Te arrestuarit per Permbytjen e Tiranes

[Redi]

Rrethanat e mosfunskionimit normal të hapjes dhe mbylljes së portës, krijuan bindjen te grupi i hetimit se porta ka pasur probleme në projektimin dhe montimin e saj

Firmoset arresti për dy inxhinierët e "TRISS", Drejtorin e Bashkisë dhe rojen e digës. Ja akuzat

Përmbytja, në pranga 4 të parët
Rrëfimi i "Çunit të Bales" në Polici: Unë dhe çelësi


--------------------------------------------------------------------------------

Zylyftar Bregu

TIRANE

Pas më shumë se 16 orë pyetjesh, nga dhjetë të shoqëruar, mes të cilëve edhe nënkryetari i Bashkisë së Tiranës, Blendi Gonxhe, grupi i hetimit ka nënshkruar arrestimin për katër prej tyre.

Mbrëmë rreth orës 19 prokurori i Antiterrorit në Prokurorinë e Përgjithshme, Zamir Shtylla, ka urdhëruar për prangosjen e Fisnik Vathit, me profesionin inxhinier, Sotiraq Selenicës, edhe ky me të njëjtin profesion, të dy përfaqësues të firmës ndërtuese "Triss", si dhe të drejtorit të Ndërmarrjes së Gjelbërimit, Afrim Qëndro, dhe rojes së digës, Ilir Lulja (Çuni i Bales).

Operacioni
Ministria e Rendit e sigurisht dhe gjithë Drejtoria e Policisë së Tiranës është ngritur në gatishmëri që mesnatën e së premtes me urdhër të Ministrit të Rendit Publik, Luan Rama. Ndërsa me urdhër të kryeministrit kanë nisur hetimet e menjëherë është ngritur grupi që ka "identifikuar" edhe mëkatarët e parë të katastrofës së kryeqytetit. Disa orë pas mesnatës, në të njëjtën kohë grupet e gatshme të komisariateve edhe ato të Drejtorisë kanë "rrëmbyer" nga krevatët ku flinin (disa ishin edhe në terren, pranë liqenit) dhjetë persona, që kryesoheshin nga nënkryetari i bashkisë, Blendi Gonxhe, drejtori i Mirëmbajtjes në bashki, Artan Agolli, drejtori i Ndërmarrjes së Gjelbërimit, Afrim Qëndro, si dhe disa përfaqësues të firmës që kishte kryer punimet për ndërtimin e digës në liqenin artificial. Ndërsa Çuni i Bales (Ilir Lulja) është ndaluar që në mbrëmjen e së premtes nga grupet e gatshme të komisariatit numër 2. Krerët e këtij komisariati pohuan menjëherë pas ndalimit të tij se "nuk kishte lidhje me digën e liqenit, ai është ndaluar se është kapur në gjendje të dehur". Menjëherë kanë nisur marrja në pyetje e të ndaluarëve, për të sqaruar shkaqet dhe rrethanat e katastrofës "artificiale" që përmbyti një pjesë të mirë të kryeqytetit. Por afro 24 orë pas shpërthimit të digës "prangat" janë kyçur në duart e katër personave. "Deri në këto momente prokurorët kanë përcaktuar përgjegjësinë e projektuesit të portës së digës, inxhinier Fisnik Vathi, si dhe inxhinierit të firmës së zbatimit të këtij projekti, inxhinier Sotiraq Selenica. Rrethanat e mosfunskionimit normal të hapjes dhe mbylljes së portës, krijuan bindjen te grupi i hetimit se porta ka pasur probleme në projektimin dhe montimin e saj", shkruhet në deklaratën për shtyp të zëdhënëses së Prokurorisë së Përgjithshme, Eva Londa. Më tej në të shtohet se "janë konstatuar shkelje të rregullores në shfrytëzimin e portave të shkarkimit të liqenit e, për pasojë, për veprime në kundërshtim me përmbushjen e rregullt të detyrës është arrestuar Afrim Qëndro, si dhe Ilir Lulja (Çuni i Bales)".

Dëshmia
Secili nga të shoqëruarit (ca më tepër të arrestuarit) gjatë dëshmive të tyre janë përpjekur që ta "largojnë përgjegjësinë (akuzën) nga vetja. Por dëshmia e Çunit të Bales (Ilir Lulja), i cilësuar si shkaktar i katastrofës, që njëkohësisht është edhe dëshmitar i gjithë ngjarjes, ka qenë me shumë interes për grupin e hetimit. "Gazeta" ka mundur të sigurojë pjesë të dëshmisë së tij. Duke përsëritur faktin se "nuk kisha vënë alkool në gojë atë ditë", Lulja ka sqaruar se paradite digën e liqenit artificial e kanë vizituar një grup prej katër vetash, njëri prej të cilëve ishte inxhinier. "Grupi erdhi me urdhër të nënkryetarit të bashkisë së Tiranës, Blendi Gonxhe (që, për hir të së vërtetës, duhet thënë se përkohësisht ka pasur atributet e kryetarit të bashkisë, pasi Rama ishte për vizitë në Pekin). Ata i kanë thënë rojes (Çunit të Bales), se do të bëjnë një provë për portën e shkarkimit. "Madje e hapën atë rreth 50 centimetra", ka thënë Lulja, i cili ka sqaruar se nuk ka ndërhyrë fare gjatë veprimeve që ka bërë grupi i inspektimit. Por nga pasditja roja ka parë se porta nuk po mbyllej më. "Shkova dhe, i nxehur, u bërtita. Ç'bëtë kështu, se përmbytët Tiranën", ka thënë Iliri, duke u sqaruar prokurorëve se "është një njohës i mirë i liqenit dhe i problemeve të tij". Sipas tij, e gjitha kjo maskaradë arrestimesh është bërë për të "shpëtuar kokën e Blendi Gonxhes", që është shumë e vështirë për t'u ruajtur përballë katastrofës që përfshiu kryeqytetin.


TE ARRESTUARIT

- FISNIK VATHI, inxhinier përgjegjës për projektimin e digës, përfaqë sues i firmës ndërtuese "Triss"
- SOTIRAQ SELENICA, inxhinier i zba timit të projektit për ndërtimin e digës, përfaqësues i firmës "Triss"
- AFRIM QENDRO, drejtor i Ndërmarrjes numër 1 në Bashkinë e Tiranës, për gjelbërimin
- ILIR LULJA roja e digës, punonjës i bashkisë që, ndryshe, njihet edhe si "Djali i Bales".



----------------------------------------------------------


Marre nga GZ.

[Redi]

Rroba të hedhura kuturu, frigoriferë të vendosur mbi shtretër, lagështirë që ka përfshirë të gjithëa muret, ndërsa qese, fuçi, dru zjarri, lule e të mbjella janë zhdukur nën ujin e baltosur

REPORTAZH/ Mes familjarëve të përmbytur në zonën e Selitës dhe mbi stadiumin "Selman Stërmasi"

Nëpër lumenjtë e Tiranës së Re
Banorët: Jemi të tmerruar për orët e tjera që na presin


--------------------------------------------------------------------------------

Rezarta Delisula

TIRANE

Lagështira u ka hyrë deri në palcë, ndërsa frika e tyre janë ditët në vazhdim. Jemi në zonën e Tiranës së Re në lagjen Selitë. Pothuaj e gjithë zona është përmbytur nga ujërat që rrjedhin nga diga e liqenit artificial. Ka qenë ora 4 e mëngjesit kur thirrjet e banorëve të shtëpive private kanë alarmuar edhe ata që banojnë në katet e sipërme të pallateve.

Të frikësuar, më të rriturit kanë përfshirë në krahët e tyre fëmijët e vegjël dhe së bashku kanë zgjedhur pjesët e paprekura nga përrenjtë e furishëm.

Gjumë në tarracë
"Natën e kemi kaluar rrugëve. U mblodhëm të gjithë komshinjtë dhe dolëm nga shtëpitë, pasi kishim frikë se uji mund të na mbulonte. Më pas burrat u futën përsëri brenda për të sistemuar rrobat e shtëpisë që i kemi vënë kapicë", thotë Dile Xhina, e cila banon në zonën mbi stacionin e fundit të Tiranës së Re. Gruaja tregon me dorë nga një shtëpi njëkatëshe e cila nuk ka përfunduar ende së ndërtuari. E gjithë familja që banon aty, e ka gdhirë ditën e djeshme në tarracën e shtëpisë, pasi kati i parë u përmbyt. "Morëm batanijet që i kishim sipër dollapeve, sepse të tjerat u lagën, dhe dolëm në tarracë. Më e keqja ishte se nuk kishim as drita për të parë se ç'po ndodhte", thotë burri i vjetër i shtëpisë. Agimi i ka ndihmuar banorët e zonës së Selitës të kuptojnë se ç'po ndodhte me shtëpitë e tyre. Gjendje katastrofike. Uji ka hyrë kudo. Rroba të hedhura kuturu, frigoriferë të vendosur mbi shtretër, lagështirë që ka përfshirë të gjithëa muret, ndërsa qese, fuçi, dru zjarri, lule e të mbjella janë zhdukur nën ujin e baltosur.

Fëmijët
Ngado dëgjohen zërat e nënave që thërrasin fëmijët e tyre, thirrje që shoqërohen me të bërtitura. Të vegjlit vrapojnë në rrugicat e ujshme, lozin me njëri-tjetrin, ecin të zbathur dhe nuk e kuptojnë të ftohtin që ua ka nxirë fytyrat e pafajshme. Njerëzit janë të inatosur me përmbytjet e shtëpive të tyre, ndërsa si të tjerët edhe të prekurit nuk e dinë shkakun e hapjes së portës shkarkuese në liqenin artificial. "Na i vaditën mirë trëndafilat dhe tani le të vijnë t'i marrin erë", thotë Bedriu, një i moshuar, i cili prej 13 orësh qëndron në katin e dytë të pabanuar të shtëpisë së tij. Uji vërshon nga të gjitha anët. Makinat janë krejtësisht të përmbytura e po kështu bodrumet, katet e para të pallateve, si dhe shtëpitë përdhese. Nata e djeshme, veç tmerrit që ka qenë më i theksuar të premten, nuk ka pasur asnjë ndryshim. Një pjesë e familjeve janë larguar për në shtëpitë e miqve e të afërmve të tyre. "Ç'do të bëhet me ne?" Kjo është pyetja që i bren çdo minutë qindra familje të përmbytura, dëmet ekonomike së të cilave kapin shifra të mëdha. E veç kësaj, një pikëpyetje tjetër e madhe: Po në dimrin e madh si do t'ia bëjmë?

Tmerri i parë
Në vazhdojnë më tej për në rrugën "Komuna e Parisit", por makina të shumta kanë mbetur në pellgun e ujit dhe kanë bllokuar trafikun e rrallë në këtë zonë. Përmbytja këtu ka shkaktuar dëme të tjera, ka prekur aktivitetet private të bizensmenëve. Rrugët "Margarita Tutulani", "Grigor Heba" dhe "Gjikë Kuqali" përmbytja i ka prekur në orën 20.30 të ditës së premte. Këta banorë kanë qenë të parët që i kanë pikasur lumenjtë e ujit që rridhnin nga çdo anë. Gjendja është e njëjtë, në sytë e të prekurve sheh të njëjtën shprehje: janë të lodhur. "Kemi 24 orë pa vënë gjumë në sy", thonë banorët e kateve të para. Pranë shtëpive të tyre duken grumbujt apo pritat e sajuara, tashmë të shpartalluara. Sasia dhe fuqia e ujit që rridhte nga të gjitha anët, i ka lënë shenjat. Dyert e hekurit të vendosura në shtëpitë private janë deformuar, ndërsa përrenjtë kanë gjetur shtigje të reja. Mbrëmja apo errësira e forcuar edhe më shumë nga mungesa e energjisë, i ka vënë në heshtje zonat e përmbytura. E, gjatë rrugës së kthimit, ne vazhdojmë të hasim pellgje të thella uji e përrenj të vrullshëm, edhe pse porta shkarkuese e liqenit është izoluar pjesërisht.



Marre nga GZ.

[Reiart]

Demet e permbytjes nga papergjegjshmeria:
Biznesi 160 milione leke (te reja)
Shtepi e te tjera 20 milione leke (te reja)
Ne Shqiperi asnje here nuk jane arrestuar fajtoret e vertete, ata jane vetem dekoruar dhe ngritur ne poste.

[Jesushaus]

Kam degjuar se shtepite e permbytura jane te ndertuara pa leje. Si mendoni ju a duhen te demshperblehen keta njerez?
A duhet te demshperblehen hajdutet dhe grabitesit e tokave?

[Albo]

Ajo qe me beri mua pershtypje me kete permbytje, eshte fakti se vjet ne keto vafte shqiptaret nuk kishin drita dhe qeveria justifikohej "nuk ka patur rreshje", kurse gazetaret pro-qeveritare shkruanin se "E ka fajin Zoti jo qeveria qe nuk kemi drita".

Kete vit Zotit i ka ardhur keq per shqiptaret, dhe u dha rreshje aq shume sa i tej mbushi lumenjte e rezervuaret. Ndryshe nga nje vit me pare, tani te njejtet gazetare qe fajesonin Zotin, shkruajne neper gazeta:

"Zoti e ruajte Shqiperine!?"

E ka fjalen, qe ta ruaje nga budallenjte si puna e tyre pasi vetem budallai e permbyt Tiranen edhe pse ne Tirane nuk ka rene nje pike shiu.

Shiu te lag, budallai te permbyt.

[Fiori]

Kjo eshte katastrofe. Nuk besoj mund te ndodhte gje me e keqe ne Shqiperi. Ata te cilet nuk jane larguar akoma nga vendi (popullsia normale flas qytetare, fshatare ata qe jetojne me djersen e ballit) duhet ti kalonin te gjitha ne Shqiperi, si termetet, ashtu dhe plumbat ne vitet 2000 dhe permbytjet tani.

Nje muaj me pare Gjermania nje nga shtetet me te zhvilluara te botes pesoi permbytje nga te cilat ekonomia dhe njerzit akoma nuk po permenden...po ne Shqiperi kush do kujdeset per popullsine...ca lloj leku apo ndihme shpirterore do i rrikembe?!

Per mendimin tim eshte rendesi e dores se dyte te shikosh kush e shkaktoi kete katastrofe, me e rendesishmja eshte te shikojne si do e rrimekembin dhe mos fillojne perseri me fjale e fjale pa fund neper televizore e mitingje se si do marrin masa por ti marrin. Kushdo qofte ne qeveri.

[Reiart]

Qe nuk do te demshperblejne asgje kjo eshte e sigurte. Por sa per ndertimet pa leje qe e paskan fajin per permbytjen jam i sigurt te them qe ato ndertime jane me leje. Te rregullt apo jo leja eshte dhene. Nuk mer persiper njeri te ndertoje shtepi ne toke te vjedhur pa patur nje mbeshtetje e cila vjen nga ata qe e vodhen, me sakte pushtetaret tane te dashur. Prandaj nuk eshte faji i atyre qe ndertuan por i atij qe dha lejen per keto ndertime nga e cila kane fituar dhe vazhdojne te fitojne shuma marramendese. Kjo eshte fabula e hajdutit qe bertet kapeni hajdutin.

[DINA]

-Une kam pasur shtepine ne tirane te re dhe me erdhi keq qe eshte permbytur.
-Sic e tha edhe albo <>kudo qe ndodhen.
-Sa per te arrestuarit do thoja nje fjale e urte popullore<>

ME RESPEKT DINA

[alvi]

Postuar më parë nga Jesushaus
Kam degjuar se shtepite e permbytura jane te ndertuara pa leje. Si mendoni ju a duhen te demshperblehen keta njerez?
A duhet te demshperblehen hajdutet dhe grabitesit e tokave?

Natyrisht qe nuk duhen shperblyer. Atyre u duhet dhene alternativa ose te shkojen andej nga kane ardhur, ose para se te bjere niveli i ujtit, le te lidhin nga nje gur ne qafe dhe.......

Po mire o vlla po kush e ka vu ne pune cunin e Bales ke portat e diges. Hajde, hajde.
Ku e gjeten ate te shkretin, mezi i ka rrit Blaja me 100 munime, mo shume skishin se sa kishin, tashi dun dhe ta fusin mrena te shkretin, se ju nref dikujt te bote eksperiment me digen.

[Jesushaus]

Ore Reiart si ske turp the thua me leje?
Ku ke shtepi me leje ti atje? Te vjen [miku] me kallash ti afrohesh e jo me ti kerkosh a e ka me leje shtepine. Per mua le te ikin e te lirojne tokat.