Adelina Ismaili

[Davius]

Mirëdita, nga Adelina Ismajli

Agron Krasniqi

Me një këngë të titulluar “Mirëdita”, ajo i është kthyer sërish skenës. Pas një periudhe të gjatë mungese, Adelina Ismajli, një nga këngëtaret më të njohura dhe të përfolura në Kosovë, u rikthye në skenë. Si gjithmonë ekstravagante dhe origjinale. Mungesën e gjatë në skenë ajo e ka arsyetuar me një tragjedi që i ka ndodhur në familje, vdekja e gjyshes, për të cilën thotë se ka qenë personi më i dashur. Por ndërkohë, gjatë mungesës së saj, në Kosovë është folur se “zhdukja” e saj lidhet me disa skandale, në të cilat thuhet se ka qenë e përfshirë. Por ajo i ka mohuar duke thënë se nuk ka ndonjë arsye tjetër, përveç hidhërimit për humbjen e njeriut të dashur. Megjithatë, pavarësisht të gjithave Adelina shprehet se tashmë është më e motivuar se kurrë për të punuar dhe për të sjellë diçka të re në skenë. Heshtjen këngëtarja e ka thyer me këngën e quajtur “Mirëdita”, të cilën e shoqëron edhe me një videoklip, që tashmë mbush televizionet kosovare. Kënga i takon zhanrit rock, gërshetuar me elemente folklori, një zhanër i paprovuar deri më sot nga kjo këngëtare. Megjithatë, duke ditur natyrën e këngëtares, gjithnjë e gatshme të eksperimentojë, publiku dhe më së shumti adhuruesit e saj presin një Adelinë ndryshe. Por “Mirëdita” është vetëm kënga e parë. Tashmë ajo po punon për krijimin e një albumi që mendohet të dalë së shpejti. Sa i përket projekteve të së ardhmes, ato lidhen me një turne, brenda e jashtë vendit. Pas një periudhe të gjatë Ismajli u shfaq edhe për publikun e Shqipërisë. Pak kohë më parë, ajo mori pjesë në një koncert që u zhvillua në Sarandë, ku merrnin pjesë këngëtarë të njohur shqiptarë.

[Zevzeku]

BOTA E YJEVE 24 qershor , 2006
numër : 59- V

ADELINA - GJITHMONË
I MPOSHT...!


Ja ku thotë sërish “Mirëdita” mbretëresha e
pop muzikës shqiptare, Adelina Ismaili. Shfaqet
në skenë më ndryshe, sikur di vetëm ajo
të sjellë gjithnjë ndryshime në skenë. Nuk
është vetëm një këngë me klip. Ajo si gjithnjë
prek pjesë nga jeta sociale e jona, duke i shpallur
luftë negatives. Gjërat e shëmtuara, sikur
thotë vetë këngëtarja, i lufton me optimizmin
dhe kënaqësitë e veta. Dhe gjithmonë
i mposht. Ka edhe shfaqje, ka edhe akrobacion
e vallëzim, ka estetikë, por ka dhe lojëra
aktoreske në spot, që përbëjnë artisten e kompletuar.
Por ajo qëndron me këmbë në tokë
vetëm duke u kënaqur me mundin që ka
dhënë. Nuk pretendon kurrfarë "bumi", sepse
në këtë jetë, sikur dhe thotë një varg i këngës
së saj: "asgjë e mirë nuk është më sensacion".
Synon objektivitetin. Vetëm që t'i thotë publiku
të vet “Mirëdita” si ka hije, nuk e
ndaluan as uji i ftohtë e për pasojë ikja e zërit,
as pëlkimi i këmbës dhe as vjedhja si për inat
nga ndonjë xheloz i tërë materialit të xhiruar
gjatë ditëve ta para të xhirimit. Përkundrazi,
e motivuan ta bëjë çdo gjë sa më bukur.
Ajo ka përcaktuar tashmë qartë linjat e punës
dhe suksesit. Do kontroll mbi këngët dhe
fund. Do që ato të skaliten sikur kristali kinez.
Kështu dhe do që albumi i saj i ri të punohet
me shumë kujdes, që ai të jetë shqip, po shumë
modern. Ajo mbetet përherë magjia që
magjeps e elektrizon publikun me ndjenjën e
sinqertë që jep, edhe kur qan, edhe kur
qesh, edhe kur përqafon, edhe kur dikë
e përzë nga koncerti, edhe kur vallëzon,
edhe kur i dridhet trupi nga emocioni,
duke kënduar 'live acapela'. Kjo u
dëshmua edhe në skenën e Polifestit, kur
e madhja, Nexhmije Pagarusha, ia përqafoi
duart dhe e quajti "Hyjneshë", kurse
publiku thirri emrin e
saj fituese të festivalit,
ndonëse ajo qe vetëm mysafire.
Por dhe në Sarandë,
vetëm ditë më parë, publiku e quajti “fenomen
të muzikës shqiptare dhe mbretëreshë
të pop muzikës kosovare”. Në këtë intervistë
ekskluzive për “Botën sot”, Adelina zbulon
shumëçka që është përfolur për jetën e saj, për
'puthjen' e saj me Gentën, pauzën e njëkohshme
në skenë, miqësinë e madhe me ishpresidentin
Rugova dhe pikëllimin e madh të
saj për humbjen e njeriut të madh, pastaj flet
për videoklipin, albumin, festivalin “Polifest”,
koncertin në Sarandë dhe thashethemet
e tjera që kanë qarkulluar sa poshtë lart kohët
e fundit për të.

“Bota sot”: "Mirëdita" quhet klipi i ri i juaji,
që duket se sjell Adelinën më ndryshe në
skenë? Është ashtu?

Adelina Ismaili: Së pari faleminderit për intervistën.
Sa i përket klipit, për këngën kam
bashkëpunuar me Randobrava Records,
kurse klipi është realizuar nga produksioni
"Video Art" dhe jam më se e kënaqur, por kishim
dhe një ekip të tërë nga Prishtina, si grimeren,
floktarin, koreografin, fotografin dhe
familjen time, të cilët më shoqëronin në çdo
moment. Shfrytëzoj rastin t'i falënderoj stilistet
e mia, Hyrie Gashin dhe Eriken, të cilat
bënë që rrobat e mia të duken më bukur sesa
që imagjinova. I falënderoj nga zemra të
gjithë, sepse pa ta nuk do të bëhej asgjë. Unë
me atë parim u nisa, që në videoklip të shihet
një Adelinë ndryshe, të eksponoj për herë të
parë ndjeshmërinë, e cila rri fjetur diku në
mua, por patjetër të mos anashkaloj Adelinën,
të cilën adhuruesit janë mësuar ta shohin.
Është klip i realizuar dhe kjo kënaqësi reflekton
tek shikuesi.

“Bota sot”: Çfarë mesazhi keni dashur të
jepni përmes tekstit të këngës “Mirëdita"?

Adelina Ismaili: Prapë ironizova në një
mënyrë përditshmërinë tonë, por duke e
dhënë formulën se si të mposhtet negativiteti.
Ajo që dëgjoni në tekst është mënyra se si
unë përballem me gjëra të shëmtuara: i luftoj
me optimizmin dhe kënaqësitë e mia. Gjithmonë
i mposht.

“Bota sot”: Ju keni dhe role të vogla aktoreske
në klip. Do të thotë kjo se Adelina ka
dëshirë e prirje që t'i shfaqet publikut edhe si
aktore dhe po që se do t'ju jepej rasti, do të
pranonit ndonjë rol?

Adelina Ismaili: Emra të dëshmuar, siç janë
Ekrem Kryeziu, Agim Sopi, Adem Mikullovci,
humoristi i dëshmuar Sevdai Radogoshi,
Sabri Fejzullahu, aktorët brilantë "Stupcat"
më kanë thënë që kam dell të shkëlqyeshëm
aktrimi. Kam aktruar dhe vazhdoj të aktroj.
Unë në fillim isha skeptike, sepse aktroja në
skeçe humoristike, duke ditur që humori është
gjinia më e vështirë e aktrimit. Arrita me
ndihmën e njerëzve me të cilët aktroja. Pra, e
pranoj me shumë vetëbesim dhe dëshirë të
flaktë ndonjë ofertë serioze për të aktruar. Edhe
pse e di që nevojitet që ta lë anash këndimin,
sepse aktrimi do shumë kohë e mund,
tash do ta pranoja. Në të kaluarën isha e
kushtëzuar nga koha që ia kushtoja aktiviteteve
muzikore.

“Bota sot”: Besoni se klipi “Mirëdita” do të
bëjë bumin e vet në këtë vit, sikur kanë bërë
bum edhe klipet e mëhershme tuajat?

Adelina Ismaili: Faleminderit për vlerësimin.
Nuk pretendoj kurrfarë "bumi", sepse në
kohën në të cilën po jetojmë, "asgjë e mirë më
nuk është sensacion". Synoj objektivitetin.
Jam e lumtur, nëse një vepër e imja mirëpritet.
Shpresoj dhe kënaqem duke u munduar
në atë drejtim.

“Bota sot”: Cilat kanë qenë vështirësitë
për realizimin e klipit dhe sa ju ka kushtuar
ai?

Adelina Ismaili: Materialisht, është çmim
real. Vështirësi kishte mjaft. Skena e parë të
cilën e xhiruan ishte në ambient të hapur dhe
i gjithë ekipi ngrinim nga të ftohtit. Unë po
xhiroja në ujë dhe të nesërmen isha e ftohur
në atë masë, saqë më iku zëri fare. Gjithashtu
ndodhi që u rrëzova gjatë xhirimit dhe pëlkeva
këmbën. Por vazhdova me atë intensitet.
E lë pas dore këmbën, e cila ende është e
ënjtur, po në atë gjendje (hahaha). Ditën e dytë
të xhirimit kishim dy skena të cilat duhej të
xhiroheshin deri në orët e hershme të mëngjesit.
Lodhje e madhe, por mua vetëm sa më
shtohej vullneti. Me këtë rast dua ta falënderoj
ekipin tim, por edhe njerëzit që na liruan
objektet të xhironim, të cilët, me gjithë lodhjen
e madhe, përballuan për mrekulli. Ditën
e tretë më priti befasia më e keqe. Ishte vjedhur
komplet materiali i skenës së parë që kishim
xhiruar, dhe ç'është më e keqja e dinim
që ishte punë konkurrence, por nuk kishim
prova që t'i denonconim. Unë duhej të shkoja
për vikend të këndoja në Gjermani e Belgjikë
dhe pa këtë skenë më vonohej videoklipi
6 ditë. Por, ky gjest i tmerrshëm i atyre që
e kanë bërë, më motivoi që ta përsërisja edhe
një herë xhirimin, dhe doli edhe më bukur.

“Bota sot”: Pas klipit "Mirëdita", sigurisht
jeni duke punuar për albumin e ri. Ju ngutet
ta keni gati sa më parë atë?

Adelina Ismaili: Kam filluar punën për albumin
më të ri, por, sado që dua të ngutem
unë, nuk më lejojnë bashkëpunëtorët, sepse
ma duan të mirën (hahaha). Tash dhe unë jam
kundër që albumet t'i bëj në mënyrë serike dhe
shpejt. Dua kohë, sepse më nevojitet përkushtimi
maksimal ndaj asaj që do ta performoj.
Nuk dua të ngutem, pavarësisht nga trendet
që të bëjmë albume sa më shumë e sa më
shpesh. Dua kontroll mbi këngët, sepse janë
fryt i dashurisë sime ndaj këngës dhe dua të
skaliten sikur kristali kinez. Do të jem e kujdesshme
që albumi të jetë një album shqip
shumë modern, i cili do të ketë veçoritë e veta
interesante. Nuk dua më që të huajt të vijnë
në koncertet e mia për shkak të vizueles,
por dua që t'i tërheq timbri shqip i
modernizuar, qofshin trende perëndimore apo
lindore.

“Bota sot”: Mendoni që ky album, sikur
edhe videoklipi, do t'ju mbajnë edhe më në
krye të skenës shqiptare?

Adelina Ismaili: Nuk e di. Vetë jeta është lotari
e të mos flasim për një album. Por besoj që
do të kem edhe një videoklip, sepse tani "më ka
hyrë në qejf" që të bëj videoklipe (hahaha).

“Bota sot”: Çka mendoni, cila është magjia
që e bën publikun të magjepset dhe t'ju dojë
gjithnjë, duke treguar përherë interesim, sa
herë që ju keni ndonjë koncert, turne, apo
kur nxirrni ndonjë klip a album?

Adelina Ismaili: Jam e sinqertë me ndjenjën
që jap. Asgjë nuk është paraprakisht e planifikuar
për performancen time. Jap ndjenjën
e pastër edhe kur qaj, edhe kur qesh, edhe kur
përqafoj, edhe kur dikë e përzë nga koncerti,
edhe kur vallëzoj, edhe kur më dridhet trupi
nga emocioni, duke kënduar 'live acapela'.
Por dhe fakti që ndryshoj shumë nga performanca
në tjetrën, sepse e pëlqej veten më
shumë, kur bëj ndryshime. Arti do risi edhe
nga vetë artisti. Nuk është rutinë. Nuk është
profesion klasik, ka të bëjë me ndjenjën.

“Bota sot”: Kjo u dëshmua edhe në natën e
festivalit “Polifest”, ku ju, ndonëse jo konkurrente,
e magjepset dhe e elektrizuat publikun
e pranishëm pikërisht me këngën “Mirëdita”,
sa u shkaktua habi te publiku, i cili zu në gojë
emrin tuaj, duke e thirrur emrin tuaj si fituese
të festivalit. Në të vërtetë, çfarë ndjesie
dhe përshtypje krijuat atë natë kur kënduat
në atë skenë jo si konkurrente, por si mysafire
e festivalit?

Adelina Ismaili: Në fillim po qeshja shumë,
sepse ma mori mendja që Arditi do të bëjë
ndonjë batute interesante në atë moment, dhe pse
të gënjej, ndihesha mirë. M'u kujtuan ditët e
fëmijërisë, kur dilja të merrja trofetë. Isha ulur
si spektatore, sepse doja ta shfrytëzoja rastin
që të kënaqesha njëherë në jetë duke i shikuar,
brohoritur e duartrokitur për kolegët. Ishte
një ndjenjë interesante, por unë u dorëzova
para vetes, kur e madhja, Nexhmije Pagarusha,
më përqafoi duart dhe më quajti
"Hyjneshë". Moment ku unë mbeta pa tekst.
Puth duart e asaj madhështie. Sa të mjerë jemi
që nuk ia dimë vlerën një artisteje, e cila
bëri të na njohë bota. Pyeta veten: "Ku është
kultura e njerëzve kompetentë"? Ishte një vorbull
ndjenjash.

“Bota sot”: Aty ishit edhe moderatore në
natën e dytë për fëmijë. Të pëlqen të prezantosh
emrat e këngëtarëve të tjerë, sidomos
këngëtarëve të vegjël, engjëjve, siç i quanit
ju?

Adelina Ismaili: Sikur të mos më pëlqente,
do ta refuzoja. Unë u kënaqesha duke punuar
me ata "sherra të ëmbël". Jo vetëm që më
pëlqente, por po ngopesha energji pozitive, të
cilën e rrezatonin ata. Ishin tamam engjëj. Ka
çmim në botë që shpaguan përqafimin e fëmijëve
të cilët më puthnin aq shumë atë natë?
Jo. Gjeja kënaqësinë te ta. Kjo ishte primare.
Dhe moderimi ishte improvizim, pa skenar, i
udhëhequr me shumë kujdes nga kënaqësia
ime dhe e Labit.

“Bota sot”: Kur jemi te festivalet, ka kohë
që ju nuk konkurroni ndokund. Pse?

Adelina Ismaili: E konsideroj pjesë të tejkaluar
dhe realizuar të karrierës sime. Kam mjaft
"hekura" dhe "plastika" në shtëpi (hahaha).
Besoj që jam dëshmuar në këtë
aspekt dhe nuk e shoh të arsyeshme
që të bëj kthim prapa. Në rregull,
unë kënaqem duke i parë kolegët
e mi, kur shpërblehen për
mundin e tyre, por ky është parim
i imi dhe vështirë e ndryshoj, edhe
pse çdo gjë është relative.


“Bota sot”: Tek shikoje kolegët
tuaj, ndjeje mall të ishte dhe ti në
një garë festivali? Në fakt, nëse
mund ta thuash hapur, për kënd
ishte vota e juaj në mbrëmjen e muzikës
zbavitëse?

Adelina Ismaili: Më e bukura ishte
që unë isha shikuese e rëndomtë e kolegëve.
Mund të duartrokisja, të brohorisja,
të ulërija për të gjitha që më
pëlqenin. Familja ishte në hall me mua,
si të më bënin serioze (hahaha). Harrova
në moment që edhe unë jam në atë
botë, dhe kjo ishte magjia. Kisha shumë
e shumë favorite, por fituan ata për të
cilët brohorita më së shumti.

“Bota sot”: Si një këngëtare që je prej
më shumë se 21 vitesh në skenë, edhe
në skena të ndryshme festivalesh, si e vlerësoni
edicionin e fundit të festivalit “Polifest”?

Adelina Ismaili: Siç e kam thënë, Polifesti
lansoi shumë këngëtarë në botën e show-biznesit,
të cilët debutuan aty dhe tani janë të
dëshmuar. Por ja që kam përshtypjen që këtë
vit Polifesti ishte më i realizuar se kurrë.

“Bota sot”: Kur jemi te aktivitet muzikore,
ju ditë më parë, pas 7 vjet mungese, ju rikthyet
publikut të Shqipërisë, në një koncert në
Sarandë, ku, sipas gazetave shqiptare, keni
pasur një pritje fantastike. Si ishte në të vërtetë
ritakimi me publikun shqiptar të Sarandës
dhe çfarë mbresa ju la ai publik?

Adelina Ismaili: Ndjenjë eksituese të
kënaqësisë, por dhe të mallëngjimit pse mungova
aq shumë. Në fakt, në Sarande po këndoja
për herë të parë. Ritakimi ishte shumë
më i mirë se që e kam menduar. Ok. Tirana e
njeh Adelina Ismailin dhe e di që nuk jam e
harruar, sepse do t'ua rikujtoja që me fjalinë e
parë. Por Saranda ishte histori në vete. Shumë
spektatorë as që kishin dëgjuar për mua,
kryesisht në mesomoshë. Por, kur po performoja,
ata xhironin, fotografonin dhe më vonë
vallëzonin së bashku me mua. E pyeta mamin:
"Mos ndodhi rastësisht dhe m'u shqyen
pantallonat që po shikojnë e duartrokasin
kështu?". Qeshën të gjithë, unë isha konfuze.
Në fund, filluam performimin gjallë të
këngëve të Shqipërisë Qendrore dhe polifonisë
së Jugut. Aty u arrit kulminacioni.

“Bota sot”: Atje ju kanë vlerësuar si “fenomen
të muzikës shqiptare dhe mbretëreshë të
pop muzikës kosovare”. Ç'do të thotë për ju
ky vlerësim dhe a është kjo një arsye më
shumë që t'i riktheheni atij publiku?

Adelina Ismaili: Epiteti "mbretëreshë e pop
muzikës kosovare" më bëri të skuqem mirë e
mirë dhe në skenë u ngjita me një fytyrë lulebozhuri
(hahaha). Kjo më bëri të mendoj për
ndonjë aktivitet në Shqipëri, por ka kohë që
ta mendoj dhe të mos e teproj. Dua të jetë diçka
që mbahet në mend. Momentalisht nuk ka
asgjë konkrete. Ia lë gjerat kohës, por e di çka
dhe sa dua të jap.

“Bota sot”: Është folur e përfolur për 'puthjen'
tënde me Gentën. Cila është e vërteta e
tërë kësaj historie, tashmë?

Adelina Ismaili: Genta numërohet ndër
këngëtaret e rralla që i kam shoqe të vërteta
në jetën private. Spontaniteti i afërsisë
shoqërore që e kemi, bëri që në atë xhirim të
vallëzonim pa komplekse, dhe në një moment
u përqafuam faqe me faqe në formë përshëndetjeje.
Si çdo femër normale, kur takon dikë.
Kam përshtypjen që dikush bëri montimin
e kuadrove dhe u lansuan si diçka e neveritshme.
Ai apo ajo që bëri këtë gjest pervers,
mund vetëm të ëndërrojë një gjë të tillë, sepse
po të duam, e bëjmë shumë më spektakulare
sesa ai montim i mjerë. Nuk mëdyshem
të tregoj, kur bëj diçka, por, siç shihet
dhe në videoprojekt, kjo gjë nuk ekziston.

“Bota sot”: Gjithashtu është përfolur
e interpretuar gjithqysh mungesa
e juaj e përnjëkohshme në skenë. Cila
është e vërteta e kësaj mungese?

Adelina Ismaili: Kam folur mjaft për
këtë gjë. Ishte vdekja e gjyshes sime
dhe nuk parapëlqej që të krijoj sensacione
të çmendura nga goditjet që
më jep jeta. Karriera ime bazohet në
skenë. Nuk e përziej me jetën private
dhe do të turpërohesha që të
luaja rolin e viktimës për të përfituar
fansa. Përkundrazi. Seriali
"Esmeralda" mbaroi qysh moti dhe
këto gjëra nuk pinë ujë tek unë. Privatiteti
im mbetet vetëm i imi.
Thashetheme gjithmonë do të
ketë, nuk ka askush nderin që unë
të merrem me to. Le të merren ata
që kanë kohë.

“Bota sot”: Jeni cilësuar përherë
si mike e ish-presidentit,
Ibrahim Rugova, duke qenë e
pranishme edhe nëpër aktivitete të
ndryshme të tij, sa herë që jeni ftuar.
Admirimin për të e keni shprehur haptazi
sa e sa herë. Është e vërtetë se
humbja e tij ju ka pikëlluar e goditur
shumë, duke e përjetuar si një humbje
të madhe?

Adelina Ismaili: Pikërisht! Vdekja fizike e
atij kolosi ishte një rrufe për mua. Por ndihem
krenare që isha, jam dhe do të jem përkrahëse
e doktrinës së Presidentit Rugova. Jam sikur
më se një milion shqiptarë që mbuluan
Prishtinën, kur ndërroi jetë Ibrahim Rugova.
Por adhurimi im bën që në asnjë moment të
jetës të mos luhatem as në mendime për diçka
që adhuroj. Pavarësisht nga vështirësitë jonormale
për këtë fakt, këto vështirësi më bëjnë
më të fortë. E di pse jam më se e hapur, kur
flas për këtë temë. Sepse historia do t'i tregojë
gjërat. Jam fatlume që jetova në epokën e
atij njeriu.

“Bota sot”: Dhe pyetja e fundit, ku dhe
me kë do t'i kalojë sivjet pushimet verore
Adelina?

Adelina Ismaili: Që do të veroj me familjen,
jam e sigurt, sepse këtë vit nuk do të lejoj që
punët të më privojnë edhe nga 10 ditë pushimi
veror, i cili më duhet qysh tani. Por dashtë
Zoti që t'ia lejoj vetes edhe ndonjë pushim tjetër
të vockël. Ku dhe si, mbetet pikëpyetje, sepse
as që mendojmë tash për tash në atë aspekt.
Kam shumë punë për të bërë. Dua vetëm shëndetin
dhe asgjë më shumë. Uroj që dhe kombëtarja
“Bota sot”, e cila ishte me mua në çastet
më të bukura, por dhe të vështira të jetës
sime, të ketë shumë fat dhe suksese!

Intervistoi: Violetë Pllana

[Bl3ri]

Adelina Ismajli

[Zevzeku]

No Comment...

[vrojtuesi]

No Comment...

Në dy tema për Adelinën ke postuar të njëjtën foto dhe ke dashur të japësh të njëjtin mendim duke e madhëruar të adhuruarën tënde.

Mirëpo me sa di unë kur jipet një foto e tillë dhe thuhet NO COMENT atëher mendimi të shkon dikah tjetër....

... KJO ËSHTË VESHJE PËR KLUBE NATE, STRPTIZ BAR ETJ.


P.S. Shikoje edhe këte video xhirim të Adelinës.

http://www.youtube.com/watch?v=u2FPmddD2ks&eurl=

[Zevzeku]

Ketu eshte e gjithe madheshtia e saj, o i madhi vrojtues. Nje Adeline Ismajli ka fuqine te beje temat sexy te duken absolutisht JO vullgare.Ketu eshte madheshtia e saj...Eh,tash qe ty te shkon mendja gjithkah,e pastaj te kujtohet qe duhet ti permbahesh rolit te nje "moralisti" te rrejshem,eshte problem i yti...Pa Comment eshte bukuria e saj...Ne cka po mendoje ti? Hihihihihi...
Sa i perket ketij xhirimi,per mua eshte asgje e jashtezakonshme,aksident qe ndodh.Cdo dite ne autobus shoh gra qe nxjerrin komplet gjinjte jashte per ti ushqyer femijet e vet dhe prap nuk reagon askush.Nje gje me duket interesant tek gjinjte e Adelines,si nuk u kujtua askush te thote qe jane te shemtuar (Kete gje e tha Adelina ne interviste lidhur me kete aksident i cili po shikohet shuuuume nga gjinia mashkullore).
Mos u bej mashkull tipik,shiko bukurine dhe menqurine qe jap natyra tek nje femer. (Nese di te perceptosh aq!)...Dhe...Pse hulumton e shkruan per Adelinen nese nuk e pelqen?
Mirembetq.

[Zevzeku]

Ushtrinë time do ta bëj me Adelina Ismailin!
Videoja e re e Adelina Ismailit "Mirëdita" është ndoshta përgjigja më e
drejtpërdrejt që këngëtarja i ka kthyer shtypit, publikut dhe fansave të saj që prej këngës "Ushtrinë time do ta bëj". E sulmuar prej disa vitesh dhe e krahasuar me pothuajse çdo këngëtare të re që ka dalë kohëve të fundit në Shqipe, Adelina në "Mirëdita" këndon:

Duke ju referuar thashethemeve në shtyp:

Gjithçka dëgjoj e gjithçka lexoj/
Nuk di me as çka të besoj/
Çdo ditë e re më duket njësoj/
Veç kur këndoj krejt i harroj...

Duke ju referuar 1001 përgënjeshtrimeve që i është dashur të japë në media rreth këtyre thashethemeve:

...Ndoshta duhem më pak të mendoj/
Më shumë të k'naqem e të vallzoj/

Prej vitesh lajmet në lidhje me Adelinën kanë qenë shpesh herë bombastike dhe disi negative, e rrallë herë është shkruajtur (siç është shprehur ajo në intervistën për OH!SHQIPE vjet) për aktivitet e bamirësisë ku ka marrë pjesë apo lajme të tjera rreth sukseseve të saja:

...Shumë ujë i turbullt nën urë po kalon/
Asgjë e mirë më nuk është sensacion/
Nuk di pse kjo gjë nuk më befason/
Por çdo ditë k'naqem se shpirti m'këndon

Prej kohësh e krahasojnë me çdo këngëtare të re që ka dal në skenën e muzikës shqiptare, shpesh herë me dëshirën për ta parë më poshtë, por pa mundur dot. Pavarësisht nga disa gabime në karrierën e saj, Adelina ka një bazë fansash vërtet të fortë e nëse keni ndonjë dyshim ajo ju thotë:

...Mbes siç kam premtu/
E njejtë si gjithmonë/
Sepse unë të du/
Me kët nuk mbaron, por prap po fillon/
Se jeta vazhdon, rrugën ma tregon/
Me mua kënga jeton!

Videoja në përgjithsi është ok, ajo çka më pëlqen më shumë është look_u i miksuar i Adelinës, sidomos pamja prej rrokstari...e egër ...Hot Hot Hot!
Pjesa më fiksim në video?
Minuta e 3:01 kur i futet Kung Fu atyre dy hajdutëve hahaahhaha sa kam qesh.
Gjithashtu dhe minuta 1:07 MOS MË KEQKUPTONI lol, veç më kujton një fragment nga Austin Powers...I mbani mend ato modelet.

ohshqipe.com

By Elbino

[Bl3ri]

Eshte per tu habitur fakti qe edhe sot e kesaj dite Adelines nuk i del afati , gjithmone eshte IN , ne trend me kohen , atraktive dhe gjithmone e ben publikun per vete .
Ku mban organizime Adelina sallat jan mbushur plot .


Unikate je Adelina Ismajli e pazevendesushme

[Blue_sky]

E paska kapur dhe Adelinen vala e modernizimit mbi-emeror; nga Ismajli e paskan bere Ismaili.

Adelina me ka pelqyer perhere dhe kjo jo per ndonje talent marramendes por per faktin qe s'ja ka ndjere fare per tabute shqipetare qe madje dominonin/dominojne dhe fushen e kenges.

[Bl3ri]

Une me sa di Adelina gjithmone e ka pas mbiemrin Ismajli dhe me pelqen ky mbiemer sdi pse vetem ashtu kot me duket eshte shume i mire , sme pelqen kur dikush e shkruan Ismaili ,

Pajtohem me mendimin e Blue_sky , pastaj eshte Unikate