Sa e pranueshme është dhuna në familje

[baby dream]

Jeta në ferr
**************************************************
*******


*******************************
Elda është 37 vjeç, por duket sikur ka 50. Rrudhat e thella në fytyrën e saj të plakur para kohe bëjnë të ditur se sa ka vuajtur në jetë. Elda pandërprerë shikon rreth vetes, flet me zë të ulët, sikur ka frikë se dikush tjetër do ta kuptojë gabimisht atë që do ta flasë.

“Që nga muajt e parë të martesës ai filloi të shkojë nëpër kafene me shokët dhe të kthehet në shtëpi në orët e vona të mbrëmjes. Atëherë vetëm bërtiste dhe shante. Nuk kaloi shumë kohë, filloi edhe të më rrihte. Na lindi fëmija i parë, djali. Thashë, ndoshta do të ndryshojë. Prej atëherë kaluan 15 vjet dhe po të mos vdiste nga pirja e alkoolit, unë ende do të prisja që ujku të shndërrohet në qengj”, e fillon Elda rrëfimin për ferrin.

Bashkëshorti i ndërroi jetë para gati se gjashtë muajve. “Alkooli e vrau, por më la mjaft kujtime që të kujtohem në të”, shprehet duke i ngritur krahët e këmishës. Në të dyja duart kishte shenja të prerjes me thikë. E ngriti pak fustanin – edhe aty prerje. Kujtime të përjetshme nga bashkëshorti i cili e ka bërë këtë edhe kur ka qenë esëll.

“Vallë, për argëtim, vallë e shtynte egërsira në të, kush e di. Do të vinte, do të më kapte për dore, do të më urdhëronte të ulem pranë tij dhe të mos lëshoja asnjë zë. Fillonte të më therte nëpër duar dhe nëpër këmbë. Filloi të vizatojë figura nëpër trupin tim. Me orë të tëra. Ndonjëherë do të kënaqej vetëm me këtë, ndonjëherë fillonte të më godiste me shqelma dhe grushta. Nuk durohej. Është mëkat, por, të ta them të drejtën, ndjeva lehtësi kur vdiq”, shprehet Elda. As që derdhi lot, e as që dridhej.

Bashkëshorti, të cilit nuk dëshiron t`ia përmend as emrin, e ka dhunuar me përkrahje të prindërve të tij. Ata, siç shprehet Elda, e kanë mësuar se burri ka të drejtë të ngrejë dorë mbi gruan. Ajo duhet ta dëgjojë.

“Mendoja të shkurorëzohem, por pa punë, e dija se kjo do të jetë edhe më keq. Ku të shkoj? Prindërit e mi janë njerëz të varfër, gjithmonë kanë qenë të varfër. Për ta isha një gojë më pak për t'u ushqyer. Shpesh mendoja të bëj vetëvrasje, por kur më binte ndër mend për fëmijët, shumë shpejt hiqja dorë nga mendimi i tillë. Tani, dënimi arriti. Kur më vjen rëndë, i shikoj vragët dhe kujtohem për ofendimet. Dhe e di se kam shpëtuar”, përfundon Elda.

********************
Ky eshte nje rast real, ne dhjetra e dhjetra te tilla................

A mendoni se bashkejetesa , ( martesa ...)u jep te drejten morale te cdo gjeje kundrejt bashkeshortit, aq sa dhunen ta quani dicka te perligjur e normale?

[Mr_Tironci]

E para lale per menimin tim kto gjona nodhin sepse shumica e asaj moshe jan martu me shkes, kan ate menimin e vjeter qe burri shtylla shpis por ne aspektin qe burri bon cdo gjo edhe gruja ska te drejten e asnji gjoje. Me verte eshte shtylla shpis edhe menoj sikur edhe ti bi grus noi shpull eshte mese e drejte po dhe femra ka autoritetin e vet ne kte pjes.

E dyta kto ndodhin se ardhja e ktyne vjen nga familje e varfer qe smund te sigurojn nje menyr jetese, di une shume raste qe jan martu edhe personi ne fjal u merte me trafikim femrash gjo qe prinderit nuk e dishin po ja qe ne njefar menyre detyrojn femren te martohet duke menu qe ka siguru jeten.

Dhuna per menimin tim nuk osht e lejushme nga te dyja palet. Si kto tragjeti ke edhe ne kohen e sotme kshuqe nuk eshte nai cudi.

Tashi Fati nganjeher te braktis edhe duhet te jetosh ne ferr

[Kërçovare1]

Jane shume te poshter meshkujt e tille! Sa shume i urrej. Vetem pse jane me te fuqishem dhe mund ta mundin nje femer s'duhet te ngrene dore kunder saj. Kush eshte ai te veproje ne ate menyre? Kush ia dha ate te drejte?
Me vjen shume keq per keto femra qe durojne gjithcka vetemse s'kane ka t'ia mbajne.

[babybell]

Me verte eshte shtylla shpis edhe menoj sikur edhe ti bi grus noi shpull eshte mese e drejte po dhe femra ka autoritetin e vet ne kte pjes....

....Tashi Fati nganjeher te braktis edhe duhet te jetosh ne ferr

çfare thua ti keshtu????!!!!!!
per fjaline e pare nuk kam koment sepse mendoj se ka diçka qe s'shkon tek ti.

per te dyten: te mos kesh "fat" ne nje zgjedhje nuk do te thote se duhet ti dorezohesh ketij "fati" dhe te pranosh te papranueshmen. gjeja me e rendesishme per njeriun eshte dinjiteti. kur dikush ( nje pleher per me teper) ta shkel ate me kembe, edhe sikur te kesh gjithe arin e botes, nuk do jesh kurre i lumtur. Imagjinoni ata femije qe jane te traumatizuar per jete, dhe kushedi se çfare efekti do kete kjo me vone ne tipin e jeten e tyre.

Mostro te tilla, duhen denuar me vite burg e tortura. Ligji duhet te jete strikt dhe i eger. nderkohe qe ne shqiperi kur nje grua shkon te qahet ne polici, shpesh here policet ngerdheshen dhe nuk i japin rendesi. normale: ai polici (qe eshte burre)rrezik e rreh dhe vete gruan e tij. gjithashtu financiarisht eshte shpesh here e pamundur per nje grua te shkeputet, siç thate, sepse shqiperia nuk parashikon asnje asistence per grate e vetmuara me femije, sektori i baneses eshte teresisht privat (qerate pra astronomike) dhe me e keqja gruas shqiptare i kane bere te besoje neper vite se burrave edhe i lejohet te vene dore mbi to dhe se fundja kjo nuk eshte fatalitet. dhe kur jeton ne injorance nuk ke si te shqetesohesh per gjera te tilla sepse as nuk e di se mund te jete edhe ndryshe.
eshte pra e domosdoshme qe gjenerata e sotme te ndergjegjsohet per krimin qe eshte dhuna bashkeshortore. kur te jeni deshmitare te akteve te tilla, duhet te nderhyni duke thirrur policine dhe mos t'ju duket qesharake kjo qe them se mbase nuk e dini po ne kodin tone penal ekziston edhe nje ligj qe thote: denohesh per mos dhenie asistence, nje personi ne rezik.

[Leila]

“Vallë, për argëtim, vallë e shtynte egërsira në të, kush e di. Do të vinte, do të më kapte për dore, do të më urdhëronte të ulem pranë tij dhe të mos lëshoja asnjë zë. Fillonte të më therte nëpër duar dhe nëpër këmbë. Filloi të vizatojë figura nëpër trupin tim. Me orë të tëra. Ndonjëherë do të kënaqej vetëm me këtë, ndonjëherë fillonte të më godiste me shqelma dhe grushta. Nuk durohej. Është mëkat, por, të ta them të drejtën, ndjeva lehtësi kur vdiq”, shprehet Elda. As që derdhi lot, e as që dridhej.

Me kujtohet historia e Kate Chopin me gruan qe i vdiq burri dhe nuk i erdhi keq, "The Story of an Hour." Sa per burrin, e paska patur psikopatizmin ne gen me qe e perkrahnin prinderit. Them te hapet gjyq per keta qe inkurajuan abuzimin fizik dhe nuk e ndihmuan Elden.

Beni krahasimin e 2 komenteve te deklaruara nga i njejti person, ne te njejtin post -- "Dhuna nuk eshte e lejueshme" versus "edhe sikur t'i biesh me shpulle gruas eshte shume e drejte" Wow. Tamam shembull i nje personi qe flet sa per te folur. Tmerrohem te mendoj ne cfare shtepish i keni marre keto shembujsh.