KADAREJA mbi Fene ne Shqiperi !!

[NoName]

Mos hidhni baltë mbi veprat e Kadaresë

Mos hidhni baltë mbi veprat e Kadaresë,ato janë ndërtuar nga gurët e kështjellave arbërore,që janë bërë mburojë për mbrojtjen e trojeve, nga hordhitë barbare të të gjitha kohrave.

Dikur ishte shprehja: Tëndi mishin ta ha, por ama kockën ta ruan!
Kohrat ndryshuan: Tëndi jo vetëm që të ha mishin, por të bluan dhe kockat!
Një fushatë e shfrenuar dhe pa precedencë po zhvillohet këto kohë për Gjeniun e letrave shqipe me përmasa botërore Z.Ismail Kadare.


NoName

[ORIONI]

Dritero Agolli: Jam me Qosen kundër Ismail Kadaresë

Shkrimtari i njohur vlerëson aftësitë teorike të akademikut




Në debatin e iniciuar nga gazeta “Shqip” mes Rexhep Qoses dhe Ismail Kadaresë për identitetin e shqiptarëve, shkrimtari i njohur, Dritëro Agolli, është rreshtuar përkrah akademikut kosovar. Ai vlerëson faktin se duhet të jesh një studiues që të flasësh për identitetin e shqiptarëve. Agolli pohon se Qosja është një teoricien i mirë dhe si i tillë, ai i di mirë problemet e diskutuara. Për bejtexhinjtë, shkrimtari i njohur i konsideron si të rëndësishme poezitë e tyre, duke i klasifikuar ndoshta jo indirekt në vjersha të gurrës shqiptare. Poezitë e Hasan Zyko Kamberit për Agollin kanë ende vlera për letërsinë shqiptare. Për identitetin kombëtar, Agolli thotë se ai ndryshon me vonesë, duke iu përshtatur risive dhe jetës. A e keni ndjekur debatin mes Ismail Kadaresë dhe Rexhep Qoses për identitetin e shqiptarëve dhe si u është dukur ai? Nuk dua të flas për këtë problem, sepse kjo është një çështje që duhet parë, duhet studiuar, pastaj duhet diskutuar. Por nuk flas dot, sepse Rexhep Qosja është një shkencëtar dhe i di mirë këto problemet e diskutuara. Unë duhet ta studiojë mirë këtë problem dhe nuk jam një teoricien që jam i specializuar për këtë gjë.

A jeni dakord që identiteti shqiptar është në lëvizje dinamike, ose e thënë më thjeshtë nga një shumicë myslimane e imponuar nga rrethanat historike tani po orientohet me shpejtësi drejt Perëndimit?

Unë, edhe dikur, e kam thënë se identiteti dhe çdo gjë në shoqëri edhe në natyrë ndryshon, ndryshojnë edhe identiteti ose karakteri kombëtar që i thoshim dikur. Por, sipas kohës, gjithçka ndryshon tepër ngadalë. Brenda identitetit çfarë hynë? Hynë gjuha, hynë territori gjeografik hynë zakonet, hynë konstitucioni shpirtëror të gjitha këto janë elemente që ndryshojnë. A është kjo gjuhë që kemi ne sot si e Buzukut, nuk është apo jo. Ja ku janë ndryshimet. A janë këto zakonet tona pas 500 vjetësh? Nuk janë këto, mbetet vetëm thelbi i tyre. Kjo do të thotë se çdo gjë ndryshon sepse ka shtresa dhe mbishtresa. Fjala vjen ai cikli i kreshnikëve ka shtresa dhe mbishtresa, sepse ai ka dalë që në shekullin e 12 dhe papritur në një pjesë lexohet shprehja e qëlloi me kobure. Po ku kish kobure në shekullin e 12? Pra, këtu kuptohet që gjithçka është e shtresëzuar dhe që pëson ndryshime, por të ngadalta. Prandaj, ndryshimi është i lëvizshëm dhe lëviz ngadalë. Po të marrim gjuhën shqipe është po kjo, por me ndryshime të mëdha, futen fjalë të huaja, por në thelb mbetet po ajo. Kemi dhe Bashkimin Evropian si u bashkuan thanë se do të bëhemi një, do të marrim dhe do të japim dhe ja u bashkuan? Por, kjo ka ardhur me kohë, çdo gjë ndryshon. Madje, në të ardhmen pas disa qindra vjetësh do të bashkohen kombet do të ndryshohen kombet. Mundet që mbas 10 shekujve fjala vjen nuk do ketë gjuhë do të mbetet vetëm një gjuhë. Çdo gjë ndryshon, por ndryshon ngadalë. Si e shohë unë ndoshta jam mësuar me mendimin kolektiv, por ndryshimit i besoj. Mënyra e individit lidhet me karakteristikat kombëtare dhe të identitetit.

Sipas një sondazhi të funfundit, për shkak të specifikës që ka Shqipëria, një pjesë e madhe e saj është ateiste. Pjesa më e madhe e popullsisë me besim mysliman është nën 50 për qind, a ka apo nuk ka rëndësi kjo për integrimin në BE? Apo kjo lojë që po bëjnë për shifrat është e kotë?

.... Ja t’i marrim me luftërat përmes Qipros dhe luftërat në Irak, po në Irlandën e veriut dhe në Angli a nuk janë dy besime fetare ose dy sekte, janë protestantët dhe katolikët. Pra, kjo do të thotë që janë të barabarta besimet fetare dhe domethënë që nuk ka luftë.

Në një debat mes Rexhep Qoses dhe Ismail Kadaresë ka qenë për Nënë Terezën ku njëri e himnizon dhe tjetri po thotë se po shpërdorohet figura e saj. Çfarë qëndrimi duhet të mbahet për këtë figurë?

Për mua, ajo është shqiptare që ka dhënë kontribut dhe që meriton lëvdata. Unë thjesht nuk doja që emri Nënë Tereza të vendosej për shumë emërime si universiteti “Nënë Tereza”, sheshi “Nënë Tereza” dhe aeroporti “Nënë Tereza”, apo edhe në akademinë ushtarake, sepse ajo nuk është ushtarake tek e fundit, por duhet vendosur në anët humanitare.

Shqipëria është mes Lindjes apo Perëndimit, as Lindjes as Perëndimit apo është ose Lindje, ose Perëndim?

Gjithë Ballkani është në mes Lindjes dhe Perëndimit edhe ne bëjmë pjesë në Ballkan. ..... Ne cilësohemi si një vend pagan që nuk besojmë dhe ia kemi kaluar në këtë anë Evropës. Sepse në Evropë ka shumë besimtarë. Letërsia e bejtexhinjve ka qenë një letërsi e rrjedhur nga gurra popullore shqiptare, apo ka qenë produkt i fundit kulturor që ka induktuar pushtimi otoman? Bejtexhinjtë ishin poetët e parë që hapën rrugët e kësaj poezi siç ishin dhe kronikanët e veriut të katolicizmit. Ata ishin shkrimtarë që kanë folur për shumë tema. Kanë vjersha për dashurinë, dhe për shumë tematika të tjera që ishin aktuale në atë kohë. Për shembull, Hasan Zyko Kamberi ka bërë vjershë edhe për paranë, “për paranë shes evlanë”, si t’i thuash kësaj nuk ka gjë më aktuale. Kush nga poetët ka folur për paranë më mirë nga ky. Ai ka folur për trahananë, shumë interesante.

"Gazeta Shqip"

[FLORIRI]

Kadareja eshte, ka qene, dhe do te jete intelektual ne krize deri diten kur te mbylle syte.Kadareja nuk ka nje linje.Kadareja nuk eshte as Ismail as Ismael.Kadareja eshte si nje fabrike traktoresh qe prodhon tanqe.
Un e kam lexuar dhe me ndjell neveri servilizmi qe kuterbon ne veprat e tij ne kohen e komunizmit.Ky pseudohumanist i madh e shqiptardashes ne kohen e Enver Hoxhes i gdhinte netet e dimrit ne shtepine e tij moderne i zhytur ne kulltuk luksoz duke kujtuar me nostalgji ollgalleqet e tij ne liqenin e mjellmave ndersa me qindra mijera fisnike e njerez me shpirt te madh,klerike muslimane,katolike e ortodokse,rrotulloheshin si brumuj poshte nje batanije te vetme leshi ne burgjet e Spacit,Burrelit etj.Te uritur te etur per liri dhe drejtesi.Kadarese nuk i qau shpirti per keta bij nenash qe sakrifikuan veten e tyre por 180 grade ekstrem tjeter i thurte vargje sistemit gjakatar me servilizem.Para dy vitesh ne nje interviste me paskrupulltesine me te skajshme e bajate Kadare flet keq per personin e Enver Hoxhes,duke harruar te kaluaren e tij,duke na dhene te kuptojme dhe njehere qe nuk ka nje stil nuk ka nje linje nuk ka nje Kadare sic mendohet.

Ne shkrimin qe lexova ka thene dicka gjys me vend.Ekstremistet Islamik dhe qarqet ortodokse Greke jane ne demin e Shqiperise.Kjo eshte gjys e vertete.I nderuari kameleon Kadare nuk besoj qe eshte aq mendje mbyllur sa te mos kuptoje nje te vertet te qarte si drita e te bardhe si bora,se ekstremistet Islamik dhe ne vecanti ky term eshte perdorur pikerisht ne vendet e mjera ku civilet e shkrete kane pasur fatin te perballen me shiun predhor Amerikan.Ne irak i quajn ektremiste ata qe luftojne per token e tyre,per nderin e tyre per pasurine e tyre.Me thuaj i nderuari Kadare kush do te ishte ai popull qe do te toleronte ti cenohej nderi dhe pasuria?Me cte drejte mund ti quaj ektremiste dhe terroriste Cecenet qe ariu rus i ka mberthyer nen putren e tij qe kuterbon kerme.Me cte drejte ti quaj ektremiste irakenet qe qajne bijt e tyre mbi arkivole bosh pasi shiu predhor ua ka hedhur koke kembe e krahe te njome bulevardeve e trotuareve gropa gropa.Pra Kadare gabon kur permend ektremizmin islamik ne shqiperi nderkohe qe nje fenomen i tille nuk egziston.Ektremizem dhe terrorizem islamik ka vetem ne vendet ku amerika ka interesa.Franca ku jeton Kadareja,Italia,Anglia,Amerika,u kane dhene te drejten e plote qe besimtaret muslimane te praktikojne ate qe besojne,Kadareja e sheh ekstremizmin tek shqiptaret me mjekra e qe shkojne ne xhami ne truallin e tyre ne shtetin e tyre,qe blejne,shesin,qeshin,qajne,lindin,vdesin, po aty.Ekstremizmin Islamik nje njeri me mend nuk duhet ta kerkoje tek islami por tek Amerika.E kam fjalen per njerez me mend jo per debilet.

[NoName]

Gjeniun e letrave shqipe me përmasa botërore Z.Ismail Kadare…
Z. Kadare, mund, dhe sipas meje thjesht mund, te jete ai gjeni i letrave shqipe me permasa boterore. Gjithsesi, Z.Kadare ka thjesht kete vecanti dhe asgje me teper…!



NoName

[Rejjan]

Se shihni endrra me sy hapur prandaj jeni akoma 5 shekuj mbrapa bote. Po cthua o qyqar si mund te triumfoje nje sistem mesjetar dhe injorant perpara nje sistemi te civilizuar dhe plot dije? Historia na ka mesuar se bota shkon perpara, kurre prapa. Evropa kaloi nga skllavopronaria ne feudalizem, socializem, kapitalizem, apo klasicizem, romantizem, ekspresionizem, impresionizem, futurizem, modernizem e postmodernizem. Si thua ti, pasi kemi evoluar gjithnje e me shume do kthehemi prape ne kohen e mesjetes tende? A e kupton sa gabim ja fut? Wishful thinking i thone kesaj tendes. Evropa kurre nuk do kthehet ne ate qe do ti sepse ne gen eshte e LIRE dhe LIBERALE. Ca gjera jane me gene e trashegimi ne kete bote, llap sa te duash ti. Nuk mund te kthehet nje sternip i Victo Hygose ne bejtexhi syresh, ashtu si nuk mund te kthehet nje sternip i Zhan Zhak Rysose apo Frojdit ne recitues xhamie. Kapish ?? Nccc e di e di..po perpiqu te pakten. Mjaft jetove ne boten surreale alla Sadam dhe Ali Komiku.

Kadareja eshte jo vetem ndergjegja e popullit tone, por ndergjegja e krejt Evropes se lire qe ideal udheheqes ka lirine e individit dhe mundesine per per zgjedhjen e lire, jo imponimin dhe dhunen. Kush se kupton ben mire qe te lexoje e kulturohet me shume per ta kuptuar..ose mos te flase fare.

Po une nuk te thashe qe ta pish canabisin kaq shpejt !

[xfiles]

bravo forum126, ORION
beni copy/paste se nuk ka kush i mbush faqet.

Shpejto se nuk ke shume kohe. Sipas analisteve per 20 vjet Islami do te jete feja dominuese ne Evrope.
Atehere me mire ti lutesh atij busti te shemtuar qe ke ne shtepi, te pish canabis ose te behesh muslimane, por me bindje ama.

mbase te kuptoj keq ketu por mua me duket si kercenim ky per ata qe nuk besojne. Dmth po u be islami feja dominuese çfare ... behu pak me i qarte,
dhe nuk kuptoj se si jeni kaq te shpelare nga truri perderisa çdo pabesimtar e kujtoni se i lutet busteve ose pi canabis. apo kush nuk beson allahun e muhamedin tend i ka automatikisht te gjitha epitetet e keqe qe mbesin.

[Rejjan]

O Y-pso !

kupto me mire se cdo te thote batute

[Lunesta]

ja si e ka bukosur Kadareja qosen sot, qe ky i fundit mos ta marre me penen mjerane e te shkruaje

Kadare: Pabesia e një polemisti

Është pritur një reagim prej jush lidhur me polemikën e Qoses. Në Shqipëri është bërë zakon që polemistët nuk presin gjatë për t'u përgjigjur. Ju keni treguar mosgatishmëri për përgjigje…
Është e vërtetë. Madje edhe nëse iu përgjigja kërkesës suaj, e bëra për respekt te lexuesit shqiptar dhe të askujt tjetër. Është një gjë e bezdisshme të marrësh pjesë në një polemikë të pabesë. E tillë quhet polemika kur njëri nga polemistët, ose të dy, e mbështesin zjarrminë e tyre mbi diçka të pavërtetë, diçka të sajuar prej atyre vetë. Kjo është një dredhi e vjetër, kur polemisti sajues shpreson që sajesa e tij, duke u përsëritur, të merret si e mirëqenë.
Pikërisht kjo është bërë prej Qoses, në shkrimin e tij tepër të gjatë, të mërzitshëm dhe po aq të pamoralshëm.
Në këtë shkrim polemizues lidhur me identitetin evropian të shqiptarëve, për të falsifikuar thelbin e çështjes: integrimin e shqiptarëve në Evropë, Qosja përdor pikërisht dredhinë e vjetër, që u përmend më lart. Në sprovën time jam përpjekur të vërtetoj se synimi shqiptar drejt Evropës është jo vetëm i logjikshëm, i natyrshëm e i kahershëm, por është i vetmi shans i ynë.
Çdo polemist ka të drejtë ta kundërshtojë këtë ide, për të parashtruar një tjetër. Por asnjë polemist nuk ka të drejtë që, për të rrëzuar idenë e kundërshtarit, ta ndryshojë e ta kthejë kokëposhtë atë. Qosja ka bërë pikërisht këtë gjë. Gjithçka që kam thënë për identitetin evropian të shqiptarëve, është quajtur prej tij si kundërmuslimanizëm.
A mund ta shtjelloni pak më gjerë, në mënyrë që për lexuesin të jetë më e qartë ku qëndron thelbi i çështjes?
Thelbi është i thjeshtë. Qosja, për shkaqe që i di ai, është në kërkim të një flamuri. Meqenëse flamuri i shëmtuar i "revolucionit të vonuar demokratik më 1997" i ra e, meqenëse në zgjedhjet e fundit në Kosovë i ra edhe flamuri politik, ka menduar se spekulimet fetare janë të përshtatshme për t'u bërë protagonist. Ai ka nisur të valëvitë flamurin e kinse mbrojtësit së muslimanizmit shqiptar. Në kësi rastesh, flamurtundësi, për t'u bërë i besueshëm, shpik një kundërshtar që, sipas tij, valëvit flamurin e kundërt.
Në çdo vend ky do të quhej një mashtrim i rëndë. Në Shqipëri, në kushtet e sotme të problemeve të brishta fetare, mashtrimi merr ngjyrat e një provokimi tepër të rrezikshëm.
Të provokosh e të nxitësh përçarje fetare sot në Shqipëri është krim. Duke e ndier këtë, disa analistë shqiptarë kërkuan, me të drejtë, që kjo kinse polemikë të mos vazhdonte. Për fat të keq, ndodhi e kundërta.
Në sprovën time "Identiteti evropian i shqiptarëve" nuk ka as kundërmuslimanizëm e as racizëm evropianist kundër "identitetit të Lindjes muslimane", siç thotë Qosja. Madje shprehje të tillë si kjo e fundit as që gjenden në këtë shkrim.
Në këtë sprovë, në disa paragrafe është kundërshtuar teza e Qoses se identiteti shqiptar është i ndarë, pra gjysmak. Kjo tezë më është dukur gjithmonë, dhe jo vetëm mua, me zanafillë të vjetër antishqiptare, kryesisht serbe.
Qosja kishte të drejtë të mbrohej e të shtjellonte të kundërtën. Mirëpo ai zgjodhi një rrugë tjetër: përgjigjen e shproporcionuar e të pamoralshme.
Qosja shkon edhe me larg. Duke përmendur fushatën fyese të bërë kohët e fundit kundër profetit Muhamed, në mënyrë djallëzore e trajton sprovën time si pjesë e kësaj fushate e të inkurajuar prej saj. Do t'i thoshja atij dhe gjithë haxhiqamilëve të tjerë se, në jetën time nuk kam fyer kurrë asnjë profet. Në qindra faqet që kam shkruar për universin e perandorisë otomane, nuk kam përmendur kurrë për keq emrin e profetit të muslimanëve. Dhe jo vetëm kaq. Jo vetëm nuk e kam shpërfillur, por, kur ka qenë rasti, kam bërë të kundërtën. Në trajtesën time të fundit "Dantja i pashmangshëm", e cila u shkrua e u botua pikërisht në kohën e fushatës kundër profetit, kam shkruar se i vetmi gabim i poetit tim më të adhuruar, Dante Aligierit, ka qenë pikërisht shpërfillja ndaj Muhamedit. Do t'ju lutesha që përbri kësaj interviste të botoni në gazetën tuaj, qoftë edhe një paragraf të kësaj trajtese, në mënyrë që lexuesi shqiptar të kuptojë se sa larg mund të shkojë monstruoziteti i një shpifjeje.
Në sprovën "Identiteti europian i shqiptarëve" jo vetëm nuk ka kurrfarë kundërmuslimanizmi, por i është bërë mbrojtja më e plotë muslimanizmit shqiptar. Tezat zotëruese, të përsëritura disa herë në këtë sprovë janë tri: E para, muslimanizmi shqiptar nuk përbën kurrfarë pengese për integrimin e kombit tonë në Europë. E dyta, një musliman shqiptar është po aq europian sa një katolik apo një ortodoks shqiptar. E treta, ne do të hyjmë në Evropë jo me një ose me dy, por me të tre besimet tona.
Si e shpjegoni interesimin e lexuesit për tema të tilla?
Më duket e natyrshme. Biseda për Europën është ndër themeloret sot në Shqipëri, në Kosovë dhe kudo në diasporë. Në konceptin "Europë" përfshihet Perëndimi, Aleanca atlantike dhe Shtetet e Bashkuara.
Ndërkaq, duhet thënë se pavarësisht se problemi ngjan tepër bashkëkohor, ai është i vjetër, mbi njëshekullor. Rilindja shqiptare e ka ngritur çështjen e rikthimit në Europë shumë kohë përpara çlirimit të Shqipërisë prej robërisë otomane. Gjatë gjithë shekullit XX, çështja shqiptare ishte e pandarë nga raportet me kontinentin. Fill pas pavarësisë së Shqipërisë në fillim të shekullit, problemi numër një u bë kthimi në Europë. Ne i dimë tani dy pengesat tragjike për këtë: regjimi komunist në Shqipëri dhe regjimi komunist jugosllav.
Gjatë gjithë shekullit strategjia antishqiptare në Ballkan bazohej mbi një mit të rrejshëm: shqiptarët janë mish i huaj në Europë. Si të tillë ata s'kanë vend këtu. Si të tillë ata edhe mund të dëbohen, të copëtohen e të shpërngulen. Millosheviçi besoi se Europa do t'i jepte dritën e gjelbërt, që ai, si kalorës i krishterimit serb, të shkulte nga rrënjët kombin "joeuropian musliman" të shqiptarëve.
Strategjia shqiptare është bazuar në të kundërtën: shqiptarët, popull trifetarsh, janë popull themeltar në Ballkan e në Europë, ngulitur në tokën e tyre qysh në lashtësi. Në këtë vizion, çështja e tri besimeve lidhet natyrshëm me të drejtën për të ekzistuar. Në sprovën time ka një nderim të barabartë për të tri besimet fetare të Shqipërisë. Eshtë theksuar legjitimiteti i tyre dhe uniteti i të tri besimeve kur ka qenë fjala për çështjen e lirisë. Eshtë theksuar, për shembull, se si muslimanët shqiptarë janë ndodhur shpesh në vijën e parë të luftës për çlirimin nga otomanët, ndonëse kishin të njejtin besim me ta. E po ashtu, ortodoksët shqiptarë kanë qenë në vijën e parë të luftës kundër sulmit antishqiptar të fqinjëve me të njëjtën fe. Katolicizmin shqiptar, ndonëse nuk i përkas si besim, unë e nderoj për dy arsye: e para, siç nderoj çdo besim njerëzor, e dyta, dhe më e rëndësishmja, si dëshmi e rrënjëve, që duan t'ia mohojnë këtij populli. Të nervozohesh sot kundër tij, siç bën Qosja, është, për të thënë fjalën më të lehtë, e pashpjegueshme.
Pyetje: Nga shkrimi i Qoses kundër jush kuptohet se ka patur një zemërim të grumbulluar për një kohë shumë të gjatë. E keni ditur ju këtë gjë? Me sa kemi informacion, ju keni ndihmuar për botimin e dy librave të tij kryesorë në Paris, bile të prezantuara me parathënie prej jush. A nuk ka një kontradiktë në këtë histori?
Përgjigje: Nga shkrimi i tij i gjatë ashtu del: një mllef i vjetër, gati i përhershëm. Kam qenë i pavemendshëm për ta pikasur një gjë të tillë. Nuk e them këtë me ndonjë mburrje, si ata që duan të thonë: s'merrem me kësi meskinitetesh! Fakti që, siç e përmendni ju, kam ndërhyrë për botimin e dy librave të tij në Paris, madje njërin të shoqëruar me parathënie të gjerë, tregon se edhe nëse diçka kam ditur, nuk i kam dhënë rëndësi.
Mendoj se, nëse ka kundërthënie në këtë histori, ajo nuk është në anën time, por në anën e tjetrit. Ajo e ka emrin mosmirënjohje. Dhe mosmirënjohja kur kapërcen çdo kufi dhe kthehet në atë që quhet "mosmirënjohje e zezë" , atëherë kjo është pabesi. Dhe, siç mund ta dini, një burrë i pabesë është krijesa më e pështirë në botë.
Pyetje: Ju keni ndërhyrë gjithashtu për botimin në Francë tê librit të Rugovës "Çështja e Kosovës", me një parathënien tuaj. Si kanë qenë marrëdhëniet midis jush?
Përgjigje: Jemi njohur herët, si dy kolegë të letrave. Jemi takuar shumë herë, në fillim në Tiranë, më pas në Prishtinë, e sidomos në Paris, në kohën që ai kryesonte LDK-në dhe u bë president i Kosovës. Botimi i librit të tij "Çështja e Kosovës" luajti një rol të madh në atë kohë për njohjen e dramës shqiptare atje. Kemi takuar së bashku disa personalitete, si p.sh. Michel Rocard-in, kryeministër i Francës në atë kohë, e të tjerë.
Më pas ka qëlluar që e kam kritikuar, kur kam menduar se ka bërë gabime, por ato kritika nuk e kanë prishur miqësinë e hershme. Jemi takuar përsëri pas çlirimit të Kosovës njëlloj si më parê.
Kur dy njerëz e kapêrcejnë pezmin, gjë që, për fat të keq, nuk është e shpeshtë tek shqiptarët, merita quhet zakonisht e të dyve. Do të thoshja se, në rastin që përmenda, merita ka qenë, në radhë të parë e tij. Këtë e them jo vetëm për respektin ndaj njeriut që nuk është më, por sepse e vërteta kështu ka qenë: isha unë që e kisha kritikuar dhe ishte ai që nuk ka mbajtur mëri.
Pyetje: Qosja, por edhe ndonjë tjetër ju akuzojnë se ju po nënvizoni si tepër karakterin europian të letërsisë shqipe. Gjithashtu e identifikoni Europën me qytetërimin e krishterë.
Përgjigje: Po e nis përgjigjen nga kjo e fundit. Asnjëherë nuk jam pêrzier në një diskutim të tillë. Fakti që kam theksuar me forcë hyrjen e popullit shqiptar, ashtu siç është, me tri fé, në familjen europiane, tregon se ç'vizion kam patur dhe kam për këtë çështje.
Sa pêr theksimin e karakterit europian të letêrsisë shqipe, dua t'iu them gjithë halldupëve shqiptarë se letërsia shqipe nuk ka nevojë të bëhet europiane ngaqë ajo është e tillë. Ajo ka lindur si e tillë, ka patur disa shekuj vijimësi tipike europiane, është pêrtêritur europianizimi i saj prej Rilindjes shqiptare dhe sot, pas incidentit historik të komunizmit, vazhdon rrugëtimin e natyrshëm të saj.
Vizioni im i kushtëzuar në radhë të parë prej letërsisë, ka qenë gjithmonë i tillë. Kështu ka qenë kur jam marrë me letërsinë antike greke, që s'ka qenë as e krishterë, as muslimane, as aziatike e as europiane, në kuptimin e sotëm. E kështu ndodh nëse shkruaj për Danten katolik, Shekspirin protestant, Kafkën hebré, Khajamin persian, Akutagavën japonez, budist a shinduist qoftë.
Mirëpo halldupët tanë nuk i kuptojnë gjëra të tilla, ndaj diskutimi me ta është një mjerim i madh.
Thelbi i problemit qëndron gjetkë. Në Shqipëri e në hapësirën shqiptare ka sot një kundëreuropianizëm të fshehtë. Ai i ka rrënjët në stalinizmin e shekullit të kaluar, në nostalgjinë jugosllaviste dhe në otomanizmin e hershëm (atij otomanizmi që vetë Turqia e sotme e ka braktisur). Kundëreuropianistët nuk e duan hyrjen e Shqipërisë në familjen europiane. Mirëpo ata nuk guxojnë të dalin hapur kundër BE-së e kundër Shteteve të Bashkuara, ndaj janë të detyruar të bëjnë dredhi të shumta, për ta ftohur popullin shqiptar me botën perendimore. Teza themelore në këtë rast është: Europa dhe SHBA janë ndërtuar mbi një bazë që është e huaj për ne. Ata nuk mund të na duan, prandaj as ne s'kemi pse t'i duam. Siç e shihni, jemi në thelbin e programit të dikurshëm stalinist shqiptar.
Sprova ime për identitetin europian të shqiptarëve rreh të vërtetojë të kundërtën: ne jemi pjesë e natyrshme e kontinentit, themelet i kemi të njëjta. Europa dhe SHBA na kanë pranuar si të tillë kur na kanë ndihmuar moralisht dhe ushtarakisht më 1997 dhe më 1999, të shpëtojmë nga katastrofa dhe nga robëria. Ata na kanë pranuar si aleatë të afërt në luftën kundër terrorizmit. Ata na qëndrojnë pranë sot.
Të gjitha këto janë shjelluar në sprovên "Identiteti europian i shqiptarëve", që ka zgjuar te Qosja gjithë këtë mllef grafomanik.
Pyetje: Edhe një pyetje të fundit lidhur me polemikën për të cilën po flasim. A nuk është koha për polemika që të përjashtojnë provokimet, sidomos fetare? E meqë folëm pêr Rugovën, si mund të shpjegohet humbja e thellë në zgjedhje e Qoses kundrejt tij?
Përgjigje: Natyrisht që koha nuk është kurrë për polemika të tilla. Madje do të thoshja se në kushtet tona provokimet fetare të konsiderohen ligjërisht të dëmshme, ashtu si në vendet demokratike quhen thirrjet raciste ose terroriste. Kështu shpjegohet dëshira ime për të mos u përgjigjur. Ndaj dhe u mora me diçka që iu takon të gjithëve, pikërisht tani, në prag tê integrimit europian. Siç e patë, nuk u mora me atë se si, sipas Qoses, unë e paskam dëmtuar letërsinë shqipe, e natyrisht, si e paskam dëmtuar Shqipërinë dhe pastaj Kosovën, etj.,etj. Dhe si ai tjetri, domethënë Qosja, i paska bërë aq mirë të gjitha ato gjëra që unë i paskam bërë aq keq. Dhe se si unë paskam qenë dikur prolindor, por pastaj më ikën mendte dhe u bëra properendimor, dhe se ai paskësh qenë, për çudi, properendimor dhe, pastaj, i erdhëm mendtë dhe u bë prolindor! E kështu me radhë.
Lidhur me votimet në Kosovë, atëhere kur këtij njeriu i kthyen shpinën qytetarët e Kosovës, ka gjasë që këtu të gjindet një thelb shpjegues.
Në Ballkan nuk ka ndodhur, ose ka ndodhur tepër rrallë që njeriu i cilësuar "i dijshëm" të jetë shpërfillur kështu në një konkurim zgjedhjesh.
Shkakun e shpërfilljes ndaj Qoses mund ta shpjegojnë vetëm qytetarët e Kosovës. Ne s'mund të japim veçse hamendësime. Ka gjasë që pranvera e vitit 1997, ai mars i zi , kur kombi shqiptar përjetoi tragjedinë e renies së "shtetit amë" të jetë bërë shkas. Në atë kohë, shqiptarët, kudo që gjendeshin ranë në zi e në depresion. E midis zizë u ngrit veç një zë i ngazëllyer që e përshëndeste atë gjëmë , duke e pagëzuar si "revolucion i vonuar demokratik". Dy vite më pas i erdhi radha Kosovës të digjej e tê masakrohej. Midis këtyre dy zjarreve, që ende nuk janë hulumtuar mirë, u ndriçuan shumë skuta të ndërgjegjes së shqiptarëve.
Me verdiktin e tyre, qytetarët e Kosovës na dhanë një mesazh të gjithëve: koha nuk ka nevojë për njerëz të fryrë, nga ata që kanë qejf të quhen "babai i kombit", "bacë i dijes" e të tjera si këto.
Ndërkaq për njerëz të tillë kanë ardhur kohë të vêshtira. Në kohën që qindra djem e vajza shqiptare po kulturohen me shpejtësi, për të marrë në duar punët e kombit e për ta shpëtuar Shqipërinë nga ky ndryshk e nga ky pluhur që s'po i shqitet, gërxhot kanë mbetur tek nostalgjitë e vjetra, tek serbishtja, si e vetmja gjuhë e huaj që dinë dhe te citimet bajate të Çernishevskit. Atëherë tërë mllefin e tyre e drejtojnë kundër botës perendimore, asaj që ua prishi rehatinë. Ajo botë iu duket armiqësore, ashtu si në kohën e stalinizmit. Kërkojnë vjega dhe aleatë kundër saj dhe, ç'është më e keqja, kërkojnë t'i mbushin mendjen popullit shqiptar, që, ashtu si ata, të mos e dojë atë botë e të shpallet kundër saj. Me fjalë tê tjera, tê shpallet kundër vetvetes.
Një shekull e ca mê parê, Anton Çehovi ka portretizuar shkëlqyeshëm personazhin e një "profesori", që jetonte me poza e me legjenda, e që në të vërtetë nuk ishte veçse një krijesë e rëndomtë, me aftësi tê rëndomta. Për t'u kthyer te votimet në Kosovê, kumti i qytetarëve të Kosovës do të përmblidhej në këto pesë fjalë: Mos i jepni rëndësi njerëzve të parëndësishëm.

Shekulli

[NoName]

Ismail Kadare eshte figura me e njohur e kultures bashkohore Shqiptare dhe nje figure e respektuar ne bote. Ne kete drejtim, I.K. eshte reklame falas per Shqiperine; duhet ta trajtojme ne kete menyre dhe te perpiqemi te mos hedhim balte mbi dike qe duke u lartesuar individualisht, ngre edhe Shqiperine dhe mbare shqiptarine.

Dhe ne si shqiptar duhet ta vleresojme I.K. nga ana profesionale artistike etj jo vetem se ai e meriton por edhe pse vetem ka arritur atje ku s'ka arritur shqiptar me pare…

Sidoqofte, ti ulesh vlerat nje bashkekombesi edhe kur bota ja ngre lart nuk eshte ndonje zgjuarsi apo burreri, apo intelekt si disa pseudo-musliman apo ndonje tjeter… ne kemi nevoje shume per njeri tjetrin se jemi populli i vogel, aq me teper figura te tilla …por s'keni faj se shume prej jush qe shkruani keq per te jeni jashte Shqiperise dhe ndoshta keni marre dhe pasaportat perkatese te vendeve ku jetoni… jam 100% njerez si ju, qe keni lexuar edhe shume libra dhe qe jeni intelektuale e jetoni per disa vite jashte shtetit kujtoni se shikoni” Kadarene nga “lart” …Shqiperia dhe shqiptaret, perfshire edhe ne qe jetojme jashte kane nevoje per emra te tille si Kadare, Inva Mula etj…



NoName

[Rejjan]

Kadare me kete shkrim vertetoi se me te vertete eshte prostitute.
Te mohosh tezat e shkrimit tend qe qartazi jane te shkruara, ku nota raciste mbi racat aziatike te bardha e me ngjyre, ku percmimi per letersine historike shqiptare eshte krejt i qarte , ku quhet NATO krahu i armatosur i krishtere,nderkohe qe nuk eshte aspak ashtu dhe te besh te moralshmin, eshte tipari tipik i prostitutave.

Kadare duhe ta ta dije mire se edhe pse deshtoi te merrte cmimin nobel me romanet e tija, edhe pse deshtoi te behej politikan, te mos mendoje se antimuslimanizmi i tij do ti jape atij kete cmim. apo do ta beje ate faktor. Pikerisht ky i fundit do te shenoje ashtu sic po duket edhe renien e kultit te tij dhe degradimin e mendimit.
Nuk do te doja tas shihja ne poziten e nje matufi.
Ata qe valevisin flamurin e kadarese vetem se u shkon pershtat interesave te tyre te ngushta, do te jene te pashprese.