In memoriam: Monsinjor Simeone Duka

[NoName]

Ne Zare te Kroacisë, Kryeipeshkvi i Shkodër–Pultit kujton Monsinjor Simeone Dukën dhe kryevjetorin e vdekjes së Gjon Palit II


Sot (me 31 mars k.v.) në qytetin e Zarës, në Kroaci, u kremtuan salikimet e Monsinjor Simeone Dukës, vdekur më 28 mars në Romë. Më pas i ndjeri u varros në vendlindje. Meshen e drites dhe ritet e salikimit i ka udhehequr kryeipeshkvi i Kryedioqezës Shkodër-Pult, Imzot Angelo Massafrën, i cili kujton figurën e Prelatit të ndjerë, po ashtu ne te njejten dite kujton edhe Papën Gjon Pali II në përvjetorin e parë të vdekjes.

[NoName]

U kthye në Shtëpinë e Atit më 28 mars Monsinjor Simeone Duka




Me hidhërim e fe – siç shkruhet në ‘L’Osservatore Romano’ - më 28 mars, në banesën e tij në Romë, ndërroi jetë Monsinjor Simeone Duka, arbënesh nga Zara, i mirënjohur për një veprimtari të jashtzakonshme në shërbim të Kishës në Itali, Kroaci e Shqipëri. Prelati vdiq në moshën 90-vjeçare.

Mesha e parë e salikimeve të Prelatit të ndjerë, e kryesuar nga imzot Gjino Reali, u kremtua sot, në orën 10. 30 në katedralen e La Stortës në Romë. Salikimet e fundit do të kremtohen nesër në Kishën e salezianëve në Borgo Rico, ndërtuar nga i ndjeri e do të kryesohen nga imzot Ivan Prendja. Më pas trupi i Monsinjor Dukës do të pushojë në paqe pranë familjarëve.

Po emri i tij nuk mund të harrohet: ai është i shkruar në ballin një numri të madh kishash në Itali, Shqipëri e Kroaci. Besimtarët e shumtë që shtegtojnë në Kishën e Zojës së Shkodrës, sigurisht e kanë lexuar këtë emër të shkruar në të majtën e Portës kryesore, sepse falë bujarisë së tij u rindërtua Shenjtnorja Kombëtare e Zojës së Këshillit të Mirë, Pajtores së shqiptarëve.

Shtëpinë ku banonte në Romë, ia la trashëgim Kongregatës për përhapjen e fesë, për ta përdorur në ndihmë të Kishës shqiptare. Është për t’u kujtuar se ai nuk e harroi kurrë identitetin e tij shqiptar e prandaj bashkëpunoi me të gjithë klerikët e laikët bashkëkombas që takoi, posaçërisht me Dom Zef Shestanin, Dom Prenkë Ndrevashajn e Imzot Frano Illinë.