Berlin - një shkollë nën mbikqyrjen e policisë!

**DYDRINAS** · 31-03-2006, 11:18

Mësimi në një shkollë të Berlinit në zonën e Nojkëlnit ka filluar të mbahet nën mbikqyrje të policisë që nga dita e premte. Prania e policisë në shkollë arsyetohet me eskalimin e dhunës në mes nxënësve

Në shkollën "Rütli Schule" të Berlinit ka rrahje, fyerje sharje. Goditen dyert, prishen fotografitë e varura në mur dhe provokohen mësuesit, që kanë frike nga dhuna dhe agresiviteti. Disa nxënës konfirmojnë atë se që po ndodh në mes tyre: "Nxënësit apo të rinjtë sikur ndihen të zotët, kur dëshmojnë dhunë dhe agresivitet. Ata këtë e konsiderojnë si një gjë të mirë. Ata grinden dhe pastaj edhe rrihen. Dhe ai, i cili tregohet më i forti konsiderohet më i miri."

"Vetë nxënësit qëllojnë me letra, me lapsa dhe prishin çdo gjë në klasë. Njëherë për njëherë është kështu. Kjo nuk është e drejtë. Të them të drejtën, kjo as që më intereson mua, se çfarë po bëjnë këtu nxënësit. Sepse unë këtu nuk vij shpesh në shkollë. Nuk ka kuptim."

Shumë nxënës duket se nuk e çajnë kokën për shkollë. Kolegjiumi i shkollës përmes një letre publike ka konstatuar, se shkolla gjendet në një udhëkryq. Në gjysëmvjetorin e parë në këtë shkollë kanë mbetur më shumë arsimtarë se sa nxënës të sëmurë.

Për prefektin e rrethit të Nojklnit në Berlin, Hajnc Bushkovski eskalimi ishte vetëm një çështje kohe. Ai shprehet se di prej kohësh se çfarë eksplozivi social përshkon njerëzit e kulturave të ndryshme. Nxënësit me origjinë arabe të kësaj shkolle janë të socializuar ndryshe në krahasim me nxënësit gjermanë.

Bushkovski: "Në këtë pjesë të qytetit ne kemi probleme, pasi një pjesë e të rinjve nuk janë rritur në sistemin tonë të vlerave, ata nuk ndihen si në shtëpinë e tyre. Prindërit e nxënësve jetojnë në shtëpitë e tyre në bazë të ritualeve të traditave të atdheut të tyre, të fshatit. Të rinjtë janë rritur këtu në qytet, ata refuzojnë këto rituale, por nuk i shohin qëllimet dhe vlerat e reja. Kjo bën që ata të përvetësojnë vlerat e rrugës. Dhe në rrugë siç dihet vlen ligji i më të fortit."

Pas apelit të arsimtarëve për ndihmë menjëherë kanë pasuar reagimet. Brenda ditëve të ardhshme kësaj shkolle të përbërë nga pjesëtarë të shumë kombe do t'i dërgohen tre pedagogë sociale,, të cilët flasin edhe arabisht dhe turqisht. Në të njëjtën kohë planifikohet unifikimi i kësaj shkolle me një shkollë tjetër për të ndihmuar integrimin e nxënësve. Për shkak të situatës së jashtëzakonshme nuk mendohet në mbylljen e shkollës, thekson senatori i shkollës, Klaus Böger: "Nuk do të ketë shkollë në Berlin që do të mbyllet. Ne do të vazhdojmë procesin tonë të zbatimit të parimeve edukuese, civilizuese dhe mësimit politik në çdo pjesë të Berlinit.

Që nga dita e premte ka filluar në hyrje të shkollës kontrolli policor. Policia përkujdeset edhe për mosmbajtje të armëve nga ana e nxënësve.

Silke Mehring

Deutsche Welle
31 Mars 2006

**DYDRINAS** · 01-04-2006, 14:33

Merkel: Fëmijët e emigrantëve të kuptohen me fjalë me mësuesit e tyre

Berlin: Për zhvillimet e fundit në një shkollë të Berlinit në zonën e Neukëlnit ku mësimi ka filluar të mbahet nën mbikqyrje të policisë u shpreh edhe kancelarja gjermane Angela Merkel. Sipas saj njohja më e mirë e gjuhës gjermane është një parakusht i rëndësishëm për zgjidhjen e problemeve të integrimit të fëmijve të emigrantëve. Duhet të përkujdesemi që fëmijët të jenë në gjendje të kuptohen me fjalë me mësimdhënësit e tyre, tha Merkel në Berlin. "Nëse një fëmijë prindërit e të cilit janë të huaj, nëse një fëmijë rritet në një shtëpi të tillë me prindër të cilët ndoshta as vet nuk dijnë mirë gjermanisht, vjen në shkollë, atëherë duhet përkujdesur që ky fëmijë të jetë në gjendje të kuptoj mësimdhënsin me fjalë", tha kancelarja Merkel. Në shkollën e Neukölnit mbi 80 përiqnd e nxënësve janë fëmijë të emigrantëve.

Deutsche Welle
01 Prill 2006

**Toro** · 02-04-2006, 08:46

Dhe pastaj thone qe nuk ka invazion arab ne Evrope.....Te vjen tjetri ne shtepi , te detyron ta ushqesh, ta veshesh, ta mbathesh, te mbaje fene e tij, te edukoje femijet e tij sipas sistemit mesjetar dhe te te imponoje kete sistem edhe tek femijet e tu, te vret, te plackit dhe ti duhet te rrish sus....Nese ky nuk eshte pushtim atehere cfare eshte?

**Alket123** · 02-04-2006, 10:17

Postuar më parë nga Toro

Dhe pastaj thone qe nuk ka invazion arab ne Evrope.....Te vjen tjetri ne shtepi , te detyron ta ushqesh, ta veshesh, ta mbathesh, te mbaje fene e tij, te edukoje femijet e tij sipas sistemit mesjetar dhe te te imponoje kete sistem edhe tek femijet e tu, te vret, te plackit dhe ti duhet te rrish sus....Nese ky nuk eshte pushtim atehere cfare eshte?

sa skupton ti toro.

mbi 1000 here myslymanet e kane thene se pushtimi i kostandinopojes dhe rrafshimi i popullsise se bizantit me rrace turke-arabe nuk ishte pushtim por clirim. ketu po flasim per clirim modern.

duhet te kuptosh toro karrikaturat e muhamedit jane ofendime ndersa vargjet e varura te kuranit ne arabisht ne muret e shen sofise ne kostandinopoje nuk jane ofendime por vleresime.

http://www.exploredance.com/iprez/r805032212.jpeg

**friendlyboy1** · 02-04-2006, 10:41

un shkollen e mesme e kam ber pjeserisht ne usa. Cdo dit policia ishte presente, pa permendur "nerc" qe ishin 4 a 5 ne gjith shkollen dhe mesues te shkolles qe gjat pushimit paguheshin edhe per te mbajtur qetesin. kjo siguri ishte vetem per gjera te vogla kur ndodhte ndonje zenie e madhe vinte ambulanca zjarrfiksa dhe policia. Nuk behet fjal per te patur nje shkoll normale pa patur sigurin e nxensve dhe studentve.

**Inteligjentja** · 02-04-2006, 11:44

Ajo qe ka ndodhur ne Berlin nuk eshte ndonje gje e jashtezakonshme shume. Me duket e pakuptimte theksimi nga ana e postuesit qe mbi 80% e studenteve ishin arabe/turq. Gjera te tilla kane ndodhur edhe me pare dhe do te ndodhin ama eshte ofenduese dhe e pasakte qe per kete ti vihet faji nje etnie te caktuar. Ketu ku jetoj une eshte nje lagje me greke/shqiptare ku ne shkolla ka kontroll te rrepte te policise. Cfare do te thote kjo? Qe shqiptaret jane barbare? Sipas logjikes suaj pergjigja do te ishte Po por une nuk e konsideroj veten te tille pra. Keshtu qe lerini budallalleqet edhe flisni me objektivizem. Kur eshte per ti share turqit/arabet i shajme por jo per gjera te tilla qe ndoshta nuk jane fare ne doren e tyre.

**[xeni]** · 02-04-2006, 11:55

Ajo qe ka ndodhur ne Berlin nuk eshte ndonje gje e jashtezakonshme shume. Me duket e pakuptimte theksimi nga ana e postuesit qe mbi 80% e studenteve ishin arabe/turq.

Eh, postuesi edhe episodet ma te vogla qe ndodhin ne cepin e ndonje shteti Evropian si Gjermania nuk perton t'i sjelle ne FSH per t'i diskutu si probleme te rendesishme nderkombetare.

S'di ç'te them. Direkt lexova pjesen e bere "bold" nga hapesi (ça ben reklama, e!) dhe e lashe fare se e di qe eshte thjeshte nje perpjekje me iu dhane mundesine disave te bejne pak "thashetheme". Lum si na qe jemi shqiptar edhe e kena ndrit ne Evrope, kudo qe shkojme krenohemi se kena nam te mire...lol.

**D@mian** · 02-04-2006, 12:02