LETERKEMBIM SURROI- DEMACI

[Brari]

..mbas atyne rreshtave bindu vet se une per vehte ala skam qen ne franc se as kam qen bllokmen me pas viz franceze qe ne koh te ramiz-enverit e as hajdut sot si mandela i elbasanit me marr letrat ne franc as hajdut demo-socialist si genc rulat e klosat me ed maza e me ed rama qe jan spiuna me sorollop.

perktheji..mos prito he burr ato tre rreshta.

[kosovar]

Brari,

Ata tre, kater rreshta jane te perkthyer qe ne fillim. Shiko mire me se pari i kam shkruar shqip, pastaj i kam dhene versionet ne gjuhet tjera.

Nëse do ta dergoj artikullin e përkthyer shqip prej 4 faqe shkrim te formatit A4.

Shnet

[Albanino]

Liria dhe joliria



Pergjigje letres se Veton Surroit
Nga Adem Demaqi



Veton Surroi - "kallauzi" i politikes kosovare



Nje leter teper e gjate, e cila megjithese eshte e shkurtuar shume, mbetet nje nga pjeset e debatit te hapur, tek shqiptaret e Kosoves, per pasojat e Rambujese. Figura e njohur e jetes kosovare, Adem Demaci, qe ka jetuar gati nje te treten e jetes se tij ne burg, i pergjigjet njerit prej firmetareve te Mareveshjes se Rambujese. Nje pergjigje pa dorashka, e cila i vendos te dy figurat, dikur shume prane njeri-tjetrit, ne dy kampe te kunderta, per sa i perket vizionit mbi Kosoven



Adem Demaci



Nuk kam dyshuar se nje dite te bukur, ti e une, do te hyjme ne dialog. Ja, tash edhe "letra" jote maratonike "baces" Adem, ne gazeten tende superprivate. Ne kete "leter", z. Veton, ka shume ofendime, shpifje, trillime dhe perpjekje te vrazhda per te me "shkaterruar" si njeri, si personalitet (deshe ti apo s'deshe) dhe si aktivist i palodhshem dhe me "stazh" me te gjate te burgjeve ne perpjekjet tona per clirimin e pavaresine e Kosoves.



Mirepo, une nuk jam zemeruar e as nuk zemerohem aspak ne ty sepse ti, duke folur e shkruar per mua, ti, ne te vertete flet per veten tende si njeri, intelektual dhe si pronar i dy kompanive te rendesishme mediale te Kosoves.



Mirepo, ti me dhimbsesh sepse duke u munduar qe te arsyetosh e te mbrosh me te gjitha mjetet dhe ne menyre kryenece "kryevepren" tende te mjere jetesore - nenshkrimin e Marreveshjes se Rambujese - Parisit, je duke sharruar ne gabime edhe me trashanike. Faleminderit qe ke marre mundimin te me mbushesh mendjen se ti je nje strateg, nje diplomat, nje negociator dhe nje politikan i jashtzakonshem.



Une qe perpara e kam pasur te njohur se ke pasur fatin te ndjekesh shkolla te zgjedhura te botes, se i njeh dy gjuhe boterore perfekt, se e flet serbishten shkelqyeshem se e di edhe turqishten dhe se ke njohuri te gjere nga artet e letersia. Dhe nuk eshte aspak per t'u habitur qe ne kete prapambeturine tone intelektuale, nuk e ndien veten me se miri ne shoqeri me kosovaret, sepse nuk gjen dot partner te denje per nivelin tend.



2. "Fallaket" e Veton Surroit



Ja pak fakte. Para me pak se dy vjetesh, ta pata derguar nje shkrim lidhur me zhvillimet ne Kosove. Aty ishte nje veshtrim i rrepte kunder Rambujese dhe Rezolutes 1244. Aty ishte nje kerkese urgjente per definimin e statusit te Kosoves sipas vullnetit politik te qytetareve te Kosoves. Ai ka qene teksti nga fjala qe kam mbajtur para nje auditori ne "Uest Minster Juniverziti", ne Londer. Perndryshe, ate tekst e kisha dorezuar edhe ne Forin Ofis, sa isha ne Londer. Ti, nuk e botove se ishe ai qe merrej me eliminimin e zerave te pavarur dhe zerave qe nuk durojne njemendesine e dirigjuar te "kallauzave". Tjetri shembull. Pas asaj qe me do shkrime, ne gazeten tende u mundove te armiqesosh RTK-ne me USAID-in, ta pata derguar nje leter te shkurter sqaruese, ne cilesine e kryetarit te Bordit te RTK-es, por ti nuk e botove ne gazeten tende tekstin tim te plote si e kerkonte rendi, por u more me do "redaktime" gazetareske. Edhe nje here nuk e plotesove obligimin tend si njeri qe hiqesh si kampion i fjales dhe mendimit te lire. Ti, zoteri, je duke u sjellur si kapadai me kete gazeten tende. Ti, zoteri Veton, nuk je duke me shkruar "leter" per te sqaruar asgje, por je ne menyren me te vetdijshme dhe me djallezore duke fabrikuar akuzat me te renda kunder meje. Ti je ai qe mua me akuzon per vonesen e nenshkrimit ne Rambuje dhe me ben pergjegjes per masakrat serbe ne Kosove.



Ja, cfare shkruan ti ne gazeten tende, ne formen e "letres baces":



"...Naten e bombardimeve te NATO-s, me 24 mars, e tere ajo barre e madhe historike u lehtesua me plasjen e bombes se pare. Se shpejti do te ishim te lire, edhe une qe e nenshkrova, edhe ti qe ishe kunder."



Ja edhe citati tjeter:



"A mendoje, ne ato momente se sa femije, gra e burra u vrane per shkak te voneses qe na imponove? Sa shtepi u shkaterruan, sa ushtare e police serbe erdhen nderkohe ne Kosove, sa rrezikohej UCK-ja me konfliktin e brendshem te cilin ti e kishe ndezur?"



Shpifja jote djallezore thote se, ato dhjete-pesembedhjete dite ia bene te mundur Serbise qe te sillte forca shtese ne Kosove dhe me ato forca t'i masakronte shqiptaret! Ademi, me "telefonatat e veta te panderprera nga Prishtina" ne Keshtjellen e Rambujese e vonoi nenshkrimin. Serbia shfrytezoi kohen, solli forcat dhe beri ploje.



Te gjithe e dine e edhe ti e ke ditur dhe e di fort mire se, amerikanet dhe aleatet ishin ata qe vete ia dhane pales serbe edhe nje afat, qe te kishin kohe per te bere trysni mbi Millosheviqin. Sikurse qe e ke ditur fort mire se sa forca ushtarake e policore, prej vitesh, kishte Serbia ne Kosove. Po, me cilat forca zhvilloi soldateska serbe gjithe ato ofensiva kunder kryengritesve shqiptare? Paj, Kosova prej vitesh ishte perplot ushtare e police. Kete e dinin edhe kalamajt e Kosoves. Kete e dinte edhe aq me mire edhe zoteri Vetoni. Madje, per kete, ai vet ne pjesen e fundit te letres se tij e demanton vetveten kur thote se: "Realiteti ishte ai i dy policeve serb te trafikut qe mund te shkaktonin tollovi ne tere Prishtinen." Por, jo, jo, ato dhjete dite ishin vendimtare per Serbine dhe pikerisht Ademi e vonoi punen e nenshkrimit dhe ia fali ato dhjete dite Serbise dhe Serbia na lau me gjak.



Adem Demaci dhe vetem Adem Demaci eshte pergjegjes per te gjitha krimet qe u bene ne Kosove. Ky eshte zbulimi i "kallauzit" te te gjitha bravave te Kosoves, z.Veton Surroit. Kjo "teze", c'eshte e verteta, nuk eshte krejt e re, e ka trumbetuar para teje edhe njeriu i vogel e shkrimtari yne i madh Kadare. Por, sidoqofte, ti, z.Veton e riafirmove, e pranove se t'u desh per ta goditur Ademin edhe me nje "plumb" te helmuar. Njerezit vriten edhe me fjale, apo nuk e ditke ti? E kush nuk e di me mire se ti, o lum zoterie?!



3. Analiza "Raporti i forcave"



Per nenshkrimin tend ne Rambuje ti, z. Veton, flet me superlativa. Ja, nje citat yti:



"Ja po deklarohem. Ky nenshkrim eshte gjeja me e madhe qe kam bere per veten, familjen dhe popullin tim. Ndiej se me te, me ne fund ky popull pati mundesi te beje kapercimin e madh edhe nga clirimi prej Serbise edhe kah integrimi i tij ne civilizimin perendimor. Edhe po te mos kisha bere gje tjeter ne jete, ky nenshkrim do te me mjaftonte."



Per te arsyetuar nenshkrimin tend mbeshtetesh tek analiza jote e "raportit te forcave" midis Kosoves dhe Serbise. Analizat e ketilla klasike qe kane per baze raportin e forcave jane dominuese ne qarqet sunduese dhe ne qarqet intelektuale te popujve te roberuar. Qarqet sunduese, me pak perjashtime, jane te perbera nga egot ne pushtet dhe s'ka si te ndodhe ndryshe. Egot ne pergjithesi e sidomos egot ne pushtet iu referohen gjerave jashta vetes: pasurise, partise, ideologjise, liderit, me nje fjale-pushtetit. Dhe, per t'i ruajtur keto, ne fund te fundit, mbeshteten ne force. Prandaj, gjithmone percjellja dhe analiza e raportit te forcave dhe, gjithmone prodhimi dhe zhvillimi i armeve per te mos mbetur inferior ne raport me te tjeret. Ketu e ka burimin i ashtuquajturi "vrapi ne armatim" dhe "negociatat per carmatim" midis shteteve edhe sot. Sa u takon intelektualeve te popujve te roberuar, puna qendron me ndyshe. Ata nuk jane ne pushtet sepse pushtetin e vertete e mbajne intelektualet e metropoles, mirepo ata mund te jene sherbetore te atyre qe jane ne pushtet sepse e kane pranuar dhe e pranojne "analizen e raportit te forcave". Disa intelektuale te popujve te pushtuar merren edhe me profesione qe i largojne nga jeta e vrazhde e perditshme dhe bejne nje jete pak me komode dhe prandaj nuk jane ne lidhje te ngushte e te forte me jeten, veshtiresite, preokupimet, frymezimet dhe vlimet shpirterore te shumices se popullates te ciles i perkasin me origjine. Prandaj shumica e tyre jane te prirur qe t'i nenshtrohen "logjikes se raportit te forcave"...







Analiza jote eshte nje analize klasike dhe e sakte nga prizmi i "arsyes se shendoshe". Dhe, prandaj shumica e njerezve qe udhehiqen nga "arsyeja e shendoshe" e pranojne kete analize pa verejtje dhe thone: keshtu eshte dhe cfare ka ketu per te kontestuar? Mirepo, ka cfare te kontestohet ketu. Rezultat i analizes sate, ne baze te "arsyes se shendoshe" jane shifrat, numrat, sasite, madhesite ose vogelsite, trashesite ose hollesite, afersite ose largesite, thellesite ose cektesite. Mirepo, askund nuk figurojne dhe nuk mund te figurojne cilesite e paleve te krahasuara. Cilesia eshte enigma me e madhe pikerisht per arsye se, ne fund te fundit, kemi te bejme me njerezit. Cilesia e njerezve te konfrontuar percakton ne instancen e fundit forcen dominuese qe ndryshon raportin. Kjo vlen per popujt e roberuar dhe roberuesit dhe me pak per shtetet ose blloqet e konfrontuara. Prandaj, me kalimin e kohes, "papritmas", i dobeti behet i forte, humbesi behet fitues, dhe i roberuari behet i lire. Cilesia njerezore percaktohet nga ajo sa te forta jane deshirat e synimet. Sa i forte eshte vullneti. Sa te forta jane vlimet shpirterore. Sa te forta jane motivet njerezore. Sa te domosdoshme jane nevojat njerezore.



Sikur njerezve te roberuar te botes, liria t'u behej nevoje e domosdoshme sic eshte frymemarrja, te roberuarit do te liroheshin per me pak se nje minute. Sepse, aq mund te jetoje njeriu pa fryme. Sikur njerezve te roberuar te botes, liria t'u behej nevoje e domosdoshme sic eshte shuarja e etjes, te roberuarit do te liroheshin per me pak se nje jave. Sepse, aq mund te jetoje njeriu pa uje. Sikur njerezve te roberuar te botes, liria t'u behej nevoje e domosdoshme sic eshte ushqimi, te roberuarit e botes do te liroheshin per pak me shume se dy muaj.



Tash shtrohet pyetja konkrete qe u dhemb gjithe shqiptareve te Kosoves: Sa perqind te shqiptareve te roberuar te Kosoves, liria iu be nevoje e domosdoshme si frymemarrja? 0%-zero perqind! Sa perqind te shqiptareve te Kosoves, liria iu be nevoje e domosdoshme si shuarja e etjes? 0.001% - nje ne njeqind mije! Sa perqind te shqiptareve te Kosoves, liria iu be nevoje e domosdoshme si ushqimi? 0.01% - nje ne dhjete mije!



Pra, ja ku jemi te analiza "ime" qe nuk buron si analiza "jote" nga "arsyeja e shendoshe", por nga "zemra e plasur". Zemra eshte "zedhenesja" e unit te vertete qe eshte shpirti dhe "zeri" i zemres, ne te vertete, shnderrohet ne vetedije te paster. Vetedija e paster shnderrohet ne force organizuese dhe forca organizuese ben mrekulli te panumerta ne jete. Sepse, shpirti eshte i paasgjesueshem dhe nuk dhemb!



Kurse, "arsyeja e shendoshe" eshte "zedhenesja" e nevojave te trupit. Edhe njerezit qe udhehiqen nga "arsyeja e shendoshe" bejne pune te medha, por jo mrekulli. Sepse, trupi eshte i lendueshem, i asgjesueshem dhe dhemb!

Kryengritjen ne Kosove e nisen ata "njezet veta" te cileve liria e Kosoves u ishte bere nevoje e domosdoshme si shuarja e etjes. Ata kishin "sikletin" e shuarjes se domosdoshme te "etjes" per liri! Ata nuk kishin nge per te bere "analizen e raportit te forcave" midis tyre, "njezet veta" dhe te Serbise me "dyqind mije veta"! Ata mund te jetonin pa liri vetem edhe nje jave! Ata nuk bene analiza, sepse ishin teper te pushtuar nga nevoja per lirine. Ata menduan: ja po ngihemi per liri, ja po vdesim! Prandaj ata rroken armet qe paten dhe e liruan veten! E liruan veten sepse u liruan nga frika e vdekjes, u bene shpirtera! Ishin pak, por ishin fort te rrezikshem per pushtuesit serbe. Pasi qe liruan veten, u bene faktor i lirise per popullin e vet dhe per territorin e Kosoves. Nen ndikimin e ketij faktori, numri i atyre shqiptareve qe liroheshin nga frika e vdekjes shtohej shpejt. Sikur ata "njezet veta" te ishin udhehequr nga "arsyeja e shendoshe" dhe te kishin bere analizat "tua", ata kurren e kurres nuk do t'ia kallnin pushken Serbise. Ku ke pare ti, "njezet" me "dyqindmije"?! Raport i pamundshem per "arsyen e shendoshe". Hajt, more, mos u beni budallenj!



Mirepo, jo! Ata u udhehoqen nga "zemra e plasur". E, kur eshte fjala per lirine, "formula" e "zemres se plasur" eshte e shkurter dhe e qarte: " Ja vdekje, ja liri!" Pa nje "formule" te ketille kurre nuk do te liroheshin as Sllovenia, as Kroacia, as Algjeria, as Kenia, as Timori Lindor, as njeqind popuj te tjere.



Kurse, "analiza e arsyes se shendoshe" eshte: "As vdekje, as liri!" Ja, ne kete gjendje jemi ne sot. Kjo gjendje jona i pelqen hegjemonizmit serb. Kjo gjendje jona u pelqen "ndrikullave" te shumta qe i mbajne ison hegjemonizmit serb. Megjithate kjo gjendje eshte e paqendrueshme sepse vdekja vjen edhe pa u ftuar, por liria nuk vjen pa u fituar! Procesi i lirimit dhe pavaresimit te Kosoves ka mbetur i paperfunduar. Fajtor per kete, pervec shume faktoreve tjere, z. Veton, jane edhe nenshkrimet e tua te qitura me lehtesi nonshalante ne Rambuje e Paris.



Kam pritur se do te distancohesh nga nenshkrimi yt i Marreveshjes se Rambujese qe ke bere ne Paris per te miren e Kosoves. Sepse, tashme, edhe analfabetet politike po e shohin se ne c'drejtim eshte duke shkuar Kosova. Mirepo, si po e shoh, interesat tua personale ta kane mbuluar aq fort shikimin sa qe nuk je duke ditur qe te orientohesh as ne hapesire as ne kohe. Ti, zoteri Veton, madje flet edhe per njefare "Clirimi" me germe te madhe. Nuk besoj se je aq i verber sa te mos shohesh riokupimin faktik te Kosoves veriore dhe te Mitrovices veriore nga Serbia. Lidhja me sistemin elektrik te Kosoves eshte shkeputur dhe ajo pjese komplet eshte lidhur me sistemin elektrik te Serbise. Lidhjet fikse telefonike asnjehere nuk jane shkeputur nga Serbia. Ne kontaktojme me boten permes kodit te Jugosllavise, kete e di ti edhe me mire se une. Sistemi i shkollimit ne Mitrovicen e veriut dhe ne Kosoven e veriut, eshte komplet nen kontrollin e Ministrise se arsimit te Serbise. Mesuesit e pedagoget e kesaj pjese marrin nga dy rroga: njeren nga UNMIK-u dhe tjetren nga Serbia! Ne "enklava" shitblerjet behen me dinare; funksionojne tabelat jugosllave te veturave; "enklavat" nuk paguajne as per pasterti, as per rryme, as per telefona; ne "enklava" serbet i marrin pensionet nga Serbia. Nuk besoj se je aq i painformuar sa te mos e dish se disa "enklava serbe" brenda territorit te Kosoves jane duke bere jete te vertete eksterritoriale. Ne Gracanice, drejtori i shendetesise se "enklaves" eshte emeruar nga Beogradi; Beogradi i paguan mjeket e "enklavave" ne Kosove nga 500 Euro, kurse mjeket ne Serbi paguhen nga 200 Euro; drejtori perkates degjon urdherat vetem nga ministria e Serbise. Ne zgjedhjet e ardhshme lokale, me lejen e autoriteteve nderkombetare, kane per te marre pjese edhe disa parti qe nuk jane fare te regjistruara ne Kosove. Tash rishtas u muar vendimi, po nga autoritetet nderkombetare, qe edhe qytetaret e Kosoves, serbet, po se po, kane te drejte dhe do te marrin pjese ne zgjedhjen e presidentit te ardhshem te shtetit serb. Nuk besoj se ke harruar qe kohe me pare, Serbia ose Jugosllavia ia fali 2.500 (dy mije e peseqind) hektare toke te Kosoves Maqedonise dhe autoritetet nderkombetare ia njohen kete te drejte Serbise ose Jugosllavise. Nese edhe kesaj i thone "Clirim" me germe te madhe atehere vaj halli per te verteten shkencore! Nese edhe per keto fryte te hidhura te "kryevepres" sate, pas tre vjetesh, thua se jane te mira e te embla, atehere, aferim, zoteri Veton! Keto dite erdhi informata nga Beogradi se ne tekstin e kushtetutes se ardhshme te shtetit "Serbi-Mali i Zi" ka hyre, bashke me Vojvodinen edhe Kosova(e Metohija) si pjese perberese te atij shteti te ardhshem. Dhe, si Reagoi UNMIK-u? Tha se ne nuk duam ta komentojme nje lajm te tille...



...



Shkuarja juaj (G - gjashteshi) ne Beograd, kur me se shumti Millosheviqi kishte nevoje per te manipuluar me shqiptaret dhe per te mashtruar nderkombetaret, ishte edhe nje "nderskamce" forcave kryengritese te Kosoves. Millosheviqi, fale Zotit, nuk diti te shfrytezonte viziten tuaj ne Beli Dvor si shansin e vet te fundit per te bere nje "het-trik" ne politiken e vet, por vazhdoi me dhune te cfrenuar dhe sharroi edhe me thelle ne pellgun e krimeve te pafalshme.



Por, ne ate takim te turpshem, Z. Rugova, megjithate paska pasur kurajon t'i thonte Millosheviqit se "opcioni yne eshte pavaresia". Por, ti si anetar i delegacionit, cfare i the Millosheviqit? Mendon se per lexuesit tu eshte me interesant te tregosh per "uiskin" se sa per fjalet tua qe ia pate thene Millosheviqit?



Ne Rambuje ju shqiptaret shkuat per te nenshkruar kapitulimin sepse, si u pa, qysh ne fillim kishit pranuar dhjete Parimet e panegociueshme te takimit. Me ato dhjete pika serbeve u garantohej sovraniteti mbi Kosoven. Po, cfare u garantohej shqiptareve? Ti sovranitetin e quan kerkese minimale te Beogradit. E cfare ishte kerkesa minimale e delegacionit te Kosoves? Joliria e paketuar pak me ndryshe.



Ne takimet e Bertelsmanit qe i permend ti, une kam marre pjese vetem nje here edhe ate ne Selanik ne prill te 1998-tes, ku ishte i pranishem edhe Albin Kurti. Une edhe aty fjalen e pare e kam pasur lirine e pavaresine e Kosoves.



Ne Selanik, paguanin gjermanet, organizonin greket, shumica ishin serbe ne krye me peshkopin Artemije dhe shtate a tete shqiptare. Ne nje pushim midis seancash m'u afrua nje grek nga ministria e jashme e po me thote: "Perse ju shqiptaret nuk e pranoni nje autonomi te gjere nen Jugosllavi? Autonomia do te mjaftonte per ju." Une i thashe duke qeshur: " Zoteri, nese autonomia qenka gje aq e bukur e aq e mire, ja ku e keni Turqine fqinje edhe ajo do t'ua jepte nje autonomi shume te gjere juve grekeve." Greku iku si i perveluar...



Kur flet per cmimin qe duhet paguar per liri e pavaresi dhe kur flet per vitin 1998, ti behesh plotesisht identik me z.Rugova te cilin ti aq shpesh e shpotit. Z. Veton, nese popujt, dikur e deri dje te roberuar te botes, do te benin kalkulime ne stilin tend asnje popull kurre nuk do te lirohej...



Sikur te benim kalkulime te ketilla, asnje prej nesh, kurre, nuk do te binte neper burgjet e Serbise. Liria, lum Vetoni, nuk eshte dicka qe "valla po ma kanda, vec nese ma fal dikush". Liria eshte nje nevoje e paevitueshme shpirterore, sikurse qe frymemarrja, uji e buka jane te domosdoshme per te mbajtur trupin gjalle. Ti edhe ciftat e tu ende nuk e keni provuar nevojen e paevitueshme shpirterore per lirine. Jam i bindur se shumica prej jush shume shpejt do ta provoje kete ndjenje e kete nevoje te paevitueshme per lirine. Prandaj edhe nuk zemerohem as ne ty, as ne qindra shqiptare te cilet me shajne e me perqeshin, sepse perkah vetedija e tyre kombetare, qytetare e njerezore ende jane dofare kalamajsh ( pavaresisht qe disa prej tyre kane mjekrra e mustaqe) dhe "vdesin" pas disa "cokollatave", "bonbonave", "harrnave", pallateve e "teneqeve". Derisa shumica prej nesh te mos e ndjeje ne menyre te fuqishme dhe te paevitueshme se jeta pa liri nuk ka kuptim, s'do te kete liri e pavaresi per Kosoven dhe "hipnozat politike" te ciftave tu do te shiten dhe do te pelqehen. Por, numri i ciftave tu, nen goditjen e ligjeve te jetes, po zvogelohet dita dites, ndersa numri i njerezve te vetedijshem, per te cilet vetem jeta ne liri ka kuptim, po rritet pandalshem. Me keto "letra" dhe me keto "analizat" tua duke u munduar, pa zgjedhur mjete, qe te me ulesh e te me rrezosh mua, ne instancen e fundit do te rrezosh veten tende. Me dashje a pa dashje, veprimet tua te ketilla, ne te vertete, ngadalesojne procesin, perndryshe, te pandalshem te vetedijsimit te qytetareve te Kosoves, si parakusht i lirise dhe pavaresise.



5. Liria dhe joliria



Zoti Veton, te lutem, mos u zemero. Te kam thene fjale te renda e te ashpra. Keto jane fjale te "zemres se plasur".



Kur kam kerkuar nga ju qe te terhiqni nenshkrimet tuaja nga Marreveshja e Rambuje-Parisit, kam pasur para sysh interesin e Kosoves e jo ndonje interes per veten time. Dhe c'bere ti? U ngrite dhe u versule mbi mua ne menyren me te palejueshme.



"Letra" jote, ne te vertete, eshte nje "Aktakuze" e hapur kunder meje. Ndaj rolit tim si "avokat i popullit", ti more rolin e "prokurorit".



Ne "turrin" tend hakmarres, si duket ti as nuk je i vetedijshem per kete. Nuk do te vonoje dhe do te bindesh per kete.



Por, le te shohim, pa nervozitet, se cfare ndodhi pas nenshkrimit tuaj, per mua te mjere, kurse per ju triumfal, te "Marreveshjes" ne fjale? Serbia nuk e nenshkroi "Marreveshjen" qe perndryshe ishte plotesisht ne favor te saj.



Po ta nenshkruante edhe Serbia "Marreveshjen", ne Kosove do te mbeteshin sasi te mjaftueshme te forcave ushtarake e policore te Serbise. Kufirin rreth e rrotull Kosoves, ne nje brez prej pese kilomentrash, do ta ruanin forcat serbe. Vendkalimet dhe doganat do t'i ruanin e do t'i mbikeqyrnin forcat serbe bashke me nderkombetaret. Pas kesaj do te fillonte implementimi i atyre dhjete pikave te lartpermendura te Rambujese.



Te mos e zgjas, por refuzimi i Serbise shkaktoi zemerimin e francezeve te cilet me se shumti ishin te angazhuar per sajimin dhe realizimin e projektit "Rambuje". Perse u angazhuan, pikerisht, francezet? Sepse francezet ishin te paret qe "nuhaten" se forcat serbe nuk do te ishin te zonjat ta shuanin kryengritjen shqiptare pa ra ne kurthin e pafalshem te gjenocidit mbi popullin shqiptar. Dhe, ne ate rast, mekanizmat nderkombetare nuk do te kishin care pa reaguar dhe Serbia per pasoje do te humbte cdo atu per te mbajtur me tutje Kosoven. Per te evituar kete katastrofe te sigurt politike te Serbise, francezet, futen ne loje ambasadorin francez ne Shkup dhe filluan me energji te madhe realizimin e projektit "Rambuje". Francezet, italianet dhe greket ishin me te interesuarit qe te shpetonin Serbine. Prandaj edhe zemrimi i francezeve ne Serbine ishte aq i madh, kur ajo refuzoi miratimin e projektit "Rambuje". Zemerimi qe aq i madh saqe, edhe ata, me ne fund, u pajtuan me fillimin e bombardimeve.



Askush nga strateget dhe analistet amerikano-evropiane nuk kishte pritur qe Serbia do te tregohej aq kokeforte sa qe te mos firmoste nje projekt aq te favorshem per te. Por, ne politike nuk ka asgje qe nuk mund te ndodhe.



NATO-ja sic e pame reagoi me bombardim te fuqishem, por pa forca tokesore. Ky ishte projekti i NATO-s, "lufte me zero viktima ne anen e vet." Mirepo, qytetaret e Kosoves mbeten ne meshiren e plote te Serbise. Shqiptaret mbeten, pikerisht, ne situaten nga e cila jeni friguar ti dhe ciftat tu krejt kohen. Shqiptaret rane, pikerisht, ne poziten me te cilen i keni frikesuar e tmerruar ti e ciftat tu gjate e gjate. Serbia nxori nga kasaforta projektin "Patkoi" dhe ushtroi gjenocid dhe pastrim te hatashem etnik mbi qytetaret e Kosoves. Mos t'i permendi shifrat te cilat edhe sot nuk jane komplete dhe te cilat i di edhe ti si une.



Pasi qe, megjithate, Serbia beri katastrofen njerezore ne Kosove, pas 78 dite goditjesh intensive te NATO-s nga ajri, u lodh dhe ra ne gjuj. Mirepo, cfare ndodhi? Strateget e medhej te botes, ne vend se te shqyrtonin edhe nje here ceshtjen e Kosoves nen driten e krimeve te fundit gjenocidale qe kishte ushtruar regjimi serb mbi Kosoven, ata perseri iu kthyen dokumentit te Marreveshjes se nenshkruar ne Paris, sikur, ne nderkohe, te mos kishte ndodhur asgje e lige!



Ju, nenshkruesit e Marreveshjes Rambuje-Paris, nuk u "kujtuat" qe te kerkojshit rishqyrtimin e nenshkrimeve tuaja atje. Sepse, gjendja kishte ndryshuar rrenjesisht. Serbia, jo vetem qe nuk kishte qene nenshkruese e dokumentit ne fjale, por per me teper ajo kishte shkare ne krimin e hapur te gjenocidit e te pastrimit etnik ndaj shqiptareve. Kurse nga ju kerkohej qe edhe me tutje te qendroni prapa nenshkrimeve tuaja! Dhe, ju qendruat prapa nenshkrimeve tuaja ne Rambuje e Paris, pa bere asnje perpjekje per rishikimin e situates dhe te nenshkrimeve tuaja. Heshtet.



Ju nuk u "kujtuat" dhe, rasti i fundit, per te permiresuar gabimin tuaj, sa ishte "hekuri i nxehte", kaloi.



Kosova, nga liria e mundshme, ne menyre te pandalshme, filloi te lakohej drejt jolirise.



Dhe tash, pakngapak, do te dale ne shesh se cfare keni nenshkruar ne Rambuje e ne Paris dhe si ju paskan pas trajtuar atje ne Rambuje. Si partnere, jo se jo, po e pranon edhe vete. Por si cka. Si mjerana! S'ka pasur si te ishte ndryshe kur ju, ne Rambuje keni shkuar te negocioni per pika te panegociueshme. Dhe, ta merr mendja se mjeranat nuk i do askush dhe se mjeranat askush nuk i ben partnere.


Fakti i pare: Ne negociatat e Kumanoves, ku u nenshkruan modalitetet e terheqjes se forcave ushtarake e policore serbe nga Kosova, askush nuk ju ftoi. Dhe, s'kishin perse te ju ftonin kur, ju me nenshkrimet tuaja, fatin e Kosoves ia kishit falur diplomacive franceze, italiane, greke e ruse. Hajt, more, kush ishim ne qe te na ftonin ne Kumanove? Ne u munduam, thua ti, zoti Veton, t'i bindnim se ne delegaconin tone ishte edhe faktori ushtarak, por kot. Kot, ta merr mendja se ushtaraket filluan te benin analiza, ne stilin tend, me "arsye te shendoshe" qysh sa ishin ne Kosove. Qysh kur vendosen te udhetonin ne Rambuje me ty dhe me ciftat e tu. Edhe ata erdhen deri te formula jote: "As vdekje, as liri". Hajt, more, kush ka nge me vdeke si Adem Jashari e Fehmi Ladrovci me familje?!



Takimi i Kumanoves midis NATO-s e pales serbe, e pa kosovaret, ishte hapi i pare i largimit te kosovareve nga liria e mundshme ne drejtim te jolirise.



Fakti i dyte: Rezoluta 1244 e Keshillit te Sigurimit te OKB-se u aprovua pa ju ftuar kush, pa ju pyetur kush, pa ju informuar kush. Dhe, me te vertete, perse te ju ftonin, perse te ju pyetnin, perse te ju informonin kur ju, ne Rambuje e ne Paris "luajtet futboll" me fatin e Kosoves! Ju, me shume ishit marre me vetveten tuaj, me njeri tjetrin e me "hijen" time ne Rambuje se me fatin e Kosoves. Aprovimi i Rezolutes se KS te OKB-se, as pa i pyetur kosovaret, ishte largimi esencial juridik i kosovareve nga liria e mundshme ne drejtim te jolirise.



Fakti i trete: Carmatosja e UCK-se nga ushtri clirimtare ne TMK. Nje emer i madh, por me kompetenca per te luftuar kunder zjarreve dhe fatkeqesive natyrore. Madje kjo u be me manifestime te tilla sikur zjarrfikesit shnderroheshin ne armate e jo e kunderta! Ky ishte hapi esencial e substancial i largimit te kosovareve nga liria e mundshme ne drejtim te jolirise.



Fakti i katert: Korniza Kushtetuese, ne hartimin e se ciles moren pjese edhe "ekspertet" kosovare, legalizoi dhe vulosi "autonomine substanciale per Kosoven nen sovranitetin dhe integritetin e RFJ-se". Kur u degjua nga dikush njefare mermeritje, Z. Hakerup u tha hapur shqiptareve:"Ju nuk jeni shtet dhe prandaj nuk mund te keni kushtetute". Kjo ishte shtylla e katert e perfundimit te projektit "Rambuje", te cilin e kishe firmosur edhe ti, z. Veton. Te tjerat qe erdhen me vone, si suspendimi e pastaj edhe shkarkimi i disa komandanteve te UCK-se, Marreveshja Hakerup - Coviq, pastaj arrestimi i kryengritesve te shquar per akuza se kane vra e keqtrajtuar "qytetare te pafajshem", jane vetem "muratime" dhe "suvatime" te projektit "Rambuje".



Pas aprovimit dhe te funksionalizimit te "Kornizes Kushtetuese", Kosova nuk eshte duke u larguar vetem hap pas hapi nga liria e mundshme ne drejtim te jolirise, por tani eshte duke rreshqitur, per dite e me shpejt nga liria e mundshme ne drejtim te jolirise.



Per "strucat" qe flasin, por qe me shume ua kanda qe te mos shikojne realitetin, por te "fusin koken ne zalle", ja edhe,



Fakti i peste: Shkeputja e 2.500 hektare te tokes se Kosoves e falja e kesaj toke shtetit te Maqedonise. Nese do te ishim te "Cliruar", me shkronje te madhe si thua ti, si do te mund te ndodhte nje gje e tille? Si do te mundte "dikush", para syve te botes, te merrte nje cope toke nga nje shtet "i lire" e t'ia falte nje shteti tjeter? Kete, ne fillim, "nuk e kuptuan" as zonja Manuel dhe z. Shtajner. Mirepo, shume shpejt erdhi komanda nga Keshilli i Sigurimit i OKB-se se Serbia (Jugosllavia) kishte te drejte te dispononte me token e Kosoves, sepse e paska suverenitetin mbi Kosoven. Dhe, me ne fund, u be e qarte, madje edhe per anetaret e Kuvendit ne "saksi" te Kosoves se dicka e madhe nuk qenka ne rregull. E dime te gjithe, se si, pas disa muajsh, nen trysnine e madhe te opinionit te Kosoves, u "luajt nje melodrame" ne Kuvendin ne "saksi" te Kosoves". "Kuvendi" nxori nje Rezolute me te cilen vihej ne mbrojtje te integritetit territorial te Kosoves. Mirepo, erdhi z. Shtajner, i derguari special i Sekretarit te OKB-es dhe ate "Rezolute" ua perplasi kosovareve ne fytyre e ua beri me dije se ky "Kuvend", ne baze te "Kornizes Kushtetuese", nuk ka autorizime te merret me ceshtjet serioze te mbrojtjes se territorit te Kosoves. Tash u be e qarte per te gjithe se cfare paska qene e cfare na qenka "Kuvendi" i Kosoves. Tash u be e qarte se atje qenkan nje grumbull "kalamajsh e cupash" kosovare, te cilet "luajne teater" sikur jane Kuvend! Tash u muar vesh qarte se cfare paska qene "Korniza Kushtetuese" te cilen e paskan pase votuar e pranuar "kuvendaret" e Kosoves. Dikush u kujtua dhe, "pas te vjelave" e hapi "Kornizen Kushtetuese" dhe e pa te shkruar shume qarte: Punet e brendshme, Punet e jashtme, Mbrojtjen, Jurisprudencen dhe Ekonomi e finansat, i ka ne duart e veta i derguari special i Sekretarit te Pergjithshem te OKB-se z. Shtajner. Te gjitha keto jane ne baze te Rezolutes 1244 te KS te OKB-se. Dhe, krejt kjo e ka burimin te Marreveshja Rambuje-Paris te cilen ti e pate nenshkruar me aq lehtesi.



Por, te shkojme me tutje me argumentet qe deshmojne ne menyre frapante rreshqitjen e metejshme te Kosoves nga liria e mundshme drejt jolirise.



Fakti i gjashte: Eshte Vendimi i nderkombetareve qe t'u behet e mundur partive te Serbise te marrin pjese, pa pengesa, ne zgjedhjet e ardhme lokale ne Kosove, qe do te mbahen me 26 tetor 2002. Disa, qe jane te prirur gjithmone fajin e vet t'ua hedhin te tjereve, zemerohen ne nderkombetaret. "Perse, thone ata, te jepet leja qe partite e Serbise, nga nje shtet tjeter, te marrin pjese ne votimet e Kosoves, si nje shtet tjeter?" Jo, zoterinj te nderuar, mos ju hipni ne qafe nderkombetareve. Ata punojne ne baze te dokumenteve dhe jo ne baze te endrrave tuaja dhe te dofare letrave private! Ne dokumente shkruan se Kosova eshte nen sovranitetin dhe integritetin e RFJ-se, ose te Serbise. Dhe, nese eshte keshtu, e keshtu eshte, atehere leja partive te Serbise u takon. Kete te drejte, me nenshkrimin e vet ua njohu z.Veton, ne Rambuje e Paris. U be teper, por ja vetem edhe nje fakt te "fresket".



Fakti i shtate: E drejta e qytetareve te Kosoves qe te marrin pjese ne zgjedhjen e presidentit te Sebise, tash se shpejti. Disa i mbyllin syte para te vertetes dhe thone: "Cka na intereson neve kjo pune? Serbet do te votojne, jo ne. Pune e madhe! Ata qe behen se s'e kuptojne, e dine fare mire se si qendron puna, qytetaret e thjeshte jane ne dileme. Atyre duhet t'u thuhet e verteta e hidhur. Dhe e verteta e hidhur eshte kjo se votoi apo s'votoi kush, me kete vendim, edhe nje here, vertetohet se Serbia, ne baze te Marreveshjes se Rambuje-Parisit, ne baze te Rezolutes 1244 te KS te OKB-se, ne baze te Kornizes Kushtetuese te Kosoves, e ka suverenitetin mbi Kosoven, e ka "tapine" mbi Kosoven! Ne dokumentin e Rambujese, ne artikullin e pare te kapitullit te pare (Kushtetutes) i cili quhet "Parimet e vetqeverisjes demokratike ne Kosove", ne piken e katert thuhet: "Republika e Serbise do te kete kompetenca ne Kosove sic eshte e specifikuar ne kete Marreveshje, duke perfshire (ne lidhje me) zgjedhjet Republikane." Edhepse kuptimi i kesaj eshte i qarte per shkak se nuk jam i sigurte ne perkthimin tim po e pershkruaj edhe origjinalin ne anglisht: "The Republic of Serbia shall have competence in Kosovo as specified in this Agreement, including in relation to Republic elections."



Ti, z.Veton, keto te verteta te hidhura mundohesh t'i fshehesh nga qytetaret e Kosoves, me "kozmetike", me "moleraj", me "llakeraj", me "retorike" dhe, duke u munduar te ma mbyllesh gojen mua ne menyren me arrogante dhe pa zgjedhur mjete.



Te lumte! Dhe, Zoti te pagofte!...



Sa per ata "margaritaret" tu, z. Veton se une jam fajtore qe nuk ua paskam pergatitur pushtetin dhe vizionin per te ardhmen ciftave tu, teper qe edhe letra nuk po skuqet. Ti, paske pase harruar, se "pushtetin" dhe "vizionin" per te ardhmen e Kosoves, me nenshkrimet tua ne Rambuje e Paris, i ke pergatitur dhe i ke trasuar vete. Disa nga "vizionet" tua tashme kane "lulezuar".



Zoti Veton, shume faleminderit per "letren" tende ne formen e nje "aktakuze" rrenuese. Une nuk zemerohem ne ty sepse, si te thashe edhe me perpara, si ty si gjithe njerezit tjere te botes ju perjetoj si pjese te shpirtit tim. Te lutem qe edhe ti, ne se ke fuqi, mos u zemero ne mua sepse edhe i "akuzuari" ka te drejte qe te mbrohet me aq sa di e aq sa mundet.



Adem Demaci

[AsgjëSikurDielli]

Kosovar, a mundesh mua te ma dergosh?

Pershendetje nga nje tjetar vendas!

StarCraft.

[Shën Albani]

Pas Rambujese, jo vetem Damci, por cdo njeri mund te thoje se ishte gabim. Ketyre njerzve duhet shtruar vetem nje pyetje: Po si do te qendronte puna pa Rambouillet-n. A mund ta clironim veten kur ishmi ashtu te percare dhe kur ne kohe lufte luanim demokracine si askund ne bote. Njera pale thrriste ne lufte, tjetra thoshte jo.
Nese nuk nenshkruanim brenda disa muajve Kosova do te kishte mbetur pa shqiptare, e shqiptare pa miq te jashtem, pa amerikanet dhe pa NATO-n.
Kur Demaci e kritikon nenshkrimin e marrveshjes, atehere duhet te paraqese alternativat deh t´i numroje teritoret qe ne me hallin tone i kishim cliruar. Demaci ne kete leter deshmon vetem smire dhe inat, me shume jo.
Ai nenshkrimet ne France i konsideron fajtore, thuase Kosova ishte aq e forte sa po clirohej e tani keta me nenshkrime e tardhetuan!
" Procesi i lirimit dhe pavaresimit te Kosoves ka mbetur i paperfunduar. Fajtor per kete, pervec shume faktoreve tjere, z. Veton, jane edhe nenshkrimet e tua te qitura me lehtesi nonshalante ne Rambuje e Paris. "Demaci.
Populli thot pasi te thehet qerrja gjenden shume alternativa...Demaci ka te drejte te kritikoje, por jo te prish, ai ka te drejte te thoje se nuk duhej nenshkruar, por me peshen qe ka si njeri duhet te tregoje se si do te behej pastaj, jo t´ia nise nga maja, pa arritur deri ne fund.
Demaci si duket nuk e ka kuptuar seriozitetin e amerikaneve se nese nuk nenshkruani neve nuk na interesoni me dhe ky sic shihet keto pasoja nuk i ka kuptuar ende! Mosnenshkrimi do te kishte pasur pasoja tragjike, shume me tragjike se sa ishin...Fakt eshte se ka ende shume probleme, mirepo fakt i madh eshte se Kosova qe nga 1912 per here te pare merr fryme lirisht....

[pelin]

Shen Alban,

edhe une mendoj si ti. Nuk kam njohje te mjaftueshme per figurat politike kosovare dhe nuk ngul shume kembe por mendoj se Rambuje ishte e vetmja zgjidhje.

Me vjen keq per Demacin sepse gjithmone kam menduar se e ka dashur Kosoven, por ai nuk eshte politikan. E drejta pa forcen eshte nje hic.

[Shën Albani]

Pelin,

Demaci ka vlerat e veta per te kaluaren, dmth. sot eshte histori dhe do te bente me mire sikur t´i linte te qete te tjerert. Ai ka qene dikur force motivuese, shtytese edhe pse ishte ne burg, pikerisht sakrifica e tij ka mobilizuar studentet ne vitin 81. E keqja e tij ishte se ai ne fillim ishte teper i majt dhe prandaj bota nuk ka tregura interes ndaj tij.

Me nje fjale ai ka meritá per te kaluaren, por per mosnenshkrimin e menjehereshm ( u zgjat per dy jave ), fajet i ka pikerisht ky. Edhe per ata qe kane vdekur. Kjo nuk i pelqen, por kjo eshte e verteta. Ai shkruan aq gjate , por askund nuk ndalet te tregoje se si do te clirohej Kosova....


PS: Dikund kam lexuar se ka qene burgosur per stalinizem, se a eshte kjo e vertete nuk e di, megjithese mund te jete shume e mundur. NEse eshte keshtu, atehere edhe vlera historike do t´i zvoglohet....

[Albo]

Nje gje ka te perbashket Suroi me Demacin, askush nuk ua ve veshin se c'kane per te thene. Suroi eshte me origjine turke dhe nuk ka te drejte te flasi per ceshtjen kombetare shqiptare, kurse Demaci eshte pensionist.

Keta bejne mire ti deshmojne historise pasi nuk kane cfare ti japin Kosoves apo ceshtjes shqiptare.

[Shën Albani]

Ke te drejte Albo ne verejtjen tende, por nuk ke te drejte ne pekatesine e tij kombtare. Surroi nuk eshte me origjine turke. Ai eshte shqiptar fund e krye.

[AsgjëSikurDielli]

Albo,

me ngjan me nje adoleshent qe perpiqet t'ia imponoje krejt botes idene se vetem ai di dicka.

Ku e ke lexuar se Surroi qenka me origjine turke?

Edhe cfare lidhje ka origjina me fakt?

Majko eshte me origjine shqiptare apo greke?

Por u be kryeminister dy here dhe e vendosi fatin e popullates per dy here?

Nano eshte shqiptar i paster apo eshte nje grekofil ?

Mirepo, u be Kryeminister 4 here mashallah...

Demaci nuk ka aftesi ne politike dhe eshte teper ekstremist.

Kurse per Surroin, ta dish se babai i tij ka qene Ambasador i ish-Jugosllavise ne Spanje, dhe shqiptari i pare ne Jugosllavine e dikurshme qe e pate marre nje post te rendesishem jashta shtetit.

Me pas ka ardhur Sinan Hasani si Kryetar i Jugosllavise, por ajo eshte Irelevante.

Mirepo, sot Surroi eshte njeriu me demagog dhe me i respektuar nga nderkombetaret. Eshte njeriu me vizionin me te qarte demokratik dhe shtet-ndertues.

Eshte njeriu qe pa i takuar asnje partie apo organizate u ftua ne Rambuje dhe e nenshkroi marreveshjen. Eshte njeriu qe eshte pronar i KTV (Televizion) Kohes Ditore (gazete) dhe KOHA (Shtepia me e madhe botuese sot ne Kosove).

Dmth. e ka nje lloj njohurie se si ecin gjerat.

Eshte naivitet ta eliminosh njeriun ne te cilin shpresojne sot forcat idealistike dhe perparimtare te Kosoves.

Ai e ka deshmuar se ia vlen te besohet ne vizionin e tij. Tash eshte koha mos ta nencmojme.

Qarte, Albo?

StarCraft