Muzeume - Ekspozita

[drini_në_TR]

02.03.2003
Teatri “Dodona” shënon dhjetëvjetorin e themelimit

PRISHTINË, 1 MARS - “Java e Dodonës”, kështu është mbititulluar festa me përmbajtje të ngjarjeve nga teatri dhe kultura si shënim i dhjetëvjetorit të këtij teatri, e që do të mbahet për një javë rresht në Teatrin “Dodona” të Prishtinës. Në konferencën për gazetarë të mediave elektronike dhe ato të shtypit të cilën e organizoi, të shtunën, drejtori i Teatrit “Dodona” u paralajmërua hapja e manifestimit kulturo-teatror “Java e Dodonës”. Drejtori i “Dodonës”, Faruk Begolli, me diskursin e tij jozyrtar, paralajëmroi manifestimin “Java e Dodonës”, në kuadër të të cilit do të ketë shfaqje, premiera, retrospektiva, promovimi i librit “Dodona 1992-2002”, një film dokumentar, një ekspozitë dhe disa aktivitete të tjera që do të mbahen gjatë ditëve në vijim, në objektin e vockël të teatrit “Dodona” duke filluar nga dita e hënë e javës së ardhshme.

[drini_në_TR]

TIRANE 5 Mars

Instituti Italian i Kulturës në Tiranë ka prezantuar dje projektet artistike që do të realizojë gjatë muajit mars. Gjatë një konference për shtyp drejtori i këtij instituti, Atilio de Gasperis, ka bërë të ditur se muaji mars do të jetë tepër i ngjeshur me aktivitete që do të mbështeten nga ky institut. Bëhet fjalë për filma artistikë, koncerte, ekspozita fotografike, konferenca dhe opera.

Shekulli i grave" titullohet konferencadebat që do të zhvillohet ditën e 8 Marsit në Lidhjen e Shkrimtarëve dhe Artistëve, në të cilën Elena Doni do të tentojë një përballje të situatës së grave italiane e atyre shqiptare. Dy ditë më pas, po në Lidhje, në kuadër të nismës "Cineclub", do të shfaqet filmi italian "Il sorpasso" i regjisorit Dino Risi me aktorët Vitorio Gasman dhe Zhan Lui Trentinjo e Katerin Spak. Stina koncertore "Allegretto Albania" do të sjellë më 13 mars në skenën e Akademisë së Arteve një duet gjerman, në violinë dhe pianoforte. Më 14 mars, fotografi Roland Tasho do të çelë në Galerinë e Arteve një ekspozitë fotografike me titullin "Shqipëria tjetër". Një nga evenimentet e muajit mars do të jetë shfaqja e filmit "Ema, jam unë" e regjisorit Françesko Falaski. Filmi është realizim i ri italian, i vitit 2002. Edhe Teatri i Operës e Baletit do të presë dy artistë italianë gjatë muajit mars: dirigjentin Bruno Dal Bon dhe tenorin Masimiliano Pisapia. Ata do të jenë të pranishëm në operan "Bohema" e Puçinit. "Mesdhetar" titullohet filmi tjetër i projektit "Cineclub" që do të shfaqet më 24 mars në Lidhje. Ndërsa më datë 27 në Akademinë e Arteve pianistja spanjolle Ivan Martin do të sjellë muzikën e Moxartit, Bethovenit dhe Shopenit.

[drini_në_TR]

Promovim i Institutit Italian të Kulturës, nga punëtorë, në artistë me famë

Imazhi tjetër i Shqipërisë në fotografinë e Tashos


--------------------------------------------------------------------------------

mi.ho.

TIRANE

Eshtë çelur këto ditë në Galerinë Kombëtare të Arteve ekspozita vetjake e fotografit Roland Tasho, "Shqipëria tjetër". E veçanta e ekspozitës, marrë përsipër nga IOM dhe Instituti Italian i Kulturës, qëndron në faktin se fotografitë e ekspozuara janë imazhe të asaj pjese shqiptarësh që ndodhen në Itali e që kanë arritur të bëhen dikushi edhe atje. Në fjalën e tij ambasadori italian në Tiranë, Mario Bova, theksoi se kjo ekspozitë, përmes cilësisë së lartë artistike në fotografi, arrin të përçojë tek vizitorët faktin se, Shqipëria dhe shqiptarët janë pjesë e pandarë dhe integrale e Europës. Në ekspozitë gjen që nga familje të ndryshme shqiptare të sistemuara me punë e shtëpi në shtetin fqinjë, e deri tek artistë, violinistë, aktorë, balerinë e këngë-tarë. Fotografi tepër të bukura dhe dome-thënëse janë ato të aktores durrsake Merita Xhani në filma italianë, si personazh i tyre, apo të këngë-tares Elsa Lila e balerinëve Kledi Kadiu apo Ilir Shaqiri. Duke vëzhguar ekspozitën e Tashos vë re se shqiptarët kanë gjetur shtigje të çajnë jo vetëm në fushën e artit, por dhe në mjekësi, siç është kardiokirurgu Glozheni, të cilin Tasho e ka fokusuar pikërisht në sallën e operacionit të veshur me uniformën e mjekut dhe gati për operacion.

Ismail Kadare në parathënien e albumit të përgatitur me këto foto e konsideron atë "një kamera e ndershme, pa u përpjekur të idealizojë njerë-zit e kombit të vet dhe pa i paraqitur në dritë rreme rozë, ka dhënë në radhë të parë të vërtetën" dhe "një album dëshmi e një vullneti të qartë për të kapërcyer urat e ndarjes e për të shpërndarë mjegullën e keqkuptimit".

[Fiori]

Seattle, Washington (SHBA) - Qendra e Artit Bashkekohor prezanton ekspoziten e titulluar "Udhekryq : Art i Ri nga Veri-Perendimi," ekspozita do te vazhdoje deri ne 30 Prill, te ketij viti. Ekspozita drejtohet nga Michael Klein dhe artistet pjesmares ne te jane : Sean Albert, Cris Bruch, Lauri Chambers, Claire Cowie, Anna Fidler, Scott Fife, Claudia Fitch, David George, Gaylen Hansen, Casey Keeler, Lisa Liedgren, Beth Lo, Spike Mafford, Alden Mason, Roy McMakin, Jeffry Mitchell, Megan Murphy, Hans Nelsen, Julia Ricketts, Susan Seubert, Robert Yoder, Laura Griffith dhe Matthew Landkammer.

Punimet qe kane marre vleresimin me te madh jane : krijimi i Scott Fifes " Koka prej kartoni e Teddy Roosevelt" ; skulptura e Cris Brush titulluar "Politika e Kohes" (perbehet nga unaza druri te nderlikuara me sfera te medha te cilat duken se zmadhohen nga toka deri lart) ; piktura ne vaj e Alden Mason ; punimi me bojra uji dhe figurina te shkrira e Clair Cowies si dhe seria me fotografi e Spike Maffords titulluar "Tempulli i Apollos" .


Punimet e kesaj ekspozite mund ti shikoni ketu


Florence, Itali - Vizatime te Mikelanxhelos ne muret e nje dhome ne Florence, po restaurohen nga eksperte. Gjate kohes kur familja Medici kerkonte vdekjen e Mikelanxhelos ai u fsheh tek kjo dhome per gjashte jave. Licia Bertani, drejtoreshe e Muzeut "Medici" ne Florence thote : " Skicat po fshiheshin pak nga pak dhe ky restaurim ishte i domosdoshem, ne te kundertet vizatimet do te zhdukeshin."
Ky koleksion prej 50 skicash te vizatuara nga Mikelanxhelo u zbulua fillimisht nga Paolo dal Poggetto ne 1975. Nepermjet vizatimeve gjenden nje autoportret, figura e Krishtit me nje madhesi (njerzore) si dhe skica dhe piktura ne tavanin e nderteses.
Ne lidhje me kete arratisje te tij Mikelanxhelo ka shkruar " U fsheha ne nje qeli te vogel, murrosur si Medici i vdekur, i fshehur nga nje Medici i gjalle. Per te harruar friken, mbusha murret me vizatime.

Vizatimet e restauruara do te behen publike se shpejti.


Madrid, Spanje - Nje nga piktoret me te njohur spanjolle, Antonio Lopez, i ngarkuar me detyren e pikturimit te portretit te mbretit te Spanjes, e ka tejkaluar afatin kohor qe i ishte caktuar per te mbaruar potretin. Ky punim u sponsorizua nga Thesari Shteteror ne 1993, dhe nuk ka mbaruar akoma. Per me shume se nje vit piktori ka shkuar cdo dite ne pallatin mbreteror dhe ketu perfshihen dhe ditet e festave apo dhe fundjavat.

Antonio Lopez ka lindur ne Tomelloso, Ciudad Real, Spanje. Filloi te pikturonte me xhaxhane e tij Antonio Lopez Torres. Krijimtaria e tij eshte e inflyencuar nga punimet e Salvador Dalit. Nga viti 1950-1955 ka studiuar ne Shkollen e Arteve te Bukura ne San Fernando, Madrir. Per bashkeshorte ka piktoren Maria Moreno.

[drini_në_TR]

Themelohet Qendra për Zhvillime Strategjike “Ahmet Krasniqi”: Do të zhvillojmë arsimin dhe kulturën

PRISHTINE, 31 mars - Sot në Prishtinë u bë konstituimi i Qendrës për Zhvillime Strategjike “Ahmet Krasniqi”. Kjo organizatë rinore, jopolitike e joprofitabile, synon të japë kontribut për zhvillimin e arsimit dhe të kulturës dhe do të mbështesë talentët e rinj në këto fusha.
“Aktiviteti i qendrës do të orientohet në ngritjen arsimore, shkencore e kulturore të talentëve të rinj kosovarë, përmes seminareve e programeve të ndryshme”, tha Ermal Mehaj, themelues i qendrës për zhvillime strategjike “Ahmet Krasniqi”. Udhëheqësit e kësaj qendre bënë të ditur se kjo organizatë është certifikuar më 12 shkurt të këtij viti, ndërkohë që po sot u zgjodhën edhe organet drejtuese të organizate.

[Fiori]

Londër, Angli - Te enjte, 22 Maj, 2003, Sotheby do te kete shitje fotografish nga fotografet me te njohur te kohes sone. Imazhet me interesante per kete shitje do te jene zgjedhjet e fotografive te viteve 1960-1970. Cmimet do te varjojne nga £70,000 deri ne £300.
Fotografia më e diskutuar e cila do te marre pjese ne shitje eshte nje fotografi e Richard Gere, marre ne 1978 nga Herb Ritts(1952-2002). Fotografia konsiderohet si nje pike per fillimin e dy karierave ; ate te Richard Gere si simbol seksi dhe ate te Ritts si fotograf.
Ne fillimet e 1970ës Ritts ishte duke punuar per biznesin e familjes ne Hollywood-in Perendimor. Gjate nje udhetimi ne San Bernardino me shokun e tij Gere ( i cili nuk ishte i famshem ne ate kohe), u detyruan te ndalonin ne nje stacion benzime pasi ju ça njera nga gomat. Ne lidhje me foton e bere tek ky stacion Ritts thote : " Nuk e mbaj mend nese i thashe Richardit te vendoste duart mbi koke, apo ai thjesht ishte duke u shtriqur...Ai ishte thjesht keshtu, nje femije i lezetçëm dhe shume sexi." Fotografia u publikua tek revizta Vogue (SHBA) ne tetor te atij viti dhe menjehere pas saj Gere ju ofrua roli kryesor tek American Gigolo ndersa Ritts u be nje nga fotografet kryesore te shek te 20të. Fotografia, e 15ta ne rradhen e gjithesej 25 fotografive ne kete shitje, eshte perafruar te kushtoje £3,000-5,000.





Nje tjeter fotografi me artistë qe do te marre pjese ne ankand eshte portreti i Paul Newman dhe Lee Marvin, marre ne 1972, Tucson, Arizona nga Terry O'Neill kur Newman dhe Marvin ishin duke punuar per te xhiruar filmin "Pocket Money" (Lekë Xhepi)
O'Neill ishte nga pjesa lindore e Londres dhe ka fotografuar qe ne moshen 20 vjecare. Zakonisht perdorte kamera 35mm ne menyre qe te kapte shpirtin spontan te modes se kohes dhe skenes muzikore. Ai ka punuar per Vogue, Paris Match dhe Rolling Stone. Fotografia parashikohet te shitet £300-500.
Pjese e shitjes jane dhe fotografi te grave te cilat kane frymezuar imazhe te shkelqyera fotografike. Njera prej tyre eshte Jean Shrimpton, nje nga modelet me te njohura te viteve 60të si si dhe frymezimi dhe e dashura e David Bailit. David ka thene : "Dua te bej nje liber rreth imazheve ... Jean eshte nje imazh".

[drini_në_TR]

TIRANË, 5 Prill, 2003

Galeria Kombëtare e Arteve shumë shpejt do të shndërrohet dhe në një qendër ankandi për veprat e artit figurativ. Këtë e konfirmon drejtori i kësaj galerie, Abaz Hado, sipas të cilit, "qëllimi është krijimi i një ure mes klientëve dhe artit figurativ".

Flitet për një sistem ankandi të veprave të artit që do të nisë së shpejti në GKA..

Eshtë fjala për një institucion të ri i cili ka munguar në strukturën e Galerisë Kombëtare të Arteve. Sipas projektit që kemi hartur për këtë qëllim fillimisht do të realizojmë një katalog, objekt i të cilit do të jenë pikërisht artistë të figurativit, piktorë dhe skulptorë. Për këtë ne kemi shpërndarë disa formularë të cilët duhen plotësuar me të dhëna që do të pasqyrohen në katalogun në fjalë.

Për çfarë shërben ky katalog?
Mbi bazë të këtij katalogu, praktikë që ndiqet kudo në botë, klientët do të vijnë dhe të zgjedhin piktorin dhe punën që ata duan prej tij. Kështu do të krjohet një urë mes pulbikut dhe artit figurativ.
Një lloj ure të tillë kanë krijuar dhe galeritë private…
Eshtë e vërtetë, por marrëdhënia që duam të krijojmë ne si Galeri do të jetë e një niveli shumë më të lartë. Veprat e artit do të vlerësohen vërtet si të tilla që nga çmimi që atyre do t'u vihet. Mos harrojmë se pjesë e këtyre ankandeve do të jenë vepra të artistëve më me emër që ne kemi, ndërkohë që nëpër galeritë private nuk është i theksuar ky lloj seleksionimi.

Së fundi, deri në këto momente sa formularë janë shpërndarë dhe sa artistë janë afruar?
Janë shpërndarë rreth 100 formularë, por, për fat të keq, shumë pak janë kthyer të mbushur. Kjo është një lloj neglizhence e artistëve qoftë dhe për plotësimin e një formulari. Dhe unë i kuptoj shumë mirë. Për këtë e kam shtyrë afatin e mbledhjes së tyre deri në fund të prillit, pasi afati i fundit ishte fundi i marsit.

[drini_në_TR]

TIRANË 5 Prill, 2003

Çelet sonte në mbrëmje konkursi më i rëndësishëm i fotografisë artistike në Shqipëri, "Marubi 2003". Në këtë edicion do të marrin pjesë 96 artistë, 66 prej të cilëve shqiptarë dhe pjesa tjetër të huaj të ardhur nga vende të ndryshme të botës. Me kurator Ilir Butkën, brenda kësaj ekspozite do të prezantohet Pinhole fotografi në pavionin "Camera Obscura". Fotografitë e ekspozuara do të vlerësohen nga një juri e përbërë nga Neil Roberts, Ziso Kamberi dhe Qenan Shenaj. Ndryshe nga herët e tjera çmimeve tradicionale, të parit, të dytit, të tretit dhe Fotografia Art, është shtuar dhe çmimi specila Pinhole fotografi, çmimi i medias dhe i kritikës si dhe çmimi i publikut.

[katana]

60 pjesemarres vijne nga 14 vende te ndryshme te botes, me koncepte e vizione te ndryshme mbi artin e fotografise. Ata vijne nga Shqiperia, Kosova, Mali i Zi, Serbia, Italia, Austria, Kanadaja, Gjermania, Anglia, etj. Juria e aktivitetit e perbere nga fotografi I njohur Albes Fusha, artisti Ziso Kamberi dhe artistja e njohur Prishtinase qe jeton e punon ne Norvegji – Violeta Xhaferri.
Ne listen e pjesmarresve jane Agim Faja, Anisa Bahmi, Agron Hasanaj, Anesti Matka, Agron Mesi, Anisa Allmuca, Ardi Fejzullari, Burim Myftiu, Bashkim Asllani, Bertrand Shijaku, Bevis Fusha, Denis Vogli, Dorina Arapi, Elsa Martin, Eliano Kalemi, Eqrem Luraku, Elvis Cala, Enisa Canaliaj, Fatmir Dardha, Fatjon Ymeraj. Fahredin Spahia, Flutura Laci, Flamur Seferi, Ilir Kaso, Gent Faja, Gezim Panariti, Gezim Bonjaku, Hilmi Halilaj, Jonida Zaharia, Klodeta Buzi, Leonard Voci, Leon Qafzezi, Lori Polena, Lumturi Blloshmi, Liman Cana, Llazi Serbo, Martin Qafzezi, Marketin Pici, Magdalena Cenolli, Silvana Nini, Vangjush Valla, Vigjilenca Sollaku, Menduh Nushi, Mirela KOrriku, Naim Sala, Namik Selmani, Nikolin Baba, Pranvera Shala, Qazim Strazimiri dhe Qerim Vrioni.
Nga Kosova vijne artistet Adriana Nimani, Arbana Hajredinaj dhe Valon Begolli. Nje numer i madh fotografesh vijne nga vende te ndryshme te botes si Chris Pool Great nga Anglia, Eugene Harasim- Rumania, Gerhart Gross – Austria, Gerard Links –Franca, Legs Boelen- Hollanda, Luca Turi – Italia, Marija Jankovic –Serbia, Rudiger Carl Bergman nga Gjermania, Alain Lefort – Kanada, Joton Karahoda dhe Yancy Wright nga USA. Maja Djuric, Brunilda Lekunda nga Mali i Zi.
Punet e paraqitura, jane mbeshtetur mbi konceptet kuratorial, ku plaget e ndryshme sociale mbeshtillen ne frymen e bashkjeteses.

Admirina Peci Illyria

[drini_në_TR]

Evropa... edhe gjuhës shqipe

Manifestim i rëndësishëm kulturor në Literaturhaus të Salzburgut

ARIF MUHARREMI
PRISHTINË, 9 PRILL - Në Shtëpinë e Letërsisë të Salzburgut e njohur ndryshe edhe si Literaturhaus, sot është hapur një ekspozitë e piktores së njohur nga Kosova, Zake Prelvukaj. Ekspozita e Prelvukajt e cila është titulluar “Pikturimi trupor” do të qëndrojë e hapur nga 9 prilli deri më 5 qershor, dhe është manifestim përcjellës për ngjarjen qendrore letrare që Literaturhaus e Salzburgut nga data 14 deri me 16 maj do të organizojë në kuadër të serisë vjetore që ky institucion i njohur austriak organizon me moton “Evropa e gjuhëve amtare”. Deri më tash, në kuadër të manifestimit “Evropa e gjuhëve amtare” nga njëherë në vit janë prezentuar vende si Islanda, Rumania, Estonia, Irlanda, Greqia, Italia, Franca etj. Këtë vit, radhën e ka prezentimi i një “gjuhe amtare” tjetër evropiane - gjuhës shqipe. Nga Shqipëria dhe Kosova me këtë rast janë ftuar autorët Fatos Lubonja, Beqë Cufaj, Ali Podrimja, Ledia Dushi, Mimoza Ahmeti dhe Ismail Kadare. Mbrëmjen e parë, me 14 maj, me prozën e tyre para publikut austriak do të shfaqen Fatos Lubonja (Shqipëri) dhe Beqë Cufaj (Kosovë). Mbrëmjen e dytë, më 15 maj, lexime do të kenë Ali Podrimja (Kosovë) dhe Mimoza Ahmeti e Ledia Dushi (Shqipëri). Kurse mbrëmjen e tretë, më 16 maj do të paraqitet me lexim të posaçëm shkrimtari Ismail Kadare. Përkthimet nga shqipja në gjermanishte dhe prezentimin e autorëve shqiptarë do ta bëjë përkthyesi i letërsisë shqipe në gjermanishte Joachim Röhm. Gjatë mbrëmjeve në fjalë, po kështu do të shfaqen edhe filma nga e me motive për shqiptarët, si dhe do të organizohen biseda e diskutime të autorëve nga Shqipëria e Kosova me lexues austriakë...