. Ishin kohë të tjera dhe ju ishit një kolegu im i shkencës humane të mjekësisë. Kujtoj sot se edhe me të ndjerin burrin tim kishit një përshëndetje.

Një ditë të bukur, jeta e solli që ju të bëheshit udhëheqës i opozitës që krijuan studentët dhe intelektualët shqiptarë. Mes tyre ishin siç e dini edhe të dy djemtë e mi. Sesi rrodhën ujërat mes jush si udhëheqës i asaj opozite dhe djalit tim të madh si kundërshtari juaj i parë brenda opozitës, këtë e dini ju. E di edhe im bir, e dinë edhe të gjithë ata që kanë dashur ta mësojnë. Si nëna e Edi Ramës nuk më takon të flas për punën dhe për hallet e tim biri në rrugën e vështirë që ka zgjedhur. Këto janë punët dhe hallet e punës së tij, të cilat i gjykon dhe i vlerëson populli që ju dëgjon dhe ju sheh të gjithëve, ju politikanëve, çfarë thoni e çfarë bëni për të.

Mua sot more Zoti Sali më bie barra që t'ju kthej publikisht mbrapsht personalisht juve, baltën që keni hedhur para dy ditësh mbi Kristaq Ramën, shokun tim të shtrenjtë të jetës për dyzet vjet. Sot unë nuk mund t'i gëlltis më në heshtje lotët e dhimbjes dhe zemërimit, siç kam bërë plot herë të tjera. Siç kam bërë kur kam gjetur në mes të natës tim bir të mbytur në gjak prej kaçakëve me leva hekuri që ju i lëshonit natën ndaj atyre, që si im bir s'ju bënin hosana. Siç kam bërë kur jam ndarë me pahir nga djali im i dytë, të cilin ca ditë më vonë pas të parit ma rrahu në rrugë po ai pushtet kriminal i vitit 1997 që pastaj na lëshoi nën derë letrën për ta marrë ushtar kundër Vlorës. Siç kam bërë edhe shumë herë të tjera gjatë gjithë këtyre viteve kur kam dëgjuar dhe lexuar shpifje nga më të ulëtat dhe etiketime nga më monstruozet në adresën e familjes sonë. Po ju kujtoj këtu për shembull ulërimat tuaja të dy vjetëve më parë në Pallatin e Sportit ku "më qanit hallin" mua dhe nipit tim të dashur për të marrë votat e banorëve të kryeqytetit.

Populli ynë thotë me të drejtë se durimi ka kufi dhe unë sot mendoj që është dita t'ju them publikisht ndal! Ndalu burrë i dheut se nuk gjendet e shkruar as në qiell dhe as në tokë kjo e drejta që i jepni vetes për të pështyrë mbi të vdekurin! Ndalu dhe më dëgjoni mirë.
Kam jetuar dyzet vjet me Kristaq Ramën dhe jam krenare për ndjenjat e dashurisë dhe respektit reciprok që kanë ekzistuar gjithnjë mes familjes sonë dhe atyre që na kanë njohur. Kjo dashuri dhe ky respekt kanë pasur si bazë traditën e një familjeje që në breza nuk ka njohur kurrë armiqësira me njerëzit apo probleme me ligjin. Në familjen tonë janë ushqyer dhe përsosur të gjitha ato ndjenja, virtyte dhe marrëdhënie të shëndosha njerëzore që garantojnë mirërritjen e fëmijëve dhe trashëgimin e vlerave të larta morale tek pasardhësit. Pragun e derës sonë në dyzet vjet e kanë kapërcyer me qindra e qindra njerëz. Të afërm, miq dhe shokë të tre brezave të familjes, studentë të burrit apo të djalit tim, komshinj apo edhe njerëz në kërkim të një ndihme. Jam krenare, sepse mund të them sot me bindje që në dyzet vjet as edhe një i vetëm prej tyre nuk ka ndërruar rrugë kur jemi ndeshur. Përkundrazi, kemi gjetur tek të tërë mikpritjen, dashurinë dhe ngrohtësinë që kemi dhënë. Kështu që zoti Sali për mua dhe për tim shoq, ashtu si për djemtë e mi dhe gjyshërit e tyre, nuk ka qenë kurrë e mundur të dimë ç'është një familje ku "djali rreh nënën" apo ku "babai ha bukën e djalit të tij" siç bërtet zotëria juaj rrugëve për ne!

Në shtëpinë e Kristaq Ramës kanë hyrë e kanë dalë në dyzet vjet shumë malësorë. Ndër ta edhe plot studentë të tij nga Bajram Curri, Kukësi, Peshkopia, Mirdita, Rrësheni, Mati e me radhë, me të cilët kemi ndarë në tryezë atë që na është gjendur. Të siguroj gjithashtu se në ato zona me traditë të vjetër, ku ka lënë edhe plot vepra të tij kushtuar luftës apo figurave të ndritura të veriut të Shqipërisë, Kristaq Rama i ka gjetur kudo dyert hapur dhe tryezën shtruar. Nga miqtë tanë malësorë kemi mësuar ndër të tjera se tradita e vjetër e atyre zonave e ndalon malësorin të përgojojë nënën dhe të fyejë të vdekurin. Kurse ju, zoti Sali, pasi keni përgojuar më shumë se njëherë nënën e Edi Ramës, nxorrët nga goja para dy ditësh një fyerje të pafalshme, duke e etiketuar Kristaq Ramën si "rrugaç dhe stalinist" që i ka transmetuar "psikologjinë e tij të birit"!

Si ju mban dheu dhe s'ju nxihet hiç ajo faqe as si mjek, as si pedagog, as si intelektual, as si ish- President i këtij vendi, as si udhëheqës i opozitës dhe as si malësor, kur shkelni publikisht mbi një të vdekur që një Shqipëri e tërë nga Tropoja në Sarandë e mban mend me respekt?! Kristaq Ramën e mbajnë mend me respekt në radhë të parë si njeri dhe pastaj si Artist i Popullit që dha gjithçka kishte për të lartësuar në art historinë e këtij kombi dhe punën e njerëzve të thjeshtë. Im shoq ishte një njeri i lartë në shpirt e në trup, një burrë i mençur dhe punëtor i palodhur, që e përcollën në banesën e fundit shumë miq dhe të panjohur të të gjitha bindjeve politike. Prandaj unë ju bëj thirrje publike, të mos guxoni më ta zini me gojë emrin e Kristaq Ramës dhe të mos e rendisni më traditën apo edukatën e familjes sime në argumentet kundër Kryetarit të Bashkisë së Tiranës. Për të tjerat ja tek e keni Edin përballë, siç e keni pasur gjithmonë këtu e dymbëdhjetë vjet. Bindeni popullin se im bir nuk e meriton respektin që një Tiranë e tërë ka për të, në qofshi i zoti!

Aneta RAMA

[Albo]

Paska arritur puna deri atje sa nena ti dali zot te birit, uje i liqenit e paska mbytur edhe Edi Ramen.

Shpresoj qe ndonje gazetar tia kete shpjeguar nenes se Edit, se Berisha kur zuri ne goje "te atin e Edit" nuk e kish fjalen per te atin biologjik, por per ate ideologjik.

Se kush eshte Edi Rama, mjafton ta degjosh e lexosh dhe ai e prezanton shume mire "moralin", "karakterin" dhe "zgjuarsine" e tij.

[Niko D'Angelo]

Nuk jam ne djeni se si e ka zene Berisha ne goje te atin e Edi Rames, por nese e ka ofenduar, e shoqja e te ndjerit ka detyre morale dhe tregon respektin e saj per te shoqin me kete leter. Persa i perket Edi Rames, nuk di se si i pergjigjet situates aktuale politike dhe intelektuale ne Shqiperi, por di qe eshte nje reformator i mire i institucioneve te mykyra Shqiptare dhe me shembullin e tij te nje politikani modern mund te frymezohen dhe te tjere. Ai eshte nismetari i zinjxhireve te teatrove "Millenium" qe eshte vetem nje pjese shume e vogel e asaj qe ai ka bere ne karrieren e tij aktuale politike ne Shqiperi.

[Eni]

Postuar më parë nga Niko D'Angelo
. Persa i perket Edi Rames, nuk di se si i pergjigjet situates aktuale politike dhe intelektuale ne Shqiperi, por di qe eshte nje reformator i mire i institucioneve te mykyra Shqiptare dhe me shembullin e tij te nje politikani modern mund te frymezohen dhe te tjere. Ai eshte nismetari i zinjxhireve te teatrove "Millenium" qe eshte vetem nje pjese shume e vogel e asaj qe ai ka bere ne karrieren e tij aktuale politike ne Shqiperi.

Shto ketu dhe parate qe ka futur ne xhep nga ankandet e bera per rruget e Tiranes, dhenie lejesh ndertimi, apo rinovimin e godines se bashkise.

[erzeni]

Gaz55 tregon se:

"Pse takoheshin në "Prince Park" Klosi dhe Edi Rama?

Nuk kanë qenë një por disa, takimet e Edi Ramës me Fatos Klosin në "Prince Park". Ky ishte një lokal që Klosi si shef i SHIK-ut e kishte gati si zyrë dhe shumëkush thoshte, se e ka lokalin e vet. Në të vërtetë, lokali ka shërbyer për shumë takime politike, Klos-Gjinush-Meidan, etj... Gjithkush, i ditur apo i paditur e konsideron shumë të fortë pronarin e "Prince Park", cilido që të jetë ai, sepse arriti që të marrë leje për një sipërfaqe të pazakontë dhe në një vend gjithashtu, të pazakontë. Kjo është tema e parë e Klosit me Edi Ramën. Ish-drejtori i SHIK-ut, është protagonisti i nxjerrjes se lejeve e të shkresave për ta ndërtuar. Por përse do ta pranonte Edi Rama këtë? Pse do t'ia zbatonte Klosit këtë kërkesë? Natyrisht, Klosi nuk e paguan Ramën!

Në të vërtetë Klosi, për shkak të detyrës, zotëronte disa të dhëna rreth Edi Ramës, qofshin të shkuara, qofshin aktuale, nga detyra e kryetarit të bashkisë. Prandaj ai e ushtronte me kujdes pushtetin mbi Ramën. Pastaj marrëdhëniet e lokalit me pronarin ishin raporte që i duheshin Klosit.

Ndërkaq, temë tjetër e takimeve ishte ushqimi i Edi Ramës me zellin e formulën e sulmit e të luftës kundër Berishës. Askush më shumë se grupi i Klosit, nuk ka qenë i interesuar për spastrimin e Berishës nga politika shqiptare. Mirëpo qoftë Meidani, qoftë Klosi, nuk e kishin mundësinë e sulmeve publike. Atëhere, ata lanë shefin e tyre ta udhëhiqte këtë çështje, pra Gjinushin dhe ndërkaq, shihnin tek Edi Rama një qendërsulmues të suksesshëm për projektet e tyre politike.

Ata, nga ana tjetër, për ta bërë të natyrshëm sulmin e Ramës mbi Berishën, i premtuan atij mbështetje jo vetëm për rizgjedhje, por për zhvillime të mësipërme drejt postit të kryeministrit, apo nxjerrjes në pozita të favorshme politike, më qartë shndërrimin e tij (Ramës), në udhëheqës partie. Takimet në "Prince Park" kanë shërbyer edhe për sulme mbi Nanon, apo ndonjë drejtues tjetër të Partisë Socialiste. Por, siç dihet, ky lloj trafikimi influencash me origjinë nga Klosi e grupi Gjinushi, është ektremisht sektar dhe konservator. Prandaj pozicionet e Edi Ramës kanë qenë vazhdimisht të përndezura deri në çekuilibrim dhe sigurisht, asnjëhere nuk kanë qenë realisht në favor të tij. Po t'i kthehet Rama gjithë bisedave e shijeve të Klosit do ta kuptojë se, megjithëse ka pësuar boll humbje, ka shpëtuar mirë.

Në qoftë se Meidani, Gjinushi i japin mbështetje dhe e nxitin Ramën për rikandidime dhe "fitore" të reja, kjo shkurton karrierën e Ramës. Sigurisht, shton pikëpyetjet për Ramën.

Më mirë në "Prince Park", me dikë tjetër!
.........


Mos u cudisni kur nji dite te bukur te shikoni se Mafia (ose PS e sorrollopi rreth saje) ti thote Nanos ik mbushu se ne e kemi gjetur tashme "Enverin tone" ne Dymetroshin edush ramushi.

Me sa duken Bathet.. Edi do jete kryetari ardhshem i PS.