Qeveria: Moratoriumi i skafeve zgjatet me tre vite te tjera

[altint71]

E vertet ajo qe thua plag e rende shum familje ka shenuar,madje nje kusherir te nuses time martuan me dasem te madhe e perfundoj qe e kan there dhe me copa e fut ne qese plasmasi.
E ishte brezi juaj si prinder beshit nje su qorr e nje vesh shurdh apo si interesonte nga vinin ato lek kur femit tuaj binin lek me preardhje nga veprimtari te tilla.
Por Brari duhet ta kesh me shum largepamesi e analizosh me mire.
Iku ajo kohe kur femnat u rrenin fare let o u mashtronin.
Ne 1995 u mbushen rruget ketu tek ne dhe po te shohesh me mire vitin flitet per shum me vone.
Ka vite qe femrat tona jane zgjuar,jemi ne vend te parene ballkan ku shumica vajzava ka raportin e pare 13 vjec.
E me duket se ketu qite ne pah nje tjeter problem qe berisha ne ato vite smundi ti ndalonte keto krime barbari,e brari brari ,si do je simpatik-)

[violativo]

Doktori jo vetem qe noton mire por noton edhe per dy ore pa pushim :-).

Jo vetem kaq , por njeh dhe hipizmin ! Ai ka qene "kavalier" (me fal , kalores desha me than !) qe ne rini , kur i hipte kalit te kooperatives ! Eshte familje me origjine fisnike dhe njeh jo vetem popullsine , por dhe gjeografine dhe rendesine dhe administrimin e tyre !

Shkurt eshte figure e Madhe ! Kuptohet e krimit , injorances , babezise , hajduterise dhe sidomos perversitetit antinjerezor !

[BlueBaron]

Viola, une doja te shtoja vetem dicka te vogel.

Sala eshte figura e vetme qe i vjen hakut komplet PS dhe Vrromes ne veçanti. I ben te flasin me vete. Aktualisht mendoj se edhte personi i vetem qe mund te administroje harbuterine dhe kafsherine qe karakterizon klanin enveristo-stalinist qe gelon ne rradhet e PS ...

[BlueBaron]

Edhe i thoni atij varkarit apo skafistit qe paska shkruar ate referatin, kush di not nuk ka nevoje te shese p0rdhe siper skafit ...

[Brari]

OPINION

55


Kur themi skaf

07-04-2012 / Nga Qemal Sakajeva

Kur themi skaf, nënkuptojmë gomone. Janë dy emra të tejpërdorur, për të njëjtin mjet lundrimi. Përmendja, e skafit apo gomones, na e kthen kujtesën tetë vite pas, te flotilja-taksi e krimit të organizuar, përmes Kanalit të Otrantos, nën qeverisjen e gjatë të socialistëve. Pakkujt, ndër ne, gomonia ia çon mendimin te skafi, si mjet lundrimi për turizëm. Ky vjen gati-gati, si në skeçin e dikurshëm, me punëtorin e babëzitur të magazinës së paketimit të ushqimeve, i cili hante abuzivisht e fshehtësisht dhe, sa herë shqiptohej fjala “sheqer”, i binte alivani nga gërrdia e ngrënies me tepri. Kujtimi tragjik nga gomonet dhe opinioni famëkeq mbi skafet, ende nuk janë varrosur. Qeveria, ndër veprimet më të para, qysh në mandatin e parë, kundër krimit të organizuar pati ndërmarrë vendosjen e moratoriumit për ndalimin e përdorimit të skafeve. Opozita ka qenë kundër, atëherë, më pas, dhe tani, kur sapo ka propozuar në Kuvend një amendament, për të shfuqizuar moratoriumin. Arsyetimi i drejtpërdrejt i saj ngjan i thjeshtëzuar: ky ndalim është i tejzgjatur dhe dëmton turizmin. Por opozita nuk thotë më shumë, as nuk i intereson të futet më thellë, nga që synon të krijojë kapital politik nga problemi.
Ndaj moratoriumit, politika e çdo krahu qoftë, duhet të shfaqet hapur dhe të sillet e moralshme. Ndalimi ishte dhe mbetet një masë ligjore e ashpër, ndaj të cilës opozita duhet të ndërtojë qëndrimin njëlloj sikur ajo të gjendet në pushtet. Është e kotë pyetja, pse qeveria vendosi moratoriumin ndaj përdorimit të skafeve, për një afat kohor të pacaktuar. Edhe opozita që e kundërshtoi, do të kishte qenë e detyruar të miratonte moratoriumin nëse do të vazhdonte në pushtet. Ajo mund të mos e merrte masën e ndalimit nga interesat e saj, përderisa i kishte lejuar skafet të formonin një flotilje të shpejt të krimit, por do ta kryente ndalimin, e detyruar nga trysnia e madhe ndërkombëtare, të cilët vuanin pasojat e krimit që vinte nga Shqipëria.
Në këtë përplasje qëndrimesh, pozita për të ndaluar krimin e organizuar përmes ujërave detare, dhe opozita për të fituar kapital elektoral, të vërtetat duhet të thuhen hapur e të pranohen hapur. Qeveria u tregua e përgjegjshme ndaj interesave të vendit dhe marrëdhënieve me shtetet fqinj, duke i dhënë fund krimit nëpërmjet një mase drastike. Ajo e di që, ndalimi i përdorimit të skafeve nuk është diçka e dëshiruar prej saj, por e di gjithashtu se, ishte dhe ende mbetet një veprimi i domosdoshëm, për ta mbajtur Shqipërinë të mbrojtur nga krimi i organizuar dhe për të qenë të bashkëpunues me fqinjët tanë, për të mos eksportuar drejt tyre krim. Qeveria, duke qenë e pagatshme për heqjen e moratoriumit edhe pas shtatë vitesh nga vendosja e tij, nuk shpërfaq paaftësi, përkundrazi ajo është e drejtpërdrejt dhe e hapur: njeh pamundësinë e shtetit në këtë përballje detare. Shqipëria nuk i kontrollon dot ujërat në një vijë të gjatë bregdetare, për të mos lejuar gjallërimin e krimit që përdor mjete super të shpejta lundrimi. Qeveria e ka goditur rreptë krimin e organizuar në tokë, por kjo nuk do të thotë se ai nuk gjallërohet menjëherë sapo të dalë në det. Skafet nuk janë mjete që gjinden në Hënë, ato ndodhen të përkuara dhe, brenda një dite do të mbushnin brigjet, nëse hiqet moratoriumi. Vendi ka bërë hapa të rëndësishëm zhvillimi, por ende nuk ka krijuar atë standard pengues ndaj përpjekjeve për përfitim të shpejtë kriminal. Shteti ynë nuk ka mjete, detare dhe ajrore, si dhe logjistikë tjetër të domosdoshme, për t’i mbajtur ujërat nën kontroll të plotë dhe për të kapur çdo mjet që përpiqet të kryej lundrim për qëllime të paligjshme. Janë këto arsye, që e detyruan kryeministrin Berisha të kundërshtojë propozimin e socialistëve, për miratimin në Kuvend të një amandamenti kundër moratoriumit. Ai tha se, “… vënia në lëvizje e industrisë së skafeve do të ishte një rikthim i fuqishëm i flukseve kriminale drejt bregut tjetër të Adriatikut”.
Kurse opozita tjerr vetëm një argument, duke përsëritur që, ndalimi i skafeve dëmton turizmin. Qeveria, përgjegjëse për zhvillimin e turizmit, e di këtë fort mirë këtë, por i shqiptoi opozitës një kundërargument: edhe me skafe nën moratorium, turizmi është rritur 12 herë. Qeveria dha dhe një tjetër kundërargument: gjatë gjithë këtyre viteve të rritjes domethënëse të turizmit shqiptar, opozita asnjëherë nuk e ka pranuar rritjen reale të tij, përveç rritjes së hamendësuar që do të vinte nga nxjerrja e skafeve në Adriatik dhe Jon. Nëse opozita do të ishte e hapur, do të mjaftonin vetëm pak përgjigje të drejtpërdrejta për pyetjen: Sikur opozita të ishte në pushtet, si dhe me çfarë do t’i kontrollonte brigjet, nga grykëderdhja e Bunës deri në Butrint, dhe si do t’i ndalonte skafet e krimit të organizuar, sepse Shqipëria është në NATO, është me kufij të hapur dhe është në vitin e dytë të lëvizjes së lirë me vendet e Bashkimit Europian? Nën këto detyrime madhore, të brendshme - ndaj qytetarëve për të mbrojtur të drejtën e lëvizjes së lirë dhe mbajtjen e vendit jashtë kthetrave të krimit të organizuar, si dhe detyrimeve të jashtme - një vend i NATO-s nuk mund të jetë edhe i trafikimit drejt fqinjëve me kufij të përbashkët detarë, të cilët do të merrnin kundërmasa të ashpra, kjo opozitë që bërtet për heqjen e moratoriumit, nëse do të qeveriste vendin, a do të ishte pikërisht ajo që nuk do ta hiqte moratoriumin, duke e arsyetuar si një veprim ende të parakohshëm? Kërkesa e përsëritur për heqjen e ndalimit, nuk është tjetër gjë veçse politikë për kapital parazgjedhor. Në fund të fundit, si pozita dhe opozita, kur ndërmerret një veprim si ky, pavarësisht cila qeveris, duhet t’i japë përgjigje pyetjes: Nga mos heqja e moratoriumit, më shumë fitohet apo humbet? Nga heqja e moratoriumit, më shumë humbet apo fitohet? Për pyetjen e parë përgjigja është e thjeshtë: më shumë fitohet, sepse nuk dëmtohet imazhi i Shqipërisë që do të frenonte investimet e huaja, mbrohet lëvizja e lirë e qytetarëve me Bashkimin Europian dhe krimi i organizuar mbahet nën fre. Për pyetjen e dytë përgjigja është gjithashtu e thjeshtë: Shqipëria më shumë humbet se sa fiton, sepse mund të ketë ca të ardhura nga turizmi me skafe, por krimi do ta fuste vendin ndër kthetra dhe pasojat do të vinin zinxhir, të cilat, për t’i ditur, mjafton të kthehet kryet tetë vite të shkuara, kur në qeverisje ishin socialistët.

[Albo]

Kur qeveria Berisha erdhi ne pushtet ne 2005, nje nga nismat e para qe mori, ishte vendosja e moratorium te gjitha varkave motorike ne det. E beri kete gje, pasi ne ato vite, 7 vjet me pare, Shqiperia njihej ne Evrope si "Kolumbia Evropiane", ku skafistet shqiptare kontrabandojne: droge, refugjate e prostituta ne brigjet italiane. Ky ishte mesazh i qarte i qeverise Berisha per shqiptaret skafiste qe i vuri ne shenjester dhe klanet e tyre, dhe per fqinjin italian: ndryshe nga paardhesit e mi ne pushtet, une e kam marre seriozisht luften kunder droges e skafisteve. Te gjithe shoket deputete socialiste (shume prej tyre me interesa direkte ne keto klane), dolen e thane se "duam te hipim ne varka kur pushojme ne Adriatik e Jon". Thane edhe qe pushuesit e huaj nuk do vijne te pushojne ne Shqiperi me kete ligj ekstrem qe qeveria e parlamenti nxorri.

7 vjet me vone, skafistet jane nje histori e vjeter, nuk degjon me per skafe e skafiste te kapur ne brigjet italiane. Dhe numri i turisteve te vendit e te huaj, eshte rritur ne ate mase, sa Shqiperia ne dy vitet e fundit ka qene ne listen e 10 destinacioneve me te preferuara te turizmit te botes.

Kur Shqiperia te kete fituar luften me drogen, kur fshataret e Shqiperise te mos rrisin me kanabis ne parcelat e tyre dhe kur rinia shqiptare te mos zgjedhi qe te behet korrier droge si profesion, kur veshet e syte te mos na degjojne me per arrestime shqiptaresh ne bote te implikuar ne trafiqe droge, atehere qeveria shqiptaret mund te heqi edhe moratoriumin e mjeteve lundruese.

Albo

[Brari]

edhe motorret e ujit duhen ndaluar..
1- se vrasin njerez
2-se e qelbin ajrin ne bregdet ku pikerisht ai ajri eshte lezeti e keta e bejne era benzin..
3-se ne breg njeriu do qetesi e jo ankth zhurmash motoresh qe te japin gjendjen e ankthit te makinave ne rruge..
4-se ne bregdet burri i vertet tregon muskujt qe i ka formuar ne notim.. jo cmendurin se i jep motorrit me benzin..

dhe 5- pra na duall ki dritan hilua i rudines.. se xhunges se tos klosit.. te top qanallit.. te edvinit te cakul braces.. shkronjes me porosi i skafo mafies..

hmm.

po sa bukur babezine e skafomafise.. e kish maskuar ki dritan diplomat hila.. me poezite e homer iliado penelopo odise historise..

cfar mjeshtrash..
ta shesin sorren per fazan..

prandaj pis mileti i ka xhan..

[altint71]

Un nuk jetoj atje,keshtu qe situazionin e qarte se kam shum.
Ky artikulli iketij Qemalit qe ka pruri brarija eshte ezaurient .
Lexoj qe edhe skafat per gara nuk lejohen.
urojj qe velat te lejohen!!!!!.
Un vdes per det e liqen e jam nga personat qe nuk zej ven ne ron,per mu eshte e veshtir me e pranu nje ligj te tille po ca do bosh.Ligji esht ligj.
Po desha me hy ne shqiperi duhet me llogarit dhe kete ristrizion.

[violativo]

Un nuk jetoj atje,keshtu qe situazionin e qarte se kam shum.
Ky artikulli iketij Qemalit qe ka pruri brarija eshte ezaurient .
Lexoj qe edhe skafat per gara nuk lejohen.
urojj qe velat te lejohen!!!!!.
Un vdes per det e liqen e jam nga personat qe nuk zej ven ne ron,per mu eshte e veshtir me e pranu nje ligj te tille po ca do bosh.Ligji esht ligj.
Po desha me hy ne shqiperi duhet me llogarit dhe kete ristrizion.

Jo moreee na rroke ne det ti ! Yyyt aty ! Ne mal te shkosh e te rrosh ashtu si ben udheheqsi ine i shqyer Brarija ! Dashke te zhvillosh edhe bregdetin zotrote ! Aty te rrish si qen ! S'ka argetim dhe as turizem ...! Dashke jete dhe lek ti !

[skender76]

Pershnetje,

Desha ndonje informacion, mundesisht sa me te sakte, per Moratoriumin e skafeve.

Jam i interesuar per motoret e ujit, nese lejohen dhe ne çfare kushtesh.

Eshte nje vendim qeverie i 2010, por nuk e di nese zbatohet, apo ka dale ndonje vendim tjeter.





Moratoriumi i skafeve, qeveria lejon disa mjete që të lundrojnë në det
Transmetuar më 12.05.2010 18:39




Tiranë, 12 maj, NOA – Motorët e ujit, apo mjete
lundruese që janë në përdorim të ministrive etj, do të lejohen të lundrojnë në detet
shqiptare, megjithë kufizimet që parashikon ligji ende në zbatim i moratoriumit
të skafeve, i miratuar që në vitin 2004 dhe i ripërtërirë nga qeveria Berisha.

Kështu, sipas një vendimi të sotëm të qeverisë,
lejohet që të qarkullojnë në ujërat tona territoriale mjetet lundruese, në
përdorim të organeve shtetërore, si Presidenca, ministria e Mbrojtjes, ajo e Brendshme
etj; si edhe ato në shërbim të porteve.

Por qeveria lejon edhe lundrimin e mjeteve të
destinuara për peshkim, të klasifikuara si të tilla përmes Regjistrit Detar
Shqiptar, duke përfshirë këtu edhe mjetet që shërbejnë për transport
mallrash, me të njëjtat kritere klasifikim.

“Por do të lejohen të lundrojnë edhe mjetet që
shërbejnë për transport pasagjerësh, të klasifikuara nga Regjistri Detar
Shqiptar si të tilla”, parashikon vendimi i qeverisë.

Në fund, ai shton se edhe motorët e ujit, do të
lejohet të lundrojnë në detet shqiptare, por në një distancë jo më të vogël se
100 - 300 metra dhe jo më larg se 1 milje nga bregu.Vendimi i plotë:

V E N D I M

PËR

MJETET MOTORIKE
LUNDRUESE QË LEJOHEN TË QARKULLOJNË NË ZBATIM TË MORATORIUMIT “PËR MJETET
MOTORIKE LUNDRUESE TË REPUBLIKËS SË SHQIPËRISË”

Në mbështetje të
nenit 100 të Kushtetutës, të neneve 1 e 3, të ligjit nr.10220, datë 4.2.2010,
“Për shpalljen e moratoriumit për mjetet motorike lundruese të Republikës së
Shqipërisë”, të ligjit nr.9251, datë 8.7.2004, “Kodi Detar i Republikës së
Shqipërisë”, të ligjit nr.9861, datë 24.1.2008, “Për kontrollin dhe mbikëqyrjen
e kufirit shtetëror”, të ligjit nr.8663, datë 18.9.2000, “Për regjistrimin,
klasifikimin, mënyrën e përdorimit dhe kontrollin e mjeteve lundruese me motor,
me tonazh nën 20 NT”, dhe të ligjit nr.8652, datë 31.7.2000, “Për organizimin
dhe funksionimin e qeverisjes vendore”, me propozimin e ministrit të Brendshëm,
Këshilli i Ministrave

V E N D O S I:

1. Lejimin e
mjeteve motorike lundruese me flamur të huaj dhe/ose në pronësi të personave a
të subjekteve të huaja, si dhe të mjeteve motorike lundruese shqiptare, të përfshira
në kategoritë e mëposhtme, të qarkullojnë në ujërat territoriale dhe të
brendshme të Republikës së Shqipërisë.
a) Mjetet motorike lundruese, në përdorim të organeve shtetërore, si më
poshtë vijon:

i. Presidentit
të Republikës;
ii. Kryeministrisë;
iii. Ministrisë së Mbrojtjes;
iv. Ministrisë së Brendshme;
v. Ministrisë së Financave;
vi. Ministrive të tjera dhe institucioneve në varësi të tyre, kur këto
mjete përdoren brenda veprimtarive të lejuara në Kodin Detar dhe sipas
marrëveshjeve dy ose shumëpalëshe, në të cilat Republika e Shqipërisë është
palë.

b) Mjetet
motorike lundruese që përdoren në shërbimin portual, ku bëjnë pjesë:

i. mjetet
motorike lundruese në pronësi ose në përdorim të ndërmarrjes së mjeteve të
shërbimeve detare dhe të subjekteve private, të pajisura me leje për shërbimet
portuale nga Ministria e Punëve Publike dhe Transportit;
ii. mjetet në përdorim të porteve.

c) Mjetet
motorike lundruese të destinuara për peshkim, ku bëjnë pjesë mjetet motorike
lundruese, të cilat kanë fituar klasin si mjete peshkimi, nëpërmjet Regjistrit
Detar Shqiptar, dhe që janë të regjistruara si të tilla në regjistrin e mjeteve
të peshkimit, në mbështetje të ligjit nr.7908, datë 5.4.1995, “Për peshkimin
dhe akuakulturën”.
ç) Mjetet motorike lundruese që
shërbejnë për transport mallrash, ku bëjnë pjesë mjetet që kanë fituar klasin
për transport detar mallrash, nëpërmjet Regjistrit Detar Shqiptar, dhe që janë
pajisur me leje nga Ministria e Punëve Publike dhe Transportit.
d) Mjetet motorike lundruese që shërbejnë për transport pasagjerësh, të
klasifikuara nga Regjistri Detar Shqiptar për transport pasagjerësh dhe të
licencuara për këtë veprimtari nga Ministria e Punëve Publike dhe Transportit.
dh) Motorët e ujit, të cilët vihen në
përdorim në përputhje me përcaktimet e këtij vendimi.

2. Në kuptim të
shkronjës “dh”, të pikës 1, të këtij vendimi, “Motorët e ujit” janë mjete
rekreative (çlodhëse), të cilat vihen në lëvizje me anë të një motori turbo, i
përshtatshëm për të lëvizur me shpejtësi të madhe. Për këta motorë veprohet, si
më poshtë vijon:

a) Në funksion të lejimit të përdorimit të
tyre, zbatohen dispozitat e mëposhtme:

i. Këto mjete
lundruese, pasi regjistrohen dhe pajisen nga Kapiteneria e Porteve me lejen e
lundrimit, regjistrohen në Drejtorinë Rajonale të Kufirit dhe Migracionit, në
Policinë e Shtetit, ku dhe pajisen me certifikatën e përdorimit të mjetit
lundrues. Këto akte vërtetojnë përshtatshmërinë e gjendjes teknike të mjetit
dhe plotësimin e të gjitha kritereve të përdorimit të përcaktuara në këtë
vendim dhe në urdhëresën e njësisë përkatëse të qeverisjes vendore, të nxjerrë
sipas shkronjës “b”, të pikës 2, të këtij vendimi.
Kapiteneria e Porteve, si dhe Drejtoria Rajonale e Kufirit dhe Migracionit, sa
herë që lëshojnë ose refuzojnë aktet administrative të sipërpërmendura,
njoftojnë institucionin tjetër, si dhe njësinë përkatëse të qeverisjes vendore
të vendit ku kryhet veprimtaria, duke u dërguar bashkëlidhur kopje të praktikës
dhe të vendimit të marrë.
ii. Strukturat e Kufirit dhe Migracionit në Policinë e Shtetit, si dhe ato
të policisë së bashkisë/komunës përkatëse, mbikëqyrin veprimtarinë e përdorimit
të mjeteve dhe, sa herë që vërejnë shkelje të kritereve të përdorimit, zbatojnë
sanksionet e parashikuara me ligj, si dhe njoftojnë Kapitenerinë e Porteve,
duke propozuar ose duke ndërmarrë, sipas kompetencave, pezullimin a revokimin e
lejes së lundrimit dhe/ose të certifikatës së përdorimit.

b) Njësitë e qeverisjes vendore nxjerrin
urdhëresa të posaçme për kriteret e përdorimit të motorëve të ujit, të cilat
duhet të trajtojnë çështje specifike për këta motorë dhe të jenë në përputhje
me rregullat e caktuara më poshtë:

i. Mjetet të
përdoren nga shtetas me zotësi të plotë për të vepruar (të aftë fizikisht dhe
mendërisht e që kanë mbushur moshën 18 vjeç).
ii. Të përcaktohet orari i përdorimit të motorëve të ujit;
iii. Zonat (vendet) e përdorimit të motorëve të ujit të jenë të shënuara
në mënyrë të dukshme me shënues të veçantë, ku të tregohen edhe korridoret e
hyrjes dhe të daljes nga deti dhe distancat e ushtrimit të lundrimit;
iv. Përdorimi i motorëve të ujit të lejohet në një distancë jo më të vogël
se 100 - 300 metra (sipas thellësisë së ujit) dhe jo më larg se 1 milje nga
bregu;
v. Largimi dhe afrimi në breg të bëhet me shpejtësi të reduktuar 4 nyje;
vi. Të mos lejohet afrimi i motorëve të ujit në një distancë më të vogël
se 200 metra tek mjetet e tjera lundruese që janë në lundrim, në spirancë, në
radat e porteve detare, etj.;
vii. Personat që kanë në pronësi dhe në përdorim mjet lundrues (motor
uji), mbajnë përgjegjësi për:

- bërjen të
njohur përdoruesve të rregullave e të kritereve të përdorimit të mjetit;
- mbajtjen nën kontroll, si nga pikëpamja vizuale, ashtu edhe nëpërmjet
komunikimit e komandimit në distancë të mjetit, gjatë gjithë kohës së lëvizjes
së lëvizjes së tij;
- pajisjen e veshjen e përdoruesve me mjetet e shpëtimit.

c) Urdhëresat e nxjerra nga njësitë e
qeverisjes vendore, si dhe çdo ndryshim i bërë në to, u njoftohen Kapitenerisë
së Porteve, Drejtorisë Rajonale të Kufirit dhe Migracionit, në Policinë e
Shtetit, dhe Rojës Bregdetare.

3. Ngarkohen
Policia e Shtetit, Kapiteneria e Porteve, Roja Bregdetare dhe njësitë e
qeverisjes vendore për zbatimin e këtij vendimi.

Ky vendim hyn në fuqi pas botimit në “Fletoren
zyrtare”.

K R Y E M I N I S T R
I

SALI BERISHA



n.e/NOA