Miratohen kuotat e pranimeve në universitete

[shtrigaa]

Tiranë, më 5 prill 2006

NJOFTIM PËR SHTYP


Miratohen kuotat e pranimit dhe tarifat e shkollimit për pranimet në universitete

“Sot Këshilli i Ministrave miratoi kuotat e pranimit dhe tarifat e shkollimit për pranimin në universitete për vitin akademik 2006-2007”,- tha ministri i Arsimit dhe Shkencës z. Genc Pollo gjatë një konference për shtyp.
Në përgatitjen e këtij Projektvendimi dhe në shpërndarjen e kuotave të pranimit, Ministria e Arsimit dhe e Shkencës është mbështetur në Programin e Qeverisë për të rritur numrin e kuotave të pranimit në shkollat e larta në mënyrë të vijueshme, duke shfrytëzuar në maksimum të gjitha kapacitetet fizike, akademike e administrative të Universiteteve dhe të shkollave të larta. Ajo ka marrë parasysh edhe propozimet e Universiteteve e Shkollave të Larta, mbështetur në hapësirën fizike të auditorëve dhe në ngarkesën mësimore shkencore të profesoratit.
Këtë vit akademik 2006-2007 do të ketë kuota kryesore, dytësore, kuotat për shqiptarët jashtë trojeve të Republikës së Shqipërisë, kuotat për degë të dytë, kuota për vite të ndërmjetme, kuota për shtresa të vecanta sociale si edhe kuotat për studentët e huaj
Kuota totale e pranimeve të reja në shkollat e larta për sistemin me kohë të plotë (ose me shkëputje nga puna), këtë vit akademik 2006-2007, është planifikuar të jetë 8 440 studentë.

“U përpoqëm që në kuadër të liberalizimit te hyrjes ne universitete të miratojmë maksimumin e kuotave të pranimit duke hequr numrin e mbyllur të pranimit në 38 degë, nga 77 që kanë universitetet tona”- vijoi ministri.
Më konkretisht pranimet e reja për vitin akademik 2006-2007 janë liberalizuar për shumicën e degëve si:

- Në Universitetin e Gjirokastrës në degët Histori-Gjeografi, Gjuhë dhe Letërsi Greke, Matematikë Informatikë, Administrim Publik.
- Në Universitetin e Shkodrës në degën Histori-Gjeografi.
- Në Universitetin e Elbasanit në degën Edukim Qytetar.
- Në të gjitha shkollat e larta dhe universitetet në degët Frëngjisht, Italisht, Gjermanisht.
- Në Universitetin e Tiranës në degët Gjuhë Sllave-Ballkanike, Matematikë, Fizikë, Kimi, Kimi Teknologjike dhe Ushqimore, Kimi Industriale.
- Në të gjitha shkollat e larta dhe universitetet në degët mësues për Ciklin e Ulët, mësues për Ciklin Parashkollor.
- Në universitetet rajonalë në degët Matematikë-Fizikë, Biologji-Kimi.
- Në Universitetin e Vlorës në degët Teknologji Informacioni, Inxhinieri Detare, Navigacion.
- Në universitetet rajonalë në degët Administrim-Biznes, Ekonomiks, Financë, Turizëm, Marketing.
- Në Universitetin Politeknik në degët Mekanikë, Tekstil, Gjeologji.
- Në Universitetin Bujqësor në degët Agronomi, Hortikulturë, Zootekni, Teknologji Agroushqimore e Vreshtari.
Përvoja e viteve të kaluara akademikë ka treguar që në këto degë nuk është realizuar kuota e planifikuar. Për këtë arsye ato janë të lënë me numër të hapur dhe nuk janë planifikuar kuota pranimi. Në degët e liberalizuara dhe me numër të hapur, parashikohet që numri i kandidatëve që përfitojnë në vitin e ri akademik 2006 - 2007 t’i kalojë të 11.000 vetave.

Për kandidatët shqiptarë nga Kosova, Maqedonia, Mali i Zi dhe nga Presheva, Medvegja e Bujanovci këtë vit akademik, kuota parashikohet të jetë 309.

Për sa i përket tarifës së shkollimit ministri tha se: “Gjithashtu edhe në kuadrin e një politike arsimore që synon modernizimin e sistemit financiar dhe rritjen e përgjegjësisë e përkushtimit nga të gjitha palët në universitet dhe në kuadrin e një politike më të drejtë sociale, kemi propozuar si ministri dhe u miratuan sot ne Keshill te Ministrave tarifat e shkollimit të diferencuara.”
Tarifa vjetore e shkollimit për studentët e vitit të parë akademik 2006-2007 do të jetë e ndryshme në varësi të degës dhe universitetit përkatës. Në vendosjen e kësaj tarife të diferencuar kemi parasysh koston për student, kërkesat e kandidatëve dhe formimin e studentëve i cili është i niveleve të ndryshme në varësi të kualifikimit të stafit akademik. Në vitin e dytë dhe në të gjitha vitet e tjera të studimit, tarifa e shkollimi propozohet të jetë sa edhe në vitin e kaluar akademik 2005-2006, pra 12.000 lekë.
Janë stimuluar degët e Mësuesisë, për të cilat zhvillimi arsimor i vendit ka shumë nevojë. Tarifa e shkollimit është parashikuar më e lartë në ato degë studimi ku edhe përfitimi, pas marrjes së diplomës, do të jetë më i madh në Tregun e Punës.

Tarifa vjetore e shkollimit për studentët që do të regjistrohen në kursin e parë të vitit akademik 2006-2007 do të jetë:

I. Në Universitetin e Tiranës:
1.Në Fakultetin e Shkencave të Natyrës 15.000 lekë
2. Në Fakultetin e Gjuhëve të Huaja 15.000 lekë
3. Në Fakultetin e Drejtësisë 30.000 lekë
4. Në Fakultetin e Shkencave Sociale 30.000 lekë
5. Në Fakultetin e Mjekësisë:
5.1. Në degën e Mjekësisë 25.000 lekë
5.2. Në degën e Farmacisë 30.000 lekë
5.3. Në degën e Stomatologjisë 30.000 lekë
6. Në Fakultetin e Infermierisë 25.000 lekë
7. Në Fakultetin e Histori- Filologjisë 20.000 lekë
8. Në Fakultetin e Ekonomisë 25.000 lekë

II. Në Universitetin Politeknik:
1. Në degën Arkitekturë 30.000 lekë
2. Në degën Ndërtim 25.000 lekë
3. Në degën Elektrikë 20.000 lekë
4. Në degën Elektronikë 20.000 lekë
5. Në degët e tjera 15.000 lekë

III. Në Akademinë e Arteve:
1. Në degën regji filmi 80.000 lekë
2. Në degët e tjera 30.000 lekë

IV. Në Akademinë e Edukimit Fizik dhe Sporteve “Vojo Kushi” : 20.000 lekë

V. Në Universitetin Bujqësor:
1. Në degën Drejtim Fermash dhe Agrobiznes 20. 000 lekë
2. Në degën Ekonomi dhe Politikë Agrare 20.000 lekë
3. Në degën Inxhinieri Pyjesh 20.000 lekë
4. Në degën Inxhinieri e Përpunimit të Drurit 20.000 lekë
5. Në degën Veterinari 20.000 lekë
6. Për të gjitha degët e tjera 15.000 lekë

VI. Në Universitetin e Elbasanit:
1. Në degën Gjuhë-Letërsi 15.000 lekë
2. Në degën Gazetari 15.000 lekë
3. Në degën Punë Sociale 15.000 lekë
4. Në degën Psikologji 15.000 lekë
5. Në degët e tjera 12.000 lekë

VII. Në Universitetin e Gjirokastrës: 12.000 lekë për të gjitha degët.

VIII. Në Universitetin e Korçës: 12.000 lekë për të gjitha degët.

IX. Në Universitetin e Shkodrës:
1. Në degën e Drejtësisë 16.000 lekë
2. Në të gjitha degët e tjera tarifa të jetë 12.000 lekë

X. Në Universitetin e Vlorës:
1. Në degën e Drejtësisë 20.000 lekë,
2. Në degën e Gjuhë – Letërsisë 15.000 lekë
3. Në degën Pedagogji e Specializuar 15.000 lekë
4. Në të gjitha degët e tjera 12.000 lekë

XI. Në Universitetin e Durrësit: 15.000 lekë për të gjitha degët.

10. Tarifa vjetore e shkollimit për studentët e viteve të tjera më të larta të jetë 12.000 lekë

Për vitin e ardhshëm akademik 2006-2007 në çdo degë, 5 (pesë) studentët me rezultatet më të larta nga mesatarja e shkollës së mesme dhe provimet e maturës shtetërore, nuk do të paguajnë tarifë shkollimi:
“Në kuadrin e formimit të grupeve të ekselencës, studentët më të mirë të çdo dege, Fakulteti të renditur sipas rezultatit te Maturës Shtetërore dhe mesatares së shkollës së mesme, të paguajnë një tarifë shkollimi 0, për t’i stimuluar në arritjet që ata kanë patur me këtë matës. Kjo vlen vetem per vitin e pare qe mbaron maturen ne vere dhe fillon universitetin ne vjeshte.”- tha ministri Pollo.